|
معاملتي مع أهل زوجي
اخوتي اكيد الكل عارف اني ساكنه مع اهل زوجي (والده ووالدته)
والله العالم انا استحلتهم وجيت على نفسي كتير والوضع اللي انا فيه ما احد يقدر يتحمله وحتى لو اهلي كانو عارفين باللي انا فيه ما كان رضيو بحالتي المشكله انه الخدامه اللي تخدمهم راح تسافر الاسبوع الجاي وطبعا لانهم كبار في السن ما في احد يخدمهم والوضع صعب بالنسبه ليا لانو انا اصلا عندي اولادي متعبيني وغسيل وتنظيف (طبعا غرفتي والصاله وشغلهيا مره كتير لانه اللعب والاكل والجلوس كله بالصاله) وهما عندهم صاله يقعدو فيها بس الموضوع انو خايفه من الايام الجايه تخيلو الاب سافر عند قرايب له وامه راح تسافر بعد ما تمشي الشغاله باسبوع والله العظيم كنت مامله اني اسافر هذي السنه ومبسوطه عالاخر وفي النهايه لانو الخدامه عندها متاخرات وهذا بفضل ابوه لانه ما كان يدفع راتب الخدامه وكان ياخذ منها الفلوس عشان يجيب حاجات وهوه والله مو محتاج بالعكس كل شئ متوفر له وامه راح تسافر كمان وتسيب الدنيا ولا كانه في شئ واتاجل سفري بسبب رواتب الخدامه اللي ما اندفعت يعني كل واحد رايح يشوف حياته وانا افضل في بيت ومو حاسه انه بيتي وفوق كده كمان راح اكون انا خدامه جديده طيب حتى لو خدمتهم مبدئيا والله العظيم لو بنتهم (مع انه ما عندهم بنت ) كان سابت البيت ومشيت انا خايفه مره خصوصا انه ظهري تعبان ما اقدر اشتغل كثير وحتى لو جبت خدامه من هنا ما راح تستمر من شغلهم الكثير ممكن اجيب وحده تنظف وتمشي لكن برضو شغلهم اليومي كثير وكل واحد له مواعيد اكل ونوم وشاي وقهوه الله يوفقكم قولولي ايه العمل انا مره خايفه لاتقولولي استحملي لانو عندي صغار يا دوب استحملهم ( الإشراف / عذراً تم تعديل العنوان ليتضح المضمون ) |
عذرا نقل للمكان المناسب |
الله يعينك يااااااااااااااااااااااااارب
ماعرفت ايش اكتب بصراحه بس اتفاهمى مع زوجك انتى لكى بي وبي اولادك مانتى خدامه عند احد |
ادعي لنفسك وزوجك واولادك .....
ادعي ان الله يسهل امورك ......كيف معاملة اهل زوجك معك ؟؟ اذا كانت حلوهـ بالعكس ضبطي امورك ورتبي وقتك ..... والله اعرف وحدهـ من قرايبي مضبطه امورها ومرتبه وقتها ومرتاااحه لاتضيقي صدرك والله اهم شي الراحه النفسيه ..... دائما اقول اشتغل واتعب جسدي بس اكون مرتاحه نفسيا .... امااذا كانت العلاقه سيئه .....فااستغلي هذا الوقت بتحسين العلاقه من خلال تنظيم الوجبات ....تقديم اكلات يحبونها الدنيا ماتسوى نملا قلوبنا حقد وكراهيه الحياهـ عيشيها بحب عشان ربي ينولك اللي في بالك تقبلي مروري ....... |
الله يسر لك كل أمورك والله ماعندي شي أقوله ولا عندي خبرة بهذه المواضيع بس ماحبيت اقرأ الموضوع واطلع بدون ما ادعي لك.......
|
اقتباس:
انا زوجي الحمدلله اشاء الله متفاهم بس لو ما عملت شئ وانا ساكنه معاهم اكيد ماراح يسكتو الله يسعدكم ادعولي اسكن لحالي |
اقتباس:
ما يتركو شئ عليه الا وانتقدوه ويدخلو نفسهم في اي شئ وما يمسكو عليا الا الاخطاء خصوصا امه تكون كويسه فجئه تلاقيها انقلبت وبعدين هما من النوع اذا اتعودو على شئ يكون عليكي واجب انك تعمليه انا ما ابغى اعودهم على كده والله الاولى اخدم امي وابويا وانا ما احقد عليهم لكن انا خايقه منهم لانو انا مو من النوع اللي ارد بالعكس اكتم في نفسي وابكي وبس |
اقتباس:
يا قلبي والله كفايه عليا دعوتك الحلوه ربي يسعدك يارب |
لآ تذلين نفسك ِ ,,
وآنتي كمان لك طاقه محدده ماراح تتحملين كل ذا يكفيك هم اولآدكَ ,, آذآ هم ماراح سابو آلبيت وسآفروآ وانبسطوا ولا جابوا خبر انتي وش لكَ ! ماعليك الا من بيتكَ , والباقي سيبيهَ , << :) |
هلا بأم مودي
لالالا ياأم مودي لاتنسي ان ماعندهم بنت وأنت بنتهم حتى لو انتقدتك عادي اتحملي اعتبريها أمك والبنت ماتزعل من نقد أمها وكله علشان خاطر عيون زوجك يهون والدنيا يااختي رايحة واللي تقدميه بتلاقيه واليوم هم معاك بكرة ماتدرين متى ساعتهم ويرحلون أو ترحلي أنت وخدمتك لوالدين زوجك بيكون لك فيها خير كثير أولاً :رضى زوجك ورضاه قد يكون السبب لدخولك الجنة وثانياً : أجر الإحسان للناس وثالثاً : ربنا بيسهل لوالدينك من يخدمهم بخدمتك لهم ورابعاً : ربي بيسهل لك زوجات أولادك يخدمونك في كبرك وخامساً: ربي بيبارك لكم في رزقكم وحياتكم ,,,و,,,و,,, والأجر محفوظ ماراح يضيع اهم شيء تحتسبي لوجه الله سوي اللي تقدري عليه واطلبي من الله يعينك وزوجك ماراح يقصر معاك وبيساعدك ويعذرك. وكلها فترة وتجيهم شغالة جديدة وتكوني ارتحتي وكسبتي الأجر وكبرتي في نظر زوجك وكسبتي الجمالة معاهم |
السالم عليكم
ياحياتي حتى لو كانو اهل زوجك متعبين لازم شويه تتحمليهم واتكلمي مع زوجك بالموضوع وكوليه انو يجيبلك خادمه لان الوضع مو متحمل انك تخدمي احد لان الي بيكي مكفيكي يعني مو معقول انك تروحي على بيت وحدك وتتركي امه وابو لزوجك مايصير همه هم اهله وان شاء الله ياربي كل الموفقيه والسعاده والهناء وان شاء الله ربي الي بي الخير يقدملج اياه ربي ان كان بالطلعه او في بقائك |
حبيبتي الحل بسيط جدااااااااااا
مره قرات قصه عن الرسول صلى الله عليه وسلم بما معناه ان سيدتنا فاطمه اللهم ارضى عنها جاءت لوالدها الرسول صلى الله عليه وسلم تطلب خادمه وكان صلى الله عليه وسلم نائم وعندما علم بالامر صلى الله عليه وسلم امرها بالتسبيح سبحان الله والحمد لله ولا اله الا الله والله أكبر والله يا حبيبتي مجربتها والله وانتي تلاقي نفسك بربع ساعه يكون البيت نظيف ومن غير تعب وكلمه صغيره يمكن تعجبك حبيبتي وقت يكون زوجي قربي ويعاملني معامله طيبه وقتها اكون في اجمل بقعه في الارض ولو كنت في الصحراء من غير اكل ولا ماء ان شاء الله تروحين سفره جميله جداااا انتي وزوجك والاولاد قولي آمين |
اقتباس:
يا قلبي ربي يسعدك كلامك نفس رايي الله يوفقك لاتنسي تدعيلي |
اقتباس:
ونصايحك روعه بس يا قلبي ابوه وامه اذا اتعودو على شئ بعد فترة يعتبروه واجب عليا يعني لو فرضا دوره جاتني او ابغى اخرج بيفكرو اني ما اديت واجبي وخصوصا لو مرضت ابوه ابدا ما يعترف بالمرض حتى لمن كنت حامل وتعبانه كنت وكنت بانزف والله ما رحموني ابدا وبعدها اجهضت والحمدلله ما تتصوري قد ايه هما اتكاليين وهذا اللي مخوفني مره وبالنسبه للشغاله اذا هما اتعودو على وضع ماراح يفكرو يجيبو وحده اخخخخخخخ يارب الله يسعدك لا تنسي تدعيلي حبيبتي |
حبيبتي طالما انو زوجك هو اللي دفع للخدامه
خلي زوجك يجيب غيرها وامرك لله |
حبيتي الله يساعدك ويسهل كل امرك
. |
ايــــــــــــــــــــــــه يا ام مودي
تشكي لي وابكيلك انا مايبغون خدامة في الاصل لان عندهم خدامة بدون راتب بدون اكلام بدون سحر بدون خوف لكن الحاجة ام الاختراع حاجتي كانسانة للراحة خلتني افكر في نفسي وصحتي وبس وقفت في وجيههم وقلت جيبوا لكم خدامة واشتغل الشغل اللي يخصني انا وزوجي فقط مو مثل الالة على طول الوقت شغل يعني اللي مايشوفني شي انا اشوفه ولا شي فانت لالالالالالالالالالالالالالالالالالالا تسكتي الراحة مطلب وحق لكل انسان عيشي حياتك ياشيخة خلي عنك رضاهم المهم رضا رب العالمين+رضا الوالدين+رضا الزوج غير كذا ابدا غيــــــــــــــــــــــــــــــــــــــــــــــــ ـــــــــــــر مهم |
اقتباس:
شوفي يا قلبي زوجي راتبه يا دوب يكفي ومو معقول زوجي يتكفل بينا وبامه وابوه وعندهم اولاد تانين يعني كفايه اني مو مرتاحه بالبيت معاهم وبالبنسبه اني اروح بيت لحالي مافي امكانيه حاليا وربي يسعدك يا عمري على نصيحتك ومرورك الاروع |
اقتباس:
حبيبتي ربي يسعدك على نصيحتك يا عمري انتي عارفه كبار السن ورعايتهم وغير طلبااااااااااااااااااااااااااااااتهم يعني مو معقوله انا اخدم زوجي واولادي وغسيل وتنظيف وتربيه وطبيخ وهما وطيب وانا متى القا لي وقت لحالي وخايفه يتعودو كمان ويجيبو ضيوف وانا اللي اقوم بالشغل كله او حتى اني ما اقدر يوم انام ببيت اهلي والله مره خايفه وفعلا هذه النصيحه والله انا عملت بيها والحمدلله الدنيا اترتبت بس خايفه انهم يتعودو الله يسعدك ويحنن قلب زوجك ويفتح بينكم الحق ولاتنسي تدعيلي ببيت |
اقتباس:
لانو بيجمع عشان نشتري بيت والخدامات سارو غاليين |
اكثري من قول لاحول ولا قوة الا بالله
سبحااااااااااااان الله سترين العجيب بتحسين نفسك تقدري تسوي كل شي بدون تعب ومع راحه نفسيه لان القوه لله وحده سبحانه |
الله يسهل أمرك
خير الأمور الوسط:d أنا أقترح عليك تفهمي زوجك الموضوع وأتوقع انه فاهم وتبينيله انه الوضع صعب جدا بالذات بوجود أطفال بالبيت والله البيت ما يترتب ولا يتنظف فما بالك بوجود طلبات ثانية من أشخاص ثانيين:23: طبعا انتي أهم شي لا تخسري أهل زوجك يعني امسكي العصا من النص يمكن زوجك اذا اقتنع يكلم ابوه وأمه علشان يساعدوه بموضوع الشغالة:25: صدقيني اكثري من الاستغفار وكما تفضلو اللي قبلي كفو ووفو لكن أنا أتكلم من واقع تجربة عشتها ومريت فيها بنفس الظروف تقريبا:29: مع دعائي لك بالفرج والله يسخرلك زوجك وأهله نستنا الأخبار الحلوة :22: |
كل شئ بالتفاهم يصيير وزوجك اكيد ماراح يرضى عليك بشئ انتي ماتقدري تتحمليه
اشرحي له الوضع وخليه يتفاهم مع اخوانه ويتعاونوو انهم يجيبوو شغاله لاهلهم هذا واجب عليهم هم مايدفعوو لهم مبالغ شهريه ؟؟ اذا نعم .. معناته الافضل يتكفلوو فيهم وبخدمتهم كل انسان له طاقه وانتي هذي طاقتك محد يلوومك الله يعوضك باولادك وبصلاحهم موفقه اختي بأذن الله |
عزيزتي: عليكِ الدخول الى قلب زوجك واخباره بمعاناتك...صحيح أن خدمتهم أمر جميل لكنك وكما قلتِ أولى بأن تخدمي والديك حفظهما الله لكِ... هل سيرضى زوجك لو كان الوضع معكوسا؟ أي ان كنتِ أنتِ في بيت والديكِ وزوجك لا يتوقف عن خدمتهم؟ هل سيعجبه الوضع؟ عليكِ أن تفهميه ما يجول بخاطرك وكوني حازمة قليلا وأوضحي له أن لديك أطفالا وزوجا لتعتني بهم ولستِ مسؤولة عن أي شخص آخر... ننتظر آخر أخبارك.. تحياتي.. |
احتسبي الاجر واعملي خير ستجدينه بإذن الله من اولادك مستقبلا
اخدميهم وبري بهم حتى لو ان ام الزوج قاسية ستفتقدك وتفتقد تقديرك لها وستندم انها اخطأت عليك فنحن بشر مهما بلغ عنفنا وسيطرتنا لابد ان نتعظ اذا كنت تحبين زوجك فحبي اهله وادعي ان الله يهديهم لك ولابنائك ولزوجك اسأل الله ان يصبر قلبك ويعينك ويسهل امرك ويجلى همك ويختار لكم الخيرة الصالحة ولك شكري اختك ديباج الجنان |
احتي الحبيبه ام مودي
انا اسفه اتاخرت في ردي لاني والله مشغوله جدا هذه الايام وما بدخل البيت قبل الساعه 9 مساء طبعا يا حبيبتي انا مقدره وضعك تماما وحاسه فيكي الله يكون بعونك انا من رأي تجيبي اي خدامه ولو لفترة مؤقته الى ان تعود خادمتكم الاصليه اسالي صاحباتك قرايبك عن شغاله مثلا يعرفوها وهاتيها كام يوم عشان تساعدك لانك كمان مشغوله اكيد بالامتحانات الله يعينك يا حبيبتي الله يفرج همك ويرزقك بالبيت والاستقرار وينجحك وتخلصي على خير يارب |
اقتباس:
جزاك الله الف خير حبيبتي ولا اراك الله هم وربي يجعلها في ميزان حسناتك |
اقتباس:
والله يا قلبي كلامك كله صح وكانك تقراي افكاري ابوه وامه ماراح يساعدو بشئ امه من النوع اللي تمتع نفسها وابوه عنده حاله صرف الفلوس باي شكل لكن لو قولتيله نشتري اثاث للبيت ادفع راتب خدامه او استقدم وحده ما يرضى واكيد كمان راح يكون عنده خدامه بدون راتب جزاك الله خيرا على نصيحتك ودعوتك الحلوه |
اقتباس:
وعنده اخ شقيق احيان يرسل احيانا يطنش والحمدلله وطبعا كلهم عايشين بره السعوديه والمشكله ان زوجي اصغر اخوانه والله يا ستي الموضوع ده كمان منرفزني يعني لا راحه ولا استقرار وكل واحد عايش حياته مع زوجته واولاده ما شاء الله عليهم وانا اللي اضحي طيب ليه الحمدلله عل كل حال |
اقتباس:
وزوجي عارف وشايف الموضوع وما بيجبرني اني اعمل شئ لكن هما راح يتعودو عليا ودي المشكله كيف اتصرف في دي الحاله وكم مره قعدت اشرح لامه الموضوع وافهمها تجيب شغاله لكن ولا هيا هنا بتفكر في سفريتها وبس |
اقتباس:
حبيبتي بارك الله فيكي على نصيحتك |
اقتباس:
بالنسبه للخدامه اللي عندنا راح تسافر نهائي ما لها رجعه ابدا ولو جبت شغاله من هنا اولا ماراح تتحمل لانو ابو زوجي طلاباته كثيره ومن النوع اللي يصحى بدري وام زوجي تصحى متاخر وكل واحد يفطر في وقت حتى الشاي طريقة كل واحد غير والشوربه كل واحد عنده طريه غير ومن النوع اللي يصرخ على الخدامات حتى الخدامه اللي استحملته ضربها وحتى مالها مكان تنام فيه وغير الحاجات التانيه الله يعين وغير رمضان راح يهل علينا ربنا يوفقك على طيبتك وحنيتك يارب |
الكلام سهل يعني المثاليات من قبيل استحمليهما و افني عمرك في خدمتهما و الكلام اللي زي كده ما في أسهل منه لكن اللي ايده في النار ليس كمن يده في الماء, و أنا أرى أن موقفك صعب بما أن ظروف زوجك المادية لا تسمح بدفع راتب خادمة جديدة. مالك غير الدعاء يا حبيبتي و الصبر بس هل أم زوجك مسنة؟ يعني لا تساعد اطلاقا في شغل البيت؟
ربنا يكون في عونك و ييسر لك أمورك |
استغفري قبل النوم انت وزوجك 33 سبحي 33 احمديه 33 الله اكبر 34 هادي كانت وصية الرسول صلى الله عليه وسلم لبنته فاطمه بدل الشغاله
|
اقتباس:
حبيبتي مدمنة المنتدى والله العظيم كنك قارية افكاري القول سهل لكن العمل اصعب لانه انا اصلا مع شغاله او بدون ما في فرق بالنسبه لعمل البت الخاص فيا ما عندي وقت ابدا يا دوب اخلص غسيل يطلع كوي اخلص كوي اروح اطبخ اخلص طبيخ ارتب كله ورا بعض واجي اخر الليل تعبااااااااااااااانه وانا ما اعتمد ابدا عالخدامه شغلي انا اللي اعمله كله ام زوجي مسنه ولكن ما شاء الله عليها تروح وتخرج واسواق ولكن في شغل البيت تفطر على السرير وتقول تعبانه وضهرها يوجعها ورجلها ووووو يعني بمزاجها تكون تعبانه او تكون نشيطه وانا الله العالم لانو عندي اعوجاج في ضهري وكسر في العصعص اتعب وضهري يالمني والله يسعدك على نصيحتك ومرورك الاروع والحمدلله على كل حال |
اقتباس:
وخصوصا عندي صغار |
| الساعة الآن 08:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©