|
الخلافات المتكررة مع خطيبي
السلام عليكم ورحمة الله وبركاته أخواتى أنا بمر بمشكله حاليا مع زوجى وهى بينى وبينه بقالنا فتره بنشد مع بعض جاااامد جدا ( يعنى ندخل فى حوارات ولا نصل لرأى مشترك ) بس ولله الحمد مفيش خصام ولا زعل :22: يعنى بنتصالح على طول لكـــــن مستحيل نوصل لنتيجه مرضيه للطرفين يعنى أنا مصممه على شيئ وهو مصمم على شيئ طيب أنا والله زهقت كل يوم نتكلم فى نفس الموضوع وكل يوم نتخانق المهم بقاله يومين مطنشنى تمااااااااام :( ولا أتصال ولا رنه حتى :d ولا ربع رساله :25: وأتصل أنا بيه وأكلمه ألقيه تقييييييييييل :18: وبيرد بالقطاره ( الكلام بيطلع من لسانه بصعوبه ) ولما سئلته هو مين المفروض يزعل من مين ( لأن المفروض أنا اللى أزعل لأنه أجل فرحنا كتتتتير والموضوع ده معصبنى ) المهم قالى انا واخد موقف منك لأن ده مش أسلوب بنت بتكلم جوزها :29: قالى لو شيئ مش عجبك أعترضى لكن القرار النهائى ليا وأنا أعلم منك بمصلحتنا :11: وقااااااالى كلااااام كتتتتتتتتير أوى أمبارح بعد صلاة المغرب وفضل يقولى أنتى مزاجيه وكلام ده ماينفعش معايه وكبريائك العالى لازمله حل وقبل ماندخل شقتنا فى أشياء كتتتتتتتتير لازم ترميها ورا ضهرك لأن ماسمحش لمراتى تقولى لأ دلوقتى بسيبك بس لأنك فى بيت أهلك وماليش كلمه عليكى وكل كلامه بسررررررعه بسرعه وبصوت عالى لقيتى نفسى بدووووون مقدماااااااات داااااااااااااااااااايخه وقلبى بيدق بسرعه بسرعه وخلاص هقع فى الارض قولتلوا أقفل بسرعه قالى مالك قولتلوا ماعرفش تعبانه روووووووحت واقعه جمب السرير والبيت كله هنا أتقلب عليا ويخبطوا على الباب وانا قافله بالمفتاح وافتكرونى مايته وهو خاف ويتصل على الموبيل وهم هنا يضربوا على الباب ولا حس ولا خبر لحد الفجر صحيت لوحدى ومكنتش حاسه باى شيئ وكأنى كنت نايمه عادى لقيت أتصاله على الموبيل كلمته اطمن عليا وبعدين قولتله خلاص ماتزعلش منى قالى لا أنا مش زعلان بس واخد موقف ولا عمرى هتغير لحد مانتى ترجعى زى الاول :( وأحسن تخيلوا بقى قاسى اوى لقيت نفسى بدون شعور ببكى بشكل صعب جدا صعبة عليا نفسى جداااااا لأنه مش متخيل قد أيه أنا زعلانه لان ببساطه لأول مره نوصل لمرحلة عدم الاتفاق على شيئ ولا هو راضى يجى على نفسه ولا أنا ومش عارفه أعمل ايه والله تعبانه نفسيا ومخنوقه وبجد تايها ومش عارفه أرضيه أزاى :24: انا بكتب لأنى تعبت والله بقالنا أسبوعين على هذا الوضع والله تعبانه اعتبرونى بفضفض |
يا قلبي ما هو الموضوع المختلفين عليه يمكن نساعدك
|
اقتباس:
لكن هو مش ده اللى مزعل جوزى اللى مزعله أنه رافض حاجه معينه وانا مصممه نعملها :( (شيئ يخص حفلة فرحنا :14:) |
طيب صعب تقولي لنا عليها يمكن نقدر نحلها مع بعض
اذا شي من الكماليات وممكن تتنازلي عنه ما تبدي حياتك بنكد وشكل زوجك عنيد انتبهي |
اقتباس:
وعليكم السلام ورحمة الله وبركــــاته ؛؛ تعوذوا من الشيطان انتي وزوجكــــ وممكن زوجك عليه ضغوطات فالحياه ( العمل + مسئلة الزواج تشغل البال ) مما سبق من مواضيعك انه زوجكـ متدين ماشاءالله وممكن انتي عاوزه تسوي حاجه في فرحكـ مو راضي عليها دينياً اسئل الله ان يقربكما من بعض ويؤلف بينكما ويبعد عنكما كل حاسد وان شاءالله نسمع فالايام القادم اخبار حلوه :14: |
اذا من بدايتها على موضوع الفرح مش راضية تسمعي كلامه !
معاه حق يزعل 100% ! على فرح يا المصرية زعلانه وبتتخانقي؟ خليتي ايه للمشاكل اللي حتيجيكي بعد الزواج؟؟ انا معاه .. وشايفة انك عم بتتدلعي عليه بزياده وهو ما عادش مستحمل :) |
نقل لمكانه الأنسب
فرج الله همك |
اقتباس:
يبقى أحكيلك الموضوع وانتى أحكمى بنفسك :) أنا زوجى عايز يحجز فى قاعه من قاعات الدفاع الجوى وأنا خالى طيار قولت أنا أكلمه حتى يجد لنا ميعاد مناسب خاصه وأنا واثقه الفتره القادمه بعد رمضان هيكون زحااااااااااااام على القاعات زوجى رافض تماما أكلم خالى بيقولى ممكن يتخيل أن أحنا بنكلمه عشان سعر القاعه لأن الطيارين لهم أسعار خاصه لكن موضوع الفلوس دى ماتفرقش خااااااااالص وأنا واثقه أن خالى مستحيل تخطر فى رأسه هذا الكلام وواثقه أنه هيحجزلى فى وقت كويس لكن زوجى هو اللى غرررررررريب المشكله أنه إلى الأن لم يحجز والوقت بيجرى ومش عارفه كده هنجوز أمتى بالشكل ده :( لذلك قولت فى عقلى ( أزن على راسه لحد مايحجز أو أقول لخالى يحجزلنا ) وأجوز بقى :14: |
اقتباس:
يا حبيبتي خلاص خلي زوجك هو يكلم خالك افضل لانه رجال و اكيد خالك بيحجزلكم باقرب بوقت خاصة زواجك تاجل اكثر من مرة :29: و انتي الحي على زوجك ان يكون موعد العرس قريب لانك تبغين تكوني معاه :d |
وكمان يا أخواتى أنا أصبحت أخجل من أسئلة الناس أى أحد من العائله يسئلنى ليه ماجوزتيش لحد دلوقتى والله بخجل أقولهم أيه بس صدقونى أنا مضايقه جدا جدا بسبب التأجيل الغير مبرر أنا لو عليا ولا عايزه فرح ولا شهر عسل بس نجوز وخلاص لكن هو مصمم على فرح باهر جداااااااا وشهر عسل جامد جدا طيب الحل الوقت بيجرى والمشروع الجديد مزال فى بدايته يعنى محتاج أن الاداره ماتغبش حاليا يعنى فعلا وانا مقتنعه بكلام زوجى ماينفعش يبعد يوم واحد عن شركته لكن أيه الحل أستنى سنه كمان لحد مايطمن على المشروع طيب هل ده كان أتفاقه فى البدايه يمكن فى ناس تاخد الامور دى ببساطه لكن أنا فعلا زعلانه منه جدا لأنه أصبح كل أهتمامه هو مشروعه شكل بيفكر يجوز مشروعه عموما أنا والله بقالى يومين بصالح فيه وقولت أكيد الزواج بميعاد ربنا حدده وخلاص راضيه بالامر الواقع وهصبر لكن دلوقتى هو زعلان وواخد موقف ومطنش وأنا حاسه بزهق وبوحده وتعبت من العتاب بصراحه أعمل أيه ؟ |
اهلا حبيبتي المصرية
اني اعرفك بالمنتدى تعجبني جدا ردودك على حل المشاكل اللي موجودة بالمنتدى وانتي بنفسك اللي كنتي تقولين لازم يكون في تنازلات ولازم الزوجة تسمع كلام زوجها وتاخذه على قد عقله اني برايي انك تخلين زوجك يعمل اللي هو عايزة ومامعقولة هو ماراح يفكر بمصلحتكم انتو الاثنين صدقيني يمكن هو تعبان وانتي بتظغطي عليه زايد خلي الامور تهدا وكلميه شوية شوية واذا مصمم على رايه فواجبك انك تسمعي كلامه |
اقتباس:
أنا يشرفنى أنك معجبه بردودى وأشكرك على ردك الجميل للعلم أنا والله مابقتش بتكلم بقالى يومين بصالح فيه:25: وهو تقلان خالص وأمبارح الله واعلم حصلى ايه بسبب كلامه لقيت نفسى فى عالم تانى والله حسيت كأنى بموووووت لأن عمرى عمرى ماأتخيلت أن أنا وهو نشد مع بعض كده لكن ماعرفش هو بيدلع عليا ولا زعلان فعلا لأن مش حاسه أنى غلط فعلا ثانيا أنا حبيت أعمل جس نبض ليه وبقولوا شكلك بتفكر تسيبنى زعل من الكلمه جامد وقالى أمال أنا بعمل كل ده لمين ؟:11: وسبب زعله هى الكلمه دى مع أن والله لا أقصد معناها بس هى طلعت كده منى :30: |
اقتباس:
أمى جرين محتاجه لردك ضرورى وأنا وضحة الموضوع بأكمله فى باقى ردودى |
اقتباس:
اللهم آمين هو فعلا متدين هو فعلا تعبان الشغل الجديد مدوخه :11: بارك الله فيك ياأخى |
اقتباس:
رافض تماما موضوع خالى ده:( وشبعة ألحاح اللى فى دماغه فى دماغه :( |
صدقيني واضح انكم تحبو بعض خليه زوجك على راحته وصالحيه مرة واثنين وثلاثة هذا زوجك وحبيبك وييستحق منك اكثر من هذا
وقليله اني حاظرة واللي تريده يصير واتركك من المشاكل والله ماتسوى على مكان القاعة تتخانقون واي شي بالدنيا مايسوى تتخانقو عليه صدقيني وان شاء الله تصير الامور مثل ماتريدون ويكون فرحكم احلى فرح |
اقتباس:
الحمد الله ياحبيبتى هو كلمنى واتصالحنا خلاص:17: الحمد الله وشكم حلو عليا:17: |
الحمد لله يارب مايجيب مشاكل على اي احد وفرحتيني بجد
|
ههههههههه
الله يهنيكم القصة كلها علشان القاعة؟ خلاص العائلة كلها عارفة وين حيكون الفرح ليش ما تخلي امك تكلم خالك وانتي اطلعي منها :) |
اولا مبارك الصلح
وثانيا انتي ليه خايفه انو يتاخر الزواج يتعرفي انتي عاوزه فقط تغمضي عينك وتصحي وتلاقي نفسك متزوجه هدي اعصابك وارتاحي واتركيه يرتب لك الفرح وشهر العسل حبيبتي الفرح وشهر العسل مره واحده في العمر خليهم مثل ما يرسمهم عريسك لك شكلو عارف قيمتك ويحبك بالاول كنت كتير مرعبوه انو تكون المشكله كبيره لا سمح الله نصيحه وقت حد يسالك متى تتزوجين قولي : وقت ربنا يريد الناس ما يهمها الا تتكلم عشان تتسلى بالناس انطبو تزوجو حبلة انجبت عشر بنات وخمسة عشر ولد ضعي قطن في اذنيكي وافتحيهم فقط لزوجك |
اولا ان شاء الله الف مبارك الزواج
ثانيا فى مشكلات بسيطة وتبكر وتبقى كبيرة خلى زوجك يدبر كل شى وانت اسمعى كلامه ووكلى امرك الى الله |
مرحبا بالعروسة الجميلة.. ليش كده يا مصرية الموضوع فعلا مش مستاهل خالص >>> (كيف لهجتي المصرية؟ ناوية أحسنها لأني حسافر مصر ان شاء الله :d) يا عزيزتي المصرية الأمور لا تحل هكذا وخصوصا اذا كان الموضوع هو فرض رأيك أو رأي زوجك.. من الطبيعي جدا أن زوجك سيزعل ويأخذ منكِ موقفا لأنه الرجل لا يحب أن تفرض زوجته عليه رأيها دون احترام لمشاعره.. صدقيني زوجك لا يرفض سؤالك لخالك للسبب الذي ببالك.. فعندما يرى الزوج أن كلامه ليس ذا قيمة لدى زوجته فإنه يعاند فقط ليثبت أن كلمته هي التي ستنفذ.. لو أنك قلت له بكل حب ورقة: "خلاص حبيبي اللي تشوفه راح يصير مش ممكن أزعلك أبدا وكلامك فوق راسي" للان قلبه ووافق على طلبك.. ما إن يحس الرجل بأن زوجته لا ترفض طلباته وتتفانى في اسعاده يضعها في عينيه ولا يرفض لها طلبا.. كوني سياسية وذكية وحكيمة ولا تعتقدي أن الشد والعناد سيفيدك في أي شيء وحتى ان وافق زوجك فسيكون ذلك رغما عنه.. وكل ما قاله نابع من احساسه بالمرارة لأنك لا تقدرين كلامه وهو لا يعني ما قاله أبدا بل يريدك أن تحسي بشعوره وأنت تعاندينه.. اذهبي الآن واتصلي به وصالحيه وقولي له بأن كلامه على عينك ورأسك وأنكِ آسفة وتملقي شوي يعني انت بنوتة وبتفهمي في الحكي وسترين النتائج :d تحياتي يا عسل... |
بارك الله فيك وحفظك من كل مكروه وإن شاء الله نفرح قريب بزواجك أيتها المباركة زوجك رجل محترم وفاضل ونفسه عزيزة لايريد أحد أن يتدخل في زواجه فاحمدي الله عزوجل على هذا الرجل المجتمع يشكوا الأن من أزواج يأخرون أعراسهم من أجل يأخذون مال من أبو العروس أو أمها وكثير من الأزواج ينتظرون فرصة مثل هذه ليستفيدوا من أقارب العروس ثم ايتها الفاضلة الرجل يحب أن تقول له زوجته: كما تريد, تكرم عيونك ,أبشر وأنت أدرى بهذه الأمور ماشاء الله عليك كما أنك تحبين الكلام الحنون من زوجك وتحبين أن يتغزل بك هو أيضا يحب أن يشعر بأنك مطيعة له وأن هو صاحب القرار بعد المشورة أرسلت لي رسالة زوجتي تقول :(أحبــــك .. و أعيش بعــرووق دمـك .. و لو تقـول : السمـا خضـرا .. أقول : خضـرا و لا يهمـك .. ) فأعجبتني وليس المقصود الرسالة نفسها ولكن المقصود بالرسالة أني أطيعك على كل شيء أحببته أوكرهته حفظك الله وبارك فيك وجمع بينك وبين زوجك في أقرب وقت |
أختي الغاليه تأكدي تماما أن الرجل لايأتي بالعناد ولا بالإصرار
إنما بالكلام الطيب والمعاملة الحسنه اذا قال لك لا اسكتي وقولي على أمرك ياغالي وفي نفس الوقت بعد فترة حاولي معه بأسلوب الطفلة الحزينة وبكلام دلع مثلآ ياغالي انا احبك أرجوك فلتقبل بطلبي حتى لو رفض قولي على امرك صدقيني الرجل يحب المرأة المطيعه التي تعرف كيف تأخذ حقها برضا منه |
اقتباس:
|
مصرية ياقمر .. خليها حلقة باذنك
الرجل لا يحب المرأة الند معترضة على شي .. اعترضي حقك ... بس اختاري الاسلوب الصح .. الشطارة مش انك تصممي على كلامك لان الطاولة بتنقلب عليك الشطارة انك تخليه يسوي اللي انتي عاوزاه و يحس كأنه دا رأيه و قراره :) اعطيك مثال يعني اذا في نقاش على موضوع معين ., اعطي رأيك بهدوء اقتنع فيه كان بها لو قال لك لا اصلا كدا و كدا ... قولي له عارف كلامك صح و اسكتي و اسرحي شوي و ارجعي قولي له اصلا كنت افكر لو سوينا كدا (( الشي اللي انتي عاوزاه )) هيكون احسن لانه كداو كدا و كدا (( اعرضي اسباب منطقية و مقنعة )) .. بس ماشاء الله عليك انت اكثر خبرة مني و فاهم فا اكيد كلامك هو لاصح و اسكتي و قفلي الموضوع و بتشوفي انه بيقلب كلامك و اسبابك براسه و يرجع يسوي اللي قلتي عليه ... لكن لما تصممي على رأيك بشدة و عند .. هو كمان بيصمم على رأيه مش لانه صح بس عند فيك و عشان يمشي كلامه ويبين لك انه هو الرجال و كلامي هو اللي لازم يمشي .. فا حاولي ياقمر دايما تمسك اعصابك و تخفضي صوتك و تدوري اقل الطرق ضررا لايصال فكرتك :) الله يوفقكم يااارب |
ربنا يسهل جوازك يارب
:17: |
ازيك يا قمر الف سلامه عليكى حبيبتى
اولا مبروك الصلح ثانيا حسيت اوى من موضوعك انك انت وجوزك شبهى انا وجوزى يعنى فكرتينى بطريقه خلافاتنا ايام الخطوبه (والله كانت ايام لذيذه)وخصوصا لما بنتصالح وبعدين انا عارفه انك متسربعه عالجواز يا بنتى اتقلى (انا كنت زيك على فكرة وهموت واتجوز)وعارفه ان الانتظار دمه تقيل لكن معلش هو واضح اوى انه بيحبك وبيموت فيكى وكمان عنده عزة نفس ماشاء الله كمان بصى هقلك حاجه اتعلمتها لما تبقى عاوزة حاجه اطلبيها من ربنا وهو هيجبهالك وحاولى تطبقى ده فى كل امورك الصغيره قبل الكبيره يعنى انتى عاوزة تتجوزى فى اقرب وقت ادعى ربنا وهو هيهديه ويسخره ليكى لأن فى الأخر احنا كل امورنا بأيد ربنا ويابنتى هقلك تانى (وانا عارفه انو كان نفسك تتجوزى قبل رمضان) والله رمضان فى بيت الأب جمييييييييييل مهما انتى كنتى نفسك تقضيه مع جوزك(طبعا هيكون جميل ان شاء الله)بس انتى بتكونى لسه مش متعودة على الجو الجديد ورمضان بيحب اللمه صدقينى انبسطى وافرحى انك مش هتتحرمى من بيت بابا فى رمضااااااان وبعدين اجمدى كده مش من كلمتين تقعى امال هتعملى ايه بعد الجواز:d(ربنا مايجيب مشاكل يارب) ربنا يصلحلك امورك حبيبتى ويسخرلك جوزك ويعجل بزواجك |
اقتباس:
ماشاءالله الحمدلله وشنا حلو عليكم :26: هالخلافات البسيطه هي ملح الحياهـ ونوع من حلاوتها :11: والله لايجيب بينكم اي زعل :23: وماتختلفوا الا على اسماء ابنائكم :) وبرضوه تتصالحوا :d الله يوفق جميع المقبلين على الزواج ويسعدهم يارب ..:17: |
اقتباس:
|
اقتباس:
لا والله حبيبتى مفيش مخلوق فى العائله يعرف أنا هعمل فرحى فين أو أمتى لأن كل شيئ بمشيئة الله وكمان لأن حابين معرفتهم تكون بكروت الدعوه وميعاد محدد لان انتى عارفه الكلام كتير مضر بالصحه :) خليها مفاجئه أنا لو قولت لماما تكلم خالو ممكن جوزى يطلقنى فيها لأنه رافض تماما تدخل خالى مش حابب يكون فى جمايل من حد وهو من وجهة نظره أن خالى هيعتقد أن أحنا كلمناه لان معروف أن الطيارين لهم أسعار خاصه ممكن يكون نصف السعر تقريبا |
اقتباس:
والله اللى مخلينى مستعجله أن الناس كانت عارفه أن فرحى المفروووض من زمااااااااااااااان ده كان زمانى حامل دلوقتى :15: لكن تأجيل فرحى 3 مرات أزعجنى وأصبحت من أكثر من أسبوعين بحالة غضب شديده كنت أفكر جديا فى النفصال والله وجلست فى المصيف أسبوع لا أكلم زوجى بسبب التأجيل المستمر أحبط جدا لما تخيلت ان تخطيطى فشل كنت مخططه أن رمضان ده أنا وهو هنقضيه فى بيتنا ولو تتذكرى موضوعى مع ملك شادى والله نزلت أشتريت كل حاجه قولتها لملك وجهزت كل شيئ يخص رمضان والنهايه مفيش جواز على رمضان أحباااااااااط شديد يلا الحمد الله وكمان خايفه نجوز فى الشتا:24: نفسى نجوز فى الصيف يعنى مليون حاجه كده فى راسى كل ماأفتكرها أزعل أوى أن لسه ماجوزتش أنا أعرف رجاله كل همها تتجوز ومش مهم فرح ولا شهر عسل لكن جوزى ضرورى عنده الفرح وشهر العسل يقولى أنتى مطلقه ولا أرمله عشان تجوزى منغير فرح ولما أقولوا بلاش شهر عسل يقولى ليه مانسافرش اى بلد نتمتع سوا قبل النونو:15: يعنى الله واعلم هنتظر لأمتى على هذا الحال أمى بالله تدعيله الله يوسع رزقه ويطمن قلبه على شغله ويعجل بزواجنا :14: |
اقتباس:
يارب أفرح بيكى ونزفك عن قريب:14: والله من زمان بسمع كلامه ومطيعه لأمره لكن صعب الغضب أنا كنت فى حالة غضب شديده من كثرة التأجيل لذلك تصرفاتى الفنره الماضيه كانت غريبه أحيانا من كثرة العصبيه والنرفزه :18: وطبعا موكلى امرى لله والله ييسر الامور ياب |
اقتباس:
اهلا اهلا بالعروسه الصغيره أهلا بدلوعتنا كيف عريسك يارب بخير فى شغله الجديد:22: حبيبتى بتكلمى مصرى أحسن منى :d وكمان أنتى هتنورى مصر بس تعالى بقى على فرحى عشان تشوفينى وانا عروسه :14: بالنسبه لزوجى الحمد الله مكنش زعلان ولاحاجه كان ( بيستعبط ):) يعنى كان بيمثل أنه زعلان ( شوفتى أخر دلعى فيه :() عشان يخرجنا من حالة التوتر والعصبيه اللى كنا فيها والحمد الله شاطر ونجح فعلا فى التمثيل واقنعنى أنه زعلان وأنا جالى أنهيار وطلع الأخ كان بيمثل:( بس الحمد الله أتصالحنا وأخدت حقى تالت ومتلت:23: |
اقتباس:
أهلا بأخى الفاضل يارب يسعدك على الكلام الطيب ويجمعك بزوجتك عاجلا وييسر أموركم على خير ويوسع رزقك زوجى فعلا أنسان طيب بسم الله ماشاء الله نعمه من ربى كبيره ألف حمد وشكر لله عليها الله يحفظه ويطولى بعمره ياااارب آمين آمين والله رسالة زوجتك جميله جدا:22: الله يباركلك فيها وأمى الله يخليها دايما تقولى رسالة زوجتك بس بشكل مختلف شويه ودايما تقول لبابا ارسملى دربك وأنا أمشى عليه ( بعد 40سنه جواز :)لسه مطيعه ) الحمد الله ياأخى وأنا وهو فى أحسن حال حاليا وهو واثق أنى مطيعه له وبحبه |
الله يسير امورك يالله حلو المشكله واتفقوا و اعملى فرحك في الصيف عشان احضروا واباركلك بما انى في مصر
بالتووفيق ياعسل |
الله يتمم لك على خير
|
اقتباس:
ربك يهدينا وشكرا على نصيحتك الطيبه |
اقتباس:
اللهم آمين حبيبتى أم يوسف كيف يوسف :15: يارب أجبلوا عروسته عن قريب:15: كلامك صح 100% وكنت بطبقه والله وسعيده الحمد الله لكن أستغفر الله الفتره الماضيه كنت متعصبه على زوجى جااااامد جامد :18: الحمد الله ربنا هدانا واتصالحنا:17: |
اقتباس:
ياااااااااااااااااااااااااااااارب :17: |
| الساعة الآن 06:44 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©