|
بإختصار ليتني ماتزوجت...!!!!
السلام عليكم
بدخل بالموضوع على طووووووول انا متزوجه من 4 شهور تقريبا مشكلتي في زوجي وعناده واهله اولا احس انه مو متقبلني ابدا يعني لايحب يسولف ولايضحك معي عكس لما يكون مع اهله يضحكهم وحاصة اخته يدللها ويضحكها كأنها عمرها 5 سنين واهي قدي بالضبط مع انه مختارني بإرادته مخطوبه له من كان عمري 14 تقريبا طبعا احنا مجتمع ممنوع من المكالمات والشوفه حتى بعد الملكه كان اول ايام الزواج يمدح ويتكلم بس اول 3 اياااااااام بعدها تغيييييييييييييير يحاول يعلمني انو اهلي اهم شي وانتي مايهم طبعا مافي امل اعتب برا البيت الا ويمر اهله اذا يبون يروحون يمشون كلهم ماكأننا عرسان واهو مررره مبسوط اصلا طلعاتنا بلحالنا تنعد بالاصابع ثانيا انا موظفه وعشاني موظفه مايبي يعطيني مصروف ولايبي يوديني خذيت سواق على حسابي مع انه واعدني انو اذا نقلت مكان عملي اهو يوديني وكالعاده اخلف الوعد بعدها ناقشته بالمصروف وقالي بعطيك مبلغ رمزي وماشفت شي...!!!! طلبت منه شي اساسي بالبيت يقولي خذي من عند اهلي...!!!! تحايلت عليه والان لنا شهر وكل يوم تصريفه وكذبه جديده ثالثا لما اروح بيت اهلي احسه ينبسط مررره وكانه يبي الفكه مني مادري لييييييييش انا حاسه انه مايحبني بس اهو بعد ماعطاني فرصه احبه بالنسبه للعلاقه كان اول اوكي من يومين بدا يتغير وكانه ماله نفس ابدا ومانطق ولاتكلم ولاكلمه والعاده يتكلم ويسولف ويروق بعد العلاقه طبعا احسه بيسوي فيها ثقل علي واعرف زوجي اذا كان يتصرف بسجيته والا احد معطيه نصايح كيف اتعامل مع كل هالمشااااااااااااااكل ومع هالزوج الله يهديه ويسخره لي |
طيب الله يجزاكم خير دعوه عالاقل والافضل لو تكون بظهر الغيب مو لازم تكتبوها
|
الله يفرج همك
هل جربتي مناقشته بود والتفاهم معه ومعرفة أسباب مايقوم به جربي وشوفي ايش يقولك الله يكون بعونك ويفرج الهموم لنا ولك وكل مسلم |
الله يهديه يااااااارب ويسخره لك .......... تتمني ماتزوجتي وانتي توك مالك اربع شهور كيف بعد اربع سنوات.. يقولون دائما السنه الأولى من الزواج تكون كلهااااااا مشااااااااكل ... والله أذكر وحده من صديقاتي اتطلقت مرتين بالسنه الأولى والحين لها سبع سنوات متزوجه زي العسل مع زوجهااا .. وكثييير من الازواج يتوقعون ان زوجاتهم يبغون يبعدونهم عن أهلهم يمكن عشان كذا يتصرف هالتصرفات ... بينيله انك تحبينهم وانهم زي أهلك ..... يمكن يركد شوي ... اذا زوجك تنفع فيه المواجهه واجهيه لاتسكتين ... يمكن يتعدل .... أنا زوجي مايرجع يتعدل الا بعد هوشه وصراخ.. الله يعينك ياااااااااارب اكثري من الدعاااء وطولي بالك شوي ... |
لاحول الله ولا قوة الا بالله
دااام كذا تصرفااته ليييه ياااخذو بنااات الناس ويظلمهم الله يهديه ويصلح باله رجااال اخر زمن لاتسكتي يااختي الغاليه واجهي والله لاسكتي بيمرمط فيك الارض زي وحد عندنا هنا قصتها تحزن لانها سكتت على نفسها ليييين ماذلها وانتي بداااية الطريق واجهيه يمكن يستحي على دمه ويعتدل معك |
اختي الكريمة اول سنة زواج اصعب سنوات الزواج
فيها يتم التفاهم بين الزوجين ومعرفة الشخصيات وطرق التعامل مع بعض ولا تضايقي نفسك ممكن زوجك معتبر ان علاقة الزوجين لازم تكون احترام وبدون مزح او شئ من هذا القبيل اجمعي له نكت واحكيها له دايم اذا تهاوشنا انا وزوجتي تفتح مفكرة النكت من جوالها وتقولي نكت الى ما اضحك ويتغير جو الزعل واذا هو يوديك لبيت اهلك يطلع يستانس مو معناها ارتاح منك وما يبيك انا انبسط لما اودي زوجتي لبيت اهلها لاني وقتها بشوف نفسي وبطلع مع ربعي ونجتمع ونستانس ونسمر بس مو معناها طفشان منها وما ابيها بس هذا الرجال يحب يسمر مع اصحابه وحاولي تغيرين الروتين اعزميه يوم على العشاء او طلعه تتمشون فيها واذا بالنسبه للراتب عطيه رقم حسابك وان شاء الله ما يقصر بعض الرجال يكون عندهم التزامات ماليه كقروض او اقساط سيارات فيسبب لهم ازمة بالتفكير في مصروف المرأه ويحاولون يتناسون طلبها وانتي موظفة وان شاء الله راتبك يكفيك والله يجزاك خير اذا صبرتي واحتسبتي وانا معاك ولا انكر انه مصروفك مفروض يكون من جيب زوجك لانه مسؤول عنك بس اعتبريها مساعده من نفسك ولنفسك وله بس اصبري شوي ما امداكم متزوجين والله اول سنة زواج صعبة جدا لازمكم وقت اكثر تحية طيبة والله يوفقكم |
الله يجزاكم خير يااااااارب
تناقشت معاه ودائما يعصب ويهاوش حتى لو الموضوع مايسوى دخلت اهلي في مسائل واحسه متحملني بس عشان اهلي يجاملهم مدري خايف منهم لان ابوي ماسكتله بس يعاند ويقهرني ويحاول يمشي كلامه غصبن علي حتى لو الحق كان معاي انا اخر مره عزمته على العشا وبعدها ماشفت المطعم ليومكم كم مره اقوله لاتطلعني انت انا عازمتك يقولي والله واعد اهلي اطلعهم مااخفيكم اني بدأت اكرهه شتااااااااااااان مابين حياتي عند اهلي وعنده طبعا نحفت كثير شهيتي انعدمت للاكل ولكل شي حلو بهالدنيا انحرمت من علاقاتي بصديقاتي مو عشانه مانعني لا لا بس لانو غرقني بمشاكل ماصرت ادري عن احد |
واضح انكم عايشين عند اهل زوجك
هل لكم شقة منفصله ولا جناح بنفس البيت بالنسبة لبديتي تكرهين زوجك ما اعتقد انتي بس متنرفزه وهذا شئ طبيعي انا احياننا اطلع من البيت واقول ليتني ما تزوجت بس ما اقصدها كلمة بوقتها معصب طيب جربي تلمحين له <<<<< زوجتي اذا قصرت معاها بشئ تلمح لي وانا افهمها مره تقول صديقتي زوجها يسوي كذا وكذا وكذا وهي تسكت ما تقول شئ وش رايك تكلمة وتقوله زعلتني ولا لا ؟؟؟ واذا هو يطنش التلميحات اجلسي معاه بس شرط بيوم يكون رايق وقولي له ليه تزوجتني وش السبب ؟؟ هل انت مرتاح معاي ؟؟ انا مقصره بشئ :18: قولي له انا لي حقوق تجلس معاي تطلعني ولأهلك حقوق تطلعهم وتجلس معاهم بس خلينا نسوي جدول يعني طلعتين او 3 طلعات بالاسبوع مره لنا ومره لأهلك والعناد عند اغلب الرجال مو بس زوجك اذا عصب على شئ ما يستاهل قولي له ليه معصب على شئ ما يسوى ولا تبينين انك مستغربه من ردة فعله وعصبيته واذا هو معصب فهو معصب على نفسه ولا تردين عليه اذا ينفخ ويرفع صوته ويهاوش لا تتناقشين ابداً طنشيه ولا تناظرينه بس ناظريه وقولي له هدي نفسك ونتكلم بهدوء اذا ترفع صوتك فأذني ما تسمع الصوت المرتفع والهواش كل ما ينفخ وهالشئ نفع معاي انا شخصياً :22: لان هالشئ كان صفة من صفات زوجتي وبطلتها لما شافت انها ما تجيب نتيجة بالعكس ما كنها تتكلم ابداً وبطلتها وصارت تتفاهم بهدوء حتى لو انا غلطان تتفاهم بهدوء اعطيها اللي تبي بس بذرة الخير موجودة في زوجك لانه بار بأهله ويحبهم |
اقتباس:
|
أنا ماأشوف فيه مشكلة لهالدرجة
حابة اقولك كل نقطة بمشكلتك: 1/تعلقه بأهله، عادي ليش متضايقة هو معاهم طول عمره،أغلب الرجال كذا ببداية حياتهم..إذا رزقكم الله أولاد بيبدا يتعلق ببيته وأهله أفضل من استراحات وطلعات.. بالعكس حلو لو تطلبي منه تطلعوا مع أهله وصدقيني إذا زينتي علاقتك بأهله أنت الكسبانة وعن تجربة.. وزوجك من النوع اللي يحب الجماعة قدري هالميول عنده.. 2/بالنسبة للمصرف أغاب الموظفات كذا تلقائيا تصرف على نفسها ولاتطلب يعني الحمد لله الله مغنيك ومعطيك،والدنيا الحين مو مثل أول مومعناته تصرفي على البيت والفواتير والبطاقة تكون معاه لابس احتياجاتك منك،ولو طلعتوا مع بعض مافي مانع تطلبي منه حاجة خفيفة أو يوصينه يشتري لك غرض بسيط بعدين تخيلي مشاعره تطلبين والله معطيك بيحس انك مادية وهالشي مو حلو..ويكرهه فيك.. 3/وبالنسبة للكلام الحلو أعذريه،الشباب مايعرفون يتكلمون انتي بعذوبة كلامك مع الوقت يتعلم بإذن الله خصوصا إذا هو ماهو راعي أفلام وخرابيط ماراح تكون عند خلفية ولا جرأة يتكلم 4/السوالف والجلسات انتم لسى ببداية حياتكم ماتعود عليك وتلقينه يهاب يتكلم عموما عطيه جو مريح ومرح خليه يأنس بوجودك اصبري عليه بتقر عينك بإذن الله مستقبلا الله يوفقكم يارب |
لا حول الله
الله يهديه ويحنن قلبه عليك يا قادر يا كريم انا اقول انتي غيري اسلوبك معه عكس اسلوبك الحالي يمكن ينتبه لنفسه |
الله يفرجها عليك وانشاء الله مع الوقت راح تفهموا بعض بس انتي واضح من كلامك انك تغاري حبتين من اهله وهذا الشي مضايقه عشان كذا يفضل يجلس معاهم اكثر حاولي تضغطي على نفسك ومع الايام راح يكون كله تمام
|
شووفي حبيبتي انا بنصحك نصيحة مجرب بحكم اني مطلقه ومواصفات زوجك قريبه لمواصفات طليقي .......
لاتلتفتين للكلام اللي يقولك هذي اول سنه شيء عاادي وتستسلمين لأمرك وتنتظرين الفرج بدون ماتسووين شيء...... اذا تبغين زوجك يحس بقدرك وقيمتك لازم ماتسكتين عن حقك وداامك في بداية الطريق لازم تحطين النقاط على الحرووف ....... لانك اذا سكتي بيتمادى وبتوصلين للمرحله اللي وصلتها انك تكرهينه لاتقولين اللحين انا كارهته لاحبيبتي الكره انك خلاص ماتطيقين تشوفينه ولاتسمعين سيرته مثل ماصارلي ... لأنك تكونين طوول الفتره اللي عايشتها معاه تعطين ولاتآخذين .... وااجهيه او خلي والدك يكلمه وحطي شرووط ياأنه يطبقها او كل وااحد يرووح بطريق ...... انا بالكلام هذا ماانصحك بالطلااق ابداا انتي توك مااستنفذتي كل الوسائل لكن النوع هذا من الرجال ماينفع معها الاالقووة .... ونصيحتي الأخيرة لاتبينين له انك مومرتااحه مع اهله اومتضايقه منهم جيبيها بأسلوب ثاني لأنك اذا بينتيله هذا الشيء بتزودين المشكله وبينفر منك فاذا كنتي تبغين تتقربين منه بينيله محبتلك لأهله ..... وكثري من الاستغفاار والدعااء ليسخر الله لك زوجك ويرده ردا جميلا ... معليش احس اني كثرت البربرة:d ...... |
الله يسخره لك
هذه اول سنه زواج لازم يكون فيها تباعد في وجهات النظر الله يصبرك واكثري من الاستغفار |
اختي هل مستوى اهلك الاجتماعي والمادي افضل منه؟ وهل وظيفتك اعلى مستوى من زوجك؟ |
مرحبا أختي العزيزة......صدقيني كل إلي تمري بيه طبيعي جدا...... مريت به وكثير من صديقاتي
أولا زوجك يعتقد أنك لا تحبين أهله وقد يكون لا يخرج مع أهله قبل الزواج مثل ما يخرج معهم الآن انتي سوي عكس ما يعتقد.....مثلا إذا قال بمر على أهلي نطلع سوى ابتسمي وفرحي وقولي كذا الطلعة ولا بلاش........ صراحه ما أعرف اونس بدونهم.........دايما مدحي أمه وحنانها وأخواته........وقد ما تقدري قوي علاقتك بيهم حتى أنا زوجي ما كان يتحدث معي كما يتحدث في جمهة أهله وكنت أتضايق وأصارحه بس لو يرجع بي الزمن لما فعلت ذلك باختصار حبيبتي افعلي عكس ما يتوقع ، ولا تحسسيه انك ضاغطه على نفسك أبدا......... ولا تضغطي عليه ليه وليه بالعكس انبسطي وافرحي.......... مشكلتنا نعتقد انه كل ما جلسنا أكثر مع أزواجنا ينبسطوا وننبسط بس بالعكس كثرة الاحتكاك في البداية تكثر المشاكل وأبشرك أختي انه الآن زوجي يفضل أن نخرج لوحدنا بالرغم من طلبي أحيانا أن نخرج مع أهله لا تدعي مجالا للشيطان ولا تقولي ما يحبني هوه يختبرك تحت المجهر ويارب يسخره ليك |
اقتباس:
لانه اغلب الرجال يسمعون من بعض او من الاهل انه الزوجة تسيطر على الرجل وتنسيه اهله فهو متحسس من هذه النقطة لذلك اكسبيه عن طريق محبتك لاهله واذا رأى انك حريصة على الطلعة مع اهله هو راح يبدأ يقلل الرغبه في الطلعة معهم وربي يوفقك ويسخره لك يااارب |
طيب الله يجزاكم خير دعوه عالاقل والافضل لو تكون بظهر الغيب مو لازم تكتبوها
|
الله يسخره لك حبيبتي .. بس يمكن انتي مقصره معاه ؟؟ دلعيه خليه مثل الطفل
شفتي الطفل كيف ادلعينه وادلعي بحركاتك صوتك ملابسك..مره قولي له اشوف اشوف عيونك ياربي تجنن وبوسيها..يعني خليه يستانس العبي معاه حسسيه بحبه وخوفك عليه..والله يهديه انشاء الله بس انتي غيريه بذكائك ودلعك..والله يوفقك ويسعدك ويرزقك بالذريه الصالحه |
سخركما لبعض وادام الحب بينكم
والحياة الزوجية تحتاج الى صبر وتضحية اعاننا الله |
اقتباس:
اتمنى اني مااكون تقيلة دم واسفه على الاطاله الله يهدي زوجك ويوفقك يارب تحياتي |
| الساعة الآن 05:31 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©