|
كيف اقنع زوجي بالموافقة على الإجتماع مع صديقاتي
انا مررررررة متضايقة من زوجي
والسبب ان اعز صديقاتي بعد ماتزوجت رح تسافر تسكن بمنطقه ثانية والله اعلم متى رح ترجع فقالتلنا اننا نجتمع يعني زي مايقولون وداعيه بس زوجي للاسف رفض وقاللي والله ماتروحين انا تضايقت منه لانه عارف انها غاليه علي ومثل اختي وبتسافر حاولت اني اناقشة قلتله لو واحد من اصدقائك بيسافر مارح تودعو قاللي الا قلتلو اجل ليش ماتخليني اشوفها قبل لاتسافر قاللي خلاص قلتلك لا يعني لا انا مقهورة منه ليش يحلف يقولي لانها ماحضرت زواجك ولا جت باركتلك لما ولدتي طب هي ماكانت متزوجه وامها ماكانت تحب ان بنتها تروح عند صديقاتها وكذا اصلا معظم الامهات عندنا مايحبون ان بناتهم يروحون عند صديقاتهم حاولت افهمه بس لسه معند علموني وش اسوي بكرة البنات كلهم بيجتمعون يودعونها وانا مارح اقدر اودع اغلى صديقاتي انا مابغاها تصير مشكله قاعدة اتكلم معاه عادي بس من جوا متضايقه وشافني امس لما كنت ابكي ولا حاول يخفف عني تم تعديل العنوان ليتضح المضمون الإشراف |
معليش اصبري وامرك لله صح البنات صعب يطلعوا انا صاحبتى اتزوجت وماقدرت اروح اي مناسبه من مناسبتها الاهل مو زي بعض طيعي زوجك طاعتوا اهم كلمى صاحبتك وودعيها واعتذراى لها ويمكن يجي بكرة من الصبح يقولك روحي لصاحبتك ماتدري سبحان الله ايش يصير في دقايق زوجك اهم من صاحبتك دي حياتنا ايش نبا نسووى
الله يعينك ويهدي زوجك يااااااااااااارب وتروحي بكرة توديعي صاحبتك |
طيب وين راح يتجمعون فيه ؟؟؟
وانا اقتراحي قولي لهم يتجمعون عندك بالبيت بعد ماتأخذين رائي زوجك وان شاء الله تشوفينها |
اقتباس:
مشكورة اختي بس انا ودي اعرف ليه معند عليها انا دايما اروح لصاحباتي مايقولي لا ماادري ليه على هذي الصديقه معند والمشكلة حاولت اوضحلو انو الاهل مايرضو بس مو راضي يستوعب الله يهديه |
اقتباس:
رح يجتمعو عندها بالبيت خلاص هي عزمتهم صعبة تقولهم يجون عندي |
كلميها تمر تسلم عليك مادام زي اختك لو دقااايق حاولى بكذا طريقه
|
خلاص مدام حلف يعني ماراح يكسر كلمته ...
طيب هل أنتي عادي تزوري صديقاتك من قبل ؟؟ والا هذا طبعه يرفض ؟؟ يمكن لانه في بيتهم .. لان فيه رجال مايحبون الزيارات ... كانك من النوع اللي تزوري صديقاتك فهو يحاول أستفزازك برفضه... |
يمكن غيران من معزتك ليها
في بعض الرجال كده هو دايم يسمحلك تروحي عند صديقاتك،ليش هادي لا!!!!!! الله يعينك |
طيب خلاص مو لازم تشوفينها ؟؟
شوفيها إذا رجعت أهم شيء رضى زوجك هذا اللي تؤجرين عليه .. وإلا الصديقات متى ماسمحت الظروف .. وانتِ عندك ظرف قوي زوجك مارضى ورضاه يسوى الدنيا ومافيها .. |
اسمعي الان روحي قولي له بعد ماتقدمين له حلى او عصير وأنت متزينةمتكشخة وجذابة وتأكليه بيدك
وعيشيه ليلة حلوة و بدعي في العلاقة وبعد ماتنتهوا قولي له بنبرة حزينة وكأن خاطرك مكسور: تعرف كان نفسي أروح بكرة عند صديقتي لانها مثل أختي لكن بما إنك مو موافق فطز في الدنيا كلها اهم شيء عندي هو أنت ورضاك عني وابتسمي إبتسامة سااااحرة واحضنيه وبعدها بإذن الله جهزي ملابسك إستعداداً للروحة عندها لأنه بإذن الله بيوافق وإذا ماوافق خلاص طاعة زوجك اهم من كل شيء. |
لا تروحين....لا تخربي بيتك حياتي.....إذا بتعزك صحيح وزي أختك راح تتفهم الوضع........
|
يابنت الحلال خليك صريحة مع زميلتك وقولي لها زوجي رفض
وبأذن الله اشوفك بالمناسبات الحلوة وباذن الله في رفضه خيره لك |
والله حبيبتي مقدر اقولك كيف تقنعيه لان زوج عن زوج يختلف في طريقة التفكير ... بس بدعي لك يارب يغير رايه ويخليكي تروحين ... لاني حاسه بشعورك ...وان شاء الله تبشرينا اليوم ..
|
غلطتك يا اختي بالبداية
لأنك قلتيله انها ما حضرت لا عرسك ولا باركت لك ! غلطتنا نشتكي لأزواجنا من صديقاتنا واقربائنا .. واحنا نرجع معهم مثل السمن عالعسل وهو ما ينسى ابدا وياخذ موقف كل الحياة هي دام صارت متزوجة اكيد رح تفهم وما دمتم صديقات مثل الاخوات ما رح يهدم صداقتكم هذه الوداعية اذا هي قدرت وسمح لها زوجها تجي عندك تودعك يكون احسن وبكذا تكوني ضربتي عصفورين بحجر 1- بينتي لزوجك انها سوت فيك الواجب وجاتك البيت 2- اختليتي فيها بعيد عن باقي الصديقات وودعتيها الله لا يحرمكم من بعض بس نصيحة لا تخلي زوجك يغضب عليك بسبب صديقة .. ترا الشغلة كلها ماتستاهل |
اقتباس:
شكرا لك بس انا لما قلتله انها ماحضرت العرس كان من زمان في بداية زواجنا بس مدري ليه مانساها اما انها ماباركتلي ببنتي هو قصده ماجت عندي للبيت تباركلي بس هي دقت علي وكلمتني وباركتلي بالتلفون ماادري ليش مو راضي يستوعب ان بعض الامهات مايخلون بناتهم يروحو عند صديقاتهم قبل الزواج مع ان امي كانت من هالنوعيه هذي عالعموم شكرا لكل من رد علي وشارك وانشاء الله اشوف ايش رح يصير اليوم |
اقتباس:
الرجال عمره ما ينسى يا اختي الغالية حتى لو كان اختلاف بالراي بسيط بيننا وبين صديقاتنا وقلناه للرجل خلاص يتذكره طول العمر عموما اتمنى انه يرضى يخليك تطلعين وتشوفينها انا كانوا اهلي مثل زوجك بالضبط ما يخلوني اروح لأي صديقة ما جت تزورني أول ! والآن زوجي نفس الشي.. ما يخليني اروح لأي صديقة ما جات لي البيت حتى وإن كان عندها عذرها |
| الساعة الآن 03:39 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©