|
مستجداتي بعد عودة زوجتي
السلام عليككم ورحمة الله وبركاته صباح الخير
كيف حالكم اخواني واخواتي انتقطعت عنكم لفتره والفتره هاذي كنت في اجازه انا وزوجتي الله يشافيها وسوف تنتهي غدا وسوف اوديها عنداهلها البعض منك يذكر قصتي خلال هالاجازه ذهبت للتمشي ومنها للعلاج قلت يمكن تتغير نفسيتها شوي رحت لشيخ وقرى عليها وتكلم معاها وذلك بحظوري وعطانا علاج وقال استمروا عليه واستمروا على القرايه وجبت لها مسجل واشرطه منها البقره واشرطة رقيه شرعيه واخذت لها زيت وعسل وعشبه كل يوم تتروش فيها الان تستخدم العشبه لكن الزيت والعسل لحد الان وسالت الشيخ اذا كان فيها مس او سحر قال ما فيها سحر ولا مس والشغله نفسيه قلت له اهي تتعب مع القرايه واهي لها سنوات واهلها يقرون عليها ووضعنا كذا من يوم تزوجنا وسالها الشيخ اذا كانت تبي الطلاق قالت لا لكن ما تقدر تتكلم معاي وكلمتها وقلت لها اظغطي على نفسك حتى الشيخ كلمته عن وضعنا واهي معاي وقال انتي لازم تظغطين على نفسك من ناحية الجماع وبدا ينصحها وانا قلت لها بتعاون معاك قبل يومين حاولت اني اطلبها بهالشي لكن تقول تعبانه وامس كتبت لي كلام تقول انا مقدره كل اللي سويته وعارفه كل اللي بتقوله وتعبتك معاي بس والله اني احاول اظغط على نفسي ووالله مقدر اتكلم واذا كلمتني ما عندي شي بس اتضايق واحسن ان لساني مربوط وكلي حتى مقدر اخذ راحتي بشي حتى بروحتنا وجيتنا ما تقدر تسولف بشي حاولت وتكلمت وافتح مواضيع واعلق واضحك ما ابين لها اني متضايق لكن نفس الحال وليله امس راجعت فيها الدكتوره وقالت لها زيدي الحبه بدال مهي واحده خليها اثنين وراجعيني بعد 10 ايام اليوم اكلت حبه وتعشينا ونادر ما تاكل معاي جلست شوي وذهبت للنوم بعدها بفترها لحقتها وقلت اتقرب منها لعل وعسى ينفع وباسلوب حلو ناديتها ردت تقربت لكن اشوفها تعبانه وقالت فيني نوم خليتها ولا حاولت اني اظغط عليها يعني صح اني ابيها لكن والله ان نسيتي بدت تتعب واحس اني بديت انفر شي غصب عني استغفر الله كلامي ملخبط شوي |
كان الله فى عونك بس ما دمت عملت اللى عليك
ليه ما تتزوج عليها بس هى ما تعرف عشان ما تتعبش وربنا يعينك |
اخوي مدام انها تعشت معاك وهي العاده انها ماتتعشى معناتها انها بدت تتحسن
والعافيه شوي شوي اضغط على نفسك شوي والي صبرك الفتره الي راحت يصبرك زيادة (( خيركم خيركم لنساءه )) بمامعنى الحديث واذا شفت الوضع على ماهو عليه عاد ذيك الساعه شفلك حل ثاني وما قصرت والله يشفي زوجتك ويخليها لك زي ما تبي وأحن ويسخركم لبعض |
اقتباس:
الله يجزاك خير ودي اتزوج بس صعبه اني افتح بيتين انا لهالحين ما فتحت بيت اول ابشوف وضعي ما ني مستقر ابد |
اقتباس:
يعني طول ما حنا بعض ما شفت ضحكها ابد او اهتمام بشي يعني انا انام بعدها واقوم قبلها حتى من حالها وتعبها والله اني اسوي لنفسي قهوه من فضاوتي والله اني في بالي هالايام الجايه اني اطلقها طلقه اذا شفت الامور تحسنت رجعتها ما تحسنت ربي يوفقها لانها مو قادره تهتم بحالها فكيف بتهتم فيني والله يكتب اللي فيه خير |
مرحبا ......
الله يعافيها ويرزقك الصبر ......كيف علاقتها مع الناس ؟؟مع اهلها؟؟هل هي نفس علاقتها معك من رأيي انك تتركها فتره اسبوع الى اسبوعين عند اهلها من دون طلاق بعدين جيبها عندك بالبيت اذا ماتغيرت اتركها عند اهلها وطلقها طلقة وحدهـ يمكن يكون في علاقتكم عين مع اني مااحب اعلق كل شئ في الحسد ولكن حياتكم تدعو الى التفكير في كل شئ صبرت الكثير استحمل ان تصبر كم شهر ....... وفقك الله ورزقك صبر ايوب .....انت من الرجال القلة اللي يتحملون زوجاتهم ..... تقبل مروري ........ |
الغلط من اهلها يزوجونها وهي تعبانه
الله يعينك ويكتب لك الخيرة الطيبة |
تفائل خير
ان شاءالله تتحسن لاتوديهاعنداهلهاخلهاتحت عينك وان شاءالله تتعافى وربي يفرج همك عليك بالصدقة والاستغفار وربي يهون عليك كل امر عسر الدنياحلوة تفائل خير واذامانفع طلقهاطلقة وان شاءالله تتحسن احسن من اول ربي يسعدك ويوفقك دنياواخرة |
الله يهديها والله يعينك
والله لو تتكلم للصخرة لانت من الكلام استغفر الله سبحان الله بعض النساء تكون نقمة لزوجها ماتدري أنه نعمه من نعم الله التي يجب أن تحافظ عليها أسأل الله رب العرش الكريم رب السموات والأرض أن يلين قلبها وتقر عينك وترزقك من حيث لا تحتسب |
اخي مظلوم الحب ما حبيت اخرج من الصفحه من غير ما ادعوا لك و لزوجتك .. ربي يوفقكم .. |
اقتباس:
الله يجزاك خير يارب علاقتها مع اهلها عايديه جدا مع اني عرفت انها تحب تنعزل بنفسها يعني طبعها هادي جدا مو مثل اخواتها وعلاقتها مع الناس ماهي اجتماعيه وقليلة الاختلاط |
اقتباس:
واهلها زوجوها صح واهي تعبانه صار اللي صار ويشوفون انها خفت عندهم لكن وضعها معاي مره تعبانه مختلف |
اقتباس:
انا متفائل خير دايم والحمدلله واني لازم اوديها عند اهلها لان اجازتي بتنتهي وبخليها عندهم تستمر على العلاج لان وضعها معاي مهي ماخذه راحتها ابد بشي تعزل نفسها حتى انا جالس اكلمك واهي نايمه الحين هذا وضعنا اذا جاء العصر صحيتها عشان تاخذ العلاج حتى علاج الاكتئاب تاخذه على جوع |
اقتباس:
اللهم امين الله يجزاك خير |
اقتباس:
الله يجزاك خير اختي أميرات |
الله يعينك ويجزاك خير على كل الي سويته
بس من جد هذي مو عيشه يمكن هي مو فارقه معاها الزواج او الطلاق انت كلمها يمكن الطلاق اريح لها وانا معاك لو تطلقها طلقه وحده وتخليها عند اهلها فتره وتشوف ؟؟ واذا ما تحسنت شوف لك حياه طبيعيه احسن من الحياه الي انت عايشها والله يسعدك ويوفقك ا |
الله يفرج همك .. ويشفيها ويعوض صبرك خير..
سؤال دائماً يدور في ذهني ..كيف ردة فعل أهلك ؟؟ هل هم راضين على وضعك ؟؟ وزوجتك هل تزورهم .. |
الله يختار لكم الخير ويفرج عنكم
|
ما عندي غير اني ادعي لك
الله يفرج همك |
جرب طلقة واحدة إذا شفيت معناها أنها تتعب عندك فقط وهذه مالها إلا أنكم تنفصلوا مادام أعياكم العلاج
وشكل اللي فيها مرض نفسي لازم علاج مكثف ومستمر الله يشفيها ومرضى المسلمين ويعوضك خيرا منها |
الله يكتبها في موازين حسناتك
و يشفيها و يعافيها |
اسأل الله العظيم رب العرش العظيم ان يشفيها اسأل الله العظيم رب العرش العظيم ان يشفيها اسأل الله العظيم رب العرش العظيم ان يشفيها اسأل الله العظيم رب العرش العظيم ان يشفيها اسأل الله العظيم رب العرش العظيم ان يشفيها اسأل الله العظيم رب العرش العظيم ان يشفيها اسأل الله العظيم رب العرش العظيم ان يشفيها احسن الله اليك كما احسنت اليها |
شوف لاتطلقها خلها عند اهلها وتزوج
لان قعداتها عند اهلها اريح لها واذا هي طلبت الطلاق بعد زواجك طلقها بس الزواج لابد منه وانت معذور وخير البر عاجلة خلي اهلك يدورون لك على عروس وان شاء الله ربي يوفقك ماله داعي التأجيل بالكثير على الصيف الزواج |
اقتباس:
الله يجزاك خير لا والله اهي ماتبي الطلاق ومافي وحده تبي الطلاق للمره الثانيه وتبي تعيش سعيده لكن غصب عنها وانا جالس اعالجها |
اقتباس:
الله يجزاك خير يارب ردة فعل اهلي واهلها كلهم عارفين الوضع وانها تعبانه وانهم ويتمنون تتشافى وبالنسبه للزيارات اهي في مدينه وانا في مدينة اهلي ولا اقدر اخذها واهي بالحاله هاذي اهي مو مرتاحه واحنا لحالنا الوضع صعب اني اخذها الحين وردة فعلهم طبعا انها تتشافى اوتزوج او طلقها هذا كلام الوالد وانك منت صغير وهذا شي راجع لك انت وانت حر وانا والله ان اذا اتخذت هالقرار بيكون من نفسي ولا اسمع لاحد |
رفوف
fafi الله يجزاكم خير |
اقتباس:
والله فكرت اني اذا رجعت اطلقها طلقه لكن بعد ما راجعت الدكتوره فقلت اصبر خصوصا كثفت عليها العلاج لان الدكتوره تقول اللي فيها يكون اكتئاب شديد وانا اتوقع ذلك بالاضافه الى الى احتمال يكون طبع يجزاك خير |
جداويه وافتخر
ملكي هو الله يجزاكم خير |
انت اعرف بنفسك وبحاجتك وقدايش ممكن تصبر
الله يشفيها ويرفع عنها الضر ويرحم حالها ويكتب لكم الخيرة الطيبة |
اقتباس:
والله يااختي احيانا اقول الطلاق حل لنا واحيانا اقول ماني مصدق اني اطلق صح ماارتحت بحياتي ونفسيتي تعبت والله ولاحسيت اني متزوج لكن سبحان الله كذا حبيتها بدون اي شي وراحمها لكن نفرض لكن الواحد يفكر كيف يستقر ويفكر بالعيال ابيلها الخير لكن التعب الله يشافيها ودي اسعدها بس ما قدرت اهي قالت عند الشيخ انا ما ابي الطلاق حتى سالتها باخر مره موقف شوي انفعلت فيه وقلت لها انتي تبيني تقول ايه لكن ما تغير شي والله مسكينه والوالد قال اصبر فتر اسبوع اسبوعين وربي بعوضك لكن والله قلبي مدري ليه مهو مطاوعني وبالفتره هاذي انا راجعت الدكتوره رحت لها وشرحت لها وضعها معاي وقالت بالعكس حلو عشان تفيدني بالعلاج ويبعى لها جلسات حتى الدكتوره قالت اصبر هالفتره ما دام انك صابر هالعمر وان شاءالله تتحسن وعندها موعد بعد اسبوع وتحليل للهرمون حتى قلت للدكتوره المسااله مو مسالة علاقه مسالة عدم مبالاتها بيني وبينها حاجز عجزت اشيله عنها مو قادره تاخذ راحتها معاي في شي |
جزاك الله خير الجزاء على صبرك وإحتسابك للأجر كثر الله من أمثالك في هذا الزمن الذي قل فيه من يتصف بهذه الصفات.. أسأل الله العظيم رب العرش العظيم أن يشفيها ويذهب عنها وعنك وعن جميع المسلمين كل مكرووه.. |
اخي....الله يعينك و يشافي لك زوجتك
طول بالك عليها دام انها تتعالج و انت تواصل مع الدكتوره و ان شاء الله ربي يشفيها |
في عصر السلف راى احد الصالحين رؤيا طيبة في رجل
فذهب اليه وساله عن حياته وعن اعماه الصالحة فقال الرجل: اني لا اجد لنفسي ماتقرب به الى الله من عمل عملته ارجى لدي من امراة خطبتها ولما دخلت عليها وجدتها شديدة القبح وقد اقعدها مرض ألم بها .. لكنها تحبني حبا جما فلزمتها ولم اهجرها ولم اتزوج عليها وكنت اذا خرجت لحاجة لي تمنعني فلا اكثر عنها الغياب ولم اكن اجد في قلبي لها ميلا وكان هذا حالي معها حتى ماتت هذه القصة موثقة في كتب التاريخ الاسلامي ولكني لم اكتبها بشكلها الصحيح بالضبط كما جاءت ولم اكتب حتى الاسماء الموثقة لاصحابها والسبب في استعجالي قبل ايراد المصدر والاسماء الصحيحة هو اني تذكرتها عندما قرات مواضيعك ومعاناتك مع زوجتك جعلها الله في ميزان حسناتك فلم استطيع تاخير القصة عسى ان تجد فيها مايسليك ويشد أزرك من جديد لكن لي عودة باذن الله مع ذكر المصدر الصحيح للقصة وذكر الاسماء الصحيحة لاصحابها |
اخي الكريم فرج الله همك وشفا زوجتك وجزاك الله خير الجزاء على وقوفك وصبرك على زوجتك
|
يارب ياحي ياقيوم تفرج همك وكل مهموم وتسعدقلبك باللي يســـــــرة وتقومهابالسلامة ويجزاك كل خير
اصبرصبرت كثير وان شاءالله تتشافى يارب ودووامرضاكم بالصدقة والله يكون بعونكم |
اقتباس:
الله يكتب اللي فيه خير يارب احيانا اقول بتزوج واخليها على ذمتي واذا طلبت الطلاق بطلقها واحيانا اقول ابداء حياه جديده اذا ما فيه امل ولا فيه تحسن وبطلقها لان قليل اللي تلقى زوجه تكون ثانيه وزوجته على ذمته ويجزاك خير لكن الزواج بالصيف ههههههههه انا والله يبيلي اراجع حساباتي ونفسيتي تتحسن لان صرت اشوف العزوبيه افضل الحين |
ورده بين الثلوج
burberry بنت ابوي فلها وربك يحلها الله يجزاكم خير على دعواكم ويجعلها في ميزان حسناتكم |
اقتباس:
الله يعطيك العافيه يارب وانا ابي الاجر وابي اعالجها وبنفس الوقت ابي الستر |
بشرنا أخوي وش أخر أخبارك
الله يسر أمرك والله اللي مثلك قليل في هالزمن |
والله عجيب يعني يوجد اعضاء ماعدهم غير طلق طلق وميدرون هو ابغض الحلال ياما وياما رجال تحملوا زوجاتهم وامراضهن طول عمرهم ولافكروا يطلقوهن يعني اطلقها لان هي مريضه ليش ميوكف اوياهه الى ان تصحى وهو يؤجر على فعلته ياناس لازم انحط الله بين اعيونه من نحجي
اخي الكريم انتظر زوجتك لازالت مريضه لاتستعجل الى ان تصحى ادعي لها وسمعها كلام حلو ودللها وانطيها الثقه بنفسها وكل هذا بعين الله |
| الساعة الآن 02:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©