|
عروس و اكتشفت لزوجي علاقة بفتاة أجنبية
السلام عليكم ورحمه الله وبركاته..
اولا كل عام وانتم بخير بحلول شهر رمضان الله يبلغتا الشهر الكريم.. بعرض عليكم مشكلتي لان مقدر اقول حق اهلي عشان اهلي يكبروا المواضيع.. ولازم الواحد يشكي مابداخله ولامات حسره ولااثق في احد فهاذا الزمن واتمنى منكم يااخواتي تحلون لي المشكله... كنت قدام اتزوج اكلم زوجي وكان دايما يقولي ماعندي سوالف السفر والشباب والبنات ولاراعي خرابيط خلاني اثق فيه لان انا ماكنت اقوله شي من نفسه يتكلم وقلت لا رجال عاقل وفيه خير والحين آنا متزوجه من شهرين وحامل وللحين فغرفت زوجي القديمه لان بيتي لسى ماخلص وطبعا اذا انتي بالغرفه بتشوفين ايش فيها بالصدفه اذا تنظفين او ترتبين المهم: لقيت جوال فتحته فضوول طبعا وعادي جوال وابغي اشوفه :25: المهم انصدمت صدمه:eek: لقيت فالرسايل رساله بالانجليزي مكتوب اسم صاحبها mylove انا هنا استنزلت:mad: رحت دقيت ع الرقم لقيتها .... انا هنا مت قهر ورحت ادور قلت اكيد فيه بلاوي ثانيه واشوفه متصور مع وحده من ...... شوي الله يعزكم ورجع ارتفع ضغطي وافتح الدرج الثاني واشوف رساله غراميه من ... كان مسافر شنو انقهرت :19: قعدت اصيح من القهر لانه طيب معي وحنون ولافكرت ابد انه راعي حركات وخرابيط رحت افتش لقيت شكثر جواويل وفيها بلاوي وصور بنات وافلام انا هنا قلبي احسه بيوقف :( رحت كتمت فقلبي ماقلت شي ولا خليته يدري اني عرفت وصارت نضراتي له نظرات حزن وقهر حتى يقولي شفيك متغيره اقوله لا ابد تعبانه المهم هو مدمن انترنت وصدته مره دخلت عليه راح طلع ع طول من الموقع انا هنا فقدت اعصابي وانقلب جهي حتى هو قالي شفيك مبوزه قلت لهه تخيل انا سويت نفسك ايش بتسوي قال والله مو داخل شي غلط انتي شكاكه ومدري ايش واقنعني قلت لوكي مشيتها شوي ثاني يوم قمت من النوم لقيت داخل ع موقع وحاط صورته:19: ماعرفت شاسوي اصارخ اضرب نفسي ولقيت فجواله مسج من رقمه القديم اللي كانت فيه mylove سبحان الله بالصدفه كات مشترك فخدمه مادري شنو قلت له من رقمه هذا قال رقم واحد من الربع انا هنا احترق قلبي قلت اكيد للحين يكلم ..... قلب واحد من ربعك اهاااا وشوي طلعت من الغرفه ودخلت عليه قلت ليه ليه تكذب علي تقول رقم واحد من الربع وهو رقمك راح قاعد يصارخ كيفي ماابغي اقول لك يعني لازم تعرفين وتنرفز وطلع من الغرفه وكسر الباب رحت قعدت اصيح ورجع قال اصلا انا كنسلته شلون كنسله وتوه مطرش مسج انا مو عبيطه افهم يعني قلت طز فالرقم انا منقهره عشان صورتك اللي حاطها فالمنتدى وكل ماتشوفني تسكر الموقع راح قال مشارك فموقع عشان الجوال حتى تعالي شوفي قلت طيب ليش خايف ليش تسكره كل ماشفتني راح قاعد يصارخ رحت ضحكت وطلعت من الغرفه قلت له ماني غبيه.. راح بعدين قاعد يتاسف وقال تعالي شوفي الموقع وبشيل صورتي شفت الموقع بس طبعا يوم راح الدوام كانت ردوده عاديه مدري ليش كان خايف رحت حزنت قلت اتسرعت بس معي حق ولالا؟ وكانت فلساني سالفه ...... اللي كان يكلمها بس ماقلت خفت ليسوي فيني شي تكفون يابنات شاسوي اقوله ولا ماقوله عن اللي شفته.. وكيف اتصرف معاه صدقوني قلبي يحترق بس مدري شاسوي.. ارشدوني جزاكم الله خير الإشراف / عفواً تم تعديل العنوان ليتضح المضمون |
اواجهه باللي شفته ولااكتم فقلبي واحترق فهر واذا سكت عنه بيعيدها ويمكن يكرر الخطا قدام عيني شافني طيبه ومالي لسان بس انا اقدر ارد بس اخاف ع مشاعره ...لانه زوجي بس لازم اقوله صح؟؟
عشان يحس اني كاشفته ويخاف يعيد الغلط.. ارجو الرد سريعا.. تكفوون |
عفوا.. تم نقله لقسمه المناسب .المتزوجين |
طبعا واجهيه وخدى موقف حاسم جدا عشان مايعيدها ولا تعدى الأمر بالساهل ابدا ابدا لحد مايراضيكى اعوذ بالله الدنيا خلاص ما بقى فيها امان وانتى هدى نفسك عشان البيبى
|
اهي اهي اهي والله تعبت ياعروس من طيبتي احس اني يوم من الايام بموت من القهر من كثر مااكتم
اخاف يسوي سالفه اذا واجهته انا دمعتي فعيني ع طول تنزل .. مشكوره يالغاليه انا قلت نفسك بواجهه..بس متردده:( |
لا صدقين لا تواجهيه راح يعاند وبل بالعكس يحس انك ما هديتيه ورحتي وبعدين يسويها قدامك انا من رائي ان هالخرابيط قبل الزواج انتي لا تحاسبيه الا على الجاي وبكرى بعد البيبي راح يعقل صدقيني احتويه وراح تنسيه الفلبينيه وغيرها بس انتي راقبي ومن بعيد والف مبروك على الزواج والبيبي ونصيحه لا تكوني نكديه علشان ما يدور الوناسه عند غيرك
|
اقتباس:
|
اقتباس:
صدقيني ياصمت عمري ماصرت نكديه الا هاليومين وهو مرتاح معاي ويقول الحمدلله اللي رزقني بنت طيوبه مثلك بس اشوف حركاته زايده واخاف ان الفلبينيه معاه للحين يعرفها من زمان يمكن من 3 او 4 سنين واخر مسج منها من 6 شهور يعني يوم قبل الزواج يوم هو خاطبني .. يعني ماواجهه؟؟ |
نصيحتي لا تواجهيه صدقيني عمره ما راح يثق فيك اذا كشفتي اوراقه كلها مره واحده ياما ناس تعرف ان ازواجها تدخن بس ما تبغى تواجهه تقول اذا صارحته راح يدخن قدامي ولا هامه اما بالخفاء يكون احسن انا من رايي اصبري عليه شوي وراقبيه من بعيد ما انعدل لكل حادثه حديث عشان ما يكرهك وينفر منك
|
اقتباس:
يرجى كتابة لفظ ( إن شاء الله ) كما بين الأقواس . شكراً الإشراف |
اقتباس:
|
اختي لازم تواجهينه بس مو الحين
لاجاء يسافر لوحده بدونك .. قولي له السوالف اللي شفتيها وقولي له خلاص ودني لاهلي لاجيت تسافر.. لاني مارح اجلس مع واحد يخونني .. ومن هالكلام لما يخاف انك تتطلقي رح يعقل ويرجعك وانتي اشترطي عليه انه مايسافر بدونك لانك مارح توثقي فيه بعد اليوم بس هالفتره خليه زينه معه بس لاتتكلمي كثير ولاتشتكي كثير اما السباحه ..انتي سبحيه ..قولي له مشتهيه اسبحك ومن هالكلام وداعبيه ودلعيه .. ولما يطلع صلي معه وقولي له .. انا احب اشوفك تروح المسجد وتصلي عشان لاجاو عيالي بكره يصيرون من اصلح الاطفال وقولي له بين فتره وفتره...انا احس من شكلك رجل تقي وصالح بس ظروف عملك هي اللي تخليك تهمل صلواتك الله يعينك حبيبي .. ولاتهاوشيه خلي كل شي بالسياسه |
حبيبتي الله يوفقك ...انا ارى ان كل هذه الخرابيط قبل الزواج وما لها اي تأثير الان مجرد اشياء قديمه فلا تلتفتي لها وتفتحي على نفسك ابواب الشك والمشاكل...اذا عو طيب ولطيف معك وما يسوس شي الان خلاص مافي داعي تقلبي حياتكما جحيم بسبب ماضي....
اذا عمل شي الان حاسبيه لكن تحاسبيه على اشياء قديمه مو معقول... اسعديه واستمتعي باجمل ايام حياتك..اشركيه معك في امور الحمل والبيبي و راقبي تصرفاته من بعيد بدزن شك زائد ... تمنياتي لكي بكل السعاده |
اذا كان ما يصلي نهائي فصدقيني نسكت احنا ليتكلم الشرع لاني سمعه حكم الي تعيش مع زوج مايصلي لا يجوز ويفسخ عقد الزواج الله يهديه على كذا ارجع واقول عالجي موضوع الصلاه لان بعدها راح ينعدل لان الصلاه تنهاه عن كل فحش وذنب والله ييسر لكم الخير
|
قلبي معاك حبيبيتي
أولا أهنيك على قدرتك على مسك أعصابك وعدم البوح لزوجك عن خرابيطه لأن هذا الشيء جدا مهم ، لأن الغضب لحظات وبعدين يهدأ الإنسان أعتقد الحين انتي هادية وتقدرين تفكري تفكير عقلاني. أنتي حبيبتي حياة زوجك ما قبل الزواج ليست من حقك بل من حقه هو فقط، ما هو من حقك حياته ما بعد ارتباطه بك فإنتي اذا بتعاتبينه عاتبيه على خرابيطه ما بعد ارتباطك به ولازم تعاتبينه اذا اكتشفتي شي غلط لأن الوحدة منا لازم تحافظ على زوجها وحياتها خصوصا هالزمن صار يخوف والخيانة الزوجية صارت شي مألوف. عاتبيه وحاسبيه حبيبتي عشان ترتاحي وهو يبين لك الصح فربما يمكن انتي فاهمة شي غلط يمكن يوضح لك أشياء انتي ما تعرفينها لكن كل هذا سويه بهدوء. الله يوفقك ويهدي زوجك للصلاة لأن هالموضوع أهم ويحفظ لك جنينك |
ااخذيها من ناس مجربه
لا تقولين له لانه بيتمادى وقدامك بعد انتي وضحي له انك تشوفينه ملاك وتحبينه وبيرد هو لانه صعبه يصيرين عكس توقعاتك |
هو ما أدى حق ربه كيف بيؤدي حقوقك .. !!!!!!!!!
|
يا اختى لو حليتى مشكلة الصلاة بأذن الله الصلاة ستجعله يترك اى معاصى ودائما قولى له بطريق غير مباشر الحمد لله على نعمه ولكنى خائفه ان تزول وكيف نحافظ عليها ونجعلها تدوم واصبرى عليه وبأذن الله رجوعه الى الله سيكون فى ميزان حسناتك |
جزاكم الله الف خير احبتي فالله...
آنا ياناس انفجرت فيه بصوت عالي بس مو عالي عالي يوم صارخ علي قال ماابغي اقولك عن الرقم وقلت له اما لو قلت لك اشياء ثانيه يمكن تضربني يعني اصير انسانه عديمه احساس ماتغار تشوف الغلط وتسكت.. راح قال انتي فاهمه غلط رحت ضحكت وطلعت من الغرفه وانا ارتجف لان عمري عمري ماتوقعت اصارخ عليه بس صدقوني صراخ مو عالي وانا اعترف اني غلطانه مليوووون فالميه لاني عليت صوتي ع زوجي حبيبي:( راح نص يوم ماكلمني وانا قلبي مكسور من داخل ضميري ذبحني..بس صدقوني ماتمالكت اعصابي وقلت له لانك زوجي واحبكسويت كذا قال صراحه متوقعتك كذا ابدآ تغيرت نضرتي فيك قلت له هذا من زود حبك..واتاسفت له بس انا قلت له لو اني مو واثقه فيك كان من بدايه زواجنا قلت لك وش شف بس انا ماهمني الماضي اهم شي بدايه عمري وعمرك قال وش شفتي قلت بتعصب ومو لازم اقوول قال والله تقولين قلت تحلف ماتعصب قال احلف قلت له عن الجوال واسم البنت اللي فيه وقلت له عن الرساله اللي سكر الباب مره وخشها وعن صورته فالانترنت بس ماقلت له اني كلمتها وعرفت انها اجنبيه عشان لايعصب وانكر هذا الشي قال اي جوال ويمكن يكون مو جوالي انا هنت ضحكت وسكت لاني شايفه فاتوره جواله وفيه هالرقم المهم تراضينا بس انا ضميري يعذبني يقول ضلمتيه وانا والله العظيم ماحاسبه ع اللي راح كل انسان خطا وخير الخطائين التوابين ومافي حد معصوم عن الخطا..واللي فات مافتكر فيه بس اللي قهرني ان رقمه للحين عنده ويمكن يكلم الاجنبيه للحين :(معاه هنا شي طبيعي بيفور دمي بس انا عمري ماشفت شي عليه وهو يدور شلون يرضيني بس انا متحسفه اني طولت صوتي عليه وانه خذ فكره عني قولوا لي هل انا غلطانه؟؟ بينسى زوجي؟؟ بيكرهني؟؟.. |
للاسف يا اختي ما همك في المضوع هي غيرتك عليه وحبك لتملكه وهذا الواضح ليتك عندما عليتي صوتك عليه من اجل اهم شي التي لو صلحه صلحت حياتك كلها الصلاه ثم الصلاه فحالك كحال الكثيرات من الزوجات التي همها ان لا يعرف زوجها امراه اخرى وليس من اجل الدين بل غيره وخلافه لا تصبحين عديمه احساس اسمحي لي اذا صلح دين وصلاه زوجك صلحه حياتك خوذيها نصيحه من زوجه اشفقت عليك
|
قال وش شفتي قلت بتعصب ومو لازم اقوول قال والله تقولين قلت تحلف ماتعصب قال احلف قلت له عن الجوال واسم البنت اللي فيه وقلت له عن الرساله اللي سكر الباب مره وخشها وعن صورته فالانترنت
اللي قهرني ان رقمه للحين عنده ويمكن يكلم الاجنبيه للحين معاه هنا شي طبيعي بيفور دمي بس انا عمري ماشفت شي عليه |
اقتباس:
عاتبته ع الصلاه قال احس اذا ابي اصلي احس الشيطان يوسوس لي ماتوضيت او اطلع الله يعزكم (ريحه) يقول كان يحفظ قران ويروح المسجد بس اصدفاء السوء يقول ادعيلي بس..يقول فالدوام اصلي بس اذا جيت البيت ماودي اصلي..بس انشاءالله يهديه يارب.. |
أيش الفايده ماتواجهيه أنتي الي بتخسري لأن كتمان الامر بيتعب نفسيتك والضغط يولد الانفجار
لازم تواجهيه بكل مافي صدرك بس أهم شي في الوقت المناااااااااسب الله يهديه ويرده اليك ردا جميلا ويألف بين قلوبكم أسأل الله أن يفرج همك ويبدل حزنك سعاده وأن يحمي زوجك من الفتن ماظهر منها ومابطن اللهم أمييييين |
| الساعة الآن 05:57 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©