|
مشكلتي بسبب ايميلي ( حُلت و لله الحمد )
السلام عليكم
ورحمة الله وبركاته وبارك الله فيكم وفي جهودكم واسأل الله العلي العظيم ان يوفقكم لكل مافيه الخير والصلاح.. مشكلتي ان والدي الله يحفظه دخل في شركة ... ومن ضمن البيانات المطلوبة منه عنوان البريد الالكتروني المهم ماكان في بيت اهلي انترنت وكان مع اخي ايميل فوالدي طلب من اخي ايميله واخي الله يكرمه اعطاهم ايميلي انا لأنني معي الانترنت... المهم والدي اعطا ايميلي لصديقه ( وهذا الصديق من نفس البلد ) وفي الشركة هذه وكانت تصلني رسائل من الشركة بس كلها باللغة الانجليزية و70% من الكلام ماني فاهمة شيء منه.. اخبرت والدي ان الشريكة ترسل ايميلات وكأن هناك شيء مهم ومطلوب من والدي وماني عافه ماهو بالضبط..والدي كلم صديقه فأعطاه ايميله على اساس ارسل بإيميلات الشركة الى هذا الصديق حتى يعرف ماالمطلوب ... المهم انا كنت ارسل تلك الايميلات الى صديق والدي واخبرت زوجي بذلك..ماقال شيء... المهم ايميلي باسم بنت ..وهذا الشخص كان يرسل لي بإيميلات ومواضيع وايضاً اضفني بالماسنجر وانا تضايقت وكنت افكر ان هذا الشخص بيكون في سن والدي فقلت له برسالة بأنني متزوجة ولا احب هالأيميلات وهالخرابيط قال خلاص عادي مافيها شيء ابغاك تجيبي لي مواضيع حلوة ومفيدة...قلت له (وهذا غلط مني طبعاً) قلت له لوعندي مواضيع احطها بالمنتدى الفلاني وما اخفي شيء الموضوع المفيد لازم الكل يستفيد منه المهم سويت له حظر من الماسن والايميل.. المهم راح سجل بذلك المنتدى وقال خلاص ممكن نتواصل باللرسائل الخاصة انا على طول سويت الغاء استقبال خاصية الرسايل الخاصة وكنت ارد على مواضيعه زي اي عضو اخر بعيد عن الكلام الفاضي.. المهم هو وقف تماماً من المنتدى وبعد ايام سمحت بالرسائل الخاصة لأنني كنت اتواصل مع عضوات بالمنتدى.. وايضاً مشاركاتي وصلت للألاف.. وكانت مواضيعي متميزة ..ثم كانت تأتيني رسائل خاصة من اعضاء جدد يريدون ان اشارك في منتداهم الجديد ولأنني متميزة ..ووووو ياليت اشترك عندهم ويعطوني الرابط.. انا كنت احذف الرسالة ولا القي لها بالاً...ومن تلك الرسائل التي تدعوني ... قال انه مدير منتدى جديد وراح يكون مفيد ومميز عن بقية المنتديات وراح اكون مشرفة بالقسم اللي ابغاه.. واعطاني الرابط انا رحت وشفت المنتدى وكان فعلاً جديد واعجبني ومعظم الاقسام ماعندهم مشرفين ويمكن الشيطان زين لي الامور قلت له خلاص ان شاء الله راح اشترك واحب اكون مشرفة في الاقسام النسائية ... قال خلاص تمام واول مارحت سجلت كان رقم عضويتي 19 وشفت على طول تحت اسمي المستعار مشرفة قسم المرأة المهم كلمت زوجي وكل اهلي قالوا تمام بالتوفيق.. ورحت عدلت الخيارات وسويت الغاء خاصية استقبال الرسائل الخاصة وايضاً لغيت استقبال طلبات الصداقة.. المهم قال زوجي كوني دائماً رسمية بكل شيء سواء مشاركات او ردود... قلت ان شاء الله وانا كذلك من زمان..انا كنت اروح الى قسم الترحيب بالأعضاء الجدد وكنت اشوف اسماء قد تكون غريبة للي ماهو من بلدي لكن انا اعرفها وهي عاديه... ومن ضمن تلك الاسماء واحد رئيس الجالية اليمنية بالرياض وهو صديق لوالدي وهو شخص ملتزم ومحترم واعرف زوجته وبناته واثناء ماكنت بالمنتدى كان خالي عندي كلمته بهذا المنتدى وان فلان عضو فيه وانني مشرفة قسم المرأة .. المهم خالي استغرب وراح سجل بالمنتدى وناااادر مايدخل واكتشفت انا ان المنتدى والمشاركين هم يمنيين وبعضهم معروفين ومن ضمنهم هذا رئيس الجالية.. ثم وصلتني رسالة خاصة مع انني لغيت استقبال الرسائل الخاصة وكانت هذه الرسالة من مدير المنتدى واراد ان يشكرني على اهتمامي بقسم المرأة وووو.. وانه هوالشخص صديق والدي بالشركة واللي كان يرسل لي بإيميلات ..وو وانه ماكلم احد مين انا...ومستحيل يكلم احد...لو انا راح اتضايق او ما احب احد يعرفني.. انا تضايقت وما ادري ماذا افعل... لأن لو زوجي عرف بأن مدير هالمنتدى فلان وهو قد التقى به مرة وحدة راح تصير لي مشكلة او والدي عرف والله ما ادري مالعمل.. مع انني قبل كذا كلمت اخي بسالفة الايميلات واخي ارسل له رسالة قال خلاص لاترسل الى الايميل الاول وهذا ايميلي لوعندك اي ملاحظة عن الشركة ارسل لأبوي الى ايميلي ) يعني ايميل اخي).. الحين والله انني في حيرة من امري هل استمر بالمنتدى ؟ ام اكلم احد ام ماذا؟ وهذه مشكلتي بالتفصيل واعذروني على اسهابي في الكلام.. وجزاكم الله خير الجزاء ووفقكم لمايحبه ويرضاه. |
وعليكم السلام ورحمة الله وبركاته
غاليتي موضوعك بوجهة نظري بسيط ومايحتاج كل هذا القلق المنتدى لاتستمري فيه ابعدي عن اي شئ له علاقه بصديقك والدك وحتى الإيميل بإمكانك تغييره.. ولاتخبري أحد بالموضوع أنهي الموضوع بنفسك والله يوفقك ان شاءالله |
والله من رأيي تقولين له عيب عليك اللي تسويه
وياأنك تمشي عدل وتحترم نفسك ولا كل شي تسويه راح يوصل للوالد والمنتدى أتركيه فيه ألف غيره وإيميلك غيريه وأن مرررره زودها علمي رجلك خليه يتفاهم معه ولا أخوك ولا أي أحد يقرب لك ناس تخاف ماتختشيش ياااكرهي للي كذا يلاحق الوحده ملاحق والمشكله لو عارف أنها متزوجه لاتعطينه أكبر من حجمه و وريه العين الحمراء والله يستر عليك |
نصحية حتى لا تقعي في وحل اتركي المنتدى واحذفيه من المفضلة .. !! وانسي أمره تماماً !! . . |
واضح من هذا الشخص انه سئ واعتقد انك تعرفين هذا الشي ولا لماذا يطاردك ويختارك انت بالذات اعتقد السبب معروف اتركي هذا المنتدى وهدديه اذا لم يتوقف عن ارسال الرسائل لك انك سوف تخبرين زوجك ووالدك |
الباب اللي يجيلك من الريح سدو واستريح
احتراماتي |
اسيرة الحروف
ضيعتني العاطفة مشكلة والله manet سماسم شكراً لمروركم وردودكم والله يجزاكم الف خير .. بس وشلون اغيير الايميل اقصد اذا سويت له حظر او اي شيء هو ممكن يراسلني من ايميل مختلف.. يعني هل هناك طريقة لحذف الايميل نهائياً ومحد يقدر يراسلني؟؟ ويرد عليهم ان الايميل خلاص مو مستخدم لو محذوف او اي شيء...لأنني بصراحة موفاهمة كثير بهذي الشغلات..:24:. |
شوفي وأنا أختك سوي لك ايميل جديد واضيفي فيه كل صديقاتك الموجودين في ايميلك الحالي يعني انقليهم لـ الايميل الجديد .. وخلاص لا عاد تفتحين الايميل القديم وراح يتقفل تلقائي بعد 30 يوم إذا مافتحتيه وتنتهي المشكلة !! :) . . |
أول شئ ، مشكلتك بسيطة بس شكله الشيطان بدأ يزين لك و إنت واقعة في حيرة و تأنيب الضمير
انتبهي على نفسك من خطوات الشيطان الحين إنت في السليم ، بكرة لا سمح الله تطيحي و تجي تشتكي و تقولي ألحقوني أختي ، الحمد لله زوجك واضح عليه إنسان متفهم جدا و المنتديات يا كثرها و اغلبها ما وراها غير خراب البيوت بالنسبة للإيميل ، أقصد الهوت ميل ، فأدخلي على ايميلك ثم من عندي الخصائص options ، فووووووق .. اضغطيه و بتطلع لك قائمة نهاية القائمة مكتوب فيه خصائص أكثر = more options .. ثم تطلع لك التالي : Junk e-mail Filters and reporting Safe and blocked senders أختاري آخر وحدة " Safe and blocked senders " معناها ، حفظ و حظر ايميلات المرسلين ثم تطلع لك : " Blocked senders " اختاريها ، و معناها حظر المرسلين حطي ايميل الشخص في المربع الأصفر للتالي : " Blocked e-mail address or domain " و اضغطي على Add to list >> و لا راح تستقبلي منه أي رسالة و المفروض إنه من أول مرة تجاوز حدوده ، كلمتي أبوك و ما سكتي له و تماديتي معه |
اهلا اختي نعم تستطيعي اغلاق الايميل
انا راح اشرح لك شرح مبسط اولا افتحي صفحة البريد الالكتروني اذا كان هوتميل تلاقي في اعلى الصفحه على اليمين هذه الكلمه Options اضغطي عليها تطلع لك شاشه مكتوب فيها اول خيار Language تحتها كلمة English اضغطي عليها لتحويل اللغه واختاري اللغه العربيه واختاري حفظ خلاص بكذا انتهينا من تحويل اللغه بس على شان يسهل عليك فهم المكتوب راح تظهر لك صفحه اضغطي على إدارة الحساب الخاص بك ثم عرض المعلومات الشخصية وتحريرها ثم اغلاق الحساب وخلاص اتبعي باقي الخطوات وراح يتقفل الايميل وبشرينا ............. اتمنى تكوني فهمتي علي .......... |
مشكلة والله
روح الطير عطر المدينة خلاص ان شاء الله راح اسوي اللي علمتوني عليه.. اما بالنسبة للحظر حظرته مرة ثم راسلني من ايميل جديد.. الله يعطيكم الف عافية... |
سوي زي ماقلت لك واحذفي الايميل مره وحده الحظر ماينفع بما انه هو يعرف ايميلك راح يضل وراك وراك لما يوديك بمصيبه
|
الحمدالله الحين سويت لي ايميل جديد:14: واضفت صديقاتي واهلي فقط :17:
واغلقت الحساب للبريد الاول مع انه قال سوف تنحذف كافة الرسايل وجهات الاتصال :11: وراح يغلق بشكل نهائي بعد 270يوم:29:.......شكررررراً لكم حبيباتي شكراً عطر المدينة الله يجزاكم خير.. |
ربي يووفقك ...
الحمد لله انك سويتي ايميل جديد .. بكذا تقدرين ترتاحين من الرساايل المزعجه ..:22: اما القديم لو تغيرين الباسوورد لشي ما تقدرين تتذكرينه يكون افضل ..:22:.. وبالنسبه للمنتدى خلاااص تجنبيه تماما .. وتذكري انه راح يوقعك بمشااكل انتي في غنى عنها.. وفيه نقطه بسيطه ما ادري اذا فيه احد يوافقني عليها ؟!!... اللي هي : تبلغين المتفهم من اهلك (ابوك او اخوك) عن الموضوع كله حتى يكون على درايه كامله ويقدر يتصرف .. وغير كذا شي يحز بالقلب ان ابوك يسلم عليه وهو يسوي بلاوي من وراه.. ربي يووفقك وييسر لك امرك ويبعد عنك كل من بنفسه الشر.. |
انا رايي مادام حطك في راسة ماراح يخليك ممكن يتابع مواضيعك من المنتديات ويجيب بريدك الثاني ويدخل معاك ببريد جديد ماتدري عنه عشان كذا انا رايي انك تروحي لابوك او اخوك او حتى زوجك اذا كان متفهم وتقولي له على كل شي بالتفصيل زي ماكتبتي لنا هنا وهما راح يتصرفوا ...
ونصيحة اهم واحد لازم يعرف زووووووووووجك لانه لاسمح الله قدر يوصل لك او سوى شي وعرف بعدها زوجك راح يتضايق ويزعل ويبدا يوسوس من ناحيتك ويقول لنفسه كيف كل هذا صار معاها وانا عايش معاها في بيت واحد ماحسيت بشي مو بعيدة تسوياشياء ثانية ما ادري عنها حتى لو عرف ان في احد من اهلك عارف بالموضوع ...قولي له كل شي وياليت كمان يكون في وجود اخوك بالذات اللي اعطى صديق ابوك ايميلك او ابوك او كلهم عشان ابوك يتفاهم مع صديقه الخاين ... |
بكل بساطة حظر للشخص من كل شي عندي مسنجر و ايميل
و المنتدى طبعاً اتركيه و لا تجيبي على أي رسالة أخرى منه و ريحي راسك واضح انه انسان مو نظيف |
الحمدلله مبرووووووك على الانجاز والله يكفيك شره
ولاشكر على واجب اختي كلنا اخوه في الله . |
اقتباس:
اذا هو يقدر يسوي ايميل جديد، تقدرين تسوين ايميل جديد، وتريحين نفسك من كل ها المشكله وخلصنا ، مو محتاجه كل ها العنا. انا وانا رجال، عندي خمس ايميلات، واحد لزملاء العمل والجامعه سابقاً، وواحد للأصدقاء الكلوز ، با الاضافه لايميل الشركه الرسمي ، وواحد ايميل التزاماتي الخاصه واشتراكاتي با الجرايد والعروض الي مسجل فيها ، يعني التنظيم با الحياه مهم عشان الواحد ما يلقى اي مشاكل ومن الممكن انها يستغني عنها. الله يستر علينا وعليك وكل جميع المسلمين |
حبيباتي الغاليات الله يجزاكم الف خير...
استفدت منكم كثيييييييييييييير الله لايحرمنا من بعض والله مافي مثل الاخوة في الله والتناصح بيننا لكل ماهوخير وصلاح لحالنا .... تركي العالمي جزاك الله كل خير وبصراحة انا ما احب يكون عندي ايميلات كثيرة يكفي ايميل واحد وزوجي لوطلب الرقم السري بجيبه على طول يدخل بأي وقت يبغى وما عندي شغلات كثيرة مثل العمل او الشركة او ...او... ع العموم شكرررراً لك ولكل من رد ... |
عموما لا تسنى تغير معرفك فى المنتدى الذى اخبرتية به انكى تضيفى فيه مواضيع وتغير معرفك او حتى التسجيل مرة اخرى بأسم جديد بأسم جديد حتى تنقطع الصلة به تماما وكذلك تفعلى فى اى منتدى انت مسجل به بنفس المعرف الذى كان فى المنتدى الاول ونسأل الله العفوا والعافية وان يحفظ زوجاتينا وبناتينا وابناءينا من شر كل فتنة ومن شر الفسقة المغرضين وينتقم من كل من يحاول ان يفتن اى مسلم او مسلمة والذى يحزن ان هذه الاشكال الفاسقة لها القدرة الغريبة على الصبر وعدم اليأس وحتى لو تعدى الموضوع السنة واكثر حتى تقع الفريسة ووقتها لن تستطيع ان تفلت ابدا والعواذ بالله والله مثل هذا الرجل يجب فضحة فربما يرتدع او يتوب الى الله عز وجل ويبعد عن محارم الناس |
يغلق
|
| الساعة الآن 01:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©