|
زوجتي لا تقوم بواجبها تجاهي و اعيش حياة ملؤها النكد (حُلت والحمدلله )
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته انا متزوج ولي 5 شهور وعايش بنكد مع زوجتي وكتمت كثييير لحد ماصرت اكلم نفس وفهمتها كثير باللي ابيه واللي مابيه وماتنفذ وانا اجزم لكم ان استمر الوضع هذا بتكون حياتنا نكد بنكد اااا مع العلم اني خلوق وطيب واراضيها واحبها وماخليها تنام وهي زعلانه وماطلع من البيت دايم عندها من العمل للبيت والمسجد فقط وهي معيشتني بنكد وهذي بعض النقاط من تصرفاتها ارجو منكم مساعدتي مع العلم انني من النوع الكتوم ولا احد داري عني اللي اللي راح يقرا رسالتي مماتسمع الكلام في كل شي 1 فلت لها لاتلبسين كعب طبعا خايف عليها وعشان هي حامل وماسمعت وتلبس - شيلي الدببه وماشالتها لين خلتني اشيلها -وقلت شيلي المجلات ولاشوفها بالغرفه وماشالتها - واطلبها اي شي تقول اوووف او استغفر الله - او طلباتك كثيره ويسوون اهلي غدا او فطور او اي شي وقول هيا نطلع وتقول تعبت طالعه نازله ولاتطلع وتزعاني فيها وي اشي اطلبها فيها ماتجيبه لين تسوي مشكله وتخليني ارفع صوتي عليها يعني ماتسمع لي من الكلمه الاولى - 2- من يوم تزوجت ما قد اكلت معي الا مره وحد بس تجيب الاكل وتروح غرفتها وتقرا مجله او تقعد على الجوال وفهمتها اكثر من مره تاكل معي وتقوول كلمتها الشهيره واللي غثتني فيها مااالي نفس ومن كثر ماسمع ذا الكلمه سرت اطفش منها ومن الحياة كلها لاني ابيها تاكل معي والمصيبه انها تقول هاذي ماهي جريمه عشان تزعل منها --- لدرجه كرهت اروح المطاعم بسببها لاني رحت مراات مطاعم واطلب كل شي واقوا خذي المنيو وطلبي تقول ماابي انت اطلب واجيب كل شي وفي الاخير ماتاكل ولاشي وقوم وانا زعلان من تصرفها ودايما اجي من العمل والقاه يا عالجوال او المجله مافي يوم فرحتني وقالت مثل ماتقول اي بنت ترحب بزوجها وتهليبه وتاخذ شماغه وتشوف وش يبي ابدااا مافي هذا الشي عندها -- اذا جيت اسلم واناضر ابي تقول شي مافيه شي واروح اجلس في غرفة الجلووس ولاتجليني وتسوي شي لي او اقل شي تجبر خاطري بكاس شاي لحد ماتجبرني واجيها واشوف وش فيها وتقول ماافي شي --- والله طفششششششت مهالحياة معها 3- الشي الثالث اني اذا زعلت او كنت متضايق او طفشان ماتجي وتشوفني وتاخذ اللي بصدري تخليني زعلان مثل مانا وانا من النوع الكتوم وصعب الواحد يروح يفضفض لوحده مهي يمه لدرجه اني ازعللل لحد مايروح زعلي وبعدين اروح لها وكن ماصر شي عشان مايكبر الموضوع -- وفي شي قاهرني اني اذا زعلت وهي الغلطانه بس تقعد تبكي واذا خلصت بكا تخليني ولاتجي ترضيني ابدا ومستحل انها تحي مدري عاد ليش ؟ وفي الاخير اروح انها لها مع انها هي الغلطانه ---- 4- وطبعا مافي اي اهتمام لي ابدا ولاني حاس انها مهتمه فيه ومقد سمعت منها الكلام المعسووول اللي تعرفونه وتقوله اي زوجه صالحه لزوجها مع اني مغرقها بها الكلام مثل حبيبي حياتي عيوني قلبي --- الخ عفواً تم تعديل العنوان ليتضح المضمون الإشراف |
ينقل حيث مكانه الأنسب ..
اسأل العلي العظيم أن يفرّج همك ويحنن قلبها لك ويسخركم لبعض . |
جزاك الله خير وانا جديد ع النت وقلت اطلع اللي بصدري لكم يمكن الاقي حل
|
وعليكم السلام ورحمة الله وبركاته
الله يسعدك ويفرج همك بماانهاحاااااااامل حاول قدرالامكان تقدير نفسيتها حاول تتكلم معهافي لحظة صفاء وتنبهها اوتهديهااشرطة محاضرات عن الحياة الزوجية أخي الكريم لاتتهور لان الطلاق ابغض الحلال عندالله وفكربابنك أوبنتك اللي جاية الله يصلح حالكم ويهدي بالكم واحتسب الاجر اذاماتقدر تصارحها اكتب رسالة عتاب بسيطة وباسلوب سلس أوخلهاتستفيدد من النت وتشوف العالم كيف عايشين الله يهديها ياكريم واصبرواحتسب الاجر اوانصحهاباسلوب لعل وعسى ينفع معها وعليك بالدععععععععاااااااااء موفق بإذن الله ... لك مني أجمل تحية . |
اخوي ما في حل الا تشد شويه معاها
شكلها مدلعه عالاخر ممكن تفهم اهلها يعملوها كيف تتعامل مع زوجها وممكن يكون مالها نفس من الوحم وربي يفرج همك وييسر امرك ويهدي زوجتك |
اقتباس:
|
اقتباس:
واخيرا لا تكبر الموضوع انظر الى حياتك الان وكيف اصبحت جميلة وبها زوجة وانت ما شاء الله على وشك ان تكون احب ولك اسرة وبيت واهتمامات غير العمل ولا تكبر الموضوع والله الزواج نعمة بفضل الله ونسأل الله ان يديمه عليك وان يزوج كل شاب وبنات المسلمين |
اقتباس:
جزاك الله الف خير اذا شديت راحت تبكي والمشكله اذا تفاهمنا ماتتكلم ابدا تقعد ساكته بدون نقاش واما مالها نفس هذي من قبل الوحام مهي جديده |
اقتباس:
|
اللهم ياحي ياقيوم أصلح حاله وحالي وجميع المسلمين
عندي حل ممكن يفيدك ...اتصفح المنتدى في قسم المتزوجين واجمع كل اللي يناسب حالتك وحاول تنسخها وتنزلها على الوورد وترتبها وتطبعها وتجمعها في ملف وتجيبها في البيت وكأنها من شخص يبغاك توصلها لشخص ثاني ..؟؟؟ وإنك تنساها في البيت.. وهذه طريقة غير مباشرة حتى تقرأها زوجتك وتستفيد؟؟؟؟ |
اقتباس:
جزاك الله خير اخي الكريم وسأخذ بحلك وان شاء الله يكون فيه حل |
وعليكم السلام ورحمة الله وبركاته
اعجبني رد قلب صافي الله يسعدهاا ممكن تعمل به وان شاءالله ربي يسخرهالك ياكريم ويهديها |
غالباً اذا كان حمل في بداية الزواج تتغير نفسية الزوجة وتكون مشاكل وآعذرها ممكن تكون متنسية عليك آنا بحملي كرهت زوجي وآغلب النساء بالحمل تكره ريحة الطبخ ..
|
اول شي مبروك اخوي ..
بس وربي تضحكون تركضون على الزواج وبعد كم شهر تطلع المشاكل و تقولون ما نقدر نتحمل الحياة يبي لها صبر واسلوب في التعامل و زوجتك واضح من كل كلامك أنها صفيرة وما عندها ذاك الادراك الكبير .. فلازم تاخذ هالشي بعين الاعتبار محتاجة للزمن والصبر عشان تتعلم وتنضج .. وانت يا أخوي لازم تتقبل هالشي يعني مو تتزوج وحده في عمرها وتبي مخها وعقلها وتفكيرها مثل عقل ومنطق وخبرة وحده في اربعين الانسان ما ياخذ كل شي من هالدنيا .. أما وحدة في سنك وتفهمك لأنكم تعيشون نفس المرحلة العمرية أو وحدة اصغر منك وتصبر عليها ماتسمع الكلام في كل شي 1 فلت لها لاتلبسين كعب طبعا خايف عليها وعشان هي حامل وماسمعت وتلبس أكيد متعودة تلبس كعب عالي طول عمرها .. و تشوف نفسها مو حلوه ولا انيقه بدون الكعب العالي انت بس كلمها بهدوء وعلمها ليش ما تبيها تلبس الكعب .. خلها تفهم سبب طلباتك عشان بس ما تحس انك متحكم فيها .. لأنها هي مو حاسه شنو سالفتك والموضوع بسيط جداً بس انت مكبره قولها مثلاً أنا خايف على ظهرك .. ترى اهم شي في المرأة ظهرها إذا خرب ما تقدر تتحمل جنين ويمكن لا سمح الله يقولك الطبيب نامي على ظهرك طول الحمل لو تعبتي نفسك او صار شي لظهرك .. خلك بعافيه ربك تروحين وتجين احسن لك انتي في عيوني حلوه بكعب ومن غير كعب .. >>> بس المشكله انها تفكر في الناس بعد مو بس فيك - شيلي الدببه وماشالتها لين خلتني اشيلها انا والله مثلك مستغربة من سالفة الدببة .. الظاهر ناقصها حنان من أمها ما حضنتها ولا حست بدفئ حضن أمها .. عموما راح تبطل هي بس يجي البيبي الجديد وتبدأ تعطيه حنان اصبر عليها شكلها طفله ومدلعه بعد -وقلت شيلي المجلات ولاشوفها بالغرفه وماشالتها مراهقة توها عندها ادمان مجلات .. وتغريها هالعناوين البرقة .. وأخبار الفنانيين والموضة .. واشياء تثير الفضول .. كلنا مرينا بالهمرحلة .. وبطلناها الحين .. الحين نادر امسك مجله إلا اللهم إذا رحت مكان وابي اقضي الوقت اجلس اتصفح فيها - واطلبها اي شي تقول اوووف او استغفر الله - ايه مو متعوده احد يطل منها شي .. هي متعوده انها هي الي تطلب وينفذون لها .. والي مو متعود كل شي يصير عنده ثقيل حتى كاس الماء لو تطلب منها تقول اووووووف ليش تقومني من مكاني بس الصراحة المفوض اهلها فهموها ان الزواج مو لعب .. يمكن يصير لعب في البداية بس بعدين لا المفروض يفهمونها بصير معك كذا وكذا واعملي كذا .. بس ما حصل لها احد يعلمها .. والناس هليام صايره كذا اهم شي يزوجون البنت يخافون تعنس ولا يهمهم يفهمها يخلونها تمشي كذا وتتعلم لحالها .. عقب ما تذوق المر ايش تسوي اقعد انت فهمها .. 2- من يوم تزوجت ما قد اكلت معي الا مره وحد بس تجيب الاكل وتروح غرفتها وتقرا مجله او تقعد على الجوال وفهمتها اكثر من مره تاكل معي وتقوول كلمتها الشهيره واللي غثتني فيها مااالي نفس ومن كثر ماسمع ذا الكلمه سرت اطفش منها ومن الحياة كلها لاني ابيها تاكل معي لا اهي شنو سالفتها متعوده تاكل متى ما حست بالجوع ولا تفكر في أحد يعني يمكن في بيت اهلها كذا متى ما جلست من النوم كلت .. متى ما حست تبي غدا دخلت المطبخ وكلت .. ولا تفكر انها تاكل مع أحد لأن يمكن كلهم متعودين كذا .. كل واحد متى ما طرا على باله الاكل كل لحاله وربي صرت اسمع صحيح العالم صايره هالشكل .. وهذا الشي في نظرها مو جريمه لأنها كانت عايشة حياتها كذا قبل وما حد انتقدها بس الحين المفروض تعرف انها متزوجه وبيتها غير بيت ابوها .. بعد الزواج الانسان ما يفكر بنفسه وبس انت اجلس فهمها وتكلم معاها وقول لها تعالي اكلي معي عشان تفتحين نفسي ماحب اكل لحالي و في شي ثاني بالنسبة للمطاعم .. يمكن للحين تستحي تاكل جنبك .. صدقني في بنات كذا خلها تتعود عليك .. البنات حساسيين يفكرون في حاجات ما تخطر لكم على بال قولها بنروح المطعم بتاكلين نطلب ما تاكلين نقوم احسن .. شنو متزوج صوره وإلا ادميه >> امزح معها علمها تاكل معاك عشان تتعود ودايما اجي من العمل والقاه يا عالجوال او المجله مافي يوم فرحتني وقالت مثل ماتقول اي بنت ترحب بزوجها وتهليبه وتاخذ شماغه وتشوف وش يبي ابدااا مافي هذا الشي عندها -- اذا جيت اسلم واناضر ابي تقول شي مافيه شي واروح اجلس في غرفة الجلووس ولاتجليني وتسوي شي لي او اقل شي تجبر خاطري بكاس شاي لحد ماتجبرني واجيها واشوف وش فيها وتقول ماافي شي --- والله طفششششششت مهالحياة معها يا اخوي صغيره على بالك وحده ناضجه ولا تدري شنو في مخك .. ولا حد علمها تعمل هالأشياء و لا تدري شنو اهميتها .. وهي اصلاً مو فاهمه شنو زواج ولا ايش دور الزوجه .. تفكر تعاملك مثل اخوانها يزعلون ما يزعلون ما تدري عنهم وهي تحس انها مالها دخل في زعلك .. مدام ما زعلتك ما عليها منك >>> هذا الدلع وما يسوي انت تفكرها انسانه ناضجة بس اهلها معودينها تعيش لنفسها .. ما عمرها تحملت مسؤوليه انا احياناً استغرب لما اروح المستشفى اشوف الأم جاية مع بنتها مو صغيره .. والأم هي الي تتكلم كنها توها صغيره .. لا والأدهى والأمر يوم كنا نسجل في الكليه في امهات جايين مع بناتهم وماسكين اوراقهم ملفاتهم على بالهم بيسجلونهم في ابتدائي .. بالله عليك إذا ناس هذا تربيتهم وين يتحملون مسؤوليه .. الله يعينك زوجتك محتاجة تثقيف من الألف إلى الياء .. اشتر لها كتب بهذا الخصوص وخلها تقراهم بدال المجلات .. أو خلها تحضر دورات .. وإذا صار برنامج في التلفزيون نادها تجلس معك وتشوف وتسمع وبعدين تناقشو ا فيه .. لأن الحين هي مافي مخها شي عشان تتناقشون فيه .. الي اهلها علموها عليه طلع وانت شفته خلال الـ 5 شهور .. غيره ما عندها |
إلا صحيح ..
كم عمرك ؟؟ وكم عمر زوجتك ؟؟ عفواً على الفضول |
ما في شي بدون سبب .. واكيد تصرفاتها في لها سبب .. حاول تشوف الأسباب وتعالجها بحكمة ..
وإذا بتقول ما في سبب فإسمح ان اقول ان زوجتك دليعة وما عندها احساس .. الله يهديها إن شاء الله ويسخرها لك يااااارب .. |
مبروك الزواج اخوي .. خمس شهور فترة قليله جدا عشان كل منكم يعرف طبع الاخر .. انتو محتاجين لمدة خمس سنوات عشان كل واحد يعرف الاخر معرفه تاااامه يعني لساتك في بداية المشوااار .. طوووول بالك اخوي .. كل ما تحتاجه هو الصبر و المصارحه اول بأول .. و خليك حنون و انت تنصحها .. كأن الاب اللي ينصح و يدلل ابنته .. و في نفس الوقت اذا ما نفذت الامر اللي طلبته منها خليك حااازم معها .. واذا زعلت منك لا تراضيها بسرعه .. اتركها تفكر في كلامك و راح تلاقيها تجي و تعتذر منك .. بعدين الكلام اللي انت قلته لنا نسخه و خليها تقرأه عشان تعرف وش في نفسك عليها .. واضح ان زوجتك صغيره في السن و ما عندها اي فكره عن الزوج و الزواااااج .. اصبر عليها يا اخي واذا شفت ما في فايده تقدر بكل هدوء تكلم امها عشان تنصحها .. بالتوفيق ان شاء الله .. |
اقتباس:
2. يبدوا ان زوجتك صغيرة في السن لا تدرك الحياة الزوجية جيداً . 3. تجاهل الامور لصغر سنها اذا كانت صغيرة في السن فعليكم الهدوء ومراعاة السن . 4. لربما تستحي منك او لا توجد محبة لحد الان فعليك اشعال المحبة بشكل أكبر . |
الف مبروك الزواج
استحمل شويه ،شكل العروس صغيره في السن ثم الحمل زاد من الدلع نصيحه مني شد وارخي والله ما شاء الله صهري زوج بنتي طوعها مثل ما يريد مع ان بنتي دلوعه ولكن هو يدلعها وايضا يقول لها بس ارجع من العمل بدي البيت مرتب واريد كذا ، نصيحه مني خذ واعطي وشد وارخي كثر من امثالك في بداية الزواج حصل معهم هيك وقت يجي البيبي ما رح يكون عندها وقت تحك راسها عشان الكعب العالي ما تخاف وقت تحس انه يتعبها رح تتوقف عن لبسه ياما لبسنا الكعب العالي والآن زحف خلي فترة الحمل تمر علي خير انا ان زوجي يطعميني بيده اول زواجي ووقت بدا الوحم ما كنت اقدر اجلس معه على الطاوله ولم اكن استطيع ان آكل اي طبخه انما كنت اطبخ له بيدي وهو ينظف الجلي ما كنت اقدر اشوف الجلي صدقا غدا ستتذكر هذه الايام وتضحكو على انفسكم انت دايما ادعو الله ان يحبب زوجتك فيك ويحببك فيها |
السلام عليكم ورحمة الله وبركاته
اشكركم على المرور والردود الجميله اخواني من ناحية التفاهم والنقاش والتعليم والله علمت كثثير وقلت لها شوفي حياتي عندي اشياه احبها وابيك تمشين فيها وفي اشيا ابدا ماحبها وتجنبيها عشان تكون حياتنا مليئه بالحب والسعاده وطرحت عليها الفكره كامله ولكن بدون نتيجه من ناحية صغيره سن ماتوقع عمرها صغير الحين تقريبا عشرين وانا اكبرها بخمس سنين بس البلاء انها ماهي معتبرتني زوووج ابدا وحقوقي اللي مفروض تسويها لي مالقيتها معها عندي سؤال -- كل وحده تزوجت تبي تسوي كل شي لزوجها وتبي ترضيه وتبي تهئ له الجؤ الصافي حاولت بجميع الطرق وجميع انواع الاساليب ومانفعت معها |
اقتباس:
اخوي رضي فترة خمس شهور فتره قصيره جدا جدا حتى تتعود زوجتك على الحياه الجديده .. زوجتك فجأه صارت زوجه مسؤوله عن بيت و عن زوج و حااامل و نفسيتها تتغير بسبب الحمل .. طوول بالك شوي لا تستعجل .. لا تحكم على زوجتك الا بعد مرور سنه من على زواجكم .. زوجتك ما عندها ثقافه عن الحياه الزوجيه .. كلم امها عشان تنبهها و تعلمها حقوقها و واجباتها ناحيتك .. ارجع و اقول اصبر و لا تستعجل ووسع صدرك ..باستعجالك راح تطفش زوجتك .. |
فيه بنات تزوجو وعمارهم 15 او 17 وقايمه ببيتها وزوجها على احن قيام
|
اشكرك اختي اميرات واسال الله في هذه الليله المباركه ان يفرج هموم المهمومين ويفرج كرب المكروبين
ودليلي صبري نقصتوزني بعد زواجي 6 ك |
اقتباس:
نعم هناك بنات متزوجات صغيرات.. و الوحده فيهم قايمه بواجب زوجها على اكمل وجه لانها متعوده على المسؤوليه من هي صغيره في بيت اهلها .. يعني الام لها دور كبير في تعليم البنت و تهيئتها و اعدادها للزواج من سن صغير ... يمكن زوجتك مدلله في بيت اهلها .... و اعلم يا اخي رضى ان تحمل مسؤولية بيت و زوج ليست بالامر السهل و محتاجه الزوجه الى وقت عشان تتقن هذا الشيئ... ارجع و اقووول اصبر و تحمل ... |
هلا اخوي رضى...و مبروك الزواج...
انا اعرف وحده كانت كذا اول ما تزوجت بس نوم و اكل و لا شغله و لا مشغله..صارت مشاكل كثيره بسبب هذا و لكن مع نصح امها و خواتها و حماتها و صاروا يقولوها بكره بيتزوج عليكي و يخوفوها ..الحين صارت ما شاء الله عليها مافي انشط منها... اخي عليك بمكالمه امها و خواتها او اي احد نعرف انها رح تتأثر بكلامه... و عليك بالصبر عليها شوي خاصه انها حامل... موفق.. |
عاملها بأسلوبها تماما وخلك جاااااااااااف الى أبعد الحدود , فالزوجة المهملة اذا رأت من زوجها الركض خلف رضاها
ما تحتاج لأن تصلح من نفسها لأن زوجها ما يحتاح لذلك , لكن أريها الوجه الآخر , والفرس من خيالها |
اقتباس:
(اذا كل زوج طنش زوجته وصار جاف خربت الدنيا)... قال الله تعالى للرسول عليه أفضل الصلاة والسلام "ولو كنت فظا غليظ القلب لانفضوا من حولك" آل عمران... |
هدي بالك يا اخوي .. شوي شوي
لا تتأزم وتأزم حياتك .. مثل ما قالوا الاخوات 5 شهور قليله .. وانا فاهمه صدمة الانسان الي يحط في باله شي ولا يشوفه لكن كل شي بالهدوء ممكن ييصير .. وخذ لها العذر يمكن عشانها حامل نفسيتها سيئة وما تدري وش فيها .. يمكن تتنسى عليك وكارهتك بسبب نساتها .. النسوان كذا ويمكن بعد الشهور الاولى تتصلح نفسيتها .. اصبر شوي وخلنا نعرف وش صاير معاكم .. - هل صارت بينكم فترة خطوبة وإذا ( نعم ) سواء مكالمات أو زياارات كيف كان تعاملها معك .. هل كانت جافة ذيك الفترة مثل كذا .. وما كانت ترحب فيك ؟؟ - هل كانت كذا من بداية زواجكم أو مع الحمل تغيرت وما صارت تهتم فيك ؟؟ - هل تحس انها تحبك .. وهل قالت لك مثل هالكلام قبل ؟؟ بالنسبة لسؤالك .. عندي سؤال -- كل وحده تزوجت تبي تسوي كل شي لزوجها وتبي ترضيه وتبي تهئ له الجؤ الصافي شوف البنات حسب تربيتهم وإدراكم ينقسمون لقسمين : بنات يفكرون مثل أنت ما قلت .. يفكرون كيف يسعدون الزوج وشلون يرضونه ويكسبونه .. وهذي احلامهم طول فترة الخطوبة يكون تفكيرهم كذا وش بسوون وش بيعملون .. وانا اتوقع كثار بنات كذا إذا مو الأغلبيه في نوع ثاني يفكرون الزوج وش بيقدم لنا شلون بيدللنا وش بيسوي لنا .. وهذا النوع الي ينصدمون بالزواج بعدين لأنهم يفكرون الزوج مثل امهم و أبوهم .. وهذي تربيت المدللين زياده بس انت ما تقدر تحكم على زوجتك إلا لما تفهمها .. يمكن للحين مو متأقلمه مع الحياة الجديده بيت جديد وشخص جديد وبيبي في الطريق .. هذي المسؤليه ابد مو سهله ولا تتوقعها بتتقنها بين يوم وليله طول بالك .. |
وعليكم السلام ورحمة الله وبركاته
الله يعين ياكريم وتنجب زوجتك وينصلح حالها صادقيني ممكن تتنسى تحملها هالفترة وان شاءالله يصيرخيررر والله يسعدكم ويوفقكم ياكريم |
هي انتقلت من حياة لحياة ثانية يعني تغير جذري و 5 شهور فترة قليلة جدا إلى أن تتأقلم
لا تقارن بالغير لأن كل وحده تربت بطريقة وعلى نمط معين وهذا مو ذنبها يمكن إن اسلوبك مستفز بالنسبة لها يعني يكون بصيغة الأمر وهذا يولد عندها نوع من المقاومة فما تسوي الشيء وفي ناس طلبهم للأشياء يكون على شكل أوامر وهم ما يحسون ولا يفترضون هالشيء يمكن إنها مدللة في بيت أهلها ويبغالها فترة ليست بالقليلة لتغيير اسلوبها في الحياة ومثل ما ورد في ردود الأعضاء يعني هل كانت بينكم فترة ملكة وكيف كانت وأول زواجكم كيف كانت أحاسيسها وهل هي الأن تغيرت ولا تنسى الحمل له دور يخرب المزاج وتصير الوحده تكره نفسها واللي حولها ولا تشتهي تآكل وهي زواج وحياة جديدة وماشاء الله حمل يمكن ما كانت مستعدة نفسيا لهذه الأشياء مره وحدة ويمكن مو مستوعبة اللي يصير وحجم المسؤولية فجاها احباط ولا اكتئاب داخلي وما لها خلق شيء ولا تبي تسوي شيء ... حاول تسوون الشيء مع بعض يعني تقولها شرايك نجمع المجلات مع بعض يعني لا يكون بصيغة الأمر وبالنسبة للأكل انت عودها والحين مع الوحام انسى ترى النفسية على الأكل مو شيء وربي يصبركم ويسعدكم ويجمع بينكم على خير |
الله يعطيكم العافيه
صبحكم الله بالخير والمسرات من ناحية انها حامل ونفسيتها وهالكلام الطوويل انا مقدرها ومقدر الوضع اللي هي فيه صدقوني اني مسوي المستحيل لارضائها ولكن انا بعد لي نفسيه وتكون لي ردة فعل من تصرفاتها لازم يكون في ولاء من الطرفين بمعنى اذا شافتني زعلان مو تخليني وترروح او تجي باخر الغرفه وتقول وش فيــــــك ؟ وش هالتصرفات العمياء -- بدال ماتجي جنبي وتمسك بيدي وتراضيني زادت الطين بله اخواني الاكارم -- كل واحد فينا يبي زوجته تكون له مطيعه وتقوم بواجباتها تجاهه والعكس صحيح انا من ناحيتي رحت لها وقلت انا مقصر في شي عليك --او قد ضايقتك بشي ان بحرك وتكلمي واوعدك ماتكون مره ثانيه ردت علي بالسكوت وقالت مافي شي مقصر فيه وانتى المووضوع وماتبي تطول بالنقاش الزوجي المتعارف عليه كل واحد يبي زوجته تسويله مثلا شاهي قهوه تجيب له حلا او اي شي او تجي بس عندي تسولف بدون شي ع الاقل احس اني متزوج انا بامكاني استخدم معها طريقه ثانيه وهي الجفاف وكانها مهي موجود بالبيت لكن ارحمها واتراجع عن هالشي ماقووول الا حسبي الله ونعم الوكيل |
مع احتررامي لكل الاراء لكن انا اشوف انها مزوودتها مرررررررة
انا تزوجت وعمري 19 ولاعمرري شلت مسؤلية عند اهلي وحتى ماكنت اعررف شي عن امور البيت بتاااتا ولا احد علمني يعني لا امي علمتني ولاهم يحزنون يعني تزووجت وانا ميييييييييح لكن كان فية صديقات تلفزيون والمجلاات هذي الي تقرأها تعلم الصغير قبل الكبير عن الزوووج والزواج بشكل عااااام واتزوووجت وصرت انسانة ثااانية طبعا اذا كانت تحبك وتبغى ترضيك يعني لا يكون العذررر الدائم صغر السن الصراحة شكلها البنت اتكالية وما تبغى تتعلم معليش بس فية نمااذج كذا في المجتمع من تزوجت وهي كذا ولاتتغير ابداااا يعني اذا ماتاكل معااك يمكن حتى لو عندها عشرة عيال ماراح تاكل معاك واذ على الكعب العالي خليها برااحتها الين هي من نفسها تسيبها يعني لا تجبرها على شي ابداااا وفهمها نظااامك والي انت كنت تتمنى زوجتك تسويلك هوووو وان شااء الله تتغير حاوووول معها مرار وتكرار الين ربك يفرجهاااا معليش ذا ضاايقتك بصراحتي لكن الحيااة يبغالهااا تعب حبتين اذا تحبهاااا خذ بيدها الين تتعلم وتتغير للأفضل لا تكوون متشائم وتفكر بالنكد من الان |
اقتباس:
ارسلت لها رسائل بالحيل وبما اني شاعرحتى القصيد وكان مضمون القصيده الاشياء اللي سوتها فيني واللي ابيها تتجنبها وكان ردها مشين للغايه ولم تعتذر عما فعلت بعد ماعرفت وش اللي مضايقني فيها ابيات من القصيد أأهـ يادنيا الشقـــا غربلتنــي ان جيت اعدل فيك عود مال الثانـــي كنت احسبك قلبي لاشكــيت وكنت احسبك جنبي لازعـــلت الابيات كثيره لكم تحياتي |
ضعهم لنا خلينا نشوف القصيد ابداعك
لازم تشد وترخي ثم ما بيمنع انو تقرص لها اذنها قليلا انو تفكر تتزوج عليها ورح تسكنهم مع بعض |
- هل صارت بينكم فترة خطوبة وإذا ( نعم ) سواء مكالمات أو زياارات كيف كان تعاملها معك ..
هل كانت جافة ذيك الفترة مثل كذا .. وما كانت ترحب فيك ؟؟ - هل كانت كذا من بداية زواجكم أو مع الحمل تغيرت وما صارت تهتم فيك ؟؟ - هل تحس انها تحبك .. وهل قالت لك مثل هالكلام قبل ؟؟ |
اقتباس:
السلام عليكم ورحمة الله وبركاته نعم كان فيه فترة خطوبه والمكالمات انا كنت اكلمها شبه يومي وهي ماقد دقت علي ابداا او ع الاقل دق علي اشتقتلك 2 ايه كانت جافه وكنت انجن من تصرفاتها بس حبيتها 3كانت تهتم بس مو ذلك الاهتمااام طبعا هي تقول انا الحين هلفتره ماقدر اسوي شي ومتوحمه وممكن اقصر بحقوقك وهذا اللي مصبرني عليها ولو تعدت فترة الوحام وهي ماتعدلت بيكون ششي ثاني 4 هذا الله العالم لاني ملاحظت انها تحبني ولاقت سمعت منها هالكلمه الا اذا طلبتها تقولها |
هذي قصيدتي اللي ارثي حالي فيها وحال زوجتي لي
انـــــا بليت بحــــــبك من هبالي ولا انت ضلا مالـــــي فيــه مقيال خيرك لغيري والشقاء والعناء لي والمشكله اني عارف كل الاحوال ارمي بروحي في بحرك الزلالي وتنسفني امواجك على يابس الجال الله يغير الحال بغيره |
بسم الله الرحمن الرحيم
الواضح مثل ما أنا شايفه والله أعلم .. ان السالفه مو سالفه صغر سن أو حقوق ووجبات أو مسؤوليه بدليل أنها قالت لك فترة وحام وراح أقصر في حقوقك .. يعني هي فاهمه لذلك أنا أقول - أترك لها الفرصه أنها تستوعب الواقع الي هي فيه وتتأقلم معاه - أترك لها فرصة أنها تحبك وتدخل قلبها .. - أترك لها فرصة تكتشف شخصيتك وأخلاقك وصفاتك الحلوة - أترك لها فرصة تحاور نفسها وتعرف أنها مقصرة معك وأنك ما تستاهل هذا الجفاء في المعامله وأنت يا أخوي اصبر عليها وطول بالك .. إلى أن تولد بالسلامة .. ولا تستهين بفترة الوحام تراها صعبة حيل .. ولو استمرت ما تعطيك وجه .. أو ما تجلس تاكل معك .. أو ما تعاملك معاملة الزوجات المحبات ذاك الوقت لكل حادث حديث |
وش الحل برااايكم وينكم عنــــــي ضاقت بي الدنيا
|
ونعم بالله
زرد غبا تزد حبا اتركها هيه تجي وراك تسال في ناس هذا طبعهم يحبو الي يجافيهم و الي جنبهم ويسال فيهم يملوه ويتركوه |
| الساعة الآن 11:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©