|
لم نكمل اسبوع ويطلب انام معه !
السلام عليكم
و الله اني احتاج مشورتكم .. ما كملنا اسبوع من العقد .. .....وبعدين قام يقبلني .. و بصراحة .. تركت لي اثر ع الرقبه .. وانا خايفه يشوفوها اهلي .. يعني لنه امس كننا تونا في رابع يوم .. و قال لي نامي وياي مارضيت .. قال ليلة الجمعه مارضيت .. و بصراحة خايفه ومتوتره تونا جداد ومانعرف بعض زين .. . أنتظركم الاشراف : عذراً يمنع الوصف التفصيلي تعديل بسيط في العنوان ., |
ياحياتي انتي اصحك اصحك اصحك تطاااااااااااااااااوعيه اولا وضع زوجك شوي مريب ماودي اخوفك بس هذا النوع من الرجال لازم تكونين حذرة معه بشكل كبيـــــــــــر يعني من اسبوع واحد يحضن ويبوس وغير كذا بكل وساعة وجه يقول ابغى ..........!! اختي انتبهي لنفسك وياليت تخففوا زيارات وإذا كان ولابد فخليها بوجود الأهل عشان تكون رسمية اكثر بدون مايقرب منك إذا اعطيتيه من الآن اللي يبغى خلاص إيش باقي يحمسه للزواج منك !! فانتبهي ياغالية ربي يستر عليك |
اكيد لا تعطيه
ولمحي لوالدتك انها تجلس معكم لما يجي |
حبيبتي انتي باي دوله
لان كل دوله حسب العاده مثلا من حوالي 30 سنه واكثر اعرف كل اللي متملكين في بلادنا يأتي العريس يوم في الاسبوع وينام هو وعروستو في نفس الغرفه والسرير ولا يدخل عليها اختي كذلك الامر وكل اقربائي والاصحاب والجيران واحيانا الخطبه تمد سنتان ومن ثم الفرح ويدخلو واخي وقت جا وكان عريس نفس الشي كانت العروس تنام عندي يومان في الاسبوع هي ابنة سلفي ينامو بنفسس الغرفه والسرير وقتها رفض يعمل فرح وانتقل الى بيته اتذكر وقتها كان ليلة الاربعاء وسألني قلت له اني اعلم ان الخميس ليلة الجمعه حلال واجل دخلته لثاني يوم يعني عنا عادي ولكن حاولي ما يترك اثر على الرقبه والف مبروك |
ربي يحفظ لي حبي
. تسلمين والله اختي ع النصيحه .. وانا قدر امكاني .. بحاول امنع هالشيء يصير وبقلل من سالفة جلوسنا مع بعض لوحدنا ، والله تسلمين اختي : بكر الشايب ,, انا بنفسي خايفه اقول لأمي .. وخايفه حد يلاحظ من البيت لكن تسلم اخوي : جرين .. تسلمين والله اختي بس انا بحرينيه و الخليج مايصلح عندهم هالشيء |
بحرينيه ..
انتبهي على نفسك .. سلاماااااااااااات ينام معك .. إذا اعلنتوا الزواج ياخذ راحته .. قولي له هيك .. موفقه |
تسلم أخوي طيب و حالته حاله
إن شاء الله ^^ ، لو حاول اليوم .. بقوله هالشيء |
اختي خجول وردي
اللي اعرفه بالبحرين عادي يتملكون ويدخل عليها وبعدين العرس مدري انا اعرف اغلب البنات بهالطريقة في البحرين للعلم انا امرأة ولست رجل :) |
هو عادي بكر الشايب
بس مو لدرجة نامي معي احنا عندنا في عايلتنا هالشيء غلط وموب حلو متربين ع هالشيء .. يعني بعد الزواج يسوي اللي يبيه .. بس هم موب حلوه و تونا اربعة ايام وانا وهو قررننا نتزوج عقب شهر رمضان .. وللعلم فترة قصيره مره هاي .. انه عقب شهر رمضان |
خلاص دام عقب رمضان ما بقى شي فديتك
كلها شهرين وخلاص تصيرين في بيته امتنعي عن شوفته قوليله بصراحة اذا ما تقدر تسيطر على نفسك لا تجيني وكلمي اختك الصغيرة مثلا قوليلها استحي منه خليك جنبي لما يجي او طلي علينا كل شوي قولي لأمك استحي منه موت يمه خلك حولنا .. هي رح تفهم الله يوفقك يا رب |
اهم شي ما تردينه بقوة او بالنفي
لان الزوج الحين حاط في باله انج زوجته شرعا .. ومافي شي فوق الشرع خليكي سياسية ودبلوماسية وايد.... لازم تقوليله انته زوجي وانا حلالك وانت حلالي بس انت عارف ان هالتصرف يخالف عرفنا وان اهلنا بيتضاقون من هالشيء وحجة اهالينا ان خلال هالشهرين لا سمح الله صار شي .. ك عدم توافق او وفاة العريس او ان العرس تأجل لأكثر من شهرين في هذاك الوقت راح يكون البطن بارز في العرس تتم الزوجة حامل من اول نومة ؟ حتى لو اقنعك ان ماراح يصير شي من هذا القبيل وبيقتصر على الاحضان و القبلات قوليله ان ممكن ماراح نقدر نمسك انفسنا وان البنت ممكن تحمل وهي لسه بكر .. لا زم تفهمينه هالنقطة ربي يحفظ لك زوجك ويهديه خليك متفهمة معاه وخليك دبلوماسية بكلامك .. كأنك واقفه في صفه بس تقولين ان العائق هو العرف تحياتي |
اقتباس:
|
الحل يالغاليه انك تقولي لأمك تخلي احد من اخوانك او اخواتك الصغار يتردد عليك انتي وهو كل شويه بحيث مايقدر ياخذ راحته ويصير شي ومثل ماقالو الاخوان لاترديه بالقوة لكن ممكن بالدلع والسياسه عشان لاتجي في نفسه شي منك |
قولي له (لأ) بكل صراحة و وضوح لانه لو حصل شي فانتي الخاسر الاكبر في الموضوع
|
ما ادرى الشباب وايش فيهم مستعجلين ؟؟
بعدين هو فكر نفسه خطب خلاص انت حلاله ؟؟ انتبهى لاقدر الله يصير وتتفرقون وايش يكون وضعك وبعدين قولى له اصبر لحين العرس |
انتبهي لنفسك ولاتعطيه مجال
ربي يتمم لك على خير ويوفقك |
قللي مكالماته يعني اثقلي شوئ
ولاتسمحي له بالنوم وخلافه وخلي كل شئ بوقته وفقك الله |
اقتباس:
:22::22: كلام سليم بدون لف ولا دوران |
اقتباس:
|
لا يخلوا بك كثير واذا خل بك خليك بعيدة عنه او الباب مفتوح ولا بمكان عام
وربي يوفقك |
حياتي اهم شي تنتبهين على نفسك يعني بوس عادي حضن ممكن لكن اتنامين ويا لايمكن خذي بالك
من نفسك لاتروحي حلاوة اول يوم زواج انتي ترة تخسري |
الله يوفقكم ويكمل لكم بخير...
مابقى شي على الزواج يعني... من رأيي إن يصير بينكم أحضان وتبويس عادي...بس طبعا بدون آثار..لأن هذا الشي يزيل بعض الحواجز النفسية بينكم من خوف وغيره....أما سالفة النوم (وتوابعه) لا حبيبتي ...حتى لو إنتوا حلال لبعض بس حلاتها بوقتها... بس بالبحرين حسب علمي...عادي إن الخطيب ينام مع خطيبته(طبعامتملكين)....بدون مايصير بينهم شي...يعني مجرد نومة...سواء في بيت الرجل أو المرأة بس عادة في بيت الرجل...وكمان بعضهم يدخلوا في فترة الملكة وبعدها يصير العرس...يعني على حسب تقبل العائلة والبنت ....وأهم شي تكون الخطوط واضحة...يعني اجلسي معه وتكلموا بصراحة....وماتقولي لساتني اخجل منه ومااعرف كيف اكلمه...هالسوالف مافيها خجل.... أنامن بداية الخطوبة...جلست معاه وتكلمت بكل صراحة (مااعرف من وين جاتني الجرأة)...وقلت له: حبيبي..أوكي إن يصير بيننا كل شي صار لحد الآن من تبويس وحضن وغيره...بس لما تجي للجد...اترك الموضوع للعرس...طبعا ناقشني بالموضوع وقال لي ماراح يصير أي شي ماتبينه...والحمدلله كانت خطوبتي أكثر من سنتين وماصار شي أتأسف عليه... استفيدي من هذا الشيء لتزيدي شوقه لك...وأيضا لتكون ليلة زفافكم ليلة رائعة.... |
السلام عليكم ورحمة الله وبركاته
اختي حذاري يقترب منك انتبهي |
احذري كل الحذر وافعلي جميع الاسباب اللي تخليه بعيد عن هذا الشي ء
وحدة عقدت ونفس الكلام زوجها صار يطلبها ويزن عليها ويقول أنتي حلالي ومدري غيش من هالكلام لما ضعفت وطاوعته تدرين إيش صار ... تركها وقال إنتي ضعيفة وما أقدر أثق فيك .. ولا تسألي وش صار وكيف حياتها والظروف اللي صارت لها بس أنا جبت لك الشاهد من القصة اللي يفيدك إن شاء الله |
لا تمكينيه من نفسك إلا بعد ماتعرفيه زييييييييييين يعني أقل شي بعد العرس ..لما تعاضريه بتعرفي من هذا ....انتبهي على نفسك ..ترى هالأشكال ....يسوو عملتهم وعادي يطلق لو سمح الله وانتي مو عذراء ...الله يعافيني ..انتبهي قوي شخصيتك وصدييييييييييييه بأي طريقة ...خلي حد معاكم ..يزعل بالطقاق ..اهم شي شرفك حتى لو هو زوجك ....
قوي امانك بالله وخليكي قوية صامدة ....وماعليكي غير الدعاء والله يحفظك ... |
تسلمون و الله اخواني و اخواتي
وفيكم الخير و الله ^^ . و آنا ولله الحمد أموري لسه ماشيه ولو شو ماراح امشي على شوره .. قبل ما استشير اهلي اهلي بنفسهم .. مايحبون انه الوحده تحمل في فترة خطوبتها هو عند بعض العائلات عادي المخطوبين ينامون مع بعض بس احنا عندنا موب حلوه في حقنا ولا حق اهله ^^ ولازم كل شي يتم فترة الدخول .. وهو مستعجيل يقول يبي اولاد بس عارفه دام في هالشي زعل لي ماراح يقدم عليه |
اولا اذا مرتاحة من الشاب فتوكلوا على الله وعجلوا بالزواج واحرصي ان لايختلي بكي رغم انه شرعا جايز بس وش تسوين اذا دخل بك وبعدها قالك مع السلامه
|
حبيبتي انا زوجي كان كذا .. من اول اسبوع
طبعا ما طاوعته بس كنت امشي معاه وخليته يقدم العرس يعني بعد ماكان بعد سنه صار بعد ٦ شهور وبعدين قدمناه زياده وصار بعد شهرين ونص من الملكه كلما قدمتي كلما كان في صالحك انتي.. |
تحملييييييييييييييييييييييييييييي
تحملي تحملي تحملي وماعليك منه ولا تقابلينه وااجد وتحملي تخضعين له تقولين هذا زوجي تحملي تسينها ممكن تغلطين وبعدين يتركك وقلك انت مالك امان او يشكك بشرفك تحملي اي اختي يمكن قاعد يختبرك او من هالقبيل ولا تقابلينه وااجدوخلي معك او اي حد من هلك يدخل عليكم والمفروض انك تحطين حساب لابووك يعني مثلاتخافين من ابووك كثير انا مثلا ابوي مستحييييييييييييييييييييييييل انه يصارخ علي اويعاقبي بس انا مخوفته من ابوي وهالشي لمصلحتي وزوجي كمان انسان متهووور بس يخاف من ابوي وااااااجد عن قبل لا يحط ايده على جسمي يحط لاابوي الف حساب وكله يقول اخاف يدخل فجأة وانا بدوري اخوووفه اكثر ابوي بيدخل علينا واقوله بكل دلع اذا انت مستعجل يالله عجل بالزواج وصحيح عجل بالزواج وعرسي راح يكوون ثاني يوم العيد واذا هو يحبك راح يعجل بالزواج تحملي انا ماابي اخوفك من زووجك بس حاولي تنتبهين ولا تسمعين لعواطفك |
انصحك ان تتعرفي علي شخصيته جيدا قبل ان تتعرفي علي جسده ، و يجب ان تتاكدي من حبه لك و تتيقني انه لا يوجد اي نقط خلاف بينكما قد تتسبب في الطلاق ، ثم بعد ذلك يجب ان تاتي هذه الامور بالتدريج ، فيجب ان تعتادوا القبلات اولا ، ثم ما يلي ذلك بالتدريج ، لان لو حدث ان نمتم مع بعض فجاة بدون هذا التدرج فسيدخل بك لا محالة ، و قد يحدث الحمل او قد يموت و تكونين وقتها لست بكرا و ليس معك ما يثبت انه دخل عليك قبل ان يموت ، احترسي اختي الفاضلة قبل تقدمي علي هذا الامر معه ، و لا تنسي الكشف الطبي عليه للتاكد من خلوة من الامراض الجنسية ، فهذا حقك .
|
الله يوفقك بس خليكي حذره وخلي امك حوليك لما تكوني معه احكيلها تبقى تطل عليكم كل شوي واذا حسيت انو خلص ما في عقل صرخي انا هيك اعمل يبعد بسرعه ههههه مسكين |
السلام عليكم
بس ابغى اصحح معلومات البعض فى البحرين توجد فئه ( مذهبهم غير) يدخلون بعد الملكه |
:30: الله يسعدك ويوفقك ويتمم فرحتك ----احذري تسليمه نفسك الان ----بعض الرجال او القليل منهم اذا اخذو حقهم بعد الملكه ممكن يغير رأيه ويقول مافي نصيب والي تخسر هي البنت وحصلت عند يعض البنات ---وكل شئ في وقته حلو ياحلوه وخلي تواجده بوجود الاهل وحددو اوقات الزياره افضل لكم هذه هي عادتنا ورح تكبري بعدين في عينه ومرة اخرى الله يسعدك ويوفقك ومبرووووووووووووووك. |
ديري بالك ياخوك
لاتسمعين كلامه تخيلي قربلك وبعدين صارله شي قدام الناس انه مادخل عليك شنو موقفك يبي مستعجل يعجل الزواج |
الله يوفقكم بس لاتعطينه مجال يتعمق ..
|
asmarajab
مرحبا أخي أو أختي.... أعتقد إن الإسلام واحد ولا يختلف في هذه النقطة على إختلاف مذاهبه...فالإسلام حلل الدخول بالزوجة بعد الملكة...حتى لو لم تتم حفلة الزواج...وإنما هذا إختلاف في العادات والتقاليد من بلد لآخر...عموما...إنا لست من مؤيدي الدخول بالزوجة بين الملكة و حفل الزواج...وكانت مداخلتي لتوضيح الأمر فقط...ولكثرة الردود التي تحذر الأخت صاحبة الموضوع من زوجها وكأنه يريد شيئا محرما شرعا وإنما في الحقيقة هو شيء انكره العرف (العادات) وحرمه شكرا...ونتمنى من صاحبة الموضوع إن تطمننا على حالها |
ياخجول ياوردي ..........
تذكر سمعة أهلك لوصار له حادث لاسمح الله وششششششششششششش مصيرك ماحد يقول مملكه فاهمه |
| الساعة الآن 05:19 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©