|
زوجتي بدأت تتغير !! اريد الحل !
السلام عليكم
ماعندي مقدمات ابدا انا متزوج من شهرين تقريبا .. عشت في الشهر الاول احلى ايام حياتي وكذلك فترة الملكة كانت رووعه لاحظت في الاسبوع اللي مضى ان زوجتي صارت ما تهتم بنفسها وبمظهرها !! عصبية وتصارخ لحد ما تبكي .. تنآآآآآآآآآآآآآآم نوم غير طبيعي .. والآن وانا اكتب الموضوع وهي نايمه علماً باننا كنا نسهر الين الساعه 2 الفجر واحيانا اكثر .. وايضا صارت تتقرف من كل شي ولا عاجبها شي ! ريحة البيت ريحة الاكل ( نعمة ربي استغفر الله ) ووصل الامر الى انها اذا جيت جنبها تحط يدها على أنفها ! علماً بأني ما أهملت نفسي من هالناحية ابدا واتروش اكثر منها سواء بهالفتره او قبل ؟؟ بالنسبه لي ما قصرت معاها باي شي واي شي تطلبه يجيها قبل ما تكمل طلبها .. وامس كنت نايم وقومتني قبل الفجر بنص ساعه تبي عصير سنتوب ! يعني ماعندها مبالاه ابداً وهي عارفه اني ما نمت الا متأخر ووراي دوام وبعد تطلب طلب واذا جبته لها تقول ما ابغاه !! والمهزله انها تطلب طلب ثاني .. اعتقد تحاول تتعبني باي طريقه انا كنت اسمع الناس تقول الزواج قرف لكن توقعت بطلع لي بسنه او سنتين حلوه ! وبالاخير ما حصلت حتى الشهر ! انا احس ان فيه احد يعبي راسها علي !! ساعدوني تكفووون ! |
اخي يمكن زوجتك..حامل..اعراض النوم الكثير ..والقرف من كل شئ اعراض حمل
ونفسية الحامل تكون تعبانة جدا وافعالها تكون غير متوقعة... لازم تكون متفهم لتعبها وحملها الاشهر الاولى صعبة |
تصرفات طفوليه وبالاخص تسكير الانف .. ليه وش شايفتك؟؟
الله يعينك |
ياخي هوالات حريم تبي تقول لك انها حامل
او تحسسك انها حامل قول لها درينا خلاص |
آخي الفاضل /
زوجتك حامل ,, آلف مبروك ,,, فالكثير من السيدات تتعرض لمثل هذة الاعراض في بدايه الحمل والبعض يمتد إلى النهايه ,, ووتتفاوت هذة الاعراض من أمرأءة إلى اخرى وفقكم الله |
شكلها حامل
بعض الحريم وحامهم صعب وبسرعة يبان |
يااخي كل اللي قلته هذه اعراض وحام يعني والله اعلم المدام حامل..
يااخي في هذه الفترة بدك تصبر وتتحمل لانه مايحدث للمرأة في هذه المرحلة من تغيرات هرمونية تؤثر على المزاج وعلى نفسية المرأة يعني بتصير حساسة زيادة وبتبكي بسرعة اوبتزيد العصبية وبتحس بخمول وكسل كبير يؤدي الى نوم ساعات طويلة..والروايح حدث ولا حرج بتصير تحس لكل شي ريحة مقرفة للبيت للناس .....بتدك تحن عليها بهذه الفترة وتتفهمها وتحسسها انك فاهم وضعيتها... ومبروك مقدما.. |
مبرووووووك بتصير ابو :)
اعراضها اعراض حمل انتبه لزوجتك كويس وراعي نفسيتها والله يخليكم لبعضكم |
اطمن الف مبروك الحمل:14:
|
بسم الله ماشاء الله ...
الله يثبت حملها ... سوي لها فحص دم عشان تتاكد .. الف مبرووك اخي و الله يعينك على وحمها و يعينها هي كمان |
من جد الله يكوووون في عووونها المسكينة كسرت خاطري
اخي بالله خليك حنون وطيب معاها وتحمل كل شي يجيك منها لانها حاملة ضناك في احشائها يااااه اكثر شي اكره في الدنيا الوحام وتعب الحمل وقرف الهرمونات اللي تلعب في نفسياتنا لعب والله احس نفسي في الدنيا ومو في الدنيا الله يرزقكم الذرية الصالحة يارب |
فعلاً كلام اخواني واخواتي هذي اعراض حمل :15:..........................مبروك الف مبروك :17:..............
ترى هذا من الوحام المتعب اني الزوجة تقرف من زوجها وترى يقولون ان الزوجه لم تتوحم على زوجه هذا من زود حبها فيه ....... الله يعينك اجل تبي محبه بدون عواقب:) ربنا يوفقكم ويسعدكم................... |
غريبه مافهمت شي:(
ايوه حاااااااامل ماشاءالله تبارك الرحمان شوف عقلك راح لفيييين قال ايش احد معبي راااسها هههههههههههههه الف مبروك:22: |
أعراض حمل
لكن لا تنشر الخبر أو تتحدث بذلك إلا بعد أن تتأكدان بإذن الله |
كل الاعراض اللي ذكرتها اعراض حمل ان شاء الله بس اول شي تسويه انك تعملها تحليل دم وان شاء الله تطمن
|
اول شي مثل ما قالولك الأخوات اتأكد يمكن حامل
واذا حمل عاد الله يعينك اتحملها كل وحدة حامل تمر بأعراض مختلفة الله يسعدكم ويهنيكم ويرزقكم الذرية الصالحة تحيـــــــــــــــــــــــاتي |
اقتباس:
الف مبرووووووك الله يعينك تحمل ترى كل اللي يصير غصب عنها مو بإرادتها وأبشرك تراها توحمت عليك الله يعينك أنا مرة توحمت على شغالتي لما تدخل كأنها شيطان دخل عندي والحمد لله بعدها يرجع كل شيء طبيعي وأحسن من قبل بإذن الله لأن وقوفك بجانبها بتتذكره بعد ماتنتهي وحام وبتقدر لك موقفك تماااااما ولاتنسى مافي حلاوة من غير نار ولاتنسى أنك بتصير (أب) بإذن الله والله يسعدكم ويتمم حملها على خير |
بسم الله عليك اخي
زوجتك حامل بقدرة قادر وراح اذا توحمت عليك تقول ودني عند اهلي اصبر هههههههههه |
زوجتك حامل اضم صوتي للاعضاء وقلت ارد انا كمان بنفس الرد عشان تاكد
اعملو تحليل وعاد بدك تتحملها حرااااااام الحامل مسكينة كتير لو تحسو الرجال باحساس الحامل كيف بتحس الدنيا مش سايعاها من كتر القرف والديق لتقدرو صدقوني انو احساس سيء ومقرف وفظيع والوحدة بتحس حالها بدها تموت من كتر القرف والديق من اتفه شي الف مبروك |
الله يجزاكم خير كلكم ..
سوينا تحليل وبكرا نتيجته .. وقالوا الافضل يتسوى في موعد الشهريه او بعدها حتى لانه يقولون الحين يحللون هرمون الهيدروجين اظاهر كذا اسمه .. عموما انا متفائل .. والسسب بعد الله .. انتتتتتتتتتتتم كلكم الله يجزاكم خير والله يعيننا على هالفتره س / الوحام هذا كم يجلس ؟؟ فيما لو كان فيه حمل ؟ |
اقتباس:
وفية بعض النسااء تتوحم طوول حملهااا لكن الاغلب تتوحم من 3 الى 4 شهوررر ما ادري كاان من الاسلم انة تأجل الحمل شوووية افضل لكم حتى تتهنو مع بعض كم شهررر وان شاء الله تطلع بعشرة عمرر حلووووة احسن من سنة او سنتين :d الله يوفقكم ياااارب |
يالله مبروك البيبي ولا تقصر مع المدام دللها شوي بعد تسعة شهور بتحولك إلى أب يعني تعطيك لقب فاخر |
يا الله مبروك البيبي
|
هههههههههههههههه
اعراض زوجتك انها حامل وشكلها متوحمه فيك ههههههههههه الله يعينك بس اصبر عليها كم من يوم وترجع زي العسل وعلى كثرة النوم عادي في آخر الأشهر ما راح تنام من كبر الجنين روح انت وياها للمستشفى وسوي فحص دم |
الف مبروك زوجتك حامل وانشالله تقر عيونك بالاولاد
|
حسب في 3 شهور وفيه عخفيف جداااااااا
وفي ناس ال9 شهور كلها للاسف مابدي اشائمك وان شاءالله مايصير هيك لانو حالات نادرة |
[align=center]ان شاء الله انباركلك يا ابو العيال
اكيد المدام حامل بس الغريب انك ما شكيت لامك او امها لان هاي اعراض دلع وحمل[/align] |
اما عن فترة مدة الوحم
الله يعينها في تفاوت في حريم 3 اؤ 1شهراو 2شهرين او اكثر شكل زوجتك مثل ؤحامي شديد الئ درجة كنت مااكل اتقرف من الطبخ وبلاخص الكبسه اكره ريحة الصاله الي كنا نجلس فيه اشم اللله يكرمكم مثل اللحم الفاسد ....وع وع... كنت ابكي ابكي اهاوش ............ كرهت زوجي من يؤم اشوفه يدخل قلبي يشب وكنه قاتل لي احد اكرهه وللاسف ووالله العظيم ان هلاحاله استمرت معي الئ ان ولدت ولكن خفت شؤي من بعد اربع شهور ولكن الكره لزوجي استمر..... وبعد الولاده ولله الحمد رجعت المياه لمجاريها...واعتذرت لزوجي عن اخطائي عليه في الفتره الماضيه... المهم علئ البركه والله يعينها. |
في موضوع لذيذ كان عن وحام الزوجة على زوجها اقراه
حلو وظريف http://www.66n.com/forums/showthread...D2%E6%CC%E5%C7 ومبروك على الحمل .. ربنا يتمم على خير وترزقوا بالطفل المعافى :15: |
أخي ألف مبروك زوجتك بأذن الله حامل وأزيدك من الشعر بيت
أن شاء الله أن شاء الله البيبي يشبهلك كثير أنا قالتلي وحده هالمعلومه لان بحملي الاول توحمت على زوجي وما أطيق ريحته وطلع ولدي يشبهله كثيييييير وبحملي الثاني توحمت على أختي الصغيره تنرفزني وبس أخاصمها وطلع ولدي يشبهلها كثييير وكل من شاف ولدي قال ماشاء الله يشبه لأختك والله يتمملكم على خير أصبر عليها هذى أكثر فتره محتاجتلك فيها فكون قريب منها ولا تقصر عليها وألأهم بالمعامله الحسنه والكلمه الطيبه |
اخوي بعض البنات اذا جاءت الدوره اخلاقها وعصبيتها تكون سيئه لكن حاول انك تشرح لها المشكله ووصدقني البنات يحبون الخروج برا البيت سوا لمطعم او قهوه او التمشي على البحر الخ........
|
هذه أعراض وحام
والله أعلم تبان النتيجة بالتحليل حاول ما تدقق على تصرفاتها وبالعكس تحتويها وتسوي لها اللي نفسها فيه لأن الوحده تقول أشياء وتطلب أشياء وتشتهي أشياء والوحام تعب وقرف وتغير هرمونات والوحدة مننا تكره الروائح وتشم أشياء غريبة وتكره أشخاص وما تطيق شوفتهم ولا ريحتهم ما يقدرون يآكلون أي شيء وإذا كلوا انقرفوا ويمرضون من ريحة الأكل اللهم لك الحمد نسبة كبيرة ما يقدرون يتحملون الطبخ أعرف وحده لين 8 شهور حتى ما تفتح باب مطبخها وأعرف وحده تتوحم على أصوات معينة من تسمعها تستفرغ وأشياء عجيبة غريبة لقمان (آية:14): ووصينا الانسان بوالديه حملته امه وهنا على وهن وفصاله في عامين ان اشكر لي ولوالديك الي المصير حالتنا ما يعلم فيها إلا الله وحقنا على الولد أكثر من حق الأب مو بالضعف بل 3 أضعاف وعادة ينقطع الوحام على نص الرابع وناس يستمر أكثر وناس ربي ينعم عليهم ويصير وحامهم خفيف وكل حمل وحامه يختلف عن الثاني ألف مبروك |
ههههههههههههههههههههههه
الف الف الف مبروووك وربي يسعدك ويسعدها يارب ويرزقكم الذريه الصالحه يارب +_+ |
| الساعة الآن 01:05 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©