|
إستفسار عن أفضل دكتور جلديه
السلام عليكم خواتي اكيد اغلبنا دهبنا لطبيب او طبيبة جلدية لتعالجين المشاكل اللي تتعرض البشرة او نبحث عن بشرة افضل واصفى واكيد صادفتوا الطبيب اللي تحسين انه صادق وغير مادي يعني يعطيك العلاج على طول اللي يناسبك والله من تجربة كم طبيب رحت له الا وهو يجرب فيني ويعطيني العلاج على مراحل وانتظر النتيجة الفتاكة وما حصلت بس كله استزاف فلوس تصدقون خواتي مرة رحت لدكتور ما عنده تقنيات واجهزة لما شاف بشرتي قال ما تحتاجين بس اشتغل على الادوية والخلطات اللي يسويها الصيدلي المتفق معاه وفرض رحتي لدكتور في عيادة كبيرة متخصصةا تعالي شوفي اش الاقترحات يعمل لك كريم داخل العيادة وتخيلوا تقريبا تكلفته 2000 وبعدين يقترح لك عمل بوتكس لاماكن ما تحتاج وعادية جدا في الوجه وادا فيه جهاز التنعيم الكرستالي يقول لك سويه تخيلوا اش تكلفته 500 في الجلسة وبعدين يقول ممكن سوي لك تقشير الخلاصة ما وجدت مصداقية ابدا حسبي الله عليهم وانا الان ابحث عن دكتور صادق ومخلص ومو مادي درجة قوية وخبرة اللي تفيدني الله يجزيها خير ودمتم بصحة وعافية العفو تم تعديل العنوان ليكون بالفصحى.. |
طيب أنتي من فين ؟؟
أنا أتعالجت عند ديرما في الرياض د. التركماني رااااائع ماشاء الله |
اقتباس:
أسعــاره معقوله ام غاليــه يعني الادويــه ... الكشفيه!!! باانتظارك حبيبتي... |
دكتور ياسين في مستشفى الحمادي بالرياض
ممتاااااااااااااااااااز |
طيب معليش تذكرون ايش المشكله
هل هي بشرة مثلاً أكزيما ... صدفيه ..بهاق ... الخ حبوب ... آثار قديمة ... أو شعر مثلاً تساقط ... علشان الكل يستفيد ... |
صراحة أنا تعالجت مرة بمستشفى الدكتور عبدالرحمن المشاري بالعليا
عند دكتورة أمريكية نسيت إسمها لكن عن جد شاطرة ما شاء الله عليها |
انا من قطر
و احب اتعامل مع دكتور وليد ابو حلاوه ما شاء الله عليه وايد اوكي خاصه في مجال الشعر و الاكزيما و صديقتي و الناس يمدحون د. فهد الباكر في مشاكل البشره د. عايده الصالح جربتها و ما فادتني يمكن لان مشكلتي في الشعر و هي شكلها مختصه في حب الشباب المهم انها ما عجبتني احسها ماديه وايد و الله ما تخلي الواحد يقعد اكثر من 5 دقايق تشوف المريض من بعيد و تكتب لسته طويله من الادويه و مع السلامه و عيادتها زحمه مادري ليش |
انا من الرياض و ابحث تكون بشرتي رائعة ومشرقة
ربي يوفقكن على تجاوبكن ومروركن وافادتنا |
رسيل ..
الدكتور ممتاز جدا ماشاء الله وأنا قرأت عنه مرة في الجريدة إنه عالج وحدة كانت عندها حساسية في عينها مزمنة ومالها علاج ... وشفيت بحول الله المهم سعره 300 ريال لأول مرة مع الملف وبعد كذا ب 250 ريال بالنسبة للعلاج والكريمات يوصفها بحدود ال10 ريال و50 ريال ... بجد ماراح تصدقي إلا إذا كانت الحالة غريبة عكس باقي دكاترة الجلدية اللي كشفيتهم ب 100 ريال وأدويتهم ب 400 ريال ويكونو متعاملين مع صيديدلية معينة أنا مرة رحت له وعالجني بالفازلين .. !! وترى أنا الحساسية اللي عندي من يوم ما أنولدت يعني مزمنة وعشرة عمر ومرة رحت له كان وجهي يرثى له حبوب وألم وشي ماينوصف الله لا يعيدها يارب .. وعالجني بمضاد وكان سعره غالي عاد أسعار التقشير والليزر وهذه الامور صراحة ما أعرف ماقد جربتها .. الله يوفقك |
أنا ولدي فيه أكزيما حاده ...
وديته للدكتور البغدادي في مستوصف السلامه الدكتور عنده زحمه وكبير في السن أتوقع بدون مبالغة أن عمره 90 يقال أنه كان في الحرس سابقاً بس بصراحة مااستفاد ولدي ولاحتى خفت الاكزيما ... وديته لدكتور في أدمه أسمه سلطان الخنيزان ملتزم ماشاء الله عليه كشفيته أول مرة 300 وبعدين 200 ريال علاجته مرة رخيصة .. لكن الى الان مااستفاد ولدي وزود لي جرعات الكورتيزون والله يستر دعواتكم |
الدكتوره ناديه الغصن جيده مررررررررررررررررره ماشاءالله عليها
ادعوووولي بالتوفيق مع زوجي |
مركز جوفا تحت اشرف د- العجروش ملتزم ورائع -وايضا د- وليد الخنيزان-وفيه د- حجازي في مركز حجازي كبير وخبره
|
اقتباس:
د وليد الخنيزان متأكدة من اسمه لان أنا أودي ولدي عند سلطان الخنيزان قلت يمكن نفس الشخص وهل العلاج عن أكزيما ... |
فعلا اسمه سلطان الخنيزان بس نسيت وهو دكتور في مستشفى الحبيب ومستشفى ا دمه
|
في أدمه د0سلطان
طيب عن أيش كان العلاج وهل طول ... بصراحة أنا أودي ولدي عنده وزود لي جرعات الكورتيزون ومافيه أي تحسن وولدي توه عمره 10 شهور وخايفة من الكورتيزون ... |
دكتوره وفاء والدكتور حسين بمستوصف الجزيره وعندهم مصداقيه
|
أم عبوره
د.حسين في الجزيره .. في النخيل مصري.. ملتزم قالت لي وحده عنه أنه عطاها تركيبه وأنها ترتاح له تحس أنه فاهم ... هل هو نفسه؟؟ هل أخذتوا العلاج منه عن الاكزيما أرجوك ردي |
معاناة مع الجلدية الله يقطع الدكاترة الحراميه
انا رحت مركز جويل في جده ونفس مشكله الاخت تبا تنهب وبس وجهي الحمدلله صافي ومافي شي تقولى تبي تقشير كريستال وبعدين اعطتنى خلطة تفتيح اعطت نتجيه عكسية حسبي الله ونعم الوكيل بس |
لاخت حرم المعلم انا لما راجعت عند د-سلطان عن حساسية عندي
ولدي عنده اكزيما من عمره 6شهور حتى الآن عمره 5سنوات طبعا راجعت به عدة مستشفيات منها د-العقيل جلدية اطفال في مستشفى ادمه والنتيجة مراهم وتركت العلاج واستخدم فازلين كل ليله يهيج في فصل الشتا ءويخف في فصل الصيف والحمدلله على كل حاال |
ينقل لعيادة المنتدى مكانه الانسب
|
عيادات جويل بجده
سلام عليكم حبياتي أنا شفت موضوعكم بلصدفه بس والله زعلت من كلام الأخت بنت مكه لأن الدكتوره هنادي بعيادات جوايل يلي بجده دكتوره مره شاطه ومره مره متدينه وتخاف الله أنا بسوي جلسات ليزر عندها والنتائج أكتر من رائعه والله عيادات جويل هادي الأجهزه عندهم رائعه وسعرهم معقول جدا بلمقارنه بلعيادات التانيه أكيد الأخت بنت مكه تحسست من الخلطه أو شئ يا ريت يا حبيبتي تروحي للدكتوره تاني وتستشيريها عافاك الله يا قمر :)
|
والله العظيم انا رحت عند دكتور الغلاييني اليل في شارع امير سلطان والله كلفني فوق الف و600 ويمكن اكثر ع الفاضي وربي ندمت ندمت مرة الى الان ماتعافيت والحين بشرتي والله ملتهبة ومحمرة حتى الخروج من البيت مااخرج وليا اكثر من 8 شهور وانا بذا الحال |
| الساعة الآن 06:10 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©