|
baby walker - مشاية الأطفال
السلام عليكم و رحمة الله و بركاته
حبيت أستشيركم بموضوع المشاية من النوع يلي بمسكها الطفل و بمشي ... هل هي مفيدة و بتساعد الطفل على المشي خطوات صحيحة لما يبلش يوقف ؟؟ أو ما الها ضرورة ؟؟ و ياريت أي حد استخدمها يحكيلنا رأيه .. و شكرا للجميع http://imagesb.ciao.com/iuk/images/p...ct-6548621.jpg |
نعم عزيزتي مفيده بس بشرط تكوني واقفة عنده عشان مايمشي بسرعة ويطيح
|
شكرا أختي على ردك السريع وبارك الله فيكي
|
انا وقت ابني اتعلم المشي كنت بسورية
و كان ابني يمسك الكرسي اللي أهلي بستخدموه للكومبيوتر (له عجلات صغيرة) كان يدفعه و يمشي معه لكن الكرسي كان سريع على الأرض المالسة و كان لازم ابقى بجانبه كان كتير يساعده لما يدفع الطاولة لأنها أكتر احتكاك بالأرض و بالتالي بتبقى على سرعته لكن كانت مشكلتها الضجة !!!!!!! راح الوالد يبحث في الأسواق على مشاية متل اللي حطيتيها بالصور و للأسف لم يجدها و كان زعلاااااااان لأنه نفسو يتعلم حفيده المشي و بطريقة آمنة بالنهاية الحمد لله مع الصبر عليه بدفع الكرسي والطاولات و الأقارب اتعلم لكن ما بتلزمك أكتر من شهر او بالكتييييييير شهرين و بكون تعلم يمشي و ما رح يستخدمها فإذا أخدتيها إعارة من أحد أقاربك أو صديقاتك أفضل ما تشتري وحدة جديدة |
طيب نبدا نستخدمها بعمر كم؟؟
والمشايه العاديه اللي يكون جالس فيها وبيدف نفسه برجليه يبدا من عمر كم؟؟وهل تنصحو فيها؟ |
اقتباس:
اسفه عالتطفل:23: |
اقتباس:
يلي فهمته من حكيك انه ممكن تساعد الطفل على المشي... انا كل ما أروح أشتري وحدي لبنتي أحتار أخاف انه ما تكون مفيدة وتتركها وما تستخدمها بس تعبيلي البيت كرسي سيارة و كراجة و مشاية... قولت بدي أخد رأيكم قبل ما أشتريها و أشوف آرائكم .. |
اقتباس:
|
اقتباس:
الطفل لحالو رح يقلك متى رح يحتاجها لأنه رح يبدأ يمسك الأغراض و يجرها لما يحاول يمشي كل طفل شكل انا بالنسبة لابني كان عمره 10 شهور و شوي أكتر شي كان مدمن جر الأغراض أمامه بعمر ال 11 سنة و بقي هيك حتى مشي بالـ 12 شهر تماماً يوم عيد ميلاده صار يترك الأغراض و يمشي مسافات طويلة من غرفة لغرفة يحاول يلحقنا |
اقتباس:
ماريا كيف ما بتلزم الا شهر او شهرين ؟! المشايات الجديدة صارت أكتر من استخدام في منهم ممكن يصيروا سيارات بسوقهم الأطفال و في عليهم ألعاب تعليمية متل الأحرف الأبجدية و الأرقام و أصوات الحيوانات و بتبقى معهم لعمر 3 سنوات .. ان شاء الله الله يقومك بالسلامة و تستخدميها لبنتك :) كريستالا هاد ان شاءالله رح أعمله رح أجيبها و أخليها لإخوانها .. الله يرزقنا و يرزقك و يرزق كل الناس بالذرية الصالحة |
اقتباس:
لكن أي شي بجره الطفل جر و هو ماشي رح يكون مفيد طالما هو آمن يعني احتكاكه بالأرض يكون كبير بحيث ما يكرج بسرعة و الطفل مو ملحق يركض وراه أتمنى تكوني فهمتي قصدي انا ما كان عندي منها و لا بعرف كيف تستخدم بصراحة لكن متل ما قلتلك كان ابني يعشق جر الطاولة و الكراسي كانت كتير تساعده ينتقل من مكان لمكان |
اقتباس:
هههه و لا يهمك تطفل لطيف :) معك حق للي ناوي الانجاب قريبا و عنده مخزن ببيته ما يتردد بشراء أي شي للطفل خاصة الطفل الأول |
اقتباس:
شكرا عالدعوات الحلوة انا قصدت وظيفة الجر ما رح يستفيد منها إلا شهرين بالكتير حسب سرعة تطوره في المشي لكن طبعا اذا معها ألعاب تانية رح تستخدميها أكتر و أكتر متل ما قالتلك انا ما مجربتها بصراحة ما بعرف شو فيها |
انا اللي اعرفه انه المشاية ممنوووووووووووووووعة صحيا
و ممكن تاثر على مشي الطفل ابن اخي عنده مشكلة في رجليه و ما يقدر يمشي و الدكتور قال ممكن المشاية الها دور انا ما استخدمها و لا اشتريتها ابدا |
والله يا علامة اختلفت الاراء وكل حسب تجربته
فا اعتفد الي عندها المشاية و ابنها مشى بدري راح ترجع الفضل للمشاية واللي عندها مشاية و ابنها اتاخر راح ترجع الغلط عالمشاية :) عن نفسي عندي المشاية العادية وكثيير نفعتني ... ماشاء الله ابني بسرعة اتعلم يوقف منها و الحين يتعلم المشي غير كدا بتنفعني اوقات الاكل بحطه فيها بأكله وساعات لما اكون مشغولة بالبيت و مو فاضيو اجري بعده بخليه فيها يلعب لحاله و انا بشوف شغلي بحسها امنة اذا ما عندك درج .. النوع الثاني اللي في الصورة جتني هدية و خليته بمسكها و يمشي بس يهرول و يطيح .. يعني لو بتشتريها لازم تكوني معاها و جنبها بينما النوع العادي اامن ...اما من الناحية الطبية ... فا ماعندي علم طبيبة ابني حثتني على شرائها و كمان زوجي طبيب و اختصاصي عظام وما ذكر لي انها تسبب شي او منعني او حذرني منها زي ما منعني من اني البس ابني الاحذية مثلا الله يعين .. سلمي على ياارا و بوسيلي ياهااااا |
اقتباس:
سلامك وصل والبوسة من عيوني :) شكرا على مرورك و ردك المفصل ... بس انتي من رأيك انه المشاية يلي بالصورة الها لزوم او لأ بس انها مجرد لعبة تعليمية ؟؟؟ |
انا عندي المشاية العادية(الكراجه) وبنتي بتلعب فيها و بتمشي فيها بس صارت تمل منها و ما بتحب حد يحطها فيها بتحب تبقى بالأرض و الحمدلله ما شاءالله عليها و هي بالأرض صارت تقوم تسند عالكنب واي مكان عشان هيك فكرت بالنوع الثاني ..
|
حبيبتي النوع الثاني عندي
وبعد موضوعك نزلت و اعطيتها لابني عشان اجربها و اقولك :) فرح فيها و كان يلعب و يجري بها ... وحلوة تعلم المشي بس مثل ما قلت لك ما تفدري تأمني و تخليها لحالها مع اللعبة لانها بتهرول خاصة لو الارضية رخام او خشب.... انا عطيتها لابني و ظليت وراه وراه كان انكسر ظهري و تعبت من الجري وراه لانك لازم تظلي مع الطفل وهو يمشي واول ما يوصل لطريق مسدود :) روحي و حولي اتجاهه :) بشكل عام مابشوف منها فايدة زيادة عن المشاية العادية غير نقص الوزن للام :) |
هي مكتوب عليهاا من 12 شهر وفووق
واعطيتها بنتي وتمشي خطووتين وبعدها ما تقدر تسيطر عليهاا وتطيح على وجهها اما المشااية العادية احسها افضل ويتعود عليها الطفل ويسند نفسة |
علامة كيفك حبيبتي اخبارك واخبار بنوتك ماشاء الله والله كبروا الصغار
علامه انا كنت ناويه اجيبها لابني بس تبارك الله صار يمشي لا سوري صار يجري طول اليوم وراي بابا بابا <<<< طبعا ماتفهمي غلط هو مابعرف يقول ماما فصار يناديني بابا انا وابوه الصراحه كان نفسي اجرب المشايه والاعبه فيها بس ماكمل الشهر العاشر وبدا يخطي عشان هيك كنسلت الموضوع والحين صار يلعب بالكورة ماشاء الله عليه ناوي يطلع هداف ... بوسيلي بنوتك العسل حلو انك تجيبلها المشايه بحسها بتساعد كتير على المشي انا بنصحك فيها موفقه حياتي وطمنينا عن اخبارك تحياتي |
اقتباس:
نورة شكرا لإهتمامك بالموضوع حبيبتي .. اذا فيها نقص وزن حلو رياضة إلنا بما انه مكسلين نلعب رياضة من بعد الولادة ..... أحلى بوسة لجبران الأمور |
اقتباس:
شكرا أختي على مشاركتك اللطيفة :) |
اقتباس:
كريستال انا كتير مبسوطة اني شفت ردك على موضوعي وين هالغيبة انتي و ام عبدلله و نورة 86 دايما بتذكر تجمعنا مع نورة و حلمي قريب و دلوعة السعودية و ام الأمورة ..... ما شاءالله مرق الوقت بسرعه و كبروا الأولاد بسرعه ... ما شاءالله على ابنك صار يركض حبيبي ... كم عمره ؟؟؟ يارا حبيبتي صارت توقف بس لازم تكون مسندة على شي و بتنقل كم خطوة وبعدين بتوقع هلا عمرها 9 شهور ما شاءالله خلينا دايما نشوف مشاركاتك .. و طمنينا عنك و عن بنتك و أولادك |
أهلين علامة الجوده كيفك ؟وكيف البنوته؟
والله شغلتك يارا الله يحفظها وماصرنا نشوفك ألا بقسم الطفل:15: بالنسبه للمشايه ماقد جربتها بصراحه خليه يوقف كويس بعدين أفكر بموضوع المشايه:( ماقدرت أشوف موضوعك وماأرد بوسيلي يارا :) |
اقتباس:
اهلين حبيبتي علامة كيفك انت وكيف نورة والله اشتقتلكوا بتذكر هديك الايام كنها مبارح حتى بقول لزوجي مبارح كان عمور ببطني وكنت اعاني وكمان شهر بكمل السنه صار عمره الحين 11شهر واسبوع تبارك الرحمن طول اليوم يجري وراي بما ان بنتك بدت تخطي شهر زمان ان شاء الله وبتبدا تمشي الله يخليلك اياها يارب انا انشغلت كتير عن المنتدى الفترة الاخيرة كان عنا شغل زيادة وغير هيك انشغلت بالكروشيه صرت اتعلمه من زمان كان عاجبني وجاي عبالي وهيني اخدت ايدي شوي عليه لقيتلي هوايه اشغل وقتي فيها الله يوفقك حبيبتي بوسيلي يارا كتير ووصليلها سلام من عمور بسلم عليها كتير تحياتي |
اقتباس:
يعطيكي ألف عافية يارب و يخليلك أولادك و بنتك .. و يارا بتسلم على عمور والله الأيام بسرعه ما شاء الله يارا 9 شهور و 10 ايام و عمور 11 شهر و أسبوع متى كانو بالبطن و نصحى من النجمة نلتقي بالمنتدى و تجمعنا ... يلا ان شاء الله بنرجع الله برزقنا و نعمل تجمع جديد :) ... ولا شلتي الموضوع من بالك :) بالنسبة للوكر WALLKER انا جبت ليارا وحدي و بمشي عليها و هي مبوسطة لانه في العاب أكتر شي و بس أجرب أحطها بالكراجة بتصير تصرخ ما بدها و بدها اتظل بالارض تسحب كل شي من مكانه وتخبط و تكسر ههه |
اقتباس:
تسلميلي يارب ... لا تخافي ان شاءالله بمشي بس هم الأولاد كسلانين و شكله ابنك ما بحب يغلبك .. |
| الساعة الآن 08:35 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©