|
خطيبي مندفع ومشاعره قويه !
السلام عليكم ورحمة الله وبركاته
اعزائي اتمنى منكم انكم تجاوبوني بالصراحه لني محتاره والسالفه مسببه لي خوف وارق انا حاليا متملكه وزواجي بعد شهرين الحمد الله عقبال الجميع طبعا انتو عارفين المكالمات وقت الملكه والاغلب ينصحون بعدم كثرتها لكن انا مدري وش اسوي زوجي مندفع بقووه ومشاعره قوويه ويبي يكلمني اربع وعشرين ساعه بس الحين الحمد الله خف شوي لني اصرفه كثير مابي اكثر مكالمات المشكله انه دايم يتكلم معي كلام جنسي كثير وانا مدري وش اسوي اسكت واحاول ابادله الشعور بس على خفيف بس يزعل على ويتضايق ويقول انا مااحب الحياء الزايد خلينا نستانس ومن هالكلام واحاول افهمه اني ماتعودت واستحي لكن مو مقتنع في البدايه كان يسالني اساله محرجه والحين يطلب مني اني اتوه معه في الجوال يعني يبغنا نمارس العاده السريه بالجوال انا اتضايق مابي اسوي كذا اخاف ياخذ فكره شينه عني لكن هو دايم يقول انتي لاتخافين وتقولين ياخذ فكره كلنا شباب وكلنا لنا مشاعر واحاسيس خذي راحتك انا زوجك ويحاول يطمني بس انا الخوف ملازمني تكفون جاوبوني بصراحه ابادله الشعور ولا لا واذ مابادلته الشعور وربي احس انه ينقهر مره وينغبن ويسكر الجوال واحس بالقهر داخله كانه يقول انتي ماتحسين فيني وهذا الي يقهرني حاولت اكثر من مره اقوله معليش ماباقي غير شهرين ومايصلح كذ بالجوال ويقول مقدر امسك نفسي علماً بان عمر زوجي 24 فهل للعمر صله بهذا الموضوع اتمنى تفيدوني وتوضحون لي وش اسوي |
نقل للمكان المناسب .. المقبلين |
حاولي ما تكلميه تالي الليل
تحججي انك تعبانه وتبين تنامين خلي مكالماتك معه خلال اليوم وكوني بالصالة علشان يسمع اصوات حواليك ولا يطلب منك هالطلب ما باقي إلا شهرين وياخذ اللي يبيه وقتها اشوف انه الطلب غير مناسب بالمره بالرغم انه زوجك وحلالك لكن بكذا ما خلا شي لليلة العرس ! رح يروح الحياء ويروح التردد ورح تفقدين الشعور بأجمل ليلة بالعمر الله يوفقكم ويتمم لكم على خير |
ههههههههههههههه شوفي ياأختي أولا لازم تعرفي ان خطيبك ليس الوحيد يليي يتكلم بهذه الأمور ويطلب هذه الطلبات أغلب الرجال مثله وكثير من البنات تستجيب لكثرة المغريات والفتن الموجودة في هذا الزمن يقول الرجال أحسن ما أكلم بنت فلتانة وأشحن لها الجوال من أجل تكلمني هكذا الكلام بالحرام أكلم زوجتي واستمتع معها بالحلال وإذا كنتي من البنات يلي مايحبون هذه الأشياء فإما أن توافقي إرضاء لزوجك وحفاظا عليه من الفتن وإما أن تصرفيه بأدب وبدون مايحس إنك متكبرة عليه وماتحبيه فهذا الشعور اذا حس فيه الرجل يتعب نفسيا وينقهر بارك الله لكما وجمع بينكما على خير عفوا ليس المقصود من كلامي أن أغلب الرجال يريدون أن يمارسوا العادة السرية مع أزواجهم على الهاتف المقصود أن أغلب الرجال يحب أن يتكلم بالأمور الجنسية في هذه الفترة ويحب اذا جلس مع خطيبته يمارس بعض الأمور الجنسية |
اختي الكريمه زوجك حلالك يحق له يسوي اي شي معك دام انه با الحلال طبعا ً هذا الشي يسويه برضاكي يعني مو غصب عنك واذا على سالفه الكلام با الجوال والعادة السرية انصحك يا اختي انو مثل هذه المواضيع ما تقوليها للناس لان هذا يعتبر من الخصائص الزوجيه الي ما يجب ان تتطلع برع كل زوجين ولهم اسرارئهم وخصائصهم يحق للزوجين التمتع با الحلال يقول الله تعالى " نساؤكم حرث لكم فأتوا حرثكم أنى شئتم " يحق لهم يسوون اي شي غير المحظورات الي ذكرها الشرع وحرمها وغير ذلك كله مباح اما بخصوص انك انتي تضايقي من كلامه هذا موضوع تانية , احيانا الزوج يسوي اشياء ما تعجب الزوجه لذلك لو رفضته تخاف من زعله واذا جاوبته بتضايق في هذه الحالة , عليكي با الحوار حاوريه كلميه يعني اهو يجلس معاكي با الساعات يتكلم بامور الجنس اوك كلميه بامور الجنس لكن باسلوب راقي قوليه له با البداية كلام حلو يعني توددي له اهو بيرتاح بعيدن ادخلي وياه في الموضوع قولي له يا حبيبي انت تعرف انو الحياة الزوجيه اخذ وعطى وكل واحد له رغباته وله اشياء يحبها ويكرها وانت تعرف اني بنت والبنت مو مثل الرجال خذني شويه شوية عاملني بحنيه , اني صراحه اتضايق لما تقولي كذا ارجوك يعني لو تحبني خذني با الراحه , واني راح اسوي لك الي تبي ومن هذا الكلام الي تبيني له انك تحبينه وتخافين عليه وتبين له باسلوب حلو يعني وانتي تدلعي له وتتغنجي بكلامك قولي له بصراحه انو اسلوبه هذا ما يروق لك ارسلي له رسالة حب , كلام حب , يعني بدل ما هو يتصل بك انتي اتصلي به وصبحي عليه كل يوم اهتمي فيه مثل الطفل عامليه معامله محب وحاوريه وكلميه واكيد اهو راح يفهمك وكل شي ينحل با التفاهم ونصيحه لا تطلعي اسرارك الخاصة للناس لانك راح تسمعي كلام ما يسرك اتمنى لك التوفيق اختي ^_^ الاشراف : يرجى التحقق دوماً من صحة الآيات قبل كتابتها وفقكم الله |
شكرا لكم جميعاً
وشكراً ابن المكلا . انا عارفه انها اسرار بس ماخاب من استشار وشكرا على الكلام الحلو بالنسبه للاخ سوري حنون كان ردك اقرب لشي لقلبي لنك فهمتني ما أكلم بنت فلتانة وأشحن لها الجوال من أجل تكلمني هكذا الكلام بالحرام أكلم زوجتي واستمتع معها بالحلال دائما هذا كلامه لي يقولي انا غصب عني اسوي كذا وانا ماابي الحرام عشان كذا تزوجت ويحاول يطمني لكن بحاول معاه والله يعيني يارب وشكرا للجميع بنتظار راي البقيه |
انا مع ابن المكلا بكل كلمة
|
والله ما اعرف شكلج
انا مثل حالتك بس انا وخطيبي متفقن على هاي النقطه يعني تعودت اني ما اصده ووصلت لمرحله اني حته لو كنت اتضايق اني ما اصده لانه تعود وغير انو الموضوع يضوجه بس ما يحاول يبين الي يجي على نفسه ولا يراويني مضايق من هيج شي ويحبني اتجاوب وياه واعرف اذا ما اجاوبت وياه ما راح يطلب بحياته وراح ياخذ موقف لانه ما يحب ينصد بس بنفس الوقت ما عندي مشكله شنو راح يفكر لانه مقفتنع اني حلاله وانو ما نسوي شي غلط فأنتي اعرف يخطيبك وانتي الي تكدرين تحكمين اذا شعرتي انو راح يجيك كلام من بعد استجابتك فلأفضل انو تصبريه حته لا يصير شيئ انتي في غنا عنه ,,, وبالتوفيق والف مبروك الزواج مقدما تحياتي |
المشكله بسيطه والفتره قصيره يعني خلاص هانت ماباقي شي دلعيه وقوليله ماباقي شي
يعني الهيه بكلام وغيري الموضوع قوليله بعذبك عشان تشتاقلتي اكثر ونسوي كل شي يوم الزواج المهم سايريه على هالكلام لين مايعدون هالشهرين على خير |
الله يجزاك خير يا دانتيل ~
كلامك عين الصواب ,, . |
ابن المكلا .... رائع منك
انا كمان استفدت شكرا كتيرررررررررر :22: |
بسم الله الهادي إلى سواء السبيل الأخت الكريمة طلبت حل لمشكلتها مع زوجها ... فتسابق الكل على إصدار الفتاوى بخصوص الموضوع ووصل الحال بالبعض من الأعضاء هداهم الله بأن يتراشقوا بالفتاوى فهذا يضع فتوى وأخر يرتب الأحكام ... وهكذا وترك موضوع الأخت بلا حل أو جواب أيها الأحبه الكرام هذا الموضوع بهذه الصيغة بالضبط عرض على سماحة الشيخ محمد بن صالح آل عثيمين رحمه الله سئل الشيخ ابن عثيمين رحمه الله : هل يجوز للزوجين أن يتحدثا عن الجنس بالهاتف ويستثيرا بعضهما حتى ينزل أحدهما أو كلاهما بدون استعمال اليد لأنه محرم ؟ يحصل هذا لأن زوجي يسافر دائما ولا نرى بعضنا إلا كل 4 أشهر . فأجاب : لا بأس ، نعم يجوز هذا . السائل : ولو كان باستعمال اليد . الجواب : استعمال اليد فيه نظر ، ولا يجوز إلا إذا خاف على نفسه الزنا . السائل : وبدون استعمال اليد لا مانع . الجواب : نعم بدون استعمال اليد لا مانع ، يتصور أنه معها لا بأس في ذلك " انتهى . ويستنبط من هذه الفتوى التالي : * جواز الحديث الجنسي بين الزوجين على الهاتف أو في برامج المحادثة المختلفة . * جواز الإستثارة الجنسية بين الزوجين على الهاتف أو في برامج المحادثة المختلفة وإن وصلت للإنزال ولكن بدون إستخدام اليد . * إستخدام اليد في إثناء هذه المحادثات فيه نظر إلا في حالة مخافة الوقوع في الزنا . المرجو من الجميع التوقف عن الحديث في الأمور الشرعية ومحاولة حل مشكلة الأخت من الناحية النفسية والإجتماعية ونعتذر من الجميع بأننا سنقوم بحذف أي رد يتحدث عن المسائل الشرعية حفظكم الباري ورعاكم بوركتم |
سبحان الله ذكرتيني اختي بأيام الملكه في البدايه يمكن يصير معك كذا لكن تطمني وضعك كان زي وضعي
يعني في البدايه حاولي تتمنعين شوي ولا تزيدين العيار خليك معه على خفيف حلو الوحده تتمسك بحياها وخليك معه لا تمنعينه مره يعني امسكي العصا من النص وهو حلالك وانتي حلاله بعدين راح تتذكرين هالايام وتفقدينها ولا هو حرام الي يسويه مافيها عيب ولا تلومينه شاب وتوه متملك وزوجته ولافيها عيب الله يوفقك ويتمم عليكم:17: |
السلام عليكم ،، اخي المجاهد بارك الله فيك على نقل هذه الفتوى للشيخ ابن عثيمين رحمه الله لكن هناك أشكالية في هذه الفتوى واعتقد لو تنبه الشيخ لها لم افتى بذلك وهي ان المحادثة مع الزوجة عبر الهاتف او برامج المحادثة الاخرى غير مأمونة ويمكن التنصت عليها او الحصول عليها من أطراف اخرى مما قد يقع فيه ضرر و مفسدة على الزوجين هذا فضلا على انها خادشة لمرؤة الرجل خاصة وان الاخت في فترة الملكة ولم يدخل الزوج بها وهذا يخالف فطرتها ويجرح كرامتها ويفسد حيائها اعتقد ان الاستعجال في هذه الامور لايصح فهذا ليس مكانه ولا وقته وعلى الزوج الصبر حتى الدخول على زوجته ومن هنا ثمرة الزواج |
نصيحتي
اختي رهيفة الاحساس
نصيحتي من قلب مسلم الى قلب مسلم ان شاء الله المشكله التي تتعرضين لها ليست مشكلتك بل هي مشكلة انجبها المجتمع وعاداته فزوجك معه الحق فهو بالاساس لم يتزوج الا لحاجته لذلك وللاسف الشيطان اتخذ منه مطيه لسبل الظلام فما يطلبه منك ليس من قلب عمره الايمان بل هو نبع من قلب وجد الشيطان اليه سبيلا فما بني على باطل فهو باطل فالعادة السريه بالتلفون هو خطا مركب وهو من عمل الشيطان والاصح هو التبكير في الزواج حتى لو كان ذلك على حساب بعض الترتيبات التي تعكفون على اعدادها من تفصيل ملابس وعرس وحفل وخرابيط ومظاهر ما انزل الله بها من سلطان ماهي الا عادات سيئة تبناها المجتمع والا لما ذا الزواج يكون بعد شهرين وكيف فرضتوا على الزوج ان يصبر ستون يوما وهو بأمس الحاجة لتحصين نفسه الحل يبدأ من عندك ويحتاج الى جراءه وهو ان تعجلي في الزواج لتنأي بنفسك من الدخول في نفق الشيطان المظلم والله الموفق |
اشكركم جميعاً وجزائكم الله الف خير
والمشكله الحمد الله تقريبا انحلت لني حاولت اقنعه بان هذا الشي حرام وانه راح يخرب فرحت اول يوم والله كلامكم ساعدني كثير ولقيت الحل الامثل هو الصبر وخير الامور اوسطها حاولت اكون وسط يعني على قول المثل لاتكن لينا فتعصر ولاتكن صلباً فتكسر اشكر كل من ساعدني |
| الساعة الآن 08:32 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©