|
آخر مستجداتي مع زوجتي
السلام عليكم ورحمة الله وبركاته
يسعد مساكم كيف حالكم يا اخواني عدت اليكم بعد غيبه وودي افضفض لكم شوي خلال الفتره اللي راحت من يوم ما رحت من عند زوجتي الى الان اللي بينا فقط رسايل واني اعيش في حاله نفسيه وصارت مستجدات خلال الفتره اللي راحت الوالد ذهب اليهم زياره وجلس مع زوجتي وقال ان زوجك ماهو مرتاح ولا مبسوط ومدري ايش قال بعدها وصلتني رساله منها انها تضايقت من هالشي وانك لو متكلم من قبل وقبل لا اتعالج بيكون اهون علي من الحين قبل ما اتحسن واحسن وضعي معاك واحط يدك بيدي انت مليت وانا ببداية علاجي انت صبرت وماقصرت وما جنيت ثمار صبرك وانا ماني جابرتك تصبر علي حبيت اوصلك اللي بخاطري فرديت عليها قلت انا ما قلت كذا والوالد عارف وضعنا وان قصدي ما هو مبسوط معك قصدي وضعنا اللي صاير وحنا اعلم فيه وانا لو اني ماني مبسوط كان ما تعاونت معك هذا من نفسي لاجبرتيني ولاصبرتيني وانا ابيك من نفسي امس ارسلت لها وقلت لها كيف تحسي وكيف وضعك الحين حاسه براحه وانا ما ابي اعذبك معي وبنفس الوقت ابيك ترتاحي وانتي مافيك شي السبب اني معك ولا قدرتي تاخذي راحتك وتعودين معي وعارف انك ماتبين كذا وتغصبي نفسك بس نتي قادره وما قصرتي تحاولي وبنحاول وانا معك وقلت لها تحسين اذا بعدت عنك ترتاحي هذا اللي خايف منه ولاهو بيدك ولا ذنبك وانا باقف معك من غير ما تطلبي وانا الحمدلله شايف انك مهتمه ومفرحني هالشي انتي ادرى بنفسك والكلام مو عشانا انا مليت لا اكبر من كذا وبيكون عشره مدري وش اللب ببالك او طفشتي كتبت هالكلام ابي اعرف شعورها وش تحس فيها ردت علي وقالت الحمدلله احس بفرق احسن من اول بكثير وما اكذب عليك لما اكون معك اتضايق واذا كنت عند اهلي واذا جاء طاريك اتضايق والله ما كنت اقولك لاني ما ابي اضايقك انت وانا لو احد يقول لي اتضايق تقصد نفسها بتأثر وبنفس الوقت كنت اظغط على نفسي واحاول مدريوش السبب اتعب واقلق حسيت بأحباط ويأست لاني قبل حاولت بس بدون فايده كنت اقول لا هالمره غير بسوي واسوي لكن لما تجي اتعب واتعب ويتغير كل شي لدرجة ما اقدر اتحرك احس اني مربطه بس انا الحمدلله الحين مداومه على الرقيه والعلاج واحس بتحسن دعواتك هذا اللي وصلني منها وعرفت وش تحس فيه بكلامها لاني انا من غير ما تقول شايف هالشي هذا مهي ماخذه راحتها بس ودها رديت عليها ادري غصب عليك ولا راح اقولك ليه شي من ربي ولاراح اشيل ابد شي ناحيتك لاني متاكد نفسك تسعديني وتسعدي دام انك تحاولي ولا ودي تحبطي لكن ما دام تحسي بتحسن الحمدلله بسوي اللي اقدر عليه معك عشان ترتاحي لانك تعبتي اكثر مني بس كله عشان ربي يوفقنا اذا الله اراد راح يكون وما ندري وش الخيره فيه بس الله يكتب اللي فيه خير هذا اللي صار يعني ما ادري وش اسوي انا حاس انها تعبت هي صح ماتبي بس احيانا اقول الطلاق راح يحل كل شي ويمكن الامور ما تكون زي مانحب لاني انا ابي انسانه تشبعني واقول لا بعد العلاج والشفاء بتغير 180 درجه وراح اكون معاها نهاية هالشهر واحيانا اقول لا هي بنفسها قالت اذا جاء طاريك اتضايق فكيف اذا صرت معها واهي تقول اتحسن انا واحيانا اقول لا اخر شي رمضان احس ان تفكيري يودي ويجيب يعني ادري انه غصب مو عيب فيني تتضايق او مقصر هي بنفسها تقول انا مقصره معاك بكل شي وان شاءالله ربي يفرجها دعواتكم لعل الله يبدل من حال الى حال |
الله يفرج همك ويشفي زوجتك
اي خطوه تبي تسويها استخير قبلها والله يكتب الي فيه الخير لك ولها |
الله يسهل عليك امورك وخلك واقف معاها حتى تتشافى
باين عليك رجل شهم واصيل تحياتي |
لاتتركها اخوي دان هي حاسه بنفسها وبتصرفاتها ...شئ مبشر بالخير...بس انت لاتتركها بعدين اسال الشيخ
احيانا المريض من كثر تهئيات مو قادر يضغط ع نفسو يعني هو خالق مشكله بنفسو....عشان كذا انت روح معها لشيخ واسالو لاتخليها تتعود.حتى لوتضايقت منك لاتحكي لها انو انت منتبه خليك طبيعي وتغافل انو هي متضايقه...اجلس بجنبها احضنها حسسها بوجودك... انت فكر فيها كثر البعد يخلق حاجز فكيف مع المرض روح معها قرب منها ....بس لاتتركها وهي تحبك |
الله يارب يجزاك الخير لتقديرك لزوجتك ومواصلتك واهتمامك فيها باذن الله نتايجها راح تكون كويسه وخلي شيخ يشوفها دايما ويقرا عليها
الله يعينكم يارب ان شاالله فتره وبتعدي |
الله يفرج عنك و يشفى زوجتك
|
الله يشفيها ويعافيها
ويسعدكم ويسخركم لبعض عاجلا غير آجل |
|
طول الوقت افكر وش صار عليك وليه تغيبت كثير
والحمدلله على رجعتك عقبال رجوع زوجتك بالعافيه لاتنقطع ياخوي عنا نبي نعرف وش صار معك لأننا كلنا معك ونحاتيك انا مادري وش اقولك صراحه بس عسى الله يفرجها عليك وعلي كلنا مهمومين ياخوي الله يفرجها لنا ولاحول ولاقوة الابالله |
اقتباس:
الله يجزاك خير يارب والخيره فيما اختاره الله |
اقتباس:
اللهم امين يارب ويجزاك خير |
اقتباس:
ومن ناحية متغافل بالعكس ما احاول احسسها بهالشي من زمان ولا عمري عصبت عليها بالعكس اشجعها لكن اني احضنها انا بالعكس احاول اتقرب لكن الايام اللي راحت مهي مرتاحه على الاقل لما تاخذ شوي لانه باين عليها مو مرتاحه يمكن الايام الجايه اشوفها احسن انا اشوف بكلامها انها تقول متحسنه لكن لما اكون معها مدري كيف راح اشوفها وانا مبين لها حبي بالافعال والكلام وهي تحبني لكن فيه مانع مانعها تتضايق حتى من الطاري لي وهذا اللي بيخليني اتعب اكثر الله يجزاك خير |
اقتباس:
ان شاءالله فتره وتعدي الله يجزاك خير |
اقتباس:
اللهم امين الله يجزاك خير |
اقتباس:
اللهم امين الله يجزاك خير يارب |
اقتباس:
والله اعلم في نيتي مع اني مقهور من الداخل عشا وضعنا بس الحمدلله على كل حال ابتلاء وانا صبرت وظغطت على نفسيتي واشوف الناس متهنيه بس اقول ان شاءالله راح ننعوض هالايام وطول الايام اللي راحت اني ما افكر الا بوضعنا ولا افكر بنفسي لحالي دام انها زوجه لي ومسالة اني اطلع اشاعه بالعكس راح ينعكس الوضع عليها انا حاس بهالشي انه ما يساعد وبصبر لحد رمضان اذا الوضع على ما هو عليه عذاب لها ولي يكفي اللي راح والله يجزاك خير على دعائك ويوفقك يارب |
اقتباس:
وانا احس اني لي اخوان بهالمنتدى ماقصروا معاي لا بالكلام ولا بالتوجيه والدعاء والله يجزاك الف خير ويفرجها علينا جميعا ويوفقك |
أبسألك يامظلوم زوجتك لما تقرأ وش يصير لها هل يظهر عليها شئ يبين ان فيها شئ؟
والشئ الثاني ربما زوجتك يكون في أحد عينه فيها قبل تتزوجك وحتى قبل تتزوج اللي قبلك اذا صار في أحد يبي شخص ماحصله تظل نفسه فيه يعني عين تصيبه منه وذلك لأنه تمنى هالشي دون حصوله عليه ماسألت امها ماإذا كان أحد كان يبيها قبلك ..؟ كذلك هل زوجتك قبل تتزوج اللي قبلك عايشة حياة طبيعيه والا لا يعني وش كان يصيبها قبل تتزوج وش حالتها بالضبط |
اقتباس:
لما يقراء عليها الشيخ تحس بصداع واخر شي تجلس تبكي اخر مره لما رحنا كنت معاها وجنبها ولما يقرى يسالني الشيخ اسالها وش تحس فيه اسالها اقول لها تحسين بصداع تقول ايه واحسها تتضايق ودوخه وانا ملاحظ عليها بعد ما نخلص ودها تنام من التعب ولما طلعنا قلت لها بنتمشى ابيها تغير جو لكن دايخه وتبي تروح تنام واوديها وسئلت الشيخ قال االي فيها نظره عين وخلها تقرى على نفسها والعين تجيب المس ولا فيها سحر نعم الله عطاها جمال وكل من شافها يبيها وناس كثير يبون يخطبوناه حتى قبل ما اخطبها انا واظن قبل لا تتزوج من قبل حتى اخره مره حظرت زواج لاخوها تعبت فيه ولا كملت بالزواج كل من شافها قال هاذي مخطوبه اولا انا ما ادري عن حالتها قبل زواجها الاول لكن اهي هاديه جدا مو مثل اخوتها وتعبت من يوم تزوجت قبل واخوها يقول من يوم الملكه واهي مهي مرتاحه وكان يقول لي عن زوجها نفس الكلام اللي قالته لي انها تتضايق من طاريه والشي هذا صاير معي يعني ان اظن انها عين عن الزواج وانا متاكد اني لو اطلقها راح يجيها خطاب |
مظلوم زوجتك حالتها واضحه جدآ
إصابتها بالصداع والدوخه والتعب تدل على العين هل زوجتك حريصة على قراءة الأوراد والأذكار كل يوم صباحآ ومساء قبل تتزوج وبعد ماتزوجت؟ خلها تقرأ سورة البقرة كاملة في جلسة واحده راح تتعب أول مرة وثاني مرة لكن لابد تستمر كذلك في منشورات وكتيبات تباع في التسجيلات الإسلامية تخص رقية العين والمس والسحر اقرأها لها في ماء وأعطه اياها لتشربه وحرصها على ذلك ربما جمالها اصبح ابتلاء لها ومحنة في الدنيا ولكن الله مع الصابرين وسيجزي الشاكرين سبحانه لاتنسى يامظلوم أن تقول استودعت الله زوجتي ونفسي الذي لاتضيع ودائعه لاتنسى الصلاة في آخر الليل وحرّص زوجتك على ذلك ابكي وتضرع لله سبحانه اسأله الإجابة بإلحاح ستشعر براحة تصدق عنها كثيرآ بنية شفائها دع أمها تأخذ لها من الجميع من كل اقاربها وجيرانها من الجميع وحتى من اولادهم وابائهم فلا حرج في ذلك اذا كنت تريد شفائها قم بما أقوله فالله سبحانه لايخيب عبدآ دعاه مهما صدت الأبواب في وجوهنا يبقى باب الله مفتوحآ وفقك الله وفرج همك وهمي وكل مسلم |
اقتباس:
نعم حريصه على الاذكار ودايما قرأن معاها لما تكون معاي واوصيها بالقرايه واهي قالت لي انها حريصه على الرقيه هالايام وجبت لها اشرطه من سورة البقره واشرطة المس والسحر والرقيه الشرعيه وقلت لها تقراء سورة البقره كامله تقول قراتها بس ما تكملها تتعب ولكن حرصت عليها وقلت لها تحاول ومن ناحية صلاة الليل شفتها كم مره تصلي اهي الحمدلله الصلاه والقراءه ما تخليها ونفس كلام امها ولما تكون معاي اصحيها للصلاه عشان تصلي ونسيت اقول انها تشكي من رجلها وتتعبها لكن يا اختي والله مدري وشلون باكون معاها واهي تقول اتضايق لما اسمع طاريك انا كنت مفكر انها تشتاق لي لما اروح والدليل كلامها انها تقول نفسي اسوي لك هل ممكن تكون تبيني وكارهتني بنفس الوقت بسبب العين الله يفرجها ان شاءالله ويصبرني ويشافيها |
اخوي مظلوم هي تحبك ولكن العين التي اصابتها سبب ضيقتها يعني هي ليست مخيرة
ياخوي العين حق والرسول قالها واذا دعيت ادعو بإلحاح مع تجنب قول ان شاءالله عند الدعاء سؤال ياخوي انت يوم تخطبها كنت تدري عن حالتها؟ اما وجع رجلها فهذا دليل على تأثر العين بالقراءة استمرو وستجد بإذن الله العافيه ولاتنسى أن تسأل الشيخ عن ألم رجلها فرج الله لك ولا تنسى الصدقه ياأخي ياليت ياخوي انك تاخذها لعمره انت وياها له تأثير نفسي واسألو الله أمام الكعبة بإلحاح ان يشفيها ويملأ حياتكم سعادة وهناء |
والله أياخوي مدري وش أقولك
الله يعينك ويفرج همك ويشفيها ويردها لك دامها صارحتك وتكلمت معك .. أنا أتوقع أن هذا بحد ذاته خطوه إيجابيه لانها قبل ماترضى تتكلم معاك ولاتناقشك .. سبحان الله حظها حلو أنها لقت رجل يصبر عليها ويوقف معها ويعالجها أن شاء الله أنها بدايه خير وأنت عطيت نفسك فرصه حلوه يعني قدامك شهرين وأن شاء الله ترجع لك طيبه .. والا أنت كفيت ووفيت والا يوفقكم جميع |
ماتصور قد ايش فرحتني....الله يشفيها يارب
اخوي اكلمك من واقع شئ انا مريت فيه وللان ولكن الحمدلله....اخي العين كثير من ناس يشوفها عادي بس صدقني تهلك الانسان هلاك وهي دام انها بدت تطلع من عزلتها وتنبه مع ناس تقدم كبير ...بس موضوع انو هي تكرهك لا ياخوي ورب البيت ماتكرهك شوف انا حلفت عنها لانو عارف احساسها وبالي هي تمر فيه هي ضقية صدر ومو ضيقة صدر عادي تنطبق انفاس الادمي لدرجه ماتصورها مايعرف وين يروح واحيانا يبين ع شكلها شئ وهي مو قاصده هذا من غير الافكار الي هي تطرح براسها عنك ياربي هو كيف متحملني مو حرام عايش معي كذا تلقاها تانب نفسها وهي مالها ذنب بهذا الوضع.....الله يخليك اخوي لاتكون حساس من ناحية انو هي تكرهك وهو العكس صداع انا كنت اشتكي منو بشكل مبالغ وباستمرار ولله الحمد اختفى احساسها ورغبتها بالنوم ولو تلاحظ اثناء القراءه يخرج احيانا من المريض عرق كثير كانو احد كاب عليه ماء ويكون دايخ ع حسب مافهمني شيخ انو مؤشر لخروج العين ورجل عادي انا جاتني فتره صرت اعرج والان ولله الحمد مافي شئ بالنسبه لموضوع انو تصبر لرمضان اخوي اسال الشيخ انا والله ماعلم عن نفورها منك كزوج لانو انا عادي بالنسبه لي هي حسب العين ع ايش صابتك اعرف الامر صعب عليك بس اسال الشيخ سبب طلبي منك بهالشئ الشيخ يكون شايف حالات كثيره وصدقني راح يعلمك بشئ الافضل اما موضوع ابتعادك عنها لا ضل تواصل معها لو بالقوه يعني سو حالك مو فاهم او حاس انو هي متضايقه تاكد بانها تاخذ العلاج خل اهلها يراقبونها حتى لو هي اكدت لك لاتخلوها تجلس لوحدها حتى لو طلبت هالشئ صدقني الجلوس لوحدها مصيبه بياخر علاجها سؤاء بقيت معها او لا انا متاكده انو هي ماحتنسى وقفتك معها وان شالله تظلون مع بعض وتتحسن باقرب وقت |
اقتباس:
فعلا مخيره وماهي كيف عارفه كيف تتصرف معاي يعني انا اللي اقول لها واساله واقول طمنيني هي بنفسها محتاره بنفسها يارب يشافيها وانا يوم كانت متزوجه كنت اسمع انها تعبانه مع زوجها وكانت تتعالج عند مشايخ يودونها اهلها لكن ما ادريوش طبيعة التعب زي كذا على بالي انها ماارتاحت مع زوجها او انه ما حصل بينهم تفاهم وكان يبي يعالجها لكنها ما تعالجت عند دكتور الا معاي وكان يبيها بس هي تعبت تعب لدرجة فكروا انها مسحوره وخف وزنها بشكل يخوف سمعنا انها بتتطلق خطبناها بعد ما سمعنا انها بتتطلق وسالوها واخذوا رايها موافقه تم الزواج بعد اقل من سنتين من زواجها والله يجزاك خير على دعائك |
اقتباس:
ان شاءلله خطوه ايجابيه وتكلمت معاي بالرسايل فقط ما ادري كيف لو اكون معاها لكن بحاول اشجعها ولا راح اقصر سواء شفت تحسن او لا على الاقل ارتاحت واكون مرتاح اللهم امين ربي يجزام خير |
اقتباس:
هذا اللي عرفته من امها انه يجيها شي يخليها تطبق انفاسها كنها مخنوقه ولا تقدر تسوي شي حتى معاي ملاحظ هالشي حتى لما سالها احيانا اقول متضايقه انتي تقول ايه شوي والله اني احاول واحاول اني ما ابي واعلق واضحك ابيها بس تشجع حتى انا لما هي معاي اشوف ان ودها بس الحياء احيانا يزيد من هالمشكله لانها ما تعودت من البدايه واللي فيها نفور مني بسبب تعبها قبل كانت تجلس بعيد لما اقول لها تعالي جنبي اجلسي تقول مرتاحه هنا اقول خلاص اللي يريحك وكم مره اعيد عليها قلت يمكن وحسيت لكن الان يعني احسن من اول يعني بامكاني اكبرها واقول تعالي انتي ليش كذا لكن عرفت انها تتعب وصرت اخليها على راحتها واشجعها شسوي ما فيه شي بالاجبار ومن ناحية العلاج تاخذه متاكد لكن بالنوم تذهب تنام لكن تعطيني ظهرها احاول اني اسولف او اتقرب بس تصير تذهب للنوم قبلي او تنتظرني لحد ما انام صار عادي عندي لاني عارف انها تعبانه الله يعطيك العافيه يارب |
ربنا يشفيها يارب ويصلح حالكم يارب اخي انا فكرت والله اعلم بينكم سحر يمكن ليه لا هذه الاعراض اعرقها من قرائتي لاعراض سحر التفريق وفيه علاج لهذه الحالة ياريت الاعضاء يقدرون يفيدوك اكثر مني لا حول ولا قوة الا بالله
|
مظلوم ماقالك الشيخ اذا هي مسحورة طبيعة تعبها توحي بأنه سحر لأن لو فيها مس كان نطق اللي فيها وتكلم
وان كانت عين فهي عين قوية جدآ عين لاتذكر الله لاتعتمد على العلاجات اكثر من القرآن لأن اللي فيها مو نفسيه انما شئ خارج عن ارادتها انت متزوج قبلها ؟ او زوجها الأولي متزوج قبلها ربما لو كنت متزوج قبلها ربما هالشئ مؤثر عليها كإحساس اي انها حساسه |
اقتباس:
قال ما فيها سحر اكثر من شيخ واللي فيها عين ونفسيه وقال بعد انه ما تاصل لهالدرجه اللي تتكلم عنها انا شرحت له كل شي قال العين تجيب المس واكيد بياثر على نفسيتها لانها تعبانه من زمان بزواجا الاول 3 سنوات وفتره سنه واكثر بعد طلاقها ومعاي سنتين وانا اول زواج لي هذا وزوجها كان اول زواج له منها والحين تزوج وعنده اطفال |
ايوا ياخوي انا اقولك اللي فيها مو مرض نفسي حتى تعتمد على العلاجات لذلك اقولك ركز على الرقية وقرآة القرآن وشرب ماء زمزم
انا قد صابتني عين واخذت من الناس والحمدلله اللي ربي شافاني لأني وقتها كل شوي وانا رايحه للمستشفى لدرجة حطو علي أجهزة القلب من شد ماجاني على بالي بموت وربي والحمدلله حاول تقولها تروحو لعمرة لاتكون بعيد عنها حتى لو مارضيت لاتأثر نفسيتك ونفسيتها زود مانتو متأثرين |
واللي فيها نفور مني بسبب تعبها قبل كانت تجلس بعيد لما اقول لها تعالي جنبي
اجلسي تقول مرتاحه هنا اقول خلاص اللي يريحك وكم مره اعيد عليها قلت يمكن وحسيت لكن الان يعني احسن من اول يعني بامكاني اكبرها واقول تعالي انتي ليش كذا لكن عرفت انها تتعب وصرت اخليها على راحتها واشجعها شسوي ما فيه شي بالاجبار اخوي انا اقصد اذا هي مبعده عنك فرضا بالجلسه لاتطلب منها :25:روح انت واجلس بجنبها ماقصد انو احكي انت تكبرها شوف هي حتتضايق بس مراح تتكلم شوي شوي خلاص صدقني احيانا اطردهم خير وش تبغون مابغ احد عندي والله عادي ولا كانهم يسمعون واحيانا كنت ابكي اش ذا ابغ اكون لحالي واكبر سالفه شوي شوي الين مابديت ارجع لطبيعتي الان انا الي الاحقهم :d اثناء النوم سهله اخوي حط يدك واحضنها حتى لو هي نايمه تغاضى لو هي بعدة وحاولت تشيل يدك سوى حالك نائم الامور بالتدريج.. مابغ اتفلسف عليك بس ارجع واكرر اخوي بحقك شرعي اسال الشيخ !!!! يمكن البنت خايفه يمكن منحرجه يمكن وسواس ماتدري انت . الله يسر امركم |
اقتباس:
الله يجزاك خير يارب |
اقتباس:
لا الحمدلله على الرقيه والعلاج وبنحاول اذا في امكانيه نروح العمره لما اشوف انها مستعده الله يعطيك العافيه |
اقتباس:
بحاول المره الجايه وبشوف ودي اخليها تتعود قبل كنت لما اقرب منها تتضايق بعدين تروح تنام واثناء النوم احاول اتقرب لها يمكن سهله بالنسبه لي لكن تقول ابي اناااام ما تعطي فرصه احسه انها بهم والا انا ودي بحاول الله يعطيك العافيه |
رجل ونعم الرجل انت على هالتضحية ويجعله في موازين حسناتك الله يفرح قلبك بشفائها
|
ياخوي خلهاتروح عمرة وتغسل بزمزم
وعندي رقم وحدة راقية تعلمك اذا فيهاسحر اوعين اوقرايت عليهاااول ماتطللقت من هول الصدمة لاني طلقت مرتين وع 24 وبدون سبب واضح ادع لي وان شاءالله اني صايمة غداوماراح انساهامن دعواتي يارب تفرج همهاا وهمك والله ان مامرعلي مشكلة كثر مشكلتك بس انااقول لك وخل الامل بالله كبير وابتلاء من الله وانت ان شاءالله منصورباذن الله بس تفائل خير والفرج جاااااااااااااااي جاااااااااااااااااااااي ان شاءالله يارب توفقك وتعيش ملك باحلى مملكة يارب فرج همة قادرعلى كل شيء يارب عوض صبرك خيرررررررررررر يارب |
ان الله مع الصابرين وسيجزي الشاكرين
|
السلام عليكم ورحمه الله وبركاته
اخي العزيز أحييك على رجولتك وشهامتك وصبرك ماشاء الله عليه انت نعم الزوج حقا ابقى جنبها وساندها صدقني هي الان في شده وعندما تزول سوف تعود الى عافيتها وتعود المياه الى مجاريها وسوف تتذكر دوما موقفك الشهم معاها ساندها دوما وانصحها ولا تقطع بيها وان شاء الله ربي يهديها الى الخير ويصلح حالها يا أرحم الراحمين |
الله يشفيها
متااااااابع لموضوعك من زماااااااان الله يصبرك ويجزاك خييييييير |
| الساعة الآن 09:57 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©