|
تهديد زوجي لي بالطلاق ؟!
السلام عليكم
فيه شي يضايقني وهو كل مرة تصير لي مشكلة مع زوجي على طول يهددني بالطلاق و روحي بيت اهلك ما ابيك وبطلقك وما تهميني ومن الهكلام ويخاصمني كم يوم وبعد يرجع يكلمني ويقول انا كنت معصب .. انا عارفه انه معصب بس ماابيه يتعود يقول هالكلام كل مرة حتى مرة من المرات قلت بسويها وبجلس هناك وبكلم اهلي حتى لا كل مرر يكرر لي هالكلام انتوا شرايكم ؟ |
ايش هي نوع المشاكل اللي تصير بينكم ؟؟؟
يعني الحق معك ولا معه ؟؟ ارجو ان توضحي حتى ننيرك بالحل ان شاء الله |
ليش تخلي المشكله بينكم تكبر لحد ما يطلع زوجك من طووووره و يقول لك هذا الكلام ؟؟ طبعا زوجك اكيد غلطاااان المفروض انه يمسك نفسه و ما يذكر كلمة الطلاق على لسانه ابد .. و ايضا المفروض انه ما ياخذها حجه انه معصب و ما يدري وش يقول .. الحل يا اختي انك بعد ما تهدون او يكون الوضع بينكم تمام لازم تجلسون جلسة مصارحه و تتناقشون في تصرفاتكم اثناء ما تكونوا معصبين .. و لازم تحلون كلمه الطلاق و روحي بيت اهلك .. يعني لازم يلغيها من قاموسه لانها تجرحك .. عشان اذا صارت مشكله بينكم تعرفون كيف تتحكموا في الوضع .. وربي ما يجيب الزعل .. |
اقتباس:
على اقل مشكلة تصير بينا يقولها |
اقتباس:
كلمته مرة ومرتين وثلاث وهددته اني بسويها ويوعدني ما يقول بس مثل ما قلت على اقل مشكلة تصير بينا يرجع يقول نفس الكلام |
انتظر ردكم ؟
|
نفس الحاله معي ...
واحيان يحذرني ان سويت كذا او كذا طالق ... صرت ازعل منه بس ما اروح لاهلي ... واذا هدا اقوله ... انت تعالج مشكله تافهه بمشكله كبيره ... وليش تقول كذا هذا حل الضعيف ... ومن هالكلام ... واقول له ... ترى والله ان قلتها مره ثانيه ... لا تفكر اني بفكر بالحلين اللي تعطينياهم ... اما الطلاق او الخضوع لطلبك .. لاني انا مو ضعيفه عندك ... وراح اطلب الطلاق ... بس عشان اثبت لك اني اقدر ... خليك شوي جازمه وحنونه ودمعتين شوي بعد وانتي تقولين هالكلام والله يعينا عليهم |
اقتباس:
صدقيني ااذا قلت لك اني كل مرة يقول هالكلام اقول لنفسي اني ما راحت اسكت له وقلت له مره ترى بيجي يوم وبسويها رد علي وقال سويها ما يهمني يا كثرهم البنات !!! وكل مرة امسك التلفون بتصل في اهلي لما تصير مشكلي ويقول هالكلام بس كأن فيه حد يهديني ويقول لي طولي بالك هو يقول هالكلام لان يشوفني صابره وما اقول حق اهلي وانا ما اقول لاني ماابي يطيح من عينهم على مشكلة صغيرة ومرات اقول لازم اخبرهم لمتى بسكت خليه يعرف ان وراي رجال .. |
ليش ما تكلمين ابو زوجك في الموضوع عشان يتفاهم مع ابنه .. |
اقتباس:
من قبل لا اتزوج كنت حاطه في بالي احل مشاكلي الزوجية بنفسي ودون تدخل من اي احد مهما كان... وبالنسبة لابوه فالمثل يقول هذا الشبل من ذاك الاسد اذا كان بالاساس ابوه يعامل امه هالمعاملة شلون بيكون هو ؟؟! مع اني لو بكلم ابوه بيحاول ينصحه بس انا ما اشوفه يعامل ام زوجي صح حتى ينصح زوجي .. عنده اخوه الكبير متزوج وغير عن زوجي فكرت اكلمة عن الموضوع بس قلت يمكن تكبر المشكلة وما يقبل زوجي كلام اخوه .. ويصير خلاف بينهم بسببي .. |
معلش يا عزيزتي .. في امور ممكن تحليها بنفسك وفي امور لازم تستعيني باحد في حلها .. اذا تشوفي ان والد زوجك ما ينفع يكلم ابنه لانه معاملته ليست جيده مع امه .. فاعتقد ان ام زوجك هي الانسب في انها تكلم ابنها و تقول له بان اسلوبه مؤلم جدا لزوجته لانها تعاني من معاملة والده .. فعليه ان يراعي زوجته و لا يجرحها و يسيئ معاملتها .. وان شاء الله ينتبه على حاله .. و طمنينا عن اخبارك .. |
اقتباس:
كلامك صحيح اختي وبحاول اكلمه بالموضوع وبقول له مرة ثانية بدخل امك والا اخوك وما راح اسكت :29: |
اهلا اختي ناديتك
انا من رايي ازا مرة قلك روحي بيت اهلك وبطلقك اعملي زي مفكرتي انك تعملي يعني اسحبي حالك لانو هوة بقول هيك وهوة مش ناوي الطلاق اكيد بس تهديد وضغط عليكي مش اكتر لهييييك اعمليها عشان يعرف انك ممكن تستغني عنو وانو الواحد محاسب عكلامو وانو لازم يعطي كلامه وزن و يعرف عواقبه روحي واعملي حالك عنجد بدكيش اياه بس لما يروق يعني عشان مش يروح يطلقك عنجد وهوة معصب احملي حالك وروحي لاهلك وماتحكيلهم انك حردانة او زعلانة بس قولي زهقانة وبدي اجي عندكو وبعد كم يوم حيتصل فيكي اكيد احكيلو مش بدك ننفصل واروح بيت اهلي وشوفي ردة فعله بس هادا حسب شخصيه زوجك لو بتتوقعي يتاثر ويتاسف وهيك اوكي بس لو بتتوقعي انو عنيد وحياخدها بعناد ويقلك طيب خليكي عند اهلك ماتعمليها افضل |
اقتباس:
والله مرات احس ان زوجي مثل الطفل اللي تقولين له لا تسوي هالشي ويقول ان شاء الله ويرجع مرة ثانية يسويه يعني لو تفاهمنا واتفقنا على شي يرجع يوم ثاني ولا كان صار اتفاق بينا ؟؟ مرة سويتها بس هو عارف اني بروح ولا بتكلم وواثق من هالشي ان اهلي ما بيعرفون وهذا اللي مخليه يتمادى اتوقع :29: |
| الساعة الآن 11:50 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©