|
بعد الزواج اكتشفت فيه صفات سيئة
السلام عليكم كيفكم يااعضاء وعضوات الموهيم ابحكي لكم قصتي واريد منك النصيحة لاني تعبت وربي ماعاد ادري شنو اسوي انا بكر تزوجت بمطلق والكل يمدح فيه لكن للاسف بعد الزواج اكتشفت انه يحمل العديد من الصفات المش حلوة مثل انه قذر مش نظيف صراحة مااقدر اتحمل قربة مني او يلمسني وبخيل مااقولكم مايطلعني لسوق وملاهي بس لا هذا حتى الاكل مستكثرة علي تخيلوا بشهر العسل بعد شنو نطلع نتغدى او نتعشى ولو ماقلت له ماكو امل يسوي من نفسه بس لنفسة عادي كريم ماتعوق معه بيتغدى لو انا ماتغديت عادي عنده حتى ان بالايام الاخيرة صرت اكل بروحي العم صار ياكل قبل ما يجي عندي بالفندق وماعنده اسلوب كلش وياكثر مايكذب يقول لي انا ماثث البيت باثاث جديد ويطلع الاثاث تبع زواجة الاول منهري هذا غير انه كسول وبارد وغامض واهله متحكمين فيه صراحة ماعرفت اتعامل معه ابدا وتعبت نفسيتي منه وانا خلاص صرت افكر اني انفصل عنه بس هالانفصال هو الحل ام لا اريد نصيحتكم تكفووووووون لعلمكم انا بعدني بكر |
اقتباس:
|
لماذا ملابسه قذره ,, ماذا يشتغل زوجك؟
المشكله في أنه أنتم ماتعرفتم على بعض كويس يمكن قبل الزواج ,,, يعني أنت رومانسيه وتحبي الجو الرومانسي والخروج وهو إنسان له إهتمامات ثانيه بالإضافه إلى إنه مايهتم بنظافته وهذا يدل على لامبالاه وعدم إكتراث ,,, === أعتقد أن التفكير في الإنفصال ليس الحل وسوف أعطيك الحلول الجذريه : 1 - تطالبيه بأن يغتسل ويهتم بنفسه من أجلك كزوجه. 2 - تقولي له أنكم متزوجين ويجب أن تخرجوا وتغيروا جو على الأقل مره في الأسبوع وسوف يكون جيداً مرتين أو ثلاث مرات. 3 - يجب عليه أن يكون أكثر شاعريه ورومانسيه معاك فأنت مرهفة الحس وتحتاج للكلام الجميل تريد أن تشعر بأنوثتها. وإذا قبل بهذه الأمور (وأنا أعتبرها بسيطه جداً) كان بها وأستمرت الحياه بينكما,,, وإذا لم يقبل عليك بتوصيل الأمر لوالداك ,,, |
وش الفرق بين الجسد والبدن ؟؟!!
الله يصلحه هو مايعرف للنظافة طريق يعني مايتحمم ولا يغير ملابسة وريحتة مرررة فضيعة حاولت معه اهديت له عطور وجهزت له ملابس وقلت له ملابسك جاهزة لشان تتحمم بس ماحولك احد تعبت وربي |
الله يفرج همك ويسخره لك عليك بالإستغفار
|
على طول انفصال اشفيك اختي هذا مو حل ابدأي بأيجاد حلول لمشكلتك وجربي اكثر من اسلوب معه لعل وعسا يفيد شي بعدين اختي كيف تقولي اتفاجأتي فيه انتي ماذكرتي كم كانت فترة الخطبه وذكرتي انه مطلق ماعرفتي سبب طلاقه لزوجته الاولى ماعرفتي شي عن طباعه او شخصيته اثناء فترة الخطبه او الملكه ووضحي قصدك بقذر كيف يعني لايهتم بنظافته او غيره كيف صلاته وعلاقته بربه مشكلتك فيها استفهامات كثيره اجيبي عليها عشان يقدرو الاعضاء يساعدوك ان شاء الله
|
اخوي انا مو مشكلتي بالطلعات مستعدة اتنازل واتنازل
بس اهو مو مستعد حتى يوفر لي الطعام لو ماازن عليه ماذقت شيء مهيب حالة كل ماجعت ابزن والله انا ما ابي زواجي حروب حتى على الوجبات وش هالحالة وظيفته ادارية يعني المفروض يكون شكلة مرتب والاهم يكون نظيييف بس ماحولك احد |
اقتباس:
|
اقتباس:
لكن الفاجعة مااقولك عقب الزواج بشهر والا بسنة لالا من شهر العسل وانا معانية من هالاشياء حاولت بس اهو مو شايف نفسة انه غلطان تلمحين له تصرحين ماحولك احد كما ذكرت القذارة اقصد انه مش نظيف بمعنى مايتحمم مايهتم بنظافتة الشخصية لا الصلاة ولله الحمد يصلي ماخفت من هالناحية لكن انا اتكلم عن نقطتين ذابحتني عدم اهتمامة بنظافتة الشخصية وبخلة الفضيع |
ياأختي اشوف صراحه لاااازم تصارحيه بموضوع نظافته بس اختاري الوقت المناسب والاسلوب بعدين ياأختي دام صلاته تماام اجل كل شي ان شاء الله تماام وترا البخل مشكله لازم تكيفي نفسك على هالشي بالاول وبعدين تحاولي تغيريه واذا لزم يجوز لك تاخذي منه بدون علمه بعدين انتي كم لك متزوجه لسا بشهر العسل ولالا وانتي تقولي مايجيب حتا اكل لكن اذا جاع يصرف نفسه كيف يعني يجيب لنفسه اكل ويسيبك ولا كيف وابي اعرف زوجك يجيب طلبات البيت ولا ماعنده مسؤليه حتا لبيته؟؟؟
|
اقتباس:
كيف اهو بخيل انا بقولك البيت يقرقع ماجاب طلبات وقلت له وماطاع يجيب ومن امثلة السحبة يطلع يصلي الظهر ويتغدى ويسحب علي ولا كان بوة كائن حي ينتظرة وان تكرم وفكر فيني جاب لي اكل بس مايكل معي طيب انا ماتزوجت اكل لحالي واعيش لحالي هاي ماهي عيشة انا مااقولك ان طلعاته طكثيرة لا وربي بس حتى لو كان موجود مايجلس معاي حياته دش واكل ونوم وبس قسم بالله مليت من هالعيشة |
ياختي انتبهي من اخلاقه وبعدين كيف انتي لسا بكر ولك شهر متزوجه وكيف مايجلس معك المشكله الاكبر من الاكل والبخل الان هي كيف لسا عرسان ومايقعد معك ومايتحمم وانتي لسا بكر شي غريب صراحه انتي تلبسي له تحاولي تغريه اوتثيريه اتمنى تجاوبيني لاني رجعت قرأت مشكلتك وانتبهت لبعض النقاط
|
اختي كيف يصلي وما يتحمم الاثنين بعاد البعد اللي يصلي لازم يكون نضيف النظافة من الايمان
ححاولي تفهميه هالشي يعني والله مستغربة يصلي و ما هو نضيف كيف اقنعيني الحمدلله يصلي ما قلنا شي و النظافة اهم شي اوقف عند ربي طاهرة نضيفة و خاشعة حاولي تنصحيه بالنظافة حاولي تتجملي معه ولو اراد لمسك سايريه ان تستحمي معه عل وعسى ينجذب للماء وحلاوة الماء و يبدا في التحمم |
انتي حاولي معاه وحظري له الفوطه والدش وقولي له تحمم يمكن يزعل بيقولك ليه وش شايفتني بس قولي له
لا اكيد تعبان وحر وجاي من برى اكيد ودك دش يعني باسلوب حلو واشتريله عطر او مجموعه للاستحمام وحطيها له ومشكلة البخل يمكن عاده انتي ادرى يعني طلبتي منه هالشي وقالك لك والاكل ليش ياكل بروحه انتي قولي له نفسي ناكل سوا طبعا لك الحق انك تحسي ان زوجك يشارك بكل شي لكن حاولي بكل الطرق انك تعوديه يمكن هو متعود على حياة العزوبيه ويبيله وقت وانتي زوجك على ما تعوديه واذا قلتي انا خلاص طفشت من هالعيشه وانتي ما سويتي شي ما راح تغيرين شي ابد وبستمر على هالوضع وهو يشوف انه صح اصبري وان شاءالله تزين الامور وربي يوفقك ويفرجها عليكم |
ما أدري هل في أحد في هذا الزمن يوصونه على نظافته !
|
الله يفرج همك حاولي تاخذين حبوب منع الحمل الى ان يتعدل
الله يصلحه بس بصراحه الا النظافة كيف يتحملون ريحته في العمل بعدن انتو ما سالتوا عن سبب طلاقه |
اقتباس:
وعلى موضوع اني بكر صراحة انا فيني خجل مافيه ملح و كملتها اني مااتحمل قربة ولا لمسته وكل هذا يعود الى عدم نظافتة صراحة اجامل شوي بس خلاص مو بيدي مااقدر اكمل معه ماارفض بس ينقلب وجهي وهو عاد يفهمها الله يجزاه خير من ناحية اللبس والكشخة ما يحتاج عروس ما قصرت لكن سالفة الاغراء والاثارة والله ما احب التميلح واستحي مااقدر يمكن انا ماحبيته بس مااكرهه يعني عادي طيب لو طلبت الانفصال هل هذا الشيء صح لاني خايفة اتصبر لا الرجال ينتصلح وانا اتوهق بطفل عاد كذا ماعاد تنحل انت وش رايك وربي تعبت من كثر ماافكر لاني صراحة فاقدة فيه الامل انه يتعدل |
بالنسبه للنظافه انتي حني عليها ... وكل ما جاء يبي ينام قولي له تروش ... بس بدلع ...
وحاولي انه يعتني بنظافته الشخصيه ... اما بالنسبه لبخله ... جربيه بشيء يشتريه لك بس مو غالي عاد ... واذا كان بخيل ... قولي له بكل لغات العالم .. انت بخيل , جعص . ضرس , ... الخ ... الا البخل ما ينطاااااااااااااااااااااااااااااااااااق وشوفي اذا بيبرر لك او يتغير .. البخل مو الصبر حله ابد |
بصراحة أختي الله يكون بعونك
المشكلة اللي انتي فيها ليست بسيطة و لازمها جلسة مع زوجك زوجك لازم يعرف انه ريحته طالعة و انك غير قادرة على تحمل هذا الشيء قد لا ينفع معه حل إن كان يكره الاستحمام و الطبع غلب التطبع لكن ربما بتغير اذا اقتنع انه من حقوقك تجاهه كزوجة أعرف قريبة لي تشتكي من رائحة زوجها و عدم استحمامه و معها حق صراحة لما يجي زوجها إلى العزايم كل الناس لا تطيق رائحته خصوصاً في الصيف و المصيبة انه أولاده ورثوا نفس الشي مشكلة الرجل انه يكره الماء بشكل عام عمره ما سبح لا ببحر و لا بمسبح لأنه بالمختصر لا يحب الماء تخيلي!! زوجته اشتكت و اشتكت حتى ملت الشكوى و لم يتغير حتى الآن (مع انه صار جد) !! الغريب انك لم تكتشفي موضوع النظافه و البخل خلال الخطوبة و لكن يظهر ان خطبتكم كانت تقليدية او انك لم تتعرفي عليه حتى يوم الزفاف ؟؟ المهم أن عليكِ الآن المصارحة و بدونها لن تنحل أي مشكلة وصلي له الفكرة بالتلميح و ان لم ينفع فالتصريح و ان لم ينفع صارحيه مرة ثانية ... و مرة ثالثة...و رابعة .. اهتمام زوجك بنظافته من أبسط حقوقك الزوجية .. فلا تستكي عنه و اقتراح الأخت سهى بأنك تستخدمي حبوب منع الحمل جيد لكن بإذنه طبعاً في بداية زواجكم حتى تستقر مشاعرك تجاهه طالبيه بالمكوث معك و موضوع الصرف و البخل أنتِ لا زلتِ في الدرب الآمن الآن و لازم تحلي أمورك من أول الزواج لا تتركي شي لبعدين و حتى لو زعل منك قوي قلبك و صارحيه مشكلة البخل مشكلة كبيرة و ستعانين منها الكثير فاليعلم زوجك واجباته الزوجية تجاهك من الآن هذا الرابط مفيد لكِ أطلعي زوجك عليه الحقوق المتبادلة والمشتركة بين الزوجين |
اقتباس:
الله يصلحه بس لمحت له انا مااحب اجرح في خلق الله وادري لو قلت له على بلاطة بياخذ موقف لانه مو معترف ان ريحتة لاتطاق الله يعين بس لاتنسوني من دعواتكم |
اقتباس:
انا مااقدر اجرحه واقوله ريحتك تقلب الكبد على سالفة الاكل مرة بعد ماعطاني الاكل رفضت اكل قلت متى ماكنت جوعان كلت وياك اهو مايعترف انه اكل برا اصلا قال مااشتهيت مااكلت والله مااكذب عليك كنت ميتة جووع على فطوري من امس وحالتي حالة دايخة وتعبانة من الجوع على بالك بيجاملني وبياكل لو تموت طلع وتركني الله يعيين مشكور على النصيحة |
اقتباس:
|
عادي دااام انه مايفهم
قوليله ريحتك خااايسه ليش تستحييين بتدريج بعد مايهتم بالنظااافه نروح لموضوع البخل بس اهم شي النظااافه مايصير كذا النظافه من الايمان اشلون يصلي؟؟؟ الله يعينك عادي ترى اذا قرب منك لاتجاامليه قوليله انا احب النظااافه روح نظف نفسك لاتجاااملي ابد لاتجاااملي وموضوع الاكل لاتستحي كمااان جيعاانه كلي وقولي انا جيعااانه هو ليش تزوجك عشان يموتك جووووع واذا ماااكل معك بكيفه بس اهم شي تااكلي واجلسي وراااه ليييين يتنظف ويصير بن ادم وبعد كذا موضوع البخل انتي وشطااارتك ياحلوه |
:dنسيت ارسلك مع اخر جمله هالاختصار
|
انا عندي اقتراح ليش ماتحاولي انك تدخلي معاه الحمام وتقوليله انا ابي اروشك وادلعك وروشيه من قلبك ترويشة العيد على قولتهم هههههههه بمزح معاكي ياقمر لاتزعلي نفسك كل شي باوله صعب بس من جد فهميه بطريقةدلع وحب وحنية انك تحبي تشمي ريحته حلوة وانا بحب ريحة العطر الفلاني عليك ريحة العطر الفلاني بيجنني عليك ومن هذا الكلام وبعدين ياحلوة والله ان الكلام الحلو له تاثير كبييييييييييييير على كل الناس حاولي معاه اكثر من مرة وبالنسبة للبخل ممكن يتحسن بس شوية شوية وانتي وشطارتك بس صارحيه بموضوع الاكل لاتخلي شي بقلبك وتستحي منه على بالك انه يحس ماحيحس طالما سكتي حيطنش اي امر مو عاجبك تكلمي فيه وبصراحة بس من غير مشاكل او تجريح علشان لاتازمي الامور بينك وبينه انتي لسة عروس وحكاية انك لسة بكر ترى طالت وشمخت ليكي شهر بكر؟؟؟؟؟؟؟؟معقول
|
يا اختي والله انتي كلماتك مضحكة الله يوفقك تنم عن شخصيه مرحة ما اقول الا الله يعوضك ويصبرك على مصيبتك الدعاء ثم الدعاء ثم الدعاء ادعي انه يصير صاحب للصابون والماء اللهم آمين
|
والله انا مع الأخت نوريين قولي له بصراحة أما سالفة انها تتدلع و تروشه و تدخل معه , النظافة ماتجي كذا طيب فرضا يوم كانت مستعجلة او عندها اشغال و نسيت ما تحممه تتحمل الريحة باقي اليوم يعني نعم الرجل طفل , بس موب لهالدرجة... و إذا على الوجبات حبيبتي ليش انت ما تقولي له , يجيب طلبات البيت من ايدام و رز و اجبان و غيرها و ابدأي بالطبخ ,, شكل حياتكم لسة ما استقرت هو ياكل من بره و انت لحالك اختي واله نصيحة , اطبخي و خلي الوجبات بمواعيد و اسأليه ما يحب ان ياكل هذا اليوم و هكذا دلعييه حتى لايكون عليك مأخذ فربما يخجل و يبادلك بما أنك تقولين انه يصلي و طيب , فهذه نقطة جيدة جدا و المعروف يثمر في صاحبه بالنسبة للبخل أنا أعرف ان البخيل يكون بخيل على نفسه و غيره و بما انه كريم مع نفسه فيمكن ينالك من الخير نصيب لو استمريتي بالدلع و السنع , راح يحس ان حياته مستقرة و انه مسؤول عنك و عن واجباته و يتعدل الحال عموما اتبعي ما نصحك به الأعضاء و اصبري حتى تري نتيجتك , لن تكون بيوم او يومين و تجنبي الحمل حتى تستقر حياتكما و سبحان الله يمكن بطيبتك و اصالتك يتغير للأفضل بس شكلك مستحية شوي منه فكي الحياء مع زوجك و دلليه برائحة المنزل المعطرة و الطبخ اللذيذ و الإستقبال الجيد و الحديث الطيب و ربي يوفقك تحياتي أم فاطمة,,, |
اعانك الله اختي
|
الله يعينك اختي 000 بس اتوقع ان زوجته الاولى انفصلت عنه لنفس اسبابك اللي هي ا لبخل وعدم الاهتمام بالنظافه
|
عليم بالحوار معه وابدئ معه بذكر محاسنة ومحافظته للصلاة وهكذا بس قولي له الي واقف حجر بيننا هو عدم النظافة والبخل
وحاولي تجهزي له الوب والمنشفة وجهزي له بالنانيوا وفيه مواد جاذبة له كالرغوة ---الخ دايما جهزي له البخور وقربي له العطر اعانك الله |
ما ادري كيف ريحته مو حلوه بس ياختي تاكدي انه مايشرب شي
|
لايااختي الطلاق ابدا مو حل حاولي تفهمية وتصارحية انك كتايقة من هالشئ وان شاء الله يتعدل انا مشكلتي مع زوجي مايحس فيني وبمشاعري مايهتم وعصبي لما اصحيه للدوام يصرخ علي ويبعدني عنة بقوة واناجدا متايقة وماني عارفةايش اسوي صارحتة وقالي انة مايحس بالي يسويي
يرجى كتابة لفظ ( إن شاء الله ) كما بين الأقواس . شكراً الإشراف |
أختي الكريمة يرجى عرض مشكلتك في موضوع منفصل ليتفاعل معك الأعضاء
الاشراف |
الهامرو
ردي على تعليقات الأعضاء وش فيك مطنشه:( وقوليلنا وش صار معك؟ |
اقتباس:
|
اقتباس:
بس مهيب عيشة اني كل حياتي اجلس انافخ واصارخ وش هالحياة عز الله ابنجلط انا سالفة النظافة ذابحتني من جد كرهت عطوراتي بسبته وش اسوي تبين تعرفين وش اللي غابني فيه انه يتكلم عن فلان من الناس ريحته لاتطاق ومايشوف عمرة هذا وشلون اتفاهم معه على سالفة الاكل من شهر العسل لو مااقول له والله اموت جوع بس اللحين ما يحتمل حتى لو قلت له بطلعة الروح يسوية ويقعد ساعة يتحطرم ويتشكى قسم بالله ماتسوى علي كل هالمنة اذا اهو بخيل بالاكل الباقي كيف ابتصرف معاه تعبت وربي |
اقتباس:
|
اقتباس:
هذا اللي اعرفة ان الناس تمشي بالاسلوب الحلو لكن هالانسان عكس العالم ماادري ليش اذا طلبت منه الشيء بذوق ودلع رفض واذا كنت حازمة هاه بعد الشقى يقوم يعني لازم نظام الزززززن وانا اكرهه اي من ناحية الاكل وانه مايحس صدقتي والله ماصرت اقولة الا لما مت من الجوع يمديتس ناحفة عقب شهر العسل 5 كيلو سجن ابو غريب ذا مو شهر عسل عاد سالفة اني بكر ادري اني طولتها بس وش اسوي بوة ريحتة هي السبب اعطيه مجال لكن ريحته اتحمل شوي بس خلاص مااقدر استمر قسم بالله يجيني صداع فضيع الله يهديه والله تازمت نفسيتي ماعاد افكر الا بالطلاق وانا عارفة انه خطا بس ماادري وش اسوي |
اقتباس:
الله يكتب لنا الخير يارب |
اقتباس:
المشكلة اني اجتماعية مع الكل الا هو ماادري ليش عجزت امون عليه مااطلب منه شيء ابدا الا الاكل لاني مت جوع ومااطلب الا وجبة واحدة باليوم بعد يمديك لكن البيت وتنظيفة ماني مقصرة ابدا وبنفسي ماني مقصرة ابدا |
| الساعة الآن 09:20 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©