|
زوجي و الصور الإباحية خلاص انا تحطمت
مدري كيف اقول مشكلتي والله بس ابكي .. خلاص زوجي طاح من عيني
وتحولت كل مشاعري له لكراهيه .. من يوم تزوجنا وهو طيب معاي.. انا متزوجه لي ثلاث سنوات ونص.. قبل تقريبا 6 شهور شفت في جهازه كذا مقطع محمله من موقع اباحي.. جيت تكلمت معاه وانا زعلانه ووعدني مايسوي كذا .. لكن قبل امس واحنا بالصاله لقيته قاعد عالاب توب فاتح ايميله واشياء عاديه رحت للمطبخ وانشغلت شوي ولما رجعت جلست جمبه وهو كانه ارتبك وبالغلط جت صوره فاضحه وسكرها بسرعه.. قلتله ايش هذا قال مافي شي وفتح على صوره ثانيه.. على باله مانتبهت.. قلتله مو هذي غيرها.. اقسم بالله انها هذي.. يستعبط وعلى باله اني هبله والا ايش ماادري.. قلتله طيب هات الجهاز شوي.. اللي هو سكر الجهاز.. قلتله لو انك واثق ماسكرت جهازك ورحت غرفتي وقفلت الباب .. جا هو بعد خمس دقايق يدق الباب وانا من الصدمه مو قادره اتكلم ولا ارد ولافتحت الباب .. ومر ذاك اليوم وامس واحنا ماتكلمنا.. مو قادره اكلمه بس اشوفه ابكي وابعد.. ماادخل الغرفه اللي هو فيها..احس مره زعلانه.. وانا اكتب الحين والله قاعده ابكي اكيد هو كل مره كان ينام معاي يتخيل وحده من اللي يشوفهم..مره مو قادره اتحمل ياريتني مت وماشفته يسوي كذا انا مجروحه... والله ماقصرت في اي شي لاتحطوا اللوم عليا.. |
لا إله إلا الله
والله خايفة اقولك هاللي صار مو مستاهل عنوان خلاص انا تحطمت انا انتهيت وحياتي انتهت ! روعتيني احسب انه صار شي اكبر من كذا الله يهديه ويهدي رجالنا جميعا ما احاول اهون من المعصية لكن .. والله العظيم يا اختي انها ما تستاهل هذا كله تعوذي من الشيطان الرجيم وتذكري انه زوجك وحبيبك. .. وبدل لا تتخلين عنه وتديرين ظهرك له احسبيه غريق ويحتاج لقشة لمساعدته حتى يقلع عن مشاهدة هذه الصور ساعديييييه كوني له عون اصبري.. ادعي له وذكريه بعقاب الله سبحانه وتعالى هدي اعصابك وروقي... وباذن الله ربي يسخره لك |
انتي لانك مو عارفه ايش اللي احس فيه الحين
ايه والله اني خلاص انتهيت .. ليش يسوي كذا والله مو قادره اكلمه ولاهو فكر يكلمني.. ماعاد صار يهمه ومطنشني والحين هو في الدوام ولما يرجع ماادري ايش اسوي.. اصلا موعارفه كيف راح انسى وهو مايسوي كذا الا لانه يتخيل غيري..والله احساس صعب مو قادره اتحمل |
اكيد هو كل مره كان ينام معاي يتخيل وحده من اللي يشوفهم..مره مو قادره اتحمل
ياريتني مت وماشفته يسوي كذا انا مجروحه... والله ماقصرت في اي شي لاتحطوا اللوم عليا.. !!!!!!!! الطريق اللي تفكري فيها خطا ويمكن الصوره مرسله على ايميله وفتحه ولقا الصور هذي يعني يمكن ماله ذنب اكثري من الدعاء له والاستغفار وكوني عون لزوجك على طاعة الله اللوم والعتاب والزعل بطريقه هذي قد تكون نتائجه عكسيه حاولي تعيني زوجك على الصلاة في المسجد وفي وقتها وتصحينه للصلاة الفجر قالى تعالى((إنّ الصلاةَ تنهى عن الفحشاء والمنكر )) طيب نوقف هنا ونسأل لماذا تنهى عن الفحشاء والمنكر؟؟ اثبتت دراسات انه وقت السجود في الصلاه لله فقط يغسل الدماغ كليا فتزول كل الافكار السيئه كليا ولهاذا تجد ان الذي يداوم على الصلاه باذن الله معصوم من المعاصي أسال الله ان يهدي زوجك وان يسعدكم في الدنيا والاخرة |
اقتباس:
لاتحكمي علي بأني لا اعرف اللي تحسي فيه :) مو لازم احكي عن نفسي حتى اثبت لك اني افهم تماااما اللي تحسين فيه لكني اعطيك الحلول اللي اتبعتها الاحساس صعب جدا لكني احاول التهوين عليك بأن اذكرك بانه في رجال يخونون ويزنون والعياذ بالله ويحادثون الفتيات انتي شفتيه يطالع صور ! واذا ما شافهم باللاب قدامك رح يشوفهم عند اصحابه لا يوسوس لك الشيطان بانه زوجك يتخيلهم اذا كان معك يا اختي الرجل يستثااااااااار بالنظر.. افهمي ذلك .. هذه الصور مجرد (مداعبات) بالنسبه له مجرد صور لااكثر ولا اقل صدقيني هم تفكيرهم غير ونظرتهم غير اجلسي معه وانتي مروقة لانه بهالعصبية هذه رح تخليه يهرب منك ! |
اقتباس:
كل اللي سواه انه سكت ولااهتم اني زعلانه وطنشني |
اقتباس:
احس كرهته خلاص واتقزز منه مدري كيف ابتكلم معاه مره متضايقه |
اختي كلام اختي بكر الشايب عين العقل .. لا تكبري الموضوع .. اختي كيف زوجك مع صلاته و كيف هي علاقته بربه ؟؟ طيب ممكن تذكري لنا ما هي مزايا زوجك ؟؟ لا تنظري الي هذا الخطأ بالمجهر و نتسي مزايا زوجك بدل ما تخاصمي زوجك حاولي انك تتفاهمي معه و تبينه له غلطه و تدخلي عليه من مدخل الدين مو تكوني انت والصور عليه .. كوني انت معه ضد هذه الصور .. بعدين اختي هذا الشي بينه و بين ربه الله راح يحاسبه عليه .. كبري عقلك يا اختي و تفاهمي مع زوجك باسلوب طيب .. |
اقتباس:
لكن اذا كان نايم مستحيل يقوم ويجمع الصلوات مع بعض.. مايسمع اغاني لكن يدخن.. طيب كيف اقدر اتكلم معاه.. يعني انا ابدا معاه الكلام.. هو الغلطان لازم هو يجي يكلمني بالاول .. اذا انا اللي كلمته بالاول يحسب انه عادي اللي سواه |
الله يخليكم ساعدوني.. كيف احل مشكلتي
|
اختي انتي مكبره الموضوع زياده عن اللازم
|
تطلبين المساعدة واعطيناك اياها
لكنك معصبة عليه ومو راضية تسامحيه انفضي ما بقلبك من غضب أولا ولا تكوني من اللاتي يكفرن العشير ! قد ورد في الحديث الشريف :" يا معشر النساء تصدقن فإني رأيتكن أكثر أهل النار , قلن : وبم يا رسول الله ؟ قال : تسرعن اللعن وتكثرن الطعن , وتكفرن العشير ". وقال صلى الله عليه وسلم:" أريت النار فإذا أكثر أهلها النساء’ لأنهن يكفرن العشير ويكفرن الإحسان , لو أحسنت إلى إحداهن الدهر ثم رأت منك شيئاُ قالت: ما رأيت منك خيراً قط" فإذا عرف الأنسان طبيعة المرأه فإنه لا يغضب ولا يقلق ولا تتوتر أعصابه إذا تنكرت له أحيانا وزعمت أنها لم تر منه أي خير مع أنه قد فعل لها الكثير. اختي.. جيبي ورقة وقلم وحطي كل صفاته الطيبة فقط فيها ودوني اسباب حبك له (واضح انك تحبينه لانك تغارين عليه) وفكري بينك وبين نفسك هل يستحق ان ادمر كل هذا الحب والزواج بسبب صور؟ استهدي بالله .. واعينيه على نفسه وابدئي بالكلام معه وعاتبيه بلطف لا تخلي زوجك يهرب من البيت |
تكلميه مش معنى انك تعتذري منه لا, تكلميه كعتاب تقوليله انك مجروحه و الي حاسه فيه و ايش السبب الي خلاه يسوي كده اصلا و تفهمي منه ايش ناقصه منك, و تنصحيه يتقرب لربه بالصلاه و العبادات و الأستغفار خذي موقف حاسم في مسألة الصلاه, لا تخليه ينام لو ايش ما صار ارجعوا لربكم اول شي و مشاكلكم راح تنحل |
لا احد ينكر الذنب الذي ارتبكه زوجك حتى لو كان الكثير من رجال اليوم يفعلونها بعلم زواجتهم او بدون علمهم .. ومع هذا ليس بالضرورة ان تكون رؤيته لتلك الصوره انه سيتخيل امراة أخرى وقت الفراش ..
النظر هنا للاستثارة ، وقد يستثار الرجل من رؤية امرأة متبرجة في السوق اكثر من رؤية فتاة ساقطة بوضع اباحي جدا ، فهل سيتخيل كل أمراة فاتنة ومتبرجة رآها في السوق او في التلفاز او بأي وسيلة اخرى اثناء الجماع ؟ حاولي اني توجيهه وتوضحي له مدى ذنبه وخطأه .. والله يهدينا ويهديه .. |
انا اقول لك شو تعملي
فورا الى السوق وعلبة عدسات ملونه كل يوم تحطي لون من العدسات صبغه للشعر مره شقرا ومره خضرا ومره موف ومره زهري مره ارفعي شعرك ومره انكشيه ومره البسي له ثيابه مره الداخلي ومره ثياب البيت ومره البسي له البنطلون بالمقلوب اعملي حركات خليه يقول هذه مجنونه اشغليه بجنوونك زوجك لا ينظر الى هذا لان فيكي عيب او مقصره اواواوا لا احسبيه واحد غريق وانتي قارب النجاة عيبنا الوحيد اننا نحس ان زوجنا هو غير كل رجال العالم ولا يوجد مثله في الدنيا ووننصدم انه رجل يخطئ ويصيب الله يهديه يا رب |
اقتباس:
لا تكبري الموضوع ..جميع الرجال لابد و ان مره وحده على الأقل شافوه صوره ...عن طريق الصدفه او من دون قصد او عن قصد.. انت ابداي بالكلام معه عاتبيه على الخفيف...و هو رح يصالحك ..صدقيني ...و عن تجربه... لا تخلي يهرب من البيت بسببك..اتصلي عليه و حددي موعد انت و ياه مثلا اليوم الساعه 9 مساء في غرفه الصاله..و البسي و تعطري و كل شي .. هونيها بتهون... الله يهدي الجميع |
والله قالوها ... كل رجال شاف ... يعني حبكت هالمره تصير سالفه ...
خليه يجي لك ويبرر وتقبلي اللي بيقوله ... وعقبه شوفي الصوره انتي معاه ... عشان يستحي على وجهه وما يحطها |
اقتباس:
صادقة ياجرين هذا اللي دمر حياتي |
اختي لا تخلي مثل هالامور التافهة تهدم حياتك وعلاقتك بزوجك
يكون بعلمك كل الرجال حتى الملتزين الا ماندر يتعرضون بمرحلة من حياتهم لمثل هالسوالف حطي ببالك انها مجرد حب استطلاع وخليه بعلمك احسن من يكون من وراك لاتوقعين يكون زوجك ملاك نازل بالارض مايسوي شي بالدنيا غير انه يفكر بحبك فقط مهما كان يحبك راح يفتح عيونه وويشوف دريتي او مادريتي زعلتي او زعلتي اكلمك من واقع اتمنى ما تكون صراحتي زعلتك لاكن لايجرح قلبك كل موضوع يستجد بحياتك ترا راح ينتهي به الحال |
مثل ماقالو الأخوات كل الرجال شافو..
ولاتكبري الموضوع..في رجال يسافرون يشربون ويزنون ويسون كل شي ومتزوجين ..الله يصلح الحال.. ادعيله بالهدايه..واكثري من الأستغفار.... |
هذه مخاطر النت والأميل للأسف
أصبح( بعض )الرجال عبيد لشهواتهم والغريب أنهم متزوجون يعني محصنيين أتدرون أين الخلل ؟ الخلل ضعف الوازع الديني وعدم الأستحياء من الله وعدم أدراك حجم المعصية النظر الى الأباحيات زنا بحد ذاتة مصداق لقول الرسول صلى الله علية وسلم (( ألا أن العين تزني وزناها النظر)) أنا أستحقر هذه النوعية من الرجال عباد غرائزهم اختي ادعيلة بالهداية لعلة يرجع الى صوابة. |
شكرا كثير على نصائحكم وياريتني لحقت اقراها قبل لايرجع من الدوام امس..
بقلكم على اللي صار.. لما رجع من الدوام.. كتب لي رساله يقول فيها.. حبيبتي زوجتي.. انا اذا اخطيت عليك سامحيني فيه احد مايسامح اللي يحبه حتى ولدك لما تضربيه ينسى ويسامح لكن انتي قلبك مره قاسي واي غلطه تكبرينها.. انتي لما تزعليني اضغط على قلبي ونفسي عشان ابتسم بوجهك ولا احسسك انك غلطانه.. انا حتى لو غلطت لهذه الدرجه ماتكلميني كني ماني موجود..احبك .. هذي كانت رسالته وانا قريتها وانفجرت زياده.. هو اللي مطنش ويحطها فيني وهو اللي جرحني ويحسب نفسه ماسوى شي ورديت عليه برساله قلت فيها..انا انصدمت فيك ايش تسوي لو شفتني اسوي نفس الشي؟؟ انت كانك شخص ثاني مو زوجي اللي اعرفه..تستمتع بمشاهدة الفاجراتوالمشكله لاعندك اصدقاء سوء ولا انا اللي تركتك بلحالك حتى ضحيت بوظيفتي عشان اتفرغلك ومااقصر بحقك..وعمري ماقصرت بحقك الشرعي.. ياترى وين وعدك لي انك معد تشوف هالخرابيط.. يوم شفت المقاطع في جهازك سامحتك برغم الالم اللي حسيت فيه.. والله مو سهل النسيان لكن لاني احبك ضغطت على نفسي لكن بالرغم من كل هذا ترجع لنفس الموال؟؟لا وبعد تسكر جهازك وتقول مافيه شي؟؟ يعني ماخفي كان اعظم.. والله اللي سويتي فيني جريمه لان معناه مو مكتفي فيني وتدور عن غيري والله حطمتني وحطمت احساسي وقلبي وعقلي وكل شي فيني.. تخيل اني اشوف رجال عراة ايش يكون موقفك؟؟ من جد اسالك ايش يكون موقفك؟؟ والله اذا شايف اني فيني عيوب اني اضرب ولدي وعصبيه والله ياريتك عصبي وياريتك تضرب ياريتك تسب..والله ارحم بكثير من ادمانك للمقاطع الاباحيه.. والله حسستني انك ماتنام وماتستثار الا لما تذكر اللي شفته.. وانا ماطنشتك.. انا مصدومه منك كل ماشفتك ابكي عشان كذا مابي اشوفك.. هذي رسالتي .. بعدها ماتكلمنا وهو الحين راح الدوام |
ياربي والله اني خايفه من اللي حيصير..مدري هل تسرعت ام هذا الكلام اللي قلته هو الصح؟؟
|
اختي ( مع يقيني بان ماقام به امر مزعج لك كزوجه , ومعصيه وخطاء كبير ) الا اني اقول لاتسوين من الحبه قبه . وتخربين بيتك . وارجعي اكتبي رساله ثانيه وقولي ( حبيبي ونور عيوني الغالي اعترف لك باانني اغير عليك حتى من الهواء . واني اغليك اكثر من روحي . وافديك بحياتي . اذا انا مقصره باي شي علمني وانا اعتذر عن تقصيري ان وجــــد .لاتستحي مني قلي وعيوني لك . وانا ماطلبت المستحيل يابو فلان . وطلبي انك لاتجرحني وانا احبك بمثل هذه الامور المغضبه لله قبل كل شي . وتأكد ياحبيبي انه رغم ماعندي من تقصير واخطاء وذنوب الا انني اطلب من الله ان ننجى انا وانت من عذاب النار واطمع بما عند الله من جنه ونعيم نحن واولادنا وكل يوم اقول يارب اصلح حالي وحال زوجي ........ حبيبي انا اعتبر نفسي حلالك واحترمك في غيابك وحضورك ولا ارى بعيني غيرك .فهل انت كذلك ياعمري حبيبي اعتبر ذيك السالفه ماكني شفتها .وسامحتك من القلب لانني احبك يااعز الناس .وان شاء الله انك ماعاد تزعلني بمثل هذه الامـــور) اختي لايوجد بيت مافيه مشاكل وبعضها الله لايوريك مشاكل الواحد يخجل من ذكرها . عالجي اخطاء زوجك بالحلم والصبر والعلم . وحافظي على مملكتك بكل مااؤتيتي من قوه . اخوك / عناز بيك |
ممكن توضحي كيف يعني رساله وانتوا مع بعض في البيت؟ مو قلتي رجع من الدوام ,, وبعدين أرسلك رساله؟
عموماً أعتقد إنه عليك الإتصال به مع كلام رومانسي ,,, وتجهزي له جلسه حلوه لما يرجع من الدوام عشان تنسوا كل شيء ,,, |
أنا مع كلام الاخ عنازبيك
لكن ياأختي (ذبحتني الغيرة) أبغاك تتأكدين تماما أن الرجال إللى يطالعون الإباحيات ترى مو لأن هناك تقصير من زوجاتهم أو لأن الزوجات مو عاجبينهم أو ما يجذبونهم جنسيا لا أختى الرجال يحبون الاستطلاع وخاصة في الامور الجنسية كذا.....عادة وأدمان ....... ( زي وحده تعرف تسوي بيتزا في البيت وأحلى بيتزا لكنها لما تمر على مطعم تشتري وهي متأكدة أن طعمها مو حلو وأن اللي في بيتها أحلى وأطعم بس كذا حب شراء شي مر عليها تعودت تشتري بيتزا من برا )هذا مثال فقط لكن لا تخافين راح يشبع مع مرور الوقت ويطفش وماعاد تعجبة هذه الشغلات ولا يعطيها أي اهتمام بس أنت اصبري وحاولي تجذبينة و بأسلوبك الحلو تورينة أن عالمك أحلى من عالم الاباحيات |
اقتباس:
نفس الكلام هذا قلته له لما شفته المره الثانيه ..يمكن لان قلتله اني نسيت وسامحتك ولقاني معاه ولاكان صار شي.. صار عادي عنده وعارف اني راح اسامح بسرعه.. |
اقتباس:
بالله عليك يصير اكلمه وكاني انا الغلطانه؟؟ لا واقله كلام رومانسي عشان يتاكد انه ماسوى شي لا شي عادي اللي سواه |
اقتباس:
شكرا اختي .. احس كلامك مقنع مره..بس مو عارفه كيف اكلمه وهو اللي جرحني انا ماسويت له شي |
اقولك لا تكلميه انت الاول لكن بمجرد ما يكلمك ردي عليه وهنا افتحي باب النقاش بس علميه انه ارتكب خطا معك ومع نفسه ومع الله حتى لا يعود يشوفها تاني مممممممممباختصار المسامح كريم حبيبتي لا تهدي دارك وادعيله ربنا يهديه
|
رجة خفيفة فقط مش لدرجة التحطيم.
هي كبيرة لكن في واقعنا الحالي تعتبر خفيفة شوي. |
أختي شوفي نصيحة( تعرفي حركات الدلع الخاصة فينا حنا الحريم )خليكى ساكتة لا تكلمينة بشي لكن اعطية نظرات عتاب ولوم ومحبه بين لحظة ولحظة صدقيني راح يحس ويكلمك ويعتذر ترى النظرات بين المحبين تغني عن الكثير من الكلام وتوصل مشاعرك أكثر بكثير من مليون كلمة . يكون في بالك ترى الرجال مايحبوا كثرة الجدال وجربي حركة النظرات وماراح تحسي إلا ناقز جنبك يعتذر وهدي بالك ولا تخافي |
اقتباس:
شكرا هذا اللي افكر اسويه اليوم |
اقتباس:
خلاص بسويها..احسها حركه حلوه..شكرا |
اختـي الكـريـمـة
هـو اخـطأ وأنتهـك محرمـاً، لكن بالمقابل انت بمبالغـتـك وتـهـويـلك سيتمـرد... لـذلك حـاول تـجـاوزي ذلك .... واحمدي الله ان زوجـك صارحـك برسـالـة فهذا دليل على حبه واهتمامـه، كثير من الازواج يـكـابـرون .... اعيد قـراءة رسـالـتـه وستلاحظيـن انـه جـرح وشعـر بـقـسـوتـك.... لذلك اكـتـبـي رسـالـة تـثـنـي فـيـها على صـراحـتـه وان هـذه من رجـولتـه وقـوة شخصيته التي لا يستطيـع كثير من الرجـال في العـالـم وأن خـوفـه من ربـه بـاعـث لك على الإستغفار والتـوبـة... وادعـي له فيـهـا بما تـحبـيـن.... وانسي الموضوع ولا تفتحيه معـه إلا إذا فـتـحـه واحب ان يـعـرف ردة فـعـلك... فـليـس المهم انـك تـسمعـي منـه الإعتـراف حـتـى تـرتـاحين ، فـزوجـك لا يحتاج لإعـتراف لأنه مـقـر ومعـترف بقرارة نفسه انـه مخطـئ...وقد بين برسالته ان يحتاج لمساعدتك للتخلص من المشكلة.....!!! وإبـدأ ركـزي على السحر الحـلال والكلمة الطيبة كـل وقـت وخـارج غـرفـة النـوم.... وفيه مـواضيع كثيرة بالقسم تتكلم بمثل مشكلتك تماماً.... استفيدي منها.. تعالي أخبرك لماذا ينظر الرجل للنساء ويقول بأنه لاينظر....ممنوع دخول الرجال (أم جمانة) وفقك الله واصلح لك زوجـك عزوبي:21: بس:d رجل:30: |
من وجهة نظري نظري المتواضعه ان المتزوجين يلجون للصور والافلام الاباحيه لشي ينقصهم داخل بيوتهم , الحل اجلسي معاه وشوفي ايش الدافع وراء مشاهدته هذه الصور , يمكن اشباع غرزية النظر يمكن التشوق لبعض الاشياء اللي انتي ماتعمليها , اختي الفاضله الموضوع بسيط وليس معقد والحل بأيدك تكلمي بصراحه مع زوجك , ولما تعرفي ايش دافعه وهدفه من الصور , كوني انتي له الصور والافلام اللتي يرغب بها يعني خليه يلقى ما يشاهده في الصور فيكي من لبس او نيولوك من كلام او حركات اغراء وتجددي دائما الرجال ما يحبون الروتين اليومي يعني صبحيه بلبس طويل ومسيه بقصير و يوم كنك طفله ويوم كنك انثى ناضجه , صدقيني مع المصارحه والتجدد في شكلك راح تكوني ملكه في قلبه ونظره وراح يبعد عن الصور من نفسه , وربنا الهادي:17:
|
ودي أقول هنيئا لكم هذه المشاعر وخاصة أنتي
وعليك أن تعلمي أنك بهذه الشكوى أثبتي أن بيتكم خير من ملايين البيوت وأكبر دليل ردود الأعضاء عليك فمن مهون ومن مواسي نصيحتي لك أن تحمدي ربك على هذه النعمة العظيمة وأن تصارحي زوجك بكل ما يجول في خاطرك وفقكما الله لما يحبه ويرضاه |
السلام عليكم
انا اتفق دائما مع عزوبي بس رجل ................ اول شي بالنسبة لك انتي بصراحه احس انك شايفه روحك عليه فالمرأه بطبيعتها اذا حصلت الرجال يحبها وياخذ لخاطرها هي تشوف نفسها عليه وتشوف كل خطأ انه عظيم ولا تغفر له بخطاه مهما حصل يااختي اتفى الله في نفسك وشوفي محاسنه قبل تشوفين سيئاته شوفي افعاله لك وشوفي اهتمامه وحبه لك شوفي وشلون تنازل وكتب لك رسالة فهذا دليل ان لك خاطر عنده وانه يحبك لكن بعض النساء اذا اخذت لخاطرها وطلبت منها السموحه تقلب عليك شيطان اتكلم عام وليس خاص فيك لو انتي متابعة قصة العضوة دلع في دلع ترضين علي نفسك وهي انسانه ماسوت الا كل خير لزوجها الحين زوجك سوى غلط وانتي مو راضيه تسامحينه وتطلعين مية موضوع ومووضوع عشان انه متسامح منك وماخذ لخاطرك اتقى الله في نفسك ولاتقومين تتجورين وشوفي افعاله الحسنه وحاولي انك ماتصيدين الاخطاء الي بالماء العكر حاولي انك تشوفينه صح بأفعاله وانها غلطة ومن المفترض انك تعاتبينه معاتبه مو تزعلين وتطنشين ولا كأنه زوجك اجلسي معه جلسة مصارحه وناقشيه مناقشة واضحه وخلو نيتكم صافيه لبعض مو بس احبك واموت عليك والنيه عاااااااااااااااااطله وهذا كثير حاصله بين الازواج حب وحنان واحساس ومشاعر والنيه مو صافيه وش فايده الحب كله دام النيه عاطله شغلة الرسايل هذي ماتفيد نهائي هذا زوجك وانتي زوجته وعايشين بيت واحد وش يمنع ماتجلسون جلسة مصارحه بكل هدوء ومحبه وش يمنع ماتناقشينه عن الامور السلبية وانك تتوجهين له بالاصلاح خلي عقلك معك ولا تفورين فورة غضب ترى الشيطان دائم يكون متواجد ومحضر بين الازواج لكن خلي عقلك كبير واضبطي جلسة عصرية وشاي وقهوة وقولي له قبل ماتسوين البرنامج هذا الا انك مكلمته وقايله له انك تبين تضبطين جلسة مصارحه وشوفي رده اذا ماعنده مانع فهو افضل شي تكون مصارحه حقيقه وواقعية وبعيده عن احبك واحبك وبس حب كأنكم مراهقين الدعوه دعوة مصارحة وصدق نية مو بس حب وما حب واخرتها مشاكل وكلن مبرطم من عنده ومكابر عن الثاني فهمتي وانا اختك يالله عاد صفي النيه معه وخليه يصفي النيه وشوفي وش صار وعلمينا بالجديد لك مودتي |
اقتباس:
فيه فرق بين واحد ماشي ويناظر وبين واحد فاتح الشي عشان يشوف.. صح.. يعني اذا هو فاتح الشي اكيد عينه حتكون عشره على عشره |
اقتباس:
|
| الساعة الآن 04:56 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©