|
ما أدري حامل ولا ؟؟!
السلام عليكم كيفكم خواتي .. أدري غثيتكم بالأسئلة :d مادري اذا تذكرون يوم كتبت عن أعراض العادة الشهرية انها جتني بدري عن المعتاد!! تقريبا قبل بأسبوعين نصحتوني أسوي فحص منزلي وسويت الفحص المنزلي وطلع سلبي :14: أمس كان موعدها و لا جت للحين وانا جدا تعبانة آلام في صدري بطني وظهري غير مزاجي اللي متعكر ع الآخر :( المهم ما هو هذا موضوعنا :25: صارلي 10 أيام أو اكثر وانا عندي افرازات شبه سائلة مائلة للون الأصفر الفاتح بدون رائحة وبدون حرقة هل هذا دليل التهاب؟؟ انا ماني قادرة أميز سبب هالإفرازات اذا كانت الإفرازات العادية اليومية أو تدل على التهاب لأني أبغا أخذ احتياطاتي :29: وشي ثاني بعد عزيزاتي انا اليوم شربت قرفه دافيه عشان تنزل الدورة وأبغا انطلي كم نطة عشان تنزل وأفتك من آلامها بس فرضا طلعت حامل هل ممكن القرفه والنط يضرني؟؟؟ معليش استحملوني توني عروس وماعندي المام بهالأمور :25: |
اهلا ام هيـا ..:d تذكرت موضوعك بالبداية ..دام تأخرت عليك الدورة ..احتملا انك حامل..:29: وبلاش تنطي وتشربي قرفة خلي الامور تمشي لحالها ان كنتي حامل الله يتمم ..واذا الدورة بتنزل .راح تنزل من حالهـا صدقيني:d..ويمكن الالام تبع الحمل ..وانتي بالنط وشرب القرفة تأذي نفسك .. اما عن الافرازات .ماتعتبر التهاب بنظري اذا كان ماتصاحبها حرقة ولا رائحة .:27:ممكن لانك عروس صدقيني .. :23: بلاش تنطي اوكي ؟ واعملي تحليل بكرة الصبح اول ماتصحي و إن شاء الله خير :15: وطمنينـا ..:22: الف تحيه .. |
اهلين غلاتي شخبارك جد طمنتيني لما قلتي ان الإفرازات مو دليل التهاب لأني اللي اعرفه الإلتهاب يكون برائحة وحرقة وحكة وانا ما أعاني هالشي! :22: لو ما قلتيلي لا تنطي كنت رح أتنطط اليوم والله هيهيهيهي :d وعاملة نيه أسويلي ترمس قرفة :22: لأني أحس العادة على وصول يعني كنها شوي وبتنزل بس ما فيه أي بدايات لها حتى!! :29: واليوم ألم صدري زاد عن أمس وأحس ظهري بينكسر لأني نظفت البيت أمس :( بس بسألك .. ليش الفحص ضروري ينعمل الصبح؟؟؟ يعني ما ينفع اليوم؟؟؟ :15: لأني أقول ببالي أحسن أسوي الفحص بأسرع وقت واذا مو حامل بتنطط وأشرب قرفه على راحتي :d انتظر ردك :25: |
هلا بك .. التحليل ينعمل الصبح احسن للنتيجة لانه هرمون الحمل بيكون مركز ..والنتيجة تكون جيدة في حال الحمل .. وانتبهي لنفسك ..والله ماراح يفيدك شي لو كنتي حامل ونزل الحمل من النط والقرفة:23: واي شي انا بالخدمه .. الله يوفقك حبيبتي .. |
وتقدري تعملي التحليل اليوم اذا كنتي حامل راح يبين بإذن الله بسرعة ..لاني انا عملت التحليل المرة السابقة قبل النوم وعلى طول طلع ايجابي .. الله يوفقك |
يا رب تكوني حامل
يا رب ما تعبي حالك ولا تنطي ولا تشربي قرفة ارتاحي وان شاء الله خير |
قلبي حاسس انك حامل
ياااااااااارب تكوني حامل وتيجي تبشرينا ان شاء الله طمنينا عنك يا قلبي |
اقتباس:
مشكورة يالحايرة :d ما قصرتي عزيزتي لا خلاص ان شاء الله رح انتبه وراجعي آخر رد لي في الموضوع بعد شوي بعدما أرد على باقي البنات :15: |
اقتباس:
مشكورة يا عسل على هالدعاوي الحلوة جد خجلتيني :o |
اقتباس:
:o;):o والله مادري شقولك يا زوجة أحمد :25: يمكن احساسك يكون في محله ويمكن لأ راجعي ردي الأخير على الموضوع بعد شوي :d |
شخباركم يا بنات رح أقولكم ايش سويت اليوم وعطوني رايكم :22: طلعت بعد المغرب مع زوجي على الصيدليه وخذيت اختبار حمل بعدين رحنا نكمل مشترياتنا أول ما رجعنا ركض على دورة المياه الله يكركم جميع بدون ما أخبر زوجي بغيت أسوي الفحص وأفتك ألم ظهري تاعبني مووت :( سويت الفحص .. طبعا ظهرلي خط واحد واضح جدا أحاول أشوف اذا فيه ثاني شفت مافيه .. قلت خلاص برمي الفحص ما فيه بيبي هيهيهيهي !! بس مادري ليش ما رميته .. خليته وطلعت أسوي عشا خفيف رجعت وفتحت كل أضواء الغرفه ولزمت أتأكد :11: لاحظت خط ثاني بس بطلوع الروح لاحظته مو مبين ... قلت أكيد أتوهم .. الخط أبيض مو وردي .. رحت وريت زوجي .. قلتله تشوف شي .. قالي ايه خط أبيض !! وأصلا اللوحة بروحها بيضا قلت لاااا مو صحيح مو حمل مستحيل ما كملت شهرين زواج وبعدين الخط أبيض ياربي ايش هذا مو فاهمه شي !! المهم تركت الفحص ورحت تعشينا زوجي وانا وسولفنا بس فيني فضول غريب الا أبغا أكسر الفحص وأفحصه بروحي هيهيهيهي رحت وسكرت الغرفه على روحي .. وفتحت الفحص من داخل أبغا أشوف ايش سالفة الخط الأبيض!! بس بدون ما أكسره تخيلوا ايش طلع الخط الأبيض !!! :24: طلع نهاية الستكر تبع الفحص هيهيهيهيهي ككككككك:d ماعلينا ... قمت أفحص الشريحة .. < < < مسوية روحي طبيبة عاد:25: الشريحة اللي هي القطعة البيضا اللي تظهر بالشاشه واحزروا ايش شفت جنب الخط الأبيض المزعووووم :24: شفت هذا | شايفينه؟؟؟؟ جدا جدا جدا خفيف بس واضح جبت زوجي اقوله ايش هذا!!!! قالي اشدراني هيهيهيهي:d وبس هذي السالفه مادري عاد حامل و لا لسه و لا ....!!! ايش رايكم انتم عاد قولولي يا بنيات؟؟ ما كنت حاطه في بالي أحمل بس لو حملت أكيد بستانس بس للحين مافيني نوم أفكر معقوله هالخط الخفييييييييييييف جدا دليل حمل!!!! |
ممكن يكون حمل
بنسبة 80 % انا بحملي الثاني طلعلي خط وخررجت وانا مبسوطة اني مووو حامل :d وبعدها بعشر دقايق رجعت ولقيت خط خفيف ومن بكرة رحت وعملت تحليل دم وقاالي مبروووك حاامل واناااا :24: لكن الحمدالله |
فهمت من كلامك انك شفتي خطين واحد واضح وواحد خفيف؟
|
مع أنك مارديتي على تساؤلي
بس راح أقولك تجربتي أنا بأول حمل ليه عملت التحليل بالصباح يمكن الساعه 8 طلع خط واحد واااضح والثاني مابان رحت نمت وقمت الساعه 9 اطالع ألا فيه خط خفيييييييييف حسيت اني أتوهم بعدين رجعت نمت قمت على الساعه 12 الظهر حسيته وضح اكثر لما جاء زوجي وريته أياه وقااااللي فيه خط خفيف رحت عملت تحليل بالمستشفى قالتلي الدكتوره فيه هرمون حمل تعالي بعد أسبوع عشان نعمل التحليل مره ثانيه بس ماقدرت أصبر أسبوع رجعت بعد ثلاث أيام وعملولي التحليل وطلت حامل يعني أذا كان طلع لك خطين بأذن الله تكونين حامل ولو ماكان حمل ترى أفضلك لاحقه على تعب الحمل والولاده والبيبي عيشي وأنبسطي شوي موفقه حبيبتي |
اقتباس:
[FONT="Tahoma"]والله مادري عاد انا قلت ما بسوي فحص الدم بنطر شوي شاكرة ردك يا عسل :d[/FONT] |
اقتباس:
بس الخط خفيف جدا و شفته بعدما فتحت الفحص من جوا فاهمتني ما كان مبين من شاشة الفحص يادووووب جدا جدا فاتح شاكرة ردك عزيزتي |
:22
: بإذن الله حمل ..لكن ببدايته الهرمون لسى ماتركز ... بعد يومين اعملي اما تحليل ثاني للبول او تحليل دم بالمستشفى :30: ..وطمنينـا الله يوفقك .. |
ان شاء الله حامل
عيدي الفحص بعد اسبوع او اعملي فحص دم بيكون احسن واضمن |
شخباركم عسولات
:d أبشركم الضيفة شرفت :25: :14: وانا مبسوطة حدي لأني ما كنت عاملة حسابي أحمل :17: بس زوجي زعل فديته :29: يالله خيرها بغيرها جزاكم الله خير حبيبات قلبي :22: |
يالله ياستي أفضلك لأن لسه بدري توكم عرسان تهنوا بحياتكم ولا حقين على التعب والهم الله يرزقكم الذريه الصالحه
|
| الساعة الآن 02:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©