|
هل الوضع اللي اعيشه مع خطيبتي طبيعي?
بسم الله الرحمن الرحيم السلام عليكم ورحمة الله وبركاته...كيفكم؟؟..شخباركم..؟؟ ان شاء الله تكونون جميعا بافضل صحه واحسن حال...صراحه مدري وشلون ابتدي موضوعي معاكم...لكن بحاول اوضح الامور لكم قدر الامكان وانا داري ان موضوعي هذا اللي بكلمكم فيه قد مرّ على كثير منكم بس بغيت اعرف كيف كان تصرفكم لعلي استفيد من تجاربكم وخبراتكم...انا ملكّت(كتبنا الكتاب) ولله الحمد قبل ثلاث اسابيع من الان والامور ولله الحمد مشت على احسن ما يرام...عمري 28 وعمري خطيبتي 18...انا موظف وهي لسا تدرس بصف ثالث ثانوي الان...وطبعا كنا مخطوبين لبعض من حوالي سنتين...انا من صغري انسان حساااس وعاااااطفي ورومنسي كثيييييير....بس حسيت من خلال كذا مكالمه انا وخطيبتي انها مو مثلي بهالشي يعني احسها انسانه عاديه لا هي اللي جافه ولا هي اللي مثلي(رومنسيه وعااااطفيه)...مدري الشي هذا مخليني احس انه انا جالس اعطي وابوح بكل مشاعري بعفويه وبدون تردد من اول يوم كلمتها فيه واللي على قلبي على قولتهم على لساني على طول وهي احسها لا ماهي جالسه تتكلم مثل ما انا اتكلم...ادري ان اغلبكم بيجي ويقولي اصبر توك ما كملت شهر انت وبنت الناس... وناس ثانيين بيقولون لي البنت توها صغيره حرام عليك مابعد تعرف للاشياء هاذي... وكيف تتصرف مع انسان جديد عليها... ولسا ماتعودت عليك وعلى اسلوبك وشخصيتك...انا والله داري عن كل هالاشياء بس انا اقول انه مو تونا نعرف بعض يعني حنا قبل كتب الكتاب كنا مخطوبين لمدة سنتين تقريباً..يعني المفروض المشاعر والاحاسيس قد تكونت خلال هالفتره بشكل بسيط ومقنع على الاقل...مدري الشي هذا خلاني مثل اللي انصدمت بشخصية البنت وماني اعرف وش اسوي...انا والله مقدر ظروفها الان انها بآخر العام واختبارات الثانويه مثل منتم عارفين يبي لها تركيز واجتهاد...لكن ما احسها انها مررره مجتهده في هالجانب على شان اقول والله البنت معذوره احسها عادي مرات تقولي جالسه اذاكر ومرات تقولي لا طفشانه مالي نفس اذاكر لدرجة ان بعض المرات تروح للاختبار بدون مذاكره ابد...طبعا هي اكبر اخوانها يعني هي البنت الوحيده لامها وابوها والباقيين اولاد بالبيت يعني ماعندها خوات...بس عندها صديقات واااااجد..لدرجة اني احس انها تهتم فيهم اكثر مني بعض الاحيان....ساعات برضو اقول ان الفارق بالعمر يلعب دوور كبير لاننا لما نكلم بعض سوالفي انا تكون عن حياتنا ومسقبلنا وكيف بنعيش واتكلم لها عن عواطفي ومشاعري وهي لا ياهي ساكته وتسمعلي ولا اذا سولفت سوالفها احس انها سوالف وحده عقلها صغير...((طلعنا البحر...كلمت صديقتي...رحت عند صديقتي..بنروح نتمشى...احب الوناسه واللعب...)) صراحه احس انها سوالف لاتناسب سني ابد ابد...وبعد برضو فيه شغله ثانيه...انا احس اني ابي اكلمها واسولف معها كل يوم احس اني احبها ومحتاجها...بس احس انها عادي الموضوع مو ضروري كل يوم مكالمات رسايل تؤدي الغرض..طبعا بالرسايل ما ننقطع ابد على طووول شغالين مسجات...بس برضو احس اني محتاج اكلمها اكثر...داري والله اني طوووولت عليكم..واعذروني الموضوع كاتبه بدون ترتيب مسبق بس وربي جالس افضفض لكم عن اللي بقلبي ولا لي بعد الله الا انتم لاني ماحب اتكلم لاحد عن الموضوع هذا...وان شاء الله اني اجد المشوره منكم الله لا يحرمني منكم يارب...وجزاكم الله الف خير...اخوكم>>>بدر
|
البنت لسه صغير ومحتاجه صبر
الله يسعدكم |
اقتباس:
|
اخي الكريم
وعليكم السلام ورحمه الله وبركاته لاحظ فرق السن بينكم واكيد تركيبها العقلي غير تركيبك ولسه ما اخذتوا على بعض امهلها بعض الوقت لتتعود عليك ثم ستجد ما يسرك من كلام وحركات فكل ذلك جديد عليها ويارب تكون كل حياتكم رومانسيه وحب |
اقتباس:
|
اخي الكريم هذا الشي صار معي ايام الملكة انا كنت مثلك والله بس زوجي كان مثل خطيبتك مرت كنت امل بس بعد الزواج صار انسان اخر كلام حب وغزل ودلع
يمكن خطيبتك تتغير ويمكن لا مو كل الناس رومانسيين بس حاول ما تعب نفسك في هالموضوع لانك رح تفتح طريق للشيطان الله يوفقك |
مو لازم دائما حب وغرام ورومانسية يا أخي
الحب ما تقدر تطالب فيه هي مشاعر واحاسيس تحتاج وقت علشان تتبلور وتقدر تعبر عن نفسها خصوصا انها صغيرة واكيد انها تستحي منك ومن التعبير عن مشاعرها ناحيتك وبعدين يا اخي مو ضروري مسجات انا صحيت انا رايح الشغل انا جيت البيت انا اتغدى وانا اتعشى وانا بنام ومع كل مسج احبك ومشتاقلك ! الواحدة تمل وتطفش وربي حلو الاعتدال بكل شيء.. حتى بطريقة بث المشاعر خفف من مسجاتك واتصالاتك وخل البنت تشتاق لك انت مو معطيها مجال تتنفس اعذرني على صراحتي لكن انا لو زوجي اللي اموت عليه يسوي هالسوالف والله اني امل منه واقول اووف فك عني |
الصبر مفتاح الفرج
|
خفف مكالماتك ورسايلك وهي راح تشتاق لك وتفقدك وان شاءالله تجد مايسرك
|
أخي العزيز لكل باب مفتاح ... حاول تغير أسلوبك شوي وصدقيني راح تحبك مثل ما تبي ..
خلك مرح معها أوعدها إنك توديها البحر وتلعب معها وتتسابق وياها الرسول صلى الله وعليه وسلم كان يتسابق مع عائيشة رضي الله عنها رغم فارق السن اللي بينهم ... أنزل لتفكيرها وعمرها لما تحبك وتعجبها راح تطلع لمستوى تفكيرك . لا تصير جامد أنت لس شباب خليك وناسه ومرن وتحب الفرفشه أقل شي في كلامك معها الله يوفقك ويسعدك دوم ... |
اقتباس:
|
اقتباس:
|
اقتباس:
|
اقتباس:
|
اقتباس:
|
رد
اخي ان الله يكون في عونك في مأاشتكيت منه
ولكن اذا تبي الصراحة انا مثلك املكت قبل شهر تقريباً وبيننا الجوال دائماً ولكن اذا كنت تريد كلمة الحق والمعقول فوالله ان تعيش بدون مكالمات وبدون رسائل هو الافضل لانك ماذا بقيت لمابعد الزواج من أحاسيس ومشاعر . فنصيحتي لا تستنزيف مالديك الان من مشاعر واحاسيس ووصف حب وغيره وعلى ماقالو ((كل شي في وقته حلو)) شكراً لك اخي الغالي اتمنى لك حياة زوجية سعيدة |
اقتباس:
|
يمكن هي صغيره ومستحيه ... وانت مستعجل ومتهور
هي المروض تلين معك شوي وانت كمان هد اللعب اللهم اغفر للمسلمين والمسلمات |
اقتباس:
|
السلام عليكم
اسعدك الله معها وبارك لك فيها وخذ نصيحة من مجرب -خليك متزن فى مشاعرك ولا تنكب حبآ بها -اجعلها هى من تحتاج الى حنانك وحبك -بعض البنات خلال فترة الخطوبة وكتب الكتاب لا يكن على طبيعتهن -لاتحبها يزيادة عشان لو جرحتك -عافاك الله- ستكرهها جدآ وتذكر قول النبى --عن على رضى الله عنه قال(( سمعت رسول الله صلى الله عليه وسلم يقول: احبب حبيبك هونا ما عسى ان يكون بغيضك يوما ما ؛ وابغض بغيضك هونا ما عسى ان حبيبك يوما ما )) اسناده ورجاله ثقات واعلم انك اذا ملكت عصفورآ بقبضتك فأذا اطبقت عليه كفيك بشدة فقد تقتله واذا ارخيت كفيك عنه طار وتركك اسأل الله ان يسعدنى واياك بمن تقر به عيننا |
اقتباس:
|
أخى هذه الصفات اللى فيك ممتازه ولكن سبحان الله الله عزوجل لا يعطى للمرء كل ما يحب
يعنى تجد انسان فيه صفات كذا والاخر ليس فيه صفاته فى حين ان غيرك يتمنى ان تكون انت معه لانك تملك نفس صفاته المهم اخى العاطفه الزياده حاول حد منها على قدر المستطاع لانها هتسبب لك مشاكل امام حاول تكون انت معها بصفاتها بس اهم شيء احتويها بحبك بعد الزواج |
اقتباس:
|
سبحان الله لله في خلقه شئون اذا كان الرجل فيه حب وحنان ورمنسيه يكون طبع المراه جاف واذا كانت المراه فيها حب وحنان يكون طبع الرجل جاف لازم يكون فيه شيء ناقص بين الطرفين اقول قلل شوي من تصرفك معاها واصبر عليها وهي لسه صغيره وبعد الزواج ممكن يكون العكس
والله يكتبلك اللي فيه الخير ويجمع بينكم في الحلال |
اقتباس:
|
خذها قاعده .. لا تعطي كثيرا حتى لا تندم كثيرا .. |
اني اشوف البنت لسه صغيرة ومثل اللي قاله الاعضاء كون اكثر اتزانا وقلل من صراحتك في بوح مشاعرك لها ستجدها هي من تطلب ذلك منك
|
سبحان الله كأنك تقص قصتي :) ..
ملكت و عمري 18 و زوجي 28 .. و كان تقريبا زيك ... كنت الشي الوحيد بحياااته .. لانه بالغربة . لا اهل و لا اصحاب يشغلوه .. 24 ساعه مسجات و مكالمات :) وايميلات :) ...و طبعا يحكي لي بالرومانسية و ايش بنسوي بحياتنا و كيف بتكون و انا مشغوله باهلي و دراستي و صاحبااتي و طلعات و فوتات .. طبعا طلع كل عواطفه وقت الملكة اللي طالت لاربع سنوات ... بعد الزواج صرت انا اللي اجري بعده :) و اطلع منه الكلام بالسحب و الجر و و و للاسف الحياة الخيالية اللي رسمها لي انصدمت بالواقع .. الحمدلله طيب و بعاملني كويس و بمايرضي الله الحمدلله لكن طبعا الكلام اللي كان يتكلمه ايام الملكة كان مبالغ فيه خلاني اتخيل اشياءء و اشيااءء خاصة لما تكون ينت 18 سنه ... لكن الحياة الزوجية غيييييير فا صابتني صدمه اول الزواج .. بس اتعودت الحين :) عشان كدا لا تزوود بالوعود و العهود و الكلام الرومانسي,,, لانه بكره لا صارت ببيبتك بيتغير الوضع و بيقل وهج الحب و الرومانسية و بتنشغل بالشغل و توفير حياة كريمه لها ... غير انه الرجل لما يصير بال30 يتغير شوي و عواطفه تهدأ و ترزن بالتالي بتقعد تقول لك ... ناسي ايام المكلة اي كنت تقول؟ ماا عاد تحبني و من هذا الكلام .... خلك معتدل بعواطفك ... لا تكن جاف و لا تكون منجرف بزياادة خير الامور اوسطها بس طبعا البنت بعمر ال 18 سنه تفكيرها غيرك انت.. انت تبي حنان و رومانسية و هي لسه نوعا ما طفوليه .. حاول تنزل شوي لها ... لا يكون كلامك كله على الحب و و و .... لما تروح لها ... العبوا سوا ... خذ معك ورق .. كيرم :) دومنو .. العبو على حكم .. معها و مع اخوانها الصغار .. منها تتفرب منها و تملك قلبها اكثر و اكثر .. و منها كمان تدخلو شوية مرح .. ممكن اذا تقدر تروحوا رحله كلكم انت وهي و اسرتكم لا تقصر .. . ذكرييااااتت جدا حلوة لبعدين ممكن من باب التغيير .. تراجع لها :) او تساعدها بشي :) .. اعملو اشياء تكون ذكرى لبعدين .. مو كله كلام حب و رومانسية عشان لا تمل الله يوفقكم اخي الكريم و يؤلف بين قلوبكم و يجمع بينكم على خير ياارب |
أخي الفاضل يمكن هي مسكينة لاتعرف كيف تعبر
فأنت علمها مثلا اسالها تحبيني ؟ شكثر تحبيني ؟ اسالها وش رايك بالرومنسية . علمها إنك رومنسي من غير ماتطلب منها أن تكون كذلك .. اقرا عليها قصيدة اهداء وبعدين اذا خلصت قلها اهدي لي قصيدة وعطها فرصة للمكالمة الجاية . قولها قصة حب عنك واياها شيء بالمستقبل ، وبعدين قلها قولي عننا قصة . أنت حينما تغمرها بالحب هي فقط تستقبل قد لاتكون لها القدرة على الرد أو ماتعطيها انت مجال فأنت حفزها انها هي اللي تتكلم من خلال الأسئلة . |
السن ماله أثر أبد
لكنها مشغولة بدراستها أو باقي البنت ماعرفت كيف تعاملك كونها تربت مع أولاد ؛ أخوانها ؛ له أثر كبير صدقني لأني مريت بكم تجربة زي كدا......... |
البنت كبر اختي الصغيره
وبنفس عمرها يعني ما زال تفكيرهم طفولي وحياتهم منحصره بالصديقات واللبس والوناسه تقبلها مثل ما هي الى ان تتزوجون وتصير في بيتك ..بعدها ممكن انت تعلمها شوي شوي |
اقتباس:
|
اقتباس:
|
اقتباس:
آآآهليين اختي نوره...والله ان كلامك جدا حلووو وواقعي وترى من يوم رديتي وانا اقرآه بس مدري وش ارد واقول...تقريبا انا مثل شخصية زوجك انسان رومانسي وخيالي لابعد الحدود واتكلم بالمواضيع هاذي كثير وخطيبتي تقريبا بعد مثل شخصيتك...بس فعلاً مثل ما قلتي انا خايف ان الوضع يتغير بعد الزواج ويخف وهج الحب على قولتك...بس انا اقووول اني راح اكون غيييير وداخل تحدي مع نفسي وامام زوجتي في الشي هذا وانه ماراح اتغير بعد الزواج من الناحيه هاذي وراح ابقى نفس الانسان الرومانسي والحااالم لاني من جد مثل ماقلت بالردود السابقه انا ما اقدر اعيش من دون حب واحاسيس ومشاعر راقيه قائمه على الود والاحترام وانا جالس احاول اغرس الشي هذا في خطيبتي معي...ابيها مثلي..لانه بالحب والمشاعر المتبادله راح نقدر نواجه حياتنا بكل ظروفها ومصاعبها وعقباتها وما راح يوقف شي في طريقنا لاننا نملك اقوى شي بالكون وهو الحب الصادق...صح ان مشاغل الحياه ومتاعبها راح تطغى في بعض الظروف والمواقف لكن لن اتردد في البوح بمشاعري حتى وانا في وسط ازماتي ومشاغلي...اسأل الله الكريم رب العرش العظيم ان يعينني على ذلك وان يجعلني زوجاً صالحاً محباً لزوجتي شغوفاً بها لا اتخيل الدنيا الا بها ومعها... ويعطيك الف الف عافيه اختي نوووره على كلامك الجميل... ولا تحرمينا من نصايحك وتوجيهاتك السديده... |
اقتباس:
|
اقتباس:
|
اقتباس:
|
السلآإمَ عليكم
آنآآآ بنت عمري 18 سنه وخطيبي 26 تقريبآ مثل سنكمَ ,, ماصار لنا شهرين مملكينَ .. وحالتي مثل حالة خطيبتكَ حسيت من جد انك تتكلم عنيَ , مثلآإ , يكلمني بالتلفونَ ,, << يقولي سولفيَ اسكت ماعرف شقول وشلون ابدأ بالسواليفَ ولا اعرف اطلع سالفه ؟؟ اذا طلعنآآ برآ افررر مخي يالله تطلع سالفهَ , وعلى سالفةَ انها ما تهتم فيك ومآ تطلع مشآعرهاا ,, <<< خطيبي يعيش نفس المعاناهَ وفاهمه وش يبي بس استحي اقول له كلام حب وغزل شسوي ؟! ؟! ؟! واعتقد خطيبتك نفس الحآل تستحي تقول ذآ الكلاآم ِ , |
اخي العزيز الف مبروك مقدما والي كاعد اتحس بي طبيعي جدا
من الطبيعي انك اتغار عليها وتتمنى انها اتبادرك المشاعر لكن بالراحه عليها شويه يعني مافي داعي لكثرة المسجات خليها باعتدال مثل ماذكر الاخ الكريم واثكل عليها شويه اكيد هيه راح تتصل فيها او اكطع عليها يوم وشوف شراح اتساوي ولازم اخي انته تعلمها على الحب والحنان اني زوجي كان مايعرف شنو كلمته حنان ولكن الان مايعيش لحظة بدونها اعامله مثل الطفل انته كذالك عاملها على كد تفكيرها وابد معاها شويه شويه لاتمللها فيك يعني لا تملي عليها شتسوي وخاصتا بمسالة المشاعر خليها هيه تتعلم اتحسها اتجاهك خليك انته صبور بالبدايه وان شاء الله راح اتشوف كل الخير ياربي وان شاء الله السعاده الدائمه |
تصدق انا كنت مثل زوجتك اول ما تملكت والي خرب علي صديقاتي لاني كنت اقولهم على كل شي بيني وبين زوجي وانا ما كنت ادري انهم بيخربون العلاقه فبعدين فهمت ووعيت مدى خطورة الصديقات بعضهن وليس كلهن ..
ثاني شي يمكن تكون البنت مستحيه وما تبغى تقول ذا الكلام أسأل مجررب والرجال يحب كل شي يكوون بعجله ويبغى يفهم زوجته بأسرع وووقت ... فهذا اكبر غلط لان بعديين بتمل أنت وليس هي من كثر الكلام والبنت تكوون تعلقت بذا الشي ويمكن في الايام تنشغل عنها وهي تكون تعودت على الكلام الرومانسي داايم واذا ما قلت لها تتضايق وتكون الحياة مشاكل فأنصحك اخي بالصبررررر والله اني يوم تزوجت كنت أقول في نفسي ونعم الزوج الي صبر علي لان كل شي بوقته حلووو |
| الساعة الآن 04:39 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©