|
ما هي فوائد و مساوئ اللهاية من تجاربكم
السلام عليكم
أخواتي الأمهات اللي جربوا لأطفالهم اللهاية أو ما يسمى مصاصة أو هذه >>>>>:15: ما هي مساوئها و ما هي فوائدها؟ مشكلتي مع بنتي (عمرها 10 أيام) أنها أحيانا لا تنام إلا و صدري بفهما و هذه كانت مشكلتي مع ابني كنت اتعب كتير حتى ينام و بالنهاية صار ينام معنا في سريرنا و ما قدرت افصله بسرير خاص حتى صار سنة و 8 شهور مو حابة تتكرر معي نفس المشكلة و لكن زوجي معارض فكرة اللهاية محتاجة آرائكم قبل ان أقنعه و قبل أن أجربها (علماً اني اشتريتها :25:) |
نفـس حالة اختي مع بنتها .. ماتنام الا على صـدرها بس مـره امي شافتنا اعطيناها اللهـايه .. وهاااوشت .. تقـول مو كويسه للبيبي .. تنفخ معدته بالهـواء .. وماياكل شي بعدين .. ومبـروك ماجــاكي .. يتربى بعـزكم .. |
بالنسبة لي ولا أحد من اولادي أخدها
بنتي الاولى هي رفضتها ولما اجا اخوها كانت هي صغيرة يادوب سنة ونص وكان عندو استعداد لأخدها بس كانت هي تشيلها من فمو وبعدين تعود بلاها ومشي الحال ولما اجت اختن قلت خلص بلاها أكيد الولد متل ما بيتعود وبالفعل ما أخديتا المهم وبلا طول سيرة حسيت من تجربتي انو الولد متل ما بتعوديه واذا اضطريتي انو تعطيها اللهاية وما قدرتي تعوديها نصيحة مني انو فطميها عنها بوقت مبكر يعني مثلا ع الأربع شهور او خمسة لأنو بعدين بتتعود عليها وبيصير صعب كتير انو تفطميها عنها وكل ما كبرت كل ما تعلقت فيها أكتر والله ييسرلك ويعينك |
وعليكم السلام
بنتك يا ماريا ممغوصه لهلسبب تريد صدرك رتبي رضعاتها و نومتها (( خلي لكم روتين ما يتلخبط)) الطفل الثاني اسهل من الاول لا تعالجي مشكله وتوقعي بغيرها |
اقتباس:
الله يبارك فيكي أقوال الناس كتيرة و انا بدي تجارب المجربين عندي صديقتين جربوها و نصحوني فيها انهم ارتاحوا كتير بمسألة النوم و من اول ليلة الطفل نام بسريره انا لسا مطولة بالي على كل حال |
اقتباس:
هية كمان بيني و بينك بحد ذاتها فيها شوية تعب لازم تكون معقمة كل مرة و هي لحالا مشكلة بس مشكلة النوم عندي مشكلة حتى الآن الوضع محمول بس خايفة يتطور هلأ بكل الأحوال نومها كتير صحيح انها بتنام النهار و بتفيق الليل :29: ... بس عم بقدر اتأقلم خايفة لقدام يتطور الموضوع و تصير دائما بدها صدري حتى تنام متل ما كان أخوها |
اقتباس:
تجربتي مع أخوها انه لازم يكون في شي بتمهن قبل ما يناموا ما بعرف ليش هيك الأطفال ما بناموا إلا لما يكونوا برضعوا ابني كان عاملني لهاية يفيق بالليل ياخد صدري و يرجع ينام من دون ما يرضع و خايفة اختو تصير متلو لأني في هيك بوادر شكرا لردك و رح دير بالي من مشكلة المغص أكتر |
جربتها في ولدي وبنتي
ولامنها أي ضرر بالعكس ريحتني لمدة ثمان او تسعة شهور وبعدين افطم الطفل عنها تدريجيا اصلا من يبدأ يأكل يبدأ يبتعد عنها تدريجيا ريحي نفسك وطفلك وترى النااااااااااااس تبااااااااااااااااااااااااااااااااااااالغ .. الحمد لله على سلامتك مرة ثانية .. |
ماريا ياماريا اوعك تنيمي البنت في سريرك بالليل
حتندمي ويصير معك زي ابنك فرقيلها بين الليل والنهار بالنهار شغلي تلفزيون طول الوقت او راديو او اناشيد اطفال حتى لو تاركاها ولو بتقدري تقعدي برة غرفة النوم حلو مع انو عارفة صعب عشان لسة والدة ماتخلي الربطة ازا رابطاها قوية خففيها شوي بالليل سكري الضو و اعمليلها طقوس رضاعة اغنية معينة وهيك وحطيها في سريرها بالنهار ممكن تنام جمبك بس باليل لالالالا يا ماريا لالالالالالالالالا بقلك اياها 100 مرة وماتخليها تاخد صدرك كل ربع ساعة انا فهد عملي جنان بالقصة هاي وماريحني وانقذني غير اللهاية الي مشكلتها انو الولد بتعلق فيها لقدام بس انا فهد مرة بغلي اللهاية تبعتو عشان التعقيم نسيتها وساحت وجبتلو نفسها بس مقاس اكبر لانو كان مخلص 3 شهور مااخدها ابدا وصار يبكي كل محطها ومن بعدها كره اللهايات فطام ذاتي الظاهر هههه بس مازعلت لانو كنت خلصت غرضي منها نظمي رضاعة بنتك فيها الاطفال بحبو يضلو يمصو وهيك ماتخليها ترضع الا كل ساعتين او ساعة ونص لانو لسة صغيرة خليها ساعة ونص لقدام بلكي بتطول المدة مع انو ازا حتعتمدي عالطبيعي حتنجني زي م انا انجنيت لغاية 6 شهور وفهد اكتر من ساعتين مابصبر تعبت بس في ميزان حسناتي المهم رضعيها منيح لانو هما بصيرو يمصو ويرضعو نتفة وبعد نص ساعة كمان نتفة اولها حتبكي حطيلها اللهاية و عالساعتين او ساعة ونص شيليها فهد كان يضل يمص فيها وعادي بس فجاة يسرخ ويزعل يكون عرفت انو خلص جاع مابعرف ازا بنتك حتعمل هيك بس لو انسجمت ونسيت حالها شيليها عالساعتين حتكون جاعت اكيد وانهلكت جوه وماحتسدق تشوف صدرك وحترضع بنفس ان شاءالله وتشبع وماترجع تجوع الا ساعتين تانيين بالنسبة لتنظيم النوم بدري كتير عالشهر يادوب لتحسي ممكن هلأ مخربطين نوم وصحيان باي وقت ماتخليها تنام جمبك تربويا غلط وصحيا بعدين والله مالها علاقة بالحنان حني طول النهار ووقت النوم نوم بعدين الطفل على متعوديه ياماريا مش معقول انولدت وهية بتحب تنام وفي تمها اشي ليش بقولو ماتعودو الطفل عالحمل لانو الطفل بطلع من بطن امو مو عارف اشي واحنا الي بنعرفو لو ماعودناه عالهز ماحيحب الهز لو ماعودناه عالحمل ماحيفكر فيه كتير قوي قلبك بدي اقلك رضعيها ونيمها وهية حرة تبكي بس لسة صغيرة كتير عالكلام هادا يادوب عالاربعين فيكي تطبقي النظريات هاي بس هلأ انا بقول خليها تنام براحتها وتصحا براحتها شوي شوي حتتنظم الا لو قصة المص قبل النوم وراثية وانت او ابوها كاينين وانت صغار ماتحبو تنامو الا وفي تمكو اشي لانو الاطفال باخدو اشياء من اهاليهم مرات واحنا صغار انا واخواتي كنا نحب نهز كتير كتير كتير وفهد طالع بهز وهوة في وضع الزحف لدرجة لو في الليل اجيت اغطيه وصحي بقوم يهز ومابقاوم النوم وبرجع ينام ههههه ماشاءالله طالع بحب الهز كتير انو هوة يهز حالو بتسلى الولد رياضة ومرات بهز وهوة واقف لتحت وفوق ففي شغلات باخدوها من الاهل ان شاءالله ردي الطويل يكون افادك وفي ماركة avent للهايات كتير كويسة اكيد عندكو منها المهم تكون ماركة طبية والله يهديلك اياها صحيح حتقولي انو اللهاية بتوقع وبترفع الضغط وانت بدك تحطيها كل شوي انا مرة هون وحدة نسيت اسمها قال عن فكرة طبقتها تجيبي شبرة تربطيها بطرافها ومن ورة راس البنت تربطي بس انا فهد ماكانت تزبط معاه لانو كتير حركة ماشاءالله وعطول الشبرة تفك لانو ساتان وناعمة رحت عملت استيك بتعرفيه تبع الملابس وماخليتو حازق عشان مايدايقو بس انو يمسك شوي براس وحطيتها الو ويضل يمص ليزهق بس كان لازم يكون قدامي مااتركو وهوة هيك ممكن تخنقو بعيد الشر مرات يحرك حالو تروح طالعو عانفو ويصير يبكي فازا جمبك اتبعي هاي الطريقة وماحتنزل ولااشي |
أنا بستعملا مع بنتي بس وقت النوم يعني لما تاخد الرضعة و تخلص بحطلها المصاصة و على طول بتغمض عيونا و بتنام و هي نايمة بتوقع منها ازا صحيت برجعها و ازا ما صحيت بطنش
بس بالنهار و هي صاحية مستحيل أصلاً هي بترفضها |
شعاع من نور
شكرا لردك يا ريت تقوليلي فوائدها معك و مساوئها ملك شادي استحالة كرر غلطتي مع ابني و نبمها جنبي لو شو ما صار لأني تعبت كتير سنتين مع ابني نوم قلق و مكان ضيق و كل الناس صارت تعرف اديه تعزبت معه بالنسبة للمص بظن بجي بالمرحلة الجنينية بنتي عمرها ساعتين حطت ايدها بتمها و صارت تمصها ما بظن وراثي شكرا كتير لردك blond_girl فكرتك معقولة شكرا كتير الك |
بعد الولادة بساعتين وصارت تمص ايدها
غريب فهد بدا يمص ايدو واصابعو يمكن عالشهرين هيك شي يمكن الها بالصفات و العوامل صدقي لانو مو كل الاطفال بمصو من بدري هلأد الله يهديها الك |
معروف انه عادة المص بيكتسبها بالفطره البيبي من هو ببطن امه
والدليل انه كم مره نعمل الترا ساوند ونلقى البيبي بيمص اصباعه وهو يكون لسه بالشهر 6 او 7 من الحمل!! طيب مين علمه؟ فحرام نعذب البيبي على حاجه بتخليه سعيد وانولد بيها.. وانا كمان لاحظت شي لما تركزي على عادة معينه انتي تشوفي انها سيئه وتحطي راسك براس هالعاده سبحان الله تتحول الى كابوس ويصير زي التحدي ( يا انا اللي كلامي بيمشي يا البيبي ) :) ولاحظت ذلك من ابني اول ما انولد ما عطيته مصاصه مش عشان رافضاها بس لانه مانتبهت واول بيبي مافيش خبره وكنت زيك ينام الولد على صدري بقيت كذا حوالي 20 يوم واكثر بعدين قريبتي نبهتني قالتلي انتي مبسوطه عليه الان لانه البيبي جديد وفرحانه بيه لكن بعدين رح تصير عاده سيئه .. فكرت في كلامها واستبدلتها باللهايه في البدايه صرت اعطيه اياها بس وقت يزن وكان فعلا بيسكت بس وقت النوم لا لكن هلكن بوقت النوم ما ينام الا بعد البكاء والصياح وزوجي عصب علينا لانه يبغى ينام عشان الدوام وصار هو بنفسه يجيب المصاصه ويحطها بفم الولد وفعلا يناااااااااااااااااااااااااااااااااااااام.. بعدين لما صار عال4-5 اشهر اتعلق بيها تعلق شديد لدرجه مقلقه بس انا طنشت ولا عاندت ولا حسسته انه حاحرمه منها (ترى البيبي بيحس وبيفهم صدقيني ) وفجاه ومن دون مقدمات لما صار عال7 شهور صار ياخذها وقت النوم 5 دقايق بس ووقت يدخل بالنومه لا شعوريا يسحبها من فمه ويرمهيا بعيييييييييييييييييد هههههههههههههههه وخلاص! ما شاء الله تبارك الله ما عملت شي عشان اكرهه فيها عادي خذي الامور ببساطه وبرويه اما قصة انها تنام على صدرك ومعاكم بالسرير اتخيلي لو استمرت كذا الى ما تكبر شوي؟؟ هذا شيء ما يتقبله عقل ولا منطق انتي توكلي على الله واعطيها اياه وان شاء الله ما تشوفي الا الخير.. كلنا يااختي استخدمنا المصاصه واحنا بيبيات والحمدلله اهو قدامك من احلى ما يكون ما بنا شي :) |
اقتباس:
حتى انه في منهم بيولدو و على الاصبع علامة من كتر المص خلال المرحلة الجنينية |
اقتباس:
تجنبا للجدل !! |
بصي انا بشوف ان في اطفال بتتعلق بيها .. لحد مايبقو كبار
وسألت الدكاترة كتير قالو مافيش مشكلة الا وقت التسنين وعشان التعقيم وفي لهايات بغطا .. لما تشليها تغطيها على طول وتتغسل طبعا كتير وبالنسبة لتجربتي .. بجيبها على طول ... اول شهرين بيحبوا المص جدا بيقعداو يمصوها وبعد كدا لما بيفهموا انها مش بتنزل حاجة بيرموها خالص يعني على شهرين بيكونوا رفضوها عندي .. ودي تجربتي.. |
بنتي بدأت تمص اصبعها بعد 5 دقائق من الولاده,, و كمان لاحظت ان الأصبع كان احمر و الطبيبه قالت انها كانت متعوده على مص اصبعها وهي في بطني فهذا شي راجع للفطره مو شي نحنا نعلمه للطفل وأنا مع كرستالا انه حرام نحرم الطفل من شي انولد بيه و تخليه مبسوط وانا بدأت اعطي بنتي المصاصه من لما كان عمرها اسبوعين من بعد ما لاحظت انها تحب يكون الصدر بفمها بدون ما ترضع مثل بنتك يا ماريا و الحمدلله تقبلته بدون اي تعب و انا ارتحت بشكل ما تتصوري فوائد اللهايه: 1- تمنع تعلق الطفل بمص اصبعه لاحقا 2- تشغل الطفل و تلهيه مما يريح الأم 3- يتعود الطفل ان الصدر للرضاعه و ليس للتسليه و العكس للمصاصه 4- ينام الطفل براحه اكثر عندما يكون شي بفمه 5- احيانا تهدأ الطفل من حالة البكاء بدون سبب التي يصاب بها في الشهور الأولى 6- ينصح بأستعال اللهايه وقت النوم فقط و اخفائها في الأوقات الأخرى مضار اللهايه: 1- تعلق الطفل باللهايه لدجه مقلقه ان لم يتوقف من استعمالها مبكرا 2- تعقيم اللهايه يوميا تجنبا للجراثيم الضاره 3- سقوط اللهايه من فم الطفل مرات عده مما يتطلب اعادته و خاصة في الليل 4- استعمال اللهايه من بعد نمو الأسنان اللبنيه (من بعد السنتين) تؤدي الى تشوه في الأسنان 5- كثرة استعمال اللهايه تؤدي الى تأخر النطق او عدم النطق بفصاحه الله يحفضلك عائلتك الصغيره من كل شر و استناكي في موضوع كتبته في النسائيه و التوليد |
اقتباس:
:24: كل الاطفال يحبو هلشي :26: بس يا ماريا كلها سنه تزيد او تنقص و الطفل ينفطم وينام الليل بطوله ويصير معتمد على نفسه بعدها تتمني يجي جنبك وتحضنيه وهو ما يرضى ما يعجبني اشوف طفل بللهايه بفمه ويعني صعبه واحد نايم و مطاط بفمه حتى لو معقمه:15: مو مثل بصدر الام يرضع مو حليب يرضع حنان سؤال خطر ببالي انت يا ماريا بتشتغلي ولا بتدرسي |
اقتباس:
و بعد الشهرين بناموا كويس ؟ و بسريرهم ؟ |
اقتباس:
كلامك مشجع بس قلقت من شغلتين اقتباس:
انا كنت مفكرة حطلها اللهاية مشان تنام منيح و ليس العكس |
اقتباس:
و حتى الآن متعلق بحضني و بالنوم جنبي مع اني من شهور فصلته بغرفة وحده انا اللي مو مشجعني متل ما قلتي انه ما بحب شكلها بتم البيبي أكتر شي بجنني منظر أطفال الانكليز اللي لابسين لبس الحضانة و اللهاية بفمهم بالنسبة لسؤالك انا تخرجت سنة 2004 و تزوجت و ما اشتغلت لأني تعديل شهادتي صعب كتير يمكن اذا بقينا فترة منيحة بهالبلد اني عدلها و اشتغل مو متأكدة من قراري لسا:21: |
خلي ابنك بحضنك و بنتك كمان
الله لا يبلانا بقساوه القلوب و انت بغربه وما بتعرفي باقين ولا راجعين رضعيهم الحب و الحنان الله ما يضيع لك تعب وكله بميزان حسناتك ابنك ما باقيله غير كم شهر ويروح للحضانه و يتعود علروتين و السنين تمر بسرعه همه مسؤليتك وما وراكي غيرهم كلما قربناهم من همه وصغار كل ما اتربو مثلنا اقري عليهم و امسحي على راسهم الله يخليهم لك و تفرحي بيهم صبرتي علولد اصبري علبنت كمان كلها تصير ذكريات و تحكيها لهم من يكبرو ويضحكو على حالهم |
انامع الاخت غربه مره فعلا اللهايه صعبه
هو الشي الي كويس فيها انه شكل الاطفال فيها بيجنن انا مااحد اخدها عندي بناتي الي ولدتهم في كنداكانوابالمستشفى يحاولوايعودوهم عليها لكن ابداماقبلوها وايامها اناكنت بس بدي ارتاح لانه وحده منهم كان نكدها مش طبيعي ماارتحت الالما مصت اصبعها مع انه غلط والحمد لله انفطمت عنه تماما ابني اعطيته اياهابس يوم العمليه لانه كان لازم يجلس فتره طويله من غيررضاعه وعملتله نفخه بس اتعلق فيها وانفطم مني واناوقفتهاعلى طول كم يوم بس بدايتحسن على طول قطعتها عنه |
ماريا ...الله يعينيك .. قيام الليل مع البيبي هو اللي مخليني افكر الف مرة قبل ماافكر اجيب بيبي ثاني
الله يعين .. ابني مسك اللهاية شوي بس ما اعتقد انها تفيد كثيير .. لانه كان كل شوي يفلتها فا يبكي و نفس الشي اصحى و احطها له و يرجع يفلتها و ههكذا.. و لحاله على عمر ال 4 شهور كرهها و ماعاد حطها بتمو .. باختصار مافادتني بالخالص ... و تعبت معاه تقريبا سنة كاملة و هو ينام على صدري و كل ساعتين يصحى يرضع و يرد ينام بس صديقااتي طلعو اذكي شوفي تجربتهم يمكن تنفع معاك و تنام بنوتك اشتري شفاطة الحليب advent من بوتس و عالساعة 12 بالليل مثلا اشفطي حليب و املي الببرونه .. و اعطيها البيبي .. ماشاء الله راح تشربها كلها و تثقل بطنها و تناام 5 ساعات تقريبا و لما تصحى كمان اعطيها ببرونة مليانه و بترجع تنام لك 5 ساعات متواصله جربيها .. الاطفال عادة بيرضعو من صدر الام .. بتكون عملية متعبة فا بينامو قبل مايشبعو عشان كدا تلاقيهم كل شوية يصحوا ... لكن الببرونة اسهل في المص .. فا بتلاقي البيبي شرب الببرونة كلها و ارتاح و نام .. الله يعينك يا ماريا و ان شاء الله ما تتعبك كثيير |
اقتباس:
بصي يا بنتي انا مؤمنة ايمانا تام ... ان كل طفل غير التاني ... والعادات مش كل طفل بيتعود عليها بسهولة بتختلف جدااااااااااااااااااااااا دايما دايما تتبعي غريزتك ... يعني (حاولي ) تعملي الصح بقدر المستطاع والباقي بغريزة الامومة وبطبع طفلك في اطفال ماتسمعيش صوتهم وبنامو على نفسهم كدا .. من غير تعب خالص يعني في دكاترة كانو يقولولي لو ابنك رضع مرة واتنين ومغير ومافيهوش حاجة.. ومنامش وبرضه بيعيط سيبيه يخبط دماغه في الحيط وهينام لوحده ...!!!!! معقول كدا !!! عملتها بتاع 3 مرات اسيبه يبكي ساعة وساعة ونص .. لحد ماقلبي اتقطع ... وبعدين اكتشفت انهم غلط خالص .. ابني كان عياطه (صريخ) كتير 24 ساعة بيعيط بأدوية المغص ومن غيرها ... و24 ساعة رضاعة ... ولا كنت بنام ولا برتاح ... بس للامانة كان ممكن ينام بليل 3 ساعات متصله .. غير كدا كان صعب اوي يعني الرضيع اللي هو اكبر من 6 شهور طول ماهو بيرضع هيفضل يصحى بليل مرتين على الاقل ... لو طبيعي لو صناعي بيكون مرة على الاقل .. يعني انا بقعد اعوده ينام في سريره اكبر فترة ممكنه ... ولكن مبيحصلش انه مثلا يغفى على نفسه كدا في سريره ... لازم يكون بيرضع ويغفى ويدخل في النوم في خلال ده ... لما بيتفطم بيقعد يمكن بعديها شهرين يصحى بليل متعود انه هيرضع.. يشرب مية ويعيط شوية وبعدين ينام ... وبحاول انيمه لوحده ويصحى يمشي يجي جمبي ... لحد ماكبر شوية بقيت برجعه واقعد جمبه شوية واقوم ودلوقتي ماشاء الله تبارك الله خلاص الحمدلله انما طول ماهو صغير عنده شهر عمره ماهيفهم ايه جمبك وايه في سريره على الاقل اول 4 شهور وسريره اساسا بيبقى صغير اوي ولازق جمب سريرك عشان بيصحوا كتير في الفترة دي.. وبيجوعوا بسرعة.. وكمان السن ده بيجيلهم تحسي هجمات كدا تخليهم يصحوا طول الليل بيبكوا مهما عملتي .. الهجمات دي بتقل لما بيكبر بس بتتوقف على ظروف كل طفل عن للتاني في ناس تقولي بعد الاربعين هترتاحي .. وفي ناس كانت تقول على شهرين ودكتور قالي بعد 4 شهور .. اللهاية فايدتها انه في الي الفترة دي (حديث ولادة) بيبقى عاوز يمص كتير 24 ساعة فبتريحك شوية .... وكمان مابتبقيش عارفة ايه سبب العياط احيانا كتيرة هل هو مغص ولا جوع ولا تعبان ولا ايه ... واول مابترضعيه بيسكت .. !! فاللهاية مريحة في الحالات دي بعد مايكمل 4 شهور المغص يبتدي يخف شوية وبعديها بشهرين ياكل هتلاقي نومه نوعا ما بأه اريح... معلش استحملي هي فترة وهتعدي .. الواحد بيقعد اول كام شهر دول بيحس ان الليل طويل .. وانه مفصول عن الناس والكرة الارضية وجربيها ماتقلقيش ... سهل انك بعد كدا تمنعيها منه ... خاصة بعد 6 شهور.. هيبتدي بلعب ويتلهي عن الجو دا |
الحنان والحب يمكن اعطائه للطفل
بدون ما ترهق الام نفسها .. وبعدين اللي ينصحوكي ان اطفالك يناموا في حضنك طيب وين حقوق زوجك عليكي .. يعني اذا الليل للاطفال ودلعهم اللي ماله داعي والنهار لهم ولاعمال المنزل .. وين المسكين زوجك من الجدول .. لا تقولي لازم يقدر ويصبر .. لأن الاطفال اذا تدلعوا من الصغر رااااح يستمروا في دلعهم الى نهاية العمر بس الفرق ان الدلع يختلف في كل مرحلة عمريه .. حبيبتي دلعيهم واغدقي عليهم بحنانك وعطفك لكن بطريقة سليمة مريحة للجميع .. لك فااااااائق ودي واحترااامي .. |
اقتباس:
هي اكيد بنتك راح تنام براحه تامه بس طبعا بسبب صغر سنها حاليا صعب انها تمسك اللهايه و ترجعها بفمه.. فهمتي علي انا هذي الشغله تعبتني اكثر شي بس بعدين هي تعودت تمسكها و ترجعها بفمها بنفسها |
شكرا كتيييييييييييير لنصائحكم
انا احترت شوي و لأني شارية اللهاية اصلا جربتها مبارح و بصراحى لقيت فيها تعب اكتر لأني بنتي ما بتعرف تمصها و كل شوي توقع منها و تصرخ صبرت عشر دقايق و بعدين نرفزت و شلتها من تما رضعتا حتى نامت و رجعتها ع سريرها مشكلة بنتي هي النوم بالنهار و الاستيقاظ بالليل هية لو تنتظم انا ما رح احتاج لا لهاية و لا غيرو حتى الآن ماشي حالي و شفت تعب باللهاية اكتر بسبب مشكلة التعقيم و مشكلة انه ما عرفت تاخدها مع انه جبت احسن ماركة |
noora
شكرا كتير لردك فكرة رفقاتك صح 100% و لهالسبب انا عم بعطي بنتي صناعي و طبيعي هيك عملت مع ابني كمان بس الظاهر smaما كان كويس هلأ عم بعطي لين Cow & Gate افضل بكتير عم بحاول اني اعطيها الصناعي الساعة 11 بالليل مشان تسحبها 4 او 5 ساعات عم بيمشي الحال بس لما بتفيق عالأربعة ما بترجع بتنام لل 8 لأني نايمة كل النهار أصلا لو تنتظم برتاح كتير |
اللهايه فايدتها
اتهدئ الطفل ولما يبكي لفتره طويله يكون عالاقل في شي يلهيه غير عن الطفل اللي ما ياخذ اللهايه صعبه اتهدينه وهذا عن تجربه لاني انا اعطي اطفالي اللهايه ويتمسكوون فيها وااااااااايد غير عن اعيال اخوي اللي مايحطونه في فمهم فأشوف امهم تتعب معاهم لما يبكون مايسكتون الابالهز والا تشيلهم وتمشي فيهم واذا الطفل ممغوص ويبكي يظل يبكييييي فتره طويله ومافي شي يسكته غير عن اذا كان ياخذ اللهايه وانا الدكتوره نفسها نصحتني فيها اول الشهور وقالتلي اتهدئ الطفل مساوئها ان الطفل اذا تمسك فيها وبشده خصوصا وقت النوم يتعب الام لان كل ماتطيح اللهايه من فمه يقعد من نومه وتظطر كل شوي تقوم له واذا الطفل استخدمها فتره طويله خصوصا بعد السنه ممكن اتأثر على لثته |
اقتباس:
عندها اليوم ابطوووووووووووووووووووووله تقدر تغمره بحنانه وعطفها ودفا صدرها اسمحيلي على كلامي اذا ماعجبك بس ماعجبني ردك على انها قساوة قلووب |
اقتباس:
شكرا كتير لردك انا بالنسبة إلي كنت اتعب من هز ابني متل ما قلتي بس اللي كان اكتر شي مضايقني هو نومه جنبي كان يميز بين سريره و سريرنا لأني المكان اللي برضع فيه هو اللي لازم يبقى نايم فيه بالنسبة للمساوئ انا جربت مع بنتي أعطيها اللهاية و نفذ صبري بعد عشر دقائق خلال هالوقت وقعت اللهاية منها يمكن عشر مرات هي ما عرفت تمسكها و انا لاحظت انها رح تدمن عليها و تتعبني هاليومين لاحظت انها متحسنة أخلاقها و عم تنام وقت رضعها و حطها بسريرها بتكمل نوم اذا دام الحال متل ما هو الآن بإذن الله ما رح احتاج اللهاية لكن اذا أدمنت النوم على صدري رح انجبر استعملا اللهاية لأنه عندي كل شي و لا النوم بسريرنا ما رح كرر الغلطة اللي صارت مع أخوها |
اقتباس:
بالنسبة لرد الأخت الغربة مرة انا مقتنعة فيه حتى الآن لأني الحمد لله بنتي لما برضعها و بتركها بحضني خمس دقائق و بعدين بحطها بسريرها بتكمل نوم ما بتفيق يعني الأخت الغربة مرة معها حق لو كان الحضن بشكل معقول لكن اذا تطور الوضع و صارت متل أخوها بدها تنام كـــــــــــــــــل الوقت بحضني أو كل الوقت بهزها و مجرد انقلها لسريرها بتصحى فهي مشكلة و مشكلة كبيرة مو بس مشان زوجي مشان أخوها مشان طبختي و نظافة البيت و و و ........ شكرا كتير لكل اللي ردوا علي بدون استثناء أنا رتبت أولوياتي أول و أهم شي هو اني لولو تنام بسريرها أي شي رح يمنعها من النوم بسريرها لازم امنعو و لو اضطريت للهاية |
اقتباس:
حبيبتي كل واحد وعنده وجه نظر اولا انا ما قلت من غير سبب لكن معروف الطفل اول 4 شهور محتاج عنايه مكثفه لما يكون الاب راضي ومقتنع بلي اعمله ويشجعني عليه وهو صاحب الفكره فين المشكله و غالبا هو حنون عليهم اكثر مني كل ما جا طفل بلييل يروح لابوه هذا بعد السنتين وحتى 5 سنين يعني بلله عليكي الطفل وين يروح اذا ما كان بحضن اهله مين يعطف عليه ويشيله ،،، الشغاله مثلا طفل عمره كم يوم ولا كم شهر مثله مثل الكبير يتوجع نسكته ببلهايه ولا الماصه ولا ما نشيله الاطفال امانه و مسؤليه 9 شهور شايليهم و نمشي فيهم بكل مكان و اخرتها ما نقدر نشيلهم بحضننا كم ليله ولا حتى سنتين انا اؤمن بلطريقه التقليديه بتربيه الاطفال |
اختي الغربه مره
مين قال انه هذي طريقه تقليديه في تربية الاطفال اصلا هذا ماله علاقه بالتربيه لانه دلع زياده امهاتنا ربونا احسن تربيه واغدقو علينا بالحنان الحمدلله ما نمنا على صدرهم طول الليل وحطو حياتهم الطبيعيه on hold لمدة (الله اعلم كم رح تكون الين ما يترك الطفل العاده السيئه) من باب انه انا حنونه على طفلي واصير قاسيه وماعندي قلب اذا خليته ينام عالسريره افتحي كتب التربيه كلها ...اسالي الدكاتره ..اسالي جداتنا ... ايش الاصح الطفل ينام بسريره طول الليل ولا ينام بصدر امه وجمب امه طول الليل؟؟ بعدين نزعل لما يطلعو عيالنا مدلعين ورخوين لاننا دايما نخلط ما بين التربيه وما بين الدلع من باب الحنان والعطف.. |
اختي الاطفال حين يحتاجون لامهاتهم ينامون بحضنها
عند المرض عند المغص عند الخوف لم اقل الليل بطوله لكن عند حاجه الطفل لامه يشبع من حنان امه ونام استودعه الله و ادعه في سريره كل طفل يختلف عن الاخر ولم اجد فيهم الدلع والرخاوه التي تتحدثين عنها لانهم عند ذهابهم للحضانه يتعلمون الاعتماد على النفس و كل بيئه تختلف عن الاخرى انا رايت ان اطفالي اولى بي و انا اولى بهم من لم يفعل هذا ويترك اولاده ليبكي ويتالم نعم قاسي القلب هل هذا يضايق احد في شئ الاخت صاحبه الموضوع طلبت تجاربنا و انا اوردت تجربتي ورؤيتي للموضوع كل واحد حر برايه اظن هذا ما يخالف قوانين المنتدى |
شوفي يا ماريا بالنسبه ليا اللهايه استخدمها ولدي اول شهرين او 3 بعدين تركها و رجعت اعطيتع اياها و عمر ه11 شهر لاني ما كنت انام بالليل و ماني ندمانه على الموضوع لان الحمد لله سرت تاناملي كم ساعه صحيح انه يصحى يبغى حليب و كذا لكن احسن من اول و كمان شوي ابفطمه منها
نصيحه عوديها على اللهايه عشان تنام بسريرها جيبيلها حبل قصير و لهايه avent or pigeon و حطيها على الكوفله او المهاد حقها و ان شاء الله ما تطيح و بوسيلي هي |
كنت ضد فكرة المصاصة
لكن الرضاعة كانت متعبة وكنت احتاج خصوصا إذا صرنا بره شيء يسكتها لين ألقى مكان أقدر أرضعها فيه لكنها أبدا ما تقبلتها بأي طريقة لكن اهم شيء تصير بسريرها بعد ما ترضعينها وهذا اللي تسوينه الحين والحمد لله حتى خلال النهار وقت تكون صاحية وساكته العبي معها من غير ما تشيلينها كثير وكل طفل سبحان الله شكل وله نفسيه والتعامل مع طفل مو دايما يجيب نفس النتيجة مع طفل ثاني الله يعينك ويحفظك عيالك يا رب |
اقتباس:
جبتلا لهايتين ماركة tommee tippee كتير جودتها حلوة لكن بنتي ما عرفت تاخدها لقيت مشكلة وقوع اللهاية من تمها أكبر من مشكلة النوم بسريرها شكرا كتير لنصايحك لنشوف شو آخر تطوراتها |
اقتباس:
كلامك صحيح هي ممكن تكون اكترشي فائدتها انها تسكتها لوقت ما تكوني جاهزة لرضاعتها بنتي لازم يوصل صوتها لآخر جار قبل ما ترضع و ما أخدت اللهاية صحيح اني ما حاولت كتير بس من كتر ما وقعت من تمها رفعتلي ضغطي و غضيت النظر عن الفكرة و لو مؤقتاً |
| الساعة الآن 08:22 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©