|
لعبة الانترنت و تبادل الرسائل بين زوجي و مشتركة ( حُلت و لله الحمد )
السلام عليكم ورحمة الله وبركاته
عندي موضوع مضايقني ماأدري معاي حق ولا لأ فياليت تنوروني زوجي يلعب لعبه على الأنترنت وفي اللعبه هذي يتبادلون الرسايل فيما يخص اللعبه فيها نساء وفيها رجال فقريت رسايل له مع أحد الأعضاء في اللعبه أسمه أسم بنت لاأعلم هل هو أمرأه أم رجل ؟ المهم قريت بينهم رسايل كلها بخصوص اللعبه لكن طريقة الكلام ضايقتني مرررررره يعني هو يكلمها على أساس أنه أنثى فمره يقولها باين عليك بنت أصول :19: ومره يقولها أي خدمه أنا تحت أمرك:( ومره يقولها أبشري :( ولقيتله رساله يقول فيها أتمنى ماأكون أزعجتك بالرسايل وأي شي أنا تحت أمرك :29: ومره لقيتله رساله هي طلبته فيها شي بخصوص اللعبه وهوه أعطاها غير الي طلبته ورجعت قالتله تسلم يالغااالي:eek: بس كان ودي أنك أرسلت على طلبي قالها كان ودي أرسلك ألي طلبتي لكنها تاخذ وقت بس أذا أطرينا ماتردنا المسافات :30: وهي على كل كلمه وثانيه تسلم يالغالي :( مشكور يالغالي:( ماقصرت يالغالي :23: فانا مررررره تضايقت بالذات لما شفت كلمة الغااالي :( أنا لما شفت كلمة الغالي عصصصبت وقلتله ليه الجرأه هذي قالي أيش دخلني هي ألي تكتب مو أنا قلتله بس أنت ألي أعطيتها المجال تكتب الكلام هذا من طريقة كلامك معاها قالي الله يهديك وكان خارج وقتها فأنا ماعاد فتحت معاه الموضوع هذا له كم يوم بس أحسه مضايقني كل ماأنساه أرجع أتذكر وأتضايق هل أرجع أكلمه بالموضوع ولأ أسكت ؟ ولا تشوفون أنه ماله داعي أتضايق أصلاً؟ أتمنى تكونون فهمتوا الموضوع لأني أحس الكلام ملخبط وشكراً تم تعديل العنوان ليتضح المضمون الإشراف |
حمليها خفيف ولا تحطي ببالك
هذه اللعبه اكثر الازواج يلعبوها وعدة مواضيع بهذا الخصوص ما فيها شي تقول الغالي طالما انهم يتكلمون باللعبه ما تنكدي على نفسك سجلي بهذه اللعبه من غير ما يعرف زوجك والعبي معه وتبادلو الرسايل اقتربو من ازواجكم شوفو شو يعملو واعملوه معهم هم فقط عشان تتقربر من بعض حتى تقدرو تخرجوه منها |
اقتباس:
تسلمين حبيبتي جرين على الرد كنت متوقعه أنك أول واحده ترد لانك معودتنا على كذا ياعسل أنا حاولت كم مره أني أنسى الموضوع وقلت في نفسي أني مكبره الموضوع ووقتها أقول راح أنساه وبعد كم يوم ارجع أتضايق وكانه توه حصل وبالنسبه للعبه هو يشاركني فيها ويوم شفته يحب اللهبه صرت أشاركه فيها واسأله عنها واحياناً يكلفني ببعض المهام فيها بس من بعد ماشفت الرسايل كرهت اللعبه وماصرت أسأله عنها أو أشوفها ولا أبغاه يجيب طاريها |
اقتباس:
خليكي يا اختي مع زوجك تشاركيه و يكلفك بمهام .. فهذا يدل ان زوجك يثق فيك و في نفس الوقت تتأكدي انه ما في اي شي يثير شكك من ناحيته .. ويا ليت تطلبي من زوجك انك انت اللي ترسلي الرسااايل على اساس انك السكرتيره .. :d:14: |
الظاهر ذات لعبه زوجى ويلعبها ناس كثر منهم زملائه بالعمل
لما شفت اندماجه باللعبه اشتركت بها ايضا عرفت ان الشخص ان وصل لمركز متقد م ممكن يبيع موقعه لشخص اخر بمبلغ محترم وذات الوقت ممكن يدفع فلوس ان اراد يطور من حاله وبعض ا صدقاءه عملوها وسئلته فرد لم يدفع شىء باندماج الشخص باللعبه وادمانه لها ممكن يدفع فانتبهى لهذه النقطه فمال زوجك هو مالك |
اللعبة هذه اللي تتكلموا عنها مو نوع من القمار؟؟؟
|
هاذي ...لعبه مشهوره وانشرت بشكل كبير جدا
|
خلاص شاركيه وكأن الرسايل تصل لك
خلاص لا سمح الله لو نيته سيئه ما كان كلفك بمهام فيها ابقي معه في الشارده والوارده انا من وجهة نظري ما تخافي طالما انك قربه وانتم كتاب مفتوح لبعض وهذا هو المهم |
نفسي اعرف شو هاللعبة الي الكل بحكي عنها وعاملة كل هالمشاكل هههه
الحمدلله زوجي مابحب الالعاب وما عندو وقت الها ماشاءالله بلاش يصير يحبها |
اقتباس:
وأنا مع الاخت أميرات..((يا حركاات يا غيارة:d:22::d ))بس يا اختي العزيزة لا تكبري السالفة ولا تتضايقي, مدام هو واثق فيكي و انتي معاه و قداموا ترى صدقيني ولا على بالوا (ترا مهتم في اللعبة ) لا تعيدي و تزيدي حتى لو ما يهتم تخلي يروح يلاحظ _إنتبهي_و بالتوفيق يا اختي.. |
ياقدمها هاللعبة ؟؟ أذكر من العام الماضي طحنا فيها طيحه الله لايوريكم !!
للحين فيه ناس يلعبونها ؟؟ الصراحة إنها مملة لأبعد الحدود ؟؟ ومضيعه للوقت وسخيفة لكن لاتهتمين خلي عقلك أكبر من كذا لأنها لعبة قمة في السخافة وبتشوفين راح يمل منها قريباً وراح يحذف قريته وينتهي كل شيء الرسائل والجنود والموارد وكلش :) لا تختلقين المشاكل من لا شيء نصحية محبة ! |
عليكم السلام ورحمة الله وبركاته
مسألة يحق لك تتضايقين .. يحق لك ونص لكن شوفي الناحية الإيجابية من المشكلة .. إنه إنسان واضح قدامك والرسايل قدام عينك لو كان نيته يلف ويدور كان قفل على كل شي بأرقام سرية وماهميتيه بس لو كنت مكانك أبين له سبب ضيقتي ، وضحي له إنه مافيه مجال للشك بيننا الحمد لله وأنا مااشك فيك لكن يحق لي اغار على زوجي واهتم فيه ومااسمح لأحد يتعدى حدوده معاك مادامني اقدر على ذلك وقولي له انت ايضاً احسب حساب لمشاعري وإني إمرأه اتضايق جداً من الأمور هذي حتى لو شفتها بسيطة بعينك أهم شي يعرف إنه المسألة ماهي مسألة شك وأشياء كبيرة لا .. مسألة قلب زوجتك ومشاعرها حافظ عليها من أي شي ممكن يخدشها مثل ماهي تحاول تراعيك وتحافظ على مشاعرك .. وبالتوفيق لك .. |
انا اقول جاريه وامشي معاه طالما كل شي قاعد يصير بشفافيه ووضوح , لكن خليك منتبه وملاحظه يعني لا تسمحين انه يوصل لمرحلة انه يخبي عليك بعدها راح تكبر المشاكل, زي ما يقولون شدي شويه وارخي شويه
والله يبعد عنكم كل ما يمكن انه يخرب عليكم, ويديم عليكم الموده |
اقتباس:
ياهلا والله بصاحبة القلم المبدع كنت أنتظر رأيك لأني أثق في آرائك جداً:22: فهمت من كلامك أني أرجع مثل أول ولا كأن شي صاير يعني ماأفكر أكلمه بالموضوع ؟ ومشكوره حبيبتي |
[
اقتباس:
بس ماقلتيلي رأيك بالمشكله ومشكوره أختي على الرد الله يرزقك الذريه الصالحه ألي تسرك |
اقتباس:
لا إن شاء الله ماهي مثل ماتقولين وهي معروفه وكثير ناس يلعبونها لو أنها قمار ماكانت مشهوره كذا |
اقتباس:
|
اقتباس:
|
اقتباس:
الله يحفظ زوجك ويديم عليكم السعاده وراحة البال ويحفظ أبنك ويسعده بس ماقلتيلي رأيك أنسى الموضوع ولا أكلم زوجي ؟ |
اقتباس:
|
اقتباس:
مشكوره حبيبتي على الرد والله من ناحية ممله فهي عن جد ممله ماأدري أيش عاجبهم بهالعبه وهو دايم يقوللي والله بديت أمل منها بس قل يوم يبني قريه جديده مو باين الملل يعني أطنش وأنسى الموضوع أتمنى المزيد من الآراء عشان أتخذ القرار وتسلمين ياعسل على النصيحه |
اقتباس:
هلا والله بمشرفتنا الغاليه شرفتينا بالرد هذا ألي أقوله بيني وبين نفسي أني أكلمه بالموضوع بالطريقه ألي قلتي عليها فياليت الأعضاء يقوولولي رأيهم بردك ياغاليه ومشكوره حبيبتي على الر د |
اقتباس:
أنا حاولت اجاريه وانسى الموضوع بس أنساه شوي ويرجع الموضوع حتى صرت لما أبغى أقوله كلمه حلوه أو أسوي له شي حلو وأتذكر الكلمات تخليني أبعد عنه يعني أحسها حطت بيننا حواجز ومشكوره حبيبتي على الرد والدعوه الله يسعد قلبك ويريح بالك مع زوجك ويبعد عنكم الهم والكدر |
مدامو مدايقك هلأد احكيلو بس باسلوب حلو ديري بالك مش باسلوب مباشر
يعني وانت بقعدة حلوة احكيلو حبيبي بدي اقلك اشي مدايقني بس تفهمني ويعني خليكي دلوعة عالاخرررررررر واحكيلو ماعندي مانع تلعبها بس بعقل و يعني بتوسط مش كل وقتك وياريت في مراسلاتك تكون رسمي وهيك يعني احكي الي بقلبك بس خليكي شاطرة واعرفي الاسلوب الي بدخل قلب زوجك موفقة |
اقتباس:
مع أن سكاني فوق الألف وعندي 6 قرى و 2 واحة ومع ذلك مااهتميت فـ مو دليل إنه يبني قرية يعني ماطفش من اللعبة لالا .. ومادام قال طفشان فهو فعلاً طفش منها وانتظري راح ينساها .. طنشي بس وانسي وعيشوا يومكم :22: |
تشكرين على دعائك لى بالذريه
ارى بما انه لا يخفى شىء عنك فهو بالسليم وان كانت التى راسلته بخصوص اللعبه تلفظت بما لا يعجبك فهذا شأنها وهى من قام بهذا وليس زوجك فزوجك لم يرسل لها ما يعيب ولاخطر بهذا لكن الخطير بالموضوع الاستغلال المادى للاعبين |
يحق لج تزعلين
لكن!! انسي ولاتشاركينه باللعبه اذا كانت تذكرك بهالشي !! والله مضيعه للوقت وتفاهه!! |
طيب صارحيــه بما يغضبــــك منه
قولي لـــــــه: هــل ترضى ان افعل مثل ماتفـــــعل مع رجل غريب او ان أقـــــــــول له تسلم يالغــالي!!! لاأحبـــذ ان تمشي الامــور هكـــــذا من هـــذه النواحي ولا ان تــسبب في تـــكون مشكله كبيره بينكمـــا لكــن صارحيه وناقشيــــه بهدوء وحنـــكه وبإظــاهر الحـــزم بشـــرط الابتعــاد عن ســـــــوء الأدب حفظـــك الرحمن غاليــــــــتي... |
اقتباس:
والله مضايقني يعني حاولت كم مره أكبر عقلي وأنسى الموضوع بأقدر وقتها أنسى لكن اليوم الثاني بأرجع أتذكر الموضوع وأتضايق وأعصب على أتفه شي عشان كذا أنا أقول حأكلمه بالموضوع لكن لما نجلس وأجي أبغى أكلمه أتردد واقول خلاص أنسي ماله داعي ماأبغى أحطه في موقف محرج قدامي بعدين أندم لكن قررت أني أكلمه لاني أعرف نفسي لوسكت راح أنبش الموضوع هذا لو بعد مية سنه مع المشاكل مشكوره حبيبتي على المتابعه والاهتمام الله يبعد عنك الهم والمشاكل |
اقتباس:
الله يسمع منك عن قريب أن شاء الله يمل من اللعبه هذي وينساها أشكرك على المتابعه الله يبعد عنك الهم والمشاكل |
اقتباس:
ياليت أقدر أنسى حاولت وماقدرت والله الموضوع هذا زي اللقمه الناشبه بحلقي لاني قادره أطلعها ولاني قادره أبلعها عشان كذا قررت أني أكلمه من ناحية تافهه والله تافهه وتسلمين على المشاركه بالرد الله يبعد عنك المشاكل ويسعدك |
اقتباس:
أشكرك على المتابعه والأهتمام |
اقتباس:
بإذن الله راح أكلمه بالموضوع عشان أرتاح مشكوره ياعسل على المشاركه الله يحفظك ويرعاك ويسعدك |
في احتمالين .. الاول: اذا هو الان يخليك تجلسي معه و تشوفي كل الرسايل بكل عفويه.. لكن احتمال اذا كلمتيه باسلوب الشك و الظن ما راح يسمح لك تجلسي جنبه و راح يقفل على كل الرسايل و احتمال يعاند و يواصل اللعبه حتى لو كانت في نيته انها يتركها .. الثاني : احتمال اذا لك معزه عنده انه يترك اللعبه كلها عشان خاطر ما تزعلين .. انت ايش تتوقعين ..؟؟؟ |
اقتباس:
وأحياناً يزعل لما أكلمه بأسلوب مش كويس لكن أذا جيته بأسلوب حلو يتجاوب معايه وأذا كان غلطان يعتذرلي ويرضيني كمان وبصراحه أكثر كمان زوجي أتوقع منه أي شي وقت الزعل واتوقع منه كل شي وقت مايكون راضي وبالنسبه للموضوع أنا كلمته فيه اليوم يوم شفته رايق ضميته وقلتله أبغى أقولك شي مضايقني بس أخاف تزعل أو تفهمني غلط قال قولي ماراح أزعل قلتله موضوع الرسايل ألي كلمتك عنه أول مضايقني من ذاك اليوم حتى أحسه حط حواجز بيني وبينك كل ماأبغى أقرب منك واتذكر الموضوع أبعد عنك قال هذا الشيطان بعدين قعدت أقول له الكلمات ألي قريتها وسألته تشوف الكلمات هذي عاديه بعدين أبتسم وقال والله العظيم أن مافي نيتي شي من الي في بالك ولو في بالي شي ماكنت أخليك تقرينها قلتله يعني ماتشوفه شي غلط قال ممكن أكون غلطت معاها بطريقة الكلام لكن والله العظيم مافي نيتي شي من ألي في بالك وقلتله أنا واثقه فيك وماجيت أكلمك ألا من باب الغيره ضحك وقال والله أني أحبك وماودي أزعلك بس أنتي تخلين الشيطان دايم يدخل بيننا قلت أفعالك أنت السبب وقالي والله العظيم أني مليت من هالعبه واني أغصب نفسي في اللعبةقلت ليش قال ماهو هاين علي التعب ألي تعبته فيها واكبر دليل أني صرت أوزع الموارد على أصحابي عشان أفتك منها وقاللي والله ماعاد أرسلها أي رساله قلت عادي أذا كان بحدود اللعبه وبطريقه رسميه قال عشانك والله ماعاد أرسلها ولاأرد عليها وكلها كم يوم وأفتك منه هاللعبه وقاللي أن عنده أحساس 90% أنها رجل لأن أكثرهم يدخلون بأسماءء بنات وتوته توته خلصت الحتوته واشكر كل من شاركني برأيه ونورني الله يسعدكم ويهنيكم ويرزقكم ويبعد عنكم الهموم والمشاكل والأحزان |
اقتباس:
|
الحمد لله اللي اصلح الحال واسلوبك ماشاء الله عليك مرة حلو مع زوجك اكيد كل وحدة تعرف مدخل لزوجها ...
|
برافووو عليك خيتووو .. واضح انك ذكيه و عارفه كيف تتفاهمي مع زوجك .. وربي ما يغيّر عليكم .. |
الفضل بعد الله لهالمنتدى الراقي بأعضاءه ومشرفيه ومراقبيه ومديريه ولا كان باقي مثل ماأنا ألف شكر لكم
|
كل شي بالهدوء له حل
لكن المشكلة الواحد لما يكون في حالة غضب مايعرف يتصرف بانفعالاته وغالباً يندم عليها .. الحمد لله عدّت على خير ، الله يحفظكم ويديم المحبة بينكم ويبعد عن حياتكم أي شي يكدرها .. |
| الساعة الآن 01:04 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©