|
خطيبي وتربية القطط
السلام عليكم ورحمه الله وبركاته
اسعد الله اوقاتكم بكل خير اسفه على ازعاجكم بمواضيعي كل شوي بس والله اني لقيت عندكم النصح اللي مالقيته عند احد وفعلا فادني في مشاكل كثيره اخواني واخواتي مشكلتي كالعاده مع خطيبي انا صراحه احس اني طفشت ومو عارفه ايش اسوي لدرجه احيانا كثيره من كثر ماابكي واتضايق احس اني استعجلت اني انخطبت وفكرت بالارتباط مادري ايش اقول يمكن المشكله تافه بنظر البعض بس من كثر ماانا متضايقه مالقيت مخرج غيركم خصوصا اننا على وشك دخول الامتحانات والنفسيه لحالها معدومه لذلك رجاء اسمعوني وافيدوني مشكلتي هذه المره بحكيها لكم بالتفصيل وسامحوني على الاطاله اللي قراء مشكلتي السابقه عارف وضع خطيبي من انه انسان ساكن لحاله وبصراحه هو انسان عصامي كون نفسه بنفسه ومعتمد على حاله مشكله خطيبي انه يقول لي احيانا كثيره احس بالوحده مع اني معاه على طول صح هو ببلد وانا بلد لكن دائما احاول اهتم فيه وباي مشكله عنده ومااحاول يمر يوم دون اظهر اهتمامي له ودائما اقوله ان شاء الله بعوضك سنوات الوحده بعد الزواج حتى هو دائما يقول لي انتي لما تكوني عندي راح تكون حياتي غير المهم المشكله هي خطيبي العزيز وزوجي المستقبلي ساكن طبعا بسكن عزاب المهم كان دائما يحكيني عن انه في قطه عايشه معاهم بنفس العماره وكانت دائما القطه هذه متعوده على البشر وكان هو كل فتره يشتري لها شيء وياكلها وانا كنت افرح بهذا الشيء لانه رائفه ورحمته بالحيوانات حلوه والرسول صلى الله عليه وسلم قال بكل كبد رطبه اجر لكن انا كنت دائما اختلف معاه حول نقطه دائما كنت اقوله لاتدخلها معاك البيت وهو يقولي ليش هي شكلها متعوده على البشر وعادي تسليني وانا اقول له لا لانه يمكن تكون تحمل امراض خصوص انها الله يكرمكم متربيه بالشوارع يعني برضوا مانظمن وكان احيانا يقول لي طيب ويقوم يطلعها بره بس يوم الثلاثاء هذا اتصل علي وكان يكلمني وانا بكلمه سمعت صوت القطه عالي قلت له هي عندك شكلها كانها بالغرفه قال لا قلت الا قال لا قلت طيب قول والله مو بالغرفه قال من غير حلفان هي بره سكت وقلت له شكلها بالغرفه قال اقولك شيء هي عندي من اربع شهور ماشافت الشارع وكمان جابت اربع قطط صغيره وانا اشريت لها بيت وصرت اربيها هي وعيالها انا مره انصدمت وانقهرت منه قلت له يعني انت من اربع شهور تكذب علي وكل مااقولك طلعها كنت بس تكذب علي وانت مربيها كيف تربيها هذه من الشارع راح رد علي قالي هي متعوده على البشر قلت ايوه بس برضوا ممكن تحمل امراض يقولي لا هي مو شكلها مريض احاول افهم فيه اقوله انه القطط مايبين عليها المرض الا بالمراحل المتقدمه وممكن لاسمح الله تحمل مرض الثعلبه وممكن تحمل مرض السعار وممكن تحمل بكتريا وفطريات مو راضي يفهم ويقولي انتي ماتفهي انا لاني احس بالوحده وعلى الاقل اسمع صوت بالبيت اقوله طيب بس على الاقل جيب وحده نظيفه مو من الشارع يقول لي لا هي نظيفه وانا ماكنت ابغى اقول لكي من اول علشان عارف انك راح تسوي كذا قلت له يعني انت عارف فكره ووجه نظري وخوفي عليك ومع كذا سويت اللي تبغى قالي طيب ايش تبغي وايش نهايه الموضوع قلت له طلعها برى البيت مارضي وحلف مايطلعها قهرني مره حسيته انه ماهمه خوفي عليه ولا همه نصحي له ولا كلامي ورمى كلامي وراء ظهره قلت وانت دائما كذا تخبي علي وتخليني اكتشف الاشياء بالصدفه قال انا اللي قلت لك قلت ايوه ماقلت الا لما اكتشفت انها موجوده بالغرفه على كذا انا اسوي الاشياء اللي انت ماترضاها ولا اقولك واخليك مثلك تكتشف بالصدفه قالي ايوه سوي هذا الشي قلت له بسوي قالي طيب سوي قلت له ايوه راح عصب وقالي خلاص مع السلامه قلت له طيب مع السلامه وقفلت وانا جدا متضايقه منه انا فاهمه انه حاس بالوحده وماعندي اعتراض يربي حيوانات احنا بعائلتنا نربي حيوانات لكن نظيفه مو من الشارع الله يكرمكم وقهرني انه خبى علي واستغفلني له اربع شهور وانا الحين طول يوم الاربعاء مااتصلت عليه ولا كلمته مثل العاده والعاده لما يصير بينا خصام هو عمره مايتصل ويعتذر انا دائما اتصل حتى لو كان هو الغلطان لانه مااحب يطول بينا الزعل لانه الرسول صلى الله عليه وسلم نهى انه يطول الخصام اكثر من ثلاث ايام فانا عاده اخلي يوم يمر واتصل اراضي حتى لو هو غلطان مع اني انقهر منه لانه عمره مايتصل يعتذر ابدا حتى لو كان غلطان ودائما يطلعني اني انا ماافهمه وادور على مشكله معه لما اتصل اعتذر له والحين هو طول الاربعاء مااتصل ولا ليه الثلاثاء وحتى هذه اللحظه لارسائل ولا اتصال وانا مادري ايش اسوي هل اتصل واعتذر منه مع اني ماااشوف نفسي غلطانه ابدا ولا اطنشه واتركه نفسيتي مره تعبانه ماقدرت اذاكر شيء من الكتاب وعندي الاسبوع الجاي امتحانات نهائيه ابغى نصيحتكم رجاء افيدوني احترامي لكم وميض الخيال |
اختي دي مشكله بسيطه ومش مستاهله البكاء والنكد الي انتي فيه ده ايه المشكله انه القطط من الشارع اكيد هو نظفها وحممها يا اختي ربك الحافظ من الامراض وهو خبي عليكي علشان عارف انك هتزعلي فمحبش يضايقك ويقلك انا من راي اتصلي بيه وكلميه عادي ولا كان فيه شيء حصل ومتكبريش الموضوع وانسيه وربنا يوفقك |
طيب هذا هو صارله اربع شهور القطة عنده مع اولادها والحمد الله ما صار له شي ياحبيبتي ماله داعي تخلقين مشكلة من لاشيء |
المشكله يااخواتي انه مره قالي انتي تغاري من القطه انا والله مااغار بس اخاف عليه
صح الله الحافظ ونعم بالله عز وجل لكن برضوا الله قال ولاتلقوا بايديكم الى التهلكه وكمان اوصى بالاخذ بالاسباب انا مره مقهوره منه ومو عارفه اراضي ولا اطنشه المشكله كمان يقهرني انه عمره مايعبرني لو زعلنا مع بعض وعلى فكره حتى لما اتصل عليه اراضيه يجلس يطنشني ويطنش اتصالاتي ولا يرد الا بعد جهد جهيد يعني حتى يضايقني اني اصالحه ماردي ايش اسوي هل فعلا اتصل واسوي كان شيء ماصار بس انا مو راضيه على ذا الشيء دلوني ايش اسوي ؟؟؟؟ |
ههههه ياحليلك والله !!
هذه مشكلة عندك ؟؟ ههههه باين إنك صغيرونة !! حبيبتي تمشي بالمنتدى وشوفي المشاكل اللي تشيب الرأس .. وش مشكلتك هذه عند المشاكل الكبيرة !!! اعتبر سالفتك هذه مع احترامي دلع وراح يطفش زوجك من هالخرابيط على كل حال خليه على راحته واذا تزوجتيه إن شاء الله اطردي كل القطاوة برى ونظفي البيت وانتهينا !! ههههه على بالي يكلم بنت والا جايبها للبيت بعيد عن الشر إن شاء الله .. . |
عادي يا بنت الحلال
والله السالفة ماهي مستاهلة القصة كلها ما تحتاج لزعل علشان يتصل يراضيكي عليها يا حبيبتي بكره يزهق من القطة .. لما تتعبه مع اولادها ويوديها برا تاني وراك امتحانات ركزي فيها واذا اتصل ردي عليه عادي وكلميه ولا كأن صار شي .. لانه لو كلمتيه بالموضوع مرة ثانية بيقولك تغارين من قطة ! هو رجال ويعرف مصلحته يا حبيبتي لا تعاملينه وكأنك امه وتركضين وراه ايش اكل وايش لبس وتغطى ولا لا ودخل القطة ولا ما دخلها .. الرجال ما يحب هالمعاملة أبدا من زوجته والله طيعيني |
اختي طيب ايش رايك اتصل فيه ولا لا ؟
|
اقتباس:
اخي انا عارفه انه في مشاكل كثيره اكبر من كذا وبالعكس مقدره هذا الشيء وببدايه الموضوع ذكرت انه البعض يشوفها مشكله تافه بس لما تتعلق بانسان وتحبه لو شفت منه شيء تافه راح تعظمه لانك تشوف فوق مستوى الخطا وتشوفه كبيره بعينك وماتحب يصير بينكم زعل وبالنهايه اقولك ماخاب من استخار ولا نقص من استشار حتى بتوافه الامور |
اقتباس:
انا فعلاا لما هديت قررت اني مااكلمه بالموضوع بس حبيت اعرف هل اتصل عليه واطنش وان اتصلت عليه بسوي نفسي ماكان شيء صار وعادي اكلمه باي موضوع ؟ |
حل عادل بينك و بينه
ياخد القطة يعرضها على طبيب بيطري و خلصنا :) |
عادي حبيبتي كلميه بالوقت اللي متعود هو عليك تتصلين
رح تكبري بعينه قوليله نكته حلوة .. خبريه عن امتحاناتك ولا تجيبين سيرة القطط امزحي معاه وخلك مرحة الله يهنيك |
اقتباس:
صالحيه و لا تفتحي الموضوع مرة تانية و ارجعي لدراستك و انتي مروقة |
شكرا اختي على النصيحه والله اني فعلا محتاره بس بتصل واشوف ايش يصير
مع اني عارفه انه راح يطنشني مثل العاده ومارح يرد على طول الله يهديه لي ويهديني وعلى فكره اخت ماريا انا عرضت عليه هذه الفكره ورفض مرررررررررررررررررررره عنيد الله يهدي |
اقتباس:
أنا بنت مو رجل :) مشكلة << مؤنث مو مذكر !! على كل حال هونيها وتهون ,, . |
اتعرفين
انا اكره الحيونات تلمسني او المسها مرة متعقد منها ماعدا الخروف هههههه لكن لو حطيت نفسي مكانه .. ما اقدر اتخيل نفسي اني ماسك القطط وحاذفهم في الشارع وويجون عند المكان الي متعودين عليه واسكر الباب في وجههم وينامون عند الباب يااااااه شعور صعب .. خاصة لو كنت عايش عزابي وكل يوم اشوف البيت والاكل الخاص حقهم ..مشكله ياليت تفهمين زوجك .. والله انه مايعاندك بكره اذا تزوج راح يشوف له صرفه معاهم لانك راح تكوني مالية عليه حياته والمسئوليات راح تزيد .. وراح تلقينه ولا يفكر فالقطط مبين ان نظر للظروف المعيشية الي هو فيها الان مربي قطط تحياتي |
بالعكس القطط راح تعطيه طول بال بعدين و راح يصبر عليك كثير صدقيني
|
انا مع كلام اختي ماريا
ياخذها و يعطيها التطعيمات اللازمة و الله يعطيه العافية و يكسبه الاجر ,,,,,,,,,,,,,,,,,,,,,,, و يادار ما دخلك شر !!!!!! ماني شايفة ان في مشكلة اصلا !؟!؟!!!!!!!!! و انتي اتركيه بحاله هوا بكيفه في غربته حر ولا كمان من دحين تبغي تتحكمي فيه ؟! نصيحة سيبيه في حاله و هوا ادرى بمصلحته و الله يحفظكم اجمعين |
باختصار يا اختي هذا زوجك ماهو طفل عندك تربينه وتتحكمين في تصرفاته
هو زين راعى على مشاعرك لانه واقع بين نارين هو يبيهم بس مايبي يزعلك وانتي الله يهداج ماتعطينه فرصة حطي في بالج دائما : ان للصبر آخر بالذات مع زوجج فلا تطفشينه اعكسي الوضع عندج بدل ما انتي الحين مقيدة حريته بحدودك الي تخنقه حطي انتي لج حدود في التدخل بحريته واطلقيها له لانه ادا تصرف على سجيته انتي الي بترتاحين وراح تملكينه بس راح تملكينه بإرادته هو اتمنى فهمتين علي خربطتي وسامحيني ادا كان اسلوبي فض بس اختي انتي وتهمني مصلحتج الله يصلح لج الاحوال ويسعد قلبك ويريح خاطرك |
موووووووووووووووت من الضحك والله
والله أنك عسل حبيبتى بدام نظفها أصبح الامر غير مقلق |
أهم شيء يعرضها على طبيب بيطري
ليعطوها التطعيمات اللازمة وعمل بعض التحاليل وللعلم وممكن أن تخبري خطيبك بان القطط تنقل مرض التكسوبلازما ولا تظهر أي أعراض عادة على القطط وخطر المرض يكون على المرأة إذا التقطت العدوى تسبب الإجهاضات المتكررة للحامل أو تشوهات للجنين في بطنها عافانا الله وإياكم وإذا تطمن عليها من هذا المرض وصار هو اللي ينظفهم ويغير لهم ويهتم فيهم وإذا تزوجتوا يدخلهم في غرفة ثانية إذا ماودك تشوفينهم إن شاء الله عادي |
حبيبتي هذي موضوع جدا بسيط بس شي اخر اللي انا بفكر فيه انه خبى عليكي 4 شهور وهذي معناه انك لازم تبتدي تفهميه وماتزعلي على اي شي خلاص ربا القطه براحته نصحتيه مانفع خلاص بس عاتبيه انه ماقالك ولو هي ممكن تكون غلطك لانه ماحب يعمل مشكله فمقالك حبيبتي عديها يعني مواضيع هايفه خفتي عليه وهو مرتاح هيك خلاص لاتسوي على موضوع هايف مشكله وبعدين انتي مع اهلك ماحتحسي كتير بيه وبالوحده صدقيني الوحده فعلا تقتل وتذبح كمان انا مره قعدت ليله وحدي فتحت التلفزيون وعليته حتى بس احس فيه صوت وهذي ليله مابالك وقت طويل اعذريه وعدي لانه لما تزوجين حتكون فيه مشاكل الحياه ما معقول اقل مشكله تزعلي عليها طب وش تسوي بلمشاكل الكبيره حبيبتي اتصلي بيه صالحيه خيركم من بدأ بلسلام وبعد ماتصالحون قوليله اللي زعلني انك خبيت عليا يمكن انا كنت بزعل بس من خوفي عليك اوعدك ما اكبر الموضوع وبس اوعديني ماتخبي عليا شي حتى لو حزعل وانتي لما يقولك شي يزعل عديها وقوليله مادام قلتلي حبيبي انا مازعلانه لانك صارحتني هذى يخليني اغفرلك وكلام حلو حتى يتعود على الصراحه الله معك حبيبتي يلا صالحيه الان مافي بلعمر وقت حتى تضيعيه بلزعل الله معك حبيبتي |
وعليكم السلام ورحمة الله أختي الكريمة حاولت اعد الأسطر اللي كتبتيها بس احولت عيوني :d لكن ما أدري هـل ما تشعرين به غـيـرة من القـطـة وأبشريك بحاجة نسيتها ان القطة تقول مياللووو وليس يا حبيبي،،،، فلا تـغـاري ولا تكثري التفكير السلبي بحاجة الخوف على صحته ،،، لا تكبري الموضوع وهو ما يستاهـل وترى العزاب حالهم كذا تلقين عندهم جيش قطاوة يعطونهم فائض أكلهم وفيها احتساب أجر عظيم<<< إسأليني أنا :25: وبيني وبينك ما في احن من القطط ، ما أدري إذا تزوجنا بنشوف حنان ولا ،،،،:24: وبعدين إذا كلمت خطيبك ناديه بأبي هـريرة ، ككنية له ، :22: وشوفي ردة فـعـله، بتسعدينه ، وذكريه أنه يحتسب أجـر إطعامها، وذكريه أيضا انه يحتسب الأجر فيك إذا أخذك من بيت أهـلـك ،،،، وقـولي له بأسلوبك الخاص إنك القـطـة القادمة لحياتــه ، فـاستعد لها ومن هذا الكلام ،،،،:d الله يجمع بينكما على خير ويوفقكما للسعادة عزوبي:21: بس:d رجل:30: |
| الساعة الآن 12:56 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©