|
خادمتنا وخطيبي
السلام عليكم ورحمة الله
انا حابه استشيركم بموضوع مقلقني وياليت تساعدني برايكم السديد وتحلون هالمشكله لي طبعا ملكت قبل سنه وبيوم حفله الملكه وانا جالسه مع خطيبي دشت الخادمه علينا بالغلط وشافت خطيبي خطيبي كان جداّ وسيم والشغاله من شافته انهبلت دايم تسألني عنه وتسأل متى بيزورني ومتى بيجي من السفر ودايم كل ما اقعد عندها تجيب طاري خطيبي وانا مااجاوبها طبعا. وكان كل مايجي خطيبي تدخل علينا فجأه ولمى اهاوشها تقول ماكانت تدري وكانت تتعمد تقابله وهوه خارج مثلا تطلع تخم الشارع اللي قبال البوابه اوتطلع تكب الزباله الله يكرمك وانا طبعا كنت غافله وعلى نياتي المهم قبل فتره اتصل خطيب وقالي ان فيه رقم يزعجه من خادمه وتتحرش فيه بألفاظ سيئيه وجنسيه طبعا اناعصبت واخذت الرقم وقمت اتصل وماحد يرد دايم مغلق ولمى يجي الليل او بالظهر يكون مفتوح وماحد يرد المهم وانا طالعه بيوم الملحق (وهذا الملحق يكون للغسيل والكي) ابي الشغاله لاني اتصل فيها جوالها مغلق دشيت عليها ولقيت يمها جهازين جوال بس هيه ما انتبهت اني شفتها وانا مافكرت المهم لمى نزلت اتصل خطيبي وقالي لسى الازعاج انا ع طول تذكرت الخادمه وقلت له ارجع الحين واتصل فيها ودخلني معاك المهم خطيبي اتصل وانا كنت ع الخط ع طول ميزت صوتها وطلعت الملحق اراقبها ولقيتها تكلم خطيبي ولا ودلعه مثلي هبيبي:( وتنطق اسمه مثلي بغنج :( انا خطيبي وصاني ما اصلح معاها شي وخاصه انو زواجي بعد 17 يوم خايف تسوي لينا شي ساعدوني صرت اوسوس من الشغاله وشلون اتصرف معها |
انا اقول لو تسفرونها لانك راح تعيشين بقلق حتى بعد الزواج وقبل لا تسفرونها فتشوها زين زين زين يعني انفضوها نفض وعلى غفلة يعني لاتدري انها تبي تسافر عشان ما تبيت لكم نية شينة مثلا ودوها يوم عند احد اخواتك المتزوجات أي أحد وفتشوا ملابسها وضفوها وكلشي ! وبعدين يمرها كفيلها ودايركت على المطار . ولا ينسى بعد يفتشها هذا الحل برأيي . بكرا لا قدر الله تسحره او تحاول تفرق بينكم انتبهي ترا هالمشكلة كبيرة حيل حيل وياما سمعنا حوادث |
شكر آ عزيزتي على رايك هي مسافره مسافره بعد زواجي بيومين
انا فكرت بحلك المشكله ما اقدر افتش اغراضها لأن لها ملحق خاص مع زوجها السائق انا حتى لمى شفت معاها اجهزت الجوالات ماشكيت فكرتها لزوجها لانها دايم تقول انها لزوجها ويمكن ما الحق افتشها بتكون خبت اي شي يخصنا عند ربعهم او شحنتهم من قبل والله بديت اقلق من جد على فكره هيه الى الحين ماتدري اني كشفتها وباقي مستمره فازعاج خطيبي بس بتركها ألين ألقى حل |
دام انها لسه ماتعرف ..
سفروها بدون مقدمات .. وربنا يحفظكم ويبارك لكم في حياتكم .. يعني لاتنتظرو الين يصير شي ( لاقدر الله ) |
مالها الا السفر ويكون فجئه ولازم تفتشوها كويس
والله يستر عليكى ويجمعك مع زوجك على خير يارب |
الله يبارك لكم ان شاء الله
ودام تقولين العرس بعد 17 يوم وهي بعد العرس بيومين منقلعه خلاص يحفظ رقمها خطيبك بـ (لا ترد) ولا عاد يرد عليها ليش يرفع الخط ويسمع كلامها من اساسه ؟ |
الله يستر
حاولوا تسفرونها هي وزوجها وتنفضونهم قبل ومن غير ما يدرون مثل ما قالوا لك الأخوات ولو ما قدرتوا ممكن تتفقون مع الموظفين في المطار وحتى الحرمه اللي تفتش في المطار تفتشها زين وانتي وخطيبك داوموا على الأذكار والله يحفظكم |
اهلك يعرفون عن سالفتها مع ازعاج خطيبك ؟؟ لا تقولون لها الموعد الحقيقي لسفرها . .. يعني اذا هي بتسافر بعد يومين من زواجك و حاجزين لها قولوا لها الحجز صارت فيه شوية مشاكله و تأجل او ماحصلنا لك حجز OK الا بعد اسبوع او عشره ايام انا شغالتي عملت لي مصيبه و ما قلت لها اني بسفرك لما جا وقت السفر قلت لها راح اخذك عند عيله ثانيه لمي اغراضك بسرعه .. هي لمت اغراضها و انا كنت شاريه لها ملابس داخليه و دشداشه جديده .. بعد ما طلعت من الغرفه مع شنطها قلتلها ادخلي الحمام و غيري ملابسك و عطيني ملابسك اللي انت لابستهم .. و فكيت الشنطه و عطيتها فقط الملابس اللي جات فيهم من ديرتها و عطيتها شنطه ثانيه تحط فيها ملابسها .. اكيد مستغربه ليش عملت كذا .. لان الخادمات يخبون الاشياء الصغيره في جيوب خفيه في ملابسهم الداخليه و الخارجيه .. و حتى في شنطهم يخبون اشياء صغيره .. وفي الطريق قلت لها انت مسافره و انصدمت .. لكني تطمنت انها ما اخذت ولا شي يخصنا خوفا من السحر .. بالتوفيق ان شاء الله .. |
انتبهي من اغراضك ولاتدخل غرفتك حتى تسافر ويجب تفتيشها قبل سفرها مباشرة
|
هبيبي
الله يعينو اذا يقدر يغلق النمره ويغيرها لحيت زواجكم وسفرها او تقولي امامها : يا حرااام جوال خطيبي انسرق هيك ولو رنت عليه وان رد يعطي صوت تاني او يضعه امام التلفزيون قناة الجزيره ويقوي الصوت هبيبي والله عجبتني |
قل لن يصيبنا إلا ما كتب الله لنا
داوموا على الأذكار أولاً .. سفروها بأسرع وقت ثانياً مع ضمان عدم أخذها أي شيء من آثاركم ثالثاً .. لا تقلقي فلن يصيبك إلا ما كتب الله لك وكوني حذرة بإنها تعرف عن تحرشها بزوجك .. إذا عرفت بتزيد ضرر .. حفظكما الله .. |
اقتباس:
|
هي من وين جابت رقم خطيبك ؟! يااااااااااااربي من هالشغالات .. الله يستر علينا ترا اختي ... صارلها مشكله مع شغالتها .. وسبحان الله مره ناديناها عندنا وعقب سفرناها وهي ماتدري ويوم فتشت دولابها لقينا بلاوي ملابس جديده لخواتي وسارقتهم عندها ولقينا ربطة شعر لأختي ومنديل مستعمل لزوجها .......................... افهمو وش فيه انتوا عاد !!! وحاطه هالشيئين بكيس لوحدهم واضح انها كانت تبي تسوي فيه بلا الله لايساااااااااااااااامحها ... انتبهي كثير ومالكم غير تسفرونها على غفله وتفتشووووونها تفتيش الله يكفيك شررها ياااااااارب |
أعانك الله... عليكِ بنصيحة الخالة أميرات ولا تترددي في اخبار أهلك.. |
مساء الخير
الحل الوحيد سفريها هي وزوجها بعدين انتي لك سلطه عليها يعني لازم تفتشينها علشان يمكن يكون معاها شي يخصك وتضرك فيه |
شوفو وش صلحت اليوم وقولو انا تصرفت صح او غلط
خادمتنا تموت بقصات الشعر وانا حريفه شوي بالقص وريتها صوره بالنت وقلتلها وشرايك اقصلك مثلها وهي ماصدقت ع طول وافقت طبعا قصيتلها واخذت من شعرهاوخبيته بغرفتي بعدين واجهتها بالسالفه وقلتلها مارح تطلعي من الملحق اليوم الين افتش اغراضك والسواق مو موجود وقلتلها لو صار لي او لخطيبي او اي احد يخصنا شي مو زين انا كمان رح اسحرك انا وش سويت صح ولا غلط |
اقتباس:
|
اقتباس:
|
اقتباس:
|
اقتباس:
بس شكلي تسرعت وصارحتها |
اقتباس:
لا يا اختي ده تصرف غير سليم لانه كده هي عرفت انك عرفتي وممكن تعملك حاجه انتقام منك ودول الشغالات مش بيهمهم حاجه حتي لو عملتي فيهم ايه سحر ولا ايه يكون لازم تقولي لاهلك و تسفريها حالا متستنيش لبعد الجواز |
هيه كانت تقولي وتترجاني ما اقول لزوجها وشرايكم
|
يالله والله يامشتاقه انا حاسه اني غلطت كاني ناقصه هموم على هموم زواجي الله يحمينا
|
اقتباس:
عزيزتي تصرفك غير سليم على الإطلاق كان عليك ان تحبكي خطتك جيدا...أنتِ تهورت كثيرا أفضل شء تفعلينه هو اخبار والديك أو زوجها حتى يوقفها عند حدها.. |
ياربي اشكثر انا غبيه
معقوله حتحقد علي ولا همها شي |
لا تقلقي عزيزتي.. داومي على سورة البقرة وأخبري اهلك وزوجها حالا... |
اختي الكريمة الانسان لما تكون لديه مشكل يلجا الى هنا لعل الله يجعل له مخرجا من الهم والمشاكل اللي هو فيه بمساعدة اناس طيبون لا تعرفين عنهم شئ الاعضاء وفوا وكفوا اسمعي كلامهم روحي قولي لامك على كل اللي صار لا تخبي عليها شئ وبالنسبة للخدامة طلعوها من بيتكم فورا وحالا وكما يقول المثل الدارج إبعد عن الشر وغنيلوه يعني ليه مخلينها لغاية دلوئتي انا لو كنت مكانك كنت طلعتها من اول ثانية اكتشف فيها مكرها بس بطريقة ذكية من غير ما تحس بشئ ويله الباب يفوت الجبل
الله معك اختي اكثري من الدعاء ربنا يحفظك يا رب ويتمم كل شئ على خير اسالكم الدعاء |
اقتباس:
ان شاء الله ربنا يحفظك انتي وزوجك واهلك متخفيش بس لازم تسفروها حالااااااا واقري قران كتير وربنا الحافظ |
التصرف الذي حصل خاطئ .. وإن كانت هذه الفتاة تتعامل بالسحر فستضرك كثيراً .. ولكي تقوم بالسحر لا يلزم أن يكون معها من أثرك "قميص" مثلاً .. أثر بسيط من ملمسك على فنجان القهوة كفيل بعمل ما تريد ..
حاولي التصرف مع أهلك مع المداومة على سورة البقرة والمعوذات وآية الكرسي .. أسأل الله لك الحماية .. |
انا برائي تسفرونها واذا موقادرين الحين ابعدي عنها وعن شرها ولا تخليها تدخل غرفتك ابداوكوني حذر الله يوفقك ويبعد عنك الشر كله |
هههههههههههههه
لاحول ولا قوه الا بالله اجل هبيبي ههههههههه |
أهم شي لاتنسي تحصني نفسك يوميا بالأذكار بعد صلاة الفجر وبأذن الله مايمسك شر توكلي على الله ولايهمك
وفقك الله |
انا من رايي لا تجلس بالبيت ولا دقيقه لانك كشفتي اوراقك لها بدري على كذا ودوها لاحد حتى زوجها خطر عليكم الله يفرجها عليك
|
انتبهي تقولي لزوجها لا تزيدي حقدها عليكي وادمري حياتها وتضطريها ادمر حياتك موبعيد زوجها يطلقها او يسوي فيها شي استري عليها وسفريها
|
الحمدلله انه قالك وماخبى عليكي سفريها وفتشيها وقوليلها انك عرفتي ولو قدرتي خليه يكلمها وادخلي عليها وبهدليها وخللي خطيبك يغير الرقم
|
.,
غـآ!ليتي ., مو مهم كشفتـج أو لآ ~. أهم شـي إنـج مـآ! تتركين شيي من أغرآ!ضكم عندهـآ! وهالتفتيش يكـوون على روآ!ق قبل سفرتهـآ! بدقـآ!يق .~ انتي لا تكشفين أورآ!قهـآ قدآم زوجهـآ! ., واتركـي هالشـي تهديد لــهـآ! ., لصــآلحج ~. وحـآ!ولي تعجليـن بالحجــوزآ!ت ., وسفريهـآ! على غفلـه ،~ والتفتيش قبل طلعتهـآ! من البيت ., حتى ملابسها الي هي لابستنهـآ! تفتشينهـآ! شنطتهـآ! ( الهاند بـآق ) .~ اي شي فيـه منـج ., لا تتركينـه عندهـآ! ~. وأكثــري من الاستغفــآ!ر ., والبقـرة ., قريهـآ! واتركيهـآ! تشتغل في بيتكمــ ., وكل صبـآ!ح ومسـآ!ء اتحصنـي بالأذكـآ!ر ~. وآيـة الكرسـي ., اقرأيهـآ! ., بعد كـل صلآه .~ والله يستـر عليـج ., وايسـر زوآ!جج ., ويكتـب لج الي فيـه كـل خيـر ، اللهــم اجمـع بينهمــ على خيــر ., اللهم تمم زوآ!جهــم ، وارزقهمــ من حيث لا يحتســـبون .~ اللهم اكفيهمـــ بمـآ! شئت واجعـل تدبيـر هذه الخــآّدمـه في تدميرهــآ! ~. ., طمنينــآ! عليـج ~. ~[/align] |
حبيبتي هاذي مشكله الخادمات مصيبه اني مامتعامله معاهم قبل بصراحه لكن اسمع عنها والبنات وفو وكفو اهم شي انك تاخذي حذرك منها يعني بلاش تاخذي وتعطي بالكلام معاها وزوجك مثل ماكال الاخ خلي يحفظ رقمها ومايكلمها واهم شي بعدي اغراضك عنها وان شاء الله الحياة السعيده والرفاهيه والف الف مبروك مقدما
|
اختي انسب حل تسفروها حالا هي وزجها ويسافروا بالملابس الي عليهم بس
لاشنط ولاهم يحزنون وطبعا الملابس كلها تكون جديده ويلبسوها قدام عينكم الله يهديج تسرعتي بشكل وانا اقراء ردودك قلت بيني وبين نفسي بس لاتسرع واتسوي شيء غلط المهم الي صار صار لازم تسفروهم وحاولي انت وزوجك تحصنون نفسكم وتقرؤا قرآن والله يستر عليكم وعلينا بصراحه الخدم نقمه وليس نعمه الله يكفينا شرهم |
اشكر كل من رد علي وافادني
وابشركم الخادمه رح تسافر ع الخميس ورح اخذ بمشورتكم في تفتيش اغراضها قبل سفرها مباشره وانا استودعت الله نفسي وزوجي واهلي |
أختي في هذي الحالة لازم تفتشينها هي وزوجها وش يدريك تصير مخبية أغراضها مع رجلها أو حاطة أحد شناطها الصغار واياهم وفيها بلاوي : أنا أقترح التالي : أولا تشيلون الاثنين وتصرفونهم عند أحد . ثانيا : في هذا الوقت تفتشون شناطهم كلها تفتش صاحي مو خرابيط الخادمات يحطون الأثار مثلا شعر وأظافر وغيره في ملابسهم ويثنونها ويخيطونها فانتبهوا زين زين . بعدين شيلوا أغراضهم وبالشنطة واشترولهم ملابس وخليهم يغير اللي عليهم ( حتى الملابس الداخلية لأن بعض الأحيان يصير فيها جيوب ) وبعدين سفروهم مع التوكل على الله وصدق المثل القائل : يامن شراله من حلاله علة ! وحينما تتصرفي في مستقبل حياتك لاتفعلي شيء إلا بعد الإستشارة . للأسف أكبر خطأ فعلتيها حينما أخذتي أثر شعرها وهددتيها . لأنهم يحمون أنفسهم بالجن . المهم انفضوها زين ولا تحسسونها إنكم خايفين منها . وانتبهوا من الظلم مو يعني تنفضونها تخربون أشياءها من السرعة أو غيرة أجلسوا يوم كامل على الأشياء اللي تبي تسافر فيها . ولاتنسون حقيبة اليد اللي بعضهم ياخذونا معها وملابسها الداخلية والجزمة اللي لابستها . . |
| الساعة الآن 06:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©