|
تزوجت وصدمت بالحياة الزوجية
السلام عليكم ورحمة الله وبركاته
انا فتاه تزوجت قبل 4 اسابيع بالضبط صدمت بكل شي في الزواج صدمت بزوجي لدرجة اني اتمنى ان يموت لكي يطلق سراحي زوجي لم احس يوما واحدا باني عروس تخيلو ولا لبس واحد علق عليه وقال هذا حلو عليك او هذا مايناسبك او الله ريحة العطر هذا حلو او ريحة البخور او اي شي علما باني الحمدلله مو ناقصني لاجمال ولاذوق ولاشي لبسي قعدت اجهز فيه من 6 شهور عطوراتي نصها الى الاااااااااااان ماستخدمتها ولاشي لدرجة ان صور زواجنا طلعت قعد يطالع فيها ولا قال نص كلمه مع ان الكل حوله يمدحونها وعاجبتهم مره وقدامه اهله وحاطتهم فوق راسي ماعمره قال يلا نطلع انا وياك اغلب وقته مع صديقه يكلمه ويجلس معه وانا ... مليت افكر جديا بالانفصال كرررررررررررررهته مااحس اني تزوجت ولااحس اني عروس ولااحس اني احبه تكفووووووووون انصحوني انا اسمع منكم وادعوووووولي ان الله يسخره لي |
وينكم ؟؟؟
|
اقتباس:
المشكله الاساسية الي اشوفها عندك هي عدم صبرك على زوجك .. واربعة اسابيع تعتبر فترة قصيره جدا للحكم على الزوج وسلوكياته بصورة دقيقه ومن ثم طلب الطلاق او حتى التفكير فيه . وهناك نساء يصبرون لسنين حتى تتغير معاملة ازواجهم وتعليقاتهم المطلوبه على زينة نساءهم .. ثم انك لم تذكري الجوانب الثانيه في شخصية زوجك وسلوكياته الايجابية .. يعني هل يعاملك معامله حسنه ويحترمك ولا يهينك .. وهل صارحتيه اولا بحقيقة مشاعرك وتفكيرك ؟ |
وعليكم السلام ورحمه الله وبركااته
ضحكتيني ثانيا..كل انسااان فيه عيب ومافيه احد كاامل اذا هذا عيبه تحمليه شوي البعض يكون عيبه فادح مثلا يسمعها كلام يغث او يكون يتعاطى مخدرات او يكون عصبي او او او بس انتي حاولي تغيرين منه اذا لبستي اطلبي رايه قولي وش رايك في لبسي او في عطري والله يسخرة لك ويوقفك ربي |
طيب بدري عليكم و الجايات أكثر
يمكنه مستحي منك مثلا أو ما تعود عليك باقي ويمكن كل شيئ عاجبه بس ما يعرف يعبر عما بداخله طيب أنتي إبدأي و صدقيني راح يبادلك نفس الشعور 4 أسابيع غير كافية إنك تحكمين عليه لكن مع مرور الوقت بيتغير للأحسن أهم شيئ لا تستعجلين الصبر طيب و عاقبته حلوة ......... |
جزاكم الله خير
لا هو انسان مستقيم يعني مو راعي مخدرات ولابنات ولاشي بس شخصيته ترفع الضغط يحاول يسوي فيها شخصيه علي وشديد مااحس اني مرتاحه ابدااااااااااااااااا معاه ومااتوقع اني بتحمل اسلوبه طول حياتي |
زززززززززززززززي ماقالو لسا قدامك الوقت عشان تتعرفين على زوجك لاتطلبي الطلاق خليكى ثقيله ولااتحسسيه انك مهتمه بالموضوع بعدين هو نفسه رح يستغرب ليش ماعلقت على تصرفاتي شكله احب يلفت انتباك مو عارف شسوي
|
توك اختي ما امداك... تصدقين جلست اتذكر شهر العسل واقارن بكلامك والنتيجة نفس الشي ما اذكر زوجي علق من نفسه على شي بس اذكر انا كنت اسأله وش رايك؟ حتى لما نتسوق آخذ رايه ويقول ما ادري انتم ذوقكم يختلف؟
الحين بعد مرور سنه ونصف يعلق بس بعد موب دايم وهذا شي عادي ترا لا تكبرينها تراه موضوع ما يستاهل ويمكن زوجك من النوع اللي ما ينتبها او ما يحب يعلق خذي الأمور ببساطه... والله يوفقكم |
اقتباس:
يا بنت الناس والله حرام عليك 4 اسابيع وتتمنين زوجك يموت لمجرد إنه ما يمدح طيب أنا بسألك هل إنت تعرفين طبع الرجال؟ هل إنت تعرفين إن أغلب الرجال يعبر عن حبه بالفعل والله فيه رجال ما يعرفون يمدحون وهذا طبع فيهم لأنهم تربوا على كذا فليش نلومه وهو مو متعود؟ ليش ما نقدّر اللي يقوم فيه علشانا هذا وإنتي عايشة مع واحد مستقيم شلون لو عشتي مع واحد خائن راعي خمر ويكلم بنات والله اسمحيلي أنا اللي انرفع ضغطي يوم تقولين أتمناه يموت ويا ليت السبب شي فضيع ويستحق لا بس لأنه ما يمدحه تبين الصراحة يا أختي إنت تحتاجين دورة في فهم نفسية الرجل لو عاملتي زوجك بنفسية الحريم راح تحصلين مشاكل كثيرة من أهم صفات الرجل إنه يعبر عن حبه بالفعل ولو زوجك جاء هنا واشتكى راح أقوله المشكلة فيك إنت لأنك ما تمدح يكفيك بس تقرأين المواضيع اللي هنا حتى تعرفين انك في نعمة اقتباس:
الله يرحم أمهاتنا وآباءنا والله كانوا يصبرون بنفسية طيبة ولو إنهم ما صبروا ولا كانت نفسيتهم طيبة كان احنا مشردين وهم مطلقين الله يرحمهم ويغفر لهم |
حببتي باقي بدري عليك انك تحكمي على زواجكم من الحين توك في البدايه اكثرهم كا اول شي
حبيت اسألك هل مدحتي شكله ولبسه وعطره جربي ولاتنسين الكلام الحلو وراح تبدأ حياتكم بالجرئه اكثر خليك الأفضل |
بدري عليك بدري ... بس احسن من الان عوديه على طبعك لاتصيري مثلي تسكتي وتنتظري يقولك شي ...انا كمان اشكي مثلك بس انا لي 4 سنين ...بس فعلا زي ما قالو لو شفت مصيبة غيرك تهون عليك مصيبتك... وانا لما قريت مشاكل الاخوات رغم صعوبة مشكلتي هانت عليا ...بس متاكدة انك بعد فترة حتضحكي من كلامك هذا وربنا يسخر ليكي زوجك ويهديهه اليكي ويحبك اكثر ويرزقكم الذرية الصالحة
|
أغلب الرجال كذا ...
والحمدلله حبيبتي دام أنه رجل مستقيم ويصلي ... مشكلتك عاديه وماتحتاج كل هالتوتر ..أنتي بانيه أحلامك على واحد يدخل يتغزل ويطلع يمدح ... لكن الواقع غير .. وسعي صدرك وشوفي مشاكل غيرك .. أنا حاسه فيك لاني مارة بنفس تجربتك ... وبعدين تخيلي لو تطلقتي وانتي مالك الا شهر .. وش بيقولون الناس وخصوصاً الرجال عن كلامك مافيه عيب .. حتى لو أشتكيتي لاحد بيقولون تفاهة ..وهذا سبب غير مقنع .. بس أنتي مصدومه... أصبري عليه .. وان شاء الله يتغير .. أنا عندي واحد مايعلق نهائياً لا على زين ولاشين ... وآخر شيء أكتشفت أنه أصلاً ماينتبه ... مثلاً ... أشتري لبس والبسه بعدين أتركه كم شهر وارجع البسه مرة ثانيه وأقوله وش رأيك حلو ... أقوله أني أشتريته أمس .. بعدين أسئله أقوله سبق وشفته علي والا لا .. يقول والله ماادري .. أخاف أقول ايه تصيرين فعلاً شاريته أمس .. أخاف أقول لا .. تقولين لابسته مليون مرة ولا انتبهت .. أنا ماأدقق بالبس لانه مايهمني... عموماً دائماً أسوي فيه هالمقالب لانه يقهرني ... صرت أشتري ألوان ملفته للانتباه وعادي الوضع .. عرفت أن هذا طبعه ... صمت طول الوقت .. هدوء قاتل ... وأنا مع الاسف أجتماعيه أحب السواليف وهو العكس ... حبيبتي تأقلمي ... واذا لبستي شيء قولي له وش رأيك .. أسأليه حلو عطري .. حلو مكياجي ... يمكن كثر الدق يفك اللحام ويصير ينطق ... دائماً أقول لزوجي أنقهر لانك دائماً على الصامت ...ويقول أن شاء الله أبحول على الهزاز ..يتريق |
يا اختي لا تظلمين نفسك ولا تتمنين الموت لأحد عشان الله يوفقك ويسهل أمورك
ترى الدعاوي ماهي زينه .. وبعدين حطي له أعذار .. هذا زوجك شريك حياتك يمكن ما كان بينكم فترة ملكة عشان تتعرفون على بعض ممكن يستحي منك .. يستحي يعبر عن مشاعره مو متعود .. يمكن تربيته متحفظة زيادة يمكن من بيئة تقليدية .. ما عمره قرأ عن المرأة ولا يدري عنها يا أختي معظم الرجال عندنا ما يعرفون عن المرأة شي أبد .. لا كيف تفكر ولا كيف تحس ما يعرفون عن احاسيسها ومشاعرها شي حطي له أعذار وانتي بادري بنفسك حسسيه بالي تبينه ... بعد هو انسان وش عرفه بالي تبينه إذا ما أحد علمه وكان من النوع الخجول أو الي ما يدري أن في شي يبي له يتعلمه سأليه .. شو رايك في لبسي ؟؟ شنو رايك بالعطر عجبك أو لا ؟؟ خذي رايه .. في كل شي .. صحيح راح تتعبين إذا طلع من النوعية الي ما تدري عن شي بس راح يتحسن شوي .. وهذا مع كل شي زواج مو لعبة وإذا الرجال مستقيم وما عنده خرابيط كل شي مع الصبر يصير أستهدي بالله واتعوذي من ابليس يا عروس تو الناس ولا تدعين على أحد عشان تتوفقين المسكين تلاقينه ما يدري عن الي داخلك وانتي تحترقين يالله روحي له وخلك بجد عروس |
اسم الله عليك من الصدمه يا قلبي .. انا اللي انصدمت يوم قريت كلامك .. شفت العنوان قلت اكيد بتقول ان زوجها هاجرها و يضربها و يسئ معاملتها و اهله كارفينها مثل الخدامه كبري عقلك يا بنتي .. زعلانه عشان ما قل لك فستانك حلو .. او ريحة عطرك ما علق عليها ؟؟ بسيطه يا قلبي .. كبريها تكبر و صغيرها تصغر .. كل ما في الموضوع ان زوجك مو متعود انه يقول مثل هذا الكلام .. يمكن ما يعرف يعبر .. يمكن تربى في بيت ما احد يتكلم و لا احد يعبر عن رأيه في مثل هذه الامور .. لا تخلي مثل هذه الشغلات البسيطه تكدر حياتك و تنعكس على تصرفاتك مع زوجك حتى ما يقول عنك نكديه .. العمر امامك اهم شي ان زوجك يحبك و يحترمك و مو مقصر عليك في شي .. وربي يسعدك .. |
والله ضحكتيني ... انا زوجي ست سنوات ومايمدحني ابد ... اسمع من اهله انه يمدحني بس احسهم يبون يفرحوني وبس...
يحبني ويموت فيني ... عرفت هالشي مع الايام خوفه علي وزعله عشاني اللي مايبينه طبعا بس صرت افهمه مع العشرة واعرفه اذا زعل اوفرح اوتضايق .. اول كنت اعتقد انه ماعنده احسااس اومغصوب علي او ... او... افكار كثير تجيني صرت اللحين ان لبست اساله وش رايك ... ان قال حلو ... اقوله بس حلو ... اقوله لاقول يجنن قول موطبيعي قول يهبل... يقول ايه بس شوفيني شفته وتوني عاقل مانجنيت ..:d:d كل مارحت مناسبه اقوله قالوا لي وقالوا لي ومدحوني وانت ساكت ولاقلت شي ... يقول المدح قدام صاحبه مذله :23::23: فخلاص تعودت ااخذ حقي بيدي ...:30::30:من البس غصب طيب لازم يقوللي رايه ولازم يمدحني بعد وله ازعل واطنقر:(:( طبعا مزح ... مااقولك اني موزعلانه ولاموماثر فيني ... بس خلاص تعودت مع الوقت ويكفيني طيبة قلبه الله يخليه لي ولعيالنا .... |
لما شفت عنوان الموضوع ما انصدمت عرفت :) لاني انصدمت قبلك ...
بس الوحدة تتعود يا عمري .... ادري كنتي تفكري انه الزواج شي غييييير .. حب و رومانسية و طلعات و عزايم زوزج طالع نازل يحب فيك و يتغزل .... مزاح و فرفشة ... سهرات سوا ... الواقععع غيييير ... غييير غييييير ... للاسف اغلب الرجال زي زوجك ... عندهم الحب فعل ... الضحك و المزح مو من شيم الرجال ... الكلام الكثير مع الزوجة مش كويس لكن عند الاصحاب تعالي اسمعي الضحكة توصل لاخر الشارع :) اهتمامات الزوجة تفاهه .. و اهتمامتهم هم حاجة لا يعلو عليها .... عااد يا قلبي اتعودي ... حتى لو طلقتي لا قدر الله .. بتززوجي مرة الثانية و الثاني بيكون نفس الشي :) اتعوذي من ابليس ... احمدي ربك انه طيب و يعاملك بالحسنى لا يضربك و لا يهينيك و لا يسهر و يسيبك و لا يسكر ولا ولا و لا ..... حاولي تتقربي انتي منه ... عوديه انتي انه يعبر عن ارائه ... اذا ما قالك يالله نطلع .. انتي قولي له ... ملانه خلينا نروح لمطعم و لا لاي مكان و استغلي اي لحضه يكون قاعد لحاله و روحي جنبه احضنيه .... عوديه على وجودك بقربه و معاه على طول ... عبري عن مشاعرك تجااه ... لما يلبس و يتعطر امدحي عطره و لبسه ... عوديه على الكلام الحلو ... علميه ... تصدقي مرة شريت له عطر .. عجبه بس ما علق ... والله هريييتوه :) على الرايحة و الجاية اقوله الله على عطري اممم هذه اللي حاطه عطري :) .. لا والله عندي ذووق... صدق صدق عطري روووعه ... شفت ها من دوني ماكنت شريت هالعطر ....لغاية ما طفش و قالي خلااص ما راح استخدمه وهو معصب و يضحك بنفس الوقت .. بعدين قلت له لو كان من البداية قلت لي حلو ماكنت مللتك و الحين اي شي اجيبه يمدح فيه ساعه :) علميه حبيبتي مرة بالمزح و مرة بالتعليق و ان شاء الله بعد 4 اسابيع ثانيه تجي تقولي زوجي ملللني من المدح :) الله يوفقك حبيبتي |
الله يهديك بس :)
ويوفقك ويسعدك خذيلك لفة على مشاكل الناس في هالمنتدى وقولي اللهم لك الحمد والشكر على نعمتك الله يسخره لك يا حبيبتي ومبرووك يا عروسه |
ارقي نفسك وغرفتك ادعي بصلاتك استغفري كثيير
شغلي سوره البقره بغرفتكم وان شاءالله تتيسر الامور :> |
على طووووووووووووووول فراق
والله بنات اخر زمن الصبر في وادي سحيق ياحلوة ترى ماشفتي من الجمل غير اذنه |
سلامة قلبج من الصدمات
|
نصيحة لا تطبقي ماترينه في الفضايئات على حياتك رزقك الله بالشاب المستقيم في زمن قله فيه الشاب المستقيم اشكري الله على هذا النعمة هل ترين مشكلات المنتدى خيانه منتشرة بشكل فضيع وضعف الدين والابتعاد عن الله سبحانه
مشكلتك لسش مشكلة ولا يبان طبيعة الحياة الزوجية الابعد مرور على الاقل 6شهور وهذه الهفوات التي قلتيها ابدائها معه سخر الله زوجك لك |
لاتعليق كفايه الاقالوووا مايحتاج اقول شي اتوقعت في مصيبه لاسمح الله الله يهديكى ويوفقك |
زوجى نفس الشىء ومثلك اتصدمت واشعر بضيق واختناق طوال الوقت واصبحت لا احبه مثل اول انا متزوجه لم اكمل شهرين
الله المستعان |
عفواً أختي , أريد أن أسألك كم عمرك ؟
و هل كان هناك تواصل بينك و بينه فترة الملكه ؟ |
ماتزعلي اختي فعلآ موضوعك يضحك :d :d احس كل ما اقرأ مشكله بالمنتدى تتعب نفسيتي لتعب اصحابها ولما قرأت عنوان مشكلتك قلت الله يستر وش فيه بعد:24: :24: زي ماقالتلك احدى الاخوات خذيلك لفه ع المنتدى وقولي الحمدلله انابنظري اكبر مصيبه تهدد الحياه الزوجيه هي الخيانه والعلاقات احمدي ربك زوجك مو راعي هالشغلات ونصيحتي لك خذي بنصيحة الاخوات اللي جربو اسأل مجرب ولاتسأل طبيب من اول طفشانه ضحكتيني الله يسعدك بس اذا جربتي كلام الاخوات وفاد فرحينا مع انو اذا كان طبع يبغاله طووووولت باااال تحياتي |
لايكون تفكيرك الانفصال
هذا اكبر خطأ ترتكبينه لنفسك اللي بينك وبين زوجك ميثاق غليظ ماينقطع عشانه مامدح لبسك او علق على عطرك الشيطان يرقص وانتي جالسة تكتبين هالكلام لانه يسعى للتفريق بينكم استعيذي منه الان واحمدي الله فالزوج نعمه نعمه نعمه اسأل الله ان يصلح ذات بينكم |
اختى الكريمة
انا متاكد ان زوجك يحبكى بس من صفات رجل الشرق ان حبه يكون بالفعل لا بالقول فصبرى وان شاء الله حيكون خير زوج للكى |
[اختي لاتزعلين نفسك انت لسه في البدايه,,وكثري من الأستغفار ........
في ازواج مايعرفون يعبرون انت تكونين عاجبته وكل شي بس مو عارف يعبر.. انا عندك مثال اكون لابسه ومتشيكه...ابدا مايعلق على لبسي ويكون عاجبه.. ونفسي يعلق يقول شي يمدحني ..بس لاحياة لمن تنادي.. |
هونيها وتهون انت بخير اختي
يكون بعلمك اختي تقبلي زوجك كما هو لان هذه شخصيته والطبع يغلب التطبع واحمدي ربك ولا تنظري للنصف الفارغ من الكأس رددي اللهم اقذف حبي في قلب زوجي وطيب عيشي معه ويااختي كل المصايب تهون الا مصيبة الدين |
على رسلكم ياللي تعاتبون وتستغربون من مشكلة (يمه ضميني) كلن يعيش الصدمه على قده ....
هي يمكن ماعرفت تعبر بقوة عن مافي نفسها ....لكن من جد هي لو حابته ماجت تشتكي! وفوق كذا بارد بشكل منفر....أنا معكم انها غلطانه لما انتظرت منه المدح أو طلب الطلعه ......فهذا قليل في الرجال خاصه بعض البيئات.....لكن بعد وش معنى الزواج عنده إذا أحلى الايام اللي تجمع الواحد بزوجته مايتكلم بشي؟؟!! معتبرها بعيده عنه ................لأنه مهما كان البدايه تدل ...؟ .وهي خايفه اذا هذي بدايتهم وش بيكونون بعد المشاكل والعيال والسنين؟؟ يعني القلوب ماهي على بعض ...افهموها.. أنا أقول لاتستعجلي بفكرة الطلاق بس خليكي حريصه على حبوب المنع ..والشي الثاني: . ياعمري اجلسي معه جلسة صراحه بكل هدوء ونفس زينه وشوفي وش عنده ؟؟ لازمممم تجلسين هذي الجلسه وتشوفين وشلون يفكر هو ؟؟؟....حاولي تطلعين من الجلسه بشي... |
شوفي لاتسالين الى الي مثلك ملتاع وانا والله العظيم مثلك بظبط لدرجت ان عطوري وزعته على بنات اختي ولا يقولي اذ قالتله ليش ماتمدح يقول البسي لنفسك والان انا انجبت منه بسبايب اهلى يقولون اصبري وكل ماله يتدمر وتصدقين انا الان لي سبعه شهور عند اهلى ولا سال عني بس دق مرتين وما رديت وانقطع شفتي يعني انصحك ازعلي عند اهلك اذ زوجك طبيعي بيرجع ويتغير واذ مو طبيعي احسن يمكن خيره لك وانتي استخيري قبل اي شي
|
طلااااااق مرة وحدة..
ياليت تاخذين فرة على المنتديات الزوجية وإدخلي أقسام الطلاق وشوفي المعاناة!! وإلا لا تروحين بعيد هنا شوفي المشاكل وإقرئي مشكلتي..أنا ياليته ساكت ومايعلق إلا ينتقد وبس!! إصبري ياأختي إصبري ...نصيحة من أخت محبة ...إصبري وإصبري وأصبري..توك في البداية بعدين شوووفي .. كل شئ بيتضح مع مرور الشهور...وكون إنه مايعلق ولا يمدح هذا موسبب يخليك تفكري بالطلاق... شوفي مشاكل غييييرك واللي يعانون منه هل تقدرين تتحملين وضعهم...أنتي لوطلبتي الطلاق ممكن تتزوجين واحد فيه البلاااوي خيانه..وتقصير بكل شئ!!... أنا معك فيه أزواج يطلعون زوجاتهم وتمشيات ومطاعم...لكن أنتي إطلبيها يمكن ينتظرك تقولين طلعني..أنتي شوفي تعامله بالأمور الأهم؟.... الله يوفقك ياعروس |
| الساعة الآن 07:49 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©