|
اعاني من خيانة زوجي كيف اتفاهم معه
السلام عليكم ورحمة الله وبركاته ...
باختصار انا انسانه متزوجه واعاني من الخيانه الزوجيه قصتي زوجي يخوني مايجلس في البيت يطلع كل يوم ويسهر للفجر مع اصدقاءه غير الشرائح السريه وجواله يضربني اذا مسكته لو لمسته ودائما اقوله لاتسهر ولاتطلع وتخليني لحالي يقول عناد فيك بكره اطول اكثر وفي احد الايام وجدت له محادثات عن طريق الايميل مع اصدقائه يطلب ايميل بنات وصارحته بالشي هذا زعل وصار ينام بغرفه لحاله وعنده الانترنت لما دخلت عليه كان يعصب ويقول ليش جايه ولما فتحت الجهاز من بعده وجدت له محادثات مع بنات وغير مواقع الشاتات اللي داخلها المهم في قصتي زعلت وطلعت من البيت وانا عند اهلي صار لي شهر وانا الحين حامل في الشهر التاسع وزوجي جاب لي هدايا واغراض للبيبي لكن مايتصل ولا يسال ولا حتى اعتذر ولا قال ارجعي خصوصا اني على وجه ولاده وبكل الاحوال جالسه عند اهلي ان رجعت لبيتي راح ارجع كم يوم بس لما اولد ارجع لااهلي ...ولما اتصل عليه الوالد قال له تعال قال انا ماجي خلها تجي للبيت الحين ابي الحل وابي شوركم اتصل عليه واتفاهم معاه ولا اتركه لما يجي على فكره مو اول مره ازعل دايم ازعل ويقول لي خلاص ماخون لكن الحين حسيت انه كل شوي يزود من كثر ما اسامحه هل اتصل عليه اول ارسله مسج واتفاهم معها او اتركه لما يجي هو لي ارجوكم ابي رايكم بديت اتعب ماني عارفه ايش اسوي مابي اتصرف تصرف يقلل من قيمتي لانه ماترك لي اي احترام خاني في بيتي ولا قدرني ومابيه يتخاذلني وبنفس الوقت مابيه يروح مني .... ارجوكم ابي حل تم تعديل العنوان ليتضح المضمون الإشراف |
اختي الحبيبه
انتٍ أخطأتي بتركك لبيتك كنتٍ المفروض تاخذي موقف بس ما تتركي بيتك ابداااااااااا المهم قدر الله وماشاء فعل خلينا في وضعك حاليا انا من رأي انك تكلميه وبمنتهى الذوق والادب وتناقشي معه وان شاء الله تتوصلوا لحل وتولدي بالسلامه وترجعي لبيتك ان شاء الله |
عليكم السلام ورحمة الله وبركاته
عذراً .. يُنقل للقسم المناسب .. |
اختي ام احمد
زوجي من النوع اذا جلست عنده وانا اعرف انه غلط يزيد في خطاه ويجرحني ولا يهتم فيني ماكأني موجوده بالبيت اظطر الى الخروج من البيت ومشكوره حبيبتي وين رايكم مشاهدات بدون رايكم ابي رايكم الله يسعدكم |
مسكينة المرأة إذا خان زوجها قالوا لها اجلسي في بيتك وحاولي تصلحيه !!
واذا خانت المرأة زوجها قالوا لزوجها طلقها وخلها تنقلع ولا تربي عيالك وحده فاجرة مثلها !! سبحان الله الخطأ يبيّن على المرأة أكثر من الرجل !!! وكما يقول المثل العامي ( الرجال عيبه بجيبه ) عجيب !! نظرة تخلّف ومجتمعنا متخلف لا يراعي مشاعر النساء !! اختي خليك قوية معاه وطنشيه وخلي أبوك يتفاهم معاه ويوقفه عند حده !! ترى بعد كذا راح يتمادى وماينفع فيه شيء .. لكن خليه يحس بفقدك !!! وبقدرك !! |
بصراحة أختي كرامتك وين ....
والله لو عندي كومة عيااااال منه ماأهين كرامتي.... إنت قولتيها أنا جالسة في بيت أهلي لي شهر لاسأل عني ولاشي وبعدين تكرم عليكي وجبلك هدايا وأغراض للبيبي وبعدها ولا شوفتيه.... سامحني أختي أنا أقولك لا ترجيعلو ولاتخليكي لعبة بين إيدينوا متى مابغى يجيبك يجيبك ومتى مابغى يرميكي يرميكي إنت إنسااااااااانة وعندك كراااااااااااااامة الله يقومك بالسلامة .... تحياااااتي |
معك حق مشكله والله يوم ازعل واترك البيت احسه يفقدني ويتغير معي بس اصدقاء السوء مايخلون احد بحاله وانا قلت كذا بداية الموضوع بس بعدين الكل حسفني وقال لا تتركينه وتتركي له المجال والرجل اذا يبي يسوي شي يسوي شي سواء زوجته عنده ولا موعنده بالعكس اشوف الزوجه اذا ماتزعل يزيد وياخذ راحته اكثر وانا محتاره الحين اتفاهم معاه ولا اتركه لما يجيني واحس انه تغير مشكوره حبيبتي على طرحك
|
سماسم مشكور حبيبتي على طرحك فعلا الامور وصلت حدها والله ضعت واحترت اكثر ناس تقول ارجعي وناس تقول اتركيه
|
أختي الكريمة
قريت ان المراه اذا كان زوجها زاني تطلب الطلاق لان استمرارك معه دليل على رضاك بالزنا والاخوان اللي يقولون لك اجلسي عنده هذا مايستاهل يكون اب اومربي ومن يتق الله يجعل له مخرجا أخواني واخواتي ياااااااااااااااسفاه يوم القيامة تسالون عن كلامكم أحد الاخوة خانت زوجته قوم دنيا وقعدها ومصيرها طلاق كلهم واحد جريمتهم بشعه لو تتزوجين واحد معه 3 حريم ارحم من واحد زاني اطلبي الطلاق وأسالي شيخ هل ترضون الزنا لاحدى خواتكم ؟؟؟؟؟ بالطبع لا كيف ترضون ان الزوجات يستمرون مع رجال زناة حقيرين ماخافوا على اعراض بناتهم ولا زوجاتهم |
طنشيه ووالدك هو يتصرف معه واي كلام تسمعيه طنشيهم حتى لاتشتت افكارك والللخ الا كلام العقل والحكمه لمصلحتكم لاتتساهلي كثيرا حتى لا يتمادى مااقدر اقووووووووووووول الا عليكي بالدعاااااااااااء في قيام الليل ولو ساعه كل يوم قرب الفجر كثرة الإستغفاااار لايقل عن 1000 باليوم وكثرة قول لاحول ولاقوة الا بالله بالدعاء واستغفار بنيه صادقه تنحل مشاكلك بإذن الله والله يفرجها عليكي |
أختي مواجهته بالخيانه من دون مايكون لك موقف قوي غلط وانا ماانصح بالمواجهه حتى لاتطيح الميانه بينكم
تذكري هو ماخانك خان ربه ودينه قبل كل شي000 أنصحك بمواضيع الاستاذه ناعمه الهاشمي حتفيدك كثير سوي بحث بقوقل 000 وأتبعي كلام عقلك 00 التعامل مع الخاين يحتاج الى صبر وطولة بال وقوه بالقلب وحكمه بأتخاذ القرارات أستخيري كثير وادعي ربك الله يهونها عليك ويلهمك الحكمه والرشد والصبر000 دمتي بود |
اياك والعودة الى هذا الرجل...يضرب, يخون, يسهر مع أصدقاء السوء, لا يهتم بك أو يسأل عنك... ما هي الصفة الجيدة التي تجبرك على العيش معه؟ يا أختي اطلبي الطلاق وابدأي حياتك من جديد فرجل مثل هذا لا يستحق حتى مجرد التفكير فيه.. تحياتي.. |
الله يعينك اختي متزوجه .. زوجك تعوّد ان اقوى موقف تتخذينه اذا كشفتي خيانته انك تروحي بيت اهلك .. و صار عنده مناااعه من هذا الشي .. يعني ما يهمه الان اذا زعلتي و رحتي بيت اهلك لانك ما اتخذتي موقف قوي من خيانته لك من البدايه .. هل اهله على علم بخيانته ؟؟ هل وصل به الحال الي الخيانه الجسديه ام فقط عن طريق الهاتف و المحادثات ؟؟ واضح يا اختي ان زوجك يحبك بدليل ان يفتقدك اذا تركتي له البيت .. واضح ان سبب خيانة زوجك هو بعده عن الله .. و اصحاب السوء .. و اسلوبك في التعامل معه .. نعم يا اختي اكيد في خلل في اسلوب تعاملك مع زوجك .. واضح ان شخصيتك ضعيفه و لم تحتوي زوجك الزوجه اذا لم تكفي زوجها فكريا و نفسيا قد يتجه للخيانه .. خاصه اذا كان ايمانه ضعيف و ليس لديه رادع يمنعه من هذا الشي .. الم تتسائلي لماذا بعض الرجال لا يشبع من الخيانه .. لان الزوجه لم تشبعه نفسيا فيطلب المزيد و هذا المزيد من الخيانه لا يشبع نفسه فيزيد في الخيانه .. سؤالي هل انت فاهمه شخصية زوجك صح ؟؟ الحل يا اختي دام انك طلعتي من بيتك زعلانه مع اني لا أؤيد خروجك من البيت الا انك ظلي في بيت اهلك لحد ما يجي زوجك و يرجعك عشان ذيك الساعه ما ترجعي الي بيتك الا بشروط و مكتوبه و يوقع عليها انه ما يعود للخيانه .. حتى لو اضطر الامر ان تظلي لحد ما تولدي .. و بعد الولاده يا اختي اذا جا زوجك و راضاك كمان اشرطي عليه و قولي له ما راح ارضى الا اذا وقعت لي على ورقه و بحظور والدي انك ما ترجع الي عمايلك السابقه نصيحه يا اختي بعد الولاده لا تظلي لحد ما تخلصي الاربعين .. حاولي انك بعد 20 او 25 يوم انك ترجعي لبيتك و اهتمي بزوجك .. سؤال اخير .. كيف هي علاقتك بربك ؟؟ اختي تقربي الي الله اكثر بالصلاه و الدعاء و الاستغفار و ربي يقومك بالسلامه و يهدي زوجك و يسعدكم يا رب .. |
اقتباس:
اختي دلوعة حسين .. على هونك يا قلبي .. والله تخرعت يوم شفت ردك انا خابرتك تفكيرك كبير .. المرأه على وجه ولاده .. كيف تطلبي منها ان تطلب الطلاق من زوجها ؟؟ و هذا الابن من اللي يربيه ؟؟ مشكله زوجها لها حلول كثيره و لا تحتاج للطلاق .. |
اقتباس:
المعذرة منك خالة أميرات...وسلامتك من الخرعة :d أحسست بالقهر وما شفت ردها اللي كاتبة فيه أن زوجها يفتقدها...يعني ضرب وخيانة وحتى ما سأل عنها وهي على وشك ولادة...صعبة جدا... |
أنا أقول انتظري لما بعد الولادة الله يقومك بالسلامة في هذه الفترة حاولي
انك تخلين احد من إخوانك أو أبوك يكلم أحد من الصالحين يتعرفون عليه بطريقة او اخرى ثم يدعونه لجلساتهم واجتماعاتهم ولا تحملي هم لهم طرقهم لأن مشكلة زوجك بعده عن الله والرفقة السيئة عليك بالدعاء له بالهداية وتحري أوقات الأجابة .. لابد ان يدرك تصميمك على موقفك وعدم رضاك بتلك الحياة المهينة معه ..ولا ترسلي له مسجات أو تتصلي به بعد ما تولدين وترجع لك عافيتك خلي ابوك يطلب منه يحدد موقفه بحث يطلب منه يجتمع فيك وتحلوا مشكلتكم وأنت لازم تكوني مستعدة لهذا اللقاء بهندامك وشكلك والبيبي مكشخ ويسلم علية وأيضا تكوني مجهزة شروط وتبيني ثقتك بنفسك وعدم تنازلك .. الله ييسر أمرك |
زي ما قالوا الاخوات اصبري لحد ماتولدين يمكن شعوره بالابوه تغير منه وعليك هذه الفترة بالدعاء والاستغفار
وبعد الولادة المواجهه معه وبحضور احد من اهلك ذو عقل راجح |
مشكله زوجها لها حلول كثيره و لا تحتاج للطلاق ..[/SIZE][/CENTER][/QUOTE]
nمع اني اتفق معاك في كثبر اراء الا موضوع الخيانة الزوجية ابدا ما اتفق معاك ,, وبالله ممكن سؤال !!! هذا ردك للاخ ( الخيانة مرة) وغيره اللي يتشكوا من خيانة زوجاتهم ؟؟؟ يعني مشاكل زوجاتهم مالها حلول الا الطلاق ؟؟؟ وزوج (متزوجة ولكن) له حلول كثيرة ؟؟؟ |
[
مشكله زوجها لها حلول كثيره و لا تحتاج للطلاق ... مع اني اتفق معاك اختي اميرات في كثبر اراء الا موضوع الخيانة الزوجية ابدا ما اتفق معاك ,, وبالله ممكن سؤال !!! هذا ردك للاخ ( الخيانة مرة) وغيره اللي يتشكوا من خيانة زوجاتهم ؟؟؟ يعني مشاكل زوجاتهم مالها حلول الا الطلاق ؟؟؟ وزوج (متزوجة ولكن) له حلول كثيرة ؟؟؟ |
والله وانتي صادقة ياجناين ورد
امرهم عجيب هالمنتدى اللي يدخل المنتدى من رجال يتحمس انه يخون لان زوجته بتسكت أختي ماعندك حل الا الطلاق وانت اقدر تربينن عيالك بعيد عن الاب الديوث بالله لو كبروا عيالك وسوا زي ابوهم وردعتهم ويش بيقولون لك زي ابونا لكن لو طلقتي وسوا نفس العملة بتقولين لهم انا طلبت طلاق منه يعرفون انه على خطأ كان أختي مالك الا الطلاق وربي بيعوضك زوج احسن منه |
اختي جناين ورد و تعبت والله انتو ما عندكم حل الا الطلاق ؟؟ هناك فرق بين خيانة المرأه و خيانة الرجل .. الرجل الخائن مثل الصياد يصيد و يرجع بيته و لا كأنه عامل شي .. لكن خيانة المرأه اعظم .. فانها تفتت عش الزوجيه .. المرأه تتحمل خيانة زوجها و تتحمل تعدد زواجه لانها اكثر متانه اسريه من الرجل .. لكن الرجل لا يتحمل خيانة زوجته فقد يشك حتى في ابناءه اذا كانوا من صلبه ام لا .. و قد يصل به الامر الي قتلها لكي يغسل عاااره .. انت يا اختي جناين ورد ما شفتي الاخ (الخيانه مره ) و ش كاتب ؟؟ يقول نفسي انحرها على فعلتها و هذا هو راكب راسه انه يقتل ابنه مع انه متأكد انه من صلبه !! شفتي الفرق بين خيانة الرجل و خيانة المرأه ؟؟ انت تنادين بالطلاق يا جناين ورد مع الاخت تعبت والله .. على بالك الطلاق سهل .. الرجل اذا طلق يستطيع الزواج بواحده و اثنتان و ثلاث و اربع .. ما يهمه شي .. لكن المرأه اذا تطلقت تنكسر .. مثل ما قلت المرأه اكثر متانه اسريه من الرجل .. بعدين هذه المسكينه على وجه ولاده و لازم تحاول و تحاول و تحاول ان تصلح زوجها .. ابتلينا هذه الايام بكثرة الخيانات و العياذ بالله .. و لو كل امرأه زوجها كلم وحد على التليفون او المسنجر طلبت الطلاق كان نص الحريم الان مطلقااات .. لا حول و لا قوة الا بالله .. |
اقتباس:
اتقي الله يا اختي .. وش عرفك انها اذا تطلقت راح تتزوج واحد احسن منه ؟؟؟؟ |
أختي اميرات
الزنا واحد وعقابه واحد فهاتي دليل واحد في الاسلام ان وضع الرجل ليس مثل وضع المراه أقولك كيف تبقى مع رجل لايخاف الله انا اطلعت على فتوى تبين للمراه ان لا تجلس معه لان هذا عباره عن رضاءها لا تقولين متانة وانكسار وهل امراه مات زوجها انكسرت وتفتت شأن الاسرة بسالك هذا السؤال كم من امراه ربت ولدها بعيد عن ابيها أختي اميرات ربي سيسالك يوم القيامة عن كلامك هذي اللي في مجمل حديثك كأنك تستيهين بالزاني ولا تستيهين بالمراه كلامك هذا جبتيه من عادات وتقاليد ماانزل الله بها من سلطان أختي لو كنت من السعودية الدولة الله يعزها سمحت لك بالضمان وتقدرين تطلبين من المحكمة نفقة اولاده لو فعلا كان زاني انتي ماتخافين من الامراض ,اختي اميرات افرضي نفسك مكان الاخت وزوجك خائن ولازم تفرقين بين ان رجل يتزوج باربع وثلاث فهو حلال وبين خيانة ولا تساوينهم ببعض اقتباس:
وانا اقولك لو شفت زوجي خائن عالطول ابلغ الهيئة لانه يستاهل اقتباس:
بتنكسر اذا ظل وهو موجود وكمان خائن هي الان مكسورة لكن لو تروجت بعده ماراح تنكسر وينجبر طيب اللي يموت زوجها بدون سابق انذار ومو كمان تنكسر اقتباس:
لو قتلته نفس الشيء اما مايخص من صلبه احب اقولك العلم تطورررررررر وصار في تحليل دي ان ايه بس احب اقولك اختي اميرات شيلي تفكير مجتمع ذكوري زمنا هذا مو زمن اول كلامك بالمختصر زي اللي يقول يارجال ازنوووووووووووا وانتم يالحريم اسكتوا لانكم مساكين شوفي اقعد طول حياتي بدون زواج افضل من رجل زاني احب اقولك لو زوجها مايصلي معناه كافر هل ترضين انها مسلمة تقعد مع كافر وقبل كل شيء اختي اتصلي على شيخ دين وقولي له سالفتك ؟؟ |
اقتباس:
اختي ويش بعد الطق والاهانة وخيانة ومن يتق الله يجعل له مخرجا نفس السؤال بسالك وش عرفك انها اذا تطلقت تتزواج واحد اسوء من زوجها ؟؟؟؟؟؟؟؟ وترى الطلاف له حالات وفي دي الحالة جائز كله في علم الغيب |
اقتباس:
المرأه تريد حل غير الطلاق ... وانت يا تعبت والله ما عندك حل الا الطلاق !!!! يعني انت ما عندك حل ابد الا كلمة طلاق .. فكري في حلول اخرى تستطيع ان تهدي بها زوجها يمكن زوجها اذا عرفت تتعامل معاه صح ينصلح حاله .. ليش هذا اليأس ... بعدين الزنى يحتاج الى شهود .. و هي تريد ان تستر على زوجها و في نفس الوقت تريد حل غير الطلاق .. بعدين هي اسلوبها فيه خلل في التعامل مع مشكله زوجها .. لازم تبحث عن هذا الخلل عشان تصل الي حل .. |
اقتباس:
دام ان الامر في علم الغيب ليش تقولين لها تطلقي وربك راح يعوضك باحسن منه ؟؟؟!!!! |
فعلا في بنات ما في اسهل من كلمة الطلاق على لسانهم
الطلاق يهتز له عرش الرحمن لابد من حلول واخر الحلول هي الطلاق |
الله يهديه ويهدي الجميع
|
أنا في البداية نطقت كلمة الطلاق بسرعة...لكني وعندما راجعت الموضوع والردود وجدت بأني تسرعت قليلا ووجدت أن كلام الخالة أميرات فيه الكثير من الصحة... خيانة الرجل تختلف عن خيانة المرأة بكثير...خياتنة المرأة هي انتهاء الحياة الزوجية تماما.. وجهة نظر لا أكثر.. تحياتي.. |
خليك يااختي قوية وخلي التفاهم معه مع الوالد ويوضح له خطاهووان وراك اهل والله يفرج همك ويجعل لك مخرج ويهديه الله ويسخره لطاعته ثم لك امييييييييييييييين. |
بسم الله توكلت على ولا حول ولا قوة الا بالله ... اللهم ألهمني من قولي وأمري رشدا
اسأل الله للأخت صاحبة المشكلة أن يفرج الله همك ويجعل لك من كل ضيق مخرجاً أما رأيي فيا أختي مثل زوجك يحتاج أن يتعامل مع الرجال من أهلك وأن يكون أمرك بأيديهم أمامه ويعرف إن وراك ظهر يسندك لأنه يبدو لي أن زوجك من الشخصية الغير مبالي خاصة إذا أحس بأنه أقوى منك وهو الحال بينكما كما يظهر لي ... والحل أختي التطنيش له شهر شهرين سنة مش مشكلة صحيح راح تعانين وتتعبين كثيرا لكن لازم يعرف أن الأمر ليس كالمرات السابقة ... فهو في المرات السابقة كالرجل يقع على أنفه ذباب فيبعده بيده ثم ينسى ... هذه المرة يجب أن يكون أهلك من الرجال هم من يوقفونه عند حده أو شخص من عائلتك يستطيع التصدي لهذه الأشكال . أسئل الله لنا ولزوجك وللجميع الهداية |
سم الله
السلام عليكم ورحمة الله أولا الكلام موجه للأخوة والاخوات جميعا تذكروا دوما حديث الرسول صلى الله عليه وسلم - حدثنا الحسن بن علي حدثنا زيد بن الحباب حدثنا عمار بن رزيق عن عبد الله بن عيسى عن عكرمة عن يحيى بن يعمر عن أبي هريرة قال : قال رسول الله صلى الله عليه وسلم " ليس منا من خبب امرأة على زوجها أو عبدا على سيده " . قال الشيخ الألباني : صحيح يا اعضاء المنتدى الكرام أياكم والتسرع وتيسير أمر الطلاق لمن اتاكم يريد الحل لمشكلتة ثانيا : اوجه كلامي لك أختي وأقول مستعينة بالله خلقنا الله معشر النساء مستضعفات ووكل علينا الرجال وقد اوصاهم الرسول صلوات ربي عليه وسلامه بنا خيرا لذا أخيتي أمرك من الله وحله بيد الله جل وعلا وليس بيدك الا الأخذ بالأسباب ثم التوكل على الله والدعاء أهديك وأهدي كل من يمر بما يكدر خاطره هذه النصائح 1- أصلحي مابينك وبين خالقك 2- أعلمي انك ان كنت على حق فان الحق سينتصر بالاخر 3-أعملي جاهدة على حل مشكلتك مع تلافي الخسائر وان كان لابد من الخسائر فالاقل الاقل. 4- الزمي الدعاء فان ربنا معطاء ولا يرد يد السائل سبحانه جل وعلا علوا كبيرا |
اقتباس:
والسلام عليكم |
السلام عليكم ورحمة الله
اسأل الله أن يفرج همك ويأجرك على هذا الإبتلاء.. انا اول مره اشارك علشان خاطرك ولأني حاسه بما تعانين بسبب ما عشته مع صديقتي وزوجها الخائن..وأنا حبيت افيدك بشي عن تجربه..إذا كان حاولتي عدة محاولات قبل هالمره ولا فاد وخااااااصة إذا بدأت تلاحظين ان زوجك في ازدياد ومن سيء إلى اسوأ فلاااااازم وضرووووووري انك هذي المره تقفين وقفه حازمه وتطولين قعدتك عند اهلك..خليه يحس انه ممكن يفقدك ويضيع بيته على شي ما يستاهل.. يمكن تكون سبب بانه يصحى من غفلته..لا تخلينه يحس انك راجعه راجعه وان جلستك مؤقته عشان ما يبرد وينتظر رجعتك بدون اي مجهود لإصلاح نفسه وخطأه .. وانا أعرف ان جلستك عند اهلك صعبه لكن احيانا نضطر لأمور مثل كذا عشان تصلح الحياه..مثل اللي ياخذ علاج جدا مر أملا في الشفاء.. وأنا والله خايفه عليك ان يكون زوجك ازداد سوء بعد ان عرف بعلمك بالموضوع وعجزك عن مواجهته وخاصة ان ذهابك لاهلك سابقا انتهى بسهوله..وهذا اللي عطاه الأمان..وأنا ما ألومك فالموقف جدا صعب والأصعب عليك خسارة بيتك وهذا اللي ما اتمناه لك..لكن ارجع واقول لا يحس انك بترضين وتسكتين والا راح يتمادى مثل ما صار لصديقتي اللي ندمانه انها ما واجهته بقوه من البدايه قبل ما تستفحل الأمور وتصير بالنسبه له مرض صعب علاجه وبالأخير توصل طلاق... الله يصلح لك زوجك ويهديه ويكفيه بك عمن سواك..ويكفيكم شر من فيه شر........اللهم آآآآآآآآآآآآآمين. |
طمنينا عليك اختي
|
صحيح انا مو متزوجه ..
بس لو جاء يوم وانحطيت بموقفك .. الله لايقول .. بشل قشي واغراضي حتى لو عندي كتيبه من العيال .. بروح بيت هلي .. ولاعاد بفكر فيه تدرين هو ليش ساكت الحين !! لانه ظامن انك بتردين وبتقولين من يربي ولدي .. لكن انتي او الافضل ابوك يتصل عليك .. ويقول ياتترك بنتنا وتطلقها < عشان يخااف .. والا تجي وتراضيها وتحل المشكله واذا تكرر خطاء وربي ماعاد ترجع لك لو تموت .. هو هنا بيحس بالخوف .. ويمكن يئنه ضميره باللي قاعد يسويه .. وبيحاول الابتعاد عن المشآكل خوفا من تهديد ابوك .. عزيزتيٌ .. لازم تكونين قويه بموقفك اذا تقابلتي معه .. ولاتحسسينه انك خلاص تحبينه يعني بتغفرين له .. لا والف لا . قولي صحيح احبك بس كل شي له حدود .. الله يهنيك ويصلح حال زوجك .. وعساك تولدين بالسلامه ويهون عليك ربيٌ .. حياك .. |
وش صار غليك اختي ,,
|
| الساعة الآن 05:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©