مضى على النظرة الشرعية (10 أشهر)
 

السلام عليكم ..
.
.
.
بعد الاشادة بمنتداكم وشكركم على التعاون والافادة بالرأي السدسد او حتى الدعوة بظهر الغيب..,
اتمنى منكم افادتي في وضعي
حقيقة ما أقدمة هنا هو طلب النصيحة والتوضيح بعيدا عن الشكوى او التظلم والحمدلله ..
انا فتاه في الـ 22 وتقدم لي شاب يعمل طبيبا حديث التخرج والنقل لمنطقة اخرى بنفس مستواي الاجتماعي والمادي والحمدلله..
المشكله او النقطه الغامضه بالنسبه لي في الموضوع هو ان الخطبة تمت من ما يقارب السنه و 6 اشهر والنظره بمنذ 10 اشهر تقريبا وتمت الموافقه من الطرفين ودفع مبلغ من المهر لاثبات الرضا (عادة عند بعض القبائل)...
ومن بعد النظره (اي منذ 10 اشهر)وحتى الان لم يتم اي اتصال مخصوص بهذا الامر او حديث او حتى تلميح..
تحدث منهم (الابن وابوه) اتصالات لاتتعدى السؤال عن الحال والسلام بدون اي ذكر للخطبه او وقتها او تحديد او حتى اتفاق لاكمال او الغاء..
الى الان وانا محتار ولم اعد اطيق الوضع وبدأت القلق والتفكير خصوصا مع استغراب اهلي وصمتهم..
طلبت من اخي التدخل وسالت امي ولم يجيبوني بسوى التريث و"الثقل"..!
لا اقصد الاستعجال او اتمام الامر او حتى الشخص ذاته بقدر ما اود معرفة سبب الاهمال والتاجيل الغير مبرر له ..
هل هذا الوضع طبيعي؟؟
هل من الممكن وجود اسباب اجهلها او انها عادة عند بعض الناس؟؟
اخبروني
:(

الله يعينك يارب

والله صراحة ماعندي اي تقيم للموضوع

لاني انا جربت هالوضع لفترة بسيطة وتعبت مرة من كثر التفكير

وبعد ما ادري وش هي ظروفه

ماعليك غير الدعاء حبيبتي
وان شالله تفرج

لازم احد يسال عن الضروف ايش صاير

امك مثلا تكلم وفي اسوالف كيف اخبار فلان وينة الحي وكذا بتعرف الاخبار
وانه بيكمل ولا لا لان الام اكيد بتتكلم

يا هلا فيكم كلكم ..
تسلمون ع المشاركه مع اني والله زدت من الحيره..
امه توها مكلمه امي اليوم تبارك بالشهر وهو وابوه مكلمين ابوي ونفس الشي المكالمه ماتعدت السؤال والسلام والمباركه بالشهر...
امي تقوووووول هم كذا طينتهم باردين ويمكن عندهم ظروف (اخته الكبير حامل وهذا شهرها) وناقلين بيت والولد توه مترسم ومدري وشو...
يعني الام داقة تسولف عن كل شي بحياتهم الا عن موضوعنا ..!
تنرفزت من امي وبرودها هي بعد و بديت اطفش وافكر اقول لابوي اني مابي وهونت خلاص..
بعد خطبتي 4 من بنات عايلتنا انخطبوا وملكوا وعرسهم بعد أو قبل العيد..
اللي ابيه وقاهرني ليش مايحددون موعد ويصيرون واضحين؟؟؟
عادي لو بعد سنه بس اكون على بينه !
عموما..
آسفه ع الإطاله و الله يكتب اللي فيه الخير وينورني..

الله اعلم وين الخير فيه..
مع ان ودي اسمع راي الاخوان ..
يمكن فيه شي عند الرجال طبع او اعتقاد يخصهم حنا البنات نجهله..
لو فيه راي او اي صوت ذكوري ياليت نسمعه ويفيدني..
ومشكورين جميعا
:)

الصبر زين ويمكن يجهز ياخذ قرض ويتزوج على طول بلا مقدمات:)

معقوله كذا؟؟؟
اللي اعرفه مستواهم المادي جيد جدا غير منصبه ووضعه هو..
يعني السبب المادي استبعده كثيـــر !!
شكرا للمرور
.
.
.

ذكرتيني بنفسي انا اهل زوجي ماااطلو كثيييير وكانو يتصلون ويسألو عنا بس ماكانو يجيبون طاري الخطبه ابدا وانا كنت على نار ابي موعد محدد وكانو كل مره يحددون موعد وبعدين يلغوه بس صارو الناس كلهم يسألوهم في الجمعات والمناسبات وكانو ينحرجون وبعدين ابوي كلمهم وحددوا الموعد وجو
لازم ابوكي يكلم الاب ويتفاهم معاه

عزيزتي انا ارى ان هذا الوضع غير صحيح يجب ان تكون هناك صورة واضحة
ماداموا على اتصال فهو خير و لكن يجب ان يكون هناك اتفاق على موعد الملكة و العرس و لا ارى ان فيها اي احراج ان يقوم الوالد بسؤال العريس عن ذلك ليس استعجالا و لكن مجرد استفهام
اسال الله ان يقدر لك الخير حيث كان و يتم لك عرسك قريبا

ملفوف ريحتيني كثييييير الله يطمنك:(
.
.
.
اختي الفقيره اعلم حرج الوضع وقلة صوابه,, ولكن مالعمل مع والدي واهلي وانتظارهم بصبر لا ينفذ...
.

عاااااااادي جدا صدقينى يااختى بعض العوائل كذا انا ثنتين من قريباتى نفس كلااااااامك بالظبط كنهم هم يتكلمون وكانو اقاربهم كمان يعنى تخيلي الوضع ووحده قعدت 3 سنوات خطوبه والثانيه 4 سنوات خطوبه وبعدها ملكه لمده سنه كامله والحين متزوجات ..
ومالك الا تصبرين لانها صعبه تسالينهم او اذا تجيبين لهم طارى الموضوع ابوك يكلمهم وفرصتك الان ادعي بالشهر الكريم

اذا ظروفهم الماديه كويسه مالهم عذر
من رايي ابوك يكلمهم حتى لو باسلوب المزح بالبدايه
ويقول لهم متى نفرح فيهم وكذا
والله يتمم لك علا خير يارب

مسألة ان اهلي يكلمونهم ماتوقعها ابد.. خصوصا ان مامي ماااتبيني اتزوج وابعد عنها وكل حكيها توك صغيره وبدري
لدرجة انها تجي تبشرني تقول ماقالوا شي الحمدلله حي الله هالسنه تمر بعد (تبي السنه بكبرها تمر)..
بس اذا الوضع طبيعي مالي الا الدعاء ومايخالف باتوكل على ربي ومابآخذ الا نصيبي سواء معاه او غيره ..
الحيررة ووضعي المعلق هم اللي مضايقيني بس..
:(

وربي ذكرتيني بنفسي
مع ان زوحي قريبي بس طول سنه تقريبا وقال نبي نتزوج وانا بهالسنه كل شوي اقول خلاص هونت
عشان يدري زوجي ويعجل بالعرس
بس بعد الزواج عرفت السبب من زوجي
ثقل ومو مستعجل

اهاآآآآ أجل ثقل...
وربي هالرجآل مدري وش يحسون به :D

...

ع العموم انا قررت اني انسى سالفة الخطبة واعيش حياتي,,
خصوصا انا ماشين مكه وفيها بالقى راحتي والله يسهل الامور ويوضحها...
شكرا لكم
والله يعطيكم الف عافيه ويطمن قلوبكم يارب
:)

ما ادري نحن عندنا في التقاليد والعادة نتأكد من رغبة الزوج وعدمها لمن تجي كسوة العيد فان جاب فلوس الكسوة معناه الرجال ما زال راغب والا فلا ..

غريبه هالعاده يالمشرق..!
انا ماقد سمعت بها ابد ,, بس هو غير عن قبيلتنا وكثير عادات عندهم ميب عندنا..,
مدري اذا هاللي قلته عندهم او لا !