|
أتمنى أن تتوج علاقتي بالزواج بعيداً عن أي مشاكل مع والدتي
السلام عليكم ورحمة الله وبركاته
انا عضوه جديده وبصراحه سجلت بالمنتدى عشان اعرض مشكلتي لكم وارجوا منكم حلها بصراحه تعرفت على اخو صاحبة اختي وعرفته عن طريق المنتدى لان المنتدى حقه المهم لنا تقريباً مع بعض 5 شهور وهو انسان صريح يكره الكذب واللف والدوران بصراحه انسان كامل بجميع الصفات محترم محافظ على صلاته قلبه طيب وحنون واتفقنا على الزواج لان بصراحه مانبي تكون علاقتنا بالحرام هو عمره 27 سنه وانا عمري 20 سنه هو معاه شهادة المتوسط والحين جالس يكمل دراسته ترك دراسته عشان ظروف والده لانه صار له حادث وانشل شلل نصفي وجلس مع والده سنتين بالمستشفى وكره المهم هو بيتقدم لي وقال ابي املك عليك عشان تكون علاقتنا واضحه وحلال ولما اكمل دراستي واتوظف راح نتزوج وبصراحه انا متردده اخليه يجي يخطبني ولا لا ابوي انسان متفاهم واللي يهمه انه يكون رجال على اخلاق ودين وبصراحه احنا عائله لها سمعتها المشكله هي اخاف ان امي ماتوافق على هذا الزواج لانه هو من قبيله وانا من قبيله وثاني شئ لانه مومتوظف وانا والله ادعي واستغفر بنية ان يكون من نصيبي وتكون حياتنا سعيده واحنا جداً متفاهمين وحابينا بعض وماعمرنا تقابلنا بس علاقتنا بالماسنجر والجوال |
الله يكتبلك الخير يااارب
استخيرى الله قبل اي خطوة ولو في الخير راح تتزوجي باذن الله بالتوووووفيق |
اقتباس:
|
بالتوفيق عزيزتي
لا تترددي ادا انتو متفاهمين وانتي واثقه منه زين ربي يجعل لي فيه خير وصلاح |
معاه شهادة متوسط و مو متوظف
كيف راح يصرف عليك ؟! وحتى لو توظف تتوقعين كم راح يستلم ! وكم سنه يجمع فلوس عشان المهر ووووو فكري بمستقبلك وشوفي تقدري تتأقلمي مع شخص دخله بسيط , عشان ما تجين تكتبي موضوع زوجي قال مافيه سكن بلحالنا وبنسكن مع اهله ومافيه شهر عسل والزواج عائلي وووو أما اذا كانوا الله رازقهم ويقدر يدبر حاله خلال السنوات الجايه فخليه يتقدم رسمي لكن اهم شيئ استخيري اكثر من مره عشان يكمل الثانوي والجامعه يبيله كم سنه !؟ 7 سنوات تقدري تصبري ؟! الله يوفقك |
عندي لك ملاحظتين
اقتباس:
مسألة صلاته انتى ماتحكمي عليه لانه قالك فهذي الصفه غير دقيقه اقتباس:
اقل شي تحتاجي 5 او 6 سنوات على بال يدرس ويتوظف انصحك ابعدي عنه وبعدين هو غير موظف من وين بيجيب فلوس ومصروف ووو فكري بعقلك قبل قلبك حرام يكون تفكيرك كذا والله بعد شهرين من الزواج يشوفك زي الهم ترى مو كل البيوت تعيش على الحب ومستحيل الحب يدوم واللي مصبرهم هو الاحترام المتبادل ووالاحسان لا تنظري انه يحبك وحيصبر ترى الرجل ماهو زي المراه ابداً انتى تفكيرك عااطفي حب وحنان وصبر وو هو تفكيره كم صرفتي وكم تحتاجي وايش تبغي وو وخصوصاً احنا في وقت مايرحم اللي ماعنده شهادة بياكل تراب |
هلا حبيبتي مشاعل اتمنا لك من كل قلبي التوفيق
بس انا رائيي من راي حميدو فيتش وجميل القلب حبيبتي لا تتسرعين,,,,,,,,,,,,,,,, هذا زواج مو اي كلام واذا كان هو من نصيبك بتاخذينه تقبلي مروري همسالورد |
الله يهديك ..
من البداية العلاقة فيها نظر .. |
اذا امك رفضت فانا معها
العريس من غير شغل والحب يطير من الشباك وقت الفقر يدخل من الباب لا تتسرعي |
اذا في خير يقربه واذافي تعب وهم الله يصرفه عنك--------واتمنى ان تفكري بعقلك وليس بقلبك والله يوفقك.
|
الله يكتب اللي فيه خير
اذا كان طيب زمافيه شي وغرضه شريف بس المفروض تستفسرين عنه عن طريق اختك بحكم انها صاحبة اخوه |
السلام عليكم
اختي مشاعل اول شي انتي تحبيه وهذا الحب لازم يكون عقلاني زي ماهو عاطفي اختي لازم تفكري باشياء كثيره انه اول شي قبل يجي يخطبك لازم تكون عنده وظيفه ثاني شي انتي قلتي ابوكي انسان متفاهم وان شاء الله امك راح تتفهم وتكون بصفك انا اشوف من مشكلتك ان شاء الله حلها سهل وبعدين انتي وهو نيتكم صافيه يعني ماتبغون تلعبون تبغون علاقه بالحلال انتي استخر وادعي الله يسر لكي موضوعك وقبل يجي الولد يخبك او اي شي يصير لازم يدور وظيفه وبعدين ااذا فكر يجي يخطبك قبل يجي انتي قولي لامك عنه انه اخو صاحبتكي وناوي يخطبك وكل شي عن ظروفه وان شاء الله ربي يسر لك موضوعك ويسعدك |
اقتباس:
|
اقتباس:
|
اقتباس:
حبيبتي احنا ان شاء الله كل شئ ميسر بس انا اللي خايفه منه ان امي ترفض بحكم ان ماعنده وظيفه اشكرك على مرورك |
تعتقدي هذا العلاقة بينك وبين هذا الشاب جائزة ؟؟ |
طيب اوكى اختي لازم هو يدور وظيفه لانه صعبه اهلك يوافقو عليه
وحرام يجي يخطبك ويرفضو عشان كذااا ويصير بموقف محرج انصحك تشجيه يدور وظيفه اول وبعدين يخطبك وامك انتي حاولي تقنعيها او تخلي اي وحده من اخواتك تسادك في قناعها وانه انتي موافقه والله يوفقك قلبي |
اهم حاجة استخيرى الله
وربنا يوفقك الى ما يحبه ويرضاه |
اقتباس:
انا عارفه انها علاقتنا غلط عشان كذا فكرنا بالخطبه عشان تكون جائزه |
اقتباس:
هو حالياً جالس يدور وظيفه عشان ماتصير مشكله او رفض وثانياً ناوي يكمل دراسته بس احنا تفكيرنا نملك على بعض ونتزوج بعد مايشوف له وظيفه النجلاء تسلمين ياقلبي وبااهتمامك لموضوع وربي انشاء الله يوفقك وييسر امورك بصراحه انا حلمت حلمين واحد يدل على تكوين صداقه ومن بعدها تتم خطوبه او زواج بس بالبدايه يكون تعقيد والحلم الثاني زواج لي بس وربي مو عارفه اتمنى منكم الدعاء لي وان يجمعنا اناوهو على خير ان شاءالله |
عذرا..تم نقله لقسمه المناسب..المقبلين |
مابني على خطأ فهو خطأ
كيف قدرتي تعرفي انه محترم وعلى خلق ودين من الجوال؟ وبعدين وش يدريك عن صلاته سألتي امام المسجد حق حيهم؟ ولازم تتأكدي انك تقدري تصبري سنواااات عشان يلقى وظيفه ويجمع فلوووس ويعدين هل انتي متأكده انه بعد الزواج مايشك فيك ويقلك زي ماعرفتيني عن طريق النت ماتعرفين غيري عيدي النظر في حساباتك |
أختي الكريمة وفقك الله// فكري وأوزني كافة الأمور بعقلك لابقلبك أكتبي سلبيات وإيجابيات هذه العلاقة رغم أنني لا أرى غير طلبه للزواج إيجابية فقط أما مسألة الصلاة والإستقامة والحنان والطيبة كلها مجرد كلمات قد قيلت لكِ وقلبك الطيب صدقها ماوجهتي لنفسك هذا الأسئلة / إنسان عمره 27 وعلى هذا الخلق الجميل الذي وصفتيه لنا ولم يتزوج مالسبب في ذلك ؟؟ لماذا لجأ إلى التعارف بعالم الإنترنت والبحث عن زوجة به؟؟؟ لماذا أختارك أنتي من جميع بنات المنتدى؟؟ تساؤولات كثيرة لهذا الموضوع لاتحضرني الآن ايضا لاتنسى أنه صاحب منتدى وبه بنات غيرك وربما بعد الزواج هذا الموضوع يسبب لك مشاكل من غِيره وغيرها هذا مستقبلك لاتتهاوني ولاتتنازلي فكري مرارا وتكرار حتى لاتنصدمي بعد الزواج وتتمنى لو الزمن يرجع حتى ترفضية. أسأل الله العلي العظيم أن يوفق لمايحبه ويرضاه سبحانه |
الله يوفقك ياااارب بس أنا من رايي شوفي نفسك اذا مراح تتقبلين وتعيشين مع غيره لاتتزوجينه الا هو
ويكفي انه يبيك بالحلال وقصده شريف وفقر الرجال مايعيبه اهم شي تكونين مرتاحه له اما اذا صار هذا اعجاب مو حب فالافضل انك تنسينه والله يقدم لك اللي فيه الخير انتي خليه على مايكون نفسه يتقدم لك واذا ماتزوجتي معناته انتي مكتوب له والله يسعدك |
ما كتب في السماء سيكتب في الأرض
إذا فيه خير ربي يجعله نصيبك و إذا فيه شر ربي يصرفه عنك و تأكدي إذا وافقت أمك...فهي علامة أنه خير لكِ و العكس صحيح لكن لتجنب مشكلة الوظيفة مع أمك أتمنى أن يبحث عن شغل مؤقت بدوام جزئي وفقك الله |
عندي عدة تساؤلات:
1- الرجل عمره 27 و يحمل الشهادة المتوسطة و عاطل عن العمل .. نفرض انه حصل على الشهادة المتوسطة و عمره 17 عاماً ... السؤال الكبير الذي يطرح نفسه: مالذي كان يفعله خلال العشر سنوات الماضية منذ تخرجه من المتوسطة؟ 2- لماذا لم يعمل الى الآن؟ 3- لماذا لم يكمل دراسته الى الآن؟ 4- لماذا لم يتزوج الى الآن؟ 5- مالذي يثبت انه انسان متدين و يصلي .. هل سألتي طرف آخر عنه؟ 6- اذا كان متدين و يصلي كما ذكرتي فكيف يقبل اقامة علاقة صداقة مع فتاة اجنبية؟ هل يرضاها لاخته او احدى قريباته؟ 7- مالذي ضمن لك انه لن يتسرب اليه الشك بعد الزواج بانك مثل ما تعرفتي عليه عن طريق النت لا مانع لديك من التعرف على غيره ... هذه النقطة جوهرية و مهمة جداً و القصص في هذا المجال لا تعد و لا تحصى و تتكرر كل يوم .. فتجد الشاب و الفتاة زي السمن على العسل قبل الزواج لكن بعد الزواج يبدأ الشك و الوساوس تحيط بالزوج و يعير زوجته على اي مشكلة صغيرة بانها لو كانت محترمة ما تعرفت و صادقت شخص اجنبي ... الخ 8- هل سألتي عن اهله و البيئة التي نشأ فيها؟ اختي الكريمة ,, انا لا اهدف الى تهبيط معنوياتك او اقناعك بان هذا الشخص غير مناسب لك لكني اريد ان تكوني متأكدة 100% من انه يناسبك و قادر على تحمل المسئولية ,, الزواج ليس مجرد ورقة و شاهدين ... الزواج ارتباط اجتماعي و روحي و جسدي الهدف منه تأسيس اسرة صالحة و سعيدة ... لذلك فكري جيداً بعقلك قبل قلبك و اسألي جيداً عن هذا الشخص و لا تكتفي فقط بما يقوله عن نفسه او ما يكتبه في المنتدى |
نسيت ان اقول لك انه يجب عليك قطع علاقتك بهذا الشاب نهائياً فان كان جاد سيتقدم لاهلك
|
الحب بينك و بينه ليس كل شئ في حياتك
فكري بعقلك و ليس بقلبك فقط و مدة خمس أشهر غير كافية للتعرف على شخص من جميع الجوانب عادة فما بالك أنها عبر الانترنت و الزواج في حقيقته شئ و مسألة ما قبله من علاقة شئ آخر الزواج مسؤلية الزواج فيه الحلو و فيه المر غدا انت كزوجة ليس فقط دورك حبيبة له بل أم و ربة منزل و غير ذلك من صبر على الزوج و تحمل ضغوطات و هو أيضاً إن أصبح زوجاً هو مسؤل عن تدبير شؤن الأسرة و حمايتها و توفير المصرف عن قيادتها بحنكة و صبر و حلم و حكمة و أشياء كثيرة كثيرة من لم يجرب الزواج لا يعرفها و ربما لم يسبق أن خطرت بباله و إذا أردت أن تتأكدي مما كتبت اسألي أي قريبه لك عن فترة الملكة و فترة ما بعد الزواج لتعرفي الفرق الشاسع فالحب ليس كل شئ بل هناك الاحترام و الثقة و الصبر و انا اقصد أن كثير من الشباب يستطيع أن يقدم لمن يحبها مشاعر الحب لأنها أصلاً من احتياجاته لكن عند التطبيق العملي و كيف يقدم لها الرعاية و التفهم لا يستطيع |
مقدر اقولك غير ربي يوفقك ويسر لك موضوعك ان شاء الله
ومدام جالس يدور وظيفه ونيته بكمل دراسه ويجي يخطبك بس يلقى وظيفه ربي يوفقكم وامك ان شاء الله تكون معاك بس انتي اختاري الوقت المناسب لفتح الموضوع معها واكثري من الدعاء والاستغفار واستخري الله وان شاء الله ربي يسر لك دعواتي لك بالتووفيق |
حب بُني عن طريق النت والجوال فقط ؟بدون مقابلة ومعاشره ؟
ومعقولة عشان هذا الحب الي عمره يمكن 3 شهور مستعدة تتنازلي عن الشهادة الوظيفة وكل حاجة؟. خذي باراء البنات المتزوجات وصاحبات الفكر .. المتزوجات عاشو الحياة الزوجية وعارفين شو فيها من حلو ومر .. وانا مع رأي والدتك قلبا وقالبا لو ما وافقت يمكن يتقدم لك واحد جامعي وممتاز وطيب وحنون وراعي صلاة ويغرقك بالكلام الجميل والهدايا والحب والاهتمام. وتحبيه خلال 5 شهور و يقابلك كل يوم بالحلال فكري بعقلك لا بعاطفتك .. انتو ماتصلحون لبعض .. والحياة الزوجية ومصروفاتها وغيرها ماهي سهلة .. بكرة الناس بتتكلم .. بتقول ماخذه ولد الفلاني وشهادة متوسطة .. وكل هالكلام بيجي بوجه والدتك ربي يحفظها تحياتي |
بداية العلاقة بينكم فيها خلل
والله يعينك |
الله يوفقك وييسر لكِ أمرك
|
اعذروني عندي اختبارات
|
| الساعة الآن 04:24 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©