|
غموضي قتل زوجي
السلام عليكم ورحمه الله وبركاته
اخواني انا غامضه لا احب الخوض كثيرا في احاديث النساء امام زوجي لا احب اقول فلانه وفلانه ولكن هذا ما يقتل زوجي فتحت جواله وفي الملاحظات تحديدا كتب ((لم يكن الغموض والتكتم بين الازواج يوما سبيلا للتواصل ولعيض حياة زجية هانئة انما بالحب والوضوح والثقه تستطيع تكون اسرة متحابه ومترابطه)) وش يبيني اقوله ليش دايم يقول اني غامضه ما احب انا اسولف سوالف حريم وش اقوله مثلا اكلم صاحبتي يقول وش سولفتو كنت في عزيمه يقول وش سولفتو وش اقوله يعني انا انسانه كتومه بس مو مره بس كتباته خوفتني انقذذوني |
معليش أختي تقصدين انتي غامضة ولاتغارين على زوجك وتخافين من أسألته الي مالها داعي؟؟؟
|
لا انا غامضه ويا اختي هالسوالف مالها داعي يعني
|
بس انا مو مره غامضه لا عادي نحكي بس احينا يخاصمني عشان انا اسكت اذا كلمت خويتي ما اقوله وش قلنا وانا اقول هذي خصوصيات
|
معك حق ..هي مو حلوة في بعض الرجال هكذا كمثال زوج بنت خالتي يعمل معها نفس الاسلوب بس الاخير وضح انه يخاف من البنات الي يكلموها لتلعب براسها وماشابهه
بس انه يخاصمك ماله داعي بصراحة قوليله تكلمنا بشغلات نسوان وماتصلح الا للنسوان ليش تزعل نفسك وتزعلني وتنكد علينا على شي مايستاهل !! |
قولي له قاعده اكلمها عن الزواج وانه حلو يوم عرفتك واشجعها على الزواج واذا كانت متزوجه قولي اي مقطع من كلامكم نتكلم عن الالولاد نتفق ازورها او لاتتكلمين معاهم وقت يكون موجود يمكن انتي تطولين في الحديث معاهم وهو موجود وبكذا يغار لا اذا صار موجود لاتردين الا على المكالمات الضروريه ودخليه في بعض الامور بس كاستشاره حتى يحس برجولته وبس وقولي له اني صريحه معك واذا صار مو موجود تكلمي براحتك مع صديقاتك وانهي المشكله ليش تسوي مشكله مع زوجك بهذا الشأن هذه نصيحتي حتى لو رحتي حفله مثلا قولي مدحوني وقالوا يحض فلان بك ومن هالكلام مدوحوا شكلي او اي شي لبسك ادب عيالك او اي شي واذا جوك ببيتك قولي مدحوا بيتي واثاثي وطبخي وكل مره اختلقي شي وبس بكذا خلاص ماراح ياخذه الفضول ويفخر بك اكثروانتي الكسبانه
|
اختي الكريمة مس نانا
أعتقد انك قليلة الكلام بشكل عام و هذا ما يعانيه زوجك لا أعتقد ان زوجك يريد ان يعرف خصوصيات البنات إنما يريد ان يعرفك أكثر يعرف طبيعة علاقتك بصديقاتك و قريباتك و يطمئن عليك يريد ان يتساير معك و يجلس معك جلسة حلوة و فيها كلام و نقاش و و و ... انت لست مجبرة على البوح بالأمور الخاصة بالبنات لزوجك و بنفس الوقت صمتك قد يكون قاتل اذا كان من طبعك حاولي ان تكوني أكثر ايجابية مع زوجك اذا سألك عن ماذا تحدثتم قولي أمراً واحد من كل النقاش و أعط رأيك بهذا الأمر أو أعط الرأي المعارض و افتحي معه نقاش يشغله و يثيره بحيث ينسى ان يسألك عن باقي المكالمة و يركز حول النقطة التي ناقشته بها مثلا من فترة حصل الحديث التالي بيني و بين زوجي : انا زوجي اذا تكلمت مع احد يسألني عن ماذا تكلتم ما هي الاخبار ... إلخ أقول أخبارهم انهم بصحة جيدة و الحمد لله كانت تقول لي عن إحدى صديقاتنا تم خطبتها لشاب مواصفاته كذا و كذا و انا بصراحة مستغربة هذه الخطبة لأن الفتاة غير مناسبة للشاب و أتكلم و أتكلم زوجي يهتم في الموضوع و يناقشه معي و لكنه لا يسألني من هي الفتاة او الشاب لأنه لن يعرفهم و لا يهمه أن يعرفهم افعلي ذلك و كوني ايجابية أكثر مع زوجك نقص الكلام و الحوار بين الزوجين بالفعل قاتل انا اعاني ما يعانيه زوجك معك لأن زوجي بعد عودته من العمل او بعد ان يتكلم بالهاتف لا يتحدث مطلقاً بذلك و أنا أعذره لأنه رجل و الصمت من طبيعتهم و هذا طبع زوجي صعب أغيره لأن الطبع غلب التطبع . الله المستعان |
أختى فعلا الغموض يقتل
لو أنتى كما قالت ماريا فيجب أن تتغيرى لأن الحوار بين الزوجين يزيد من حبهم وتمسكهم لبعض ولا تدخلى زوجك فى دائرة الفراغ الجتماعى والعاطفى |
حبيبتي انا احييك فعلا لمحافظتك على خصوصية غيرك وعدم البوح بها لانني اعاني جدا من هذه النقطة اغلب صديقاتي متزوجات ويقومون بنقل كل ما يدور بيننا لازواجهم
والله انه معاي زميلة في العمل تنقل ابسط اخبار الزميلات لزوجها بل لا تستحي ان تنقل ذلك امامنا عندما تحادثه في الهاتف يعني فلانة جرالها فلانة قالت فلانة عملت رغم اننا نهرناها الا انها لم تستجب لنا وقالت عادي وتضحك تقول انا لا اخبي شي على زوجي لدرجة اننا اصبحنا نتجنب الحديث امامها في اي موضوع مهما كان عادي وحتى ان اتصلت بها اي زميلة فهي تفتح المايك وتجعل زوجها يسمع المكالمة دون علم الطرف الثاني لذا صرنا كلنا نتجنبها فما تفعلينه من حفظ اسرار وخصوصيات الناس هو الصواب ولكن طالما ان زوجك متضايق من ردك عليه بهذه الطريقة يمكنك ان تكوني اكثر مرونة في ردودك بدل ان تقفلي عليه الطريق بكلمة هذه خصوصيات لاداعي لأن تذكري تفاصيلالمكالمة ويكفي انك تفتحي له اي موضوع دون ذكر اسماء وتتناقشي معاه في الموضوع بصفة عامة وتخليه يلتهي فيه دام انه يبي يخرجك من حالة الصمت ويبي الحوار . وهكذا تمسكي العصا من الوسط |
اشكركم اخواني على تجاوبكم معي اقدر لكم هالشي بس انا عايشه بمدينه بعيده عن اهلي كنت ادرس بالجامعة الحين قاعده بالبيت يعني اناوياه في بيت واحد من وين اصنع سواليف
وانا مااحب اقول فلانه قالت وفلانه سوت ما حب سوالف الحريم الله يعين اشكركم مره ثانيه اخواني واخواتي |
طيب ريحي زوجك
يعني مثلا لما تتكلمي مع صديقتك تعالي قوليله مثلا اي خبر قالته صاحبتك او اي قصه غريبه مثلا وخذي رايه فيها انا بحكي لزوجي كل شئ بس طبعا ما بخوض في الناس يعني مثلا صديقتي عندها مشكله بقول لزوجي تصدق في وحده صديقتي كذا وكذا بدون ذكر اسامي وبدون وصف وبسمع رايه وبمدح فيه انه عنده خبره في العلاقات وهكذا وطبعاهذا الشئ حيجي بالتعود الله يسعدكم يارب |
عادي خليك كتومه في كل شيء الا السوالف الي لا تقدم ولا تأخر سولفي له سوالف الحريم الي ما فيها اي تعرض لأحد يعني اي سوالف عاديه وقصص وبس كذا تنتهي المشكله.
|
اقتباس:
اقتباس:
عزيزتي.. الموضوع مو إيش قالت فلانة ؟ و إيش سوت علانة ؟ واضح إنك ما تسولفين مع زوجك !! ممكن تتكلمون عن .. * مستقبل أسرتكم .. * ممكن تتكلمون عن أي أمر يعاني منه المجتمع .. * ممكن تساعدك المنتديات والمواقع في هذا الشئ تقولي أنا قريت اليوم كذا وكذا والمشاركين قالوا كذا وش رايك ؟ * وعلى فكرة من أهم الأشياء الي تساعدك إنك تعرفينه اهتماماته وتسولفين فيها ... الله يعينك إذا اهتماماته سياسة ولا أسهم واقتصاد ..خذي دورة :d الكلام كثييييييييييييييييييييير والسوالف أنوااااااااااااااااااع.. لكن هذا طبعك وحاولي تغيرينه مع إنه هذا الطبع يناسب الأزواج لأنهم يميلون للصمت لكن حظك طحتي بواحد يحب زوجته تسولف وتتكلم .. |
انا زيك والان بديت اسمع له كثييير وصرت افهم مصطلحات في عمله واسال عنها وصار مجال عمله هو موضوعنا لدرجة طفشت
حاسة فيك والله بس حاولي عالاقل تشاركيه اهتماماته ولو طلعتوا مكان لما ترحعوا ممكن تتحدثوا في اشياء شفتوها ...كتاب ماعجبك...مدرستك اذا تدرسي..جيرانك..موضوع في النت قهرك :) ....الخ انت ابدأي والسبحة تنفرط لوحدها |
اقتباس:
اختي انا بغربة و ما عندي حدا بيحكي معي إلا ما ندر بالاياااام مرة.. و لا حدا بدق بابي .. و مع ذلك ما بحب ابقى ساكتة لأني زوجي طبعه السكوت كمان لو بقي الوضع كلو صمت طوال النهار بصير الوضع كئيب بصراحة !! حتى لو ما عندك أخبار احكي بأي شي لو سألك زوجك عن أي شي مو ضروري تجاوبي على قد السؤال متل ما قلتلك احكي عن أي شي تاني احكي عن تغير الطقس و ارتفاع درجات الحرارة احكي عن مناقشة شفتيها بالتلفزيون عن منام حلمتي فيه قبل يوم و بشو ذكرك و و... انا اليوم مثلا سألني زوجي شو الأخبار قلتله ما بعرف ما حدا حكا معي اليوم و بدأت احكي عن الطبخة اللي كنت عاملتها و عن الليمون و أهميته للطبق :21: بعدها حكيت عن الضيوف اللي ناويين يزوروني بعد شهر شو لازم اعمل ترتيبات بالبيت من اقامتهم معنا .. دائما لازم تحاولي تخترعي أي شي تحكي فيه لأنه زوجك حابب يسمع شي بتصور الفكرة وصلت بالتوفيق |
كلام ماريا عين العقل فيه سوالف كثير غير عن خصوصيات الناس طيب تكلمي عن هواياتك عن الأخبار أنا أتكلم كثيرا مع زوجي عن ما أقرأه من أخبار ملفتة و الأخبار المحلية عموما في البلد اللي انت فيه مثلا تم افتتاح ندوة عن كذا نتكلم في الموضوع او فائدته مثلا أخبار عائلية بدون ذكر خصوصيات تجمع عائلي , تتكلمي بعدها عن تجمعاتكم و عن طفولتك و مواقف في المدرسة خلي زوجك ياخذ انطباع عن شخصيتك,, بصراحة الغموض مع شريك العمر امر خانق ألا ترغبين أنت بالتقرب منه و التعرف اكثر على شخصيته!! فكيف يتم ذلك بالصمت,,, هناك العديد و العديد من الأحاديث ,,, صح نسيت أسألك هل عندك أطفال! إذا كان لا ,,,الله يرزقك و يفك عنك الغموض و إذا كان نعم , تحدثي عن أمور الأطفال و التربية ,,, |
الكلام والسواليف مجرد كلام لايستفادمنه نحن كبشر لماذا نتكلم (نضيع وقت )
وأهم شي حينما يوجه اليك سؤال ابتسمي لان الابتسامه حلوه وتريح الطرف الثاني كثير واحكي واحكي وقصص حتى لو من الخيال قصه طويله تحتاج تأليف من بحر افكارك اذكر مدرس مادة تاريخ كان يدرسني في رابع ابتدائي يحكي لنا قصه ولاكن بعد الدرس وكنا نحب مادة التاريخ جدا (في احد يحبها ماتوقع) لانه درسه خفيف ومفيد وباقي الحصه الحكايه انتقلنا من المتوسط الى الثانوي ولسا مانتهت فالحديث وادارة الحورات المقنعه مهاره بسيطه جدا وسهل تعلمها وابحثي عن اي كتاب يتحدث عن ادارة الحورات مجرد فكره لكي تعيشي حياه سعيده يجب ان يكون التجديد عنوانكم تحياتي |
باالعكس اختي
انا لما ارجع من الدوام اسال زوجتي هاه وش سويتي كلمتي احد ، احد كلمك، وش عندها عسى خير، ولما تقولي موضوع اتناقش انا وياها فيه ، نسولف عن الي صار اليوم بشكل عام ، ولما تقولي فلانه من البشر سوت كذا ، اشاركها الموضوع افا ليش صار كذا ، طيب ورى ما سوت كذا ، عاد تخيلي لو انتي الي مسويته ، لو اني انا وانتي الي مرينا با الموقف ، يعني من هيك حكي ، نجلس نتناقش ونفطع الوقت با السوالف والحكي اذا ما عندنا شي ضروري نبي نسويه او نخلصه او نتناقش بشيء. وهذا ما يعتبر غموض يعتبر قلة كلام، ولكن موب للدرجه هذي، كلنا ما نحب الحريم الي كلامهن واجد ، ولكن عاد لا تكون ساكته طول اليوم. با العكس قولي له ،واجلس تناقشي انتي وياه ، سولفي انتي وياه وانتوا تاكلون فواكه،حلى ، تتقهوون ، يعني لا تخلون ها المكالمه او العرس جلستكم الرئيسيه ، ولكن خليها وسيله انكم تفتحون الف موضوع وموضوع، صدقيني بتفهمين زوجك اكثر ، وبتعرفين وش لون يفكر ، وبتعرفين وجهة نظره في اشياء كثيره. انا ما احب أمر ، ولو ابي اقول شيء بخاطري ممكن اطلع الف وسيله ووسيله عشان ابين وجهة نظري،وهي تفهمني من دون ما اوجه الكلام لها دايركت. وانتي برضوا ناقشيه وسولفي وتحدثي، خليه يفهم وجهة نظرك، اهم شي لا تحشون بخلق الله. الله يوفقنا ويوفقكم. |
| الساعة الآن 07:44 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©