|
انا وزوجي لا نكلم بعض لأنه ضربني
السلام عليكم
من يومين حدثت مشادة كلامية بيني وبين زوجي وعصبنا اثنينا ورفع يده وضربني ومن ذاك اليوم لا اكلمه ولا يكلمني يا دوب يجي ينام ويطلع حتى ما ياكل من طباخي :29: انا قلت ما براضيه حتى لا يكرر اللي سواه وش رايكم هذا يوم ثالث ما نكلم بعض |
الله يفرج عليك و يرزقك الذرية الصالحه ان شاء الله
|
[read]الله يفرج همك بس انتي ادرى منا بزوجك اذا كان هذا الاسلوب يغيره استمري واذا كان ما ينفع معاه حاولي تتفاهمي معاه هذا حال الدنيا ولا تضنين وحدك بس الي يصير معها هذا الشي اغلب المتزوجات كذا بس الضرب ابشع شي [/read]
|
... وللحين ما خبرت احد من اهلي .. حتى لا يكبر الموضوع ومرة ثانية اذا كرر هالشي بوصل الخبر لاهلي ..
ما ابيه يتمادى ويتعود على هالشي .. وهذه مو اول مرة يمد يده .. بس كل مرة ويعتذر وانا امشي الموضوع بس هالمرة انا ما سكت وهذا اللي مخليه ما يكلمني ولا يعتذر .. والمرة الجايه اذا كرر هالشي بقول حق الاهل يتدخلون ... |
ما يصير كذا
قال رسول الله صلى الله عليه وسلم { لا يحل لمسلم أن يهجر أخاه فوق ثلاث ليال ، يلتقيان فيعرض هذا ويعرض هذا وخيرهما الذي يبدأ بالسلام } إذا اهو الغلطان .. وهو الي بدأ معليش تعالي على نفسك بادري انتي مو عاشنه .. عشان النبي قال كذا ومش حباً فيه بس حباً لرسول الله ولأن الحياة ما تمشي بالعناد .. ولما يهدا كلمي بهدوء ومحبة وبيني له انتي ليش عصبتي وايش الخطأ الي عمله وإذا كنتي انتي السبب الي خلاه يضربك .. يمكن طولتي لسانك يمكن قلتي كلمة كبيرة جرحته او يمكن عملتي شي يغيظ فأقولك روح اعتذري واحتوي الموضوع .. اعملي الي عليك وخلي الدور عليه وفي رواية لأبي داود أنه صلى الله عليه وسلم قال { لا يحل لمؤمن أن يهجر مؤمنا فوق ثلاث ، فإن مرت به ثلاث فليلقه فليسلم عليه ، فإن رد عليه السلام فقد اشتركا في الأجر ، وإن لم يرد فقد باء بالإثم وخرج المسلم من الهجرة } . |
السلام و عليكم ورحمة الله
للنظر للأمر من ناحية اخرى الضرب ليس كمثله من الممارسات التي تقع بين الرجال والنساء فهو دليل ضعف للرجال وقهر للمراة . ولي معك قولين : 1- أولا عليك بالإعتراف لزوجك أنك أخطأت بحقه إن كنت مخطئة وإن لم تكوني مخطئة فعندها إما أن تخبريه مباشرة الصاع بصاعين إما بالضرب المباشر (وهذا صعب على الجنس الناعم ) أو يالرد ياللسان دون لعن أو بطريقة أخرى للرد لأن الضرب عادة خبيثة تستوطن في النفس وانظري كيف يكون حالنا عندما نتعود على ضرب أطفالنا . 2- عليك أولا مراجعة نفسك والتأكد مالذي أوصله إلى هذه المرحلة المتقدمة من التفاهم فإن كانت المرة الأولى فأمرها هين و إن كانت متكررة فكلاكما يحتاج لضبط . وقبل هذا كله وبعد فأنت تحتاجين إلى الإستغفار . |
اقتباس:
اوافق كلامك واشوفه صحيح .. بس يااختيٌ اذا فكرتي شوي .. هالزمن اللي يعتذر يظنونه اهانه للاخرٍ ؟ بعدين هو كيف يضربها ؟؟ ليه .؟ ترى وراها رجال .. ماهي من الشارع على كلام يضربها ؟ دامها ماسوت خطاء ..؟ لاخانته ولازنت .. ولاطلعت من دون اذنه وشوره ؟ ماسوت شي يغضب الله ؟؟ ماله اي حق .. وصدقيني .. لو تسامحهه بيقول ايه الجايات بتكون سهله وكل مره بعطيها كف محترم والا باارفسها وبتجي هي تسامحني .. اختي .. اذا تبينه مايتكرر هالشي .. روحي بيت هلك بس لاتخبرينهم .. قولي ابي اغير جوٍ .. وشوفي اقرب انسانه عندك وبتفهم وضعك وخبريها وشوفي وش بيكون الحل .. هذا اذا انتي ماتبينه يتمدى اكثر في ضربك .. ويستهين بك .. على الاقل يوم يشوفك رايحه بيت اهلك بيخاف انه يخسرك .. ويمكن قبل تطلعين يمسكك ويعتذر .. الله يوفقك .. |
أختي البيوت أسرار .. ولا ندري طريقة تعاملك مع زوجك حتى نحكم عليه ..
من وجهة نظري بأن المرأة هي التي تسمح من البداية لزوجها بأن يرفع يده عليها ولو وقفت ضده موقف حاسم ما كان حصل كل ده .. بعدين آيش يقولو العيال لو شافوا أمهم بتنهان قدامهم .. ما حصل حصل .. ولكي لا يحصل ألزمي جانب الصمت لا أقول تقصري في واجباتك تجاه زوجك لكن يجب ان يفهم بأنه أخطأ ويعتذر ويتعهد بأن لا يكرر ما بدر منه والا سوف يكون الحسم من جانب اهلك وانك سوف تلجأي إليهم لكي ينصفوك .. خلك قوية في موقفك و |
اختي اذا في امكانية تخبرينا شو المشاداة الكلامية الي حصلت بينكم
وبناء عليها نعطيك رأي اسلم واوضح بارك الله لك تحياتي |
المشكلة كلها بسبب اني طلعت بلباس البيت وكان خفيف بس مو لذيك الدرجة يعني طويل بس بدون ايادي يعني للكتف فوق وطلعنا على اساس بنشتري عشا وبنرجع وانا قلت له ما بروح بس هو اجبرني اروح معاه ما اعرف اطلع بدونك ومن هالكلام ... قلت ما بغير ملابس لاني البس العبايه وما ينزل من السيارة وهناك في السوق في محل جنب المطعم قلت انزل اتفرفر لين يجهز العشا نزلت شوي ورجعت السيارة ولما وصلنا البيت انتبه للباس وعصب انا قلت له انا لباسي مو عاري لهدرجة و طويل وما بعدين قبل هذا كله انا ما بجي وبكشف نفسي لاحد انا عارفه ربي ومتربيه وانت عارف هالشي بس ومن هالكلام و عصبنا اثنينا وقمت من العشا ما بغيت وهو بعد عصب وقام ومد يده ...
طبعا هذه مو اول مرة يعصب ويمد يمده وبعدين يجي يعتذر يقول انتي خليتيني امد يدي .. بس ساكته ولا قلت حق اهلي .. مع ان اهله يدرون بان بينا مشاكل كوني ساكنه معاهم بس بشقه لحالنا .. واانا ما بيه يتمادى بهالشي .. |
لمــاذا كنتي لاتودين الذهــاب..:(
الان كنتي في موقف جميل لو انك استغليته بالصوره المناسبه... من الافضل لك ان خرجتي معه وانتي مبتسمه وقمت باستبدال ملابسك ... فهي لاتأخذ منك دقائق!!!...:) وضحكتي... وقمت بالكلام معه باسلوب رائــع.. لاجل اظهار السعاده له وتغيير الجــو عليه.. حتى يفتقدك في اي مشــوار ذاهب إليه دونك... عزيزتي... لاتكوني متعصبه برايك ... فهذا زوجـك.. يريد انسانه مرحه بشوشه.. لا انسانه في كل وقت تكون مزمجره وتعيسه ولا تفك مبسمها... اتمنى لك التوفيق غاليتي.. |
اختي .. ما فهمتي علي
انا رحت السوق معاه ... وبعدين هو ما طلب مني اغير ملابسي وانا رحت على اساس نص ساعه وراجعين بنشتري العشا وبنرجع و الجو حار الحين .. هو لاحظ هالشي بعد ما رجعنا من السوق وبعدين العباية ساترة جدا حدا وفوق هذا كان طوويل بس بدون ايدي والعباية ما اعتقد بتطلع ايدي ؟؟ |
يا هلا بناديتك هلا .. شوفي يا قلبي انتو الاثنين غلطانين .. انت غلطتي يوم انك طلعتي بلباس البيت و انت تعرفين طبع زوجك ..لازم تحتاطين لاي امر طارئ وانت خارجه مع زوجك .. يعني لازم ما تكوني لابسه لبس بيت .. بعدين نزلتي المحل تتفرجين و ما استأذنتي .. و كمان بدل ما تعتذرين على هذه الامور تماديتي في استفزاز زوجك .. و ش كان يضرك لو انك قلتي لزوجك معك حق يالغالي كان المفروض اني ابدل ملابسي و لا المفروض وانا بهذا اللبس انزل من السياره لكن وعد مني مره ثانيه اني ما اخرج بلبس البيت و لا يصير خاطرك الا طيب .. انت تأمر أمر .. و زوجك غلط لانه مد يده عليك و هذه مو اول مره تستفزيه و يضربك .. الي الان ما عرفتي الدرس ؟؟ استفزاز = ضرب .. على العموم حاولي انك تحلي الموضوع مع زوجك و قولي له مره ثانيه ما راح اسكت على ضربك .. بالتوفيق ان شاء الله .. |
يعطيك العافية اختي
بالنسبة لنزلة السوق لا انا استاذنت منه وعطاني فلوس بعد |
اقتباس:
اختي ليش ما علقتي الا على هذه النقطه من كلامي انك ما استأذنتي من زوجك و قلتي انك استأذنتي .. طيب و بقية كلامي ليش ما علقتي عليه ؟؟ مو لازم تردين على كلامي كتابتا .. اهم شي انك بينك و بين نفسك فهمتي كلامي و عرفتي وين غلطك .. و اهم شي انك ما تكرري اغلطاك .. حتى ما تثيري غضب زوجك و يمد يده عليك .. ربي يسعدك .. |
بالله بس عشان هالسبب صايره هالمشكلة احتديتو وضربك وثلاث ايام ما تكلمون بعض
وربي ما تستاهل كل هذا طيب انتي لابسه عباة والعباة وش وضيفتها مو عشان تستر وبعدين اكمامك القصيره مو الفستان وبعدين تعالي .. انتي ما تدرين انه ما يرضى تطلعين بهالشكل طبعاً أنا اشوف مافيها شي .. بس هذا عقلية زوجك وهذا تفكيره وانتي الله يهداكِ إذا تعرفين ان زوجك ما يقدر يتحكم في نفسه و ما عنده إلا الحلول البدائية في حل المواضيع كان قصرتي الشر .. وعاملتي بلي يفهمه كان لما شفتيه صرخ سكتي .. ما كان خليتيه يضربك .. طبعاً أنا ضد الضرب والضرب سلاح الضعفاء عندما يستخدم على من هو تحت سلطتهم وعندما يستخدم كحل وحيد كان هديتي الجو .. وقلتي خلاص ما يصير خاطرك إلا طيب ما اطلع مرة ثانية وانت إذا شفتني لابسه لبس ما يعجبك قلي .. نبهني بس لا تضربني هذي مو حياة .. |
لندع جانبا أن الموضوع لا يستحق حتى الصراخ وأن زوجك كبر الموضوع من لا شيء كان عليك تجنب اثارة غضبه في المقام الأول... هل كنت تعرفين مسبقا أن خروجك بذلك الشكل لا يعجبه؟ أم أنه ليست لديك خبرة؟ اذا كنت تعرفين فجزء كبير من الخطأ يقع على عاتقك... ثم يا عزيزتي لم لا تبينين لزوجك أن أسلوب الضرب غير مقبول؟ ناقشيه بهدوء واسأليه عن أسباب ضربه اياكِ ولا تقبلي بالضرب مجددا ان كانت على أسباب تافهة ولا تستحق... تحياتي.. |
اختي اذا تركتيه كل مره يضربك بعدين يتمادى انتي لك كرامه لاتخلينه يمد يده عليك واحذريه
واذا ما فاد وياه الكلام خبري اهلك انه يضربك حتى يتادب معك |
اقتباس:
كفاية انه فكر ياخذك معاه وهو بس يجيب العشا هذا شي طيب يثبت فعلا انه يحبك وماوده يفارقك ,,بالعكس المفروض تفرحي وتناقزين من الفرحة كمان وتعطيه بوسة وتروحي جري تبدلي ملابسك وتقولي له ياللا حبيبي كان ممكن كمان بدل مايجيب عشا يعشيك في مطعم ويمشيك كمان بس هذا جزاه الله المستعان ,,, وبالنسبة للبس انت ماتضمني الظروف كيف ممكن تصير صعبة تتطلعي بلبس البيت وخاصة انتي عارفة ان زوجك مو راضي وبعدين ماتدري لاسمح الله ايش ممكن يصير وانتم برى البيت الوحد لازم تحرص على سترها حتى لو هي لابسة عباية يمكن من الهوا تنفتح ويبان شي الناس وش راح تقول وهذا اللي سواه زوجك من حبه وغيرته عليك بس انتي بسبب التراكمات والمشاكل اللي بينكم صرتي ماتتحملي منه اي تصرف ,, الله يهدي بالكم ويصلح شانكم ,, |
| الساعة الآن 07:02 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©