|
طبعي عصبية و زوجي يطلب المثالية
السلام عليكم و رحمة الله و بركاته
بداية اقلكم عن زوجي باختصار احسن رجال في العالم لكن الكمال لله مااريد التحدث عنه انو زوجي يطالبني ان لا اتكلم معه باسلوب سيء ابدا طول عمرنا لاتفهمو غلط مش قصدي انو لازم احكي مع زوجي مش منيح لكن مثلا لو صدفت والواحد ما مسك حالو وقال كلمة برة الخط او تناشف في الكلام قليلا فزوجي يزعل جدااااا وتنشب حرب البسوس اخر الحروب كانت امس لا انكر اني تناشفت بالكلام معه لكن لاني كنت منزعجة منه وهو كاني صبيت البنزين على النار غضب جدا جدا جدا واسمعني اسطوانات طويلة عريضة في احترام الزوج والادب و الحياة الزوجية و و و و الف شغلة وشغلة معاه حق طبعاا مافي بعد احترام الزوج لكن هل الزوجة مش بشر؟مالها اعصاب مش ممكن مثلا مرة من المرات تعصب ؟ ولو بشكل بسيط مش انو يعني الفاظ وهيك لا طبعا بس هل معقول في زوجة بضل ساكتة طول عمرها ومابتعصب او تفقد اعصابها او الشيطان يلعب بمخها او تنسى نفسها وتحكي باسلوب غير جميل؟؟؟ هاي عقدة زوجي في الحياة اني لو حكيت معه بالطريقة هاي خربت الدنيا وقامت الحرب انا بقول يزعل مافي خلاف لكن المشكلة انو بنفجر مش بيزعل وزوجي هادي هادي هادي لكن ازا انفجر:24: وانا كل مرة بقول مابدي ازعلو بس الا متصدف غصب عن الواحد مابعرف ليش احيانا بنسا ومابمسك نفسي وخايفة الامور تتطور لانو زوجي كتير متحسس من الموضوع هادا وبيصير يكسر في بعض الاشياء ولما اقول ليش هيك بقلي احسن م امد ايدي عليكي بفش خلقي في شي تاني وانا خايفة يعني الانسان مش ملاك وبيغلط بس للامانة انا بتزكر زوجي خلال السنتين و 3 شهور الي تزوجنا فيهم ماعمرو بدا بالتعصيب علية والغلط صراحة ماعمرو تناشف معي بالكلام ماعمرو بدا فيه من غير ماكون انا البادئة او عاملة شي عملة قلت الصراحة حتى هوة بقلي انا الرجال ماعمري بديت ازعلك واعصب عليكي انت كيف بتبدي بالزعل هيك ؟؟؟ معاه حق بس ايش اعمل انا بشر وبغلط خاصة اني من النوع العصبي فهل كلام زوجي منطقي ولا مبالغ انا حاسة انو غير واقعي لانو الانسان بيغلطططططط المشكلة كل رجل الو نقطة ضعف وشي بينرفزو عزوجته لو عملتو طبيعي جدا لكن المشكلة نقطة ضعف زوجي اني اعصب معاه بالله عليكم هادا طبيعي ومنطقي؟ وياريت كل زوجة تقلنا كيف هية هل ممكن تزعل او تعصب عزوجها ولو مرة كل فترة معقول في زوجة ماعمرها زعلت زوجها باسلوب كلامها؟؟؟ بضل افكر وافكر واحاول الوم نفسي لكن برجع اقول والله الواحد الو شيطان و بشر شو رايكم؟؟؟ |
ورد في السلف الصالح :
حضر احد الصحابه إلى بيت أمير المؤمنين عمر بن الخطاب ليشتكي من زوجته فعندما وصل منزل عمر سمع زوجة عمر تنهره وترفع صوتها عليه وعمر ساكت لا يرد عليها ، فهم الرجل بالأنصراف فناداه عمر ، وقال ماذا تريد ، فال كنت اريد ان اشتكي زوجتي فلما سمعت زوجتك ترفع صوتها عليك رجعت ، فقال عمر : إنها غاسلة ثيابي وطاحنة خبزي إن سائني منها خلق سرني منها آخر . الخلاصة : العصبية التلقائية من الزوجه سواء اكانت قليلة ام كثيره تعتبر من الامور العادية في الحياه الزوجيه ، فالحياه الزوجيه ليست كلها متـع واحتفالات بل هناك ايضا منغصات وأزمات تجبر الانسان على التفاعل معها . المشكلة كما أرى هي في طبيعة زوجك نفسه ، لأن الانسان الهادىء وان كان لا يكون هو البادىء بالعصبية ورفع الصوت او النرفزه لكنه انسان حساس للغاية تجاه عصبية الطرف الآخر و اختزالي للمشاعر وانفجاري الأعصاب . الانسان العصبي سريع الغضب لكنه سريع الفىء والرجوع وينسى بسرعة حتى لو حدثت مشادة قوية بينه وبين الطرف الآخر ، ولذلك التعامل معه احيانا يكون اسهل من الانسان الهادىء الذي يتحسس بقوة و يكبت غضبه لفترة طويله ثم ينفجر بشدة . الظاهر ان زوجك لايريد ان يصل لمرحلة الكبت الشديد ومن ثم الانفجار ولذلك يطلب منك معامتله بدون أي عصبية . |
اخي الكريم تحليلك ماشاءالله 100% تماما كما هو الحال
لكن ينطبق على زوجي صفات الانسانا لعصبي بمعنى انه سريع الرجوع وينسا بسرعة فعلا فعند الصلح ينسا ويرجع احلا من اول لكن المشكلة كما قلت انه يطنش ويطنش وبالاخر ينفجر طيب انا شو اعمل لقتنع انو هالامر عادي زوجي بتقبل كل شي واي شي بس اني اعصب عليه خلص خربت الدينا والحياة ياريت تفيدني بالنصح؟ وبارك الله فيك |
ياريت الي عندو قصص زي القصة الي اوردها الاخ يقلي اياها عشان اقنع زوجي
لانو الحياة هيك مابتمشي كاني ملاك ؟وانا مش عارفة |
ملك
مشكلتك بسيطه ان شاء الله مش انتى بتقولى انو بينسى بسرعة وقت الصلح؟ خلاص انتى لو اتعصبتى عليه وزعل روحى اتوضى وصلى ركعتين هتلاقى نفسك هديتى وبعدها روحى صالحيه وهو بيحبك وهينسى زى مابتقولى بينسى وبيرجع احسن من اول ماشاء الله ولا قوة الا بالله ربنا يديم عليكم الموده والرحمه وممكن كمان ترسلى له ميل فيه حديث سيدنا عمر اللى اورده الأخ سيد الرجال ادعيلى |
عروس حبيبتي شكرا الك
ايوة انا بعتو الو وسالتو انو انت احسن من سيدنا عمر وانا احسن من زوجته؟؟؟ المشكلة مش انو ينسا ويرجع كويس المشكلة انو بخاف مرة بعد مرة مع مرور الزمن ردات فعله تتطور ويعمل شي مصيبة هي الي خايفة منو يعني يزعل مش مشكلة الكل بيزعل بس المشكلة زوجي لما يفقد اعصابو ....... ممكن تلاقي ارتكب جريمة مرة من عصبيته في الشغل وكان مظلوم وحقه ماحصل عليه رغم تعبه في الموضوع ومن كتر احساسه بالظلم سب عالمدير وقلهم روحو احكو للمدير فلان الفلاني بقلو كزا كزا (مسبات كبيرة ) ! هي مشكلة زوجي انو في امور معينة بكرهها وتستفزو للنخاع وازا حصلت خلص ينفصل عن العالم الخارجي ويروح عالم اخر فانا بخاف في يوم من الايام ردة فعله تتطور وتصير كارثة تقضي على حياتنا رغم كل الحسنات الموجودة في زوجي مابلاقي زوج احسن منو لكن هاي المشكلة مش عارفة شو اعمل فيها المشكلة مش مقتنع انو الواحد ممكن يعصب بقلي بدك تعصبي لازم تتحملي النتيجة !!! قال انت بنت ولازم تكوني رقيقة هية البنت مخلوق فضائي يمكن؟؟؟؟؟؟ولا انا بلعب كراتيه وجودو لما اعصب؟ |
عشان خاطرى انتى كمان بلاش تتعصبى ياملك بشكل يضايقه
استعيذى بالله من الشيطان الرجيم زوجك حساس والكلمة بتأثر فيه ولو حاجه ضايقتك فيه اعتقد لو قولتيهاله بأسلوب رقيق مش هيقصر معاكى ومش هيسيبك زعلانه ابدا انتى اهدى اهدى معاه خالص عشان الشخص الهادى العصبيه بتوتره وهو مسالم وعاوز حياته مسالمه مفيهاش مجرد تعصيب انا بقللك كده عشان يمكن انا اللى زى زوجك وزوجى العكس معلش هى اختلاف طباع وشخصيات وفى الأخر الزوجه لازم تريح زوجها صدقينى الوضع كان هيبقى اصعب اوى لو العكس لو كنتى انتى الهاديه زيه وهو اللى بيتعصب ساعتها الأمور كانت هتبقى اصعب بجد |
ملك
بصراحة انا من المتابعين لمواضيعك وان لم ارد عليها شوفي طبعك متل طبعي وطبعك زوجك زي طبع زوج النا عشر سنين متزوجين لا انا تغيرت ولا هو تغير يعني على مثل غير جبال ولا تغير طباع لا تتاثري كتير حياة وبتمضي |
عروس حبيبي والله انت روعة كلامك تماما صحيح عشان انت بنفس طبع زوجي
فعلا هوة مابدو مشاكل وبدو الحياة مسالمة وبدو الامور هادية وكل شي تمام وبتوتر من العصبية وحساس لكن انا بحاول والله بحاول وبحاول يكون اسلوبي حلو ورقيقة واني ازعل بانوثة عرايوو وتحسنت جدا عن اول الزواج بس خلص الواحد مرات غصب عنو بغلط شو اعمل؟ بس زوجي بصير يقول مفكرة اني اخوكي الصغير :(والله انا مش قصدي انا بشر واغلط وهادا بصير مرات خارج عن ارادتي وانا تحسنت فعلا اول الزواج ماكنت تشوفي كيف كنت عصبية و شايفة حالي طول الوقت بدون قصد مني بس الان تحسنت جدا قبل كنت ارد عكل كلمة يقولها وتكبر المشكلة وتتطور جدا بس الان والله شو محكا وشو مقال بضل ساكتة رغم انو جواتي بحس بدي انفجر من القهر ونفسي احكي بس خلص بضل ساكتة عشانو يعني في شغلات بقدر عليها وشغلات لا شكرا الك احلام المحيط شكرا الك وشوفي زي مقلت لعروس حبيبي انا تحسنت وتغيرت كتير لكن بضل الطبع يغلب عالتطبع وممكن الواحد يحسن حالو بس انو يتلاشى الطبع الي فيه نهائيا مستحيل يعني بحاول وتغيرت كتير لكن الامر مايخلو شكرا الك |
اقتباس:
ان شاء الله محاولاتك فى ميزان حسناتك لأنها بنية حسن التبعل وحسن التبعل هو جهاد المرأه ومعلش الواحد بيغلط ومتقلقيش انتى خايفه الأمور تتطور مرة بعد مرة ويعمل جريمة جريمة ايه بس لا قدر الله هو اخره انو اعصابو تنفجر وبكلمتين منك على شوية حنان كل ده بيروح روحى بوسى رجل جوزك واحمدى ربنا عليه وعلى اد ماتقدرى اديله كل الحنان اللى فى العالم صدقينى ده مفتاحه والحل لكل همومه مهما كانت |
ماعتقدش ان الموضوع هيتطور اوي يعني
مش هيمد ايده مستقبلا خالص ماتقلقيش :d بس بالتعود هتلاقي نفسك اهدى بعد كدا ... عارفة هتقل عصبيتك ليه .. لأنه هو آه هادي مش بيبتدي بأنه يعصب بس واضح انه مش بيسكتلك ومرعب في زعله فانتي اول ما هتتعصبي افتكري اللي هيحصل بعدها ... هتمسكي نفسك فورا وبعدين من كلامك اللي قبل كدا واضح انه بيستحمل نوبات الكآبة وتغير المزاج بتاعتك كويس ... الحاجات اللي بتحصل بسبب الهرمونات والحمل والولادة .. فاحمدي ربنا انه صبور اوي كدا وعاقل |
صراحة زوجي قلي انو الي صار تراكمات الكم يوم الي فاتو لانو كان في كم شغلة حصلو وبالاخر انفجر
اقلكم اياها هون ولا اعمل موضوع تاني؟؟؟ خلص ححكي هون افضل يوم الاربعاء صحي زوجي عصلاة الفجر يدور على ملابس داخلية بيضاء يلبسها تحت الجلابية ومالاقا وهوة انفجر ومعاه حق لانو الامر هاداتكرر كتير صراحة وانا بعترف لكن المشكلة اني بنسا بشكل غريب صرت وغصب عني لكن زوجي زعل كتير وعصب موت واتهمني بالاهمال كما اتهمني قبلها كتير المهم عدت وتصالحنا بالليل تاني نقطة طرحت قبل الان موضوع عن عمل غرفة لابني فهود عندنا غير غرفة نومنا غرفتين واحدة فيها مكتب و طاولة كمبيوتر ودولاب فهود و خزانة احذية الله يعزكم ويدرس فيها زوجي والاخرى معدات رياضية قلت له بيع المعدات لانو مشغول من فترة طويل ومايستعملها قلي لا مرفوض فرحت انا فكرت بفكرة قلت يمكن تعجبو قلت خلص انقل كل شي هناك وخلص الغرفة تبعت المكتب تصير لفهد قلي شو انسي ماحينفع فانا قلت وفكرت لو طبقت الفكرة انا يمكن تعجبو ووالله طلع عالشغل بالليل وانا قعدت 3 ساعات ونص احرك الالات الرياضية وانكسر ظهري ونقلت المكتب هناك وفضيت الغرفة وصار غرفة حلوة لفهود وغرفة لزوجي لكنها زحمة مكتب وطاولة و ادوات رياضية لكن قلت وين الولد ينام زوجي بالليل بيدرس وحرام يصحا عالضو ويقلق نومو ونفسيته حتتاثر ومزاجه كمان والغرفة التانية بتسد النفس الالات الرياضية مخيفة وشكلها كبير يصحا بنص الليل يشوف شكلهم يخاف والغرفة مفروض تكون غنية وجميلة وصور والعاب عشان النمو الذهني المهم اجا زوجي الفجر وانصدم انا كنت نايمة واجا وعطاني ظهرو تكلمت معاه قلي خلص بعدين توقعت انو تعجبو الفكرة ولو ماعجبتو خلص يمشيها وتزبط الامور لكن هوة زعل كتير كتير كتير وطلع اعلشغل واجا يوم الخميس متاخر صدفة مع انو اخر الاسبوع ولما تحدثت معاه قلي بتعملي كل شي عكيفك ومابتحترمي رغباتي وانا عندك اخر اشي وكل الناس اهم مني وصار صراحة يتلكك ويقلي ليش المكتب جمب الباب مابحب اقعد جمب الباب ! وقلتلو وين الولد ينام طيب؟ماجاوب قلتلو ينام في الضو ويقلق نومو ولا ينام مع المعدات الرياضية تنسد نفسو ماجاوب قلتلو خلص بدي ارجع كل شي زي مكان قلي خلص خليهم المهم انو قلبها قصة عدم احترام واني مابحبو ومابقدرو وانو مش مهم عندي قلتلو ماتكون اناني حرام ليش منبسط الولد قلي ماحيموت بدون غرفة مستقلة قلتلو طيب بس لازم ينام بهدوء وبدون قلق قلي وانا ليش ماادرس براحتي قلتلو وشو مالها الغرفة ماعجبتو قلي زحمة وماعجبني ماحسيت معاه حق ابدا مش معقول وين يروح الولد يعني مش منطقي بيت 3 غرف مافي وسع لولد؟ حرام ويعني صحيح الغرفة صارت حشرة وضيقة عزوجي بس يعني الواحد يجي عنفسو شوي لتمشي الامور مع العلم زوجي بيموت في ابني وبيعشقه وحنون جدا وبيضحي بكل شي عشانو وحنون حرام يعني مش من الابهات الي مابتحملو ولادهم ابدا ولما ابني يبكي بالليل من الاسنان او الم البطن مابطلع ينام برة وبتحمل وبقلي حرام شو مالو هاتيه اشوفو يعني صراحة بتحملو اكتر مني ماشاءالله تبارك الله المهم تاني يوم صحينا وراح عالصلاة ورجع عمل معي حركة ودية مابدي اقول يعني عشان مايكون في شي غير لائق بس يعني بداية يصالحني قلي حطيلي الغدا حطيتو عاد قبل بليلة كان نايم في البلكونة وحاطط التلفزيون وضلت البلكونة مفتوحة وكان ناداني اتفرج معاه رغم انو زعلان وانا رفضت صراحة كنت مبسوطةب الغرفة كتير لكن تنكدت نكد غير طبيعي والمشكلة الغبرة بالكوم تدخل والحشرات بخاف تيجي وانبلي فيها لحالي فقلتلو الصبح قبل المصالحة يوم الجمعة سكر البلكونة لو مابدك تقعد فيها كان اسلوبي مش حلو لكن مش بشع برضو عادي لا بلطف ولا بعصبية فقلي مابدي انا حر بدك تتحكمي في بيتي اعمل الي بدي اياه لاحظو لسة هوة حاطط في بالو اثار الغرفة واني مابحترمو وبدي افرض رايي عليه سمعتو قال شي تاني فكررت الموضوع فقلي كنك ماسمعتي بعدين فهمت ورحت المهم نرجع حطيت الغدا وقلتلو بشوية عصبية ونشافة ازا بدكاش تقعد بالبلكونة طلع التلفزيون ولا بدك تتركها هيك وتدخل الحشرات والغبرة ولا ناوي للخميس الجاي تضل هيك عاد وقتها صار الانفجار الي قلت عليه وصار يحدف ويرمي الريموتات تبعت التلفزيون والمروحة وانا انصدمت كتير وسكتت طبعا ومافتحت تمي بكلمة وعصب وزعل جدا جدا جدا وصار يقلي انت مابتحترميني ابدا ومابتعملي قيمة ولا تقدير بعطيكي وجه وهي اخرتها بدك تمشي البيت عكيفك مع انو والله مو هيك ابدا وقلي كم مرة قلتلك احكي معي باسلوب مؤدب انت مابتحترمي زوجك بالمرة اهلك ناس كويسين ومحترمين كيف طلعتي بنتهم:( وقلي هادا بيتي بديش اكون فيه براحتي؟ وتحول الموضوع اني مسيطرة ومابحترمو وبدي افرض رايي ومابحترم رجولته وبعتبرو ولد صغير واني مابعملو قيمة ولا بحترم رغباتو وووووو كل هالكلام وانو يشهد الله مافي من هادا ابدا الغرفة عملتها هيك عشان فهود وفكرتو حينبسط والبلكونة بديش الحشرات تدخل لانو مرة دخلتلي حشرة وجابت ولاد عندي في المطبخ وبالعافية خليتهم يموتو ومايرجعو يطلعو ومرة دخل صرصور والشقة نظيفة ومافيها شقوق ماشاءالله وهادا كلو بيجي من برة ومرة دخلت فراشة زي الطيارة كبيرة لهيك انا مبحب البلكونة تنفتح وشو كمان قال؟ خلص صار محور الموضوع كما قلت عدم احترام وعدم ادب و عدم مراعاة وعدم معرفة الحياة الزوجية بالمختصر نفسو عزت عليه بشكل كبير جدا ليش مابعرف انا ماعملت شي بقصد ومفروض عارفني ماممكن اقصد اعمل معاه هيك وراح في غرفة تانية وانا بعتلو مسج بدي احكي مع ماما واقلها عالي صار عشان مابدي اياه لانو هادا اسلوب مش منيح وهيك مشكلتي انو صار علساني كتير كلمة الطلاق وانا لااعنيها طبعا انما عشان اضغط عليه واحسسو انو في مصيبة حتصير لو ماغير اسلوبو لكن هوة طبعا عارفني مابستغني عنو وانا بحس بالزنب وماما بتهزئني جدا بتقلي مابنفع كل متتخانقي مع زوجك تقولي بديش اياك انا ماقلت شي لماما ولا مرة قلتلها طبعا بدي اترك زوجي لاني مابدي بس بكزب عليه وبقلو قلت لماما عشان يفكر اني عنجد ممكن اقول بس بقول لماما اني بس اتخانق معاه بصير اقول بطلت بدي اياه وهيك وماما جدا بتزعل وبتقلي مابنفع غلط غلط غلط ومعاها حق ويعني صارت كل شوي مشادات بيني وبينو ورحت اقلو تعال نحكي ونتناقش قلي مالي نفس اتناقش هلأ انقهرت كتير وانا من طبعي اقول كل الي بقلي صرت كل شوي مسجات مسجات مسجات صبحت ابعتلو مسجات ونرفز وزعل كتير لانو بكره اسلوب المسجات من ايام الخطوبة وانا بتوب وتوب وبرجع لعادتي القديمة بلف وبلف ولازم ارجعلها بالنهاية مابقدر اكتم جوايا بموت هي كل التفاصيل لتحكموب نفسكو واسفة لو طولت عليكو وبس ياريت الي حابب ينتقد ينتقد باسلوب لطيف و مقنع و من غير تجريح عشان يكون الكو دورايجابي وياريت اصحاب النقد الجارح الي بقولو كلام مستفز مافي داعي للرد سامحوني عالاطالة لكن حابة يكون في حكم وناس تحكم واعرف وين غلطي |
عروس حبيبي معك حق الحنان مع زوجي بيجيب كل شي وبخليه اهدى واحسن انسان
لكن انا حاسة اني صرت انانية الفترة الاخيرة بدي الحنان وبدي الحب وبدي كل اشي وبنتظر كل اشي وماببادر بدي خلص كل اشي عالجاهز:(الله يهديني لكن هادا مش معناه اني شريرة او سيئة لا والله انا بحبه وبفكر فيه وشو اعملو شغلات تبسطو لكن خلص مرات عقلي بشت انا الي خايفة يتطور انو ينجن ويمد ايدو رغم انو بقلي انا بكسر الاغراض عشان ماامد ايدي عليكي وبقلي انا ماعمري مديت ايدي عاخواتي ليش امد ايدي عزوجتي؟ بس لما يعصب بصير يقلي لو بضلك هيك حتخليي امد ايدي عليكي كلو كلام طبعا لكن خلص بضل اخاف واوسوس تحصل في يوم ووقتها مستحيل اكمل حياتي خلص هوة طيب وحنون ماشاءالله وبقلي انت زوجتي وحبيبتي وكيف امد ايدي عليكي هادا تخلف ومش اسلوب والله يكسر ايدي قبلها بس الفترة الاخيررة الكم يوم الي فاتو بقلي ماتكرري كل اشي زي هيك مابعرف شو ممكن اعمل وافقد اعصابي :( شكرا الكو وشوفو شو كتبت بالاحمر العريض وشاركوني الراي حلوايا شكرا الك حبيبتي هوة زعله المرعب مش كل يوم ومش كل زعل بكون مرعب بس لما خلص تخرب معاه بصير مرعب حتى هوة قلي انو بصير تراكمات وبسكت وبعدين بتصير حساسية وانفجار |
غير الينسون والنعناع شو في مشروبات او ماكولات مهدئ قوي للاعصاب:(
|
غير المشروبات ياملك اقرى قرأن كتيييييييير
لى رجعه |
اقتباس:
مرة و مرتين و تلاتة هييييييك حتى تهدى أعصابك زوجك انسان يطلب الكمال (شبهته لطبع والدي - الله يحفظه) لا يريد اي زلة من أي أحد لا من أمي و لا منا و هدا شي طبعا مستحيل لكن مع الاعتياد و مع الاقناع انتي لازم تقنعيه متل ما كتبتي في الموضوع انه الانسان مو كامل و انه لا بد من ضغوطات كل فترة و فترة و انا يا فلان مالي غيرك أمامي يعني اذا فشيت خلقي مو معناها اني ما بحترمك انا فقط أكون خارج السيطرة أكون في وضع صعب و من هالكلام بالنسبة لي زوجي اللي عصبي و انا التي لا أقبل زلات اللسان و اريد يكون الاحترام بيننا دائم.. بطلب منه الكمال طوال الوقت هههههه يعني عكسكم لكن مع الوقت بدأت اتأقلم .. صحيح اني لا أنسى الزلات لكني أسامح |
اقتباس:
معاه حق 100% العصبية تنافي الرقة والانوثة قبل ان تدخلي في حالة العصبية تذكري الامور التي تخيفك من ردة فعل زوجك وتطورها ربما يساعدك ذلك في كظم غيظك قدر الامكان الله يكون بالعون |
كل الشباب والصبايا مشغولين عند ملك
راجعتلك يا قلبي انما ما قدرت امر من غير ما اكتب شي حبيبتي هو شايفك ملاك وهذا ليس ذنبه معو حق |
ملك بصى
انا اليومين دول بقرا عن الحسد كتير وقريت ان الحسد بيعمل مشاكل ونفور بين الزوجين وانتى ماشاء الله الناس حاسداكى على زوجك وعلى حياتك الزوجيه المستقرة ماشاء الله ولا قوة الا بالله وخللى بالك ان فيه ناس كتير فى المنتدى عندهم مشاكل فى حياتهم توجع القلب والعين حق فانتى حاولى قدر الأمكان ان تكتمى الأشياء الجميله فى حياتك ولا تقوليها على الملأ لأنو ربما يقرأ كلامك زوجة غير موفقه او زوجها سىء معها او اخرى لم ينعم الله عليها بالزوج بعد او ارمله واوقات الناس تنسى تذكر الله عندما يروا شىء يعجبهم فأنتى داومى على تحصين نفسك وقراءه المعوذتين فى اذكار الصباح والمساء وممكن تقرى الفاتحه على ماء زمزم وتشربيه بنية الشفاء من العين وان شاء الله العصبيه تخف والجو يهدى ومتنسيش تدعيلى بظهر الغيب حبيبتى نسيت اقللك كمان ان من قوة العين ممكن اتنين يكونوا بيتكلموا فى الهاتف واحد فى المشرق والتانى فى المغرب واحد منهم يحسد التانى لأمر اعجبه او اغاظه وكمان من قوة العين ان تأثيرها ممكن يمتد فترات طويله على لسان احد المشايخ:سيده اصابتها العين من شهرها الثانى حتى صار عمرها ثلاثون عاما فخدى بالك بجد وارقى نفسك كتير واقرى قرأن على ماء كالفاتحه والمعوذتين واشربى منها انتى وزوجك |
السلام عليكم
المشكله يا ملاك انه المتزوجات جديد و المتغربات يتصرفو بنديه مع ازواجهم ما يستوعبو انه ازواجهم مش اخوانهم زوجك طيب و حنون ورقيق و بيعاملك معامله طيبه زوجك كحال الازواج المغتربين اكثر اوقاته بلدوام و انت بلبيت طول الوقت و معك ابنك و لك طلبات هو يشوفها غير منطقيه لانه هو عنده تامين حياتكم و استقراركم الوظيفي و المادي اهم وهذا صحيح و انت تشوفي حياتك و بيتك و انك لوحدك وما عندك احد و زهقانه و ماله و بتحاولي تغيري بلبيت و ترتبيه و هذا صح اثنينكم صح و لكن الاسلوب هو الغلط انت ما اتبعتي اسلوب التدريج انت سكتي طول الخط يعني مو سكتي طالبتي علطول انه يغير من ترتيب الغرف وهو حاب يغير بس مو لاقي الوقت لهلسبب انت بيوم خلاص طقت براسك و غيرتي من حالك هذا طبيعي بيحصل مع الكل الحل يا ملك مع زوجك انك ما تكلميه ابدا بمواضيع البيت و ترتيبه او اي شي خاص جت من عنده صلى الله و بارك ما جت خلاص اتركيه و انت تدريجي حركي و اعملي بلبيت الي تريديه يعني من غيرتي الغرف كل فتره انقلي حاجه الى ان يبدايتعود علمنظر وما يلاقي حاله الا بلتعديلات الجديده مو فجاه تغيري الدنيا حواليه و تريديه يتقبل المنظر ومن تجي تتصالحو بلاش تحاولي تتكلمي وتتناقشي و تعملي تصفيه حسابات هو من يتقبل المصالحهمعناته انه انتهى الموضوع بلنسبه اله بس انت لسه بدك تتناقشي و تتفاهمي و تتشرطي و تفهميه انه انت بشر و انك و انك يا ملك انت نفسك تتعبي من يناقشك و يعطيكي دروس ومواعظ فليش تتوقعي انه هو لازم يتقبل يسمع من تكونو رايقين وباوقات ما متخانقين فيها وصلي له بكلمه رقيقه بنكته انك تحبي حياتكم و تحبيه مثل ما هو و انك بتتغيري لانك بتحبيه و عزيز عليكي وما تبدليه بكنوز الدنيا و ادعيله دعوتين حلوه وقتها يا ملك يتغير و يصير لك نفس انت كمان تتغيري حاولي انك بما انه عندك وقت طويل للتامل و التفكير انك تحسبي حساب كلماتك وتصرفاتك مع زوجك و تقيسي ردات فعله ما تتصرفي او تتكلمي الا و انت مخططه لكلامك معه و اسلوبك بلاش تنكدي على حالك و عليه وعلى ابنك عشان اثاث و ترتيب و بلكونه وحشرات هذه كلها مقدور عليها المهم راحه بالكم و استقراركم الحياه يا ملك بتمشي و تعدي السنين و العصبيه و النكد بياثر عليكي انت اكثر الرجال ما شاء الله لانهم يشتغلو ويخرجو ويتعاملو معا لناس تكون مناعتهم اقوى بعدين كم مره صرت قايلتلك دورو لكم على شغل ثاني ببلد ثانيه و رتبو مستقبلكم بلاش تستني الفرصه تجي لانه الفرص ما تجي لحالها انت لازم تجري وراها |
حبيبتي انتي غيرتي الغرفه وعارفتيه زعلان
كان لازم تظري الجو وتفضلي هاديه لانو رح يتعود على الشكل الجديد ولن يطلب منك انو ترجعي كل شي لمكانه وهو اعتقد انو خاف لان المكنات ثقيلة الوزن كتير وهذا من اسباب التعصيب ومن جهة الغسيل ما تنسي واجباتك انا عارفه انو فهودي آخذ كل وقتك ولكن ابو فهودي اهم ثم انا زعلت منك كتير ليه كل شويه تطلبي الطلاق وتهددي فيه يا قلبي هذا غلط غلط غلط يا روحي قومي خليه وقت يرجع يلاقي وحده ثانيه شدي على نفسك واتركي المسجات مازال انو لا يحبها نظره من عيونك يا قمر اهم من مليون مسج الشطاره يا حبيبتي وقت تكون الريح عاصفه تنزلي راسك تتمر ومن ثم ترفعي راسك وتتكلمي بكل غنج ودلال رح ارجع اتابع معك |
حبيبتي لمست من مشكلتك انك تفتقدين الاسلوب الجميل مع زوجك واصبحتي عصبيه كثيرا.... خلال هذه الفتره...
حاولي عزيزتي ان تهدئي من عصبيتك قليلا... وغيري من اسلوب تعاملك لزوجك ... فالاسلوب الذي قمت... به لاينفع مع زوجك بتاتا... اذن..!! قومي بتغيير معاملتك له وستكسبينه بصفك دون تلك الازعاجات بينكما... (لاحظت عزيزيتي انه لايحب اسلوب الامر بتاتا.. وهذا هو شأن كل الازواج ... فلا تقلقي عزيزتي.. فقط اعملي كما قلت سابقا..) وفقك الله ويسر امرك ولاتنسي ان تخبرينا ماحصل... |
اقتباس:
اقراي انت الي كاتباه بالصفجة2 بالاحمر وقتها يمكن تحسي اني مجنونة هههه شكرا الك |
اقتباس:
بس انا بشوف بنات ماشاءالله مابعصبو ابدا زي النسمة بس حالات نادرة شكرا الك كتير المشكلة انو لما اعصب مابكون بارادتي يعني فجاة بطلع الكلام مني وخلص شكرا الك |
اقتباس:
بالنسبة للحسد صراحة صراحة صراحة انا من غير قصد بقول عالمنتدى اشياء كويسة وفورا بلاقي مفعول الحسد امتد رغم اني بذكر ماشاءالله دايما وهيك وكل مرة بقول مابدي احكي شي يعني انا مثلا زي موضوع المصرية تبع رمضان كنت داخلة مابدي اقول شي من الي بعملو لزوجي بعدين بقول حرام خليهم يستفيدو بس من بعدها والمشاكل شغالة صراحة كل مرة بقول بديش اقول وبندم :29:مابتهم حد اكييييييييد بس زي مقلتي ممكن حد بنسا يقول ماشاءالله بس انت خوفتيني كتير من كلامك وبتعرفي انا حاسة بحسد قوي من بعد حادث معين حصل يوم التلاتا ويوم الاربعاء الفجر بلشت المشاكل لكن مش قادرة اسدق ابداااااا انو هالشخص هوة الي حسدني لاني بتكلم كنت وانا بقول ماشاءالله ولو قلتلك صلة القرابة حتستغربي انو ممكن يحسد لكن صراحة مش حابة احكي ابدا خوف انو احد له علاقة بهالشخص يدخل ويشوف الكلام لو في رسائل خاصة كان خبرتك وزكرتيني بوحدة انحسدت بطريقة غريبة من انسانة مفروض تتمنالها الخير وانا حنزل موضوع اسال فيه عن هالاشي بس خلينا نخلص من هادا الاول شكرا الك حبيبتي بس ادعيلي مابكون الحسد طويل المدى بعيد الشر والله خوفتيني انا عندي فوبيا من الحسد والله كتير بطلع مع ابني برجع يضل يبكي تلات ايام يقطع الناس عينيها مابترحم عايش مابعرف والله ماعمري حسيت بالحسد تجاه اي شخص صدقا ومش دعاية عالمنتدى لكن والله لو حد ع ندو شي احسن مني ممكن اقول جوايا يا الله يابختو ماشاءالله تبارك الله عقبالي لاني مابتخيل كيف ممكن اكون سبب في زوال نعمة من عند شخص ما يعني بتخيل لو بنت حلوة ماشاية وماقلت عليها ماشاءالله كيف انو ممكن تمرض بسببي بحس بالتعاسة انو كيف ممكن الناس تسمح لنفسها تسبب التعاسة لناس اخرى بسبب مرضها النفسي الي اسمو الحسد الله يحمينا سامحيني عالاطالة ودعواتك خلص خلص خلص ماحكتب شي منيح عني ولاححكي شي منيح عني تخيلي في وحدة صحبتي مرة بتحكي معي عالمسنجر بقلها بدي اطلع عالسوبرماركت راحت قال الله يابختك انا زوجي مانعني اطلع حتى على اهلي وانا ماكنت عارفة انها هيك لانو عارفاها بتحسد بس ماكنت اتوقع انو هيك وضعها والله والله والله دخلنا السوبر ماركت وفهد صار يبكي بطريقة عجيبة غريبة غير سابقة والناس شوي بدها تتجمع علينا شفتي؟:24: الله يحمينا ويحمي الجميع يارب |
اقتباس:
موضوع الغرف مش تسلاية كان ولا تغيير ديكور بدي اعمل غرفة لفهود كان لازم هيك وازا قراتي كل كلامي في الصفحة 2 باللون الاحمر اكيد فاهمة قصدي وين ينام الولد طيب؟ ولو نقلت شوي شوي كان من اول قطعة شافهاكان استسهل الموضوع وقلي لا ورجعيه المكتب مثلا زي مكان وانا خلص لما تطق الفكرة بمخي بطق وخلص لازم اعملها سواء بالبيت ولا اي شي يعني لوحاطة في بالي اليوم اشتري شي لازم اروح ولو شو مصار ولو كنت تعبانة ولو مطرت ولو ولو تخيلي وانا حامل سافر زوجي 3 ايام وانا حطيت في بالي اروح السوق اجيب اشياء معينة للبيبي اتسلى عبال زوجي مااجا والله وخلص طقت عبالي وكل يوم اروح واتعب وتقلصات ومافرقت معي ههه شفت الجنان؟انا هيك خلص نشيطة وبحب اعمل كل شي بالوقت الي بخطر عبالي بالنبة للنقاش انا بكون قصدي خلص دق الحديد وهوة حامي بحب انهي المواضيع بلحظتها وهالشي تغير فية كتير يعني تحسنت عن قبل زمان ماتشوفيني لازم نفس اليوم نفس اللحظة احكي والا بنجن فانا بكون قصدي نقاش هادي مش خناق وانا مابزهق من النقاش معاه بس يكون بهدوء بدون خناق الخناق مابحبو حد ابدا فكرة التامل حلوة وفكرة اني اوصللو اني بتغير عشانو ولازم يتغير عشاني حلوة برضو بالنسبة لحاجاتنا انا و فهود زوجي قد ميقدر بلبيها بالعكس بحسو متفاني عشانا اكتر من التفاني الي انا بعملو عشانو رغم اني املك وقت اكتر:29: هوة قد ميقدر مابقصر حرام مابدي اظلمو ماشاء الله تبارك الله وبالنسبة للعمل في دولة تانية ياحياتي انت شايفة الناس بتتطرد قاعدة من عملها وين نلاقي شغل الظروف صعبة غير هيك زوجي بياخد شهادات قاعد وبيدرس وبيطور نفسو ماشاءالله عشان مع الوقت يشوف شركات اكبر ورواتب احسن يعني زوجي ماينخاف عليه هوة بقدم وبنفس الوقت بدرس عشان كل ميقدم لوظيفة يكون في رصيدو شهادات احسن وانا مش زهقانة من البلد الي انا فيها هية مملة شوي ومابعجبني تعامل اهلها مش بعيب عليهم ابدا بس اختلاف تربية وعادات لكن عادي يعني بس انا بزهق احيانا من الغربة ولو اهلي جمبي كان شفت هاي البلد احلا بلد في الدنيا انا بتفرق معي الاشخاص اكتر من المكان وهية بلد حلوة معقولة مش عاطلة يعني واحيان كتير جدا بنبسط بغربتي تصدقي ولو يحكولي الان روحي استقري في بلدك مابقبل للظروف الي هناك بس انانفسي اهلي يجيو عندي وقتها ياسلام بس ليس كل مايتمناه المرء يدركه شكرا الك حبيبتي وانا بعتلو مسجات اتنين فيهم صور حلوة من موقع على النت مشتركين فيه وماعلقت وعملت غدا لزيز واجا تغدا وراح والله يهدي النفوس شكرا الك |
اقتباس:
انا زعلت لما زعل عالغرفة لاني انحبطت كتير وكنت مبسوطة وانكبست لانو طول الوقت كان نفسي بغرفة لفهد وانبسطت لما زبطت وطلعت حلوة ماشاءالله فزعلت لاني ماحسيت الو حق يزعل وفعلا زعل عشان المكنات تقيلة فوق متتصوري وهوة بقول انت كيف حركتيهم مش فاهم ولانو انا عندي نزيف من مانع الحمل زعل وقلي ليروح يصيرلك شي مش منيح تتعبي حالك والنزيف موجود وليش هيك وزعل من نواحي اخرى كمان حبيبتي الغسيل انا بعترف باهمالي فيه مابعرف ليش بنساه مش من فهود لانو من قبل فهود من اول الزواج هيك صراحة زوجي عطاني وجه وماكان يدق ويزعل كتير وبدل انا مقول بدي اراعيه عشان حسن اخلاقه زودتها وان كان حبيبك عسل ماتلحسوش كلو انا صرت اخاف من كتر مبنسا ليكون فية مس ولا شيطان خايفة معقول؟:24:اعوذ بالله يارب بعيد الشر وانا بعتلو مسج صور حلوة من النت وماكتبت شي ورجع تغدا وعملت غدا عشانو رغم اني مفلوزة ورجع سال اكلت ولا لا وشو اخدت دوا وهيك بعدين رجع طلع عالدوام المشكلة حبيبتي انا مابعرف كيف صرت هيك زمان كنت في بيت اهلي والله بتنازل عشان مين من كان وبحس انو لازم اضحي عشان الناس الي بحبهم بس الناس كانو دايما يخذلوني ويطلع خسارة فيهم فصرت زي متقولي احساس لا ارادي انو مابدي اضحي مشان حد عاد زوجي الي اجا وبستاهل التضحية بس خلص مخي قفل مع الغربة الظاهر حاسة اني تغيرت شوي ويابختك ماشاءالله تبارك الله انا مابحب انكسف بخاف اتغنج واتدلل زي مبتقولي يكسفني او مايرضا وقتها بزعل كتير وخلص ماعندي صبر بحب اروح اراضيه يرضا وخلص مابحب اضل رايحة جاية ادعي الله يهديني وخلص انا بدي اعاملو منيح وبهدوء وهوة حيهدا لحالو عفكرة بدي اقلك سر انا تشجعت عموضوع الغرفة لما رديتي علية وقلتي انقلو المكتب على غرفة الرياضة وخلوو للولد غرفة لحال خليه ينبسط هههههههههههه قلت جوايا والله راي خالتو جرين بسوا الدنيا خلص بدي اعمل زي مقالت هههه والله وطول وانا بنققل بتزكر وبقول انك حكيمة ومافيها شي لو سمعت كلامك انا كنت ناوية هيك من الاول ولما شفت كلامك عششت الفكرة بمخي وطلعت فيه هههه شفتي بس اوعي تفكري او تقولي اني هلأ مثلا زعلت منك لا بالعكس كنت بدي اقول لزوجي خالتو جرين شجعتني بس قلت هلأ يقلي مين جرين ورد وبلاك ههههههه بمزح معك:) شكرا الك وانت نعم الزوجة والام بتمري باشياء فظيعة وصابرة وبتجنني مش زيي يعني هي النسوان انت يابلاش بصراحة ماشاءالله عليكي الله يوعدني واصير زيك |
اقتباس:
يعني افتقدت الكلام الجميل والعصبية ممممممم فيه منو لكن ليس تماما يعني جزئي وليس كلي وانا عارفة اسلوب العصبية مابنفع بس غصب عني بتطلع مرات اسلوب الامر مش مابحبه هوة بكرهو وبمقته ولو قلت اله مبارح حياتي سكر البلكونة الله يرضى عليك عشان الغبرة كان اما قام سكرها او كان قلي بالليل بسكرها بس ماكان حيصير خناقة شكرا الك وزي مقلت للاخوات حضرت غداء حلو رغم اني مفلوزة وبعتلو مسجات حلوة واجا يتغدا وسال عني وعن الدوا لاني مريضة ورجع راح شكرا الكو |
نسيت اقلكو انا اول الزواج بديت موضة انام في الصالون وكان زوجي ينقهر و يرجعني للغرفة
وبعدين بطلت العادة هاي وقبل فترة انقلب السحر على الساحر نام زوجي في غرفة اخرى اثناء خلافات حصلت ولكن كان في اخر خناقتين او تلاتة يعني بعدها اتفقنا ماحد يعمل هيك وكان يقلي انت السبب المهم مبارح راح قفل عحالو بالمكتب وقعد يدرس وبعتلو مسج انو يرجع ينام بالغرفة مش عشاني مشتقالك بس عشان بكرة مانعمل هيك قدام الاولاد شايفين الرقة؟؟؟؟؟ وبالليل ضلو يدرس ومسكر عحالو ورحت قلتلو بس تخلص تعال نام في الغرفة مش كويس هيك احنا اتفقنا وقلي اوكي ورجع نام بالغرفة ورجعت خربتها الصبح بالمسجات بس ان شاءالله تتصلح الامور وانا السبب في قصة النوم في غرفة اخرى لكن الحمدلله مااخدت وقت طويل وان شاء الله اتدارك الامر |
ما حبيت أمر دون أن أدعيلك..
الله إفرج عليكي ويحنن قلب زوجك عليكي يا رب... الله يصلح حال جميع المتزوجات والمتزوجين... الله يرزقهم الذرية الطيبة.. الله يزوج كل العزاب والعازبات ويهدي سرهم...آمين يا رب العالمين |
اللـــــــه يفـــــــــرج همـــــــــك ويصـــــــــلح مابينكـــــــم ان شـــــــــاءالله000000 وبعـــــــــدين اللــــــــه يهــــــــــديكي ياملـــــــوكه ليــــــــه العصــــــــبيه00؟؟؟ شـــــــــوفي هــــــذا وانا بنـــــــــت انفـــــــــر من الـــــــبنت العصـــــــــبيه واحــــــــس مافيهــــــــــا انوثــــــــه فكيــــــــــف زوجـــــــــك وهــــــــــو رجــــــــــل اكيــــــــــد بينفـــــــــــر زيــــــــــــاده00000(اتمنـــى ياقلبــــــي ما تزعــــــلين من كـــــــــلامي بس صـــــــدقيني ابغــــــــالك الخيـــــــــر)0000 وحـــــــــــاولي كـــــــل ماحســــــــيتي انـــــــــك بتعصـــــــــــبي او تنــــــــــــرفزتي اجـــــــــــلسي اســــــــــــتغفري او قــــــــــومي من مكــــــــــانك حتــــــــى تهـــــــــــدين ومــــع الوقـــــــــت باذن اللـــــــــه بتتعــــــــــودين00000 ومــــن المــــــــواقف اللــــــي ذكـــــــرتيها اشـــــــــوف من حقــــــــــه يزعـــــــــل0000 لانهــــــــا زي ماتقـــــــــولين تــــــــــراكمات وبعـــــــــدين انفجــــــــــر00000 وتصـــــــــــدقين احـــــس طبـــــــــع زوجـــــــــــك مثــــــل طبعـــــــــــي :) اذا كــــــــان مثـــــــلي فــــــأنا اكـــــــون هــــــــاااااديه مــــــــاشــــــــاء الله وصبـــــــــــوووووره واتحمـــــــــــل مـــــــره ومـــــــــرتين وثــــــــلاث وبالاخيـــــــــــر يحــــــــــــدث الانفجــــــــــــار :d وممكـــــــــن اســـــــــــوي اي شـــــــــــي بوقتــــــــها تقـــــــــــدرين تقـــــــــــولين تنفيـــــــــــــس وبعـــــــــــدين ارجــــــــــــع انـــــــــــدم :) واللــــــــي ينفـــــــــع لنــــــــا :) انـــــــــك تكــــــــــوني هــــااااااااديه وبـــالك طـــــــوووووووويل :25: لان العصـــــــــــبيين ينفســــــــــوا عن اي مـــــــــــوقف بوقتهــــــــــا احـــــــنا العكـــــــــس نكتـــــــم ونتحمــــــــــــل عشــــــــان كــــــــذا يصــــــــــير الانفجــــــــــار بعـــــــــــدين :) فنصـــــــــيحتي لك خـــــــــليكي هـــــــــاديه على طــــــــــول وادعــــــــــي ربـــــــــك انـــــو يــبعــــــــد العصــــــــــــبيه عنــــــك ولاتنســــــــــــين الاستغفــــــــــااااااار000000 وبالتـــــــــوفيق ياقلبـــــــــــــــي00000 |
ملك قرأت ردك اللي بالأحمر
سألتِ وين الغلط ... أنا شفت 3 أخطاء أول شي لما شفتي زوجك تحسس من مشكلة انك بتعملي اللي براسك و ما بتحترمي رأيه لازم تنتبهي بالتصرفات اللي بتعمليها و اللي بتخص أمور البيت يعني متل باب البلكون و طبعا انا شايفة انه الحق معك انك ما بتحبي باب البلكون يبقى مفتوح و الحل هون انك لما تقوليلو يسكر الباب تقوليها بطريقة (حبيبي الله يخليك ما تنسى باب البلكون مفتوح وراك المرة الماضية دخلت حشرات كذا و كذا و صار كذا و كذا ........الخ) لكن بما انك قلتيها بنشافة و زوجك اتضايق بامكانك تصلحي الخطأ بإنك لما زعل زوجك تروحي لعنده لما يروق شوي و بطريقة ودية تعانقيه مثلا او تمسكي يده او ما شايه و تعتذري و تبرري طلبك و تطلبي منه انه ما يقول عنك انك ما بتحترمي رأيه قولي له انه كل زوجة بيتها هو مملكتها و هو المكان اللي هي مسؤولة عنه كل حياتها و المشاكل اللي هي بتشوفها (دخول الحشرات و غيرها ) زوجها ما بشوفها لأنه مو مسؤوليته التنظيف و هذا الشي اللي خلاكي تطلبي منه يسكر الباب ... ليش دخلت المواضيع ببعضها ؟؟ أنا و الله أحترم رأيك معقولة ما احترم رأيك و انت الوحيد اللي باخد رأيه في كذا و كذا ..... (أحصي له الأمور اللي بتاخدي رأيه فيها :) ) الخطأ الثالث و الأكبر هو اقتباس:
مو حلوة بحقو يشعر انك بتشكيه لأهلك ... و لا مقبول انك تشعريه انك مستغنية عن الحياة معه على كل كبيرة و صغيرة الموضوع أصلا صغير و تافه و ما بده كل هالتهديد صح و لا لأ ؟؟ هدا اللي انا شفته و ان شاء الله يا رب تتصالحو و ترجع المي لمجاريها متل قبل و أفضل |
اقتباس:
شكرا الك |
اقتباس:
شكرا الك ومازعلت من ملاحظتك انا نفسي ابطل عصبية لكن انا ماكنت هيك في بيت اهلي كنت هادية هادية بس لما اعصب مابتشوفي شكلي كيف بصير بس هون مع الغربة والضغط تاثرت وصارت روحي صغيرة وتحسنت كتير عن اول الزواج والله وبالنسبة لاني افكر قبل مااعصب مرات مابحس بحالي وانا بعصب وبلاقي حالي قلت الي بقولو باسلوب مش حلو وانا مو دارية عن حالي الله يهديني ان شاءالله والله يبعد عنا العصبية وشرها شكرا الك وعقبال منفرح فيكي |
اقتباس:
المشكلة انو بس زوجي زعل من الغرفة مافكرت اعمل الي عملتيه واخدت انو مامعاه حق وانا الي زعلت كتير لاني كنت مبسوطة ومتشجعة وانحبطت لاني ماتوقعت يزعل هيك توقعت انو ممكن يتذمر بس مش كاتر مابعرف انا ليش صايرة مابحب اراضيه ولاابدا بشي وبس بستنا يجيني هوة وانا قاعدة اميرة معك حق بكل الي قلتيه والله لازم احكي باسلوب حلو بس مرات هيك خلص بضرب مزاجي وبخرب من شو مابعرف شو خربطة هرمونات او من مانع الحمل التعيس الي انا رايحة اشيله اليوم وان شاءالله تتحسن اموري بعدها لانو حاسة ممكن هوة السبب بشكل كبير وعرايك الموضوع تافه ومابدو تهديد عيب ومش حلو بس ايش اعمل بكون مخي بالمرة وبس بدي اغيظو الله يهديني يارب شكرا الك ماريا |
شوفي حبيبتي ملوكه
كلنا تقريبا عصبيات بس فينا من يكتم وفينا من ينفجر انا بعض الاحيان اذا كنت معصبه او نفسيتي تعبانه استرخي بالبانيو بموية دافي وشموع يعني اخلق لنفسي جو هادئ ورومنسي لمده ساعه بعدها اطلع وانا اخر روقان جربي طريقتي يمكن تفيدك |
حبيبتي / ملك شادي
تقريباً قرأت كامل موضوعك بمستجداته و خليني أقولك على سر الرجل يحب زوجته اللي تحتاج له يمكن تقولي عادي بس اللي أقصده بيني له احتياجك مثل ما وصتك أختي ماريا حبيبتي أنا دايماً أقرأ لك و تعجبني ردودك و إن شاء الله إنت قادرة على حل مشكلتك هذي ببساطة ابعدي عن العصبية قد ما تقدري صح انت لك طاقة تحمل معينه بس مو معناتها أترك لنفسي هواها و شوي شوي راح تلقي النتيجة بإذن الله الآن خلي التفكير بمين اللي غلط و مين اللي عمل زوجك ما شاء الله تبارك الله مبين طيب و حنون يعني ما بيستاهل منك تضحية و عطاء؟؟ :) حبيبتي خليه لما يجي يلقاك بشكل ثاني ترتيب و ابتسامه رقيقة و كلام حلو لا تقولي بخاف يكسفني أو يردني خليكِ شجاعة و بادري:22: و مو يوم و لا اثنين لا ... بل اعملي عمل متقن علشان تشوفي نتايج طويلة المدى:30: بإذن الله بانتظارك تبشرينا بالأخبار الحلوة أسأل الله أن يكون ذلك قريباً |
| الساعة الآن 09:11 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©