|
يارجال يا من تدعون بنكد النساء انا اقول لكم انتم ايضاً نكديون
السلام عليكم ورحمة الله اخواني واخواتي وخاصة الرجال المتذمرون من نكد النساء انا اقول لكم النساء ليس فقط هم النكديون بل حتى الرجال ,, انا زوجي نكدي بدرجة الامتياز مع مرتبة الشرف,,, نعم لاتستغربوا ,,, ماذا اقول ....انا وبشكل عام اهلي نتميز بخفة الدم والمرح وانا عشت هذا الجوا بين اخواني يعني دائما بشوشين مرحين ضحوكين والله اني انبسط لمن اروح بيت اهلي لمن تزوجت اكتشفت انو زوجي نكدي ويحب يكبر السوالف ويحب يعطي حجم للموضوع مهما كان صغييييييييييييييييييييير ,,,, واحس اذا طلبته شي يحسسني كانو متفضل علي وكاني آمر عليه ,, والله من جد ,,,, يعني تخيلوا مره اطلب منه يشتري بس كروت للهدايا سواا هذره وبعدين جاب اطلب شي للبيت واشياء اساسيه يوووووه لازم قبلها مية هذره واخذ ورد وتزيعل ودندره ,,,, بنطلع مع الاهل اووو لازم دهن سير وحديث طويل وحوار وتعب وبعدين يايرضى يا ما يرضى ,,,, يعني بختصار كل شي يسوي منه سالفه حتى اذا ربعي عزماني ,, احس بتصير كارثه وابتدي اروض نفسي واكون هادئه للآخر ,,,, واذا وداني لهم رسمي يرجعلي وهو ماد بوزه شبرين هذي قاعده احس انه مو مرن مع الامور عصبيييييييي لايقبل الحوار بسهوله وانا عرفت قاعدته اي شي ابيه او حتى بسوي شي له هو اول الامر رفض ثم افتعال مشكله ثم الموافقه هذا مبدئه وحسيته انو في كل شي هو كذا مجرد ما اقول شي اول كلمه يقولها لأ حتى قبل ما يسمع ويش صدقوني احيانا اجيه من باب التمسح والدلع واقوله ممكن طلب صغيرون اول شي يقوله لأ وبعدين يسالني ويش تصدقوا حتى لو موب طلب حتى لو اقوله ويش رايك بذي الشغله يعني اخذ رايه مايبرد القلب يا يقول عادي او موب حلو او بكيفش ما احس انو يتفاعل معي ابدا ولا في اي موضوع انا مطوله بالي عليه ,,,, بس احس اني مليييييييييييييييييت خلاص موب قادره يعني مره امشي مره ما اتحمل اعصب وافيخ يعني لمتى والله شي يرفع الضغط انتو تعرفوا المره ومزاجيتها ومو كل مره بتكون مروقه وتاخذ الامر بهدوء نفسي مره اقوله شي ويقول ان شا الله على امرك ,,,, احس هالشي بعيييييييييييييده عليه طيب علموني ويش اسوي شلون اتعامل معه بس حبيت اخبر قريت من قبل موضوع وانا طرحت موضوعي هذا مشان اقول ترى مثل مافي نساء كذا هم فيه رجال كذا لكم فائق احترامي |
اختي رويدا الله يعينك .. نعم يا اختي هناك رجال من نوعية زوجك .. ما يعرف يقول كله (حاظر او نعم ) مباشره .. لازم يسبقها كلمة (لا) بعدين تجي الموافقه .. هو هكذا و هكذا طبعه .. لازم تتحملين هذا نصيبك و قدرك .. شوفي ما يحتاج تمسحي و تلمعي فيه .. على طووول قولي له طلبك و سدي اذنك عن كلمه (لا) و اتركيه .. بعدين ارجعي له و قولي له وش قلت ؟؟؟ و كلميه بصراحه عن طبعه .. قولي له ليش لازم كلمه (لا) في المقدمه بعدين تنفذ لي الطلب و عاده يكون تنفيذك احسن و احلى مما انا اتوقعه ؟؟ ليش ما نفذ لي طلبي و رغبتي على طوووول .. ليش لازم تصدمني بكلمه (لا) ؟؟ بصراحه الله يعينك .. |
افاااا كل هالعدد وما حد رد الا اميرات!!!! بس اشكرك جدا اختي والله اني بينت له وقلت له ترى انا متزوجه من اربع سنوات يعني مو توي وكم مره ازعل على هذي الحركه وكم مره اتناقش معه يعني تخيلوا انه اذا شافني ابكي يتنازل ويرضى طبعا كد انا خلاص انقهرت وراح كل الحماس او الرغبه في اي شي ودائما اقوله انت بذي الحركه ماتخليني اشكرك ولاتخليني امدحك ولابتنحط في ذهني وتحسب لك لانك ماتقدم لي شي من ذاتك .... الله يعين بس |
المشكله أختى فى انك منتظره رد فعل معين فى رد زوجك
وطبعا ده طبعه ويمكن زوجك شويه عصبى لان بيرد قبل الكلام وقبل ما يعرف انتى هتقولى له ايه وربما يكون متوقع كلامك فبيكون رده المسبق الذى تنصدمى انتى به حتى ولو وافق بعدها وبطيبه بس اختى هل انتى تحتوى زوجك بالحب والحنان والعطف ؟ لا تستغربى من السؤال رجعى نفسك ومواقفك معه واسلوب حياتك معه وشوفى واتمنى لنا ولكم التوفيق |
لو فرضا زوجك يا أختي هو اللي جاء هنا واشتكى
أنا عن نفسي راح أقوله راجع وصلح نفسك قبل لا تصلح زوجتك والآن أنا أقولك يا أختي نفس الكلام طيب هل عرفتي السبب اللي يخلي زوجك يتصرف بهذه الطريقة لما تطلبين منه شيء؟ ليش هو يسوي كذا؟ هل لأن طبعه كذا أو في ((حاجة نفسية)) وده يقضيها وأنت لا تعلمين عنها؟ دائما يا أختي في الحوار اعرفي هو ايش يبغى؟ ايش الحاجة النفسية اللي يبغى يشبعها؟ هل هو يبغى يشبع غروره كرجل مثلا وما يلقى إلا هذه الطريقة لأنك ممكن ما أشبعتي له هذه الرغبة فهو يتصرف بهذه الطريقة؟ ترا دائما وراء الكلمات يوجد دافع ونحن كثيرا لا نعلم ماهو هذا الدافع نصيحة أختي الفاضلة تصرفي بذكاء وحب مع هذا الدافع وليس بالهجوم واللوم أكيد زوجك فيه صفات كثيرة حلوة تخليه مميز عندك ركزي عليها وامدحيه عليها وأكرر أن تعرفي الدافع وتتعاملي معه بحكمة ومودة الله يسعدكم |
أعرف النوعية هذه من الرجال ، لإن واحد من أقاربنا مثل كذا
علاجه يا أختي إنك تنسي و تشيلي من بالك ( أهلي كذا و أنا كذا ) لازم تقولي ( زوجي كذا و هو كذا ) و الحل / إنك قبل لا تطلبي شئ منه ، دلعيييييييييييييييييييييه و حتى يوم ينكد عليك ، فهو بحاجة لجرعاااااات من الدلع هذا النوع من الرجال ، يكون مدلل من أمه أو ناقصه حنان و يبغاك تعوضيه و يبغى يشعر بقيمته عندك هو يتمنن عليك ، مو قصده يتمنن ، يبغى يحسسسس إنه له قيمة في الحياة و له قيمة عندك إنت زوجته و لازم تكوني سند له ، و مثل ذا النوع من الرجال صح يعصب و يسب و يشتم بس ترى قلبه أبيييييييييييييييييييييييييض مثل الأطفال :) أعطيه حنان و امدحيه كثييييييييييييييييييييير ، يعني بالعامي ( انفخيييييييييييييييييييييييييه ) جربي و قولي لنا النتيجة يعني نبغى نتايج مختلفة و نحن دايم نجرب نفس الطريقة ؟ ;) حتى لو جربتي الطريقة هذه جربي كمان بطريقة أفضل :) |
جزاك الله خير أختي روح الطير
هذا اللي كنت أقصده اقتباس:
|
اختي روح الطير--كلامك صح ان بعض الرجال يريدون دلع وكلام حلوه تعامليه مثل الطفل واخر شئ ممكن يرضى على طلبك وممكن لا ونفسك اذا رفض تنسفيه من على الارض مثل زوجي المعقد النكدي والله ياختي رويدا1980 كانك تتكلمي عن صفات زوجي الله يعيننا يامعشرالنساء.
|
إذا ما رضي ، طلعي له دمعتين ;)
|
دايما مظلومين
|
ماشاء الله اغلب الردود توصل لمعنى واحد ،،، ((( دلعيييه ))) ،، يعني بعد ماينكد عليها لازم تكون ردة فعلها (( الدلع )) !!!
الله اكبر عليكم ،،، يا بنت الحلال انا متأكد ان زوجك من نوعية الازواج الي قبل مايتزوج جاته وصيه تقوله (( لاتدلع الحرمه ،،، ولاتلبي لها كل طلباتها ، ترا الحرمه تحب الرجال < الحمش > )) يا اخت رويدا لازم لكل فعل ردة فعل ، وقبل كل شي لازم توقفين بموقف قوي قدامه وتبيني له ان الوضع زاد عن حده ، وانت ماعاد تقدرين تتحملين هالقرف بالتعامل ، وقوليله لاتحسب انك بتكون كبير بعيني وانت تقول لاااا ولاااا بكل صغيره وكبيره وبدون اي مبرر ،، قوليله ترا الزوجه تحب وتقدر والزوج الخدوم ، الي موفر لبيته كل المتطلبات ومايرضى على زوجته تحتاج اي شي ، وتحب الرجال الي مايقول لاااا إلا لسبب مقنع . يا ابو فلان اذا وضعك معي بيستمر على هالحال ترا انا الي بتغير عليك ،، وغصب علي ماهو بكيفي لأني ما اشوف منك التقدير الي استاهله ، وروحي عنه واتركيه يفكر براحته . ولا تخلينه يسمع منك اي كلمه حلوه إلى بعد مايسوي اي مجهود لمصلحه بيته وعياله ، مثلاً بعد مايدخل وهو شايل اغراض للبيت او الثلاجه ، او بعد ماياخذك من بيت اهلك لازم تمدحينه وتشكرينه وتبوسينه . وانتبهي تدلعينه اذا قصر معاك بشي ترا ماهو كل الرجال ينفع معهم طريقة الدلع . والله يعينك ويوفقك ويهدي زوجك ،،، |
فعلا فيه صنف مثل الي تكلمت عنهم اختي روج الطير
وفيه صنف جدا نكدي ايضا من الرجال ليس لانهم كانوا يتجرعون الدلع من بيوت اهاليهم لكن لانهم لم يتربوا اصلا في بيوت أهاليهم ولا اقصد بذلك سوء في الابوين ولكن المؤثر الاول في الابناء هو العالم الخارجي وليس الابوين فيكون دور الأم سلبي جدا يقتصر فقط على الماكل وامور المنزل ودور الوالد فقط في القمع والتوبيخ وربما جمع المال تاركا امور ابنائه ومراقبتهم فتكون العلاقة بين الوالدين والاخوة معدومة اي ان المؤثر الاول لكل شخص في عائلة كهذه هو العالم الخارجي فقط ويكون كل فرد في هذه العائلة متضايق من هذا الوضع ومتذمر ودائمي اللوم لبعضهم وعادة لايجتمعون مع بعضهم في حديث الا اذا كان اساسه الحماس كان يكون عن مشكلة لاحد خارج المنزل او خلاف داخلي او يكون امر صغير يكبرووووووووووووونه ويستمر هذا الحال من النكد حتى بعد زواجهم وقد اعتادوا تعليق الاخطاء على الاخرين.. فينتقل هذا اللوم والتذمر الدائم لشريكة الحياة. ويكون طبعهم النكد والرفض في كل شيء وحتى لو رزق احدهم بنعمة ما من زوجة خلوقة او مال او علم فانه دائما مايرى غيره افضل منه ومتذمر من حاله وتعامله مع زوجته تحت قاعدة (لا أولا) وايضا (ماتمشين كلامك علي) ليس انتقاصا منه للمرأة ولكن لانه يرى كل مشورة او اقتراح اوطلب انه امر ويرى انه ربما يكون مغفلا في نظر زوجته لو وافق بدون تعقيد او تدقيق اصلح الله الجميع |
اقتباس:
وهل ينفع هذا الحل مع الصنف الذي ذكرت؟؟ |
الله يعينك في واحد من اقاربي كذا نفس الطبع سبحان الله
بعد مايقول لا لمره العاشره يوافق حتى اولاده عارفين طبعه وقبل اي طلب عارفين الاجابه الله عينك على ماابتلاك والله يسخر لك زوجك ويهديه |
اقتباس:
نفس الكلام اللي اللي كنت ناويه اكتبه يعطيك العافية اخي خالد صدقيني الرجال ماينفع معاهم الا هذه الطريقة ,,, |
| الساعة الآن 08:17 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©