|
متزوج وتعرفت على فتاة فرفضني اهلها
السلام عليكم ورحمة الله وبركاتة
وكل عام وانتم بالف خير وشهر مبارك اول مره في حياتي اعجز عن حل مشكله تخصني واول مره اشارك في منتديات اخواني مشكلتي هي اني تعرفت على بنت في قمة الاخلاق ولادب واسمريت معاه ثلاث سنوات وحبيتهاحب جنوني وهي نفس الشعور ورحت وخطبتها بس ابوهم رفض لاني متزوج وحاولت معاه بس معند لان امها رافضه بشده مع ان ابوها معجب جدآ فيني بس امها مو موافقه ورجعت لهم ثلاث مرات بس كان الرفض هو الجواب مع العلم اني ما كنت اعرف اهلها سابقا بس رحت للمسجد اللي ابوها يصلي فيه وتعرفت عليه معرفه مشي حالك وخطبت بس ماوافق وانا الحين احس ان الدنيا على صغيره بكبرها وارجوا عدم التجريح والنصائح لاني عارف اني غلطان من البدايه بس والله اني ناوي من قبل ما اعرف هذي البنت اني اتزوج وحده ثانيه بس ما لقت البنت اللى تناسبني وجات هذي البنت في طريقي وحبيتها وهي عشقتني والمسأله اقدار بس قلبي متعلق فيها وهي بعد والمشكله انها تعاني من صمام في القلب وهذا زاد خوفي عليها لان ابوهم البارح كلمها عن خطاب وقال هذا رقم12 وانت كل ما جاء واحد تردينه وهذا ما تردينه الا اذا كان فيه عيب والصدق كلهم ما ينعابون بس ردتهم علشاني وانا الحين والله اكتب هذي الراسله وانا ضايق صدري والدنيا ما توسعني احس اني بختنق ارجووووووووووووووووووووووووووووووكم شوفوا لي حل *الاشراف/ تم تعديل العنوان ليناسب المضمون |
والله ماادري .. الصراحه صعبه انهم يوافقون وانت متزوج
انزين ليش بتاخذ ثانيه !! اذا الاولى فيها شي اشرح لام البنت اللي تبيها الاسباب يمكن يحن قلبها عليك وتوافق وطبعا البنت بعد لازم تعمل جهدها لانها تعرف امها اكثر وتعرف طريقه تفكيرها ونقطه ضعفها وفي الاول والاخير الاهل مايبون الا سعاده عياالهم |
اذا كان الرجل يبحث عن البكر حتى لوكان متزوج فما بال الفتاة البكر من حق اهلها يبحثون لها عن رجل لم يتزوج ويكون لها وحدها
ارجع الى بيتك واصلحه وعليك بالصبر وسوف تنسى |
يا شينكم يالحريم اذا قال الرجل بتزوج الثانيه قمتو عليه يا عزيزي حاول توسط احد في الموضوع وتزوج الثانية الله يهنيك حتى لو مافي زوجتك شي من حقك تتزوج اذا تشوف انك محتاج لزوجة ثانية
|
زواج مبني على علاقة في الغالب ما ينجح, خصوصا لك 3 سنوات معها !
انصحك تدور غيرها.. |
اخي المحترم جدا
هل معرفتك لها عبر الشات او الهاتف بس عشان ودي الاحظ زوجي |
نسيت ان اوجهك
يا اخي امها مره صاحيه لان المثل يقول لا تاخذين عشيقك ولا ترجعين لطليقك وهي ابخص بدروب بنتها البريئه |
يا اخي امها مره صاحيه لان المثل يقول لا تاخذين عشيقك ولا ترجعين لطليقك
.................................................. ............................................. رهيييييييييييييييييييييييب بقوه هالمثل انا معاك زواج العشق لايدوم ................وبما انها مريضه الله يشفيها شكلك متعاطف معاها ومستحيل يكون عشق هذا عطف ................اتقي الله وترك البنت بحالها |
السلام عليكم ورحمة الله وبركاتة
ولا اود شكر الجميع على الردود لان هذا يدل على نفوسكم الطيبه اللى ودها تساعد الناس ثانيآ الاخ زماني ودي اكلم امها بس صعبه احنا في مجتمع لا يقبل مثل هذا التصرف واشكرك على هذا الراي والاخت سحابة الصحراء انتي قلتي من حق الاهل يدورون لبنهتم لواحد عازب وما قلتي من حق البنت وعلى فكره البنت عارفه اني متزوج وراضيه وودي بس اوضحلك شي العازب او المتزوج ما بينهم فرق كلهم رجال بس الفرق قي الاسلوب والمعامله الحسنه ولاخلاق وطريقة التفكير وكل رجال يختلف عن الثاني مثل عالم النساء كل وحده غير عن الثانيه في كل شي تقريبآ ويمكن متزوج خير من عازب ويمكن العكس وانا ما اقصد نفسي في هذا الكلام والحمدلله زوجتي مؤدبه وعاقله وخلوقه وجميله بس يا اختي في اشياء لا تعلمها الناس عنك وخصوصآ اللى بينك وبين زوجك وحتى اقرب الناس والواحد مايروح يتزوج على زوجته كره لها او بغض او ان فيها عيوب او انها اخلاقها شينه لكن في اشياء ما تستطيع ان توفرها الزوجه لزوجها والامثله كثير مثل ما تعرف تدلع ما تعرف تتفاهم ما تعرف تطبخ والاشياء كثيره مثل ما قلت في الاول كل وحده تختلف عن الثانيه وقيسي عليها الااشياء الاخرى التي لا يعلم عنها الا الزوج والزوجه الرجل لا يهدم بيت قائم علشان ان الزوجه منقصه عليه بعض الاشياء ولذالك شرع الله للزوج ان يتزوج وارجعي للآيه وانتي تشوفي ان الله ما شرع الزواج بأكثر من وحده الا لوجود اسباب كثيره وكلمة النسيان سهله بس صعبه على اللى في مثل هذا الموقف ويمكن اتناسى لا من المستحيل انسى واصعب حياة تلك التي تعيشها على الذكريات.................. والاخ مشاعر رجل اشكرك على حماسك لي وحقيقه اني محتاج لزوجه ثانيه بس انت شوف لي حل الاخت عيون لولي كل شي في الحياة معرض للنجاح او الفشل وانا لو بدور غيرها ما كتبت ابي حل وساعدوني كان رحت وشفت غيرها ولا من شاف ولا من درى بس يقول المتنبي عذلت اهل العشق حتى ذقته فعجبت كيف يموت من لا يعشق وعذرهتم وعرفت ذنبي أنني عيرتهم فلقيت فيه ما قد لقوا الاخت ورد وذبل الله يهديك لا تفتحين درب للشك في زوجك لانه دمار لكل اسره وترين الواحد لو يبغى يتعرف بكل سهوله والحين في بنات يطاردون الشباب لاحول ولا قوة الا بالله والله يهديك مو كل مثل ينطيق على كل الناس لان حياتك تختلف عن حياة شخص ثاني وانتي لك ظروفك والانسان الثاني له ظروفه ومو كل مثل ينطبق على الجميع الاخت الجوهره اوجه لك نفس الكلام مع بيت الشعر اللى للمتنبي وعلى فكره انا ما دريت انها مريضه الا بعد ما حبيتها وعشقتها وانا متقي الله لان لو كنت غير ذالك كان لعبت عليها وتسليت معاها مثل مايسوون بعض الرجال ولا كان قلتلك ابي حل وساعدوني لاني ابغاها حلال مو حرام وشكرآ لكم جميعآ اتمنى من الاخوان والاخوات اللى عنده حل يقول واللى ماعنده انا كتبت بدون تجريح او نصائح لان كل شي صار وانتهى ولا ينفع لو كان ولو كان والسلام عليكم ورحمة الله وبركاتة |
يااخي اتق الله واترك البنت في حالها وزجتك تعرف شئ زوجتك عندها فكرة انك تبغي تتزوج عليها ارجوك فكر في الموضوع وفي الحديث الصحيحاذا اعجبه احدكم امراة فلياتي اهله فان اللذي معها مثل اللذي معها اتق الله
|
والله يا اخي العيوب التي ذكرتها في زوجتك ليست عيوب ، لان هناك عيوب يمكن تغييرها و عيوب اخري لا يمكن ، و نفصل ما ذكرت :
ما تعرف تدلع : علمها كيف تقوم بذلك ، احضر لها الملابس التي تحب ان تراها فيها حتي لو كانت بدلة رقص ، علمها الكلمات التي تحب ان تسمعها منها ، علمها كل ما تحبه ، يا اخي الفاضل اني اتعجب لرجل لم يري او يلمس امراة عارية قط الا يكون سعيد اذا اتيحت له الفرصة لذلك . ما تعرف تتفاهم : الم تعلم عنها ذلك قبل ان تتزوجها ؟ ، لماذا لا تحاول ان تثقفها و تعلمها ؟ ، لماذا لا تعطيها كتب لتقراها و تزيد ثقافتها ؟ ، لماذا لا تفتح معها حوارات و مناقشات لتزيد معارفها و مداركها ؟ ما تعرف تطبخ : الم تعلم عنها ذلك قبل الزواج ؟ ، لماذا لا تعلمها الطبخ ؟ ، او تستعين بمن يعلمها ذلك من اهلك او من عائلتك او من عائلتها ؟ اما عن حل مشكلتك في رغبتك بالزواج الثاني ، فانصحك ان تعطي مزيدا من الاهتمام لزوجتك و ان تبذل مزيدا من الجهد لايقاظ الحب المخدر لديك تجاهها ، و ان تترك موضوع الفتاة التي احببتها للظروف ، فلو شاء الله لتزوجتها . |
عفوا .. تم نقله للقسم المناسب.المقبلين |
ثلاث سنوات علاقة وبدون أي مسوغ شرعي , طيب كيف تأمنها بعد ذلك وهي خانت أهلها وعصت ربها ..
وانت الله يهديك أي كرامة لديك تجعلك تعود لنااس رفضوك , مدري كيف نفوسكم هينه عندكم .. وبنات حواء كثير وروح تزوج الثانية والثالثة وما عليك من أحد .. |
والله فعلا خانت اهلها3سنين ماتبغاها تخونك كيف ترضى على نفسك تاخذها
|
اخي انت من الممكن تكون الشعور واحاسيس ده فاقدها مع زوجتك لدلك اتجهتي لبنت اخرى وحبتيها انا معاك ممكن انك تحبها وتزوجها بس لازم تصارح زوجك وكمان مش عيب الراجل يتزوج مرة ومرتين وده مدكور في القران الانسان ممكن يتزوج اربعة بس لازم يعدل بيناتهم وكل واجد يدلهم حقوقهم ان شاء لله لوكانت نيتك حسنة في البنت ده حاول مجددا مع عيلتها اقلك شئ الحياة هنعشها مرة واحدة ولازم الواحد يعيش مع من بيرتاح الو ويحبو بتمنالك اخي كل السعادة
|
من ترك شيئا لله عوضه الله بخير منه
اتق الله وتب الى الله وحاول اصلاح زوجتك واترك الحرام حتى يكون الله معك وسوف تنسى باذن الله |
تسسسساد احسسن اشوا ان اهلها ماوافقوا
اجل تكلمها وانت متزوج بعد:( :( وهي داريه انك متزوج وتكلمك:(:( والمشكله هي توها بنت ولا قد تزوجت وتقول جايها 12 خاطب ولا بغتهم تبي واحد متزوج؟؟:(:( ماقول الا الله يستر على بنات المسلمين الي حتى المتزوجين ماسلموا منهم:( ماضيعهم الا هالمسلسلات التركيه والاغاني الي كلها حبني واحبك:d |
لاحظت كل ردود النساء تكاد تكون نفس ردة الفعل المطلوبة
لكن ياأخي الكريم كما طلبت لن نلوم ونعاتب ونذكرك بالخطأ من أوله, طلبت الرأي بموضوعك البنت بامكانها اقناع أمها التي ستقنع والدها بدورها, واذا لك نصيب فيها بتاخذه!!!! لكن قبل هذا,, ابتعد فترة وخذ فترة نقاهه من حبك وراجع أمورك,,,, هل كان هذا حبا؟! أم هو عطف بسبب المرض؟! لأنها لن ترضى أن يكون زواجك بدافع العطف يسّر الله أمرك |
اقتباس:
سبحان الله .. ما ادري ليش البعض يستغرب ليش معظم النساء كان ردهم مماثل !! هذا هو الرد البديهي !! يعني بالعقل - انت تخون زوجتك المسكينة ثلاااااااااااااااااااث سنوااااات !!!!!! المسكينة في البيت تصونك و تتهتم فيك و تطيعك الخ , و انت مو بس تحب غيرها --> " تعشقها " على قولتك !! ما تخاف ربك !! ياريت تفتح قسم المتزوجين و تقرأ البلاوي من الخيانة .. يعني تبينا نعطيك رأينا عن زواجك الثاني بدون ما نتطرق للأسباب اللي خلتك تبي تتزوج , و البنت الي تبي تتزوج منها ؟؟؟؟ - و الله صعبه .. حلال أربع على العين و الرأس , بس مو بس هذا الحلال اللي تتمسك به - عيل هالبنيه كانت حلال عليك كل هال ثلاااااث سنوات ؟؟!!!! سبحان الله .. الله يهدي نساء المسلمين يا رب .. و اهي تدري انك متزوج بعد .. و متمسكة بيك أوين عشق .. استغفروا لله انتوا الاثنين , و توب الى الله .. و رد لزوجتك .. و ان كنت يعني مجبوووور تاخ ثانية : خذها بالحلاااااال , مو بقصة عشق من ورا زوجتك الله يعينها , و من ورا اهلها البنيه ... اطلب من امك تخطبلك وحده .. اسفة اخوي , بس لازم تسمع كلام جارح , هذي نتيجة فعلتك , و هذا جزاءك .. و عسى الله يغفر لك ذنوبك و ذنوبها و يسهل لزوجتك المسكينة يا رب .. |
يااخي الله يهديك ويسر امرك
ماشاء الله عليك متزوج وتقول زوجتك مؤدبه وجميله........الخ وفوق هذا كله تخونها 3 سنوااااااااات يااخي حرام عليك اش ذنبها المسكينه طيب انت حط نفسك محلها انها هي حبت واحد وتكلمه 3 سنوات وتبغى تتزوجه بذمتك وش تكون ردة فعلك اذا ماذبحتها زين يااخي لاتفتح على نفسك عشق الكذابين وترا هي بدل خانت اهلها وعصت ربها مااعتقد يتغير حلها وحتى لو تزوجتها سبحااااااااان الله الله فضلنا عن الحيوانات >>><<<<باالعقل وانا انصحك نصيحه اخويه انك تتركها ولاتفكر فيها ابد مهما كان الانسان ينسى انا راح احكيلك قصتي والحمد لله ان ربي تاب علي انا تعرفت على واحد وكان يحبني لحد الجنون والله اني لمن اكلمه واكون تعبانه انه يجلس يبكي اهم شي حياتي مشت معاه 3 سنوات كامله ودايم يقول بتزوجك وانا بحكم صغر سني قلت لا بدري مااكذب عليك واقول ماحبيته بلعكس حبيته بس مو كثير اهم شي جالس يقولي والله لو تتركيني انحر نفسي والله والله والله لمن اتذكر حالي ابكي على هبالتي مو ذنبي ذنب صحباتي الا معاي اهم شي الحمد لله انه ربي تاب علي بعد ماعرفت انه حراااااااااااااااااااااام والحمد لله بعد توبتي قررت اني احفظ القران غيب كاملآ واحمد الله انه تحقق مناي والحمد لله انا حاليآ مخطوووبه وان شاء الله ربي يتمم لي على خير فاانصحك يااخي توب الا الله عز وجل فهوو القادر على كل شي تذكــــــر ان للموووت سكرات وان للقبر ظلمات وضمات وان لنار لهيب الله يصلحك لما فيه الخير والانسان مهما بعيش مصيره كفن ابيض يلفه وقبر يضمه سوآ صغير ولا كبر حط الله قدااااااااااااامك في كل شي وراح تعرف معنى كلامي اعذروني على كلامي وعلا تعبيري فاانا فتاه لم يتجاوز سني العشرين سنه واسئل الله لي ولكم الجنه والموت على الشهاده والبعد عن الفجور والمعاصي.....الخ ااااااااااسفه على الاطاله |
لاحول ولاقـوة الا بالله ! يعني الحين شرط ولازم تكون زوجته مسيكينه . انتوا وش يديركم شو بين الرجال وزوجتـه ! ماماتوا الي تزوجوا عليهم رجاجيلهم والمـره الصاحيه تمسك بيتها وعيالها .. يعني الحين قريت موضوووع لوحده من الأخوات زوجها يخونها وآخر شي الأعضاء يقولون لها لو ماترك عشيقته خليه يتزوجها على الأقل بالحلال ! وهنـا هو جاي ويبي الحلاااااااااااااااااااااااااااااال ماقالكم ابي احسن فندق اسهر فيه ولا احسن مطعم اعشي فيه حبيبتي ! نيتـه زينه وجزاه الله خير انه طلع رجال وطلب يتزوجها ! طيب هي غلطانه وهو غلطان ؟! بس مو احنا الي نحاسب ولا احنا الي نفرض العقوبات ! الله هو الي يتولى امرهم ماندري وش الي بنيتهم يمكن الله غافرلهم كل شي لعمل سووه بحياتهم ! لاحول ولاقوة الا بالله ، الآن ياآخوووي .. انت تقدمت لها 3 مـرات .. وهـم رفضـوك .! مالك غيـر الدعـاء واحنا بهالشهر الفضيل .. ادعي واستخييييير ... لين نهايـه الشهر ..وادعي اذا بزواجك منها خير ربي ييسره لك ويسهله ويسخراك اهلها .. ويوافقون عليك ااذ خطبتها واذا في زواجك منها شر الله يصرفها عنك ويرزقك بالخير حيث كان ويرضيك فيـه .. دااااااااااااايم استخير وادعي .. وان شـاءالله ربي مايخيب رجاك ويسهلك اذا فيها خير .. هذا اذا تقدر تصبر .. وان شاءالله تصبر وتتحمل وتدعي .. واذا ودك بحـل مافي غير البنت تجي لأمها وتحاول تقنعها هي بنفسها انها تبيك وانها تعلقت فيك من يوم ماخطبتها ثاني مره وحست انك تبيها وشاريها .. يعني تسوي على امها فيلم وكم دمعه .. ان شـاءالله توافق ويحن قلبها .. الله يتمم لكم على خيـر . |
حبيبتي دانتيل .. تريدينا نشوف الغلط و نسكت عنه ؟
الله راح يحاسبهم مب حنا , بس من رأى منكرا .. و أقل شي يمكن نسوي انه نخليه يحس بالذنب - ايييه بالذنب .. و ربنا راح يحاسبنا على الكلام اللي حنا نقوله .. لو غيري يقدر يقرأ مواقف كذا و يصفق على ايدينه و يطبطب عليه و حاول و أتستخير و كيت و كيت و كيت : انا شخصيا ما أقدر . . و لو كلنا ردينا عليه مثل ردك يمكن يتشجع و يكمل الغلط و حسباله انه اللي سواه شي جدا عادي .. انا ما راح اشجع أي انسان على الغلط , و ما راح اجامل .. هو غلط و يتحمل و خليه يسمع النصائح مادام طلبهم ! اسفة , هرمونات الحمل و الصوم خلوني أعصب على كل شي و انفعل , اسفة حبيبتي دانتيل لو ثقلت عليكي او زعلتك .. و تحياتي =) |
الله يهديك
12 12 خطاب ردتهم علشاااااانك ودي اصدق بس قويه قويه انتبه عشان ماتفهمني غلط -- بس دايما الكذب سهل جدا عند المراه ولو بتتذكر زين لاحظ انهم ه ال 12 جو باوقات شبه متقاربه فلا تففهم انه انت ماتستاهل او شي مثل كذا ف اذا صار شي مثل هذا كذب فانتبه للباقيات غير كذا لو البنت تبغاك صدق صدق يعني كان تحدت اهلها وكان تبدا تقولهم يا أتزوج هذا ولا خلااااص زواج مافيه واذا انها بتطيع اهلها على طول اسمح لي اقولك وبالخط العريض تراها مااااتحبك حب حقيقي |
مدري ايش اقولك بعد الرود القاسيه
انااقول الانسان يعيش مره ومااعتقد لو ماتزوجتها ممكن تنساها بسهوله ويمكن يخليك تنجرف في الحرااام اكثر خذ الانسانه اللي تحبها مدام تبيها بالحلال الله يوفقك |
اخوي
انا اقول لك اذا كانوا رفضوك ثلاث مرات يمكن خيره لك ويقول المثل( الثالثه ثابته ) وطريقتك في تعرفك بها غلط وحراااااااااااااااااااااام بسألك أنت اذا شفتها بعدين في مكان اللي تعرفت عليها فيه اول ما يخطر في بالك انها تكلم غيرك يعني مافيه ثقه هي مريضه بالقلب يعني بعدين على اي مشكله لو بسيطه راح تطيح عليك هل بتتصرف معها بشكل صحيح المريض بالقلب ما يستحمل الحمل او اي ضغوط ثانيه يعني اعمال منزل تتعب بسرعه (تزرق) اذا ما اكلت دواها راح بيفر جسمها ويزرق ؟؟ تقدر تتحمل كل هذا هذا سؤالي واتمنى تجاوب عليه ؟؟ زوجتك اذا كانت ماتعرف تطبخ الله يعافي المنتديات عندهم احسن الطبخات او اشتر لها كتاب نخبة الأطباق رائع وسهل وعلى الدلع علمها الدلع ..... دلعها علشان تدلعك........ اشتر لها كتب عن الحياة الزوجيه فيه كتاب اسمه رومانسيات زوجيه وكتاب غرفة النوم وكتاب عسليات زوجيه وفيه كتب كثيييييييييييييره ادخل المكتبه وتشوف تقدر تعدلها على شوي شوي مافيه شي يجي بسرعه وانت شكلك تبي حياة مثاليه مافيه حياة مثاليه في الدنيا بس موجوده في الجنه يعني اكثرنا فينا اخطاء |
خل زوجتك الاولى تكلم والدتها وتقولها انها موافقه
|
| الساعة الآن 07:22 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©