زوجي وغيرتي مين فينا الغلطان.....ارجوا انكم اتريحوني
 

السلام عليكم ورحمة الله وبركاته
وصلاة والسلام على اشرف خلق الله محمد بن عبدالله صلى الله عليه وسلم

اول شي مشكورين على كل المواضيع الي طرحتوها والي ابتطرحونها ما بطول عليكم بس ابا اقولكم موقف حصل بيني وبين زوجي واباكم تحكموون منو الغلطان فينا...

انا ابصراحه اغار على ريلي واااايد و احاول ما ابين بس ساعات ما اقدر اتحمل :( امس ريلي في الليل ايقولي وحليلها (سميره) خدامة اهله قلت ليش شوفيها قالي حطتلي دوا على ظهري يوم كنت امس عندهم جدام امي وابوي :confused: عاااد اهني انا ما شفت شي قمت امعصبه وقلت كلام الله ايسامحني عليه بس مب من قلبي قتله ليش ماخليت خالتي (امه) او عمي او كنت يتني البيت بس انا مشكلتي اشتغل لين اربع العصر و ما اشوفه الا في الليل :( وهو طبعا رد علي ابرد حلوو من امس لين اليوم مب قادره آكل شي من الم في بطني ابسبب العصبيه ويمكن لاني في فتره الدوره اعصابي فاالته ولا شووووو معني كم مره بينتله انه حرام حرمه غريبه تلمسه + اني اغار ...يمكن تقولون الموضوع تافه بس انا وااايد مضايقه ومالي اشكي عند احد غيركم ... فارجوكم ريحوووني لا اتطنشون للعلم انا متزوجه من اربع اشهر

ومشكورين

؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!؟؟؟ ؟؟؟؟؟؟؟؟؟؟؟؟؟؟؟!!!!!!!!!!!!!!!!!!؟؟؟؟؟؟؟؟

طبعا أنت الغلطانة

تقولين : ليش؟

لأن هالمواضيع يجب الا تناقش من جانب الغيرة فقطططططط

يجب غرس الخوف من الله أولا ثم حساب غيرتك ثانيا ......... لأنه اذا مافيه خوف من الله ممكن

يسوي أي شئ ولا يعلمك ............

اذا أنت غلطانة في كيفية تصحيح الخطأ


أما هو فغلطان 100% لأن الفعل هذا حرام ........... وتعدي لحدود الله .........

ويحمد ربه ان عنده زوجة مستعدة لخدمته ............... لكن يبدو أن مجتمعكم الصغير متساهل في الأحكام

الشرعية وهذا واضح من قول زوجك ( وحليلها سميرة ) !!!!!!!! بكل عفوية ........ وليش ان شاء الله هي أختك؟

أخيتي بيني له الحكم بكل وضوح وبكل رقة وعطف .......... ثم بيني له تضايقك من هذا الأمر .

وفقك الله.

اختي معك حق ما يجوز مره غريبه تلمسه لكن انتي حاولي انك تو صلين المعلومه بالكلام الهادي والاقناع يمكن الله يهديه

مدام احمد ..... غيري عليه لاكن مو بالغيره الي زعله منك وساعت ما يزعل منك الريال ما يقول هذي غيره لا والله يقول انك تحبين المشاكل وايد والطريقه التي تتبعينها انك اذا ما قدرتي انك تسيطري على الوضع وما قدرتي تمسكين نفسك حاولي عزيزتي انك تستبدلي هذي الغيره بالحب يعني تقدري انك اول شي بدل ما تعصبين انك تبتدي بالحب وبعد كذا عاتبيه وبرري هذا العتاب انه بدافع الغيره المهم عزيزتي حاولي لا تعصبين ثاني مره على زوجك
وشكرا اتمنى اني اكون قدمت لك الفائده

حبيبتي انا قريت الموضوعك اكثر من مرة واخيراً فهمت لانك كاتبه بلهجتك العاميه

مو مشكله

بنسبه لموضوعك المفروض انك ناقشتيه عن سبب تصرفه بهداؤة وبدون عصبيه عشان تعرفين منه السبب

يمكن يكون متضايق من شي بس مايقولك

بعدين حبيبتي لازم في مثل هلمور انك تحكمين عقلك قبل عاطفتك

ولكي مني اطيب تحيه

قوليها لزوجك معكوسة .. والعياذ بالله
هل يرضى زوجك أن يلمس ظهرك شخص غيره ، إذا رضى .. فعلى الدنيا السلام.

المشاكل اليومية لا تنتهي ولن تنتهي .. فالجهل ليس عدم القدرة على القراءة والكتابة
الجهل هو عدم الإلمام والإدارك والخبرة بالكثير من الأمور دينية كانت أم دنيوية..
وبصراحة استغرب أكثر من موقف والديه أمام هذا التصرف.

لك الحق في الغيرة .. ولك الحق في أن تزعلي .. والأيام كفيلة بأن تداوي كل الجراح.

اذا كان الزوج صادق في كلامه فهو غلطان :cool:
تقولين انك ما توصلي للبيت الا الساعه اربع العصر........((راجعي نفسك)) ;)

يا أختي اللي ظهر لي أنه زوجك قد لمس منك جانب الغيرة عليه وبعض الرجال هداهم الله يحبون أن يشعروا بغيرة زوجاتهم عليهم لا يعلمون أنهم يسببون لأنفسهم وجع الرأس فهو يعلم أنه عندما يذكر أمر كهذا أمام زوجته سوف تتضايق ويحصل لك ماحصل وهذا منتهى الإستهتار بمشاعر الزوجة بعدها سوف يفقد ثقتك به وبإحترامك له أخبريه إن هو لم يحافظ على دينه ويراعي حدود الله فهذا
يفتح ابواب الشيطان ويعرضك أنت نفسك للوقوع في حبائله من الظن السيئ
ومن جهة أخرى أريد أن أهمس في أذنك ربما أنت بسبب إنشغالك عنه في العمل أراد أن تزيدي من إهتمامك به ولذلك ذكر لك أمر لم يكن له معنى أنه تحدث به معك إلا لإثارة غيرتك عليه تعاملي مع الموضوع بحكمة وهدوء حتى لا يأخذها عليك نقطة ضعف ويقوم دائما بالضغط عليك وإثارة مشاعر الغيرة لديك فقط أعطيه احساس بأن الموضوع أغضبك لأن فيه معصية لله سبحانه وتعالى وغيرتك على الدين أقوى من غيرتك عليه والله يهدي الأسرار

دائما الرجال يحبون يثيرون غيره زوجاتهم عليهم

خاصه اذا كانت الزوجه تشب بسرعه فهنا بتفنن الرجل في ذلك

عموما الرجل 100% غلطان في اللي سواه سواء في اثاره زوجته

او لين خلا الشغاله تحط له الداو على ظهره لانها اجنبيه عنه وما يجوز حتى لو اخت الزوج

اختي دوام لين 4 العصر سوي صعبه ترى شوفي لج حل احسن والله يعينكم على هذي الحياه

لو اني مكانش يأختي لذبحته
 

سلااااااااااااام ............ ما يصير جدي الش حق انش تغارين عليه لان مو عدل الي صار :mad:

ياحبيبتي ممكن كان يبي يختبرك 00 ولو ان معاك حق ولو اني مكانك كان سويت كذا لكن لازم نحاول نتغير ونغير بعض طبايعنا

كان رحتي عنه ولين تهدين رجعي وقوليلة على شكل عتاب انك تضايقتي من حركته وانه ماله داعي وفوق كل هذا حراااااااااام

ممكن كذا يعمل عمايل ومايقولك وبكذا انت الخسرانه لكن ضغطي على نفسك الحين عشان تستمر الصراحه بينكم

الله يوفقك ويهديه من جد قهر00

اختي خذبه بالهداوه والسياسه وباذن الله كل اي تبغينه يصير تمام يعني لو انه من اول ماقال لك كذا كان قلتي الله يعطيك العافيه وان شاء الله ماتحتاج لاحد غيري وروحي وسوي مساج لظهره ودلعيه شوي وبعدين قولي له انه ماتحبي احد غيرك يسوي له اي شيء وانه هو نور عيونك وانك بتتضايقي لما احد ثاني بياخذ من مسئولياتك ولو تحبني ماتخلي احد غيري يسوي لك اي شيء مين ماكان هذا الشخص لاتبينين ضيقتك من شخص معين قولي له اي احد حتى لو امك انا بتضايق مابغى احد غيري بتلاقينه زي العجينه السهله بيدك وراح ايوافقك وراح يوعدك انه مافي احد غيرك ابدا لو يموت من الالم راح ينتظرك بس حالوي تضبطي اعصابك اكثر
لانه تخيلي نفسك بمكانه وتعبانه وتبغ اين احد يساعدك ومالقيتي غير رجال بتجلسين تعبانه لا ماراح تتحملي الالم احنا وقت الولاده بنخلي دكاتره تولدنا وهما مابيقولوا شيء مقابل نتخلص من الالم بس لما يفتكر احلى وعد قطعه في احلى لحظه مع زوجته راح يحاول يتحمل ويصبر وانتي بعد لاتقصرين عنه حاولي تكوني قريبه من على طول والله يوفقك اهم شيء لاتبينين ضيقتم من الشغاله بالتحديد لانه بيقول بنفسه هي من جدها هي وين والشغاله وين هذه شغاله بس لما تقولي ماحب اي احد غيري هنا تبان قمه الرعايه والاهتمام
ان شاء الله بس مالاقي اشاره حمرا بردي حاولت اني ماخرج بكلامي وربنا يستر

المفروض تتأكدين منه اذا صج كلامه أوبس يبج تغارين عليه ...............قولى له تبى الصراحه آنا مو مصدقه أنت تخلى خدامه غريبه محرمه عليك تدهن ظهرك .....................ماتخاف ربك ........................قولى له ما توقعتك لهدرجه ...........وأنتى بصراحه دوامج صعب تخلين زوجك بروحه وقت طويل وأنتو توكم متزوجين .............

الله يعينك

لو كان العكس صحيح ، فلو كان السائق قد دهن ظهرك ماذا سيكون رد فعله ؟
اختي معك حق وكيف يرضى بذلك وكيف رضوا اهله بذلك يجب ان ينبه الى ان ذلك حاو وان الشغالة هذه ستتكلم وكل من يسمع الحكايه سيظن ان بينها وبينه علاقة
ويظهر لي انه نشا في اسرة غير محافظة