زوجي قاطع بأهله وأهلي
 

السلام عليكم
انا متزوجه من خمس سنوات عندي طفل واحد سعيده بحياتي ومع زوجي بس عندي مشكله ما اعرف ايش اسميها زوجي قاطع باهله وما يزورهم الى في الاعياد صحيح هم في الرياض زاحنا بالدمام والمسافه 300 كيلو بس انا اشوف انه ما يمنع زيارتهم لو مره بالشهر او بالشهرين هو بس يكلمهم بالتلفون اذا سالته ليش يقول صارت لي مواقف كثيره معاهم ومره يقول هم ليش ما يجهزون لي غرفه في بيتهم علشان اذا جينا ليش يخلوننا نضطر نستاجر في فنادق وبيتهم كبير وما فيه احد هذي هي مشكلته
والمشكله الثانيه انه بعد ما يقدر اهلي بعزايمهم وجمعاتهم يعني لما يسوي ابوي عزيمه ما يروح ورجال خواتي كلهم يروحون بس هو الي يتغيب واهلي صارو يتكلمون عليه كثير قدامي بالسبب هذا وصارو يكرهونه بعد انا احبه وابيه قدام الناس احسن واحد بس انقهر لما يقولون اهلي عنه كلمه قدامي لو من باب التريقه والضحك زي لما اعزم ابوي في بيتي اقل شئ يقول ادخل بيت واحد ما يدخل بيتي تحز بخاطري الكلمه ولا اعرف ايش اسوي هذولا اهلي هذا زوجي حياتنا داخل بيتنا ما فيه زيها ومعيشني عيشه زينه ونحب بعض بس هذي مشكلتي
ايش رايكم ايش اسوي معاه ومع اهلي انا بين نارين

اعطيه احاديث عن قطع الرحم ووصله وعن برالوالدين00يمكن يتغير الله يهديه

شكرا اختي المصريه بس مهما كان جو البيت حلو تحسين انو فيه شي ناقص وانتي تبين زوجك يكون احسن الناس يعني تخيلي ولدي ما يعرف اعمامه وجداده لابوه مش تعتبر هذي مشكله لانه ما يشوفهم الى يومين او ثلالثه بالسنه اكيد بينساهم

هذه أيضا مشكلتي أخيتي
لاأحب الرسميات والعزائم والتجمع في الإستراحات مع الأقارب
ودائما أنتقد فأقول من يحبني فل يحبني على عيوبي فإنا معترف أن هذا عيب فيني
ولكن لاتصل إلى قطع الرحم في أهلي وخالاتي وعماتي

شكرا رهوومه ما تصدقين قد ايش اشجعه واتكلم معاه للدرجه اني اهديه تذاكر سفر للرياض علشان يروح وما يروح ايش اكثر اقدر اسوي
والله يهدي الجميع

شكرا اخوي الغالب بس انا ما اطلب منه انه يزور كل اسبوع مثلا لاهلي بس فيه مناسبات تحس واجب حضورها وهو من بين كل الناس ما يحضر ما تحس انها مشكله والي يقهر زياده اني اكون متضايقه انه ما حضر وتلقى احد من اهلي ينغز بالكلام ولاني احبه ما ارضى احد يتكلم عليه والمصيبه ان ولدي صار يفهم ويميز ليش ابوه ما جا مع الرجال ويسال عنه
ما تشوفها مشكله

والله يااختى انا صراحة اشوفها مشكله الواحدة منا تحب ان زوجها يكون محبوب وقريب من اهلها وطبعا اهله وتحب تفتخر به امام اهلهاضرورى تفهمى زوجك انكم ماتعيشوا بالحياة لحالكم وان فيه ناس من ارحامنا لابد اننا نجامل بعض ويكون فى صلة ود وتالف اذا دعيتم فلبوابينى له انه يحرجك وتحسى انك نافصك شئ بعدم وجوده وانه لازم اذا يحبك يحاول يكبر براسك حتى ولو لمدة بسيطة من العزيمة ويستاذن بالمغادرة اذا مايحب التجمعات
اما بالنسبة لاهله الله يجزاكى خير على نصيحته كررى معه وقولى له عادى اذا استاجرنا وهاد اصلح لنا حتى نككون براحتنا
واذا ماافتنع انتى خلك دائما على صلة وود باهله حتى ولو كان بالتلفون فقط

شكرا اختير تيرا وهذا الشئ الي انا اسويه بس من مده وما شفت اي تحسن

انتي زوجك عذره انو اهله مسافة 300 كيلو

انا زوجي المسافه عشرة كيلو

وبالنادر تيزور ابوه

دايما يتحجج ولا حتى يتصل فيه

طلبت منه ان ياتي ويجلس كام يوم بالاسبوع عنا والله رفض رفضا قاطعا


وحاولت انو لو ان كل واحد من اخوته ينامو عندو يوم واحد كل واحد منهم بالاسبوع ايضا رقض

بحجة ان لكل واحد عائلة

ياقطعين الرحم انتبه--- من وصل ورحمه وصله الله ومن قطع رحمه قطعه الله----مشكلة زوجي نفس مشكلتك والمسا فه عن اهله خمس دقائق اما اهلي فلا يلبي اي دعوةفرح منهم ولا يحضر عزاء ولانفعت فيه نصيحة ولا تذكير ويقول انا مااتغير خليني ادخل جهنم ومالك صلاح بي والله يهديه -------------

السلام عليكم ..

النصيحه النصيحه لزوجك وليكن قصدك اصلاحه للخير ..

1 - اجمعي ما تيسر من كتاب الله وسنة الرسول صلى الله عليه وسلم من احاديث ..

2 - اكتبي ورقه فيها مقدمه تبدأ بذكر الله و الثناء عليه و الصلاه و السلام على رسول الله صلى الله عليه وسلم ..

ثم اذكري الايات و الاحاديث ..

ثم انصحي برفق ولين ..

3 - ارفاق مع الرساله شريط اسلامي يتحدث عن العقوق و قطع الرحم ..

4 - ارفاق شريط اسلامي عن قصص العقوق و كذا البر ..

5 - القدوه الحسنه كوني له القدوه الحسنه ..

هذا وعليك بالدعاء فالله يغير من حال الى حال ..

و فقك الله ..

اذكر يوم من الايام رسلت ابني يزورعمته حتى اعود ه على صلته باهله وقلت خذمعك كيكه وهديه حتى تفرح عمتك وهي تحب عيالي وانا والله احب اهله ---اهله ناس طيبين ووصلين للرحم بس هو ينفرهم لما يزورونا ولما عرف انه زارعمته الي هي اخته اكل الولد بالسب وسواهاقضيه وسرنا نروح عندهم بالسر انانيتي صلة رحم وتعويد اولادي وبناتي لصلتهم باهلهم وعدم القطيعه ---اماالنصيحه والتذكير بكل ماامرنا الله من حقوق وواجبات علينا بالين والموعظه الحسنة لايقبلها امااذا اعطيته شريط الله يستر سوف اصبح متخلفه ورجعيه ووووووووو----يامقلب القلوب والأبصار ثيت قلبي على دينك-----ويهديه ويسخره لطاعته-- اما الدعاء الكل يدعي له والله قادر على هدايته وجزاكم الله كل خير النصيحه والإرشاد.