|
اكتشفت اختي خيانة زوجها فقرر أن يطلقها
السلام عليكم ورحمة الله وبركاته
مشكلة أختي الصغيره أن زوجها مغازلجي ومتهاون في الصلاه وأشياء كثيره استحي اذكرها هنا هو متزوج وحده قبلها عندها عيال وأختي بعد عندها عيال زوجته الأولى كبيره وجاهله شوي وعايشه في عالم وهو في عالم ثاني يعني يغازل ويروح ويجي وماتدري عن شي اللي صار أن أختي كانت تكتشف خيانته لها وتواجهه وتزعل زعل قوي لكنه ينكر لدرجة أنه يحلف عالمصحف أنه مايسوي هالأشياء ويعصب عليها ويهاوشها وبعدها تسكت تخاف يضربها جنونه ولا أحد يخرب سمعته لأنه قدام الناس ملاك بس أختي بذكائها عرفت عنه كل شي قبل أيام كانت عندها شغالة أختي الكبيره تركتها عندها أيام عشان تساعدها وتجلس مع عيالها لأن أختي الصغيره تدرس بالجامعه جاء يوم رجعت أختي من الجامعه وجاتها بنتها عمرها 3سنوات وقالت (بابا راح غرفة ناني (اسم الشغاله) ورقص ..............)وكلام غيره مومفهوم وتكرر البنت هالكلام طول اليوم عاد أختي جن جنونها هي لاحظت أن هالشغاله تستعرض بجسمها وكلنا لاحظنا عليها هالشي قمت اتصلت بأختي الكبيره صاحبت الشغاله وعلمتها بالموضوع قالت مافي أي دليل أنه راح للشغاله أو سوى معها شي اتفقوا على أنهم ياخذونها ويرجعونها المكتب ويقفلون الموضوع ولاكأنه صار شي قام زوج أختي الصغيره وسألها ليش تودون الشغاله من بيتي إلى المكتب على طول أكيد فيه شي؟ ردت عليه مافيه شي بس ماحبينا شغلها وقامت تطلع له اعذار وماصدق ورفع صوته عليها في الآخير خافت وعلمته قالت بنتي تقول أنك رحت للشغاله في غرفتها.....قال أنا ماأنزل نفسي لشغاله وعصب وهاوش وطلع زعل منها ماعاد يكلمها ولايدخل البيت وقالها خلصي دراستك ماباقي الا هالترم وانقلعي بيت أهلك ماعاد ابي اشوفك حاولت تراضيه أكثر من مره عشان بناتها بس ولاهو شين وقوي عين لكن بدون فايده الحين لاتروح من البيت ولاتطلع الالجامعتها وهو ناوي ومعزم يطلقها وياخذ بناتها هي حاولت تتفاهم معه قالت اعتبر ماصار شي والبنت صغيره ماندري عن صحة كلامها ومو راضي يسامحها والمفروض انها هي الزعلانه موهو تكفووووووووووووون ياأهل العقول عطوني حل وربي عجزت عن التفكير ماأبيه يطلقها حرام يضيعون بناتها ولا نبي ندخل أحد في الموضوع أمي وأبوي لو دروا بتتعب نفسياتهم |
لا حول ولا قوة إلا بالله
لا اختى لازم احد من أهل الزوجه وكمان اهل الزوج يتدخلون بسرعه جدا مينفعش كده اختك تشيل هذا الموضوع لوحدها مع هذا الزوج اختك صغيره ولا تعرف شيء ومش هتعرف تتصرف ازاى فى هذه المشكله لوحده وبعدين اختك لو حدث طلاق هيكون لها حقوق ولبناتها حقوق لازم احد من العيله يدخل بسرعه ويعرف اللى بيحصل |
بالنسبة للمرأة كان المفروض ما تسمع كلام البنت إلا بعد التأكد
أنا أقترح حاليا تهدأ وتقوم بواجباتها وتتحب إلى زوجها أكثر من أول وإذا شافته يسوي حرام أو يتهاون معاه تتحاور بأسلوب هادئ وتبيبن له الخطر اللي بيشوفه يوم القيامة وخوف الموت على معصية وكذلك توصي أحد أقاربها أو أخوها يوصيه بالصلاة وطاعة الله والخوف منه تسمعه بالسيارة أشرطة وعظية تحكي عليه قصص اللي ماتوا على معصية أهم شي حاليا تهدأ وتتصرف بروية وحكمة |
اقتباس:
سالفة أن أحد يدخل من الأهل هذا آخر حل لأن الآن قلت لها طنشي وماشيه ولاكأنه صار شي وخليك واثقه من نفسك لأنك ماغلطتي أبد لكن خوفي لايطول هالزعل بعدين يتعود عليه وإن شاء الله مع الأيام تبرد المشكله ويتراجع عن قراره |
اقتباس:
وهالكلام من فين جابته هي من زمان تنصحه وتذكره أن عنده عيال ممكن الله يبلاه فيهم لكن يسمع من جهه ويطلع الكلام من جهه ثانيه |
حسبي الله عليهم شغالات نجيبهم عشان ينفعونا إلا خربوا بيوتنا
|
بس صدقيني الاطفال بها السن مايكدبون
وليه البنت يعني اختارت تلك القصة لتحكيها لوالدتها انا عن نفسي ارى انه فعلا كان يغازل الشغالة والي يحلف عالمصحف وهو كداب فتوقعي منه اي شيء انا رايي انه ضربني وبكى وسبقني واشتكى ولا تعطيه اهتمام كل مايفعله ليس اكثر من تمويه عن فضيحته |
يا جماعة صحيح البنت الصغيرة ممكن ما تكذب
لكن ما ناخذ بكلام صغار في أمور حساسة مثل هذه معليه حنا نصدقهم بس لازم أيضا نتأكد وما نبني على كلامهم مصير أسرة المهم الحين الزوجة تهدأ وتفكر تحل المشكلة بذكاء وأنصحها تستشير خبير اجتماعي في الأمور الأسرية |
[read]من الواجب تمسكه بالجرم المشووم من تلقى عليه كلام ولو ما تصرف كذا كان قالت البنت صادقه اكيد بيدافع عن نفسه على العموم كل خينه عليه من ربي بينه [/read]
|
نادر نجد الاطفال يكذبون في مثل يقول اذا تبي تعرف اسرارهم اعرف من صغارهم وفعلا الاطفال يقولوا بصدق وبالتفصيل الممل فالمفروض الأشياء الخاصه حتى لو العادي مانبين لهم او يطلعوا عليها على العموم خلي الامور بهدوء وبعد مايهدا كلمي واحد ثقه من اخوانك رشيد وحكيم يحل المشكله ولابد اهلك يعرفوا الشي والا هو يتمادى وانتم على هذا الحال او عمك يفهمه ويوضح له فإاذا مره مصر على مااحرم الله فوالله الطلاق اهون ويكون آخر حل فالله لن يضع حقك وحق ابنائك بشرط اذا اتقيت الله ومن يتق الله يجعل له مخرجا لاتنسين الدعاااااااااااااء بقيام الليل قرب الفجر خلال ساعه يوميا بإذن الله تنحل المشاكل واسغفاااااااااااااااار ولاحول ولاقوة الا بالله ردديها وفقكم الله لكل خير |
تمشي حياتها معاه بهدوء ولا تحاول تعتذر أوتكذب البنت لان هذا بيزيد عناده
إذا خايفين يطلق أنا ما أتوقع إنه يطلقها تقولين إنه يخاف على سمعته فسيخاف إن أختك تتكلم إذا طلقها وتقول للناس أفعاله المشينة |
اقتباس:
سبحان الله!!!! صاحبنا هذا لو لم يكن بالفعل قد ارتكب شيئاً ما مع الخادمة لما علق على ما فعلتموه معها ولا اهتم أصلاً بأنكم أرجعتموها إلى المكتب ... ولكن المثل يقول: (اللي على راسه بطحة يحسس عليها)!!!!! ثم.. نعم الصغيرة لا تكذب ... وحتى إن عمل خيالها على تأليف قصة ما فإنها لن تتمكن من اختراع كل تلك التفاصيل .. خاصة تلك التي تفضلت الأخت المشرفة فيافي نجد بحذفها!!! .. إلا إذا كنتم أساساً تعيشون في مثل هذه الأجواء ورؤية مثل هذه الأمور عادية ومألوفة لديها!! والأهم .. هو أساساً له سوابق .. يعني المشكلة موجودة منذ البداية سواء كانت البنت تقول الحقيقة أم أنها قد أخترعت القصة. عزيزتي.. زوج أختكِ إنسان وقح .. ويستخدم أسلوب (خذوهم بالصوت قبل أن يغلبوكم) .. معتقداً أنه بذلك سيجبر أختكِ على الخضوع وقبول الأمر الواقع .. وهو ما يحدث فعلاً الآن. وصدقيني حتى لو مر الموضوع هذه المرة .. وتكرم حضرته ورضي عن أختكِ .. فإنه سيكرر حركاته ونزواته لن تنتهي .. فإن كانت أختكِ مستعدة لأن تبقى مع هذا الرجل على هذا الوضع طوال عمرها فلتستمر على نهجها وطريقة تعاملها السلبية والخاضعة مع المشكلة ... أما إن كانت تريد حفظ كرامتها وإيقافه عند حده فيجب أن تتخذ موقفاً حازماً لا خضوع فيه ولا اعتذار ولا محاولة إرضاء .. وليس فيه (اعتبر ما صار شي) لأن الواقع يقول إن شيئاً قد صار فعلاً ولا يجب التغاضي عن ذلك. |
اقتباس:
فعلا الصغيره لاتكذب لايمكن أن تخترع مثل هذه التفاصيل بالعكس نحن عائله محافظه ولايمكن أن يعيشون هذه الأجواء والأمور أمام الأطفال وهذا اللي زاد من حيرة أمها أنه مستحيل يعمل مثل هذي الأمور مع زوجته أمام الطفله فكيف سوا هالشي هو مع الشغاله وأصلا كان عندها شغاله قبل هذي وكل يوم تنام في البيت لوحدها مع الأطفال وأختي تداوم بس ماعمرها لاحظت عليه شي ولاحتى نظرة إعجاب رغم أن الألى أجمل من هذي |
اقتباس:
وكثير زعلت منه بس هو مستغني عنده زوجه ثانيه يعني ياترضى بالوضع أو يطلقها ياليت عندنا أخو سند يتفاهم معه بس أخوي واقف معاه (عقليه متحجره) شكت أختي منه ومن خيانته تدرون وش قال؟؟؟؟؟؟؟؟؟؟؟؟؟ قال هذا رجال ومايعيبه شي وش دخلت فيه اجلسي في بيتك ولاتجيني ولاأشوفك والله لو تجين لاأرجعك له.......الله يصبرها بس لأن زواجها أصلا من هذا الرجل ماكان برضاها كان من ضغط الوالد عليها الله يهديه أنا من رأيي أن طلاقها صعب جدا لأن مافيه أحد بيستقبلها أهلي مو قاسين كثير لكن مايصدقون في هالرجال لو حلفلهم راح يصدقونه يكذبون أختي تعبت أنا من تعبها كلمتني أمس تقول وربي إني في الجامعه عايشه في عالم والناس في عالم لو أحد يكلمني أبكي على طول........ياربي فرج همها |
الظاهر - و الله أعلم - أنه هو ناوي الطلاق من قبل ان تحصل المشكلة
اللي بمكانه المفروض يكون إما يسعى للمصالحة و الاعتذار من زوجته او إذا كان فعلا مظلوم بعاتبها أما الطلاق و العزم على هذا القرار فهو غير منطقي الله يعينها أعنقد انه تدخل أهلها ضروري |
أرسلت له رسالة اعتذار كانت أكثر من رائعه بالرغم إني ماكنت مأيدتها وقلت أمانه تكون هذي آخر اعتذار
كرامتك لاتهينيها أكثر من كذا اللي صار أنه سامحها ورضى عنها ورجعوا أحسن من أول والحمدلله يمكن حس بالذنب بس الي ضحكنا عالسالفه أنه هو اللي زعلان ويسامح شكله مريض نفسي عالعموم الله يعطيكم العافيه على هالردود الحلوه ولكم جزيل الشكر |
الحمد لله إنه الأمور تحسنت ، أنا أشوف إنها خليها بعد اليوم تكون حريصة على مستقبلها
و تحاول تضمن مستقبلها ، على الأقل بشهادة ، وظيفة أي شئ و حابة أقول للناس اللي يقولوا إنه المرأة عندنا لها حقوقها كاملة أقرأوا هذه الجملة و شوفوا كيف إنكم هضمتوا حقوق المرأة من بعد ما ربي أعطانا هي كاملة اقتباس:
|
الحمدلله على كل حال اصلحهم الله وسخرهم لبعض
|
| الساعة الآن 03:29 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©