|
مصروف الزوجــه ..؟!!
السلام عليكم كل عام وأنتـم بخير " بعـد الزحمـه" :d يا اخوان ويا اخوات الموضوع مشــاركه لكل المتزوجين أبـي كل أخ وكل أخت يشـاركون في الموضوع وكل متزوج يقـول كم يعطي زوجته مصروف شهري وكل زوجه تقول كم يعطيها زوجها مصروف ..؟؟ انا لسى متزوج لي ثلاث شهور واعطي زوجتي " 500 ريال " شهرياً وهي طبعاً ماتقول شـي بس تخلص قبل نهاية الشهر بحكم العيد والعزايم والزواجات بس ما ادري هل هي تكفي خصوصاً ان ماعندنا عيـال او ازيدهـا ويا الله نبي منكم المشـاركه والتفاعل عشآن تعم الفائــده :25: |
انا بالنسبة لي ولأني أعمل
فالجيب واحد يعني اذا نقص مني اخذ.. واذا نقص منه ياخذ مافي عندي شي اسمه مصروف محدد.. محفظته قدامي واخذ وقت ما ابغي اللي احتاجه :) |
.
. المصروف يختلف حسب متطلبات الزوجة ودخل الزوج .. |
انا موظفة واعتمد على نفسي في المصروف ولم اجرب اطلبه او ان يعطيني
بس اعتقد انها كافية دون مناسبات500ريال وعند المناسبات زدها |
اخي كم يطلع 500ريال بالدولار انا بالنسبة لي ماعندي مصروف محدد كلما اطلب منه يعطيني
|
بصراحه انا استغرب من اللي تطلب مصروف خاص من زوجها مو هو متحمل كل شي
انا عن نفسي ما اخذ شي زوجي الله يحفظه لنا ما يقصر بشي على البيت ولما ابغى شي ما يتأخر فماله داعي انتظر آخر الشهر عشان المصروف هذي وجهة نظري وكل وحده ولها وجهة نظر أخرى وسلام للجميع |
أختي الهدى واحتيااجاااتك الخاااصه؟؟؟؟
يقضي للبيت وطلباات البيت فقط؟ طيب ماتحبي يكون معك فلوس تصرفي منه يوم يكون هو في الشغل واذا جااك طرف طااري ايش تسووي؟ 500 مناسبه جدا بمااا ان احنا بالغربه زوجي يعطيني بشهر تقريبا 1500 بوند استرليني يعني حواالي3000دولار عاد بريااال اخاااف تقتلوني:) بس اصبرو هذي 1500بوند اقضي لنفسي وللمطبخ واكل الاطفااال زي كذااا واذا نقص اطلب بس غالبا ماينقص يزيد الحمدالله اروح اشتري فيه اشيااء ناااقصتني:) |
مصروفها الفين ريال والمطاعم مليون ريال بس ما يبين بعينها ...
|
الحين أنت تعطيها 500 ريال بما فيها فاتورة الجوال ، ولا فاتورة الجوال عليك ؟
|
[
QUOTE=ازواج ولكن;2240472]مصروفها الفين ريال والمطاعم مليون ريال بس ما يبين بعينها ...[/QUOTE] [align=center]عجبني ......ردك .... وتوقيعك....[/align] :17::17::17: |
500 مناسب شهريا
لكن اذا كان هناك مناسبه ممكن تظطر اكثر وأفضل ان الرجل يعطي زوجته مصروف لان ممكن تحتاج اشياء وتخجل تطلب منه |
اقتباس:
لا الفواتير علي |
مشكورين على المرور وانتظر المزيد من الردود
|
أنا أعتقد ليس هناك داع لأن يعطي الزوج زوجته مصروفا شهريا وإلا أصبحت خدامة وليست زوجة
-ممكن إذا ذهبت للسوق يعطيها المبلغ الذي تريد هي -أو كان هناك مناسبة للزوجة أو عند أقاربها شيء ما كمناسبة زواج أو نحوه وتريد المشاركة فيجب على الزوج أن لايبخل على زوجته -أو إذا أرادت السفر لأهلها إذا كانت من خارج المنطقة -أو مناسبة ولادة وووالخ وما شابه هذا أما المصروف الشهري أنا أرى أنه ليس له داع لأن الزوج هو المسئول عن جميع امور البيت من اكل وشرب واجار وملابس للزوجة ولابنائها الخ هذه وجهة نظري وأنا (عزابي) فلربما تتغير نظري بعد الزواج لكنني الآن مقتنع بوجهة نظري ففيه من يؤيدني وفيه من يعارضني |
بصراااحه
هالحريم يحبو يظلمو بعض يعني الحين رجااال يدللك ويعطي مصرووف شهري ماترضيه لنفسك؟؟؟؟ يدلكلك ماترضيه لنفسك؟؟؟ يعني لو الرجال يتكلمو ويقولو احنا مانأيد!!نقول اوكيه عشنهم رجااال ويخاافو على المصااريف ووووالخ اما انتي يا مرأه وش بينقص منك غير انه يزيدك دلال وتحسي بحريه وبامكااانك تجيبي اللي يعجبك بدون ماتطلبي زي الطفله لما تروح المدرسه واساسا هذا واااجب عليه يعني يعطيني مصروف ويأكلني ويشربني بداااال ابوي هو ليش تكلف بي؟؟؟؟ وش معنى ابوي يعطيني مصروف وهو لا؟؟؟؟ سبحاااان الله هالحريم تبغااالهم الخييييير مايوقفو يد وحده لا متناااقضين!!!! هما كذا يحبو الذل حسااافه بس اني منكم:( الغلب اللي مايأيدو للأسف مرأه طيب لمين مو لك الحمدالله وشكر بس:( |
ماادري احس مايكفي لان الحين ولله الحمد كل شي عندنا غالي بالسعوديه:29::29: يعني لو بتروح ابو ريالين بتدفع مية مية وشوي فما بالك اذا راحت السوق
او حبت تجيبلك هدية او تسوي لك مفاجأة:23: بصراحة مارح تكفي انت اعلم بزوجتك وصرفها اخوي اسألها وشوف اذا تكفيها انا بالنسبة لي مااخذ مصروف كل فترة يعطيني هو وان بغيت اطلع السوق يعطيني بس احس لو يعطيني خمسمية للشهر كلة مارح تكفي:( |
شوف مصروف تعطيها اريح لراسك عشان ماتقول ظلمتني وتفتك من الحنه وعلى فكره لو ما عطيتها مصروف بتاخذ هي منك بدون ماتحس اكثر من الفين
فاحسن لك سبعميه عال العال |
انا ما اخذ من زوجي مصروف لأن كل حاجة هو يدفعها حتى اذا صرنا بالسوق الا اذا جلست عند اهلي يومين ثلاثة يعطيني حسب الايام
|
.
. . في نظــري 500 ريال تكفي في الحاله العاديه ( بدون مناسبات كبيره كالاعياد او زواج قريب ) اذا كانت لوحدهــا.. اما من كانت معها اطفــال ( كحــالتي ) لاتكفي بتاتـــا ... . . . |
اقتباس:
أنا أعارضك أخي الكسائي ولإول مرة .. الان في زمننا هذا أصبحت المصاريف كثيره وخصوصاً الرسميات التي كادت أن تقتلنا فمثلاً لو أردت أن أشتري لزوجي هديه .. أو أعزم زوجي في مطعم .. هل أقول له ..لو سمحت أبي فلوس أبي أعزمك .. أو أبي أشتري لك هديه العيد !!! طبعاً ممكن تقولي إذا أعطاك وأنتي نازله للسوق أستقطعي مبلغ له .. أقولك أكيد أنه راح يعطيني مبلغ معقول لاغراضي وأتوقع ينقص ولايزيد .. طبعاً المصروف الشهري يفك هذه الازمه أيضاً الرسميات وهدايا الحبايب .. فلانه تزوجت لازم هديه ..فلانه ولدت لازم هديه .. فلانه سكنت بيت لازم هديه ..لوكان هناك مصروف شهري لعرفت تنسق وأستغنت عن ألتزماتها بحجه تقديم الواجب وخصوصاً إذا كانوا من طرف أهلها أكيد راح تنحرج من كثره الطلبات ... صحيح مو كل شهر تقديم واجب ..لكن ممكن نجلس 6 شهور بدون مناسبات .. وتأتي لنا 3 ألتزمات في شهر واحد .. مثلاً أغراض عيد + هديه مولود + ملابس شتاء فاأنا من وجهة نظري أن المصروف الشهري لابد منه .. تقبل معارضتي .. فاأقول لصاحب الموضوع أن 500 ريال معقوله جداً حيث أنكم بلا أطفال ... وأنا مع الاسف ليس لي مصروف شهري .. ومعاناتي في ردي على أخونا الكسائي .. |
على حسب أحتياجات زوجتك أعطيها المصروف ؛يعني ممكن تسألها كم تكفيك
انا وجهة نظري مو كل النساء تحتاج مصروف يعني أنا مثلا ماأخرج من بيتي إلا مع زوجي وكل متطلباتي مهما كانت بسيطه يجيبها لي والدليل أنه أعطاني 500 ريال قبل رمضان وإلى الحين ماصرفتها كل حاجه اشتريها يدفع حقها هو بس طبعا لو يعرض علي مصروف شهري مابقول لا :25:خلينا نجمع:22: |
المبلغ مناسب بما انك تدفع الفاتورة يعني هي مو كل شهر بتشتري ملابس وعطور وهدايا
بس اذا صار فيه مناسبات زيدها وعطها اللي تحتاج .. والله يسعدكم انا اكبر معاناتي ان زوجي رافض فكرة المصروف والمصيبة اذا طلبته يقول ماعندي :( |
أنا أؤيد فكرة المصروف للزوجة و أحس 500 ريال قليلة في حقها بما أنها لا تعمل و بسبب أزمة الغلاء التي نمر بها
ال 500 صارت زي الخمسين تطير بسرعة ..... فإذا زودتها إلى ألف بناء على ظروفك و التزاماتك المادية الأخرى فصدقني راح تكبر في عينها كثيررررررررر و تقدر هالخطوة كثيررررر و تتفانى لك أكثر لأن المراة بطبيعتها تكره الرجل البخيل و تعشق الرجل الكريم الذي لا يقصر معها بشيء |
انأ ماأيد سياسة المصروف الشهري للزوجة لسبب بسيط احيانا يمر الشهر ماتحتاج هالمبلغ وشهر ثاني تحتاج الدبل :)
بإختصار افضل طريقة سياسة الجيب المفتوح يعني خلها تاخذ متى ما احتاجت بس علمها دايما انها تراعي ميزانيتك والإدخار لمستقبلكم ومستقبل عيالك،وهذه الطريقة ميزنها انك انت وزوجتك تتبرمجون على حدود معينة للصرف،بعكس المصروف الثابت اللي يمكن تنزنق في شهر وماتقدر تعطيها إياه وعاد خذ مشاكل بعدها. [هالموضوع بيفتح ابواب مسكرة على بعض الرجاجيل،وبيدعون عليك :)] |
8
8 اذا ماحتجت شي عادي اترك المبلغ لوقت الحاجة اعرف وحده زوجها يعطيها مصروف وكلما تجي مسافرة لاهلها يعطيها مبلغ للعيال لانها ماتحب السوق كثير فاذا راحت لاهلها تقضي ملابس وشغلات تكفي لفترة طويلة بعد فترة احتاج زوجها مبلغ ومرة كان مزنوق تخيلو طلعت له 20 الف ريال وكلها كانت هي تجمعها اذا زاد المبلغ تحطه وتسكت وطلعته بوقت الازمة ونفعهم بالعكس سياسة المصروف هذه جدا روعه وكل واحد يحدد المصروف على قد راتبة وال500 ريال حلوة كحد ادنى والله يوفق الجميع |
اقتباس:
|
انا مااخذ مصروف شهري .... بس صراحة اطلع مع صديقاتي كثير ولايقصر معي يعني في كل طلعه يعطيني 200 او300 ريال .... يعني يطلع لي في الشهر حوالي 1000 ريال اواكثر .... ولمااقوله عطني اياهم مرة وحده يقول لا كذا احسن ...
وموعارفه صراحة احسن له او لي ؟؟؟؟؟ لكن اكيد في المناسبات الفلوس تتضاعف والله يعين على المصاريف .... فاذا زوجتك مومن النوعيه اللي تطلع كثير ولاتطلع لحالها اتوقع يكفيها 500 بدون عيال وبدون طلعات.... وطبعا في المناسبات كالاعياد والزواجات يتضاعف المبلغ ... |
تصدقوا أول زواجى ما كنت بأخد مصروف أصلا.....زوجى ما هو بخيل او شئ بس هو كان شايف ان الزوجه ما فى داعى يكون معاه مصروف طالما ان زوجها مكفى البيت وانا مكنتش بسأل لانى عندى فلوسى الخاصه
لكن بصراحه بعد كده حسيت انى لازم شعر انى متزوجه وهو يصرف عليا .....لانى كنت بستحى أطلب منه انا بجيب حاجياتى من نقودى الخاصه قالولى بعد كده انتى هبله هههههههه و ما فى حد زيك اليوم البنات كلهم بياخدوا من زوجهم مصروف وانتى بتدفعى فى البيت من فلوسك طلبت منه مصروف شهرى وأعطانى والى الان يعطينى وصراحه حسيت ان كده أحسن لان الرجال قوامون على النساء بما انفقوا |
انا ماعندي شي اسمه مصروف شهري
تبغي شي آمريني ومن عيني ذي .. قبل ذي واذا طلعنا انا وهي اشتري لها اللي تآمر عليه لو بكم ماكان كذا احسن تقبلو مروري |
اقتباس:
رأيي مثل رأي بعض الأعضاء ،، ما أؤيد المصروف الشهري أبدا .. وجربته فترة ماجاز لي الأصل إن الزوجة إذا بغت شي تقول لزوجها وبس .. وأتوقع فكرة المصروف تناسب مجتمعات ثانية لأنهم تعودوا الرجال يجي يحط راتبه بيد زوجته تتصرف فيه وتتدخر منه، وحتى إذا بغى يعبي بنزين جا أخذ منها وهي الي توصيه وتعلمه الاقتصاد بعد !! |
وش الفـرق ..؟!! سواء بـمـصــروف شهري أو فـسـحـة حسب الطـلب ....:d الجـيـب واحـد، والدافــع هــو الزوج ، والأكـل الشارب الزوجـة ...:(<<<<عليها بالعافية...:) لـكـن اشوف ان الزوج يجـرب انه يـعـطـي زوجـتـه مصـروف شهري لمدة معينة علشان يشوف كيف تدبـر وتصرف الفـلوس اللـي عـنـدهـا....وإلا الفسحـة احسن لها .....:d :d عزوبي:21: بس:d رجل:30: |
في راي ممكن تزيدها مبلغ بسيط يجوز هي محتاجه زياده بس ما تخبرك
فيها نوع من الاحراج انها تطلب زوجها عن نفسى اعمل واصرف لنفسى ولما تخلص فلوسى بامانه استحى اطلب زوجي اذا عرف انه ما عندي ما يقصر ابد ويعطيني - |
اقتباس:
انا اقولك شئ انا من اول ما تزوجت وانا قلت لزوجتي بصراحة انا ابي اشتري بيت قالت الله بييييييييت مره وحده , خلاص جب دفتر الشيكات يكفيك مليون ولا ازودها لك تستهبل قلت لا بس صراحة انتي تشترين بالسوق واعطيك كل ما تحتاجين احياننا تصير 700 واحياننا 1500 واحياننا 2000 ريال قلت لها لك 1000 بالشهر ولا لك غيرها والفواتير علي وخلصنا على كذا وانا علي اجمع حق البيت من باقي الراتب بعد بعض الخصميات الان خلاص هي عارفه ميزانيتها وتتصرف وتشتري بناء عليها يعني بلوزه ب 150 حلوة وسعر معقول بالسوق هالايام وتحصل ثانيه افضل ب 300 ريال بتقول لا زوجي عطاني 1000 لازم اختار الأفضل والأرخص علشان يبقى معاي فلوس وفعلا وازنه نفسها من حطيت لها مصروووف استثناءً الأعراس والأعياد أزودها واعطيها 1500 بداية الشهر واقولها تراها مع اغراض العيد او 1000 ريال وتقول فلانه عندها عرس على طول افهمها وازيدها 500 الان ميزانيه ماشية على الصراط المستقيم وحساب التوفير مافيه بطاقة صراف واستقطاع شهري محدد وعلى هالميزانيه كلها 6 سنوات ان شاء الله واشتري بيت اما تجلس تطلع للسوق عطني فلوس اعطيها 300 وعقبها بتعشى مع اهلي 100 وعقبها بنروح الملاهي 200 عقبها بنشتري حلا او خلافه 150 بروح السوق ثانيه 300 ما كفتني اول مره زودها تعطيها 500 خلاص تجمعها تعدت الميزانيه المسموح فيها ولي عتب ان الزوجة لما تعطيها مصروف ما تشبها بالخدامه انت ما تعطيها راتب شهري لقاء خدماتها انت تعطيها حق كسوتها ومصاريفها الشخصية وخلافه .... اولادك تعطيهم مصروف يومي هل هم خدم عندك ايضاً وهذا اللي يخليهم يوزنون انفسهم بناء على المصروف اللي تعطيهم تعطيهم خمسة ممكن يصرف 3 ريال ويبقي ريالين للحصاله لكن لو يقولك بابا ابي البقاله وتروح ويقش لك بالحلويات ب 15 انت ما تفرق معاك 15 بس بعد يومين البقاله والبقاله واخر الشهر انت صارف 300 ريال على هالبقاله دبل مصروف الولد والمراه نفس الشئ لو ما تعطيها مصروف وحد للميزانيه تزيد بتزيد بالمصاريف |
كلامي موافق لكلام عاشق الجواهر
يعني انا راح اعطي مصروف لزوجتي علشان اخليها تعرف تتصرف في المال..وتعرف قيمة الريال لكن للأسف فيه نساء مبذرات تشتري اشياء غير ضرورية يعني اعرف وحده تشتري فستان بـ 2000 او اي مبلغ وتلبسه مرة واحدة وترميه بالزبالة يعني ما تلبسه مرة ثانية ليه لأن هذه المراة زوجها يعطيها ولا يسألها عن اللي تشتريه وهي ما قدرت زوجها ولا شكرت النعمه ... عساها للعمى لكن المصروف الشهري ممتاز ان عن نفسك ياصاحب الموضوع تقول اعطيها 500 هذا يعني ان زوجك كل شهر ربما تشتري ملابس واغراض ووو لكن انا عن نفسي ابعطيها نصف ما تعطيه لزوجتك والاكل والشرب واغراض البيت علي لكن اللبس قلت لها..لاتشترين إلا وقت الحاجة وماله داعي كل اسبوع ننزل لمحل معين علشان تشترين يكفي انك تشترين وقت العيدين والمناسبات والحفلات وبس دمتم بخير |
هناك فرق بين المصروف و بين ايداع بنكي في حساب الزوجة ، فكما يفتح الاب لابنائه الصغار حسابا في البنك للزمن فانه يفعل ذلك لزوجته ايضا ، اما مصروفا شهريا بمبلغ محدد فلا ، فمصروف البيبت كله في الدرج و تحت تصرف الزوجة و بجانبه نوته من ياخذ شيئا من مصروف البيت يسجل ذلك في النوته و يسجل ماذا سيشتري به ، اذا فما الداعي للمصروف اذا كان مصروف البيت كله تحت يدها.
|
بصراحه 500 ياخوي ماتكفي شي ابدا ...... عن نفسي اشتغل واذا احتجت اطلب منه عادي بس قبل لا اشتغل ماكان عندي مصرف كل مابغيت طلبته وعطاني
الله يخليه لنا |
اقتباس:
|
اقتباس:
طيب حضرتك مع ردك ده تقول ايه فى زوج لا يصرف على الزوجه وهيه المسؤله عن ملبسها ومصاريفها كلها حتى الاطباء لو مرضت مسؤله عنهم هى اللى تدفع من مالها الخاص .....برضه كده بتقسم ظهر الزوج ومش من حقها مصروف حتى عشان تشعر انها ليها زوج يحميها ويعطيها مصروف حتى اذا كان هذا المصروف مبلغ رمزى ....بس بيكون ليه قيمه كبيره قوى عندها معذره لكن مكنتش تزوجت بقى وخلاص طالما انها كده كده متكفله بنفسها ...الحاله اللى بقول لحضرتك عليها بشوفها قدامى يعنى حاله من الواقع... وبعدين اعذرنى حضرتك بتتكلم عن امراه كل ما تسأل زوجها انها تريد شئ بيعطيها وبيشترلها هذا الشئ ....ومع ذلك بتطلب مصروف !!! حضرتك تقصد مرأه مدلله مش الحالات اللى انا اقصدها لكن برضه هارجع واقولك الزوج مهما كان من حق المراه عليها انه ينفق عليها ...اكيد بأعتدال ومش بقسم ظهر ولا حاجه لكن برضه الرجال قوامون بما انفقوا .وأكيد الكلام ده صح...وألا مكنش ربنا قاله فى كتابه الكريم لو حضرتك عازو تعرف مين اللى بينقسم ظهره بجد ...معلش شوف المرأه اللى بتعمل جوه البيت وبره البيت فى العمل وبتربى وبتساعد الزوج فى متطلبات الحياه ويمكن بتبنى معاه هذه الحياه ايضا ....وبعدين فى الاخر تقول بتقسم ظهر الزوج معلش هذا ظلم فى حق المرأه |
بحس المصروف ما الو داعي لشو المصروف هاد حكي فاضي وانا مع الاخ الكسائي برأيه
بالنسبه الي الي 4 سنين متزوجه ما عمري طلبت شي لانو زوجي مو مقصر معي بشي واي شي بطلبو بيكون موجود حتى لو بدي ايا شي شخصي او اذا بدي اشتري هديه ما بيقصر معي بشي شو ما اطلب.... شغله المصروف من الزوج بحسها مو حلوه ما بعرف هاد رأيي..طالما الزوج مو مقصر بعدين افرض انا لو اخدت مصروف وصار معي شغلات طارئه مين الي رح يغطي المصاريف طبعا الزوج |
و الله هالسؤال يوجه الى زوجتك فهي اعرف باحتياجاتها و هل يكفيها المصروف ام لا؟
اذا كان ما يكفيها و عندك قدرة تزيدها فزدها .. ام اذا لم تقدر فاشرح لها ضروفك عموماً انا من المؤيدين بشدة للمصروف الشهري للموظفين لانه يساعد الزوج على ضبط مصروفاته الشهرية بما يتناسب مع دخله كما انه يجعل الزوجة عملية اكثر في الشراء و الصرف فتعرف ماذا تشتري و متى و يساعدها على ترتيب اولوياتها. |
| الساعة الآن 04:07 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©