|
محتار طلبت من زوجتي صوره لها وتصويرها بكامرتي الخاصه ورفضت
السلام عليكم ورحمة الله وبركاته....
اعجبت بهذا المنتدى الرائع ....وهذه اول مشاركه لي ...ولله محتار ليه تسوي كذا انا .عقت قراني قبل شهر ....طبعا ازورهم في البيت واجلس مع البنت بين فتره وفتره واخونها الصغار مايفارقونا ..يضاقني هذا الشي...مش هذا موضوعي...اني طلبت منها صورتها عن طريق الجوال.. اعتذرت لي تقولي مااقذر عشان..فيه ذبابات في الهاتف وكلام كذا خرابيط انا مو خاش الكلام راسي بس ضغط ع نفسي ومشيتها...وطلبت منها بعذ فتره..ابغى اصورها باكاميرا الخاصه اللي عنذي تقولي طيب انا ابغى اخذ رئي ابويا ....مع العلم اني جوازي في الاجازه...ومادري ايش يدور في رسها ليش رافضه فكرة الصوره.. اتمنى اني ما اطلت الموضوع ......منتظر ارائكم .......... الاشراف عفوا تم تعديل العنوان بما يتناسب مع الطرح |
يا أخي الكريم ما الذي يُضايقك في ذلك !!
هل تعتقد مثلا أنها لا تثق بك !! >>>> لا أتوقع ذلك.. هل تعتقد أن حبها لك غبر كافي حيث أنها لا ترضى إنك تصورها >>> لا أعتقد بذلك ... لأنه لو كان صحيحا لكان هناك دلائل واضحة ستحدثنا عنها أولى من موضوع الصور.. التحليل الوحيد لحالتك في ظني .. أنها حريصة وذكية ... فهنيئا لك .. : ) غير ما ذكر أننا نسمع عن (ملكة ) وانفسخ العقد!!!!!! طيب البنت وش ضمنها إن العقد ما ينفسخ !! |
اقتباس:
|
ولا تقلق في ناس كذا حريصين زيادة ما يتركون المملكين لحالهم يخافون يصير بينهم شي
وأكيد وجود اخونها الصغار يضايقك بس هذا اهل زوجتك وطريقتهم وبالنسبة للصورة حتى أنا ما أحب التصوير بالجوال .. ولما قالت تبي تستشير ابوها أكيد اهي متعودة ما تعمل شي الا بشور ابوها هذي طريقتهم يمكن خايفه يتم فسخ العقد او شي أو أن ابوها ما يرضى ويعصب اهي شكلها توها صغيرة واهلها ما سكينها ومعطينها تحذيرات عشان كذا ما تحس نفسها حرة أو على طبيعتها بالنسبة للصورة .. ليش ما تقولها عطيني صورة من صورك الخاصة مش لازم انت تصورها .. إذا ما عندها تصور بكاميرتهم وتعطيك الصورة مافيها شي |
أخي الكريم...لا تضغط على الفتاة فهي تتحجج بأعذار قد تراها واهية ولكنها تريد منك أن تفهم ما بين السطور وهو عدم رغبتها في ارسال صورة لك... لذا احترم رغبتها...والشيء الآخر أن زواجك لم يبقَ عليه شيء لذا دع كل شيء في وقته يكن لك أجمل... تحياتي.. |
هي تخاف إنك تختبرها و تفقد ثقتك فيها مثل تفكيربعض الشباب
و أنا طول فترى ملكتي كنت أرفض إنه زوجي يصورني بجوال الكاميرا على قد ما حاول لإني ماكنت متعودة و هذا الشئ لازم يخليك تفرح إنها متربية طبعا دحين أضحك على نفسي و أقول ليتني تصورت بالجوال في ملكتي :D عشان كانت هناك ذكريات حلوة :) |
مشكلتنا حنا يالشباب مستعجلين ومتهورين
أول مانخطب البنت نجلس نطلب منها كل شي يجي في بالنا ولما ماتلبي نزعل هي معها حق ماتلبي بعض الطلبات لانو مسؤله عن أشياء لو لا قدر الله حصل انفصال أما نحن فمعفيين من أدنى مسؤليه عشان كذا أقارنها بنفسي ليش أنا مستعد أعطيها أي شي تطلبه وهي لا..؟؟ أنا مستعد أعطيها صورتي لاني مستقبلا مهما حصل فلن أتحمل أي عقبات أما هي فصوره منها تكفي لتدهور مستقبلها لا قدر الله لو ماصار بينكم توافق فالشيطان حي ولم يمت لذلك أنت كونك خطيبها لك حق تطلب منها الي تبي لكن مالك حق تزعل اذا مالبت بعض طلباتك لكن بعد العرس ولما تصير فبيتك يحق لك تاخذ صورتها لو غصبآ عنها اللهم اغفر للمسلمين والمسلمات |
تصرفها سليم
هي اكيد خايفه اذا لا سامح الله صار انفصار تضل الصور عندك. بس . لا اكثر و لا اقل بكره اذا تزوجتو ان شاء الله راح يتغير الامر اكييد. انا كنت مكانها و خطيبي طلع روحي و هو يطلب الصور و بسبب طلبه صارت مشكله كبيره و زعل علي بعدين قلتله يعطيني رقمه السري للايميل علشان امسح الصور بعد ما ابعثم له بسبب النت ليس امن. و الحمد لله قبل و بعثت الصور و مسحتهم بنفسي. بل توفيق ان شاء الله |
مرحبا .......
نعم التربيه والله بنت صح ....المفروض تفتخر فيها الجلسة وحدكم ليش مستعجل ان شاء الله تتزوجون وتجلسون مع بعض لوحدكم تقبل مروري ....... |
التصوير بالجوال مرفوض لا الحين ولا بعد الزواج بإذن الله
ايش دراك ما ينبش فيه أحد ولايطيح ولا ينسرق ايش بيصير حالك ؟ وبعدين موقف البنت جدا طبيعي أنا زوجي صورني بكاميرته وقت الملكة ويوم الشبكة وما كنت حاسه بارتياح قلت يمكن تضيع الكاميرا يمكن ينبش فيها احد وساوس لأن الوحده مهما كان ما تعرف عن سلوكاياته اليومية والمحيطين فيه ولا مقدار تذكره وعدم نسيانه يعين مو عدم ثقة ولا شيء ولكن هو وضع جديد وإنسان جديد في حياتها ممكن تقولها بصور يدي مع يدك وإحنا شابكينها مع بعض وإن شاء الله كفاية بلا ما تضغط عليها وتحسسها بالذنب وهي ما سوت شيء خطأ ولا يزعل وهي تحججت بأبوها يمكن متعودين يستشيرون الأب ولا هو يعصب وما يحب هذه الشياء ولا تبغى تقولك بطريقة غير مباشرة انه ما ودها تصورها |
كلام سليم وانا اضم صوتي لصوت الفتاة
والموضوع ارى انه ماله علاقة من ناحية الثقة هذه وساوس شيطانية ابتعد عنها وماشاء الله عليها بنت متربية الله يحفظها ويخليها لك ومن ناحية ان ابوها يمكن يزعل عليها هذا ان يدل على شي يدل على تربيتها وبرها لوالديها وموضوع اخوانها الصغار ارى انه من صالحك وبعدين تفهم قصدي وربي يجمعك وياها ويؤلف بين قلوبكم . تحياتي ... , |
بارك الله لك في زوجتك ونعم التربية تصرفها سليم مئه بالمئه اتوقع هذا جواب اغلب البنات المحافظات يااخي ايش لك بالصورة وانت عندك الاصل وفقكم الله واسعدكم مدى الحياة
|
يا خي وسع صدرك ما تسوى تزعل علشان صورة
كنز الأخلاق الموجود في زوجتك أهم من مليون صورة قل الحمد لله |
الله يوفقكم يارب ردود الاعضاء كفت ووفت دا زمن غريب واكيد اهلها متشديدين شويه او منعوها على العموم قرب الصيف وتسير في بيتك على طول ان شاء الله
الله يتمملك يارب |
ياخي وش بتستفيد لو صورتها يعني ؟؟ انت تشوفها وجها لوجه يعني مااشوف اي داعي للتصوير
ويمكن هي خايفه ومن حقها... وثاني شي اخوي كلمه جوازي= زواجي هههههههه شكلك ضيعت من الهنا الي عايش فيه خخخخ |
هي تخاف إنك تختبرها و تفقد ثقتك فيها مثل تفكيربعض الشباب
|
اللي سوته خطيبتك هو الصح
واحمد ربك انه وحده زيهااا بتكون من نصيبك |
افرض الجوال انسرق ولا وقع بيد احد بالصدفة
|
وانا لو مكانها برفض
صحيح كامرتك الخاصه ولكن تضمن انها ما تضيع او تنسرق ومحد بيتأذى غير هالبنت المسكينه وشو الهدف من الصوره اثلا تراها امامك على الهواء مباشره لا تكبرها |
السلام عليكم ....يااخواني ....بعتذر عن التاخير اليوم ...تابعت كل الردود صراحه ...
ارتحت نفسيا ...ورفعتو ...معنوايتي جدا ....الا يكد انها واثقه فيها اعطتيني البوم الصور الخاص اللي في الملكه الله يجزكم خير جميع ...ويسرلكم امركم ...ويبعد عنكم كل سوء ....اخوكم سوالف |
[rainbow]انا معهاا انا متزوجه من 13 سنه وما ارضي ريلي يصورني بالجوال
اذا طلعنا مكان نصور واذا ردينا انا امسحهم..الجوووال خطر انه يضيع ..او لقافه بعض الناس ويشووف احد الصور ماااااااااااااااااااااااااااالها داعي...خل البنت على راحتها ونعم التربيه والله يوفقكم[/rainbow] |
هل هي من النوع اللي ما بحب يتصور في بنات ما بريدوا يكون عندهم صور خشية الحرام و الحلال خصوصاً بعد الوفاة اذا تركت صورهم هنا و هناك قد تلحقهم الذنوب و هم في قبورهم
أخي موضوع الصور موضوع خطير لا تستهين فيه لكن اذا خطيبتك دائما بتتصور و رافضة انك تحتفظ بصورة لها يمكن يكون السبب شي تاني مثلا انها بتحسب حساب أنه اذا لا سمح الله صار بينكم فراق انك تحتفظ بصورة لها يعني ضمان للمستقبل |
تصوير في بالجوال اكبر غلط بتسويه
لانه الجوال الحين لو انباع ومسحت الصور في ناس تقدر تطلع هالصور اللي انمسحت وتصرفها سليم واللي ردو عليك ما قصرو بالرد وردهم عيييييييين العقل ومادري لا تحسس كثير بدال ما تصورها اخذ صورتها فوتغرافي وفك نفسك وبعدين يعني الموضوع عادي ولا تحسس وحياك الله في هالمنتدى وتقبل مروري |
allah yis3idha halimamin maroc
|
ماشاء الله عليها والله اكيد انها من بيت طيب تربيتها سليمه هنيأ لك بهذه الزوجة
|
والله نصيحتي لك اخي الكريم ان لا تلح عليها في طلب ذلك وتحترم رايها وقرارها هي الان في بيت ابوها وربا يكون موقفها تباعا لما رباها عليه والدها.....فنعم البنت المطيعة البارة ان شاء الله وكلها فترة وجيزة وتكون في بيتك .....وان شاء الله مثل ما كنات بارة وطائعة في بيت ابويها تكون في بيتك كذلك فهنيئا لك بها وبارك الله لكما وعليكما وجمع بينكما في خير |
والله يا أخي إنا اللي محـتـاريـن من طلبـك أولا: فهي تحسن الظن بك ، لكن أنت أغفلت أنه ممكن سهوا منك قد تقع الصور في أيدي من لا يخاف الله ثانيا: أنت تراها كل يـــوم فما أغناك هذا عن طلب الصورة ،،،،،،،!!! دمتم بحفظ الرحمن |
بالعكس ماشاء الله عليها انا كنت مثلها مو مسالة ثقه بس ممكن تكون تختبرها وبعدين الوحده صارت تخاف من تصوير الجوال لانه الصور ماتنمسح من الجهاز ويااخي اصبر كلها كم اسبوع وتكون جنبك طول الوقت ماتحتاج لاصور ولا شي
|
باريسا انتي تعرفين خطيبته؟
تقولين هذي طريقتهم من هم ؟ يا اخي صاحب الموضوع خطيبتك شكلها تقربلي اقول احمد ربك اللي خلوك تشوفها....بعد بتصورها .....ههههههه شر البلية مايضحك........نصيحه لا يشوفك واحد من اخوانها وانت تصورها ......البنت مستحيه منك تقول بتشوف راي ابوها ولا هالحين انت بخبر كان .... |
| الساعة الآن 08:36 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©