|
الشكر بين الزوجين
السلام عليكم ورحمة الله وبركاته
كل عام وانتم بألف خير ومبارك عليكم الشهر وجعلنا ان شاءالله من صوامه وقوامه أمين عندي سؤال وخصوص للمتزوجين وفيما بينهم نعلم طبعا ان الشكر بين الزوجين والتشجيع ومدح كل منهما الاخر يزيد المحبه فيما بينهم ويقوي الروابط ولكن اذا كان الطرف الاخر لا يعبر عن اي شي تفعله ولا يشجعك مع ذلك تكن له معزه والمشكله اذا كانت بين الزوجين هل اذا قدمت شي لزوجتك او مثلا اعطيتها اي شي او عالاقل وجبة عشاء في مطعم ولا تقول لك اي كلمه هل هذا شي طبيعي ويعتبر من الاحراج وحياء زايد عن اللزوم ولو كلمة شكر يعني مستحيل ان تطلب من انسان اذا قدمت له خدمه ان يقول لك شكرا لاتاتي بالطلب يعني الواحد يبي يحس بقيمته شوي يمكن هاذي مشكله او لا والله ما ادري |
وانت بخير....
بصراحه انا اكلمك عن نفسي اذكر بداية زواجي والله العظيم كنت اخجل اشكره واقؤل شكرا علئ كذا وكذا انا كنت اخجل اكل ...باقي اشكر لكن الان لاؤالله اقؤله الله يعطيك العافيه.... ماقصرت.... كذا لكن في البعض تخجل تقؤله مشكور. سؤال خارج اطار الموضوع ...لكن عقلي مشغول وهو\ اخبار صحة زوجتك الان.. وبصراحه فقلبي عطف عليها ومرضها اشغل تفكيري ...ودعائي يعلم الله مستمر لها.. فاتمنئ منك اخبارنا عن صحتها وهل هي معك ام لا. اذا سؤالي فيه نوع من الاحراج فاانا اتاسف ولاداعي للاجابه عليه. |
الصراحه كنت استحي حتى اناظر بوجهه
والله ماكنت اعرف كيف اشكره بس بعدين خلاص صرت اشكره بس ماناظر بوجهه خخخخخ طمنا ياخوي وش صار عليكم |
في نظررري الشكر والكلمااات المشجعة تكوون متباادلة من الطرفين
لا تتنظر منهااا كلمة شكر ؟؟؟ ما المشكلة لو باادرت انت فيهاااا ومااا المشكلة ايضااا لو قلتلهااا ماازحااا ((شكرااا يازوجتي على العشااء وتسلم ايدينك وانت الي معشيهااا براااا )) :25: بعدهااا بتعررف انك تحب احد يشكرر فيك وعلى طوول بتقوولك يعطيك العاافية وكلمتين شكررر يعني لازم يكووون فية تباادل بين الطررفين او طرف يعلم الاخر اذا هي مااا تشكرك كثر انت من الكلمااات الي تحسسها بقيمتهااا عندك هي لا اردااايا راح يتعود اذنهاا على الكلاام الحلو وتصيررر تعتدمهاا في قااموسهااا الله يوفقك يااارب |
اقتباس:
زوجتي معاي والى الان تاخذ جلسات وتحس بتحسن في نفسها وبدت تحسن علاقتها معاي لكن في بعض الامور مثل هالموضوع اللي طرحته حتى مثلا لوتطلب اي شي او تطلب مصروف واعطيها لاترد بكلمه ويعطيك العافيه على اطمئنانك |
اقتباس:
:) مشكوره على ردك يعطيك العافيه الامور ان شاءالله مبشره |
هلت بشاير رمضان وان شاء الله تتحسن حياتك للاحسن يا رب
اخوي في ناس كتير مش متعوده في بيت اهلها على كلمة شكرا وقت هي تطلب منك وانت تعطيها اغمرها من كتفها وضمها الى صدرك وقل لها ما في كلمة شكراااا واعطها خدك تطبع عليه بوسه يعني انت علمها ورح تتعود الله يهنيك يا رب ويسعدك وان شاء الله من تحسن الى تحسن اكبر شهر مبارك عليك ةعلى الجميع يا رب |
اقتباس:
شكرا يازوجتي على العشاء وتسلم ايدينك وانا معشيها براااا:d من ناحية الشكر والكلام الحلو ما خليت شي ما قلت لكن اذا استمر كذا والله مشكله وانا كنت احلم بوحده تسمعني كلام حلو ماني محصل حتى كلمة شكرا:d انا احس انها مهي متعوده تشكر والله مدري ومي حلوه اني اقولها ليه ما فيه كلمة شكر بتفكرها اني امن عليها ياحلو الشي اذا جاء من نفسه انا اتكلم عن نفسي على كل اللي سويته ويعطيك العافيه اختي دايموند على مرورك |
اقتباس:
اهين اختي قرين ومبارك عليك الشهر وانتي بصحة ان شاءالله وما كنت استغني عن ردودك اللي بجد استفدت منها شكلي ابقعد اعلم طول العمر:d اذكر مره طلبت فلوس وعطيتها ولا كلمه قالت قلت لها ما فيه كلمة شكر قالت شكرا بعدها ما عمري قلت لها كنت انا اقول لها هالكلام ابيها تتعود وان شاءالله بطبق نصايحك ونشوف الله يعيطك العافيه |
يمكن زوجتك
مااهتمة بهالشيء علئ بالها موشيء ضرؤري وتعتبره واجب ..او اهلها مو معودينها فيما بينهم... لكن الحل ... تثقفها من خلال النت او تأخذ كتب انت اسئل عن كتب تثقيفيه للزوجين ... تتكلم عن الجوانب التي يهتم بها الزوجين حمل من النت عن هالكتب او ارسل لها عبر الايميل كتب تثقيفيه روح مكتبة جرير واشتر من هناك اي كتاب عن الزوجين... واطلب منها تقره..... وصدقني راح تلاحظ تغيير.... وانت بعد اقرء معها حمسها تتثقف لكن لاتحسسها انها جاهله.. وامزح معها .. انا ابنفذ كل شيء بلكتاب ..وابيك انتي بعد .. وحتئ لو هي تقرء انت خلك معها واقرء معها. جرب وماتندم. وتصفح النت عن الامور هاذي ...وارسل لها رسائل. وبتلاحظ تغيير. والله يشفيها عاجلا غير اجل .ويؤفقكم. |
اقتباس:
ما عندي مشكله اثقفها وارسل لها رسايل على البريد وراح اجرب هالفكره لكن ياختي اذا فكرت اني اعلمها بعض الناس ماتتقبل هالشي وتفكر اني اقول عنها جاهله وانها ماتعرف وش اسوي اقول لها انتي كذا وكذا مع اني دايم اشكرها واقول الله يعطيك العافيه واعطي اي شي اشوفه ناقصه لها من غير ما تطلب والله بعض الشي ما يبيله تعلم ابد البنت الصغيره اذا عطيتها شي تقول شكرا لكن انسانه معها تعليم اكبر من الثانويه والله الواحد يقعد يعلم الى متى ياحلو الشي اذا جاء من نفسه يعني الوحده متزوجه تحاول ان تحبب زوجها فيها والله حتى الشكر يكون فيه حياء والله اني احترت لكن بجرب اني ارسل لها رسايل بالايميل عن الشكر بين الزوجين :d والله شي يقهر ما توقعت ان الزواج كذا الله يعين يعطيك العافيه همس ويجزاك الف خير |
أخي مظلوم الحب مبارك عليك الشهر وكل عام وأنت الي الله أقرب
اذا حاب تثقف زوجتك عن طريق الكتب والايميل افضل ان تنوع في المواضيع صحيه دينيه أخبار لكي ماتشك في الموضوع وتتقبله وان شاء الله تفيدها وتبادرك بأشياء كنت تتمناها تسويها لك بدون ماتطلبها. وأنصحك بكتاب رومنسيات زوجيه مررره حلوا ويشجع على هالشغلات. والاهم عليك بالدعاااااااااااااااااااااااااااء بكل اللي تتمناه في زوجتك بدون ان تستعجل الاجابه في حديث للمصطفى صلى الله عليه وسلم في مامعناه ان الله يستجيب لأحدكم مالم يعجل قالوا كيف يارسوال الله قال يقول دعوت الله فلم يستجب لي. والله ان الدعاء مع كثره الاستغفار له مفعوله السحري وعن تجربه . والله يخليكم لبعض ويهنيكم |
اخي مظلوم الحب الله يعينك ويساعدك انك تحقق ماتتمناه في حياتك الزوجية ولكن المهم ان تكون صريح مع زوجتك بكل الامور اللي انت شايف انها مقصرة معاك فيها اخي لاتصبح الحياة حلوة من غير صراحة حاول ان تصارحها من غير ان تجرح مشاعرها او ان تحسسها انها مقصرة معاك حاول باي طريقة تناسبك والله يوفقك
|
اممممممم
موضوع جدآ قيم بالنسبه لي اذا اشترالي شي او عطاني اي شي شفتو العجيز الله يعطيك الف عافيه ما قصرت عسى عمرك طويل >>>>> زوجي هنا يتشقق ههههههههههه وانا نفس الشي ابادله الشكر |
اقتباس:
هذا اللي ودي اني اثقفها وتكون متقبله هالشي وتعرف كيف تتعامل معاي من غير ما اجرحها وودي عن طريق الرسايل او اني اشتري لها كتب واقول لها كذا اقري هذا الكتاب وطبقيه :d كاني اجبرها لكن وودي عن طريق روابط ارسله لها بس ماني لاقي ومدري وش ارسل لها او مواضيع تهم كل زوجين ونصايح ابي اعلمها كيف تهتم بنفسها اكثر وتهتم فيني يمكن انا بطبعي احب الرومانسيه وهذا اللي كنت اتمناه بزواجي المشكله اني ماني لاقي ولو ربع شي والله اني ادعي وعلى كثر اللي راح ماني مستعجل بشي لكن ما ابي الا ستر والعفاف ووحده تغنيني عن الحرام ربي يجزاك خير |
اقتباس:
اطلب لها بالتمني وانا نستانس مع بعض وننبسط وانا بساعدك كل اللي اشوف منها كلمة ان شاءالله لكن لما يجي التطبيق صامته ولا كلمه حتى اقول لها عبري وفضفضي وقولي اللي بخاطرك حتى الغزل اتغزل بكلام حلو ترد احيانا بابتسامه بس حتى اقول لها انتي كيف تبين اتعامل معاك واساعدك تقول خلك زي ما انت لاتتغير على شاني؟؟ ربي يجزاك الخير |
اقتباس:
شاكر لمرورك العطر الله يخليكم لبعض يارب حنا نبي زي العجايز بس اي شي ما فيه مشكله :d |
بحثت لك ووجدت
هذا اكتب بقوقل... 1-نقاشات وحوارات زوجيه هادفه... يطلع لك واختار وحده من الموضيع ..وبااذن الله تستفيد.. وفي من هل النقشات تلقئ بهذا المنتدئ اقرئها كامله وبتستفيد وارسل لها. 2- اكتب بعد 10خطوات لكسب اهتمام الزوج.... ويطلع لك واختار وارسل لها وقبل ماترسل لها احفظها واكتب واكتب بعد عوامل كسب الزوجه..ويطلع لك مواضيع كثيره وانت اختار... انصحك بموقع قصيمي نت وادخل قسم نصائح زوجيه ادخل حتئ لو منت مسجل.. واكتب بعد بقوقل 3-كيف تشكر شريك حياتك... نصيحه مهمه اذا تبي اي مقال اكتب الي تبيه مثلا الحب بين الزوجين مقال... اضيف بس كلمة مقال معها... ويطلع لك عدة مواضيع وراح تكون هادفه.. واكتب بعد 4- قواعد مهمه لحياه زوجيه هانئه... ويطلع لك وانت اختار.. |
ودور لك
عن مجلات الكترونيه تهتم بلزوجين وهي كثيره مثل مجلة البنت العربيه فيها قسم يهتم بامور الزوجين... ياليتني اعرف احط روابط كان افدك اكثر. تحياتي. |
اكتب بعد بقوقل
مقالات زوجيه... وادخل علئ اي موضوع تبيه.... شكلي ضحكت اعضاء المنتدئ علي ... لاني ماحطيت روابط..:24::d:d:d:d:d الاهم ان شاء الله تستفيد. |
الأخت همس ماقصرت معك الله يعطيها العافيه ***
بس انا عندي ملاحظه بسيطه يامظلوم انت صبرت على زوجتك كثير وهي الحين توها مااتحسنت احمد ربك جت على الشكر اصبر عليها كمان شوي ورح تتغير حبه حبه وطول بالك لاتستعجل عليها*** الله يوفقكم يااارب ويشفي زوجتك وتصير لك زي ماتتمنا آآآآآميييين.. |
الشكر ضروري بين الزوجين وهذا الشي اساسي بيني وبين زوجي
ولو انت شكرتها كذا مره هي بتفهم وتشكرك |
اقتباس:
يعطيك العافيه اختي همس ودخلت على المواقع واعجبتني جدا وان شاءالله راح استفيد منها ما قصرتي:d |
اقتباس:
واعررف ان كل شي حبه حبه والحمدلله تطلع معاي واعشيها برى واقولها ولاتقول اي شي او مشكور او يعطيك العافيه لكن الى الان وضعنا من ناحية علاقه زي اي زوجين طبيعين باقي حتى لو اجيب اكل من برى واحطه او مثلا تطلب بطاقه للجوال واعطيها اقول تفضلي تاخذها ولا كلمه او مثلا ارسلها بالجوال شحن ما ترد بشي ابدا مدري هل هذا الوضع طبيعي او ابالغ انا او حساس او حياء او مو عارفه انه مهم ومو ضروري ترد مره حصل مو قف وابي رايكم فيه ارسلت رساله قلت لها اخبارك وتصبحين على خير قبل انام اخذت يومين ماردت بشي بعدها ارسلت لها رساله قلت هالاسلوب هذا كاني اكلم نفسي مو عاجبني ولا احبه اتصلت علي قلت انا ارسلت لك ليش ما رديتي كاني اكلم نفسي قالت ايه رسالتك تصبحي على خير كنت نايمه شفتها ورجعت نمت وماله داعي ارد عليك مثلا اذا صحيت الظهر قلت لها خلاص ما يهم تصبحي على خير ياما ارسلت لك ولا رديتي على الاقل اسال عن اخبارك ردي علي انا ابي اطمن عليك واخذ اخبارك وقتها كنت معصب قلت انا غلطان اني اسال يعني ابيها تتواصل معاي تجي بالاخير تقول مااشوف لها لزمه:( شي يحبط يعطيك العافيه اختي بناتي غيروني وراح احاول اعدل من هالوضع ومرن معاها لاخر درجه قرات هالحديث - أخبرنا عمرو بن منصور قال : حدثنا محمد بن محبوب قال : حدثنا سرار ابن مجشر بن قبيصة البصري ثقة عن سعيد بن أبي عروبة عن قتادة عن سعيد بن المسيب عن عبد الله بن عمرو قال : قال رسول الله ( لا ينظر الله إلى امرأة لا تشكر لزوجها , وهي لا تستغني عنه ). - أخبرني هلال بن العلء قال : اخبرنا أبي , قال اخبرنا خلف وهو : ابن خليفة – عن أبي هاشم عن سعيد بن جبير , عن عبد الله بن عباس قال : قال رسول الله : ( إلا أخبركم بنسائكم من أهل الجنة ؟ الودود الولود , العؤود على زوجها , التي إذا آذت – أو أوذيت – جاءت حتى تأخذ بيد زوجها ثم تقول : " والله لا أذوق غمضاً حتى ترضى" ) . |
اقتباس:
انا بالعكس اشكرها على ايش شي تسويه حتى لما اطلب منها اي شي اقوله لها الله يعطيك العافيه سوي كذا وكذا وما قصرتي مشكوره حتى لما اعطيها مصروف او شي ما ترد او محتاجه شي تقول لا حتى سلامتك ما تقولها قدامي يمكن اكثر شي اذا كلمتها بالجوال تقوله بس لما اكون عندها او اقول ناقصك شي تبين شي تقول لا فقط؟؟ اقوله لها ما فيه حتى سلامتك كيف بستمر على هالوضع مقدر اعطي |
الله يفرج الهموم
بهالشهر الفضيل |
يمكن عندها الاعتقاد
(لاتشكرينه يشوف حاله عليك والا يشوف هالخدمات زيادة عليك) هذا منتشر عند بعض الزوجات ممكن لك يوم ماتشكرها وتقولها شكلك ماتحبي هالكلمات ببطلها فهمها انك بحاجة شكرا مثل حاجتها لأحبك صدقني ساعات ماادري شلون اشكر زوجي خصوصا لما يكون الشيء صفة يعني مو فعل مثلا انت -من كلامك- واقف معها بمرضها كيف تحب تشكرك عطنا الصيغة اللي تحب تسمعها>>ومنكم نستفيد |
اقتباس:
لا ما ظنيت انها تسمع هالكلام يعني ابيها تحسسني اني اسوي شي علشانها يعني انا قبل يومين كنت معاها ولا قصرت من ناحية اي شي تمشي واعزمها على مطعم حتى الموعد اوديها له قبل لاانزلها في بيت اهلها تكلمت معاها وقلت لها انا والله احس احيانا انك منتي محتاجتني في شي ولا ردت باي كلمه حتى اقول لها انا ادري انك تتضايقي احيانا نفسيه قالت لي انا احسن من اول قلت لها انتي لازم تتساعدين معي ولا اظن يعجبك هالشي ان ما بينا شي بالعكس بيخلينا غير مستقرين مع بعض وكل شي بالبدايه ولازم تظغطي على نفسك فكري بكلامي وحنا تونا شباب وانا بحاول افهمك واتعاون معاك لاخر شي وش تبين احسن من كذا وكله والله باسلوب حلو وهادي ابي اطمنها قالت لي انا احيانا لاشعوريا قلت لها خلاص كيف تبين اتعامل معاك قالت لاتغير على شاني!! قلت طيب اجل اباخذ راحتي معك وانا والله مقدر اخذ راحتي وانتي زي كذا منتي مرتاحه والا راح اجبرك على شي الا لما تكوني مرتاحه واقول لها انا ادري انه شي غصب عنك ابيها تحس وبالاخير قلت لها ان شاءالله باخذ راحتي المره الجايه لما اجيك وقلت لها بالاخبر ربك يفرجها يافلانه يعني انا خلاص احس اني بنفجر شي غصب عني وانا في اشد الحاجه ابي استر نفسي والا الواحد ما يصبر اكثر من شهر والله شي مأثر فيني ابي انسانه تريحني بهالشي وما طلبت المستحيل وابيها منها هي وصابر لعل ربي يفرجها في رمضان المهم نزلتها وقالت اذا وصلت كلمني وسافرت بعد ما وصلت كلمتها والحمدلله على السلامه يمكن المكالمه ما تتعدى دقيقتين وانهت المكالمه يعني قضيت معاها اسبوع واول يوم من رمضان والى الان ما بينا لا رسايل ولا اتصال ابيها تحسسني اني في بالها او شي منها احيانا اقول بتصل واحيانا اقول لا المفروض هي اللي تبادر وتسال عني اذا لي خاطر عندها والله اني احترت مع العلم اني راح اروح الاسبوع الجاي لها لكن ما ينفع اني افتح بيت وحنا وضعنا كذا متردد الين اشوف كيف بيكون وضعنا وعلاقتنا اخاف اتخسر وبالاخير مافي شي بينا مدري اللي اسويه صح لان اذا ما ارتحنا بالشي هذا اعرف نفسي ما راح ارتاح الله يعين ويفرجها ان شاءالله شاكر لمرورك نبض الدان |
هلا اخوي
اول شي مبرووك تحسن اوضاع زوجتك ثاني شي ..لاتلزق فيها خلاص خلها براحتها يعني لاتشتكي وتتذمر رح تمل منك اتركها لاتكلمها خلها هي اللي تتصل وان ماتصلت لاتتصل امسك نفسك عشان تعيش باقي عمرك مرتاح.. لازم تصلح امورك من البدايه ...هي تعودت انك تعطي بدون ماتاخذ لو رجعت لك وسوت لك شي لاتشكرها لاتمدحها ولاتقول لها كلام حلو ... خلك ساكت ومشغول عنها ... تفرج عالتلفزيون او اي شي ...!!!!! حتى لو تتابع مسلسل رومنسي خليجي مثلا اللي فيه الزوجه تشكر زوجها وتمدحه ومن هالكلام الزبده انك تجاهلها وان قالت وش فيك قول مافي شي او هاه وش قلتي؟؟؟ ماسمعت؟؟ انشغل بجوالك وسو نفسك تكتب رسايل وشغل النغمه حقت الرساله كانك احد مرسل لك كل شوي حتى تحس ان احد يتوواصل معك ... خل فضولها وغيرتها تتحرك... خلك على هالوضع فتره طويله ...لاتسألها عن احوالها او اي شي لو جاء وقت الاكل اكلو وروح بدون ماتقول لها شي خلك غامض .... صدقني ... بينفع معها دامها تحسنت والحين دامها مو عندك لاتكلمها ولاترسل لها وان رحت لها لاتقط وجهك كثير و لاتتغزل وتمدح خلاص خلك زيها ثقيل..... كلام كثير عندي بس تلخبطت اموري تقدر كمان اذا مانفع معها انك تشتري شريحه بدون اسم وترسل على جوالها يافلانه ترى فيه بنات يزعجون زوجك ومعجبين فيه عشان رومانسيته معك ولانه يحبك وصبر عليك ويعرفون اخباركم اول باول ... وزوجك متضايق منهم واتفق مع اصدقائه انهم يوقفونهم عند حدهم حاولو يكلمونه كثير وماكان يعطيهم وجه انتبهي لزوجك واحتويه ودلعيه قبل لاياخذونه منك البنات كلام زي كذا صدقني بيأثر فيها بس هذا خله اخر الحلول ولو حبيت تقول لها ...قول لها انا بغير رقم جوالي لانه تجيني عليه ازعاجات ومابيك تعلمين احد رقمي الجديد شوف الحلول ورد لي خبر |
نسيت اقول لك الحل الاول لما ترجع زوجتك .. تكتب في مذكره كل امنياتك اللي تتمناها من زوجتك
مثلا تكتب يارب اجعل زوجتي تحبني وتغمرني رومنسيه وكلام حلو وتسوي لي كذا وكذا ولما اعطيها شي تشكرني ووووو الخ ولما تجي زوجتك نفس مكانك سو نفسك مرتبك وخبي الدفتر تحت .. وتكلم معها وانت مرتبك وكنك ماتبيها تشوف وخبها داخل الجريده ... بنفس الوقت تكون انت تطالعها كنك تبي تلهيها عن المذكره اكيد رح تحس .. حسسها لين تلقاها .. وتقرى اللي فيها وحده سوتها لزوجها العنيد اللي مايحبها ولا ينفذ لها .. لما وصل للمذكره قام ينفذ امنياتها بس شوي شوي حتى ماتحس انه قراها ... انا للحين ماجربتها بس بجربها قريب.... والله يوفقك |
اقتباس:
حل ممتاز ماشاء الله أتذكر مرة زوجي قسى معي وانا أحب أكتب خواطر لكن ذاك اليوم مسافرين ودفتري مو معي فاضطريت اني اكتبها بالمسودات بالجوال وكنت متأكدة انه ماراح يفتحها لأنه ماعمره لمس جوالي لكن خاب ضني اليوم اللي بعده حاول يتفادي القسوة معي متأكدة انها فتحها لأنها صارت فوق بالمسودات:d انا اقترح تكتبها بجوالك لأنها أكيد بنفتح جوالك:25: وبالتوفيق |
اقتباس:
بحاول اني اطبق الامور الاولى وان شاءالله تنفع مع اني متاكد ان امورنا من اساس مهي طبيعيه عشان تظبط هالطرق انا حتى بالكلام اقول لها ودي كذا واتمنى كذا قدامها وش اكثر من كذا ولا ودي انام الا لما اشوفك جنبي بصريح العباره اقوله لها مستحيل تلحق فيني على طول وتنام تظل سهرانه المهم اني عجبتني بعض افكارك وراح اطبق منها الله يعطيك العافيه الملاك يونا |
قرات الموضوع
لاحظت انك متوتر كثير و شاغلك التفكير في امر اتمام زواجك و تكرر انك تريد تريد تستر نفسك طبعا ما انفي انه هذا من حقك لكن احتمال هذا الي موقفها تتقرب منك يعني هي عارفه حالتها النفسيه و الصحيه و تخاف تستمر معها الحاله و انت اذا ما هي تجاوبت معك تمل منها و من علاجها بعد فتره و تكون هي فقدت الزوج و فقدت احتمال بينها و بين نفسها تفكر ما لذي يبقيه معي و قد اخذ مني و عرف اني ما افيده كزوجه و ام لاواده كلما راتك تذكرت هذا الامر كم الطبيب اللمعالج في هذا الامر لا اعتقد المشكله الان فقط الشكر هناك قلق و توتر في لعلاقه بينكم اعتقد انك تكون موجود معها في العياده حتى تطمئنا انتما الاثنان و تستقر اوضاعكم |
اقتباس:
المشكله اني اقول لها دايم وش اللي بخاطرك وش اللي مشغل تفكيرك واحاول اطلع منها الكلام ابيها تتكلم وتطلع اللي بداخلها ومافي احلى من الصراحه تقول مافيه شي قلت حتى لو بخاطرك كلام لاتترددين ابد حتى لو رساله خوذي راحتك على الاخر مره انتي المفروض من غير ما اقولك عشان تتعودين الدور عليك وانا بساعدك واليوم كلمتني تسلم وتسال يعني الامور ماشيه تمام |
في المكالمه قلت لها بجيك هالاسبوع
قالت ليه ما تخليه نهاية الشهر قلت لا انا ودي اجي الاسبوع الجاي فاضي وانا بشوف وضعي وش انا عليه واهي تقول خلها نهاية الشهر هاذا وبالاخر قالت اللي تشوفه انا ودي اشوف وش نهاية علاقتي يعني انتم تقولون اثقل انا ماني محصل شي انا ما ابي الحياه كذا ابي اخذ راحتي بكل شي |
اخي مظلوم الحب .. حياك الله و مبارك عليك الشهر .. الي متى يا اخي وانت ظالم نفسك و ظالم هالبنت معك .. احس ان هذه البنت لا تنفع ان تكون زوجه حتى ولو بعد مليون سنه .. اعذرني يا اخي على كلامي .. لكني اشفقت عليك و عليها اكثر مسكينه اعتقد انك كاتم على انفسها و لكنها لا تستطيع ان تخبرك بذلك لانها بالفعل مريضه .. اذا كان الكلام لا تستطيع ان تبوح به الي الان بعد مرور سنوات على زوجك فمتى راح تسلمك نفسها كزوجه ؟؟!!! |
اقتباس:
اهلين اختي أميرات ومبارك عليك الشهر كنت والله انتظر منك تعليق ويمكن انتي كنتي متابعه قصتي من البدايه لكم يا اختي اميرات انا اتلكم باللي احسه اهي متحسنه لكن مو بالشكل المطلوب اللي ابيه انا يعني الحمدلله نطلع نتمشى لكن مو ما خذه راحتها على الاخر لكن بدت شوي شوي حتى يا اميرات انا بامكاني اخذ لي بيت الان واثثه واسكن فيه واجيبها عندي حتى اهي تقول هالشي ومؤيده كلامي لكن انا ما ابي اتخسر الى لما اروح واجلس معاها فتره واشوف علاقتنا كيف بتكون يعتمد على هالشي هي يمكن مفكره اني ساصبر عن هذا وانا مدري ياخت اميرات هي هانت لان نفسي خلاص ما عاد تتحمل وانها تبي تجي معاي لكن تقول ابي اشتري ملابس لاني بقابل ناس يعني انا ابي احسن وضعي والا الناس وكل شي ملحوق عليه اهم شي انا انا ابي رايك اختي اميرات انا بروح خلال الاسبوع الجاي وودي كلام اقول لها عن طريق رساله انها تحس لاني حتى عندها موعد قالت اذا بتجي عشان الموعد على اني اوديها تقول ما يحتاج انا بروح وانا كله قصدي عشان اشوف بتقدر تعطيني او لا ولو فيه تحسن راح تعطيني او تقولي لان العلاج صار له اكثر من 5 شهور تستخدمه وغير الجلسات والا انا بالعكس ودي استقر وافتح بيت واستر نفسي لكن يمكن انا رومانسي وعاطفي بزياده وهذا اللي مدهورني ونفسي اجرب هالشي بالحلال لاني انا ابي اشوف التحسن معاي ودي اقول لها كلمتين عشان تعرف ان للصبر حدود |
وينك اختي اميرات
|
فرج الله همك
لما قرأت كلام أختي أميرات وردك ياأخ مظلوم
تذكرت نبينا أيوب عليه السلام حين أقعده المرض 18 سنة وطال مرضه حتى عافه الجليس، وأوحش منه الأنيس، وأخرج من بلده، وألقي على مزبلة خارجها، وانقطع عنه الناس، ولم يبق أحد يحنو عليه سوى زوجته، كانت ترعى له حقه، وتعرف قديم إحسانه إليها، وشفقته عليها، فكانت تتردد إليه، فتصلح من شأنه، وتعينه على قضاء حاجته، وتقوم بمصلحته وقد ثبت في الصحيح أن رسول الله صلى الله عليه وسلم قال: ((أشد الناس بلاء الأنبياء، ثم الصالحون، ثم الأمثل فالأمثل، يبتلى الرجل على حسب دينه، فإن كان في دينه صلابة زيد في بلائه)). ولم يزد هذا كله أيوب عليه السلام إلا صبراً واحتساباً وحمداً وشكراً، حتى أن المثل ليضرب بصبره عليه السلام، ويضرب المثل أيضاً بما حصل له من أنواع البلايا. وهنا قصته عليه السلام لتعلم أي بلاء أصابه وأي صبر صبرته امراءته لينعم الله عليهم في النهايه بالشفاء والنعيم ------------ يمنع وضع روااابط خاارجية تذكرو قبل أن تردوا انه نبي الله ومكانته لاتقارن بأحد منّا أبدآ |
اخي مظلوم الحب .. هل بقى كلام لم تقله لزوجتك سواء عن طريق رساله او عن طريق الهاتف او وجة لوجه ؟؟ كلامك يؤثر في المرأه الطبيعيه و يجعلها تخاف على حياتها الزوجيه و يكفي ان تقول لها الكلام مره واحده فتخاف و تصلح من نفسها .. اما زوجتك فكلامك لا يصلها بالشكل اللي انت تتصوره فهي لا تستوعب ما هي حاجتك للزوجه لانها انسانه مريضه فلا يؤثر فيها كلامك كما يؤثر في المرأه الطبيعيه .. انت تحبها نعم .. هي تحبك ممكن .. لكن هل هذا الحب و التعلق فقط بدون اهم مقوّم من مقومات الزواج(العلاقه الخاصه) كافي لاستمرار الحياه بينكم ؟؟ انت لست عاطفي و رومانسي انت تفتقد و متعطش للعاطفه و الرومانسيه .. انت محروم من حنان الزوجه .. انت محروم من اقامه علاقه جنسيه مع المرأه التي تنام بجنبك عل السرير.. انت محروم من ظمها بين ذراعيك و تقبيلها !!!! انت محروم من ان تستمتع بها و تستمتع بك .. انت عايش الحرمان بكل اشكاله نفسي و جسدي .. اذا كنت تستطيع ان تصبر و تعيش في هذا الحرمان فهذا الشئ راجع لك .. اذا تستطيع ان تحاول وتحاول الي ان تتحسن حتى لو بعد مرور السنوات فهذا شي راجع لك .. كل ما تحتاج له يا اخي ان تتخذ القرار الاخير .. اما ان تستمر معها و تقول هذا قدري بدون ان تتحسر على كلمة عطف و حب من جانبها او ان تسرحها و كل واحد في طريق و تبدأ من جديد .. انت مشكلتك في اتخاذ هذا القرار دائما تؤجله و تؤجله و تؤجله .. |
| الساعة الآن 11:05 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©