|
حائرة بين ولد عمي وبين العريس المتقدم !
السلام عليكم ورحمه الله وبركاته .. كيفكم اخواني .. كثير اشخاص امدحوا لي منتداكم وعندكم حلول طيبه وممكن تساعدنيٌ .. انا بنت ابلغ من العمر 19 سنه .. مخلصه الثانويه وناويه اتوظف .. جميله جدا < :22::22: مشكلتي مع ولد عمي ٌ .. وخواته !! عندي ولد عم اصغر مني بثمان شهور .. تقدم لخطبتي لما كان عمري 15 سنه ورفض ابوي وقال انتوا صغار ع الزواج واانا ايضاُ رافضه الفكره .. بعد ماكبرنا وصرت بـ الثاني ثانوي .. جاء عمي ومرت عمي وولدهم لخطبتي .. قال ابوي خلاص بس تكمل دراستها يصير خير .. طبعا هو دايم يرسل خواته لي ويقول انه يحبنيٌ وانه مايفكر بغيري .. انا شعوري عادي لاحب ولاكرهه ودايم مايرضى احد يجيب اسمي بزعم الغيره .. طبعا من اخوانه .. خلصت الثانويه وهو خلص معي وتوظف .. وصار له فتره متوظف واموره تمااام وكل شي تمااام ... بس الغريب انه لحد الحين ماتقدم !!! وخواته يجوني ويقولون بيجي الاسبوع الجاي عشان نسوي ملكه .. ومر الاسبوع وسافر .. وبعد السفر قالوا بيجي يخطبك !! وهذا هو صار له 3 شهور من رجع ولاتكلم ولاشي وحتى هله ..!!!! والمشكله انه كل ماتقدم لي واحد .. مجرد مايسمع انه فلان تقدم لي يروح بيته ويقول هي لي ويويلك ان قربت منها وربي بقتلك !!!! ووصلني كلام قبل كم من يوم من خواته يقولون " اخوي يقول ماراح يتزوج الا لما يأسس نفسسه " .. قمت قلت لاامي .. وقلت يمه تراني مب لعبه عنده !! وانا مااقولكم اني انتظره !! وربي ولاهمنيٌ / بس هلي يحبونه لانه متدين وطيب ورجال كفو واخلاقه حلوه .. بس ليش لاهو راضي اللي يتقدم لي ولاهو راضي اني اتزوج غيره ؟؟ انا كلمت اخوي بالموضوع .. قال خلاص انتظري شهر اذا ماتكلم ولاجاء وخطب رسمي ينسسى شي اسمه بنت عمه له ..! المهم الحين تقدم لي دكتور بالجامعه .. ويموت فيني .. وهلي موافققين عليه .. هو رجال ظروفه حلوه .. متدين وخلوق ورجال كفو وكل هذا الكلام من عند ابوي واخوي وخالتي لانها تعرفه من اقارب زوجها .. بس مشكلته جنسيته مش مثل جنسيتي .. .. الحين احترت ؟؟ وش اسوي .. افيدوني .. انتظر وولد عمي ..! والا اوافق على الثاني ؟ الاشراف: تم تغيير العنوان ليناسب المضمون ,بالتوفيق |
اولا- الله يتمم لكي بخير ثانيا-صلي صلة إستخاره , و ربي يقدم لك ما فيه الخير ثالثا-انتظري ولا تستعجلي دوبو عمرك صغير رابعا- بالتوفيق ياااارب العالمين. |
اقتباس:
تسلمين يآقلبيٌ .. وان شاء الله بصلي صلاة استخاره .. بس بخصوص عمري صغير احنا نسوي ملكه يعني سنه عقبه زواج .. تسلمين قلبيٌ .. ويوفقك ~. ياهلا |
حبيبتي مافيه مثل الاستخاره
ومدرى شلون عندكم بقطر الزواج من اجنبي يعنى عادى ولافيه اشكال وبالتوفيق يالغلا ولاتستعجلين توك صغنونه |
استخيري والله يرزقك الزوج الصالح ;) |
اقتباس:
هلا ياقلبيٌ .. عندنا الزوجه القطريه وعيالها يعاملون مثل معاملت المواطن والقطريين في كل مكان المدارس والمستشفيات وكل مكان .. وبعد فتره يستلمون الجواز والزوج كذالك .. بس فتره مابين 12 سنه تقريبا .. بس لازلت متردده .. ولم اجد الحل .. علما باان الشخص الثاني المتقدم لي يبلغ من العمر 25 اي اكبر مني بست سنوات .. بانتظاركمُ |
اقتباس:
آشكرٍك اخيٌ .. والله يوفقكم جميعآ .. |
اختي استخيري
وترى كل شي ربي كاتبه بس الانسان بطبعه عجوول ووالحده مننا ما تدري وي نصيبها يمكن يكون ولد جيرانك ويمكن لا ولد عمك ولا الاستاذ من نصيبك اتوكلي على الله وسلمي امرك له |
ونعم بالله ياقلبيٌ ..
بس هلي منتظرين رأيي بالموضوع .. يعني ارفض الدكتور والا شلون ؟؟ صليت استخاره مره اقول بوافق ومره تتغير نظرتي وتوني حايره ! ! |
عزيزتي برأيي الأفضل لك أن تنتظري ابن عمك...لأنه يحبك كما تقولين.. وقد يفتعل المشاكل وتُختلق حساسيات أنت في غنى عنها ان وافقت على المتقدم... هذا ان كان ابن عمك شخصا مناسبا.. تحياتي.. |
شخصياً لا أحبذ اختلاف الجنسيات في الزواج.
ولكن بغض النظر عن ذاك العريس .. وبغض النظر عن قبولكِ أو عدم قبولكِ له .. فأرى أن الموضوع لا يجب أن يكون مربوطاً بابن عمكِ أساساً. وبصراحة أكثر .. موقف ابن العم هذا غريب وغير مفهوم وغير لائق .. وليس فيه من التقدير والاحترام شيء .. لا لكِ ولا لأهلكِ. يعني حضرته استطاع أن يتقدم لكِ مرة عندما كان عمركِ 15 سنة ومرة عندما كنتِ في الثاني الثانوي .. والآن بعد أن كبر وتوظف وقرر فجأة أن يؤسس نفسه أولاً لا يستطيع أن يتحدث مع والدكِ في الموضوع ويوضح له موقفه ونيته وقراره ويخطبكِ منه على الأقل حتى لو بدون عقد قران؟؟ .. وبدلاً من ذلك نراه يتهجم على عيال الناس ويهددهم؟!!!!! .. هذا الذي تقولين عنه (متدين وأخلاقه حلوة)؟!!!!!!! ثم .. كيف يعني يذهب لمن يتقدم لكِ ويهدد بقتله؟؟ هذا يا أختي تصرف في منتهى السطحية والاندفاع .. ويعبر عن شخصية هوجاء لا تفكر جيداً ولا تقيم وزناً لأي أصول .. ولا أتخيل أن رجلاً عاقلاً ناضجاً يحترم نفسه يمكن أن يسلك هذا المسلك ويتصرف هكذا!!!!! وبدلاً من أن يتصرف كالأطفال .. فالمفترض أن يتصرف كرجل ويتحدث مع والدكِ .... أما وهذا مسلكه فلا أرى أنه يستحق منكِ أي انتظار. |
اختي حايره حياك الله معانا في هالمنتدى الطيب
انصحك اختي انك تستخيري الله اكثر وانا اعرف ناس كثير في قطر ومتزوجات يمنين والله عايشين مرتاحين والحين واحد من اصدقاء زوجي عقد على وحدة قطرية وعرسهم قريب ومو شرط ترتاح الوحده مع واحد من نفس جنسيتها الله يوفقك اختي |
اقتباس:
اصبتي اختي مهره جزاج الله كل خير يالغالية |
::::::::::::::::::::::::::::::::
اختي الفاضله حالمه.... بالمختصر المفيد شخصيه ولد عمك من خلال تصرفه الهمجي بالتهديد بالقتل غير مطمأن... انصحك بانك لا تفكرين فيه ... واقبلي بالي جاء وشاريكي... بالتوفيق |
وعليكم السلااااااام ورحمه ا لله وبركاته
اختي نصيحتي لك تنتظرين ولد عمك القريب احسن لك من الغريب وعن تجربه اقولها لك انا كان ولد عمي يبيني وتكبرت عليه وتزوجت من برا العائله مرات اقول ياليت تزوجت ولد عمي لو ماحبك كازوجه بيحبك على اساس انك بنت عمه وهذا رائيي لا اكثر وموفقه قليبي الله يختار لك الصالح وتتهنين يااااااااااارب |
اقتباس:
جزاك الله كل الخيرٍ .. فعلآ هو اسلوبه اسلوب اطفال .. واخلاقه وشخصيته انا مااسمعها الا من الاهل .. يعني مااعرفه شخصيآ .. وانا فعلآ صرفت النظر عنه .. ولم يعد لي اي شيُ .. آِشكرٍك غاليتي .. اسلوبك ريحنيٌ .. لاهنتيٌ |
اقتباس:
ونعم فيه .. كلنا اخوه وعرب .. اختي الهدى صحيح انا اعرف صديقاتي ماخذين .... ومرتاحين جدأ .. اشكرك على تعقيبك الطيب .. وكلماتك الرائعه .. اسعدني مرورك .. يآهلا |
اقتباس:
فعلا انا لااظمن بكره وش يحصل لي معه .!! لذالك سأستخير للمره الثالثه عسى الله ان يكتب لي ولكم مابه خير .. لآهنتٍ على المررور الطيبٌ .. وكلماتك الطيبه .. |
اقتباس:
آصآبع يدينك ماهي سوآ .. يمكن يكون الغريب اصدق بحبه واخلاصه ومعاملته الطيب معي من ابن عميٌ .. اسسعدني مرورك .. واتمنى لك حياه سعيده مع زووجك / ولاتندمي على شيٌ ! ياهلآ |
اقتباس:
تعمدت ان اجعل ردك الاخيرٍ .. سبحآن الله .. في العصور السابقه او بالاصح ايام الرسل والانبياء , كانت العرب تقول مسلم وكافر , وهالأيام ..! صار بين المسلمين !! اللي يقول بدو وحضر ..! ليه تفكيرك نازل كذا ؟؟ وبعدين دكتور جامعي وتقولين 25 ..! وش الغريب طيب ..؟ ياماما العالم وصلوا القمر وسكنوا فيه وخلصوا .. وانتي مستتكثره واحد عمره 25 يصير دكتور !! عموما لاهنتي .. |
اذا تبين الشور
ابن عمك ولا الغريب الدنيا واحوالها مب دايم عسل واذا صار عليه شي لا سمح الله وقال على بلده وانتي عندك عيال وش تقولين لا لا لا يأخذ اعياله وانتي بقريح لو كان قطري حتى لو كان من قبيله أخرى لا بأس لكن نصيحه مني لللللللللللللللللللللللللللللللللللللللللللا والف لا الفقر وأبن العم والا الغنى والغريب |
اختي وفقك الله لكل خير انصحك قبل كل شي الإستخاررررررررررره اكثر من مره وخاصة اذا كان اخلاااقه ودينه ممتاز شي طبيعي نفضل ابن بلدنا لأسباب معروفه لكن اذا كان نصيبك مع المتقدم وهو فعلا اخلاقه ودينه وامين فالله يوفقك المهم لاتستعجلين فكري من جميع النواحي الله يوفقك لكل خير |
hkh
انا اقولك اكثرى من الاستخارة |
ما دامك ما بتعرفي ابن عمك معرفة شخصية فلا تقارني بينه و بين العريس
فكري بالعريس المتقدم بغض النظر عن ابن عمك و حاولي تعرفي عنه كل شي قبل ما توافقي و اذا قررتي انك توافقي على الخطبة مبدئياً استخيري مرة و مرتين و عشرة حتى ييسر لك الله اللي فيه الخير فكرتي انك ما تردي العرسان من أجل شخص (ابن عمك) الذي لا تعرفينه ممكن يكون ابن عمك مو مناسب لك |
انا اشوف ان ابن عمك افضل
يحبك وفيه كل المواصفات الحلوه ليه تغامرين وتاخذين واحد اجنبي وبعدين انتي توك صغيره ليه مستعجله كملي دراستك لحد ما يكون ولد عمك نفسه |
غاليتي لمــاذا لايذهب أخيك... لابن عمــك ويسأله عن نيته من الزواج منك..!!
وهل هــو جازم... ومتى يحسـتم أمره!!! ويخبــره بأن هنــاك الكثير من الخطاب من يريدونك.... ان كان فعلا يريدك.. فليحسم امره ويأتي لخطبتك.. لكــن لاهــذا ولاذاك هــذا فعلا امر غير طبيعي وليس من الافــضل ان تبقي هكذا ... جربي ... موفقــه عزيزتي.. |
كلام مهرة عن ابن عمك عين العقل .. معها في كل الي قالته
أنا من رأيي أنك تصبرين على نفسك شوي عشان تكون نظرتك للزواج وللرجل بشكل عام أكثر نضج واستقرار .. لأني شايفتك الحين أن أهم شي عندك أن أحد يجي يخطبك وبس يعني تبين بس مظهر الزواج العام .. ولا تفكرين في عمق العلاقة توك صغيرة .. مستعجله على الزواج ليييييييييش ؟؟ وإذا تبين تتزوجين وبس ياكثر المتزوجين ... بس كم وحدة سعيدة .. وكم وحدة مستقره .. وكم وحدة متفاهمه مع زوجها .. ترى الزواج مو صعب ممكن يتم بين يوم وليلة وبكلمة وحدة ( موافقة ) .. بس وين الشخص الي نتوافق معه .. وهالكلمة ما تدرين عنها بتدخلك نعيم والا جحيم وعلى فكرة أختي أنا ما ألومك على تفكيرك لأن تقريباً كل البنات في سنك هذا تفكيرهم وبعدين انتي ما تدرين عن طباعه ....... وهل تتوافقين معه أو لا ترى الطباع وثقافة البلد والبيئة تأثر على الانسان بشكل أساسي أنتي ما تدرين والكلام يوصلك من بعيد لو خليجي كان قلنا طباعنا تتشابه خاصة أن روابط الخليج مع بعظهم قوية من زمن بعيد وعلاقتنا مع بعض مش بس جوار .. بينا روابط دم .. واحنا اساساً بينا قرابه قديمه فممكن نمشي الحال طبعاً ما أتكلم بعنصرية .. أنا أتكلم عن تناسب الطباع فقط وبعدين انتي ما تعرفين الدكتور صحيح .. وش عرفك أنه يحبك ويموت فيك ومن وين جاء هالحب وانتي ما تعرفينه ولا يعرفك وش حب فيكِ .. عشانك جميله يعني اي شخص جميل الوجه الناس تنجذب له بس ما تقول حبيته ومت فيه على كل حال هذا رأيي واستخيري الله عشان ما تتوهقين على صغر مع أن هالموضوع مو راضي يركب راسي |
ولد عمك افضل مليون وخصوصا ان صفاته ممتازة ويزيد عليها بحبك و وكونه ولد عمك بيكرمك لقربك منه و عيالك بيحملون اسم العايلة فراح يعاملوهم اهلك مثل عيالهم مو عيال واحد غريب عنكم
وبعدين وش يدريك ان الرجل ليس له مطامع كالجنسية وغيرها لو قدر الله انفصال بيأخذ عيالها على دولة بعيده عنك غير اختلاف الطباع بينكم وتوكم صغار 19 سنة خلي ابوك وعمك يتفهمون على خطوبة رسمية وعقد قران وتأخير الزواج سنتين او ثلاث سنوات |
اشكرٍكمٌ جميعا ..
ولي عودهـٌ يوميآ لاخبركم ماذا سوف يحصل معي اذا الله احيآني .. دمتم بخير .. |
الله يوفقك للي فيه صلاحك يارب...
رأي إنك توافقي على الدكتور...فارق 6سنوات حلو جدا بين الأزواج...والرجال مستعد وتقدم رسمي...أما ابن عمك فللحين صغير على سالفة الزواج ومسؤولياته..... أما إذا كان قلبك مايل لبن عمك وهو شاب زين وكفو...انتظري..بسبشرط: خل ابوك يكلم عمك ويسأله..إذا ولدكم عندكلامه وللحين يبي بنتنا أو نمشي البنت إذا جاها النصيب... ما أتمنى يصيدك موقف بنت خالتي..كان جارهم متكلم مورسمي إنه يبيها...ومن أحد يخطبها يقوم الدنيا ومايقعدها...لين الناس قالوا البنت محجوزة وبطلوا يخطبونها ...وهي تحبه ومتعلقة فيه..وانتظرته تقريبا 12سنوات..وكل يوم يقول بجي مع أهلي ونخطبك رسمي..وبس كلام.والكل يقول لأبوها روح كلم أبوه واسأله عن موقف ولده وهو رافض الفكرة...وبعدالسنوات قال إلى أخواته يوصلون لها كلام: أنا أبي أكون نفسي كامل ومأبي أقصر عليك بشي وأبي أسوي لك كذا وكذا...وظل يقول من هالكلام بعد سنة..لحد آخر شي انتقلوا من بيتهم وانقطعت أخباره..ومن فترة عرفنا إنه تزوج وعنده طفلين الله يحفظهم وهي صارت 34 وماتزوجت..وتعقدت من كل الرجال.. يعني إذا تبين تنتظرين ولد عمك تأكدي من موقفه.. الله يوفقك |
عن نفسي أنا ماأحب زواج الأقارب ولاأحب زواج الجنسيات المختلفه .. لو كنت مكانك سأرفض الاثنين لأن كل واحد منهم له عيب أكبر من الأخر .. وإنتي بعدك صغيره والفرص قدامك كثيره .. على العموم الله يكتب لك اللي فيه خير .. لكن بغيت استفسر منك عن شئ أثار استغرابي .. هل أنتي تقصدي بكلمة دكتور في الجامعه أنه متخرج من كلية الطب أم أنه حاصل على درجة الدكتوراه ؟ أنا مستغربه جدا بأنه يكون حصل على الدكتوراه وهو عمره 25 فقط !! الأمر مستحيل تماما مهما كان نوع تخصصه !! أقول هذا الكلام لأني أنا كمان أستاذه في الجامعه وحاصله على الماجستير وحاليا مبتعثه في الخارج لتحضير درجة الدكتوراه .. ومن خلال احتكاكي بالوسط الأكاديمي سواء في بلدي الأم أو في بلد دراستي .. أو حتى كل من عرفتهم من طلبة معي في الدراسات العليا لم أسمع ابدا بشخص حصل على درجة الدكتوراه في مثل هذا السن الصغير !! أكيد إن في الموضوع خطأ ما .. ويجب أن تتحروا بدقه عن هذا العريس .. لأنه ربما قد يكون كذب عليكم في حقيقة وظيفته الأكاديميه في الجامعه أو ربما في درجته العلميه أو ربما حتى في عمره الحقيقي !! |
اقتباس:
بارك الله فيك وجزاك خيرٍ .. انا قلتها سابقآ واكررهآ .. انا صرفت النظر عن ابن عميٌ .. اما العريس المتقدم .. فهو من جنسيه اخرى .. لذالك .. ساارفضه .. ومازلت صغيره .. لكن مشكلتي الناس .. بيقولون ترفض الناس عشان ولد عمها .. صحيح كلام الناس لايودي ولايجيب .. لكن يؤلمٌ .. كفآيه ان بعض الكلام يجي من اهله .. اشكرٍك حبيبتيٌ .. |
اقتباس:
اهلن عزيزتيٌ .. يمكن كلامك اقنعيٌ .. لان الطرفين فيهم مشكله ليٌ .. بخصوص العريس الثاني لما سألت اهلي قبل مده قالوا انه يدرس الطب .. يعني ماخلص لحد الحين .. بالبدايه افتكرت انه دكتور بالجامعه اي استاذ بس اتضح انه شي ثانيٌ .. سلمتي على المرور .. |
| الساعة الآن 09:59 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©