|
زوجة صديقي تتصل بي !!!
السلام عليكم ورحمة الله وبركاته :
: : : : : : : : اعزائي اعضاء منتدى عالم الأسرة والمجتمع الكرام ، ابغى مشورتكم بهالمشكله الي لها فتره مأرقتني ووالله تعبت وانا افكر وماعندي احد اشكي له الهم غيركم بعد الله تعالى ولما حسيت اني وصلت حدي ماعاد اقدر اسكت اكثر من كذا ابغى ارتاح ، اقسم بالله تعبت من الهم والتفكير . يا جماعة الخير من تقريباً 6 شهور او اكثر توفي والد صديق عزيز علي ، فقمت بالواجب معاه ووقفت معاه بالعزاء ثلاث ايام وكنت اجيه في البيت من العصر وما اطلع إلا بعد ماينتهي العزاء الساعه تقريباً 9 بالليل ، لأنه الولد الوحيد لأبوه وماكان فيه احد يوقف معاه بالعزاء حتى عيال عمه اذا دخلوا البيت يعتبرون انفسهم ضيوف !! المهم بعد العزاء تقريباً بأسبوعين جاني اتصال من رقم غريب فرديت عليه وكان اتصال من بنت تسأل عن فهد وقلت لها انتي غلطانه بالرقم وقفلت السماعه عادي ولا كأن فيه شي . بعد ربع ساعه رجع نفس الرقم يكرر الاتصال وطبعاً بعدها انا مارديت وخزنت الرقم بأسم (( لاترد عليه )) وطول اليوم والاتصال يتكرر علي وانا طنااااش ،،، بعد يومين جاني اتصال من رقم غريب ورديت عليه كالعاده وتفاجأت انها نفس البنت الغلطانه ، قالت اخوي بسألك انت ليه ماترد علي ؟ قلت خير ان شاء الله انتي غلطانه وبغيتي فهد وانا مش فهد ، واذا فيه شي ضروري رجاءً بدون لف ولا دوران قوليه ، فقالت اييه فيه انا كنت ابغى اتعرف عليك !!! عطيتها كلمتين جامدين وقفلت ، واستمرت تغير بالارقام وتتصل لأني ما ارد على اي رقم مخزن بأسم (( لا ترد عليه )) ،،، تخيلوا يا جماعه انها مغيره خمس ارقام إلى الحين . المهم انا حبيت اعرف وش سالفة البنت ومن تطلع ، لأن الموضوع تأزم وسببت لي احراجات كثيره مع زوجتي بإتصالاتها ، المهم واحد من الارقام الي تتصل علي منه طلع بأسم وحده ( فلانه الفلاني ) والاسم غريب علي ما اعرفه ، فطلبت من الموظف (( احد اصدقائي في شركة الاتصالات )) يشوفلي وش اكثر رقم تتصل عليه يعني ( الارقام الصادره من الرقم ) فكان رقم صديقي الي توفي ابوه !!!! وانا بصراحه تفاجأت وماكنت مصدق ان صديقي يسوي فيني هالمقلب البايخ ، بعد يومين قابلت صديقي بالكوفي شوب ومع السوالف قلت له عطني جوالك بتصل منه لأن جوالي مايرسل ، عطاني جواله عاادي جداً وانا بحركه سريعه دقيت رقم البنت الي تتصل علي وتفاجأت بالرقم مخزن عنده بأسم ( ام فلان ) <<< زوجته :eek: وعلى طول مسحت الرقم وقلت لخويي خلاص خلاص ماهو ضروري الاتصال . يا جماعة الخير رجعت للبيت وانا مفجوووع ومستغرب ومشاعري ما اقدر اوصفها ، انتوا ماتتخيلون وش المسجات الي ترسلها لي بشكل شبه يومي من الارقام المخزنه عندي بأسم (( لاترد عليه )) مسجات مخجله وفيها كلام صريح وواضح انها بتسوي كل الي اتمناه لو بس رديت عليها وتفاهمت معاها . بالله عليكم قولولي وش اسوي اقول لخويي ان زوجتك وام ولدك تخونك وتراها تتصل فيني كل يوم وهذي رسايلها . وذيك الساعه 100% يطلقها ومليووون بالميه بيقطع علاقته فيني وبيكون مجروح وعينه منكسره قدامي طول عمره وهالشي مستحيل ارضاها على عدوي ، فكيف بشخص عزيز على قلبي ورجل احترمه واقدره بالحيل ؟؟ ولا اسكت واطنش ولا كأن فيه شي ، واخاف يكتشف اتصالاتها فيني صدفه وذيك الساعه كأني انا المذنب وبطبيعة الحال بيحط اللوم علي ومدري وش يصير بيني وبينه ؟؟ |
احسن شئ انك ترد عليها او تكتب لها بمسج انك عرفت هي مين واذا ما بطلت بتعلم زوجها او اخوها او اي احد وقتها بتخاف وتبطل تتصل
|
اقتباس:
صدقني البنت بجيحه ووقحه ومبين عليها جريئه بقووووه . |
تتصل فى اي وقت او اوقات معينه؟
|
أعوذ بالله ... تعوذ من الشيطان
بس ليه ماتكون هالبنت لاعبه عليكم انتوا الاثنين زي ما انت حفظت رقمها باسم لاترد عليه يمكن صديقك حافظ الرقم بأم فلان.... احتمال ووارد لان مستحيل ما في وحدة ماتخاف لما ينفضح أمرها فكرررر واسأل مرة ثانية؟؟!!! تأكد مليون مره قبل كل شي..... |
اقتباس:
و تحليل وارد .. و منطقي جداً !! |
السلام عليكم اخي العزيز "@خالد الذابح@" والله ان هذا ابتلاء من الله وامتحان لك فاصبر يا اخي وادعوا الله ولن يخيبك باذن الله وسوف تجد الحل المناسب ، والله انه شيء مخجل فعلا ويسبب التوتر الله يعينك على هالمصيبه اللهم آمين، اصبر اصبر اصبر ولا تترك الدعاء الى الله بان الله يكافيك شر هالبنت ويبعدها عنك. اعتقد انه يوجد في المنتدى من هو اعلم مني وسوف يفيدوك بنصائحهم ان شاء الله . |
هددها إذا أتصلت عليك أنك سوف تبلغ زوجها أنها أمرأة سيئة الخلق وأنك سوف تبلغ زوجها بطريقتك الخاصة
|
كلمها كلام جامد وخوفها بالله واخبرها انك سجلت مكالمتك وهددها بها
اعانك الله على تجاوز هذه الازمة |
اتعلم قصتك تشبة قصة صارت لي من فترة اذا انت زوجه صديقك فانا صديق زوجي الروح بالروح
و اتعلم ليس واحد 4 من اصدقاءه بس انا زوجي كان على علم بكل شي يصير معي من رسايل لانهم ما يتصلون الا اذا كان في العمل و يتصلون بس ما ارد و مره زوجي كان يفتح الخط و يستمع يبغى يعرف اصواتهم و يتاكد اكثر مرة كان في العمل و قلت الاتصالات زادت و قال لمن ارجع بحط برنامج تسجيل الصوت فعلا واحد منهم تكلم و يذكر اسمي و احنا نسجل الصوت الى ان واجه و اعترف له ان صديقه العزيز هو اللي اعطاه الرقم على اساس انها بنت حسبي الله و نعم الوكيل حتى اني غيرت رقمي اسفه على الاطالة |
حرام لا تظن في زوجته .. يمكن تكون لها اخت مراهقة استخدمت موبايلها أو يمكن صديقتها ..
هي اتصلت من خمس جوالات .. شكلها تاخذ جوال اي حد وتتصل منه .. بس ما اعتقد انها زوجته .. |
لاحول ولا قوة الا بالله
اخوي انا اقول وجهة نظري بهالانسانه انها ماعندها بحد زوجها او غيره بمعنى بايعتها , ويمكن تسوي لك مشكله . لذلك ارى انك ترد عليها وقبل ذلك تتجهز تجهيز كامل لتسجيل المكالمه ويستحسن بحضور زوجتك . وليتك تاخذ منها كل المعلومات الي تدل على شخصيتها , واسالها كيف شافتك . ومن هالكلام .. وبعدين سحبها على وجهها لانها لم تحترم نفسها ..... وجهة نظر |
والله يا اخوي خالد موقفك صعب و لا تحسد عليه .. فهذه المرأه راكبها الشيطان و باااايعه و مخلصه والعياذ بالله .. كلامك معها ما ينفع لانها متأكده انك لن تفضحها امام زوجها اللي هو صديقك و كلامك مع زوجها راح يسبب لك مشاكل .. عندي فكره لكن مدري هل هي فكره صائبه ام لا .. اذا كنت تعرف احد من اخوان هذه المرأه اتصل عليه من رقم غير رقمك و كلمه بدون ما تعرفه على نفسك وقل له ان اخته مضايقتك باتصالاتها و راح تسبب لك مشاكل مع زوجتك بدون ما تذكر له علاقتك بزوجها .. واطلب منه انه يكلمها بكل هدوء و بدون فضايح و اذا ما اوقفت اتصالاتها راح تعمل شي راح تخليها تندم عليه طوووول عمرها .. او فيك تتصل على الهيئه و تعطيهم رقمها و هم يتصرفون معها بكل هدوء .. اتمنى اني قد اكون افدتك .. |
اقتباس:
واللهم ربي لك الحمد ، انا حالياً بالدوام في المكتب وانا اكتب ردي هذا ، جاتني البشاره بالترقيه :17: :14: |
كلووو لوووو لوووو ييييييييش ..:14::14: الف مبروك الترقيه اخوي خالد .. تستاهل كل خير ... |
الف مبروك اخي
بس انتبه اخي تظلم احد\ يمكن هذي تكلم خويك يمكن وجابت رقمك منه وصارت تدق عليك ليس من المؤكد انها زوجته لانه بعض الشباب الله يهديهم يحط اسم غير اسم زوجته عشان ما احد يعرف رقمها هذا اللي شكاك وعنده علاقات واسم زوجته بالجوال عشان اذا شافت زوجته الا محفوظ اسمها يعني تمويه على زوجته ويلعب بذيله يعني مسمي زوجته برقم صديقته والزوجه تحسب انه رقمها ماراح تشك وزوجته مسميها اسم ثاني بجوالها انتبه الفكره الاكثرآمانا انك انك تاخذها على قد عقلها وتسجل مكالمتها وتشوف ان كان البيت بيت خويك وتسمعه الصوت بيكون زوجته وبتكون انقذت خويك من هذه الزوجه كيف ستربي طفلا وان كانت صديقته فلاتستبعد انه هو الي عطاها الرقم او هي خذته من جواله لان الغريب لو انها زوجته فعلا كان ماخاطرت يوم هددتها وارسلت غريب هذا الشي الا اذا كانت ضامنه انك ماراح تقول لزوجها جرب هذا الحل وتاكد لاتقول لاهلها شي فقد تكون سببا في ظلم انسانه بريئه تأكد اخي وباستطاعتك ان تتأكد لو عن طريق زوجتك ومافيها شي لو صارحت زوجتك ممكن تساعدك وتشوف رقم الحرمه لو تطابق مع الرقم اللي عندك تكون فعلا زوجته وساعتها لكل حادث حديث |
:14::14::14::14:
:14::14::14: :17::17: :17: الف مبروووووووووووووك الترقية |
الله يعينك على بلواك
ومبروك الترقية غير رقمك مؤقتا .. قفل هذا الرقم وطلع رقم جديد وسوي حركة مع خويك هذا وقوله ابيك تكتب اسمي بالجوال الجديد باسم (البقاله ) مثلا وانت سوي باسمه نفس الشي. كحركة يعني علشان اذا كان شكك صحيح ما تكشف رقمك الجديد اتوقع رح يختفي رقمها من الظهور على جوالك واذا عاد.. لا اجد مهرب من مصارحة صديقك تخيل والعياذ بالله بأن الوضع معكوس.. هل سترضى أن تكون آخر من يعلم ؟ |
والله الامر غريب منها
لكن صارح صديقك وحاول ماتمسح من رسايلها شي ماتدري يمكن تقلب الحكايه عليك لمن تشوف منك الرفض وتقول لزوجها انك انت اللي بتجري وراها وتعاكسها سبحان الله امرها عجيب من جد ! |
مبارك الترقيه اولا
وثانيا غير الرقم غير الرقم غير الرقم او تبادل الارقام انت وزوجتك واخبرها ما يحصل وخليها ترد يعني اترك الرقم مع زوجتك ويوم عن يوم رح تتوقف واذا سألتها تقول لها ان والدها (اي والد ززوجتك )اشتراه لها رقم جديد انما صارح زوجتك احسن تغار من المسجات |
الحل الوحيد هو
تغيير الرقم فقط |
اقتباس:
انا مع هالرأي وكمان مثل ماقالت اخت مسك احتفظ برسايلها عشان ماتقلب السالفة عليك هذي بجد بايعتها وتوقع منها اي شي |
اولاً / شاكر ومقدر تفاعلكم مع مشكلتي ، والشكر موصول لمن بارك لي ترقيتي .
ثانياً / اغلبكم اقترح مشكور اني اغير الرقم ، بس للأمانه تغيير رقمي حالياً صععععب جداً ، رقمي هذا له تقريباً 5 سنوات معي ، وغير ان عندي مواعيد واشغال واتصالات مهمه انتظرها هالايام من جهات رسميه وغير رسميه . ثالثاً / خطرت في بالي فكره وان شاء الله انها تضبط معي ، وهي اني اليوم بإذن الله بتفاهم مع زوجتي على هالموضوع واقولها عن كل شي ، وبعدين بسوي تحويل من جوالي لجوال زوجتي ، بمعنى لو اتصلت علي اعطيها ( بزي ) وفوراً تتحول المكالمه لجوال زوجتي وزوجتي هي الي ترد عليها ، وعلى اساس ان الجوال غيرته . وبكذا انا ان شاء الله برتاح . رابعاً / بهالفتره بحاول اتأكد ان زوجة صديقي هي المعنيه بالموضوع . خامساً وهذا هو الاهم / بعد ما اتأكد ان زوجة صديقي هي المعنيه بالموضوع ومافيه اي مجال للشك ،،، ذيك الساعه انا ماراح اسكت عليها وانا ادري ان هالمسكين الطيب زوجته تخونه يعني لازم يدري بطريقه او بأخرى ، وبتواصل معاكم بموضوع ثاني مستقل بقولكم فيه الي صار والي بيصير ان شاء الله . والله الهادي إلى سواء السبيل ،،، |
فكرة حلوة
واسفة نسيت ابارك لك عالترقية الله ينصرك عليها |
اقتباس:
فكرتك ممتازه اخوي خالد .. بس توقع انها تعرف انك حولت الخط من جوالك الي جوال زوجتك .. و هذه شيطانه توقع منها اي شي يعني لا تتفجأ من انها تكلمك من رقم خامس و سادس و مليون كمااان .. الله يعينك و بانتظار بقية الاحدااااث .. |
الحمد لله رب العالمين
يعني جات نصيحتي بفايده ويا رب تخبرنا بالتطورات والله يقويك عل هذه الشيطانه وادعو من كل قلبي ان لا تكون المتصله زوجة صديقك والله رح انصدم , اتمنى لا يا رب ما تكون هي الله يستر علينا جميعا |
حسبي الله عليها ونعم الوكيل
اخوي انت مدحت صديقك انه رجال وما الى ذلك والبنت لوكانت زوجته ماتستاهله غير انها ماتدور الستر واللي ما يبي الستر لا تستر عليه وبعدين هذي عندها ارقام مو رقم يعني بنت وسخه المهم قول السالفه لصديقك بدون ما تحط له انك متأكد انها زوجته |
ياأخي ارسل لها رساله بأنك عرفت أنها فلانه وان لم تتب ستخبر زوجها
جرب وانظر ماذا ستقول لك ان انقطعت فبتأكيد انها خافت وان تبجحت فبالتأكيد انها ليست زوجة صديقك انما امرأة تعرفكما كلاكما او ان صديقك يعرفها واعطاها رقمك يعني جميع الإحتمالات وارده لاأنصحك أن تخبر زوجتك فأنت ستضع زوجتك في دوامه من القلق والخوف عليك من الوقوع في حبال المرأة فانتبه |
اولا الف مليووون مبرووووك عالترقية و منها لاكبر يااارب
فكرتك جدا حلوة ... حول الرقم لزوجتك و ااكد عليها ما تصدق اي كلام تقوله ام فلان اذا اتاكدت انها زوجة صاحبك ... لاتقوله مباشرة عشان لا تكسر عينه قدامك لكن ممكن تشكي له و تقول له في رقم مجنني بالاتصالات و المسجات و شاكك انه حد من الشباب يلعب علي و اعطيه الرقم و خليه هو يتعرف عليه لحاله ,,, على اساس يتصرف معاها بدون ما يخليك تعرف انها زوجته ... فا ان شاء الله ما تنكسر عينه قدامك و تبقى صداقتكم .. بس لازم يعرف عنها اذا كانت هي هذه ما تؤتمن على تربية اولاد .. واذا جا حظها عليك محترم .. يمكن بكرة تتعرف على شخص ماعنده دين و لا ضمير و يفسح لها المجال و يضل زوجها مخدوع ... اعوذ بالله من هكذا نساااء |
خل زوجتك تكلمها
انا مريت بوضع مشابه وعرفت وعصبت ع زوجي لانه ماقالي |
اقتباس:
|
يا اخى اعانك الله على ما انت فيه ولكن اذكرك واذكر نفسى يا اخى وارجوا ان لا تتضايق منى واقول اتقى الله فى زوجة صديقك لانك لا تملك اى دليل مادى وقوى على ان من يتصل بك هى زوجة صديقك اولا اذا كان الرقم الذى يتصل بك كثير الاتصال بصديقك فربما هى صديقته هو او اخته او قريبه له ورأتك فى العزاء وتعلقت بك اما موضوع انك اتصلت من جواله وظهر الرقم بأسم ام فلان وهى زوجته فهذا ليس دليل ابدا لانه ربما من مكر من تتصل بك انها تستعمل جوال زوجة صديقك حتى لا تفضح نفسها او تريد ايقاع زوجة صديقك فى مصيبة والعواذ بالله لذا اولا يجب ان تتحرى وتتاكد واعتقد هذا بأن ترد عليها وتجاريها بحضور زوجتك حتى تتأكد من شخصيتها ووقتها نرى التصرف السليم بأذن الله ولكن اتهام خطير كهذا بدون اى بينة هذه كارثة وربما تكون سبب فى عدم بيت او ربما يقتلها زوجها وهى بريئة ولا ذنب لها استخير يا اخى واسأل الله ان يلهمك بالحل السليم بأذن الله |
مبروك الترقية ولاتستبعد أن تكون هذه الترقية رزق من لله بسبب بعدك عن الحرام فكثر الله من أمثالك أخي الفاضل :هذه المرأة إذا كانت زوجة صديقك فهي ليست خائفة من شيء ومن الممكن أن تسبب لك مشاكل وتتهمك.. وتوقع بينك وبين صديقك .. وعندها سيقول لك صديقك لماذا لم تخبرني ؟؟ وستخسره ومن الممكن أن تكون هذه المرأة أختها أو الخادمة أو ابنتها أو أحد يستطيع استخدام جوالها ومن الممكن أيضا يكون من يفعل ذلك حاقد على صديقك وزوجته ويريد أن يفرق بينهما بااستخدام هذه الأساليب الشيطانية كل هذه الإحتمالات قد تكون صحيحة والحل برأي لكي تضع النقاط على الحروف ويكون عندك يقين وتكون في مأمن من التهم أمام زوجتك وصديقك الحل هو أن تكلم هذه المرأة أمام زوجتك (انتبه أن تكلمها بدون وجود زوجتك وسماعها المحادثة كاملة ) وتسجل المكالمة كاملة وحاول أن تأخذ منها معلومات تدل على شخصيتها واطلب منها ماذا تريد منك ثم خوفها بالله عزوجل وذكرها بالفضيحة وكيف سيكون نظرت أولادها لها عندما يعلمون أنها خائنة وبعد ذلك نفكر بالحل لهذه المشكلة بعدما تكون قد ضمنت حقك بهذا التسجيل وحافظت على صديقك وبيتك |
تنبيه : يرجى المداخلة في صلب الموضوع الأساسي و عدم الخروج عنه / الاشراف
|
يمكن زوجة خويك .. مدحتك عشانك وقفت مع زوجها
وسمعتها صديقتها وخذت رقمك وكلمتك من كذا رقم واخر رقم دقت من جوال زوجة صديقك انت لازم تسجل صوتها عطها فرصه رد عليها وسجل صوتها وسمعه لزوجها عشان تتأكد هذي زوجته ولالا او اعط واحد من اصدقائك يكلمها وسجل صوتها يعني اول شي تأكد من الخبر ..... ترى كثير تصير معهم كذا |
االسلام عليكم ورحمة الله وبركاته اذا كنت لا تريد ان تكلمك فالحل سهل جدااا اذا اتصلت افتح الخط وخلها تهذري لحد ماتخلص ولا ترد عليها ولاكلمه ولا تستمع وش تقول طبعا بهالحاله الحسابة تحسب عليها فلوس والاتصالاات يفرحون بصرفها وبعدها راح تفلس وماراح تدق عليك لكن الخوف انها تتصل على واحد غيرك ماياخاف الله ويصير مالاا يحمد عقباه الرأي انك تجابه الحقيقه وتعلم صديقك لكن بطريقة غير مباشرة ومدروسه والا عط رقمها للهيئه وهم يتصرفون معاها ويسترون عليها |
الحقيقة ما قريت جميع الردود لكن
اول شيء اعانك الله على هالمصيبة وهنيئا لك هذه النفس الأبيه انا اقول مثل اللي قالوا تأكد أكثر وأكثر أنها زوجته وحاول انك بطريقة ما تتوصل الى وضع صاحبك مع أهله هل هو مستقر أو لا والموضوع غريب جدا لو كانو مستقرين والمشكلة مهيب معك انت بس لو كانت زوجته وتخلصت من مكالماتها ممكن تروح لواحد ثاني مايصر ان صديقك يعيش مع وحده خاينه ايضا تأكد من صديقك بما انك تقول الروح بالروح حاول بطريقة ما تتأكد بأنه ليس له علاقات محرمة لان ذلك من الاسباب اللي تخلي زوجته بهالشكل واهم شي نصيحتي لك لالالالااااااااااااااااااااااااااااااااا تستعجل |
حبيبي لا تعلم زوجتك ولا هم يحزنون.
مشكلتك حلها بنفسك ولا تدخل زوجتك بمشاكل زي كذا. حل مشكلتك بنفسك، بتخلي زوجتك تحاتي وتفكر على خالي بلاش ، وصدقني ان عرفت زوجتك بتكبر المشكله، ماراح تنحل. زوجتك اذا عرفت بتسألك كل شوي وممكن انها تسوي اي شي او تقول اي شي من غير قصد وتكبر السالفه. حبيبي لا تغير رقمك ولا شي، النوعيه هذي من البنات احقرها واسفهها واسفطها با العربي لا وكانك تعرفها ، واذا طولت السالفه وماتابت عطها كم كلمه جامده موب تهديد ولكن سب، وقولها انا ما انزل نفسي لأشكالك ولا اشترف اني اعرف وحده مثلك، قلها انا اكلم بنات واعرف بنات ولكن وحده بأنحطاطك ماعمري شفت ، عشان كذا منتب كفو انزل نفسي لك. واذا طولتها من جد وقتها قل لا حول ولا قوة الا با الله. الله يوفقنا ويوفقك |
انا لو مكان زوجتك راح اسوي العكس
اي من تتصل بي لااكلمها لكن ابعث لها رساله اقول لها اريد مقابلتك بدون ان تعرف انها زوجتك واحدد المكان وبعدين اذهب الى المكان لااكتشف الحقيقه واتاكد هل هي زوجة صديقك او لا واذا لم تحضر للموعد فهي ليست زوجة صديقك وانما امراه تريد تهديم بيت صديقك |
[SIZE="5"]يا جماعه الراجل بيقول أخذ موبيل صديقه واتصلت على الرقم من موبيله طلع له رقم ام فلان
يعنى أم فلان دى زوجته فزاى لا تكون مش زوجته ازاى الاول أخى حاول بكل طريقه تعرف مين المتصل وتأكد قبل ان تخبر صديقك ويطلع فى شيء وينهدم بيت صديقك وربنا يعينك بس أخبر زوجتك حتى لا يحدث لك اشياء لا تحمد عقباها وكلام الاخت تاج العروس كويس برضه [/SIZE] |
| الساعة الآن 06:38 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©