|
مارايكم بالحلف في الحياة الزوجية ؟
السلام عليكم
أنا بكتب مشكلتي بدون مقدمات أنا زوجي حلف علي حلفين ( مرتين ) الحلف الأول : حلف انه مايطلعني من باب بيتي الا الى بيت أهلي والى مكان دراستي ( الحلف لمدة أسبوعين ) ,,,, أهلي ودراستي في نفس مدينتنا الحلف الثاني : حلف اني ماأزور قرابتي اللي في مدينة ثانية تبعد عن المدينة اللي ساكنين فيها 80 كيلو ( الحلف كل العمر ) وبنفس الوقت يبغاني أروح لقرابته اللي بنفس المدينة اللي حلف علي اني ماأزور قرابتي فيها أنا سكتت ,,, لكن بنفس الوقت ماني راضية على هالشي ,,, لأني ماأحب شي فيه حلف المهم ,,, أنا مشيت سالفة الحلف الأول ,,, وقلت كلها أسبوعين ,,, وفعلا مرت هالأسبوعين ... لكن الحلف الثاني مارضيت عليه ,,,, مو لأنه طول العمر ,,, بس لأنه وبكل بساطة يبغاني أروح معاه لقرابته اللي في نفس المنطقة ,,, وهذا شي يقهرررررررر اليوم يبغاني أروح معه ورفضت ,,, قلت إنت حلفت علي اني ماأروح لقرابتي ,,, أنا بعد ماراح أرووح معاك لقرابتك هناك وهو يقولي لازم تروحين ... وقالي بعدين نتناقش في الموضوع لما يصير لك زيارة لهم ,,, أشوف أنا اوافق والا لا ,,, أنا مارضيت أسكت وأمشي الموضوع ,,, وقلت لا ,,, لازم تشوف لك صرفة بالموضوع ,, أنا ماراح أروح اليوم معاك .... وزعل مني ,,, والى الآن هو زعلان ... أتمنى آرائكم ... بس لاتقولولي هذا زوجك وواجبة عليك طاعته ... كل هذا أعرفه ,,,, أبغاكم تجاوبوني ... بعد ماتحطوا نفسكم فمكااااني .. كيف راح تكون ردة فعلكم عالموضوع ؟؟؟ وغير كذا أنا مو راضية أبدا على مسألة الحلف في الحياة الزوجية ... اللي مافهم على كلامي عادي يستفسر مني ... لاأحد ينتقد أسلوبي في كتابة الموضوع ... أنا والله أكتب الآن ومن داخلي نااااااااار ومقهوووورة .... |
السلام عليكم اختي بس حبيت اسألك وش نوع القرابه اللي تتكلمين عنها ؟؟ بالنسبة للحلف انا معك اختي الامر هذا المفروض مايكون موجود بين الزوجين حاولي تفهمين زوجك انك طوع امره لكن مو بالاجبار برضاك.. وقولي احنا كبار على الشي هذا واحنا متعلمين ومثقفين كيف تتعامل معي بالاسلوب هذا وبهدؤ تام ناقشيه واسأل الله لك ان يسخره لك. |
قرابتنا
خوالي وخواله وجداتنا ,,, لأن اهلي وأهله عندنا في نفس المدينة وفعلا كلامك صحيح الله يعطيك العافية أختي |
ممكن آراءكم لو سمحتوا ؟؟
|
ممكن ؟؟
|
زوجك يبي يقطع رحمك ؟؟
اعتقد مو من حقه يقطعك من ارحامك يعني انتي مو راح تطولين انتي بتروحين تأدين واجب وبتصلين رحمك مثل مانتي الان تزوجتي واصبح اهل زوجك من ارحامه ويعتبرون ارحامك ومن الواجب السؤال لو بالتلفون فالاولى ارحامك الذيت يتصلون بك من اهلك جهة الام والاب فهم اقرب واولى الله يهديه بس ويعينج على صلابة افكاره ورأيه متى بيفهمون الرجال انه الي متزوجنها هي مو ملك خاص له فقط تعتبر شريكة مو كنبة يشتريها والاهم ان لها حقوق وعليها واجبات نحوه ونحو عائلتها وعائلته |
حبيبتي دمعات الروح أشكرك على ردك بس زوجي ماقصده اني أقطع رحمي ,,, لا والله زوجي مافيه شي يعيبه ماشاء الله عليه ,,, إلا عصبيته اذا عصب مافيه تفاهم وعلى طول يرفع صوته ويحلف ومدري ايش أنا بس لو يفكني من الحلف أحس إنا جايين من خيمة على هالحلوووف حنا صارت بينا مشكلة قبل أسبوعين ,,, وبعدين حلف علي ,,, مع انه الحلوف مالهم دخل بمشكلتنا ,,, بس لأني قارنت حياتي الزوجية بحياة غيري وانا معصبة مرررة عشان كذا عصب علي وحلف ,,, الله يعطيك العافية أختي |
وقت يكون الزوج معصب ما تقارني نفسك بغيرك من الناس
خليه يحلف انو ما رح يحلف تاني عليكي وانتي وقت تلاقيه معصب اسكتي ووقت يهدا اتكلمي معه وناقشيه انما اهم شي انو يوقف الحلفان ولازم يفهم يمكن يخسرك بهذا الحلف |
اختي عنابه قبل ما اقول لك اذا زوجك غلطان او مو غلطان ممكن اسئلك ايش التصرف اللي تتصرفينه مع زوجك و تخليه يوصل انه يحلف بهذه الامور ؟؟؟!!!!!! |
على اية حال مهما كان تصرفك اللي تتصرفينه مش مهم الان المهم هو ان لا تتنازلي عن حقك ولا تعطيه فرصة التسامح والتنازل لانه راح يكررها مرة ومرتين وثلاث لا تتنازلين من موقفك حتى ياتي ليكلمك سعتها بيني له باسلوب رايق وهدوء تام عن معاملته والحلف دا هو غير جائز بين اثنين متزوجين ومثقفين كمان لانه يعقد الامور اكثر ويزيد في المشاكل انتم في غنى عنها
اتمنى الفكرة وصلت والله اعلم بعلمه ربنا يهنيكم لبعض ياااااااارب |
اقتباس:
أكيد أنا غلطت لما قارنت هو معند الحين ,,, أنا الصباح مارضيت أسكت وأقفل الموضوع << احنا ننام الصباح ونصحى قبل العصر لأنه يبغاني لما نصحى نلبس ونروح لجدته ,,, عشان كذا مافيه وقت انه احنا نتناقش إلا الصباح وحبيت أخبره اني ماراح أرضى بهالشي أنا ماهمني أروح لقرابته والا لا أنا دايما أروح معاه للي يبغاه ,,,, أنا اللي همني الحلف وبس لو ماأروح لقرابتي أبدا لكن ماأبغاه يحلف .... أحس إنا متخلفين بهذا الأسلوب :29: الله يعطيك العافية أختي قرين |
أختي أميرات :::
هو جانا فترة تقريبا 3 شهور مانطلع نتمشى ولانروح السوق ولا شي عشان دراسته إلا اللهم انه أحيانا يطلع فيني بالسيارة بنص الليل ندور شوي ونرجع ,,, يعني مافيه حياة بهالوقت هذا والا نطلع من أهلي ونروح لمطعم وناخذ الطلب ونرجع البيت << بس لما يكون هو جوعااان فقط أنا أبغى أروح السوق وأروح مطعم يعني وهيك شغلات بعد ماخلصت ال3 شهور طلعنا مرة من المرات قبل صلاة العشاء عشان بيروح محل يشتري له غرض وانا كنت بالسيارة وشفت محل أعجبني وقلت لما يجي بقوله أنزل لهذا المحل لما جاء قلتله ورفض وقال انا جوعان خلينا نروح ناكل ,,, وهو كان جوعان من قبل لايروح للمحل اللي يبغاه وغير كذا هو اذا صارت الحاجه له يطير يجيبها لو بالمريخ ,,, وأغراضي يأجلها حتى لو هي ضرورية المهم أكمل السالفة ,,, أنا زعلت من كلامه وماأعجبني ,,,, وقالي تكفين لاتخربين يومنا وتزعلين قمت وانفجرت عليه وبصوت عالي وأنا مقهووورة وشايلة بقلبي عليه وقلت له إنت وإنت وإنت وليش تسوي فيني كذا ,,, من متى ماطلعت ولاتمشيت ولارحت السوق وقعد يقولي إنتي شتبغين بالمحل لك حاجة فيه ,,, أصلا أنا بعمري طلبت منه شي مو ضروري لأنه عصبي وما يحب ينزل السوق يعني لو انا رايحة مع أخوي كان أخذت راحتي ونزلت للمحل لو مالي حاجة وغير كذا هو مايحسسني اني كبيرة المهم أنا قارنته بأزواج يقربون لنا ومايعجبونه خلقة ,,, قلت شوف اللي ماأعجبوك ماخلوا شي ناقص زوجاتهم ماشاء الله ,,, وهو عصب علي وقعد يهاوشني ويتلفظ علي << أنا أدري غلط اني أقارنه بأحد غيره لكن والله من القهرر وخاصة انهم مايعجبونه أخلاقيا رجعنا البيت وحنا ساكتين ,,, الصباح تهاوشنا هوشة كبيرة مرررة ومن بكرى الصباح جيت بتناقش معه على طووول سواها هوشة وعصب وحلوف ومدري ايش عشان ذكرت له الطلعات والتمشاية هو دايم يقولي إني ماأحترمه واني أرفع صوتي عليه على فكرة ,, أنا حاولت أراضيه 3 مرات أو 4 ,,, بس هو رفض وبقوووة وداااااائما أنا اللي أتنازل وقعدنا 5 أيام مانتكلم مع بعض ولاشي وكل هال5 أيام أنا كل يوم أحاول أراضيه وهو مو راضي وكان يبغي ينهي حياتنا وكااان مصررر على هالشي أنا كنت أفكر جديا بالطلاق ,,, لكن سبحان الله ,,, كنت أدعي بصلاتي وأستغفر وشي يقولي لاتروحين لبيت أهلك قلت بصبر وبعد 5 أيام انصلحت العلاقة ورجع لي زي أول وأحسن الحمدلله ,,,, ومر أسبوعين كاملات ( هذي مدة الحلف الأول ) ومن كلامه يقول إني تحسنت ,,,. بس اليوم خرب كل شي من قالي برنامج اليوم أنا كنت أبغى السوبر ماركت من شهررر وأبغى السووق من 4 شهور وقالي اليوم ان شاء الله بعد مانصحى نجلس شوي وبعدين نروح لجدتي ( في المدينة اللي حالف علي فيها أزور قرابتي) .... احنا بنروح عشان نجيب أمه من عند جدته بعدين وحنا راجعين مباشرة نروح للسوبر ماركت بعدين السوق أنا بهاللحظة قلتله بمزح ,,,, لا ماأروح لين تقطع حلفك علي هو ماأعجبه كلامي ,,, أنا الصراحة كرامتي ماتسمح لي أروح هناك وهو حالف علي .... عصبت وقلت لا لازم تشوف لك صرفة ماأروح يعني ماأروح وبتناقش معه ,, ولايعطيني مجال وعشان كبريائه وعشان ماتنكسر كلمته يقولي : بعدين نتكلم بالموضوع اذا صار لك مشوار لأحد قرابتك هناك قلت أنا اليوم بروح لجدتي هناك ,,,, يله خلنا نتناقش في الموضوع الآن ,,, عصب وقال لا ,,, والحلف راح يستمر قلت أنا ماراح أروح معاك واللي بتسويه سوه وقعدنا شوي هو راح ونام وأنا قعدت وكتبت لكم هالموضوع * على فكرة أنا لما يراضيني زوجي أو يتنازل عن شي هو يبيه ماأحس اني قويته واني فارضة شخصيتي عليه ولا أحس اني نفذت اللي براسي * أنا ماأحب هذا التفكير ,,, وأنا أشوف الكثير من النساء يفكروا فيه .... بالعكس أنا أحسه تنازلات عشان حياتنا تستمر ... ويكبر بعيني أكثرررر وأكثرررر لكن هم أخذوا فكرة إنا راح نستقوي عليهم اذا هم تنازلوا عن شي حتى لو يضر حياتنا على فكرة زوجي راح يقرأ الموضوع ان شاء الله انا ماخبرته اني نزلت موضوع فيه قلت بخبره بعد مايكون فيه ردود :29: سواء لي أو ضدي ,,, كلينا لازم يعرف خطأه والله يعطيكم العافية |
اقتباس:
:22::22::22: كلام اكثر من رائع فعلا لا تعوديه على كذا بيظل كذا طول عمره |
اقتباس:
الله يعطيك العافية على هالمداخلة الحلووة :d |
اقتباس:
الله يعطيك العافية حبيبتي عالماخلة الحلوووة :d والله يعييييييييين |
أميرات
أنتظرك أختي ,,, |
اختي عنابيه اسمحيلي اقول لك انت و زوجك غلطانين .. انتم الاثنين عندكم شوية عصبيه .. اعتقد انكم لازم في لحظه صفاء تتناقشون في موضوع العصبيه و الحلفاااان .. وفي وقت المصارحه لازم تكتبوا استراتيجيات التعامل مع بعض وقت المشكله و كيف تتصرفون اثناءها .. عشان وقت المشكله تطبقوا اللي تفاهمتوا عليه حتى ما تكبر المشكله .. كذلك قولي له بكل احتياجاتك و انه لازم يخصص لك وقت عشان يلبيها و اغلب مشاكلكم هي بسبب تأخير طلباتك .. بعدين يوم قال لك زوجك تروحي معه بيت جدته كان رحتي معه و خليتي الموقف في صالحك .. صدقيني روحتك مع زوجك كانت بتخلي زوجك يلين و ياخذك لاقربائك .. ما في زوج يحب ان زوجته تعانده و تتحداه و تقارنه بالاخرين و ترفع صوتها عليه .. بشوية كلام حلو و غنج ممكن تحلي مشكلتك .. مو كل المشاكل تنحل بالعناد و يباسة الراس .. استخدمي ذكائك اختي ... |
أختي أميرات :
كلامك كله أعجبني وهذا اللي راح يصير يعني أنا لما كتبت الموضوع وبردت شوي وطفت النار اللي بصدري رحت براضيه وأتأسف وبقوله اني بروح معاك لجدتك ,,, لقيته نايم ,,, بوسته ولمسته وبعدين نمت قلت اذا صحينا ان شاء الله بتكلم معاه لما صحينا ,,, كان ماله نفس شي وقلت لما يصحصح بتكلم معاه راح يصلي ورجع وبرضو شكله ماتغير سكتت وصبرت شوي بعدين قمت وجبت له أكل ,,, مارضي ياكل ,,, أنا انقهرررت وعصبت وقلت لو ماتاكله برميه ماراح آكله << مشكلتي العصبية ودي أموووت ولاأعصب ,,, حياتي راح تتدمر من عصبيتي ,,,, الله يهديني المهم تناقشنا بالموضوع ,,, وقالي المشكلة اللي فيك مازالت مستمرة وإنتي ماراح تتغيرين ومن هالكلام وأنا اذا قال لي ماراح تتغيرين ,,,, أنقهررررر ,,, أحسه مايبين بعيونه شي والله كل يوم أدعي وأستغفر وأحاول أتغير من أسلوبي ,,, وكل هالأيام اللي راحت يقولي ماشاء الله متغيرة ومتحسنة واذا تهاوشنا يقعد يتنكر كل شي أسويه له وغير كذا .. هو عنده انه مايغلط أبدا أبدا ,,, واذا قلت له عيوبه وغلطاته ... يدافع عن نفسه ويطلع نفسه براءة من أي موضوع طيب عرفنا انهم الكل فالكل .... بس مو لدرجة انهم مايغلطون وترى هو عادي عنده الطلاق ,,, هو يقول انه يحبني ,,, بس مايربط الحب بالراحة النفسية طيب يعني أنا مرتاحة نفسيا ,,,, أنا بعد أعاني معه بس أسكت وأتنازل مو زيه ,,, هو خلااااص ينهي كل شي ,, واذا قلتله شي قالي لاتحطي راسك براسي أنا شي وإنتي شي آخر ,,, أنا صاحب الكلمة هنا هو يحس انه تصرفاتي معه اني حاطة راسي براسه ,,, بس أنا والله ماأحس بهالشي أبدا وأنصدم اذا قالها لي .. انا أقوله أنا أبغاك تحس فيني بس وتحط نفسك بمكاني مو كل شي تصير فيه الرئيس ,,, وغير كذا .... أنا مرتاحة معها ,,, بس اذا فت غيري من البنات ,,, يعني اخواتي أو أخواته أحس اني بنقص عظيييييم يعني هو يعاملني زين ورافع قدري عند أهلي وأهله ,,, والحمدلله لكن من الناحية المادية ,,, يعطي نفسه أكثر مما يعطيني والحين من مدة شهرين صار محدد لي مصروف شهري ,,, ومرة وحدة بس رحت معاه السوق ,,, ومرتين رحت مع اخوي بس والله أحس بنقص عظيييييييييييم ,,, يعني فيه أشياء ضرورية ماهي عندي وساكتة والله وغير كذا : هو مايهتم بأي شي يخصني يعني مثلا أنا عايشة مع أمه وأخته ,,, وأعاني من أشياء منهم ... مع ذلك ماحرك ساكن ,, اللهم مرة وحدة والزن والموووت راح واتكلم مع أخته ,,, ولاأشووف أي تغير .. أنا شكتت لكن بنفس الوقت مقهوووورة الى الآن والشي الثاني: انه يحس اني ماأحتاج شي وانه طلباتي مو معمه أبدا ... وبنفس الوقت أمه يعطيها اللي تبغى << ماقلت شي أمه وواجب عليه طاعتها ,, لكن يعدل معي بعد وغير كذا : حنا ناعاني من مشكلة الحمل ,, الحين مرت علينا 8 شهورر ومع ذلك أنا اللي بلشانة وأنا اللي أتعب وأنقهر من هالشي وهو ولاعلى باله والدليل : إنه انا اللي طالبت بإني أروح أكشف وأحلل ,,, وبالمووووت وافق << هذي السالفة لها 3 شهور وطلعت سليمة الحمدلله وأنا أطالبه بإنه يروح يكشف ,,, وهو رافض ولا على باله ,,, ويقول اذا مر 8 شهور أروح حنا الحين طبيعيين المهم مر 7 و8 شهور ولا راح ,,, وكل يوم أقوله ويقولي بعدين اذا صار فيه وقت مع انه كل الوقت فااااضي ,,, والله شي يقهر وأنا كل اللي معاي واللي بعدي تزوجوا أولادهم معهم ,,, ماشاء الله ,, اللهم لاحسد والله يخليهم لهم بس والله أنا أموووووووووت قهررر ,, والحل ان شاء الله بايدينا هذا كله مايأثر على نفسيتي ... هو مو مقتنع ,,,, ويقول أشياء عادية مشكلته مايعرف متطلبات المرأة ,,, ومايعرف شي عنها ,,, ويقول لي إنتي ماتعرفين شي بالحياة الزوجية لازم ولازم ولازم ( يقصد المعاملة ) والله انا تعبت معه ,,, أقسم بالله ماشفت في بيت أهلي اللي شفته هنا أهلي حالتهم المادية ميسوورة مررررة ,, ولله الحمد ,, لكن والله ماطالبت بإني يوفر لي زي عيشتهم يعني المفروض يقدر شوي ,,, بيت ملكي مافيه ,, وليت فيه راحة هنا والا والله ماقلت شي حتى ساكتة الحين ,,, لين مانستقر ويتوظف لأنه هو الحين يدرس يونزل لنا راتب من الدولة |
صراحة أمي صار لها نفس موقفك بالضبط
حنا بجدة و بنت خالها بالطائف جالسة فترة طويلة و دايم تزور أمي بس أبوي قال مافي روحه لها قلنا ليش قال عندهم دش في البيت سكتت أمي و زعلت بنت خالها و صارت ما تزورنا أبدا بعد فترة بنت خال أبوي تزوجت و سكنت بنفس المدينة و زارتنا مرة وحدة بس بعد أسبوعين جاء أبوي قال لأمي خلينا نروح عند فلانة يقصد بنت خاله و المشكلة عندها دش نفس الشيئ يعني إستانست أمي بس تذكرت بنت خالها و جاءت تستشيرني قلت يما لو تروحين تكونين مغفلة لاتروحين أبدا و إستغرب أبوي من ردة فعلها لأن أمي مرة طيوبة قال ليش قالت عشان بنت خالك جاءت يعني و أنا عندي بنت خالي كمان ماني برايحة بعدين أمي تنازلت و قالت نمر عليهم الأثنين أبوي قال لا بس بنت خالي أمي حلفت ما تروح قالها و الله في أحد محرضك قلت لها إيه يما مرة وحدة كوني قوية وش الفرق بينهم نفس الشئ زوجك خليه يكفر عن يمينه وتروووووووووووحين لهم كلهم ............. |
اختي عنوووبه .. عندي كم ملاحظه عليك .. المعامله مع الزوج تحتاج الي مهاره .. و هذه المهاره راح تكتسبيها مع الوقت .. لا يضيق صدرك يا قلبي احس ان اعصااابك مشدود على طووول و تدققي على كل صغيره و كبيره .. لا تعطي الشي اكبر من حجمه .. خذي هذا المثااال .. اقتباس:
شفتي كيف اسلوبك مستفز و يرفع الضغط كمان ؟؟ ما في رجال يحب ان زوجته تكلمه بهذا الاسلوب.. اقتباس:
زوجك يقصد عصبيتك و توترك .. خليك هاااديه .. دايم اذا بتتناقشي مع زوجك خذي نفس عميق و انت تتكلمي عشان ترتخي اعصابك و يهدى صوتك .. اقتباس:
اكره شي عند الرجل ان تمد له زوجته اصابع الاتهام و تعدد له عيوبه و اغلاطه ..ما يقبل ابدا ابدا ابدا .. وقد يعاندك و شي طبيعي انه يدافع عن نفسه .. هم يغلطون لكن اسلوبك في اظهار عيوبه غلط .. اعلمي يا قلبي ان اللي تتكلمي معاه هو زوجك مو اخوك الصغير .. اقتباس:
راقبي اسلوبك .. لا تتكلمي باسلوب تحدي يا اختي .. رققي اسلوبك في الكلام .. اقتباس:
يعني لازم المبلغ اللي يصرفه على شؤونه لازم يعطيك مثله حتى لو ما تحتاجيه ؟؟ اقتباس:
اقتباس:
والله يا اختي مدري وش اقول لك .. الله يهديهم بعض الرجال اذا الزوجه اعتمدت على اهلها في تدبير امورها خلالالاص يرفع يده عن امورها .. واذا تريد ان تعتمد عليه ما تلاقيه .. كل يوم يطلع لها بحجه شكل عشان يتهرب من المسؤوليه .. قولي لزوجك انا تزوجتك وانت اللي مسؤول عني .. لازم مره في الشهر تقضي لي اموري الخاصه .. اقتباس:
اختي اصعب شي على الزوج انه يختار بين زوجته و امه .. لا تحطي زوجك في مثل هذا الموقف لانه بكل تأكيد انت الخسرانه .. لانه يصير في صف اهله وانا ما الومه حلي مشاكلك مع اهل زوجك بينك و بينهم و لا تدخلي زوجك فيها .. بالنسبه لمشكله الحمل لا تلحي كثيرا على زوجك .. اطلبي منه بشكل غير مباشره انه يفحص نفسه .. يعني زوجك من ملاحظاتي من خلال كلامك ما يحب الاوامر المباشره حطي هذه النقطه في بالك .. لا تعطيه اوامر .. تكلمي معه بشكل طلب وليس امر .. اقتباس:
هذه هي مشكلتكم انتم الاثنين .. كل واحد مو عارف للثاني .. لكن يا قلبي لا تخافي .. اختك اميرات اللي صار لها قرابة 25 سنه متزوجه مرت بنفسك وضعك .. ما تعانيه يا اختي شي جدا طبيعي ولا يدعوا للخوف والقلق بالحب و التفاهم كل شي ينحل طووولي بالك اختي و لا تكثري من الاوامر و الملاحظات على زوجك .. انتم محتاجين وقت عشان تفهمون بعض .. ربي يسعدك و يقر عينك بطفل يملي عليكم حياتكم و يزيدكم سعاده .. |
اقتباس:
و المفروض انك تكوني وافقتي تروحي معه و تشوفي شو رح يكون النقاش اللي قلك عنه بعد ما ترجعو و وقتها انتي بتكوني بموقف أقوى لأنك أطعتيه و مشيتي رغبته بعد ما ترجعو من الزيارة عاتبيه على يمينه و قوليله انا ما عندي مانع أذهب معك لقرابتك لكن المفروض ما كنت تحلف يمين اني اقطع رحمي. وقتها هو أكيد بعتذر و بدفع كفارة يمينه سؤالي هو ليش حلف هاليمين ؟؟؟ الظاهر انك ما كنتي تروحي معه لقرابته .... !؟ اقتباس:
اختي الرجال كلهم عصبيين اكتر مننا و بدهم شوية سياسة بالتعامل معهم يعني وقت يعصب و يحكي كلام سايريه و أطيعيه و لا تعندي لأنه اذا أحد الاطراف شد التاني لازم يرخي و من طبيعة المرأة انها هي اللي ترخي و إلا بتقضي حياتك كلها خصام مع زوجك |
أختي أميرات :
أشكرك كل الشكر على كلامك .. تعرفي ايش مشكلتي انيعارفة عيوبي ,,, وبنفس الوقت ماأسيطر على نفسي كلامك أغلبيته صحيح والله يرضالي عليك لكن فيه أشياء ماأقدر أقولها هنا عن زوجي .. وماأرضى اني أقولها بس لعلمك أنا ماأقوله عيوبه إلا اذا عصبني وطلع عيوبي ,,, يعني لما يقهرني أقوله وإنت بعد شوف نفسك وزوجي مايعرف يتناقش ,,, يعني لما أكون هادية معه يعصب من كلامي لأنه ماأعجبه عشان كذا تصير هوشة بينا ,,, ويبغى الموضوع ينتهي لما يقول كل الكلام اللي عنده ومايهمه الكلام اللي عندي تخيلي من اليوم وأنا أراضيه ومو راضي يرضى وعنده انه خلاااص بينهي حياتنا أنا قعدت ساعة أفكر ,,, وراح أستخير ان شاء الله ,,, بين الطلاق والبقاء معه ماعندي استعداد أتحمل هذا الأسلوب ,,, أنا انسان مو حيوان وبعدين كلنا نعصب مو بس الرجال ويتحملون زي مانتحمل ثقالتهم وعصبيتهم |
اقتباس:
الله يهديك يا عنوووبه .. الحين اقولك انا مريت باللي تمرين فيه .. تقولين بتستخيري بين الطلاق و البقاء معه ؟؟؟ اركدي يا بنت و ادحري الشيطان من وجهك .. كل اللي يصير بينكم شي طبيعي جدا .. مع الوقت راح تتفاهمون .. اهم شي يكون بينكم اتفاق على امور حياتكم .. اذا ما تجلسون جلسه هاديه للمصارحه راح تتعركون لحد ما تتفاهمون لكن اذا تصارحتوا راح تتفاهمون على طووول بدون عراااك .. خلاص زوجك اتركيه لحد ما يطحن الحب اللي في راسه و يرضى لا تراكضي وراه .. ربي يسعدك .. |
اقتباس:
كل الناس تعصب ,,, مو بس الرجال :29: ليش مايتعاملون معانا بالسياسة ؟؟ وإلى متى الزوجة هي اللي ترخي ؟؟ لين يخربون علينا ,, ونصير ولاشي عندهم ؟؟؟ أنا أقول لازم العدل بالمعاملة يعني بعد هما يعاملونا كذا ,,, ليش المرأة هي اللي تتنازل دائما ؟؟ << كل هذا الكلام أقوله وبكل قناعة ,, لكن مانطبقه عشان احنا نسااااااء والنساء دائما في المؤخرة ,,, والرجال في المقدمة في كل شي :29: والله قهرررر على فكرة داااااااااااااائما أنا اللي أتنازل ,,, بس هو اتعود على الدلع وأنا ماعندي استعداد أتحمل براضيه آخر مرررة واذا مارضي براحته << أنا ماأتحمل أنام وهو زعلان لكن الشكوى لله لأني راضيته مرتين وبأسلوب تودد وحب وكل شي يجي فبالكم بس هو مايعجبه شي وقلت له خلاص سامحني هذي المرة واذا عدتها ونقضت العهد اللي بينا اتركني وبعد معند وميبس راسه ولاهامه كلامي حسبي الله ونعم الوكيل والله من تزوجت ماتهنيت بزواجي ,,, الله يعطيك العافية ,,, ماريا ,, |
^
^ ^ الله يعين بس ، والله حاااله مااحد مرتاح بس من جد حبيبتي باين ان اموركم تأزمت قومي توضي وصلي ركعتين والحي على الله بالدعاء وانه يحنن قلب زوجك عليك ..ترا ابليس حريص انه يفرق بينكم الله يهدي سركم ويبعد عنكم كيد الشيطان |
اقتباس:
إنتي تعالي شوفي وجهه كيف ,,, بعدين تعرفين اذا فيه حب ماانطحن والا لا والله شكله طاحن كل شي :29: تدرين على إنا فاضيين ,,, إلا انه مافيه وقت مناسب نتكلم فيه ياجالس على النت أو على دروسه أو عند التلفزيون :29: حتى لما ناكل لازم نجلس عند التلفزيون ويطالع فيه ومن ناحية الحنان الحمدلله كل واحد راضي عن الثاني بس والله كل ماحلينا مشكلة تجينا مشكلة ثانية ,,, والله تعبت الله يعيييين طيب بسألك أختي أميرات : إنتوا في كم سنة تفاهمتوا ,,, قصدي فهمتوا الحياة الزوجية ومافيها ؟؟ ماشاء الله عليكم والله يخليكم لبعض لأنه احنا لنا سنتين الحين تقريبا ولسا ماتغير شي :29: ( المعاملة ) الله يهديني ويهدي زوجي ,,, والله يرضى عليك أختي |
يا قلبي عليك يا عنوبه .. والله انك احسن مني .. تدرين ليه ؟؟ لان عندك( نت )تفضفضي و تطلبي النصيحه من اللي عندهم خبره بالحياه .. و تستفيدي من المواضيع الخاصه بالحياه الزوجيه .. انا تزوجت و عمري 17 سنه .. كنت عايشه في عيله هااااديه جدا ما عمري شفت امي و ابوي يتخانقون .. وامي مو من النوع اللي تتكلم معي عن كيفية معاملة الزوج او كيف تنحل المشاكل .. المهم تزوجت و انتقلت مع زوجي الي السعوديه .. و بدت المشاكل العاديه لان طبائعنا مختلفه و استمرت المشاكل البسيطه لمدة خمس سنوات .. ولكننا فهمنا بعض بشكل ممتاز بعد عشر سنوات .. مشكلتي اني خجوله و ما اعرف كيف اجلس مع زوجي و نتصارح اذا صارت مشكله بعدين تجرأت .. اذا صار شي ما يعجبني او صارت مشكله و تراضينا اقول له يا بو فلان الليله ابغى اجلس معك عشان نتفاهم على اللي صار .. و بالفعل نجلس و نتصارح و كل واحد يتكلم بكل هدوء واحترام و يشرح للثاني ما هو خطأه و ما هي الاشياء اللي تضايقه و عرفنا اشياء كثيره كنا نغلط فيها بدون قصد و نكررها .. لكن بعد جلسات المصارحه فهمنا ماذا نريد من بعض .. عطي زوجك خبر ان الساعه الفلانيه لازم يفضي نفسه عشان تتفاهمون على كل صغيره و كبيره منها ان التلفزيون يغلق وقت الاكل و منها تقضية امورك و منها انك راح تحاولي تخففي من عصبيتك و و و و و .. اهم شي تحددي له موعد معين و تجهزي الشاي و الحلى و تتفاهموا .. واي استفسار لا تترددي انا تحت امرك يا قلبي .. بالتوفيق ان شاء الله .. |
عزيزتي.. يقال: اذا لم يعجبك شيء فابحث في نفسك عن العيب وحاول اصلاحه.. الحقيقة أن مشاكلكما مضحكة (ومنك المعذرة) اذ أنها بسيطة جدا وهي دليل على أن وزوجك لم تفهما بعضكما جيدا الى الآن.. لكني لاحظت شيئا قد يصبح كبيرا مستقبلا وهو عصبيتك الشديدة...أنت يا عزيزتي عصبية جدا وتثورين لأتفه الأسباب.. زوجك لم يرد أن يأكل لما تصرخين وتغضبين؟! أنا لا أبريء زوجك لكني تعلمت شيئا واحدا...وهو تغيير ذاتي قبل نقد غيري.. ابدئي أولا بتغيير نفسك اصلاح عيوبك ثم اشتكي من زوجك.. أولا حاولي ضبط أعصابك..فعندما يغضبك شيء ابدئي بالإستغفار والصلاة على النبي - عليه وعلى آله أفضل الصلاة والسلام - تنفسي بهدوء تدعي زوجك يستمتع بإغضابك واللعب بأعصابك لأنه يبدو لي أنه يتعمد ذلك.. ثانيا لا تجرحي زوجك بذكر عيوبه أمامه فهذا أنجح الأساليب في تطفيش الزوج..كوني مثالا للإحترام حتى يستحي ويخجل من نفسه ويحترمك بدوره.. صدقيني الرجل لا يحترم المرأة التي تشتم, تصرخ, تهدد, ترد عليه الكلمة بعشر... عندما تكونين هادئة وتردين على اهاناته ب "الله يسامحك, شكرا" حينها سيفهم أنه مخطأ.. لا تقيمي حربا شعواء بينك وبينه فهذه حياة زوجية وليست معركة.. ثالثا يبدو أنك ساذجة قليلا عزيزتي ولا تغضبي مني..فأنت تصدقين كل ما يقوله لك ساعة الغضب.. هناك بعض من الأمهات يرفعن أيديهن بالدعاء على أطفالهم حينما يغضبن فما بالك بزوجك...تأكدي أن زوجك لا يعني ما يقوله حينما يغضب انما يقوله رغبة في استفزازك... اذا ظللت حساسة وعصبية هكذا فلن تجني سوى مزيدا من التعقيدا مع زوجك.. "حمليها خفيف" ولا تكوني نكدية كوني أنثى رقيقة ولا تكوني متسلطة دائمة الصراخ علمي زوجك كيف يحترمك فإن أخفضت صوتك واحترمته فتوقعي المثل منه.. رابعا احتياجاتك والسوق..أخشى أننا لا نستطيع أن نفيدك في هذا الأمر فهو يستلزم جلسة مصارحة بينك وبين زوجك حينما تكونان في مزاج يسمح بنقاش ودي هاديء... اتفقي معه أن يأخذك مرتين في الشهر ولكن تذكري : لا تتخذي هذه الخطوة حتى تنهي الخطوات السابقة لأن زوجك سيكون بعدها مستعدا لسماعك والإصغاء اليك.. تحياتي... |
| الساعة الآن 02:47 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©