|
حال امي و ابي !
هذي صديقتي تقولكم مشكلتها وتبي رايكم اخليكم معها
[SIZEالسلام عليكم ورحمة الله الموضوع باختصار ان ابوي تزوج على امي بعد حياه مثاليه من حب وتفاهم ولكن اراد الله ان يتزوج بعد موافقت امي ووقوفها الى جانبه لانه حلف وتعهد لامي انه لن يتغير مهما صار .. وتزوج انسانه ان شاء الله ان فيها خير وسكنت مع امي واخواني الان وجود ابوي في البيت ضروري الان اخواني في سن المراهقه وكل يوم مشاكل.. ,.. امي عاملتها كأخت لها وهي طيبه وكانت حياتهم تمام ... وابوي الحمدالله كان زين مع امي الى هنا تمام ,,, المشكله: ان ابوي تغير على امي تغير فضيييييييييييييع مرررره شي يعور القلب حتى اختي الصغيره لاحظت واخواني صاروا يقولون ابونا مايبغانا يبغى زوجته وبس ومتغيير علينا وصارت زوجته كل حياته ادا كانت موجوده يكون ابوي في قمة السعاده سوالف وضحك وادا سافرت الى اهلها الله لايوريكم حزن وضيقه صدر .. ولا سوالف ولا شي امي ماكانها موجوده حتى النظره مايناظر فيها ولا ينطق اسمها السوالف لزوجته والنظرااات لها وملابسه كلها عند زوجته بس يمكن لبس قديم حاطه تسكيته لامي وصا ر هو وزوجته كل شوي مشاااااوير وروحات وامي حتى المستشفى ما يوديها يقول خلي عيالك يودونك واخواني مراااااااااهقين يرفعون الضغط على امي ويسرعون في السياره ويشغلون الاغاني وتتعب امي معهم مررره ... وهي مواعيدها في منطقه بعيده مررررررره يطق مشوار زي العسل على قلبه....واشياء واشياء كثيره ومواقف تقهر. حتى النوم مع امي ينام في زاويه السرير كانه خاااايف,,كله كوم والاسلوب الجاف كوم صحيح هو مايصارخ ولايرفع صوته بس مطنشهها .... آآآآآه الله يكون في عون امي كانت الكل في الكل صبرت معاه على كل شي ووقفت معاه في ازماته . امي الله يحفظها تعبت نفسيتها مره .. تعبنا وحنا نكلم ابوي وننصحه انه يرجع زي اول مع امي آآآآآآآآآآآه من نجد تعبنا وامي بعد تعبت صعب والله صعب انك تشوف امك وابوي بعد السعاده يعيشون ها الوضع وتشوف القهر والضيق في عيون امك ..... خاااايفه على ابوي من العقاب وخاااايفه على امي من القهر خصوصا ان ضغطها دائما عااااالي حتى مع العلاج الدكاتره يقولون ليش انت كدا ضغطك عااااالي!!!!! يارب احفظها من كل شر يارب طبعا امي كلمت ابوي كم مره واحنا ماخلينا شي بس لاحياة لمن تنادي امي صبرها نفد وماهي قادره تتحمل خلاص ولا ندي ايش الحل الله يفرجها من عنده ويرد ابوي لامي يارب هدا غير مشاكل اخواني اللى متعبه امي زياااااده امي مرررررررره طيبه ماترضى على زوجته ابوي شى وتحبها وزوجة ابوي بعد حبوبه بس مااااادري ليش ابوي قلب هاالقلبه على امي حاااااااااولنا نبحث على الاسباب ماحصلنا شي وسالناه ليش متغير قال لا انا ماني متغير ولا شي !!!!!!! ( على فكره زوجه ابوي كبيره ماهي صغيره وعاديه ماهي جميله مره) معلومات عن اخواني الله يصلحهم الكبير داخل دوره عسكريه ودائماااعصبي على امي كل اشوي يقول بطلع من العسكريه وامي مرررررررررره خايفه عليه الثاني ماشي في طريق يخوف وبلاوي كل فتره مشكله اتعبنا وعجزنا نعدل فيه الله يفتح على قلبه يهديه الثالث صغير في بدايه المراهقه وخااااايفين عليه مره لانه يشوف ويعرف بلاوي اخواني ينقهر مررررررره من اسلوب ابوي مع امي وبعض الاحيان يحقد على ابوي اختي في الثانوي نفسيتهااااااااااااااااامرررررر رررره تعبانه من ابوي و صااايره عصبيه مررررره وكل يوم ليش ابوي سوا كدا وليش مطنش امي وليش وليش ؟ طبعا الشي المشترك في اخواني واختي انهم يطلعون حرتهم في امي وقهرهم وامي ماهي ناقصه كفايه ابوي و وضعه معها حاولت معهم انهم ما يضايقون امي وانها معها ضغط وسكر ولازم يراعونها بس ادا عصبوا يرجعون عليها معليش كلامي ماهو مرتب ومنحاس بس الوضع صعب صعب ... تحن امي الى ايام زمان يالله كا نت حياتهم يضرب فيها المثل حياه حلووووووووووه آآآآه تصدقون امي تدعي و تقول الله يجعل اللى يتزوج على زوجته ان الله يهديه للعدل بينهم لانهم كلهم حريم مساكين ياقلبي عليك ياميمتي احنا مانبغى ابوي يتغير على زوجته لا احنا نبغى ابوي يعامل امي مثل اول او على الاقل مثل زوجته واهتمامه فيها !!!!!!!!!!!! وش الحل وايش اسوااااه؟؟؟؟؟؟؟؟؟؟؟؟؟؟ ياعالم اتقوا الله اللى ماهو قادر يعدل اوحتى شك انه مايقدر يعدل واااااااااااااااااااااااحده خير لكم اتمنا منكم الدعاء ان الله يحفظ امي وابوي ويصلح حالهم ويرد ابوي الامي ويهدي اخواني ويفرج همنا والمسلمين اجمعين ويحفظنا من كل شر ويسخر لي زوجي ويصلح لي عيالي آآآآآآآآآآآآآمييييييييييين يارب العالمين[/size] |
ياالله حبيبتي والله بكيتيني
هذا حال اغلب المعددين الا من رحم ربي سامح الله كل من كان على هذه الحال واعان الله النساء الله يعين امك ويهدي ابوك هذا اللي اقدر اقول خليها تستغفر ربها دائما بنيه الهدايه لأولادها وابوهم ............ |
مالكم الا صبر ومن الاسااااااس ماكان لازم ابوك يتزوج المفروض منعتوه :11::30::30:وبعدين ترى الزوجه الثانيه لها دخل بمشكلتكم المفروض تساعدكم وتكون بصفكم ضد ابوك والله بعين امك
|
السلام عليكم ورحمة الله وبركاته
الله يحفظ امي وابوي ويصلح حالهم ويرد ابوي الامي ويهدي اخواني ويفرج همنا والمسلمين اجمعين ويحفظنا من كل شر ويسخر لي زوجي ويصلح لي عيالي امين يارب العالمين كان الله في عونكم اخيه وعليكم الوقوف الى جانب امكم كان الله في عونها والاصرار على ابيكم وتذكيره بواجب العدل بين زوجاته ورجوع وتوبه الى الله وتسامح من امكم لن يقدر عليه الا انتم اوكلموا انسان يكون قريب الى والدكم ويسمع منه فيقوم بنصحه قبل ان تتازم المشكله وتزيد وتفقد امكم صبره او يصيبها لا قدر الله جلطه فهي مصابه بالضغط والسكر والزعل والعصبيه خطر عليها فعليكم اخيه اخراجها من ما هي فيه ومحاولت التخفيف عنها واخراجها من جوى المنزل المشحون بالمشاكل ومحاولة اقناع اخوتك الوقوف معها والتخفيف عنها ولا تستسلمي اخيه من اجل اغلى ما يملك الانسان وهما الوالدان فمهما فعلنا فلن نستطيع اعطائهم جزاء ولو بسيط من ما يبذلونه لنا فانت ام ايضا فرجا الله همكم |
والله ما ادري اش اقوول
غالبااا المشاكل بين الام والاب اعجز اعجززززز الاقيلهم حل لأنة تفكيرهم صعب لكن الله يهدي الجميع |
{ وَلَن تَسْتَطِيعُواْ أَن تَعْدِلُواْ بَيْنَ النِّسَاء وَلَوْ حَرَصْتُمْ فَلاَ تَمِيلُواْ كُلَّ الْمَيْلِ فَتَذَرُوهَا كَالْمُعَلَّقَةِ }
الاية تصور حالتكم .. ابوكِ مال لزوجته الثانيه بشكل كبير وترك أمك معلقة المشكلة أن الميل القلبي الزايد يؤدي إلى عدم العدل .. لأن الانسان ما يحس انه غير عادل الانسان يحب نفسه ويحب يروح مع الي يريحه أكثر وفي هذي الحاله ينسى أن في عليه واجبات زوجة أبوك ما في شك مريحة أبوكِ على الآخر .. وأبوكِ حابها طبعاً مو بالضرورة يكره أمك .. بس هذيك عامله له إثاره وأشباع أكثر يعني يمكن ذيك عندها اسلوب في التعامل ما عند أمك الله يحفظها وطبعاً أنا ما أنفي طيبة زوجة ابوك .. اهي ممكن تكون فعلاً طيبة وحبوبة وممكن ما يكون لها ذنب .. يعني مو اهي الي مخليه ابوك متغير وقاعدة توزه عليكم .. لا بس في غريزة النساء حب التفرد في قلب الرجل وهي غريزتها تدفعها أنها تعمل اشياء عشان تكون في مكان متفرد في قلب ابوك ونتيجة هذا أن ابوكِ حبها أكثر وتعلق فيها لكن أمك مثل ما اهي .. وابوك يحب التجديد يعني يا أمك تتحرك عشان تسترجع مكانتها .. أو تبقى كذا تموت نفسها من القهر أنا والله حاسة بقهرها .. وادري اعصابها مطحونة من هالحالة بس مشكلة المرأة أنها عاملة الزوج حياتها كلها .. يعني بس يطنشها تصير حياتها بلا معنى تحبه أكثر من حبها لنفسها .. اي حركة يعملها تشب النار في قلبها الحين أهم شي في الموضوع صحتها خليها تهتم في صحتها قعدي معاها خليها تفضفض لك وانتي حثيها تهتم في صحتها قولي لها لو صار فيكِ شي محد بينفعك .. وزجك هذا الي محترقه عشانه لو جاتك جلطة لاسمح الله بالعكس مراح تشوفينه إذا اهو يجي ينام عندك ليلة وعندها ليلة لو مرضتِ مراح تشوفه ابد وبتصير عنده حجة قوية وخليها تشوف نفسها .. خليها تطلع من جو البيت بلاش هالحبس الي هي فيه شنو قاعدة تنتظر من ابوك نظرة !! خليها تروح زيارات .. تطلع معاكم تتمشى .. تروح عن نفسها إذا يوم بتسافرون سفرة قصير مكة .. خذوها معكم تاخذ عمره يعني اي مكان عزموها تروح معكم أهم شي تبعد قد ما تقدر عن التفكير في هالسالفه وانتي قعدي كلميها وذكريها ونصحيها لا تعمل في نفسها كذا ولا تقعد تستجدي العطف من ابوكِ وإذا ابوكِ ما يصارخ ولا يضرب شي حلو خليها تحاول تتقرب منه .. خليها تاخذ المبادرة واذا سافرت ذيك أحس واحسن بعد يفضى لها الجو مو تقعد تتفرج وتحط يدها على خدها وتنتظر يعطف ويحس فيها مراح يحس فيها إذا ما حسسته بوجودها وأهميتها في حياته الله يفرج عنها ويهدي عيالها |
لا حول ولا قوة إلا بالله
طيب الثانية ما تحس ولا تقول ليش ما تطلعها مثل ما تطلعني ولا انتبه لازم تعدل لا ربي يعاقبك ولا شيء احتمال كبير يسمع منها ولا مستحيل تقول كذا الله يعينكم ويهدي القلوب |
اختي مادام تقولي ان زوجة ابوك طيبة وحبوبة وتحب امك اجلسي معاها هي وكلميها وقولي لها تكلم ابوك وتقنعه انه يعدل وتفهمه انها لانها تحبه تحب له الخير وماتبغاه يكون ظالم وربي يحاسبه وكمان هي كلميها تساعد ابوك انه يعدل ويعامل امك معاملة طيبة ..
|
عليكم بتودد الى ابيكم وطرح مافي خاطركم في اسلوب هادئ
وعليكم بكثرة الاستغفار والدعاء اعانكم الله وفرج الله كربتكم دائم الزواج الثاني تكثر المشاكل فيه لقلة العدل و عدم الخوف من الله في الزوجة الاولى |
لله يحفظ امك وابوك ويصلح حالهم ويرد ابوك لأمك ويهدي اخوانك ويفرج همكم
للأسف ما عندي نصيحة لكن حبيت ادعيلك كان الله في عونكم |
السلام عليكم ورحمة الله وبركاته
الحل ان يعزل والديك زوجتيه عن بعض لكي تتضح حقوق كلا منهما بان يكون لوالدتك بيت مستقل ولها يوم وحقوق منعزله تماما عن زوجة والدك بمعنى اذا دخل عليكم والدك يقوم بجميع شؤؤنكم ويتفرغ لااولاده المراهقين بعيد عن زوجته وعندها يفعل كل مايحلو له بعيدا عنكم |
جزاكم الله خير من جد رفعتوا معنوياتنا...والله يرزقكم ..
الاخت قمرهم كلهم وبس والله حاولت امي تمنعه من الزواج بس مانفع.. و كلمنا زوجه ابوك والله كلمناها وقلنا لها كل شي بس وش تسوي تقول اقوله ويقول بعكس لاتغيرت ولا شي .. الاخت بنت ابوي 1 الله يخليلك امك وابوك والله كلمناه بس يقول انه ماتغير.. والله نحاول نطلعها من جو البيت بس اخوي واختي الصغار مره محتاجينها وخواتي الكبار متزوجين وفي منطقه بعيده عن اهلي... الاخت باريسا..طبعا زوجة ابوي تدلعه وتقوله كلمات حب وامي اسلوبها مع ابوي مره حلو بس امي ماهي متعوده تقول لابوي كلام حب..وحنا مانقول ان زوجته تحرشه علينا ..وامي حاولت تسترجع مكانتها بس مافاد شي.. واحنا متزوجات وفي منطقه بعيده بس دايم معها بالجوال ودايم نحاول نخفف عنها.. والمشكله اذا سافرت زوجته الله لايوريك الحاله اللي يكون فيها!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!! الاخت جناين ورد والله كلمته بس يقول لها انه ماتغير ... الاخت فيافي نجد صعبه والله صعبه انها تسكن لوحدها لانه ماراح نشوف ابوي واخواني بجننون امي فوجود ابوي ضــــــــروري مره... |
يارب فرجها على امي وجميع المسلمين..
وسخر ابوي لامي يارحمن يارحيم... اللهم رد ابوي لامي ردا جميلا عاجلا غير اجلا.... |
اختي
هو والدك صار له كم من متزوج زوجته الثانيه؟؟ كلمي اخوانك بدل ما يعصبون علوالده يعرضون مشاكلهم على الوالد حتى يعرف انه مسؤل عنهم و الوالده كلميها بدل ما تمرض و يرتفع ضغطها تهتم بتربيه اولادها و تقوي اعصابها اتزوج الوالد واتغير ،،، وصار الي صار مقدر و مكتوب تصبر و تدعي وتغير من نفسها لكن اولادها كمان تخسرهم ما تجعل كل همها الوالد وتعامله الحياه بتمشي المهم الان دورها كا ام ما تفقد قيمتها وهيبتها وقوتها قدام اخوانك وتخسرهم همه كمان الوالد ملتهي بحياته الجديده مراهق و بيرجع يفوق على حاله و نفسه بس تعدي هلفتره خليها تصحصح و تمسك بزمام الامور لان ابوكي يفلت من جهه وهيه تفلت من جهه الاولاد بيضيعو خليها تقوم وتوقف وبلاش هلضعف الي هيه فيه لانها محاسبه امام الله علامانه الي عندها اولادها حيضيعو وهي بتلف علمستشفيات كلميها بهلطريقه مره و اثنين وثلاث بلاش تصوريلها وضعها انه ماساه والدها و زوجته وحياتها معاه هو بس والدك بس يشوفها قويه و بحيلها و بتامر و تنهي حيفكر و يفوق على حاله الله يكون بلعون ويصلح الاحوال |
الله يعين امك ويساعدها قولي لها تكثر من الدعاء والاستغفار
|
باديء ذي بدء ..
تحية إجلال وإكبار لهذه الأم ( الزوجة الأولى ).. تحية إجلال وإكبار لهذه الأم ( الزوجة الأولى ).. تحية إجلال وإكبار لهذه الأم ( الزوجة الأولى ).. وتحية إجلال وإكبار لهذه للزوجة الثانية .. وتحية إجلال وإكبار لهذه للزوجة الثانية .. وتحية إجلال وإكبار لهذه للزوجة الثانية .. على هذا التفاهم والصدق في المعاملة وعدم تكبير المشكلة وجعلها صراع أزلي بين الزوجتين .. بل والإحساس بالمسؤولية ومحاولة تجنب الأخطاء والدفع بدفة هذه السفينة إلى بر الأمان ..ومطالبة الزوجة الثانية بحق الزوجة الأولى .. يعني ما شاء الله تبارك الله .. وتحية إجلال وإكبار لهذه الأخت الفاضلة التي حملت الهم مع عائلتها الكريمة وكانت تريد الوصول إلى الحق من غير ميل إلى هوى النفس أو إفساد على الآخرين .. لكن عندي سؤال بسيط .. الوالد - الله يحفظه من كل شر - كم له متزوج من سنة ؟؟ أنا باعتقادي أن الوالد يعيش فيما يسمى بالسكرة أقصد سكرة الحب ..ولا أدل على ذلك من أنه أنكر عدم تغيره .. لكن من باب الإعتذار عن هذا الوالد - خصوصاً أنه كان والد متميز وفاضل - أنه كان يعيش شيء من النقص كان موجوداً في زوجته الأولى .. عوض هذا النقص الزوجة الثانية ولعل المسألة فيها شيء من الوضوح من كون المشكلة في الفراش أو في نقص اظهار المشاعر بالكلام والغزل او بسبب انشغال الزوجة الأولى بأعباء المنزل.. وأقول إن المسألة مسألة وقت قد يطول .. حتى يرتوي هذا الزوج من الشيء الذي كان يفتقده .. على أني أفضل أن تكون كل زوجة منفصلة بسكن عن الأخرى لكن يكون ملاصق أو مقارب حتى لا يفر الرجل من أبناءه .. لكن من باب التذكير بالنصيحة .. الله الله في زوجة أبيكم .. فإنها غداً أما لإخوانكم فمن لإخوانكم إذا مات أبوكم .. وهذه القضية يغفل عنها كثير من الناس وهم لا يعلمون أن في عز اخوانهم عزا لهم وفي ذل اخوانهم مصيبة لهم أيضاً.. وكـــــــان الله في عون هذه العائلة .. |
الاخ او الاخت الغربه مره شكرا علي الرد بس حابه اوضح لك اشياء
اولا ابوي متزوج له 3 سنوات ثانيا امي الله يحفظها عندها ضغط وسكر واللي تتحمله امي الجبال ماتحمله ..امي تحاول تمسك بزمام الامور وتحافظ علينا...وامي عمرها ما اهملت اخواني ابد....بس ابوي وجوده ضــــــــــــــروري مره... |
الاخ المقنع التميمي الله يسعدك دنيا واخره والله كلامك يشرح الصدر...
ابوي متزوج له 3سنوات.. ابوي وامي قبل كانوا زي العسل واكثر بعد.. وامي ماقصرت مع ابوي في شي كانت له سند فالدنيا وابوي عمره ماعاش في نقص كانت امي موفره له كل شي حتي اذا تضايقة كانت تخبي عليه..وكان ابوي شايل امي فوق حتي مع اهل امي الله يرحمهم ابوي كان من كثر حبه لامي كان يعتبر اهلها اهله وكان يحبهم..وكنا عايشين حياه مره حلوه حياه مثاليه من جد.وامي عمرها ماانشغلة عن ابوي في شي وامي عطت ابوي عمرها وحياتها وقلبها كله ومابخلت عليه بش واحنا عيالهم كنا نشوف كل الحب والاهتمام قدامنا ..بس الحين نشوف العكس والتغير الفضيع من جد كلانا منصدمين.. بس ابوي الله يسامحه من دون سبب شاف اخوانه تزوجوا وسوا زيهم..وجدي ابو ابوي كان يقنع ابوي انه يتزوج ويصير عنده ولد صغير لان اصغر اخواني في سن المراهق... وصعبه ياخ مقنع ان ابي وزوجته يسكنون لوحدهم حتي لو كان قريب.. انت لو تشوف وضع اخواني كان ماقلت هذا الكلام... وزوجة ابوي من حسن حضها انها جت عندنا انا ماامدح اهلي لكن هذه الحقيقه والله شاهد... |
شوفي يا قلبي
سجلي لها الرقيه الشرعيه الشامله وسورة البقره خليها تسمعهم كل يوم بالبدايه بصوت خافت وشويه وشويه ترفع الصوت في البيت القرآن الكريم يغسل الهموم وشفاء من كل داء وايضا الصدقه اذا تقدري تصدقي بنية الشفاء لامك ورح تلاقي ان اخواتك ايضا انصلح حالهم بفضل الله سبحانه وتعالى لا اعلم اذا قرأت هنا قصة سلة الفحم والقرآن الكريم واذا كنتي قرأتيها ام لا اذا تحبو اكتبها باختصار قصه جميله |
|
اقتباس:
ومشكوره على القصه..ويارب يرزقك من حيث لاتحتسبين وجميع المسلمين.. |
صدقيني ما دام نيتكم طيبه نحو زوجة ابوكم فلا تخافين بيجي اليوم اللي يرجع فيه ابوك لامك بس الحين ماخذته فرحة الزواج الجديد ومتعته لكن مثل ما قالت الاخت اللي قبل كلموا زوجة ابوكم انها تنصح زوجها وانتوا عاملوا زوجة ابوكم طيب حتى توقف معكم وبعدين بلاش تكثرون من التذمر والشكوى قدام اخةانك الاخرين وقولي لامك انخا تظهر السعاده قدامهم لان العكس جعل المشاكل واحتجاج اخوان يطيح على راسها بعدين ليش ابوك جامع امك وزوجته في بيت واحد اقترحي عليه انه يجعل كل زوجه في بيت واحد حاى ما تنقهر امك لانها تشوف كل شي قدامها على الاقل خليها ما تدري عن اللي بينها بعدين لا تدقق امك على كل شي انا عاذرتها وادري ن الامر قهر بالنسبة لها لكن يا اختي علشان تحافظ على بيتها وتكسب ابوك لازم من الصبر والتضحيه لكن نصيحه لا تقلبون على زوجة ابوكم وتنتقمون من اهمال ابوكم لامكم من زوجة ابوكم لانها المسكينه ما لها ذني هؤلاء الرجال اذا تغيروا الله يستر منهم وحاولوا تكسبون زوجة ابوكم لان الشي هذا راح يرضي ابوكم والله ييسر امركم ويوفق الجميع
|
مشكوره اختي والله يسمع منك وان شاء الله ابوي يرجع لامي.. وزوجة ابوي كلمته لكن يقول انه ماتغير ولاشي !!!!! وبعدين احنا نعامل زوجته احسن معامله وكاننا اهلها ولاشافت منا اي شي شين ابد..احنا نخاف الله ... وامي ماتشتكي ابد بس اخواني يشوفون المعامله الجافه من ابوي لامي..وامي بالعكس دايم قدام اخواني تحاول تقدم اعذار لابوي... والله صعبه ان ابوي يطلع لبيت لوحده لان اخواني مراهقين وانتي اكيد قراتي وضعهم لذلك محتاجين وجوده في البيت..ولو طلع لبيت لوحده اكيد ماراح نشوفه.وامي صابره ومتحمله اشياء واشياء والله الجبال ماتحملها وتضحي عشاننا.. واحنا زي ماقلت نخاف الله وعارفين انها مالها ذنب.بالعكس هي مره مبسوطه معنا ومع امي بذات..وابوي يشوف معاملتنا الزينه معاها....بس ماادري ابوي ايش فيه!!!! امي ماقصرت ابد سواء دورها كزوجه او كام... |
لااله الا الله...
اتمني كل من يدخل يقراء الموضوع يدعي لامي... ويقراء الموضوع بتمعن... |
أسأل الله أن يرد والدك لوالدتك ردا جميلا وان يشفيها ويصلح اولادها
والدك لابد أن يجلس معه أحد ويحادثه عن أهمية اهتمامه باولاده المراهقين حتى لا ينحرفوا وأن يذكره بزوجته ام أولاده وما لها من الفضل عليه وان ما يحصل لها م تعب وعناء هو سبب فيه فسيحاسبه الله عليه ولكن ابحثي عن أحد من أقاربك يستطيع أن يقوم بهذا الأمر وله مكانة عند والدك |
اقتباس:
معلومه: امي الله يحفظها ماتدري اننا منزلين موضوع عن حالة ابوي معاها.... |
اللهم يامسخر البحر لموسى والريح لسليمان سخر ابوي لامي..
اللهم كما صبيت محبت عائشه في قلب حبيبنا محمد صلي الله عليه وسلم صب محبت امي في قلب ابوي وارنا ذالك.... |
وين الاخوات ولاخوان ابغا مساعدتكم بعد الله لحل عالمشكله..
اين الاخ المجاهد؟؟؟؟؟ |
أسأل الله أن يرد والدك لوالدتك ردا جميلا وان يشفيها ويصلح حال اولادها . أكثري من الإستغفار و الدعاء له وإن شاءالله يرجع مثل أول وأحسن .. |
الله يستجيب منك ..
املي فيكم بعد الله عز وجل |
الله يكون بعونكم ويهدي ابوك على امك واولاده... ويهدي اخوانك على امك .... هو ابوك متى تزوج زوجته الثانية؟؟؟ اذا توهم معرسين اكيد لهذا السبب منجذب للزوجة الثانية بهذي الطريقة ومصيره يمل وتصير عادية.. و في هذاك الوقت راح يرجع مثل الاول...
انتي حاولي تكلمي ابوك انه حب وانجذب لزوجتك الثانية مثل ما تبي بس امي لا تهملها فرحها بكلمة حلوة ومشوار مهما تكون بينكم عشرة ... وكلميه باسلوب طلب (( ترجيه)) مو تأمريه... والله يهديه على والدتك لان والله صعبة بعد العشرة ما تسمع كلمة طيبة... |
الله يستجيب لدعأك
ابوي متزوج له 3سنوات,, والله حاولني نكلمه بس مصر علي انه ماتغير ولاشي.... |
| الساعة الآن 11:00 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©