هل الوقت مناسب للزواج وكم المبلغ المناسب ؟
 

السلام عليكم ورحمه الله وبركاته

الصراحه مدري من وين ابدا غير اني اقوللكم الله يفرج همكم وهم كل مسلم ويحل مشاكلكم ويرزق الزواج للي ما تزوج ويحفظ لكل واحد زوجه اذا كان متزوج

انا يا جماعه الخير وما لكم بالطويله متردد في امر الزواج مره اقول ان شاء الله نتزوج بدري ومره نقول خلاص بطلنا , انا ودي اكمل الجامعه انتساب والبنت اللي اهلي قالولي متى ما تبي تتزوج تراها موجوده سالنا عنها قالت امها الان عندها جامعه بعد ما تخلص من الجامعه نفكر وموضوع الموافقه بيد والدها يعني يمكن تحصلون منه الراي يعني الموضوع ماهو اكيد اني اتزوجها ابغى شوركم هل بمقدور عقد النكاح معها الان والزواج بعد ما تخلص الجامعه بعد ما نضغط على اهلها بالنسبه لسالفه الزواج يعني هل ترون انها بتصبر لمده ثلاث سنوات , الشي الثاني ما هو المبلغ اللي تشوفونه يلبي جميع اغراض الزواج لاني احتمال اقدم قرض على البنك وماني عارف كم المبلغ المناسب

وجزاكم الله خير لا تبخلون علي بنصيحتكم الله سعدكم

ولكم خالص شكري .


الاشراف: عذراً تم تغيير العنوان , بالتوفيق

يعني فتره 3 سنوات طويله

ولكن اذا كنتو انتو الاثنين تدرسون اخطبها رسمي وبعد ما تخلصون تزوجو

اما بخصوص القرض من البنك
فانصحك اخي بالابتعاد عن الرباء
فما اعتقد في قرض بدون ربا

قل امين الله يحفظك ويرزقك 34 مشاهده انت اللي رديت اشكرك من الاعماق

كيف يعني اخطبها اخاف اوقف في طريقها وتلقى واحد احسن مني ما ابغى اقطع رزق المسكينه

طيب بعد 3 سنوات اذا جهزت نفسك واستعديت للزواج ولقيت البنت مازالت موجوده ما اتخطبت ولا تزوجت اتقدم لها وعلى بركة الله .. واذا تزوجت او انخطبت فما اللك نصيب فيها وان شاءالله تلقى احسن منها
ربي يوفقك لما فيه الخير

,
,


ثلاث سنوات طويلة وانا أخوك

أنا أقول دامك ناطر ناطر 3 سنوات خلها بدون زواج لأنك اذا كنت متزوج ومحروم أقوى على النفسم من كونك عزوبي

فأنا أقول هالثلاث سنوات كون نفسك وشوف امورك وين بتصير والي الله كاتبه فيه الخير

,
,

ابشر ما طلبت شي الدعوه جاهزه ان شاء الله متى ما تيسرت الامور

انا عمري 20 وانا ارى ان هالسن مناسب بالنسبه لكثره الفتن في هالزمن الله يبعدها عني وعنكم

ابو فلان - missfofo - dimound

جزاكم الله خير على هالنصائح القيمه واشكركم من الاعماق

مره اخرى شاكر لكم مروركم

شوف والله 3 سنوات صعبة انك تخطب بنت ما اتوقع احد يرضى فيها

لانك لو انك مقتدر ماليا واهلك موافقين توكل و تزوج علطول الحين ليه الانتظار 3 سنوات

خير البر عاجله والله يكتب لك اللي فيه الخير

ما أدري ليش .. حاسة أنك مو متحمس لا للبنت ولا لفكرة الزواج من الاساس

وبس تبي تستشير .. طبعاً هذا شي حلو وما خاب من استخار ولا ندم من استشار

من رأيي إذا عندك رغبة واستعداد نفسي واجتماعي واقتصادي انك ترتبط وتتحمل مسؤولية بيت

وزوجة وإذا كنت راغب في هذي البنت بالتحديد توكل على الله

لكن أنا شايفه أنك تصبر .. لأنك في السنة الوحدة راح تتغير الف مرة .. حتى نظرتك للزواج راح تتغير

ومواصفات البنت راح تتغير في ذهنك .. يعني كلما نضجت أكثر كلما صارت نظرتك أعمق

فلا تعلق البنت 3 سنوات لأنك بعدين يمكن ما تبيها بسبب نظرتك الجديدة الي بتتكون

وهي خلها حرة تجيها فرص كثيرة تختار من بينها الي تستقر معاه والي يستقر عندها

عمي متزوج وعمره 18 ومعه الان بنت رغم حصول بعض المشاكل له

وانا والله ودي بالزواج لاني مقدر اصبر طول هالفتره الفتن اغرقتنا والله في كل محل اعوذ بالله كل ما تشوف مغريات شي تقول ياليتني متزوج والله ما فيه مثل الزواج المبكر صراحه

والله صادق الماده هي اساس البلاء لكن الحمد لله وضعنا احسن من غيرنا

انا ودي بالزواج اليوم قبل بكره من هالبنت لاكن اللي خلاني اتردد رد اهلها كان شوي صعب وثاني شي كثرت الاراء المتعدده اللي قلبت مخي مدري متى اتزوج بعد سنتين او اذا اصبح عمري خمس وعشرين شي يحير بالفعل لاكن الله ييسرها قولوا امين

يا اخي واضح من كلامك انك مستعجل في الزواج و لا تستطيع الانتظار ثلاث سنوات .. لذلك نقول لك توكل على الله لكن احسن الاختيار و تأكد 100% ممن تم اختيارها و الله يوفقك

الله يعين ويعطيك الف عافيه على مرورك يالحبيب