|
هالأيام زوجي متغير
مساء الخير حبايبي
بدخل بالموضووع انا متزوجه وعمري 24 سنه ولي 5سنوات متزوجه وعندي طفلين:15: زوجي طيب وكويس من يومه والحمدالله وانا بعد طيبه:d:d بكل شي يستشيرني فيه:)احس نفسي اسعد وحده بالعالم اني محظوظه فيه ولله الحمد **ماهي هاليله وبس وانت متغير علي** **صارلك كم ليله وانت بالك ماهو لي** بس هالايام هذي غييييييييييييير:(:(مدري وش فيه متغير علي ويخااصم وانا بعد مب مرتااحه تخيلو يخاااصم على شي فااضي وينفخ ويتكلم عادي اول كان لما يروح الشغل يقبلني هالأياام ولا شي مااحس فيه متى خرج حتى كلامه اول ياحياتي وحبيبتي والحين ولا شي يابنت يقول:29::29: بدووووووووووووووووووووون سبب كذا فجأه قلب:(:(اكره هالحركااات ترى وهو كتوم مايتكلم وانا ماااحب كذا:( اول لما يزعل احس فيه انا اللي اسألو وبعدين يقولي ليش هو زعلان مني الحين بااين من وجه انه متضاايق ولما اسالو يقول مافيني شي تخيلو:اليوم كنا بالصاله انا وياه والعيال شكلو يبغى نقوم لانه طفشااان مننا جلس يصرخ ويخاااصم على شي مالو معنى قمنا من الصاله ودخلت مع العيال بغرفتهم جلس فرحااان وتفرج التيفي نفسي اعرف ليه متغير؟؟ممكن شافله شوفه تانيه ولا مل مني؟؟والله انا ياما امل منه وما ابين وانسي نفسي واقول يابنت زوجك عيييب وشو اللي يمل:( ولا ايش يبي بضبط؟ماني فاهمه الله يهديه انا الحين مطنشته ساااااااااااااااااكته طووول وقتي مع العيال ولاب توبي اجل ايش اسوي؟دام اسأله يقول مافي شي بعصبيه وانا ابد مااحب اكون لصوووق يكلمني حلو اكلمه يسوي نفسه قرفان مااتلصق ابعد بدووون خصااام انصحوني تهكوووون وش فيه؟؟؟وليه يسوي كذا؟؟؟وش يبي بضبط؟ تكفووون قولولي اي شي |
اسأليه سوال صريح
انت متضايق مني ومن شيئ بالبيت ولاشي برى البيت وعلى اساس هالسوال تنحل المشكله |
مايتكلم مطنش
تسلمين اختي |
أختي الكريمة أكبر غلط أن الزوجة إذا زوجها تغير عليها وعصب تروح تنزوي على نفسها وتندب حظها وتبعد عنه وتتركه
بذلك انت تفتحي له المجال أكثر وأكثر أن يستمر فيما يفكر فيه وتجعلين له وقت فراغ ينشغل به بما أشغله ويزيده بعد عنك بالعكس زيدي دلعك وأناقتك واغراءك وطبخك مالذ وطاب والتفنن في الطبخ هذه الأيام نظمي بيتك بحيث إذا عاد زوجك من العمل في المساء يكونوا أطفالك نايمين من بدري وانت عروس تقدمي العشاء على ضوء الشموع واجعلي لياليه رومانسية حتى لو لاقدر الله لاقدر الله كان عقله مشغول بشيء مجرد ان يراك بهذه الصورة ويقارن سيرى كم ان بين يديه نعمة تمليء عليه حياته وتحقق له مايتمناه فلماذا يبحث عن غيرها وأهمها لاتغضبي لو نهرك أو زعل منك أو لم يظهر الرغبة في التسامر معك بل اقلبي الموضوع لضحك واشغلي عقله وقلبه وودعيه عند خروجه بالدعاء ولاحقيه بالمسجات واستقبليه بالترحاب ولاتنسي قبلها أن تدعي الله أخر الليل وتتحري أوقات الإجابة بأن يحفظه الله من كل شر ويسخره لك ويجنبه شياطين الإنس والجن وأيضاً اكثري من الإستغفاااااااااااااااااار فهو بقدرة الله مفرج للهموم ومزيل للكروب لاتسكتي بل قاومي بسلاح الأنثى واجعليها تحدي بعد التوكل على الله حتى تحافظي على بيتك وزوجك. |
طبعا المتزوجين أبخص
لكن اللي أحب أقوله إن من طبيعة الرجل تجيه فترة يحب يكون لحاله (فترة ابتعاد) ثم يرجع ويشتاق للزوجة يعني طبيعته كذا ابتعاد ثم اقتراب ثم ابتعاد ثم اقتراب لأنه والله أعلم إذا كان دائما مبتعد راح يمل ونفس الشي إذا كان دائما قريب راح يمل فلا تلومينه لكن مثل ما قالت الأم الفاضلة أم جمانة (وهي أدرى مني في هذا الأمر) لا تهملينه الله يسعدكم ويوفقكم |
انا مع كلام ااخ اللي قبلي ..كل انسن بشكل عام كبير كان او صغير يتعلق في شي و يحبه ترجع عليه فتره يمل او يعوف الشي هذا لفتره بسيطه...
بس انتي بشطارتك لا تتغيرين عليه ولا تهملينه خليه على راحته و عليك بالكلام الحلو العشره السنعه ودايما كوني مبتسمه له .. و بأدري بالاشياء اللي كان يحبها قبل لا يطلبها منك ..اكله معينه طلعه لمكان معين ..وانتي ادرى بالاشياء الثانيه .. وعطيه احتمالات ثانيه تخليه متغير ضغوط عمل ازمه ماليه لا قدر الله يعني حاولي تحطين في بالك اعذار مقنعه لذاتك ^^ الله يرزقك ويلهمك طولت البال .. موفقه يا رب |
شوفي يا قلبي .. انت اسألي زوجك سؤال واحد محدد .. حبيبي انت زعلان مني او في شي ثاني مضايقك ؟؟ اذا قال لك انت مو مزعلتني .. ردي عليه اجل متى ما حبيت تفضفض لي انا تحت امرك في اي وقت .. امشي واتركيه .. قومي بواجباته عااادي و اهتمي بالاولاد و طنشيه .. يعني لا تحزني و لا تزعلي اذا كان هو زعلان و مو راضي يتكلم و لا يبغاك تشاركيه في زعله .. اهم شي انك ما تناظريه بنظرات تستفزه او تتصرفي تصرفات تستفزه و عيشي حياتك طبيعيه لحد ما يطحن الحب اللي في راسه و يرضى من نفسه و يجيك .. واذا جاك ذيك الساعه استقبليه استقبال العشاق اهم شي انه ما يكون زعلان منك .. |
اقتباس:
هذا الكلام الي يجمد على الشارب أميرات ،،الله يجزاك خير |
انا مع راي اختي اميرات
الله يفرج همك وهم زوجك اتوقع ممكن عنده مشكله في العمل او مع اهله الرجل اذا صارت له مشكله ينكد فترة الى ان تنحل |
الاخوات وفو وكفو وانتي اعلم بزوجك
|
أحياناً يا أخوات بتكون هنالك بعض الملاحظات من الزوج على زوجته ويرى هو انها مفروض تكون معروفة لديها يعني مش محتاج يقول لي زوجته عليها .. مثلاً ..
- اهتمام الزوجة بنفسها وأنوثتها - اهتمام الزوجة ببيتها ونظافته - ملاحظات على تربية الأبناء ونظافتهم ولبسهم وتعليمهم وأشياء من هذا القبيل - مراعاة الزوجة لخصوصيات الزوج - وأشياء أخرى خفية لا تعرف إلا بين الزوجين الزوجة الفطنة تدرك من الوهلة الأولى ماذا يريد زوجها وتعرف بحنكتها كيف تتعامل معه وتحتويه يا أخوات صدقوني .. نحن .. وبصفتي رجل .. الرجال ليست فصيلة نادرة من البشر .. إنما في حاجة لبعض الأشياء ليست كبيرة هي وانما تحتاج لعقل كبير لكي يفهمها .. والمعاملة الحسنة من الزوجة مهما كانت فظاظة الزوج تحرجة وتلطف الجوء وتجعل دائماً طريق الرجوع سهل .. بعدها يمكن للزوجة بدبلوماسية ان تعاتبه .. والنقاش لا يكون بعلو الصوت والندية .. يا أخوات .. حتى بيت النبوة لم يخلو من المشاكل .. لكن رسولنا العظيم كان يحتويها .. ولنا فيه قدوة صلى الله عليه وسلم |
يعطيكم العافيه اخوااني على كلامكم الطيب اللي يريح البال
جزاكم الله خير الاميرات:سويت مثل ماقلتي بس ماافي امل طفشت والله انا مندهش:تسلم على الكلام الصح مشكور ام جمانه:جزاكي الله خير المتهندم:مشكووووور بس حاسه كأنه شاايف نفسه علي :29::29: لان قبل فتره فيه وحده حرمه مطلقه جت عندنا وجلست تقول كلام ماره مو حلو قهرني:( جلست تقول بنتك حلوه شبه ابوها الحلو ولدك مو حلو زي بنتك(وترى ولدي يشبهني):(:( والمصيبه انو هالكلام قداااااااااااااااااااام زوجي:(:( تخيلو وتدخل معاه بالكلام ماتستحي ويوم تجي على طوول تسألني عنه:29::29: والله خااايفه:24::24: |
صح انو المطلقات جريئات؟؟؟؟
|
اقتباس:
لا يا اختي المطلقات مو كلهم جريئات ما نقدر نعمم .. فيهم بنات محترمات ما تصدر منها العيبه .. يا اختي هل هذه اول مره زوجك يمر بهذه الحاله ام هذا هو طبعه من تزوجتيه ؟؟ ان كان هذه اول مره يمر في مثل هذا الظرف استمحليه شوي .. اما ان كان هذا هو طبعه فلازم تتعايشين معه مع محاولة تنبيهه بين فتره واخرى بكل بساطه ان طبعه هذا يزعجك .. اما ان يشاركك بمشاكله لو كانت لديه مشاكله عشان تتحملين حدة طبعه او ان يضغط على نفسه و يعاملك باحترام و هدوء بدون عصبيه .. فانت لا ذنب لك بمشاكله .. |
اقتباس:
لأن العين حق اقرأي سورة البقرة في بيتكم |
:21:
اقتباس:
ياما متزوجاات جريئات ووقحات ويقيموا علاقات مع رجال ثانيين وياما عازبات ماخلو شباب من شرهم .. كل وحدة و شخصيتها .. وهذه الحرمة اللي جت معاكم هي شخصيتها كدا وقحة واصلا اصلا من الاساس كيف تخليها تقعد مع زوجك ؟؟؟ حتى بوجودك المفروض زوجك مايقعد بين النسوان و يسمع كلامهم ... مرة ثانية اذا جت عندك هذه الحرمة احرصي انه زوجك مايكون بالبيت و لا تخلي لها فرصة تحتك معااه ابدا ... و الاحسن تخلي علاقتك بيها رسمية ... نرجع لمشكلتك لاساسية .. يمكن زوجك يمر بضائقة مادية او مشاكل في الشغل .. او حتى بحالة ملل .. حتى احنا الزوجات احيانا تجينا حالات ما نطيق انفسنا احنا ما نوري بس هم عادي عندهم يورونا ماتفرق معاهم لو ممكن تودي اطفالك يوم عند اهلك .. و تبخري البيت و تجهزيه و تجهزي نفسك :) و تقولي لزوجك اليوم هو لك حبيبي .. و لا تجيبي طاري الهم و الضيق ... الله يوفقكم و يسعدكم |
اقتباس:
كل كلامك صح وزوجي اول مره اشوفه كذا عمره ماكان كذا معاي:29::29: طيب وحنون عمري ماشفت الاعصبيه هذي عليه بس الله كريم الله يحفظه لي ويخليه لي ويفرج كربته دعواتك |
اقتباس:
بس هاليومين مختفيه انشاءالله على طوووول اما زوجي بصفته خجووول هي اللي تجلس تتكلم وهو لاهي بعياله ولا بالاب توبه وهو اساسا مايقعد بين النسووان:29::29:هذي هي المطلقه جاايا تقعد بين مراه وزوجها وتتفلسف بعيالهم:( بس انا منتظرتها على نار:29: واهلي بعيدين عني احنا هنا بالغربه مانعرف احد ماينفع غير اني نومهم بدري:17: الله يخليه لي ويحفظه لي ويفرج كربته مشكوره اختي على المساعده:) |
اختي اذا تحسين ان هذه المرأه راح تسبب لك مشاكل او حتى تضايفك مجرده مضايقه اثقلي عليها شوي و لا تعطيها وجه في ناس لازم تحسسيهم بالحواجز والحدود عشان يعرفوا حدودهم و ما يتعدوها .. |
اقتباس:
|
انا مثلك مقيمة ببريطانيا .و كان عندنا نفس جارتك .. كل شوي تنط لعندنا
صبح او ظهر ا اي وقت و عادي عندها تقعد و ابوي موجود ماتستحي وابوي من النوع اللي يضايق و اصلا زي مانتي عارفة البيوت هنا صغيرة و مافيها خصوصية فا امي ملت منها و قالت لها بصريح العبارة .. ياختي شوفي زوجي يتضايق من زيارة النسوان و هو بالبيت اذا طلع من البيت دقيت عليك عشان تجي .. كلميها .. لا تستحي و ان زعلت الله معاها .. لانها صراحة بلا دم و بلا ذوق وخلي علاقتك معها باضيق الحدود .. نرجع لموضوع اطفالك .. خلاص ما لك الا تنوميهم بدري :) و تفضي لابو الشباب الله يسعدكم |
انا شاكه ان المطلقه لها دخل بتغيير زوجك ...
رغم ان اغلب الازواج كذا مدري ليه ..يملون او يفكرون بديونهم ومشاكلهم بس هالمطلقه اذا مستحيه منها ارسلي لها رساله عالجوال وقولي لها زوجي يتضايق منك اذا راح بدق عليك تجي تزورينا ولما تضرب بابكم لاتفتحي لها انا كذا مع الكل حتى لو يسكرون بابي مافتح الا بالاوقات المناسبه اخليهم يظنونا نايمين وبعدين المطلقه تفتح قدام زوجك؟؟ وهل هي جميله؟ يمكن كمان تسوي حركاات لزوجك الله يعينك |
اميرات معاها حق
كفت ووفت |
اسمعي كلامي اقطعي علاقتك بجارتك نهاااائي حتى لو كانت كبيرة في السن
إللي ماتستحي وتبين قدام زوجك بطريقة ملتوية إنك مو حلوة هذا تخووووووف وقد تكون والله أعلم تخطط على مدى طويل لإستمالة قلب زوجك وحتى لو لم تكن جميلة أو كانت أكبر من زوجك الشيطان ممكن يزينها في عينه وبالذات الرجل الخجول بإمكان أي امرأة جريئة أن تذهب عقله ويتعلق بها وجودها في بيتك بشكل دائم يجعل زوجك يتعلق بها شيئاً فشيئاً لذا نهى النبي عليه الصلاة والسلام من دخول الرجل على النساء لأن الله سبحانه أعلم بنوايا القلوب انتبهي لبيتك بما ان زوجك تغير فجأة وهذا مو طبعه معناه فيه سبب قوي يجعله لايراك بعين الإعجاب ماعليك من زوجك لو شاف نفسه عليك ...تدلعي وتغنجي ولكن وأنت في قمة الوثوق بالنفس وثوقك في نفسك تنعكس على زوجك ويعطيه انطباع انك جذابة أما لو كنت ضعيفة الشخصية فسينفر منك زوجك لاتبيني له بتاتاً انك تشكي فيه أو في جارتك أو تبيني له ضيقك من تصرفه أو وجودها بل استعملي دهاء الأنثى واقطعيها دون أن يدري زوجك ولاتخبريه وإذا سألك عنها قولي له : اكتشفت انها إمرأة مخربة بيوت لذا قطعت علاقتي بها ....وأنت لم تكذبي اقطعي علاقتك بها الأن وحالاً وانتبهي لزوجك وبيتك ادعي الله من كل قلبك أنه يكفيك شرها وقولي (اللهم اكفينها بماشئت) والله سبحانه سيصرفها عنك ودائماً رددي (اللهم إني أستودعتك زوجي فاحفظه من شر جارتي ومن شر كل ذي شر) |
حبيبتي اقطعي علاقتك بها كما نصح الاخوان
وفورااا غيري نفسك جددي اول شي الاولاد حاولي تتصرفي اما يلعبو في غرفه لوحدهم او ينامو باكررررر بالقليله هذه الفتره لحين تخلعي الشيطان اللي يوسوس لزوجك ويحلي جارتك بعيونو يمكن زوجك يمر في نزوه وياشاطره انتي اللي تخرجيه منها خليه يحس انو عريس جديد اول ايااام زواجكم يعني يجدد والتجديد هو انتي نفسك العروسه اغراااااااااء وحركات وخجل وكلام همس اشتغلي |
اقتباس:
من جدك:14: شفتي يعني فيه نااس زي كذاا الا وملياان:( بس صدقيني انا منتظرتها ابغى اسوي فيها ثقيله ابيها تحس ماعمري سويت لاحد بس راح سوي واذا اطريت اني اقولها لاعاد تجين بقولها:( وتسلمين حبيبتي الله يخليكي لأهلك |
اقتباس:
لا ان شاءالله وليش ارسلها رساله والله لأقولها كذا علن لاتجين بيتي وي بيتنا صغير وتجي بدون موعد وتجلس معانا ولعلمك ماهي حلوه وع وكبيره عمرها33 اكبر من زوجي بس احس انها معجبه فيه تخيلي جلست تقول انه هو احلى مني وان ولدي مو حلو يعني بالعربي انا ماني حلوه لان ولدي يشبهني وجعععععععععع حسيت انها تسوي حركااات يكفي ملابسها الضيقه:29::29: ومايمديني اتكلم لان كل اللي هنا كذا:29: |
اقتباس:
تسلميييييييييييييييين اختي الغاليه على كلامك الحلو الله يسعدك وجزاك الله خير بس الحمدالله اليوم زوجي طيب معاي وسألته قلت وش مضاايقك ؟قلت مني قصور قال: اييييييييييييييييييييييييييييه:( قلت وش فيك تخيلي ايش قال:( ماصرتي تهتمي بعيالك يالله والله انهم مب محتاجين منه اي شي شكله ماعنده عذر وجلس يتفلسف قلت طيب سوري ورجع معايا كويس بس برضو ابد مو زي اول الله يعين |
غيري لون شعرك
قصة شعرك مساج لاصابع رجليه ويديه رأسه وجبينه مساج الجبين يجنن الاكتاف مش كلو مع بعض كل شويه شي انما الشعر والقصه واعملي معهم مكياخ خفيف راقي خليه يشوفك وكأنك ليلة العرس خليه يشوفك القمر في ليلة تمامو ثياب قميص نوم اي شيء اغراء جديد مش ضروري يكون غالي المهم يكون اللون اللي يحبو زوجك ويليق عليكي فاهمتيني الله يبعد عنكم شرار النفوس |
اقتباس:
أختي هناك مطلقات نقف لهن تقديرا واحترام فليس كل المطلقات جريئات مثل ماتفضلتي حسبك أن تعرفي أن زوجة رسول الله صلى الله علية وسلم زينب بنت جحش تزوجها الرسول وهي مطلقة أرجو ا منك أختي الكريمة عدم التعميم المطلق وأعلمي أن هناك (بعض) المتزوجات الجريئات . أما مشكلتك مع زوجك حلها ليس عند جارتك بل بيدك أنت أبحثي عن جوانب تقصيرك مع زوجك وحاولي معلاجتها بنفسك ولا تجعلي الشيطان يلعب بأفكارك ليظل عن الطريق المستقيم . الرجل يمر بحالات ملل طبيعية نتيجة الروتين من العمل أو من العائلة وهذا شئ طبيعي جدا حاولي أن تهتمي بجمالك وتجددي من نفسك وغيري من أحاديثك مع زوجك التي أعتاد على سماعها منك وسوف يعود كما كان . |
اقتباس:
الله يسعدك لفظ المشيئة يكتب هكذاااا ((ان شاء الله )) |
اقتباس:
لا العفو اختي انا اقصد صح هالكلام ولا غلط انا ماظلمت احد انا قلت صح ولا غلط ابي الجواب منكم لان ماعمري عرفت مطلقه غير هذي وهذي ابد مافيها خجل ابدن ولا حياء تسوي حركاات كانها تعرض نفسها لرجال زي انه فيه متزوجاات جريئات معاكي بذا الشي فيه كمااان مطلقااات الله يستر بحالهم انا ماعممت |
الحمد لله رب العالمين انه تغير وصار أحسن من قبل يمكن بسبب بعدها عنكم هذه الفترة
واسمحي لي ياأختي ولاتزعلي من كلامي السبب مو من جارتك ولا لأنها مطلقة وأنا عارفة أن مو قصدك تعممي فمثل ماتفضل الأخوان المطلقات أكثرهم قمة في الأخلاق ولكن لم يريد الله لهن التوفيق لحكمة عنده سبحانه ونسأل الله أن يعوضهن خيرا ولكن السبب منك أنتِ .....كيف تسمحي لإمرأة متبرجة تلبس الضيق من اللباس أن تجالسكم بحضور زوجك وتشارككم حياتكم الاتعلمين ان ذلك لايجوز؟؟ هذا يااختي من نتائج معصية الله وعدم اتباع الحلال من الحرام وانتبهي أيضاً أنتِ ياأختي العزيزة لحجابك ودينك وتعليم أولادك الصلاة والحفاظ عليها فمن يحفظ حدود الله يحفظه الله ومن يضيعها لايحفظه الله وأنتِ فتحتي لها الباب ولم تضعي لها حدود تلزميها بها وجعلتيها تشاركك البيت والزوج والأولاد وأنتِ من ينبغي أن تعيدي وضع حدود لاتتجاوزها فربما وقت انشغالك في المطبخ مثلاً لتقديم شيء تبين لزوجك بأسلوب غير مباشر انك لاتهتمي بأولادك وأنك ماتعرفي تربيهم لذا زوجك صار ينظر لك بتلك النظرة ياأختي اقطعي دخولها نهائي لبيتك وزيدي اهتمامك ببيتك وإياك إياك ان تغضبي من زوجك ولاتبيني غيرتك منها لأنه سيزداد اقتناع بأنك نكدية ويرى عندها البشاشة والأنس ولكن اشتغلي من تحت لتحت لإخفاءها من حياتكم وإذا طرقت الباب بدون موعد تجاهليها ولاتفتحي وإذا سالتك في وقت لاحق لماذا لم تفتحي : قولي لها ببرود كنت مشغولة حتى تحس على دمها وتفهم انها طردة كما قلت لك سابقاً حتى لو كانت أكبر من زوجك وليست جميلة بإمكان الشيطان تزيينها في عين الرجل من لباسها وكلامها اسأل الله أن يستر عليكم ويكفيكم شر كل ذي شر. |
الله يحفظك دنيا واخره(ام جمانه)
ويبعدك من كل شر كلامك والله اثر فيني وبديت ارااجع حساباتي دعواتك بس وراح اسوي بنصيحتك بالحرف الله يسعدك ويعطيك على قد نيتك |
ماشاء الله عليك
تعجبني جرأتك توقعتك ضعيفه لانك تسكتي لها لو اني محلك ماصبرت ولا يوم واحد بس شكلك ماسكه عليها هذي تنرفز .. تدخل وتتكلم مع زوجي لاو تمدح فيه .........حسبي الله عليها اقهريها .. واطرديها وقولي مابيك تجين بيتي .. وزي ماتبين..!!! ولاتنسين تبشرينا لاني منقهره منها |
مستجدااتي**
الى كل من ساعدنا
ام جمااانه اميرات الملاك يونا والكل الله يحفظكم ابشركم زوجي صار زي اول واحسن والحمدالله رجعت العلاقه طبيهيه وللله الحمد والحرمه اللي قلتلكم عليها رخيت عليها الحبل وماصرت افتحلها الباب ولا صرت اكلمها بحترااام لييييييييين ماقطعت شافتني بشارع وقالت صار مني شي قلت لا بس زوجي مايبغى الزيارااات الكثير ولا يحب وحده دااخله طااالعه عليا ويااختي حنا محنا قد بعض يعني بالعربي ماااناسبك قالت اوك بس اللي قاهرني بعد كل هالكلام قلت لها المفروض ماتكلمني لما تشوفني بشااارع تتودد لي بالكلام وتكلمني كأنه ماصار شي بس صرت اطنشها ومااااعطيها وجه ابد ناس مايجون الا بالعين الحمره:( |
عندكم الإختلاط بين الأسر عادي .. كيف زوجك يجلس معكم ويسمعها تتحدث , فين الغيرة
|
لاحول ولا قوة الا بالله
اهدى ياخوي حنا ماعندنا اختلاط احنا هنا بالغربه(بالندن)والبيوت هنا صغيره جدا يعني الصالون هو نفسه الصاله والحرمه هذي من احدى دول العرب بس ولا كأنها عربيه حتى لو تجنبها تجلس هي تتكلم مع الرجال فهمت ياعلوالنفس |
| الساعة الآن 10:05 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©