|
أختها تتدخل وتقلل قيمة ما اهديه لخطيبتي
السلام عليكم ورحمة الله وبركاته
بدون مقدمات .. عندي مشكله فقعت مرارتي نوعاً ما .. السالفه وما فيها اني انسان متملك والحمد لله تملكت على انسانه طيبه وخلوقه وكويسه جداً وما صار لنا تقريبا شهرين .. لكن المشكله بدت قبل فتره قريبه .. البنت اشتريت لها جوال ورتبت امورها وقمت ازورها بين كل فتره وفتره تقريبا في الشهر مرتين الى ثلاث مرات لاني في مدينه وهي في مدينه .. والبنت قنوعه .. لكن انا حاس ان فيه ناس يتدخلون في امورنا يعني مثلا أختها .. لاني اشتريت لها الجوال وحصل بيني وبينها سوء تفاهم بسيط بسبب انها طلبت مني اركب لها برنامج في جوالها يشغل مقاطع الصوت وتأخرت عليها بسبب بعدي عنها لكن قامت وكبرت الموضوع وارسلت لي رساله انك ما منت مهتم فيني وما تنفذ طلباتي ومن هالكلام وان اصلا الجوال مهوب اللي في الخاطر وان حتى الرقم سوا مو فاتوره وانا قد قلت لك اني ما احب السوا وابي فاتوره مع اني ما اقصر معها في الشحن .. طبعاً انا رجال طيب مرره بعد ما ساءت الامور جلست يومين ما كلمتها بعدين دزيت لها رساله وقلت لها انتي انسانه عاقله ومن هالكلام وامورنا بنحلها تمام .. دقيت عليها وحسيت انها كانت تنتظر مكالمتي وقلت لها دام الجوال مهوب اللي في الخاطر اغيره لك مع انه كويس جداً وخيرتها وش الجوال اللي تبيه وقالت لي لكن ما قالت لي في نفس المكالمه قالت ابفكر واعطيك خبر وهذا اللي شككني انه فيه تدخل خارجي .. المهم وطلعت لها رقم فاتوره باسمي وقلت اذا جيت بعطيك اياه .. طبعاً قبل الجوال قدمت لها دبله هديه في اول يوم مثل ما انتم عارفين وبعد فتره لاحظت انها ما تلبسها وسألتها ليه ؟ قالت تبي الحقيقه ما اعجبتني .. !! قلت ابشري اغيرها لك ورحت لسوق الذهب وشريت لها اطلق دبله وبعد ما صورت لها الدبل وارسلت لها الصور وسايط واختارت وحده .. مع انها مكلفه وقيمتها تقريباً 1500 ريال بس انا ما فكرت دام هالشي بيرضيها .. المهم وبعده حصل مشكلة الجوال اللي قلت لكم عنها .. المهم قبل كم يوم جلست معها .. وفتحت معها باب النقاش .. قلت لها انتي تبين حياتنا تكون امور عاديه جوال وما جوال وخرابيط والا تبينها حب وقلوب طيبه .. طبعاً تكلمت معها في كل نقطه وكنت جدي بزعل نوعا ما بس ما كنت قاسي علشان ما اسوي مشكله .. البنت من اول ما جلست لين ما طلعت وهي ساكته ... اقول لها تكلمي ناقشيني اذا انا على خطا .. طبعا هي ما قالت شي لانها عارفه ان معي حق ولانها طيبه وكويسه بس الاحظ ان اختها تتدخل الله يصلحها .. حتى ان مالها حجه علي .. طبعا حتى اسلوب الوداع مو مثل كل مره ولا طولت معها كالعاده ويوم جيت ابطلع حسيت انها حست انها غلطانه حتى ترجتني ما اطلع وان ما ودها اطلع من عندها وانا متضايق بس انا قلت ما عليك مني وضيقتي ما تهم ومشيت وحسيت ان ودها تبكي واتوقع انها بكت بعد ما مشيت .. وخلال اللقاء قلت لها اني اكتشفت انك تشوفين الهديه بقيمتها لا بمعناها واكتشفت ان اي شي اجيبه لك ما يعجبك ولازم اغيره لك بعد فتره .. حتى قبل يومين نزلت السوق وحاولت اشتري لك شي بس اخاف يطلع مهوب اللي في الخاطر مثل الجوال وغيره مع انها كانت هدايا .. وهي قد اهدت علي عطر وقلت لها تخيلي اني بعد ما طلعت من عندك قلت لك ان العطر اللي اهديتيني مهوب اللي في الخاطر .. وش راح يكون موقفك ؟ المهم سكتت وشفت في عيونها دموع لكن مسكت نفسها وما بكت .. المهم وش رايكم انا احس ان اختها تتدخل بكل كبيره وصغيره مع انه في الغربيه وهي في الشرقيه لكن التلفونات موجوده .. واعرف ان اختها راعية هالسواليف حتى اني استعجلت وحددت موعد الزواج مع ابوها وانه يكون بدري شوي .. المهم انا ابي ابعد اي تدخل خارجي مع اني حذرتها لكن هي طيبه مرره واكيد بتتدخل اختها وتغير البنت علي مع اني ما اقصر معها في شي .. ووش رايكم هل اقطع عنها الهدايا علشان تحس ؟ وهل اقلل من المكالمات لاني حسيت اني مسرف شوي ؟ يعني هل اثقل بزياده .. ؟ وهل تصرفي كان معها كويس في الجوال ؟ لاني توقعت يكون اختبار هل انا بخيل او لا .. ؟ انتظر ردودكم الله يخليكم والله اني في حيره ولا ودي اظلم نفسي والا اظلمها معي وخصوصا ان الظروف الماديه مهيب ذيك الظروف لكن تمشي الحال .. بارك الله فيكم جميعاً .... الاشراف : عذراً تم تغيير العنوان ليناسب المضمون , بالتوفيق |
حلو انك صارحتها بكل اللي في خاطرك
كمل النصارحة باحساسك بالتدخل لان هذ ابدا ليس في صالحكما عالج الامر من البداية لان بكرة تتزوجون وراح تكون الحياة عذاااااااااااااااب بهذي الحالة والافضل يكون في الهاتف لان اغلب البنات في هذي الفترة يستحون من المواجهة وفقكما الله |
الله يخليك يا ام داليا
لكن انا حسيت ان المواجهه افضل لاني قلت لها الظاهر ان فيه احد يتدخل بيننا وقالت لا يمكن ومن هالكلام .. لكن انا حسيت لان بعض الكلام في المكالمه اللي بعدها احسه مهوب لها لاني اعرف اسلوبها واعرف طريقتها بس لما واجهتها وكلمتها في هالشي ما قدرت تتكلم وتبكلمت وحسيت ان هالشي قربها مني اكثر .. لكن انا حاس اني عاجز اني اعرف ان فيه احد متدخل واذا اكتشفت ان فيه احد متدخل برايك شلون اعالج الامر .. |
مشكلة والله !
. . |
اخي الكريم تدخل اخت زوجه المستقبل ان شاء الله مشكله كبيره وخاصه ان كانت تسمع لها وتاخذ برايها ..ماعلينا ..اخي يجب ان تقنع زوجتك بعدم جدوى تدخل اختها في حياتكما دون ان يصل ذلك لمرحله التوبيخ لها او الاقلال من شخصيتها فهي اختها لن ترضى ان ياتي من يقلل من شائنها وخاصه اذا كانا في مرحله عمريه قريبه من بعض ..وعليك بان تمدح تلك الاخت وتجلل من شائنها حتى يصلها ثنائك عليها فتكف عن التدخل في حياتكما .. مع محاوله ان تثير موضوع معين وتقول لها ان هذا راي اخي -ان كان لك اخ -فان رايتها قد امتعضت من راي اخيك ولتدخلاته فقل كيف ترضين ان تتدخل اختك في حياتنا ولا ترضين ان يتدخل اخي فيها ولكن باسلوب راقي هذا ما وسعني كتابته ..في هذا الوقت المتاخر من الليل ..والله من وراء القصد http://www.21za.com/pic/salam_kalam007_files/80.gif .. |
الان هذي اختهااا اكبر منهااا والامتزووجة
يعني عندها خبرة مع الرجال والابس هو تدخل لمجررد التدخل واللقافة صرااحة احسن شي الان انك عجلت بالزوواج واضمنللك النوعية هذي ماتووقف حتى لو تزوجتهااا بتظل تززززن على اختهاااا الى ان تغيررها اهم شي انك تحذر زوجتك منها مستقبلااا اذا تأكدت فعلااا انها تتدخل فيها واذا مو هي البنت كل شوية برأي يعني تأكد اول شي وبعدين حل الموضوع يعني انت جبت هدية المفروووض ماتغيررها مدام انك عارف انة اختها الي غيرت راايها لازم تعلمهاا انة هذي هدية ومن الادب ماتردها ولاتقوول مو الي نفسي فيهااا قلها بكررة اذا صرتي في بيتي ابشرررررري بالي يرضيك لكن الان هذي عجبتني وتمنيتها لك وبس ولاتغيررررررها ولاهم يحزنون بس تصررفك حلوو وحكيم جدااااااا والله يهديها ويخليها للك |
مشكله والله .. هلا فيك والصراحه انها مشاكل مو مشكله الله يسعدك .. تواجدك وحده أسعدني ..
:: أخوي بانوراما يعطيك العافيه على مشاركتك .. والحقيقه انا واثق انها هي اللي تدبر امورها لكن أبغى اتيقن من ان اختها اللي تتدخل .. :: أختي دايموند 22 هلا وغلا فيك .. هي أختها الكبيره وتوها متزوجه ما صار لها سنه والمشكله أخونا في الله زوجها حاط لها خدمة جود على التلفون الثابت وتكلم أختها على تلفون بيتهم وتجلس معها بالساعات وأنا عجلت بالزواج علشان خايف اذا طولنا تصير مشاكل وانا واثق اذا صارت معي في بيت واحد اني راح احل هالمشكله ولا راح تقدر تتدخل أختها وراح اكون على علم بكل شي يصير .. وانا بس ابي طريقه ذكيه كيف اخليها تعرف اني داري بتدخل أختها وكيف أعالج الأمر .. وبالنسبه لكلامك بخصوص الهديه كويس جداً .. بارك الله في الصلب الذي انبتك والبطن الذي حملك .. وفقكم الله جميعاً |
الله يوفقك بزواجك ويجمع بينك وبن زوجتك على خير بإذن الله
من رأي يا أخي انك تقعد معاها جلسه هاديه وتقولها بصراحة انك ما تبغا احد يدخل بينكم .. أيا كان وأي شي بينكم يظل بينكم .. وان المفروض ما في احد يقدر يأثر على علاقتكم .. وهي رح تفهم انت ايش تقصد انا زوجي قالي من هالكلام بعد الملكة .. وانا طبيعتي ما أدخل احد بينا من الأساس بس أختي الله يهديها ما كانت مخليتني بحالي .. ووقفتها عند حدها بكل أدب .. بعد كلام زوجي والحمدلله صارلنا شهرين ونص من زفافنا .. و لا عاد تقدر تدخل بأي شي .. رغم محاولاتها اليائسة الأفضل انك تكلمها وتقنعها بدون ما تقولها اختك تدخل بينا هي رح تفهم ومن نفسها ما رح تعطي اختها فرصه انها تدخل بينكم بعد كذا بإذن الله الله يوفقكم |
السلام عليكم اخوي الغالي
اسأل الله ان ييسر امرك وان يرزقك حياه سعيده بإختصار اخي العزيز .... يجب ان تضع حدا لهذا التدخل ... المطلوب الان التأكد وفي حاله التأكد تستطيع بكل بساطه ان تقول لزوجتك ... زوجتي العزيزة ... حياتنا مركب انا القائد فيها وانتي المستشاره ... ودائما ما يحتاج القائد لمستشاريه في كل اموره ... وطالما هناك تدخلات من غيرك ... فسأكون مضطر لإتخاذ القرارات لوحدي ... هل ترضيكي هذه الحياة ان تكوني مهمشه ... فأنا لا ارضاها ان تكون حياتي ولا ارضاها لكي ... ساعديني ان تكوني انتي المستشارة والرفيقه والصديقة والاخت والزوجه ... ساعديني ان تكوني سري ... ان نتحمل نتائج قراراتنا لوحدنا ... لانه لن يتحمل نتائج هذا التدخل غيرنا فقط من حلوها ومرها دمت بود |
المفروض الهدية مافيها نقاش تكفي انها هدية
وتدخل اختها اكبر خطأ وقد يهدم بنان حياتكم لذالك نبهاها ان اختها لها مكانتها بس بدون تدخل واسالها هل اختها تسمح لها بالتدخل في شوؤنها؟ ابد حياتك على التفاهم وحاول استخدام لغة التجاهل معها وفقك الله وجمع بينكما على خير |
ااخوي لازم تفهمها ان التدخلات الخارجيه
ما تجيب الا المشاكل والمفروض انها تحب اي شئ منك وتحترم رايك وعلمها انها ما تتكلم مع احد وما تسمح لاحد يتدخل في حياتكم وتقوي شخصيتها وربي ييسر اموركم وحاول انه ما تطول الملكه |
أم هيا بارك الله فيك ووفقك .. وتصرفك حلو لو تسوي مثلك كان يا سلام وان شاء الله انها اقتنعت وانا جلست معها وفهمتها مثل ما قلتي بدون ما اجيب طاري أختها لكن ان شاء الله انها تفهم ولو انه جاني امل لانها كانت على حد البكاء وانا اقول لها وحتى ترجتي ما اطلع من عندها وانا متضايق .. لكن ان شاء الله انها تسوي سواتك ..
أخوي عطر الزمان .. عسى الله يسعد قلبك .. كلام حكيم جداً وفكرتك مرره روعه وتقنع اللي ما يقتنع .. والاخوان والاخوات اللي تواجدوا واللي شاركوا جزاكم الله خير .. والله اني مدري وش اقول لكم لكن ما أملك لكم الا الدعاء عسى الله يجزاكم خير ويعفو عنكم ويوفقكم والله اني كنت في حاجه ماسه لمثل هالكلام .. عسى الله يوفق صاحب المنتدى والقائمين عليه واعضاءه .. ما زلت احتاج لمشاركات الأخوان اللي ما شاركونا يمكن أحد يكون عنده أفكار وكلام ثاني .. وفقكم الله |
السلام عليكم ورحمة الله وبركاته
ما ادري اخوي على اي اساس حكمت ان اختها الي تتدخل مو اي احد ثاني او ممكن زوجتك تكون من النوع الي يتردد كثير ويمل بسرعه علشان كذا تشوفها محتاره عموما لو جبت اي هديه مره ثانيه وشفت انها علقت عليها بعد فتره وتبيك تغيرها طنش ولاتغير لها شئ لانها كذا بتتعود ان الي تبيه تحصله والهديه مايصير لها لافرحه ولاطعم طيب حاول هالفتره ماتجيب لها هديه واكيد بتسالك عن السبب قول لها بصراحه اخاف اجيب لك شئ ومايعجبك ويضيق صدري يمكن تفهم رغم اني ما احبذ ان فتره الملكه تكون فيها مشاحنات اسأل الله لك التوفيق والسعاده |
عليكم السلام ورحمة الله وبركاته
ياهلا فيك أختي انا حكمت على اساس اني عارف انها ما تقدر تمسك لسانها ودايم تدخل نفسها في امور كثيره وعندي علم مسبق بهالشي ولانها لسانها سليط وذكيه بس للاسف ما تستخدم ذكائها الا في امور مثل كذا والشي الثاني لانها قريبه منها في السن يعني اكبر منها بسنتين ودايم على اتصال معها لان عندها خدمة جود في التلفون الثابت ودايم على انصال مععها ويجلسون بالساعات لاني اكثر من مره اكلم خطيبتي وتقولي كنت اكلم اختي من الساعه الفلانيه لين دقيت انت .. وبالنسبه لكلامك المتعلقه بالهديه انا فعلاً عزمت اني اقطع عنها الهدايا فتره علشان تحس بقيمة الهديه وانا في آخر جلسه معها وانا اعاتبها قلت لها امس كنت في السوق وكنت ناوي اشتري لك هديه بس خفت تكون مهيب اللي في الخاطر مع انها هديه تحمل معاني كثيره بغض النظر عن قيمتها بس انا صابني تخوف اني اتفشل في الاخير ويا ليت تقيسين الامر على نفسك يومك اعطيتيني الهديه وجيت ارسلت لك بعدها بيوم انها مهيب اللي في الخاطر ووشلون راح يكون تأثير هالكلام عليك .. عموما الله يصلح الحال ويوفقك اختي .. |
اهلين فيك اخوي ...
الصراحه الله يعينك على مشكلتك ... لانها ستصبح مصيبه مومشكله ان ماوقفت عند حدها وتدخلت في اموركم المستقبليه بعد الزواج ... انا عن نفسي مريت بهذي التجربه الصراحه في ناس متطفلين يتدخلون فما للايعنيهم ... ايام الملكه كان خطيبي مضغوط ماديا ومايقدر يجيب هدايا غاليه ... واصلا ملكتنا كانت شهر يعني الوقت والماده ماتكفي الا لتجهيزات الزواج وانا ماكان علي قاصر يعني احسن جوال وعندي وكنت مجهزة من المهر كل شي ... المهم مابقى كلمه ماقالوها ... بخيل .. مادي ... مايقدرك ... ومايحبك وكلام كثير كله عشان الهديه.. مااخفيك كان يدخل في قلبي الشك بس حبي له اكبر من كلامهم .... وبعد الزواج تاكدت انهم مجرد ملاقيف وعذرا على الكلمه ...وان اللي كانوا يقولونه لي ماطبقوه على نفسهم ولاعلى بناتهم ... وشفت بنات كثير انخربت حياتعم بسبب التدخلات اللي مالها معنى ... اخي الكريم حل مشكلتك بسيط جدا ... جيب لها هديه بسييطه ولاتكون غاليه .. وقدمها لها واكيد في البدايه بتفرح فيها... ان غيرت كلامها بعد فترة ... قولها بكل صراحه من غير كلامك ومن لعب بمخك ؟؟؟ قولها الهديه ماراح اغيرها؟؟؟وماعندي غيرها ؟؟؟ ولاراح اجيب هدايا بعد كذا لان اي شي اجيبه مايعجبك... وازعل واتقن ددور الزعلان ... لان خلاص لازم تدوس على قلبك عشان تمشي امورك ... ومدامها طيبه ماراح تقدر على زعلك ابدا ....وياليت تبشرنا عنك. |
بصراحه انا ضحكت على زوجتك بس لا تزعل الحين هي ما تحمد ربه انك جبت لها جوال لأنه اكيد ما عندها دامك انت اللي جبته؟؟؟ ذكرتني بوحده تعرفت عليها جالسه تعدد وش جاب لها زوجها من هدايا وأشياء ( طبعاً لأنها ما شافت خير الظاهر) المهم قلت لها هذا الجوال هديه من اخوي وقيمته 2500 بمناسبة الزواج تفاجأت قالت لييييه زوجك ما جاب لك وكأنه شي ضروري؟؟ قلت لا حبيبتي من يوم اني في بيت اهلي عندي جوال فليش يجيب لي؟
انا شبكتي ما كانت ذاك الزود ولا بالمستوى اللي ابيه بس سكت ومدحتها لكن للأمانه بعد الزواج قلت له انها مو عاجبتني بس يوم عرفت انها اصلاً موب ذوقه هو لأن ذوق الرجال غير عن الحريم... المهم احس زوجتك من الأفضل لك انك تقلل الهدايا والزيارات بعد لأنها الظاهر تشوف يدينك وش تجيب وبس ... فهمها انك ماراح تقصر عليها ابد واي شي تبيه لا تتردد تطلب منك ... والله يوفقكم |
غريبة جدا!!
والله أنا لي مع خطيبي (زوجي) ما يقارب السنتين ونصف... عمري عمري عمري ما ذميت أي شيء جابه لي..مع انه ذوقه ما شاء الله رفيع وجميل وراقي.. بس حتى لو صار وجاب لي شي ما عجبني من سابع المستحيلات اني أقول له ما عجبني... وأستحي أطلب من زوجي كثير... يعني هو جاب لي رقم مشابه لرقمه وموبايل...وهو لحاله حوله فاتورة وأنا أعترض وأقول له لا حبيبي ما في داعي لكنه يصر علي... زوجتك واحد من اثنين يا انها طماعة وتحب تستغل (وعذرا بسه هاي اللي شفته) أو أنه في تأثير خارجي سلبي عليها.. وفي كلا الحالتين الأمر هاي خطير...لأنه حتى ولو حصل الزواج بإذن الله سوف يستمر تأثير أختها عليها... لازم جلسة مصارحة أخرى بحيث توصلها المعلومة أن الطمع والتقليل من قيمة الهدية أمر غير محبذ وأن شخصيتها لازم تكون أقوى وما تسمع للي طالع واللي نازل... لأنه هاي شي خطير جدا واذا اليوم على الهدايا بكرة أمور أكبر.. بالتوفيق.. |
أخي ما في أفضل من الصراحة
انت لازم تعرف هل هي مادية و لا أختها المحرضة و لازم توعيها لموضوع المقارنة و انها ما لازم تقارن حالها بأختها و انه حياتكم انتو المفروض تعيشوها لوحدكم و على مزاجكم مو على مزاج فلانة و علانة و نبهها انه بالمقارنة ممكن تخرب بيتها لأنها كل ما قارنت نفسها بالناس رح تشوف أدق التفاصيل بحياتكم و تعمل من الحبة قبة و تكبر الأمور لا تحرمها الهدايا حتى ما تظن انك بخيل لكن لا تهديها شي قبل ما تتأكد انه عاجبها معها حق لما ما يعجبها طقم دهب او ملابس لكن الجوال المفروض ما تعترض عليه طالما انت اللي بتدفع ... بصراحة عيب تقلك بدي خط ما بدي بطاقة طالما انت مو مقصر معها لكن ممكن تستفهم منها عن السبب و تعرف ليش بدها الخط تحديداً انا حتى الآن بعد 3 سنين زواج بستحي من زوجي اذا اختار لي شي بنظره انه أفضل مادياً اني أعترض المفروض تقدر حالتك المادية و ما تقيس الأمور على ميزان فلانة و إلا رح تهدم بيتها بايدها برجع بذكرك بالصراحة خليك صريح لأبعد حد حتى تتوضح الأمور أمامك و اذا سكتت اضغط عليها مشان تحكي كل اللي بقلبها احسن ما تبقى انت بسين و جيم و مو عارف شخصيتها منيح الله يتمملكم بالخير يا رب |
الهدية حلاوتها انك بتبقى فاكر الانسان اللى انت هتهدهالوو
مش شرط بقى غالية رخيصة عارف لو وردة بس ليها تأثير جامد جدااا وبردوو اهم حاجة انها متسمعش لحد عشان لو عملت كدا هتتعب كتير وهتتعب اللى حواليها ومش هيبقى عجباها حاجة انت حاول معاها تانى وتالت وحاول تبعدها عن اختها شوية او الناس اللى بيدخلووو خليها انها تسد ودانهااا لو اى حد زنلها وربنا يوفقكووووووووو |
اقتباس:
كلامها حلو الله يرضى عليكي يابنت ^^ اقتباس:
ودي كمان الــ حركة حلو وتخليه تتعلم ,,, لاني سمعت كتيير جربوها , واقرب الناس ليا وجابت نتيجة .., ماشاء الله اسلوبك وتصرفك كان حلو ومهذب بس اللي مو عاجبني انو الطيبة ماتنفع في كل حاجة ,,, حوال تبينلها من الحين ,, كل اللاشياء اللي في قلبك علشان مماتندم بعدين وتبيلها بوضوح ..,, وفهمها ايش تحب من بداية وايش ماتحب,, والله يوفقك يارب وبيعد عنكم كل الحساد يارب ويهنيكم مع بعض,’’ |
الله يعطيكم العافيه ويوفقكم كلامكم مثل العسل على قلبي وريحني ..
|
اهلين اخوي
اخووووي اذا ماتدلعت عليك البنت الحين متى تدلع من حقها تدلع خلها تنبسط هي قاعده تتدلع على زوجها مافيها شي ابدا واذا انت متضايق من اختها تحمل شوي الين تتزوجون عاد في هذاك الوقت انت تعجن زوجتك على هواك بالكلام الحلو والعشره الطيبه لاتصير حساس هذي زوجتك دلعها وخلها تدلع عليك انت رجال |
اذا اعترفت او مااعترفت بتدخل احد بينكم
وضح لها اثر ذلك على علاقتكما في المستقبل وان الزواج بطبيعة الحال يحتاج الى الخصوصية بشكل كبير وان مافي احد يفهمنا قد فهمنا لبعضنا وبالتالي ان اي احد بالكون لايرغب بالتدخل في شوؤنه وان ذلك يؤدي الى كثرة المشاكل والطلاق وانا لا ارغب بخسارتك ومن هالكلام الله يسر امورك |
قللها أي شيء افعله لك لا تخبرين به أحد ,,,
وأنا لا أخبر به احد هذه خصوصية بيني وبينك ،، وإذا اردت تشتري لها هدية خذها معك مثلا تبي تشتري هدية ساعة خذها لمحل الساعات عطر لمحل العطورات بالتالي ماتقدر تقول لحظة وتتصل على اختها وبنفس الوقت تختار شيء من ذوقها فما تقدر تقول ما اعجبني طبعا انت قل رايك بالاشياء وخل فاهم بالاشياء الزينة لان باين عليها ماعندها خبرة وتشوف ان اختها اكثر منها خبرة فتستعين فيها خلك دايم مثالي وعقلاني عندها وسامحها وبصراحة اعجبني موقفك ماشاء الله لاقوة الا بالله قل لها ايضا من باب السوالف مثلا صاحبي يقول كل شي بينه وبين زوجته لاخته او لامه وكيف الزوجة تنظلم ويعني اقعد الف قصص من نفس معاناتك ، ولكن لاتحس لا من بعيد ولاقريب انك تعنيها فقط سوالف وهي راح تتعلم الله يوفقك ويسعدك |
السلا عليكم
احيانا يكون بين الاخوات مزح ثقيل لا يقصد منه شي لكن يؤثر بالزوجه انا اختي جابلها خطيبها هدايا كثيره بعد الملكه وشكلها راقي بس انا علقت على الساعه قلت يمكن جايبها لامي لانها شكلها تصلح لحريم كباراكثر اختي زعلت وشوي وتصيح مع اني مااقصد شي بس اني تداركت الوضوع وقلبت الموجه وقلت انها تهبل وهي مو عجبتني .. بس علشان ماتزعل وقلت يكفي انه جايب لك كل الهدايا ..هذا دليل انه ذوق >>ياشين النصب المهم هي استانست بعدها يمكن اخواتها كذا يعلقو على الهدايا فتكرهن وهم مو قصدهم شي مثلي:d .. ولا تظلم اختها يمكن ماتتدخل بينكم.. الشي الثاني بما ان الزواج قريب وانت في منطقه ثانيه لا تجيب هدايا الا بعد الزواج احسن والله يوفقك ويسعدك ويجعل زوجتك قرة عين لك |
يعطيكم العافيه وما قصرتوا ..
والله أن الأمور كل مالها في دبور .. لكن على الله يا متم الصوم ومقيم الصلاة .. تدفى الكفوف الباردات ويجبر العظم الكسير أم يارا أنتي مبين عليك عاقله وقدرتي تعدلين الموقف السلبي إلى إيجابي ولا كأنه صار شي بس الكلام فاللي مهوب عاقل ويحاول يبني وهو ما يدري انه يهدم .. عموماً الحاله يرثى لها عسى الله يعين حتى النوم ما صرت اهتني فيه .. . لا يسهُر الليلَ الا من بهِ ألمُ.....ولا تُحْرِق النارَ الا رجلَ واطيها |
اخوي والله حالتك صعبه
بس بقولك شغله بماانكم بعيدين عن بعض تفهمون بعض خطأ راح اقولك عن تجربتي اول مكالمه لي مع زوجي نااار حتى اني قعدت اندب حظي وهو بعد يقولي كنت اقول بعد المكالمه كيف حياتي بتصير معها بس ابصبر وامشي الزواج <<<يعني فكر انه ممكن يكون طلاق والمسأله كانت بسيطه سوء فهم بس الحمدلله ماكلمته الا قبل الزواج باسبوع واول ليله بالزواج اختلفنا بعد لكن الحمدلله بعدها خلاص فهمنا بعض وحياتنا ولا احلى يارب لك الحمد الحين لنا اكثر من اربع سنوات والحمدلله مبسوطين انت خلك اعقل منها ولما تصير عندك بتفهمها ان شاء الله تفهمك وانت اقنعها ان حياتكم خاصه وهي بعد بتعرف الشي ولا راح تتدخل اي شخص بحياتها لكن ايام الخطوبه لانه شي جديد عليها تحب تقوله للكل الاخوات والصديقات الله يسعك ويوفقك يارب |
|
لن ازيد على كلامك اخي في الله
كويس اللي سويته وكلام سليم وباين عليك حكيم واكثر تعقلا وفقك الله في حياتك وهو تقديم الزواج باسرع وقت بس اللهم انصحها وبين لها الشي اللي تحب والشي اللي ماتحبه وايضا تبين لها اذا انتي تسمعين كلام احد تكوني ماعندك شخصيه واللللخ عشان تنتبه من نفسها اكثر شوي وارسلها كتب ثتقيفيه في الحياة الزوجيه واللخ وفقكم الله في حياتكم وحفظكم الله من كل شر اللهم آمييييييييييين بارك الله لكما وجمعكما على خير عاجلا ان شاء الله |
أم يارا ..
يا هلا وغلا فيك .. ابشرك حالياً الامور تمام اليوم ارسلت لي رساله ( كلمني . شكرا ) واتصلت عليها .. طبعاً بعد محاولة كم يوم لانها مسويه زعلانه بسبب موضوع ثاني والحمد لله مشت الأمور تمام ( طبعاً مسويه تتثيقل علي وانا والله اني حان عليها والا اقدر اعلمها كيف الثقل بس وش اسوي لازم اخلي نفسي طويل ههه ) .. المهم ان البنت حاسه اني حاس ان فيه احد يتدخل في امورنا ويشوش وضعها علي وقالت ابيك تنتبه اني ما اعلم احد باللي يصير بيننا وان كل امورنا بالسر ومن هالكلام وقلت بارك الله فيك وواثق من هالكلام ههه وانا والله اني واثق عكس هالكلام بس يالله يمكن تعقل وتنتبه لنفسها ههه .. عساها تمشي الامور تمام لكن الله يعين .. وانتو يالحريم دوختونا هههه بس الله يصبرنا .. عموماً أختي والله حضورك وكلامك لي هنا كان له أثر طيب في نفسي فوق ما تتخيلينه .. بارك الله في الصلب الذي انبتك والبطن الذي حملك .. همي لجنتي .. الله يسعدك وانا والله مطبق اللي قلتيه .. حتى قبل اسبوع لما جيتها في بيتهم علشان اللي صاير واحله بيني وبينها قلت لها .. قلت اذا ما تبيني قولي ولا تعلقيني وتقلقيني عليك .. لاني حسيت انك باللي تسوينه ما تبيني فلذلك اذا خايفه من احد قولي لي ومالك الا طيبة الخاطر .. بس مو كل وقت والثاني تحاولين تزعليني وتثيرين معي مشكله .. المهم انها قالت لا انا ابيك بس انت تفهمني غلط وتزعل مني .. طبعاً تعابير وجهها بينت لي انها صادقه في كلامها يوم جبت طاري هالكلام .. عموماً وفقك الله أختي وبارك فيك وشاكر لك حضورك ومشاركتك .. همس القلوب .. بارك الله فيك شورك طيب وانا والله توني قبل يومين شاري لي كم كتاب على كم شريط واطلعت عليها واخترت الزين منها وابقدمه لها اذا رحت لها بعد بكره وان شاء الله انها تطلع عليها وتفهم محتواها وبتحل امورها كلها .. بارك الله فيك .. |
ماشاء الله تبارك الله
تفكيرنا واحد سبحان الله ان شاء الله زوجتك المستقبل تكون متميزه بفضل الله ثم بإهتمامك لها وفقكم الله وحفظكم الله من كل شر |
يآخووووي [ لبى قلبك ] والله
اعٍ ـجبتني لانك قلت كل الي بـ خاطرك ~ |
| الساعة الآن 12:06 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
