|
لم يكلمني خطيبي بعد حفلة الملكه
السلام عليكم ورحمه الله وبركاته ...
اتخيلووو يا بنات ملكت من شهر تقريبا وللحين زوجي ما كلمني ولا حتى طرش مسج ..>< واللي يقهر زيادة ان من يومين كانت الحفلة قعد معي وسولف عادي وكان ينكت ولبسني العقد والدبلة >< وللحين ما كلمني... ورحت كلمت اخته لاني أمن فيها وقلت حقها شو سالفه اخوك مادق ولا سأل ساعديني .. قالت ما أقدر اكلمه الوضع صعب لانها تسحي تكلم اخوها ،، ولانه قال مايبا يكلم يخاف تستوي مشاكل قبل العرس >>> شوفوا المعقد ...>< أحس أني منبوذه كل خواتي كلموا ازواجهم في فترة الملكة ... إلا انا ...:29: والكل يسأل ما كلمك زوجك ...>< عندي رقمه وخاطري أطرش مسج بس خايفة يسئ الظن فيني :29: ساااااااااعدوني جزاكم الله خير |
لالالالالاطرشيله ولا شي اثقلي عليه على شان مايتعود يتغلى عليك من البدايه 00كذا احسن لكم0
|
ساعدوني ...><
كيف أثقل وللحين ما كلمني وما بقى عن العرس غير ثلاث شهور لازم أكلمه عشان أعرف طبيعة وأحس بالراحه والامان ..>> |
الــــــــــثـــــــــــقـــــــــل صـــــــــــــــــــــنــــــــــــــــــعــــــــ ـــــــــــــه
انا زوجي ماكلمني والحمدلله ....... لامعقد ولاشئ .......لاتفتحين على نفسك ابواب مسكرهـ يبي يقول ماشاء الله على الجرأهـ اكيد اللي تجرأت علي اكيد متجرأهـ على غيري ...... استمعي لنصيحتي والله ماراح تندمين ...... |
أختي أنت زوجته على سنة الله ورسوله ليش ما تكلمينه أنت ما فيها شي بالعكس بتكبرين بنظره أكثر وبيحس إنك طيوبة عشرية وسيقدر لك هذه الخطوة أنتم الآن زوجين مو مشكلة من يتخذ المبادرة
:22: |
طيب ليه اخوك او ابوك يقولون له
يمكن يخاف يسبب مشاكل او يرفضون اهلك؟؟ |
:) انا لو مكانك حنتظر المبادرة منه لانها احلى وقعا على نفسي عندما اشعر بلهفة زوجي:22:
|
لا تكلميه خليها تجي منه
|
نقل للمقبلين
|
وحده اعرفها كان خطيبها كذا عارفه اش سوت خلت امها تكلمه وكنها البنت ماتعرف شي وقالت امها للخطيبها انا اعرف بنتى خوافه وتستحي لازم تكلمها عشان تتجراء عليك وبعدها على طول بدت المكالمات
|
سبحــــــــان الله
وهتجوزي راجل ماتعرفيش عنه لاشيئ غير سؤال الناس واين الزيارات والهدايه أختى لابد من واقفه من أهلك الزواج ( يعنى عمرك بين يديى رجل ) فهل تعطى عمرك لأى رجل !! |
انت اصبرى بس ممكن هو مو فاضى
وسالفة المكالمات الكثير مخطوبين ولايتكلمون |
السلام عليكم ورحمه الله وبركاته
انا راي من راي اختي طموحي غير افضل شي انك اتخلي احد يكلمه بدون ان يشعر انك اردتي تدخل احد يعني يبلغه ويتكلم معاه بالموضوع وعلى اساس انك ماتعرفي واكيد راح يتجاوب وهاذا افضل حل والمفروض اخته تساعدك مابيها شي يعني مثلا تساله كيفها ظزجتك دتتصل فيها وه لا وتفتح معاه الموضوع تدريجيا من غير ان يحس انك متكلمه بالموضوع واني بالنسبه الي افضل انه هوة الي يبدي لان وقع الموضوع يكون احلى بكثير وان شاء الله كل التوفيق |
مشكورا خواتي والله يسعدكم يارب..
ادعولي الله يوفقكم فحياتكم ..>< |
غاليتي من رأيي... ان تبعثي له مسج لاسؤال ولا ان تبيني لهفتك له فقط حتى تعرفي نيته فيه فقط اكتبي...
( أسأل الله ان يوفق مابيننا ويجعل السعاده دربنا....) فقط كذلك وانتظري بعدها اتصاله او مسجاته... |
لا ترسلين له و لا تكلمين
إن بادر هو و إلا موب لازم بعض الرجال يشوف ان اللي تبادر جريئة بشكل مو حلو لصورتها خصوصاً انكم ما تعرفون بعض من قبل فصعبة شوي كونك انتي اللي تبادرين |
لا
لا لا لاتسويها وتدقي خلي عنك الي يقولو احنا في عصر غير حبيبتي خليك خجوله وخليك بحياءك حتى مايقول هذي متعودة وصدقيني هتكوني غاليه عندة وكلك ثقه خليه اذا طلب ولا تقولي لحد مو زينه في حقك ابدن والله يوفقك يارب ويكتبلك السعادة ويرزقنا يارب بالزوج الصالح ونفرح مثلك |
شوفي خلي امك تكلمه وانت جالسة جمبها وتقول له حبيت اتطمن على صهري وبعدين تقول له هذه فلانة جالسة بقربي خذها وسلم عليها |
انا اشوف تجي المبادره عفويه مثلا تسوا عشاء عنكم في البيت وتعزموا اهله وهو معاهم وبعدين الاهل يخلوكم لوحدكم كم ساعه ومنها لمحي له على المكالمات وكذا او حتى قول له متى موعد دوامك بكره عشان اصحيك كذا يعني
حاولي الاهل يفتحوا الباب وانتي كملي الطريق الله يوفقك ويصلح ازواجنا يارب مدري من فين يجيبوا الافكار هذي |
وعليكم السلام ورحمة الله لاحـظـت امرين ذكــرتـهـم أولاً : نـعـتـك لزوجـك أنه معـقـد .....!!!! هذا ما أدري أيش اقـول عن هـذا، من البداية استلمتيه ...!!!!:( ثانيا: قلت أنه خواتك كلموا أزواجـهم فترة الملكـة طيب ما دام كذا ليش ما تستعـيـن بهم ليخبروا أهله أن يحدثك ويكلمك ، وليذكروا لأهله ان مكالمته لك تزيل التوتـر والقلق عنك، وتـطمـئـن نفسك،،،،،إلخ، وخلي خواتك وأمك يكلمن أمه وأخواته ويلزمـوا عليهم، وهم بدروهم يضغطوا عليه (اللوبـي النسائي ) ليتصل بـك ،،،،، ....!!!! وفقك الله وجمع بينكما على خير عزوبي:21: بس:d رجل:30: |
والله انا ما اشووف فيهااا شي لو كلمتية انتي
يمكنة مستحي يدق عليكي لا تستغرربي اناا زوجي انا الي ارسلتلة مسج وعلى طوول اتصل قاالي كنت اخااف اطلب رقمك اهللك يزعلوون :eek: ومن بعدهاااا استلمني كل يوووم يعني زوجك ومملكة يعني حلاااااااللك ايش المشكلة انة تكووني المباادرة واي يأخذ فكررة مو حلووة عنهااا ايش الكلاام هذا طيب ماهو خطبهاااا ومللك عليهااا يعني يبغى يتزوووج مو فااضي ياخذ فكرة :d لأنة لاززززم تتعرفي علية قبل الزوااج وحتى تحددو ايش تسوون ووين تروحوون شهر عسل وايش تااخذي معااكي مو على عماااها كذاااا ارسلي مسج انا فلاانة وان شااء الله على طوول يتصل الله يوفقك ويكتبللك الي فية الخيرررر |
انا اشوف انك انتى اللى تكلميه وهو زوجك وحلالك ومافيهاشىء وخلى عنك التفكير والزعل
وربى يوفقك ويجمع بينكم فى الحلال |
ياريتك ما قلتي لأخته حبيبتي
شوفي هو دام شافك في الحفلة وقعد معاك وسولف أتوقع عاجلا أم آجلا رح يكلمك .. مو معقولة ما رح يشتاقلك .. أكيد عنده فضول يسمع صوتك ويكلمك بس انتي لا ترسلين له مسج و لا تتصلين ... المبادرة لازم تجي منه .. صدقيني لصالحك .. انتي خليكي مطنشة .. وريلاكس .. وطمنينا عليك موفقه والله يباركلك ^_^ |
مساء الخير للجمـــــــــــــــــــيــــــــــــع
بصراااااحه انا رائي يا اختي انك تخليها تجي منه هو احسن لاني بصرااااحه >>اعرف وحدة زوجها كان خجول في فترة الملكة وقالت انا ابدء في المكالمات قبل ما نتزوج وترووووووووووح عليّّ ايام الملكة و !!!!!!!!!!! بعدين تحسفت وقالت ليتها جات منه احسن ,واحس اني لي مكانه عنده اكبر, وكان طيب معها وحنون جداً بعد الزواج لكنه يخجل من الناس بس >>وفكرة الاخت طموحــــي غيـــر حلوة جدا بدون مايدخل في خاطره انك جريئه او غيـــره وتكسر امك الحاجز بينك وبينه مع الحفاظ على مشاعركم >> جربي وبعــــــــدين بشرينا [rainbow]تمنى لك فترة ملكه سعيدة وزواج موفق[/rainbow] [rainbow] دنيتي دنيــــــــــــاك[/rainbow] |
اقتباس:
شكراً لجميع اللذين ابدوا رايهم في الموضوع وجزاهم الله خير ..^^ أود التعليق على الاخ العزوبي ... قلت عنه معقد لانه حكم على الواقع وعلى حياة الناس وحسبها سوف تكون حياتنا مثل الاخرين وكانه الناس كلها مشابه :29: حتى أمي اسغربت الوضع وفهمتها أنه لازم يكلمني لكن خواتي الله يسامحهم خربوا علي وقالوا مب لازم وكأنه الوضع عادي ، لا يعرفون مقدار الالم اللذي احمله من القهر وكأني أعيش في زمن أجدادي .. أعيش بحالة بكاء وخوف كيف سوف أعيش معه ..>< وانا لا أعلم عنه شيئاً |
طيب مادمت امك مستغربه ومو عاجبها الوضع
خليها تسعى في تغيره وانت كلميها بعيدا عن خواتك وعن تدخلهم [rainbow] دنيتي دنياك[/rainbow] |
هلا ،،،،،،،،،،،،،،،
انا مثلك باقي على زواجنا ايام ولكني عكسك كنت ناوي بعد الملكة ان يكون بيننا مكالمات ورسائل لكن هذا الامر لم يحدث حيث ارسلت عدت رسائل لكن لم يتي منها اي رساله حث انصدمت وراح الحماس من عندي وقررت اليوم توقيف الرسائل ،،،،،،،، حتى يوم الدخلة ويكون الامر طبيعي |
كل رجل وله اعذار
وتراها مافيها شي لو انتي باردتي بالسؤال حرام تفوتين احلا ايام زوجة صديقي قالتله بعد الزواج .. ليش ماعطيتني رقمك بعد كتب الكتاب .. قالها استحيت اقول حق اهلك ترى الرجال بعض المرات مايعرفون انا يوم ملكت .. ثاني يوم مازرت زوجتي .. بحجة ان امس شايفها ولبستها الخاتم .. مابيها تحس اني كل يوم بكون طايح عندهم واحنا حديثي العهد ترى مانعرف شيء ومانعرف شو المفروض انسوي .. على الله ثم على هالمنتدى الحبيب لكن اهلي فهموني ان لازم ازورها ولابد .. والحمدلله ثالث يوم زرتها وكانت جددددددا سعيدة انتي زوجته الحين خلاااااااص بينكم كتاب .. بس طرشي له مسج .. قوليله حبيت اتطمن عليك .. ابعثيله مسج فيه دعاء مثل ما قالت احد الاخوات صدقيني دايم الموضوع يكون فيه سوء فهم دايم تحياتي |
لاااااااااااااااااااااااااا
لاااااااااااااااااااااااااا لااااااااااااااااااااااااااا لا ترسلين شي ولا تبادرين بشيء |
لا متعقـد ولا هم يحزنـوون ، واسمحيلي أنبهـج على تصـرفج الي أشـوفه خاطئ ، اختج ولو هي أختـج لا تـأمنينها على مثل هالتصـرف ، تأمنين إخته ؟! يمكـن تطلع منهـآ زله لسـآن !!! شو بيكون موقفـج وقتهـآ؟! × بصـرآاحه ، دآم ما طلب من نفسـه اتحذري انتي تطلبين !! وهـآذي احدى مسـآؤى الزوآج ؛ الزوج يقـآرن زوجته بزوجات خوانه والاخت تقارن بإخواتهاا !!! طب ليـه ؟! سـؤآال ، واترك البااقي لعقلـج وتفكيـره :) إنتي صليتي فيه استخااره ؟! إذآ لآ ، صلي وفوضي أمرج لله ~ إذا هيه ، حطي في بـآلج ، خيرتــج بالوضـع الي إنتـي عليـه ، ولله الحمد ، تـأكدي إن محد أدرى بخيرتج غير ربـج ، لا قريب ولا بعيد ولا حتى نفسـج !! في كلمـة سمعتهـآ ، وكثير اعجبتني ~ وأتمنى لها تأثير عليج مثل ما أثرت فيني ~,’ مش كل شي تتمنينـه خيره لـج ~,! واعذريني على اطـآلأتي ، موفقـه غاليتي ~, |
هههه يا حليلكم يالبنات ..
شوفي الولد لا معقد ولا شي صدقيني .. يعني دامه جلس وسولف ونكت معك يعني الولد حبوب .. بس هناك احتمالات .. يمكن الولد يكون متملك من قبل وحصل له مشاكل بسبب هالشي فسببت له ردة فعل نفسيه .. << حلوه ردة فعل نفسيه .. المهم اللي ابي اوصله انه نفسيا انصدم .. او انه يستحي شويتين او يفكر انك تستحين حيل فما يبي يحرجك كثير .. لكن حل طموحي غير مجنووووووون وممتاز جدا .. وأيضاً لو ترسلين له دعاء مثل ما قالت احد الاخوات بعد فكره حلوه .. يعني يكون دقه وانتي تستفيدين .. حج وبيع مسابيح على ما يقولون ههههه الله يوفقج ان شاء الله ويصلحه لج ويصلحج له << يقلد لهجتكم ... فيه امر مهم وهو الدعاااااااااااااء .. عليك بالدعاء وربي وربي وربي تتيسر امورك ان شاء الله وصدقيني زوجك مبين عليه ولد طيب لكن حنا ترانا نجهل بعض الامور وانا اقول لك كنت امور كثيره اجهلها لكن بعد ما قرأت واطلعت عرفت نفسيات البنات ووش يفكرون فيه وبعد هالمنتدى الطيب ابشرك صرت تمام .. موفقه |
| الساعة الآن 07:16 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©