|
فاتورة جوال خطيبتي (مستجداتي )
بسم الله الرحمن الرحيم السلام عليكم ورحمة الله وبركاته : لم تحل مشكلتي ماذا افعل عاجل يا أخوان مشكلتي بعد ما صارت المشكلة اللي قبل المشار لها بهذا الرابط http://www.66n.com/forums/showthread.php?t=189136 انا يا اخوان ما احس براحه وانا مفارق وليس الفراق عن طيب خاطر مثل كأن نتفق بيننا على انا لا نلتقي الا بعد فترة معينها وهي التي تم الأتفاق عليها ونحن متخاصمين افكر في ما بعد الفرق وبعد الفترة هذي كيف سنلتقي ؟وماذا سنقول ؟ومن المبادر بهذا اللقاء ؟ فكرة يا اخوان ان ارسل لها رسالة خطيه ابين فيها ما اريد منها وما هو سبب زعلي وانصحها بأن تقرأ بعض من الكتب المفيدة عن الحياة الزوجية علماً اني لم ارسل هذه الرسالة الا اني اريد منها تذكري لأني احس انها نستني الأن لنا أكثر من شهرين ولا ارسلت الا رسالتها الموضحه في الرابط اعلاه وانا رسالة الرد فقط لا ادري ما هو حالها الا عن طريق اخوانها وهي لا تدري عن حالي افيدوني جزاكم الله خير |
غريبه والله
ما اعرف شون قدرت تتحمل بعدك عنها!!! اريد شوي من ارادتها حته اتحمل اجافي خطيبي يومين مو شهريييييييييييييييييييييين طيب اخي الكريم الزواج متى ؟؟؟ عن قريب لو بعده مطول؟؟؟ لان في نقط لازم تنحط على الحروف قبل الزواج هي مسأله الفراق جدااا خطئ وكان لازم تنهون المشكله من اولها بس هي ممكن مشغوله في حياتها يعني صديقاتها باين انهم اهم من اي شي ثاني ما اعرف شنو اقول بس الضاهر هي واثقه من حبك الها وتعقلك فيها ,, انا اشوف انك تروح تزورها وتبين لها انك جداا مضايق من الي صار وانك جاي اليوم علمود تنهي هاي الامور الي تصير وتتكلم معاها بحب + جديه +حزم ما تنفع الرساله لان باين انها مو من النوع الي يهتم لازم توقف امامها وتكلمها وجها لوجه وتشوفك في صوره غير الي متعوده عليها الله يهديكم لعض ويهديها الك يارب |
خلال فتره ملكتك لها سنه وسبع شهور
كل كم يوم تكلمها وتشوفها هل انتوا تمونون على بعص ولارسميات |
الله يجزاك خير اختي مكروهي بالنسبة لوقت الزواج باقي مطول اما عن واثقة من حبي شي اكيد وهذا هو اللي قاهرني ليتني كنت غامض معها وما ابين حبي لها لأني كنت مجنون بحبها كثير و حبيت انه يكون لنا قصة حب خيالية لكن مع الوقت ما فيها تبادل بنفس الشعور الجنوني انا ما اقول كذا ابين انها ما تحبني لا هي تقول انها تحبني لكن احسه بس كلام
مشكورة على ردك |
، الله يعينكم .. الآن المشكله كلها عشـان الجوال ؟! اذا هـي عقلها صغير ولسـاتها صغيره .. لازم انت تبـادر .. انت اعقـل وافهم لأبعـاد المشكله اكثـر منها .. بس مو تكلمها جوال !! لا اخـاف ماترد عليك .. وتحس انك ذليت نفسـك .. الأفضل انك تبلغ احد اخوانها بالسـالفه .. وتحكيله المشكله وان شـ،اءالله يتفهمون الموضووع وبعدين تحدد يوم وتطلب منه انه يبلغها انك راح تجـي .. وروح واجلس معاها وتفاهموا .. وقول كل الي بقلبـك .. ماااااااااااااااااينفع مسجات وخرابيط .. السـالفه جدا مؤلمه نفسيـا .. انـا متأكده وابصم عالعـشره انها متألمه وتنتظر مبـادرتك .. بس مافيه غير المواجهه اما الجوال والمسـجات ابدا ماراح تحل اي شي .. روح وخليك حازم وحنون بنفس الوقت .. يعني كون عند رايـك بأن لك حقووق وانها تجاوزت المعامله الحسنه وانها ضايقتك بتصرفاتك .. ولازم تتغير عشـان انتوا امـامكم حيـاة زوجيـه واسـره .. لابـد من البـدايه تتفاهمـوا .. وتصفـوا خلافاتكم .. المشكله هذي لو مانحلت وماحد فتح قلبـه للثاني راح ييصيـر هناك ترسـبات نفسيه ووزعل من الآخر .. فا من الأولى انكم تصفون قلوبكم وتبـدون صفحه جديده وخلك حنـون .. وتفهم رأيها .. وبين لها انك قريب منها ومعاها مو ضـدها .. ضروووووووووووري تنتهي هالمشكله .. اكثر شي اكرهه هالمماطله وهالتغلي بين الزوجيـن .. الله يهدي بـالكم وطمنـا عنكم .. |
خلال فترة الزعل
هل ما زلت تدفع الفاتوره ام 400 ريال كل نص شهر ام توقفت عن الدفع والافضل انك تحاول تزورهم وتراقب تعابير وجهها وكلامها ولو كانت مثلا تتكلم انها زعلانه وان الزعل يظهر على الوجه وادعو الله ان يجمع بينكم على خير انا مش عارفه كيف كنا عايشين من غير جوال كانت الحياة جميله |
السلام عليكم ورحمة الله وبركاته طبعاً ما فيه اي شيء صار بيني وبينها من هذيك الأيام بصراحه انا صرت احاول انساه الأيام اللي راحت لكن قبل يومين تقريباً دقيت على رقمها من كابينة اتصالات يعني ما راح تعرف من اللي دق عليها المهم انا سويت كذا على شان استفسرت عن الفاتورة تبعها قبلها ما ادق بيوم وما طلع لي انها تعدت الحد الاتماني وستغربت وراح في بالي انها مقفاله الجوال من هذيك الأيام لكن اللي حصل انها مشغلها الجوال ودق وكانت حاطه نغمت صدى لما يدق عليها احد يسمع شعر انا بصراحه يوم سمعت الشعر اللي حاطتها وكان فيه كلمات مشتاقلك ... انا ما عاد قدرت اكمل وقفلة الخط وحسيت بالدمع في عيني . المهم اليوم راتبي نزل في الصراف ورحت استفسر ولقيت انها باقي ما نزلت لها فاتورة وسحبت من الرصيد 200ريال وهذا هو المصروف اللي دايم كل شهر اعطيها اياه ما عدا الشهر اللي فات وكلمت اخوها واعطيته الفلوس على شان يعطيها ويبلغها سلامي المهم وش رايكم في تصرفي هذا !! فيه حاجه ثانية حبيت افهمكم اياها واللي هي ان السالفه ما هي سالفة فاتورة جوال اسالفه فيها اهلي وفيها اني احس انها كانت تكذب علي بخصوص بعض الحاجات لكن ماني متأكد منها ومنها فاتورة الجوال لكن اللي متأكد منها ان قبل ما افاتحها في اللي انا متضايق منه يعني قبل ما نتفرق كنت انا واهلي عندهم في البيت جلست مع تقريباً خمس دقائق ثم قالت بروح شوي واجيك انتظرت كثير وانقطع عندي الأمل انها تجيني يعني لو انها مشغوله مثل المفروض انها تجي وتستأذن من يعني تعبرني شوي انا ما عندي مشكله بعدها بوقت جاني عمي وجلسنا نسولف الى ان جأت الساعه اللي بنمشي فيها المهم انا طلبت من عمي انها ينادي بنته وعمتي على شان استأذنهم بالخروج استأذنة ومشيت اخذيت اهلي في السيارة حسيت من اهل وهم في السيارة بالطفش باين فيهم وخاصة اخواتي وش فيكم قال ما فين شي بالرغم انا ما طولنا كثير لكن بعد ما اصريت على وحدة من خواتي واللي هي بسنها قالت لي ان زوجتي أبد ما جلست معهم ولا عبرتهم وكانت هي وابنت خالتها جالسين لحالهم في غرفة ومطنشه ان عندهم ناس ومو اي ناس الناس اللي اختاروها لولدهم ولأخوهم في اليوم الثاني طلبني عمي وقال ابغاك في كلم مهم لما تقابلنا طبعاً مو في بيتهم قالي انه حس في اليوم اللي كنا عندهم بحاجه غريبه وسألني كم سؤال ومنها هل جلست مع زوجتك امس ؟ قلت اني جلست معها وانبسطت كمان وهو حاس بالعكس فقام ينصحني كم نصيحه ومنها اني ما اعطيها اي شيء الا لما اقوله او اذا صار بيني وبينها اي مشكله وما قدرت احلها اقوله وهو راح يتصرف ما كأني قلت له اي شيء فهمتو علي . هذا اللي حبيت اقوله ومدري احس انها ما تستاهل اني فكرة فيها واني ارسلت لها مصروفها واحس كمان بعكس هذا الأحساس والله يوفق الجميع |
اخي الكريم عابر سبيل
تصرفات زوجتك مو مال وحده ناضجه ابد ابد وانا اقدر اقول انك من الغلط انك تعلمها على هذا الطبع وتخليها تتمادى شنو الي صار حته تقاطعك وتتحمل ما تشوفك ولا تسمع صوتك يا اخي اصور انت لازم تتكلم بجديه في هذا الموضوع مع اي احد مسؤل عنها ابوها مثلا بس هي ممكن يزيد زعلها اذا قلت لابوها يعني انت شاريها وهي باااااااااااااااااايعه كانها متاكده مالك غيرها سواء تكلمت معك او لا مصيركم لبعض الله يعينك يمكن بعدها صغيره وتحتاج احد ينحصها خلي امها مثلا تنصحها انو هذا الشيء جداا غلط تسويه ويه خطيبها وعيب وراح يأثر على مكانتها بس العكس هي الي صار حبها زاد وانا لو كنت رجال ما كنت عبرتها وكنت اتخذ اجراء اراويها اني مو هين ,,, يعني انطيها درس كيف تتعامل معك حتى تضمن انها تكون جديره بحبك اذا امكن<<خلي اهلك يسون زياره الهم ويتكلمو عنك انك ملتهي ومشغول وسافرت كم يوم لاي مدينه وانك حتى ما اتصلت فيهم من قد ما لاهي بالسفره ... وخلي مثلا امك او اختك تقول امامها انها خايفه عليك يعني كشاب لحاله مسافره <<من هذا القبيل خليه تغير عليك وتحس بقيمتك للأسف شكلها ما مسويتلك اي حساب ولا اكو اي مكانه الك الله يهديكم ويوفقكم |
طيب ياأخي أنت تنازلت الحين وبعدين شو رح تساوي ؟!! المشكلة ليست التنازل أم عدمه المشكلة مسألة احترام وتقدير انا استغربت منك لأنك أرسلت المصروف ؟؟!! أمرك عجيب والله إني مقهور عليك ترى أنا عشت تجربة طويلة من الألم والذل مع خطيبتي الأولى وتنازلت كتير بس إذا كانت البنت عنيدة وبايعتها عمرها مارح تتغير انت بين خيارين لا ثالث لهما ياتعيش مع زوجتك كما تحب زوجتك أن تعيش هي أم تضع النفاط على الحروف بجلسة مواجهة بشرط يكون أبوها موجود وجالس يسمع كل كلامك وفقك الله |
الله يعينك اخوي على زوجتك
با ين من كلامك ان زوجتك دلوعه , تحب تدلع وهي واثقه من حبك , عشان كذا تدلع ومن كلامك باين انو حتى ابوها عارف انها دلوعه وما قالك هذا الكلام الا لانه عارف بنته زين خليك حازم شوية معها ولا تعطيها كل شي تبغاه يمكن هي عندها ظروف او اشياء تخليها تتصرف معك كذا صارحها قولها اذا فيها شي او شي صاير معها عشان تسوي معاك كذا خلها تصارحك بلي في قلبها حاول انك تفهمها وتفهم ايش هي تبي با الضبط وحاول تفهم اسلوبها ,, عشان تعرف كيف تملك قلبها املك قلبها با الكلام المعسول با الهدية الحلوة وفي نفس الوقت كون شديد معها اذا تأزمت الامور استشر والدها ,, هو قالك اذا في اي شي كلمني خلاص ارجع لابوها وهو اكبر منك وادرى لا تفكر ابدا ً با الانفصال الا اذا انقطعت كل السبل ولا تنسى الدعاء لها ,, كل يوم ادعي وادعي وربك ماراح يضيعك ولا راح يردك هذه نصيحتي لك من اخوك المسلم اتمنى لك التوفيق اخوي |
لااااا الصرااحة زوودتهاا مررة
عيب كيف تجي امك واخوااتك وماتجلس معاااهم وحتى انت زووجهاا كذبت عليك وقاالت شووية وجاايتك وطناااش <<<<عيب والله ووين امهاا عنهااا ماقالتلهااا تعاالي اجلسي مع اهل زووجك والله ما ادري ايش اقوولك لكن افضل حل انك تااخذ موعد مع واالدها لا تكلمهااااا هي واذا رحت اطلب من واالدها انك بتشوووفهااا يصير ماعندها مجااال تصرف واالدها <<<يعني حطهاا امام الامر الوااقع وخليك حاازم معهااا وقولهاا اذا بتستمر على هذاا الحااال بتسبب لنفسهااا مشااكل هي في غنى عنهااا وانة مو عااجبك حاالها يا اما تحترمك وتحترم اهللك يا اماا بناات النااس على قفا من يشيل واذاا مانفع معهاااا كلم واالدها يكلمهاااا واذااا مررة مو رااضية تقتنع فالله يعينك عليهااااا اذا تزووجتهااا وبعدين الله يعافيك شكللك مرة تحبهااا ومبين لهاااا وترسلها مصرووف كماان علشاان كذااا تماادت معاااك اثقل عليهااا شوية الله يوفقك ويكتبللك الي فية الخير يااارب |
لا والله لا تظلموا الدلع
الدلع يزيد البنت جمال وانوثة هذا مو دلع هذا غرور وقلة ذووووووق يا اخي احزم امرك روح لها البيت وواجهها وشوف وش ردها .. وخيرها بين خيارين .. يا تحترمك وتجيب الدليل انها تحبك وشاريتك .. واعطيها مهلة شهر تبرهن فيه على ذلك .. يا إما الفراق ارحم لك من العيشة مع واحده مثلها .. واستخير يا اخي طواااال هذا الشهر الفضيل .. وربي راح ينور لك بصيرتك باللي فيه الخير لك .. الله يصبر قلبك .. لك فاااااااااااااااائق ودي واحترااامي .. |
الله يجزاكم خير اخواني بس قبل ما يصير اي شي حبيت اطرح بعض الاستفسارات اللي اتمنى تجاوبني فيه بكل شفافية :
اولاً : اكيد انه بيحصل اني راح اواجهها وراح نتكلم في اللي صار بينا وجه لوجه لكن وش اللي راح اقوله لها بدون ما تكرهني ؟واكيد انا الكلام اللي في خاطري مره كبير وراح يجرحها كثير وما اتوقع لو اقوله اننا راح نبقى مع بعض ؟ ثانياً : لو ما حصل منها اي تجاوب هل راح يكون الأنفصال بالأسباب اللي ذكرتها او بعض منها ؟ ثالثاُ : انا ما راح استحمل اني اعيش مع وحده تكرهني ولذلك الأنفصال من بدري ارحم .وش راح يترتب عليه هذا الانفصال وهل علي شيء ؟وهل عليها شيء ؟ وش اسوي هل اواجهها او انتظر على الانتظار اللي انا فيه الى ما يصير من طرفها اي تصرف يحسب لها ؟ لا تحسبوني ضعيف انا بس كنت شوي رومانسي معاها وتبقت وترسبت هذه الاشكالات معي الى ان صار اللي صار . هذي بس بعض الاستفسارات على شان ما يلحقني شرهه (اي احراج) من قبل ابوها واخوانها الكبار لأني اعزهم وهم يعزوني هذا ما طرأ علي من استفسارات الان ويمكن راح يكون فيه المزيد منها افيدوني جزاكم الله خير . |
اكيد انه بيحصل اني راح اواجهها وراح نتكلم في اللي صار بينا وجه لوجه لكن وش اللي راح اقوله لها بدون ما تكرهني ؟واكيد انا الكلام اللي في خاطري مره كبير وراح يجرحها كثير وما اتوقع لو اقوله اننا راح نبقى مع بعض ؟
قول كل اللي عندك وردها هو اللي راح يحدد اذا تنفصلوا او لا .. لو ما حصل منها اي تجاوب هل راح يكون الأنفصال بالأسباب اللي ذكرتها او بعض منها ؟ لو ما حصل اي تجاوب .. معناتها بايعتك .. انا ما راح استحمل اني اعيش مع وحده تكرهني ولذلك الأنفصال من بدري ارحم .وش راح يترتب عليه هذا الانفصال وهل علي شيء ؟وهل عليها شيء ؟ صدقني هي ما تكرهك ولا تحبك .. هي الغرور عااااااااااااااااااميها ويمكن كلامك يصحيها .. أو تتمادى .. وفي هذي الحاله الانفصال ارحم .. بالنسبه اش يترتب على الانفصال .. هي تعتبر مخطوبه وفسخت خطوبتها وفرصها احسن بكثير من غيرها .. أما انت وضح اسبابك لابوها واخوانها .. وبس .. وش اسوي هل اواجهها او انتظر على الانتظار اللي انا فيه الى ما يصير من طرفها اي تصرف يحسب لها ؟ طبعا واجهها .. قبل رمضان وخلي لها مهله تفكر من هنا الى العيد .. واستخير طوال هذا الشهر الفضيل وربك ما راح يخيب رجاك ..باذن الله .. |
اقتباس:
ماافية اجمل من كلااامك اعلاااة ^^^^^ الله يحميك يااارب اخوي عابر سبيل اولاً : اكيد انه بيحصل اني راح اواجهها وراح نتكلم في اللي صار بينا وجه لوجه لكن وش اللي راح اقوله لها بدون ما تكرهني ؟ واكيد انا الكلام اللي في خاطري مره كبير وراح يجرحها كثير وما اتوقع لو اقوله اننا راح نبقى مع بعض ؟ لاحول ولاقووة الا بالله وهي فكرررت اذا تكرهها او لااا لما تصرفت هذي التصرفااات هي ماافكرت فيك وفي مشااعرك ولا مشااعر اهللك اذاا من الافضل انك تكوون حااازم +متأكد وواثق من موقفك وانك انت الصح وهي الي غلطت ولازززم تعترف بغلطتهاااا وتعتذر وتوعدك بعدم التكرااار حتى ترتاااحو بدل ماتكوون فترة خطووبة وروماانسية تصير جكااارة :29: وقووول كل في قلبك حتى ترتاااح وتشووف غلااتك عندهاااا واذااا مانفع معهاا ومو رااضية تعدل اسلووبها وقررت الانفصااال اذا معنااتة انك مااتفرق معهااا كثير واذا تغيررت كاان بها خير وبركة معناااتها تحبك بس ممكن احد يعبي رااسها من صديقااتها او قريباااتها اما اذا مااتغيرت وانت نااوي تكمل معهااا فكاان الله في عووونك الله يوفقك ياارب |
باين إن أبوها محرج من تصرفاتها و لا ما كان كلمك و إنت في الأخير ما عندك غير إنك تصارحها و تكون قاسي معها
الحنان و الرومنسية للي يستاهلها و يقدرها ، مو اللي يرميها لو ما نفع معها ، صارح أبوها دامه أعطاك الضوء الأخضر |
يالله زووووجتك وربي رااااااااااااااااافسه للنعمه ... وووااااااااااااااثقه انك بترجع لها .. والصراحه تصرفاتها تبين انها قليلة خبره وتفكيرها محدوووود ! ماحترمت لا اهلك ولا احترمت وجودك ماتسووووى عشان جوال هالزعل كله ! عالعموووووووووووووووووم احسن شي لاتلحق وراها ولا تتعب نفسسسسك .. روووووووووح على طوووووووووووووول لأبـــوها هو الي بينهي الموضووع ويحط النقط عالحروف ! هي واضح انه عقلها صغير وتبي من يركزها مافي غير ابوها .. كلم عمك وقووله .. ابيك بموضوع يخصني انا وفلانـه ... واذا جيت قووله بكل الي بقلبك وبظروفك وقراراتك ... وبعدييييييييييين قوله ابي زوجتي بتكلم معاها ... اليوم لازم انهي الموووضوووع لأني سكت بمافيه الكفايه والزعل اخذ منا الي اخذ .. والله يسسسسسسسسهل امرك ياااخوووي ..! طمنا عنك .. |
السلام عليكم ورحمة الله وبركاته بأختصر وش صار اليوم معايه اليوم انا رحت لبيت عمي وكنت ابغاه في موضوع عمل طبعاً دخلت البيوت وجلست معاه حوالي ساعه الا ربع طبعا ما طلبت اني ابغى اشوفها ولا طريتها في شيء المهم انا حبيت اكلم عمي في الموضوع حجنا لأن ما كان فيه مجال للحديث في شأني وشأنها وبصراحه خذيت بنصيحة الوالدة وفيها اني اول شيء ما اكلم والدها في موضوع مثل هذا والاحسن انك تكلمها انت وجه لوجه وطبعاً قالت لي لا تقول اهلي بالمره لأنها خايفة ان البنت تبدأ تكرهها هي واخواتي فقالت بس انت قولها اللي في قلبك عليها واعطها وقت بعد ذلك وشوف وش يصير مدري الى هذاك الوقت وهو قريب ان شاء الله اني راح اقابلها واشوف وش يصير معي ومعها يرجى كتابة لفظ ( إن شاء الله ) كما بين الأقواس .. الإشراف .. |
بصراحه انا اكره هالنوعيه زووجة اخوي توه ماتزوجها فيها من هالصفات
ماتعبر وثقيله كنها مغروره لها ايجابيات بس ماتعرف وش داخلها واذا تحبك ولالا اخوي تعب معها ويبي يطلقها قبل العرس انت حاول تكون حازم معها لاتصير مثل اخوي دلعها كثير وخلى قصتهم خياليه دباديب وورود ورومنسيات وجوالين من افخم الانواع ويشحن وماتكلمه تخلص رصيدها على غيره وجوالينها انوخذو منها .. واشياء كثيييييييييره تنرفز لين مل وطاعني .. انه يتركها ليما تكلمه هي وتتعدل هو قالها شكلك ماتحبين السكر زياده يعني الكلام الحلو عشان كذا بنقصه كثير ... قالت له لا انت عاجبني كذا لاتتغير بس تحسها جماد... الله يعينكم والله ... |
أخي الكريم أعانك الله ووفقك لما رزقك من بنت الحلال من رأيي أن تجلس معها جلسة مصارحة بشرط طولة بال وهدوء أعصاب وسعة صدر وتحمل لما راح تقوله لها واللي راح تسمع منها ، لأنه من خلال كلامك في الموضوعين ، إتضح أن البنت صغيرة ، ودلوعة بزيادة ، ومن جهة ثانية حساسة لكل كلمة راح تجيها ، ولذلك إنتقى معها طيب الكلام وحاول توضح لها الموضوع بالكامل ولكن بترتيب ، وهي بطبيعتها راح تسمع لك ، لأنك في نظرها هو الشخص المطلوب ، ومع ذلك عليك بالصبر ، وتذكر أن الحل الأمثل لحالتك هي بالمصارحة بهدوء في جو مفعم بالتفاهم وحسن الإنصات منها وستجد كل خير إن شاء الله |
السلام عليكم ورحمة الله وبركاته
اليوم الاربعاء ذهبت إلى بيت عمي على شان اسلم على جدتي وجاء في بالي اني اطلب زوجتي تجي واسلم عليها وأقولها الكلام اللي خطر علي في هذاك الوقت بعد انا ذهبت الجده طلبت من ابن عمي انا يذهب ويناديها المهم قابلتها على عجل كنت واقفاً وهي كذلك وقلت لها ((بعد السلام والسؤال عن الحال قلت هل وضعنا كذا عاجبك ؟؟؟ ما جاوبتني ثم قلت انا ناديتك ابي اقول لك هذي الكلمه - انا مو عاجبني الوضع ولازم اننا نتكلم في الموضوع ونتصاف قبل العيد شهر رمضان عدا ولأحد بارك لثاني بالشهر وانا بصراحه ما ابي يجي العيد ووضعنا كذا قالت لي من اللي بدأ انا ولا أنت ؟؟؟ رديت عليها بسؤال وقلت من اللي أخطأ ثم أكملت كلامي وقلت انا لما بجي ما ابغى اننا نوجه التهم لبعض أهم شيء عندي نتصافى قبل العيد قالت خلاص دق علي قلت انا لا ما راح ادق عليك انتي اذا شفتي انك جاهزة ودك نتكلم دقي قالت لا اذا كذا دق على واحد من اخواني )) بعد هذه المواجهة مشيت وبصراحه ما ودي اني كلمتها والواضح على شكلها انها تعبانه بس تكابر يوم شافتني انا حنيت عليه وش رأيكم أخليها كم يوم ثم اجي لها أو انا ارسل لها رساله أو اي شيء علموني ابي مشكلتي تنحل ولا اننا كل واحد بطريقه بصراحه كل الأيام اللي راحت ما يجيني انوم كله افكر فيه حتى دوامي متغير فيه |
اخوي عابر سبيل
اولا الله يهديكم لبعض انت تقول واضح من شكلها انها تعبانه من الوضع ليش اجل تضغط عليها وتقول انتي دقي البنت تسوق الدلال عليك وانت اذا ما دلعتها بهالفتره وهي احلى فتره متى بدللها وتحمل تصرفاتها والموضوع كله ما يتحمل ان كل واحد يروح بطريق والبنت دوم تجي بالكلام الحلو ولا تحاول تستخدم اسلوب الضغط انا متابعه موضوعك من اول وادري انك متضايق مره بس عشان تنبسط وهي تطير فيك قدم شوي تنازلات ولو كان مو معكر صفوك معاها غير هالموضوع انصحك تبعد فكره كل واحد بطريق |
شكراً أختي ورد وذبل على تشجيعك لي بأن أقدم بعض من التنازلات أنا الأن
لو أني لم أقبل بتقديم تنازلات كان أصلاً لم أطلبها من الأساس يوم أني كنت عندهم لأني قبل هذا اليوم جيتهم في بدايت رمضان لكن لم أطلبها في ذاك اليوم ولا هي اللي جت المهم انا تقريباً اليوم الساعه السادسة صباحاُ أرسلت لها رساله وقلت فيها (ممكن ننقذ حبنا ولا خلاص صرتي تكرهيني) شكراً أختي ورد وذبل ولكل الأعضاء |
الله يجزاك خير
كلامك حلو لها ...واعذرها لو تغلت او كابرت لانها اكيد تبي تشوف غلاها وصدقني لو تزوجتوا ومر فيكمالوقت بتلقاها تشكي غلاك وحبها لك اصبر الصبر زين |
والله انا لازلت عند رايي
بس انت عندك رايك الخاص بك واللي مقتنع فيه وتبغانا نشجعك عليه .. اقرأ ردودي السابقة عليك .. صدقني الدلع من زوجتك برييييييييييييييييء .. ت ح ي ا ت ي .. |
اخي الكريم
الخطوة الاخذتها بانك تكلمها كانت حلوه بس ما كملت الخطوه الاحسن انت ما خليت النقط على الحروف ما تكلمت معها بشكل جدي وحتى رسالتك لها تدل على انك الغلطان في حقها مش هي انت على ما اذكر قلت ان زوجتك صغيره بالعمر ولكن تصرفاتها تدل انها رغم صغرها بس تعرف شون تنفذ الي بالها انت كان لازم تجلس معاها على الاقل نصف ساعه توضح كلششششششي ,,, توضح الي لك والي عليك وقبل لا تطلع من البيت كان لازم تقوللها فكري اذا كنت باقيه مع هكذا انسان والا فلك الحريه انت اصور ما مره راويتهه وجه جدي وحازم دوما هي من ياخذ موقف ويصر عليه بس انت اعلم واذا كنت شايف انها ندمانه فانت اعرف بخطيبتك سوي المستحيل علشان تراضيها! واذا حبيت تكلم مع والدتها خليها تفهم موضوعكم وشوف شنو رأي امها وعلى هذ الاساس ممكن تعرف البنت ليش معنده لهل درجه الله يسخرها لك ويلين قلبها بحق الشهر الفضيل |
غير الجوال وخله شحن احسن من الفاتوره
|
السلام عليكم ورحمة الله وبركاته
حبيت انقل لكم وش صار معي امس انا رحت الى بيت زوجتي وطلبتها على شان نتكلم المهم قابلتها بس من دون ما ندخل في صلب الموضوع ونتخذ الأجراءات لأنها طلبت ان امها تدخل في السالفة وانا في البداية كنت رافض لكن قلت اجل نخليها لين بعد العيد المهم دخلنا في العتاب وهي عاتبتني على الفترة اللي راحت وكانت حاسبتها صح وقالت حتى ماسألت علي وانا رديت عليه وقلت لا انا دائماً أسأل عليك وحتى اني ارسلت لك مصروف 200 ريال قبل شهر ثم قالت لي وهي تحاول تكابر لكن الدمعه في عينه واضحه قالت لي اذا خلاص ما تبغني ترا حنا باقي في فترة الملكة وراح ادلك وادور لك على البنت اللي تسعدك لأني ابغى لك السعادة قلت لها انا واثق تمام الثقة اني ما راح اعيش سعيد الا معك واللي صار يتصلح المهم تبين لي انها كانت تبيع اغراض لها وتشتري بالفلوس اللي تبغاه على شان ما تقدر تطلب من ابوها وهي على ذمتي ولا تقدر تطلبني لأنها ما قد طلبت مني ابد فلوس وانا كنت الفترة اللي راحت حق ابو خمس شهور قبل ما تصير المشكلة كنت في ضائقه ماليه وهي تعرف وكانت مقدره لكن في مسألة فاتورة الجوال قالت لي ما قدرت صرت احاول لما عجزت وانت عارف طيش بنات انا ما رديت على كلامها هذا وقلت خير أن شاء الله اذا جاء بعد العيد نتفاهم |
حرام عليك والله حزنتني خطيبتك
والله تراها تموووووووووووووووت عليك بس انت تتغلى وهيه شكلها من النوع اللي مايحب يبين مشاعره لاني اعرف من هالنوعيه كثيييييييير نفس تصرفها يموتون ولا يبينون مشاعرهم مو دلع ولاتغلي ....بس ترى هيه اللي تنفع لكم يالرجال:d كفايه انك ماكلمتها كل هالفتره ولو انا مكانها لو تموت ماادق دق عليها الليله وقولها كل اللي بقلبك لاتضغط عليها اكثر من كذا وخل كلامك كله حلو امدحها اول شي وبعدين طلع اللي بقلبك بهداوه عشان ماتزعل عليك والله لو خطيبي كذا كان حقدت عليه :d والله يهني سعيد بسعيده الله يوفقكم ويصلحكم ويهديكم يارب ............... |
عارف ايش اصل المشكله ....
انكم ماشاء الله قلوبكم قاسيه ...بالله عليكم كيف يمر رمضان ماباركتوا لبعض ....؟؟؟ كيف يمر كم يوم ماكلمتوا بعض ؟؟؟؟ سبحان الله كيف عندكم هالقساوة وتحبون بعض ؟؟؟ اخي العزيز اذا تبي رايي انت الرجال وانت اللي تصرف ... مشكلة الجوال سهله حد اائتماني وخلصنا ومتى ماانقطع يكون استقبال وخلاص .... ومشكلة اهلك انت لازم تعلمها الاصول علمها ان تقديرهم من تقديرك ولماشفتها مثلا طنشتك وراحت قعدت مع بنت خالتها اوتركتك لحالك بكل سهوله ناديها وقولها لاحقة على بنت خالتك واحنا ضيوف انا واهلي ولازم تحترمين وجودنا ... خطيبتك صغيرة وانت ماشاء الله انسان فاهم ليه تحط في قلبك وتسكت علمها انت وش تبي وافرض قرارك عليها ... مافيها شي اذا شديت شوي عشان مصلحتها ... وسوي كل هذا بدون تجافي ومقاطعه ... سبحان الله زوجي علمني ان مهما صار بيننا لانتجافى .... ماشاء الله لااله الا الله سبع سنين من تزوجنا مافي يوم مر ماكلمنا بعض ولاسالنا عن بعض حتى لو بيننا خلاف ....لواقلها مسج .... |
الصلح خير وخليه على العيد مش بعد العيد
الله يهنيكم مش مهم مين اللي يصالح المهم انو يتم الصلح |
الله يهدى النفوس وتتعدل الاحوال
|
| الساعة الآن 07:02 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©