|
زوجي يخونني مع صديقة عمري
يسعـــد مساكم
مشكلتي .... او قصتي اللي بقولها هنا تصلح لروايات الف ليله وليله... او حتى لمسلسل مكسيكي بس لاتنسون حقوق الالم محفوظه وبشدهـ .... تزوجته بعد ماشفنا بعض نظره شرعيه ماانسى نظراته وابتساماته بذيك الليله ..... حسسني اني ملاك وحسيت انه ملك كل احلامي .... كلمنا بعض قبل الملكه وكنا متفاهمين بشكل عجيب زعلنا مره خفيف وكنا نعتذر لبعض حتى لو الطرف الثاني غلطان بس لان حبنا كان فوق كل شي ... واثنينا ندري ان حياتنا بدون الثاني مستحيله كل شي صار مثل ماابغى .... او خلنا نقول مثل مانبغى .... مرت الايام بسسسرعه وتزوجنا وحنا طايرين من الفرح العرس والكوشه والورد والاغاني كلهم كانو يزفونا كانت نظراته فيهم حنان كبيييييييييير ونظراتي فيهم وله وشوق سافرنا احلى سفره وللحين الذكريات تمر براسي ... البحر والثلج والخيل والعشب..... حسبت اني بالجنه ... واني اسعد انسانه بالوجود زوجي يشتغل بمنطقه ثانيه بعيده عني 10 ساعات .... اتفقنا اني انقل معه ... طبعا كنت مقدر افارقه وهو مايقدر يبتعد عني ..... بدينا باجراءات النقل بعد مارجعت من شهر العسل على طوووووول في هالفتره كنت عايشه ببيت اهله يعني ماعندي سكن مستقل... واذا جا نجلس ببيت اهله بجناحه الخاص وكل شي اوكي .... ماكنت ابغى اكلف عليه ببيت او شقه لاني كنت بنقل معه .... حملت بسرعه .... ماكنت ابغى احمل من البدايه بس ربي اشاء ذلك .... طار زوجي من الفرح يبغى بطبوطه صغيره...وانا فرحت لفرح زوجي .... كنت احس بغربه وفراغ اذا جا زوجي كم يوم وبعدها يبغى يرجع لشغله ... والله احيانا اصيح بنص الليل اجلس مفزوعه احس اني ابغاه .... بس دايم ابين له اني بخير واني مشتاقه ومتحمله .... وربي يفرجها قريب رفضو معاملتي بالنقل لزوجي بعد طول انتظار وتحطمت فبعد التشاور قرر زوجي انه يحاول ينقل بالواسطات واني بهافتره احتاج لعنايه ولاهلي فنأجل موضوع نقلي ونشتغل على نقله ..... قلت طيب اوك مع اني ابغى نصير سوا بأقرب فرصه بس بنستنى.... مرت الايام وحبنا لبعض يزيد ماينقص .... والله كان مايبخل علي بشي ابد وانا مااقصر عنه ابدا ابدا لا جا اتكشخ وادلعه ولا كاني تعبانه والله العالم اني تعبانه حددددي علشان شغلي طووووويل .... بس دايم احسسه انه الكنج واني علشانه راضيه بكل شي .... كنت بس افضفض لصديقتي الحميمه بأني افتقد زوجي واني ابغاه معاي وان حنا نحب بعض بس ماادخل بالتفاصيل لاني مااحب اطلع لاحد تفاصيل حياتنا ....بس احيانا ابغى افضفض لا تضايقت .... صديقتي هذي معاي من كنت بابتدائي يعني اثق فيها ثقه عمياااااااااء واحبها وهي برضه تحبني مررررره بس مو متزوجه ودايم تتكلم بأنها تبغى تتزوج واني ادور لها على احد من اهلي .... بذاك اليوم كنت متضايقه مررررره ورحت المستشفى معها لاني كنت تعبانه وهي ماقصرت وقفت معاي ورحت معها بيتهم وسولفت معها وغيرت جو .... يوم جا الليل قلت لها بالله قولي لي شسوي انا متضايقه للحين ... قالت خلاص نامي عندي ووسعي صدرك وبنجلس نفرفش وبكره نطلع نتمشى .... قلت صار بس اكلم زوجي استأذنه ابات عندك ... كلمته جنبها وسولفت معه شوي ولا حسسته اني متضايقه بس قلت ان خويتي متضايقه بنام معها .... جت هي بهالاثناء قالت لي اسأله اذا في عنده خوي والا قريب يبغى يتزوج والا شي وقمنا نضحك ... وسمعها زوجي وماعلق على شي ...... مرت الايام وقرر زوجي انه يشتري لي شقه عشان لا جا كم يوم نجلس فيها بدل بيتهم لان يقول انه يبغى يحس باستقلاليه ومدام امور النقل تبعي متوقفه ويمكن هو ينقل فنشتري من الحين حتى اذا نقل نكون جاهزين ... فعلا شرينا الشقه ومرررره فرحت وصرنا نأثثها ونطلع سوا لا جا ونختار كل شي وكان يبغى كل شي بذوقي وعلشان هو مايجي الا مابين فتره وفتره اثثناها على مدى 3 شهور .... انا هنا خلاص وصلت تقريبا نهاية حملي ... قبل اسبوعين تقريبا .... والشقه صارت جاهزه من والى ومابعد ننام فيها ولا ليله ....وانا متحمسه يجي بس نسكن فيها لو ليله .... قال لي ياعمري عندي كورس بالطايف هالاسبوع ولمدة اسبوع .... قلت يعني ماراح اشوفك ماراح تجي... ابغى نفرح بالشقه ونسوي فيها حفله .... حفلة فرحتنا بالشقه وحفلة .... والا نسيت انه الاسبوع الجاي ؟ قال لا ياحبي طبعا مانسيت اوعدك اني اكون عندك ليلة ..... بس عطيني المفاتيح علشان اجي قبل بليله واسوي احلى المفاجآت وادلع الشقه وادلعك .... انبسطت انا وعطيته المفاتيح بس انا اساسا مسويه نسخه ثانيه لاني ادري بعمري دايم اضيع المفاتيح وقال لا تجي الشقه بغيابي ... ابغى نفرح فيها سوى .... طبعا طلباته اوامر لاني احبه .... طبعا له كل اللي يتمنى مو هو زوجي وحبيبي وكل دنيتي ؟ مو هو اللي وعدني اني بكون معه اسعد انسانه ؟ مو هو اللي كل مره اشوفه فيها يحسسني بأني اميره ؟ عطيتك قلبي واحلامي وبالآخر تجازيني وتمحي نصك الثاني ؟؟!! احس اني معك نجمه تشوف الناس ذي من فوووووق وترسم لي حدايق توت حنانك رقتك والذوووووووق علامك بس فهمني ؟ ليه بالاخر تجازيني وتمحي نصك الثاني ؟! فعلا راح الطايف .... وكنت استنى الويك اند بفارغ الصبر علشان يجي في اليوم الموعود اتصل عليه واشوف جواله مقفل قلقت عليه مرررره بس قلت ياااارب يكون بخير بعدين كلم قال انا ياعمري بالطريق ويمكن اوصل على ال 11 لا وصلت بكلمك .... قلت اوك وطرت ببالي فكره ... هو بيجي تعبااااان ياعمري ومابيمديه يسوي المفاجآت بالشقه على قولته ومااابغاه يحس بالفشله فقلت انا اروح من المغرب اعدل الشقه وازينها وهو بكره يجي ويشوف كل شي جاهز ....وطبعا هو مايدري ان عندي نسخه من المفتاح اخذت الورد .... والبالونات ...والكيك ...وحركات كنت مسويتها وقلت لاخوي ياخوي ودني شقتي ابغى افاجأ حبي ... فعلا رحنا .... فتحت باب الشقه ودخلنا .... ريحة عطرهـ اشمها .... آآآآهـ ....وصوت ميوزيك راااااااايق ... عرفت انه جا واستحى يقول لانه ماسوى شي .... شفت قميصه عالكنب اخذته وشميته ..... ريحة عطره ممزوجه بريحة عطري .... وشفت غرشة عطري عالطاوله ... قلت ياعمري مايستغني عني يبغى يحس فيني ... قلت خلني افاجأه اكيد بغرفة النوم .... ياخوي استناني بالمجلس ... عدلت الميك اب ابتسمت ابتسامه حلوه واخذت ورده حمرا ومشيت بشويش لغرفة النوم فتحت الباب كان النور خااااااافت واسمع صوت ضحكه خفيفه عليت عالنور وانا اقول ...حبيبي ؟ وشفته ... ياليتني مت قبل لا اشوفه يديني ترتجف وربي الحين شفته معها .... معها هي .....خويتي ....خوية عمري .....خوية الطفوله زوجي انا ..حبيبي...حياتي كلها ....قلبي ودنيتي كان معها شلوووووون ؟ ولييييييييييه ؟؟ من الصدمه وقفت سااااااااااكته بس اللي حسيته ان الورده طاحت من يدي ودار ببالي بسسسرعه شريط الذكريات كله ليلة الشوفه ... الخطوبه ...الهدايا ...كلمة احبك ... الزواج ...شهر العسل ...الشقه ..الاثاث تعبي وحملي ... فضفضتي لخويتي ....كلام زوجي .... ....والكلمه اللي كاتبتها عالكيكه....( كل عام وحبنا بخير ) واحلى هديه اهداني اياها بهالمناسبه .... ............ خياااااانه ........... ........... تم تعديل العنوان ليتضح المضمون الإشراف |
لا حول ولا قوة الا بالله
المثل يقول احذر من عدوك مرة واحذر من صديقك الف مرة معد فيه صداقه حقيقيه دي الايام الا من رحم ربي وهم قله |
!!!!!!!!!!!!!!!!!!!!!!!!!!!!!!!!!! هذه قصة خياليه او حقيقيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
ماعليه أختي بس مدري ليه مهي راضيه تدخل مخي
|
اتوقع هاذي حلقه من مسلسل
والله كنت انتظر كلمة منقوووووووول باالله عليك قصة حقيقة ؟؟؟؟؟ |
كذب كذب
حرام لاتلعبين بمشاعرنا |
اجمل تحيه
لا قصه حقيقيه وانا بطلتها قبل اسبوعين تقريبا ... بس مافيني اكمل الحين وش صار من وقاحه بعدها ... يمكن علشان اني كاتبتها من قلب وانا ابكي قلتو مو مصدقينها !! يمكن علشان انه مايجي ببالكم واحد يسوي كذا بحبيببته قلتو خياليه ؟! أو يمكن علشان مامريتو بتجربه مثل هذي شككتو بمصداقيتها ؟ ويمكن ويمكن ويمكن عارفين وش اللي ذابحني اكثر شي .... اني لما كنت اقرا قصص زي كذا دايم اقول ( هه .... زوجي حبيبي الحمد لله انه غير عنهم ) ( اكيد ربي يحبني اللي عطاني واحد زي زوجي ) ( الله يعين اللي تشوف خيانة زوجها بعيونها ) ... بذيك الليله تأكدت ... ان كلهم زي بعض .... كلهم ...كلهم ....بلا استثناء حتى اخواني مااثق فيهم خلاص الله يسامح كل وحده تقول ببالها اني كذابه وش مصلحتي اجلس وأألف قصه تصلح لمسلسل ؟ الله يسامحكم .... |
ننتظر الباقي عزيزتي.. |
فعلا احسها قصه مثل الافلام
بس لو فعلا حقيقه الله المستعان على هذه النوع من الناس الله يصبرك يا حبيبتي ويعوضك خيرا وماذا حدث بعد ذلك؟ |
اقتباس:
لا يا اختي لم اقصد اني اقول عنك كذابه او اشكك في مصداقية كلامك انما انصدمت .. اعانك الله يا اختي على هذه المصيبه .. |
طيب أنا أقولك كمليها بسرعة لأنها بتنقص لو صارت أجزاء
هذي قوانين المنتدى |
عزيزاتي...لا تسئن الظن فلعلها تقول الحقيقة بطريقتها التي تشبه الأفلام... أسلوبك شيق عزيزتي والله أصابتني رجفة وأنا اقرأ كلماتك... ننتظر الباقي... |
الله يعينك ويصبرك على ما بلاكي
بس هما متزوجين ولا متصاحبين ؟؟؟؟؟ |
مرحبا
لا ياغاليتي والله اني كنت مصدقتك بس بعد هاالحب ....العلاقة الهدايا كلمات الغزل .....علاقتكم لم يتضح فيها مشاكل ...... غاليتي من معارفنا رجل متزوج بناااااات خالات .....فكيف تثقين بصديقة ...... ومبين عليها منجنه تبغى تتزوج والسلام ...وانتي ياغافل لكم الله التجئي الى من خلقك بالدعاء ....ادعي ان الله يباعد بينه وبينها كما باعد بين المشرق والمغرب اسألية لماذا تركتني وذهبت لها ؟؟؟ ياكريم ياعظيم الطف بحال رفيقتنا ....... اعتذر ولكن من هول الصدمة!!!!!!!! |
الحلقه الثانيه على قولة الاخت والاخيرهـ .....
ماابغى ادخل في تفاصيل اللي صار بالضبط بعد ذيك اللحظه لاني بنهار مرهـ ثانيه بس دخلت المستشفى 5 ايام باحتمالية ولاده قبل الموعد مع انهيار ... اخوي اللي كان معي ذيك الليله على انه رجال والله انه يبكي لا شافني لانه حضر ربع الموقف تقريبا ... زوجي ....آآآآآهـ ....صعبه انطقها وربي ...... زوجي ....جاني بيت ابوي يترجاني واخوي طرده ....وش تبغى تقول اكثر ؟؟؟ وش تبغى تبرر ؟؟؟ لما قلت لاخوي بالله عليك بس ابغى اسأله سؤال واحد وعيني بعينه ....رضى اخوي بشرط انه يكون حاضر معاي ... دخلت المجلس وحطيت عيني بعينه وهو ينزل عيونه ...صرخت فيه بقووووه .....( ناظرني ) قول لي ليييييييييييه ؟؟؟ بكل تفاهه قال عذر كل الشباب التافهين ياللي مثله .....( الشيطان شاطر ) يوم قال كذا .... التفت على اخوي وقلت له لولا احترامي لك ياخوي كان تفلت بوجهه .... طرده من بيتنا ... وفعلا طرده اخوي .... غيرت ارقام البيت والجوال واخذت اجازه من الشغل .... صرت اخذ حبوب مهدئه ومنومه حسبي الله عليهم .... ادري حامل بس خلاص ماعاد يهمني ... اصلا كرهت اللي ببطني قبل لا اشوفه .... اما عن خويتي الخاينه .... طبعا غيرت هي ارقامها وما انتظرت منها تبرير .... وانا اصلا مافيني حيل اني اكلم اهلها مع ان ببالي هالفكره بس الي وقفني ان امها مريضه وابوها شايب مره .... اهل زوجي علمتهم امي بالسالفه وبالبدايه ماصدقو بس لما اعترف ولدهم الخايس صدقو وتفشلو واعتذرو هه .... بأي بنك اصرفها ؟ طبعا طلبت الطلاق .... واصلا ماله عين يقول لا .... بس ابغى انتقم منه قبل لا يطلق ومو عارفه شلون ابغى اذله واهينه مثل ما ذلني .... قراري النهائي اني اتطلق واخذ ولدي والا بنتي واروح مع اخوي برا لانه بيكمل الماستر .... ماابغى ارجع ولا ابغى اعيش هنا ماابغى اشوف احد ماابغى اتذكر شي حسبي الله عليهم حطموني ..... تدرون وش احس فيه الحين ؟ اني بعدني بمرحلة الصدمه والانكار...مو مصدقه لهالساعه اللي صار ليه بس؟ وش كان يبغى اكثر ؟ اقطع نفسي عشانه ؟ وش يبغون الرجال من الحريم ؟ وخويتي الخاينه ... قلو رجال العالم الا زوجي؟ يعني ماتسمعيني اشكي لك ؟ يعني ماتدرين اني احبه ؟ والا بس تبين تحرقين قلبي ؟ بس اتمنى انها تقرا كلامي الحين لانها تدخل هنا احيانا .... ابغى اقولك ... حسبي الله عليك ... وش كسبتي الحين ؟ وش اللي حصلتيه ؟ هدمتي بيتي وحطمتيني هدمتي كل شي حلو بحياتي حسبي الله عليك جعلك تشوفينها بحياتك .... |
والله أدمعتِ عيني أختي العزيزة... أفهم احساسك بالمرارة والألم والقهر...لو كنت مكانك فإن أن أقل شيء سيصيبني هو انهيار عصبي... لكن أعجبني موقف أخيك فهو نعم الأخ لك... الكثير من الإخوة لا يحركون ساكنا في مثل هذه المواقف... قصتك لامست شغاف قلبي...اسأل الله أن يمسح على قلبك ويعينك ويصبرك ويثبتك وينتقم من هذا الخائن والخائنة... تقبلي مروري فهذا أقل شيء أفعله لأخت في الله.. تحياتي.. |
لاحول ولاقوة إلا بالله العلي العظيم عن أبي هريرة رضي اللَّه عنه قال: قال رسولُ اللَّه صَلّى اللهُ عَلَيْهِ وسَلَّم: «المُؤمِن الْقَوِيُّ خيرٌ وَأَحبُّ إِلى اللَّهِ مِنَ المُؤْمِنِ الضَّعِيفِ وفي كُلٍّ خيْرٌ. احْرِصْ عَلَى مَا ينْفَعُكَ، واسْتَعِنْ بِاللَّهِ وَلاَ تَعْجَزْ. وإنْ أصابَك شيءٌ فلاَ تقلْ: لَوْ أَنِّي فَعلْتُ كانَ كَذَا وَكذَا، وَلَكِنْ قُلْ: قدَّرَ اللَّهُ، ومَا شَاءَ فَعَلَ، فَإِنَّ لَوْ تَفْتَحُ عَمَلَ الشَّيْطَان». رواه مسلم. عن ام سلمه رضي الله عنها قالت : سمعتُ رسول اللَّهِ صَلّى اللهُ عَلَيْهِ وسَلَّم يقول : « مَا مِنْ عبدٍ تُصِيبُهُ مُصِيبَةٌ ، فيقولُ : إِنَّا للَّهِ وَإِنَّا إِليهِ رَاجِعُونَ : اللَّهمَّ أجرني في مُصِيبَتي ، وَاخْلُف لي خَيْراً مِنْهَا، إِلاَّ أَجَرَهُ اللَّهُ تعَالى في مُصِيبتِهِ وَأَخْلَف له خَيْراً مِنْهَا . قالت : فَلَمَّا تُوُفِّيَ أَبُو سَلَمَة ، قلتُ كما أَمَرني رسولُ اللَّهِ صَلّى اللهُ عَلَيْهِ وسَلَّم فَأَخْلَفَ اللَّهُ لي خَيْراً منْهُ رسولَ اللَّهِ صَلّى اللهُ عَلَيْهِ وسَلَّم . رواه مسلم . أسأل الله العظيم رب العرش العظيم أن يزيل همك ويفرج كربك ويجعل لكِ من كل ضيقا مخرجا |
منـ جد أدمعتـ عينيـ ..
وفيـ البداية حسـبتهـا قصهـ وليستـ حقيـقـة.. الله يــكـونـ في عونكـ.. ويـفرجـ هـمكـ.. |
حسبي الله ونعم الوكيل فيهم وصديقتك الخاينه ماأقول غير الله يبلاها بنفسها ويذوقها ألي ذوقتك أياه
الله يكون بعونك ويصبرك ويبرد على قلبك |
ياربي
ماادري وش اقول اللهم انتقم لاختي ممن ظلمها الله يعوض قلبك ويصبرك ياااااااااااااااااااه اش الحليب اللي شربته هالخاينة وعلى ايش تربت حسبي الله فيهم كلهم |
اخ يا اختي والله قرأت قصتك و ادمعت عيناي ...
فعلا .. كل منا تقرأ قصص الخيانة و تقول الحمدلله زوجي مايسويها ناسيين او متناسيين ان الرجال بشر و ليسو ملائكة .. ومن الممكن ان اكون انا او احد العضوات مكانك يوم من الايام لذا وجب على كل انثي ان تحط احتمااليه ان تقع بنفس الموقف ولو 1 بالمية .. عيشو حياتكم و حبو ازواجكم .. لكن خلو ببالكم انهم رجااال و عند نسبة كبيرة من الرجال امرأة وحدة لا تكفي .. عشان لا ننصدم بعدين ... ليس لدي الا الدعاء لك حبيبتي بتفريج همك و كربتك .. انتبهي على نفسك و على اللي بطنك ... هذا اهم شي وهو و هي لهم رب يحاسبهم ... |
فرج الله همك وكربتك وهداك الى طريق الحق قصة تمزق القلب من اقرب الناس هذا ما جناه الخيانة
الخيانة انتشرت بين الازواج بشكل غريب لاحول ولاقوة الابالله |
لاحول ولاقوة الابالله
|
وانا اقرى حطيت يدي على راسسي من هول الصدمه
بس اختي احيانا فعلا نوصل لمكان نقول كلهم زي بعض (الرجال)وفي الواقع مو كلهم انصحك تولدي وتسافري على طووووووووووووول وتكملي دراستك وتبدئي حياه جديده ما تدري يمكن خيره من ربي اللي صار ولاحظي ربي ما يبغى المويه تمشي من تحتك بدون ما تحي فيها ربي يبغاكي تعرفي حقيقته وعرفتيها اقولك قصتي باختصار شديد انا انخطبت وملكت مده سنه سبحان الله كنت احس ان فيه شي بس ماكنت قادره اعرف جلست اسبوع كامل اصلي استخاره كنت اقول يارب اذا هذا الانسان فيه شر ليا كرهني فيه تخيلي بعد اسبوع رن جوالي وكان رقمه رديت فجاه طلعت لي وحده تقولي انا حبيبه فلان انتي مين ؟؟!! |
أختي
تعبتوني مااني قادرة افكر بس اتخيل موقفك لما دخلتي الغرفة الله يخليكي قولي اكذب بس قصة خيالية للعظة والعبرة بالله اذا صدق صديقتك هذي افضحيها عند امها خليها تربيها وزوجك الله ينتقم منه يارب حرام عليكم عذبتوني |
الله يكون في عونك وزين سويتي ................عوضك الله خيرا منه
|
والله يا اختي حسيت قلبي وجعني الله يصبرك ويعوضك برجال يعرف قيمتك ويقومك بالسلامه
والله احس ان الكلام ضايع ما اقولغير حسبي الله ونعم الوكيل |
اهلين اختي والله اول ما قرأت قصتك بصراحه توني برد وبقل لا تالفين علينا بس يوم رديتي تفاجأت منتفاصيلها بس يا اختي انا دائما نخطئ في حق انفسنا اذا تعرفنا على صديقه وثقنا فيها ودخلناها بيوتنا وصرنا نسولف لها عن ازواجنا وحياتن الخاصه عدين يصير اللي يصير ونولول ونلوم الناس انا بصراحه ما الومك بس ليش تكملين الحكايه بها النهايه وتجعلين الفراق هو الحل والخلاص انتوا بينكم طفل وصدقيني مع الايام بتغر المشكله وبتصير قصة الخيانه عابره في حياتك انا ما اقلل من خيانة زوجك او ادافع عنه بس قبل لا تطلبين الطلاق اتركيه فتره من الزمن حتى تلدي على الاقل وبعد قدوم المولود يمكن تتغير اشياء كثيره في نفسك وصديقتك لها رب عادل بيحاسبها وحسبنا الله ونعم الوكيل على كل ظالم:25:
|
السلام عليكم
الله يعينك يااختي حاولي تدعيني في الصلاة الله يفرج كربتك وطنشي الموضوع وعيشي حياتك ذا الزمن كذا طنش تنتعش وقوي ايمانك وعيشي لاخرتك الدنيا صغيرة مع خالص تحياتي احل وردةى |
ذكر صديقة اختيتوني بقصة
جاها عريس قبل رمضان وفرحو 000لانها اول وحدة اكبر البنات كان ملتزم ومربي لحيته وكان اخوة صديق ابوهايعني عريس لقطة وكان عمرة36 المهم في شوال ملكت واخذو مهر 70 الف وكانو اهل العريس كرماء بشكل مو طبيعي كل ما طلبو منهم شي على طول وافقو امها قالت غريبة اكيد فية شي ياانة مريض او متزوج بعد الملكة سارو يكلمو بعض البنت ماارتاحت لشخصيتة من قبل الملكة وهو يتغدى ويتعشى عندهم وبعد الملكة كذلك المهم البنت اقترحت علية يخفف لحيته الاخ ماصدق حلق على الاخر المهم صارو يختلفو على اشياء كثيرة وتشتكي لاختي حتى تقول كل شي يسير بيني وبينه ينقلة لاهلة حتى صارو يتصلو عليها يقولون ليش تقولين كذا وكذا المهم انقطع عنها لمدة 4شهور لاحس ولاخبر امه تتصل وتسال وتجيهم0 وتقول لهم انه مسافر وان عندة دورة في المكان الفلاني كان المفروض يكون زواجها في شهر 2 وتاجل لاجل غير مسمى تي والعريس مختفي لاحس ولاخبر والبنت نفسيتها زفت وصارت تقول الاهلها ماابغاة لان فية شي غامض وهي تجهزت من والي المهم قبل اسبوع اتصل واحد من جماعتهم على ابوها يشتغل في المباحث يسال يستفسر عن اسم العريس المهم يقول فية واحد تحولت قضيتة عندنا في المباحث بنفس الاسم في قضية اخلاقية في شقه مع بنات والمهم طلع نفسة العريس وقال لهم بعد انه مريض نفسيا وان رح يروح المستشفى في اليوم الفلاني اذا حابين تتاكدو روحو وشوفو فعلا راحت وهي وامها وابوها والسلاسل في ايدينة وارجولة وبعد ماطلع من عند الدكتور راحت امها وسالت الدكتور عن حالتة الدكتور قال لهم ماينفع لانة مريض نفسي والقضية الي علية وكذلك اكتشفوا انه كان مسجون قبل لايخطبها في قضية اخلاقية سنه ونص ابوها اتصل على اخوة الي هو صديقة وقالة انهم عرفو ا قال اخوة السالفة اشاعة قال ابوها ان رحنا وتاكدت واحنا نبغاة يطلق بنتي رفضو اهلة وقالو لاتطلبو الطلاق ورح نزيدكم فلوس على المهر ولو نطلقت رح تدفعون 120 مو سبعين شوفي كيف صارو يتسرو بالدين عشان الواحد لايسال ويستفسر عنة اكثر ولااهلة الي ماعندهم ذمه يورطو بنات الناس في ناس حالتهم حاله المهم اختي تقول نفسيتها زفت خصوصا بعد ما شافته بس اختي قالت احمدي ربك عرفتو قبل ماتتورطين معاة اكثر بس مانقول الا الله يحمي عيالناوبناتنا من هذي البلاوي ماعليش اعذروني على كتابتي الركيكة بس اهم شي الفائدة |
أتمنى من كل وحدة متزوجة تقرأ هذا الكلام تفوق .. وتعرف إنه الصداقة لها حدود ...
الحب اللي بينك وبين زوجك .. الرومانسيات .. لهفة زوجك عليكي .. حب زوجك الجنوني وعشقه لكي .. المفروض ما يطلع لمخلوق .. يابنات لا تقولي أختي .. ولا صديقتي .. ولا حتى شغالتي .. ليه مو حريم زينا زيهم وعندهم مشاعر .. يعني صديقتك مو متزوجة .. لا وملهوفة ونفسها تتزوج .. تروحي تحكيلها عن زوجك .. يابنات أتعلمو الكتماااااان .. الكتماااااان .. أنا إسم زوجي وربي ما أقوله قدام زميلاتي .. أقول أبو فلان .. لما يدق علي على الموبايل أطلع برا الغرفة وأكلمه عكس البنات اللي ترد وتقول هلا حبي .. وحشتني كيفك !! عمري ما أقول شوفو هذه جابها لي زوجي هدية .... ترى حتى لو صديقتك وواثقة فيها البيوت أسرار .. وسبحان الله كم من زوجات مو مرتاحين مع أزواجهم .. كم من بنات يتمنو يتزوجو اليوم قبل بكره ... كم من أخت تحب زوج أختها وفعلا الشيطان شاطر .. لا حول ولا قوة إلا بالله صدمة .. والله يؤجرك فيها |
الله يعينك
والله عمري مااشك بزوجي ولالحظه ... مالومك انك مأمنته ... عمري ماافكر فيه كذا ولو للحظه ... |
الله يعينك ويصبرك
ويقومك بالسلامه الدنيا غداره الله يعوضك العوض الصالح اللهم اجر اختنا في مصيبتها واخلف لها خيرا منه |
اخ ياقلب لاتحزن قلبي عورني واحسني اني انهرت
بس اتمنى اني اعرفك وربي لاواسيك واخفف عنك ضربتين بالراس توجع فضفضي هناواحناخواتك ولاتخافين ربي بينصرك قريب لاتخافين 1- انتي بنت ناس ومتربية زين وطيبة وعلى نياتك هذي ميزة حلوة لاتخافين ثقي بالله وتوكلي علية واكثري من الاستغفار خلي كلامك كله استغفار ولاتكتمين شيء بخاطرك 2- اشكي لربي اخرالليل وادعي ربك يعوضك احسن منه ويعدي هالصدمة على خير 3- احمدي الله عرفتية على حقيقتة انامالومك جرح بس ان شاءالله استفدتي وتطلعين منه على خير وربي يفرج همك 4- زماننااول ولى الحين الناس قل الدين عندهم هذي ماتخاف ربي استغفرالله واتوب الية 5 - لاتتطلقين بردي حرتك فيه علمية درس بهايشفي غليليك اوسامحية واستخيري وربي يرزقك الصالح اللي يستاهلك 6 - اهم شيء انتي انانبيك انتي تحدين الصعاب انتي قويه بالله معك ربي الزمي الاستغفار 7- راجعي اخصائي اهم شيء ماتخسرين نفسك هوتلقينه عايش ياحياتي ولايهمك انتي بعد اهتمي بعمرك وفكري بصحتك اهم شيء وقبلهانفسيتك 8- لايهمك احد وكلي ربي امرك في كل حياتك 9- لاتنظرين للخلف لانه بيزيدالم تفائل خير وربي يفرج همك اسال الله العظيم يارب تفرج همهاوتقومهابالف عافية وتهون عليك حملك وتكتب لك اللي فية خير وان شاءالله ان ربي بياخذ حقك منهم ولايهمونك وان شاءالله الفرج قااااااااادم |
والله قصتك قطعت قلبي ياغالية لا حول ولا قوة الا بالله الله يعوضك خييييييييييييييييييييييييييير ويصبر قلبك .. لاحول ولا قوة الا بالله .. .. |
الله يصبرج يا عمري
عورتي قلبي ليش سوا جذي؟ أنا مو مصدقة ان في صديقات بهالقسوة والحقارة الله يكون في عونج تحملي في نفسج وفي ضناج ولا تغفرين حق زوجج والله ما يستاهلج حسيت من كلامج واااااايد تحبينه وصديقج الله يردها لها في نحرها ما اوصيج على نفسج تحملي برووووووووووووحج يالغالية |
انا صراحه مااستغربت ولاكلمه قالتها الاخت المجروحه اعانها الله على مافيها لان 95 او99% من الازواج للاسف يخونون زوجاتهم فيااخوتي وطنوا انفسكم على ذلك ولا تثقن في ازواجكن كل الثقه حتى لاتنصدموا في يوم من الايام
بس احسن شئ انك يااختي طلبتي الطلاق وما قلتي اني احبه ومااستغني عنه مثل بعض الاخوات يهين كرامتها ويخونها ويضربها ومنهم من يشرب زوجها الخمر وتقول لااستطيع ان اتركه وانفصل عنه اني احبه اختي اعانك الله على ماانتي عليه وعوضك خيرا بدلا عنه اكثري من ذكر الله وقولي اللهم اجرني في مصيبتي واخلفني خيرا منها واكثري من الاستغفار والله معك مااصاب الانسان من مصيبه حتى الشوكه يشتاكها الا كفر الله بها خطاياه لاحول ولا قوة الا بالله العلي العظيم |
يالله !! يالله !!!
الذين إذا أصابتهم مصيبة قالوا إنا لله وإنا إليه راجعون !! اللهم أجرها في مصيبتها وأخلفها خيراً منها !! أختي أنصحك من قلبي أن تكثري من الاستغفار والدعاء .. سهام الليل لا تخطئ ولكن .:. لها أمد ولـ الأمد إنقضاءُ !! وتذكري دائماً هذا الحديث فهو يجلي همك ويبرد قلبك ( برد الله قلبك بالطاعة والمغفرة ) عن أبي سعيد الخدري قال : قال رسول الله صلى اللّه عليه وسلم : " ما من شيءٍ يصيب المؤمن من نصبٍ ولا حزنٍ ولا وصبٍ حتى الهم يهمه إلا يكفر الله به عنه سيآته " ( حسن صحيح ) . |
مصدومة مرة مصدومة
عشانك و الله ربي يصبرك و يعوضك في اللي ببطنك و بما إنه الخاينة بتدخل هنا فأوجه لها كلامي هذا ( إنت يا اللي خنتي ربك ، ثم صديقة عمرك ، إنت رخيصة ، حشرة ، بعتي نفسك عشان شهواتك و عشان حسدك و غيرتك من رفيقة العمر ، حسبي الله عليك و على كل وحدة مثلك ) و طليقك لا تفكري فيه ، لإنه ما يستاهلك يا أختي من جددددددددددددددددددددددد قلبي وجعني اقتباس:
|
لا حول ولا ولا قوة إلا بالله
الله لا يحط زوجة مسلمة بنفس اللي مريتي فيه والله شيء يقهر ويذبح وليته مع وحده من الشارع لا صارت صديقتك لكن ربي فوق اللي صار واحتسبي أجر الألم والجرح والخيانه احتسبي أجر كل هم حسيتيه وبتحسين فيه وهذا الطفل حبيه وربي بيعوضك خير فيه بإذنه ولو تقدرين تآخذين أمر من المحمكة انك تحضنيه للأبد وما يآخذه أبوه عنده لسوء أخلاقه الله لا يبلانا ولا يبلى مسلم بس ممكن يشوفه حق الأبوه الحمد لله إنك عرفتيهم على حقيقتهم وما قعدتي فترة أطول ما تدرين عن شيء انتي الحين في وقع الصدمة ما نقدر نقدر نقولك عطيه فرصة أخيره لو ما تزوجتي على طول وجاك اللي كان زوجك بعد سنين وهو تغير عطيه ذاك الوقت فرصه ربي يقبل التوبه ويغفر الذنوب لكن مادري حالتك صعبة للأسف لأنك ما كنتي تشوفين عليه شيء بالعكس كان الانسان اللي تتمنينه لكن محد يدري ... بعد فترة ... الحين خليه يتأدب لا حول ولا قوة إلا بالله |
| الساعة الآن 11:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©