|
أرجو مساعدتكم في إيجاد هذه السلعة
بسم الله الرحمن الرحيم السلام عليكم ورحمة الله وبركاته حبيباتي أتمنى تساعدوني إن شاء الله بنروح مكة الأسبوع الجاي وبنسكن عند الحرم بإذنه سبحانه ادعوا لنا بالتيسير المهم تعرفوا عندي خطاب عمره قريب ال3 سنوات ماشاء الله وانا شفت من قبل حاجة زي الحبل تربطه الأم في ايدها زي الإسورة وتربط الجهة الثانية بولدها عشان مايضيع انا اليوم دورتها في مذركير ماحصلتها وكمان دورت في الصيدلية وماحصلت ياليت تعلموني فين ألقاها ...ضروري لإني بجد شايل هم واخاف على ولدي حركته كثيرة الله يحفظه وثاني شي انا قبل سنة لما رحت الحرم منعوني أدخل بالعربية حقت الطفل ....هل مازال المنع مستمر؟ عشان أشوف أجيبها ولا لأ. أرجو منكم التكرم والرد وبدعيلكم إن شاء الله في الحرم جزاكم الله خير تحيــــــــــــــــــــــــــاتي |
عرفتها شوفي يا ام غانم تلاقيها في تويز ار اس..(toys R us)
امي الله يخليها كانت تستخدمها لنا و احنا صغار.. بس انتبهي فيه اللي تلبسية الطفل مثل الاسورة سهل انه الطفل يكفها..و كنا دائما نفكها لحد ما جابت ماما لنا وحدة مستحيل فكها..لانها من الظهر..يعني ما فييييه امل :d:d:d ( ترى ما كنا اشقياء ابداً بس ماما الله يخليها تخاف علينا ) http://up2.m5zn.com/photo/2009/3/4/04/br0f8x0c3.jpg/jpg و فيه كمان منها مثل الشنطة تلبسيها الطفل..و يكون معها مثل الحبل فيها اسورة تلبسيها.. http://up2.m5zn.com/photo/2009/3/4/04/wvjto5ekn.jpg/jpg عمرة مقبولة ولاتنسينا من دعائك |
هلا الماسه
انا اشتريتها من مذركير بالرياض بخمسين ريال ولمن رحت لمكه لقيتها عند بن داوود ب35 وانقهرت لكن زوجي يقول اكيد حقت مذركير اقوى واحسن:) لان اللي عند بن داووود ماركه فارلين(اظن اسمها كذا) ولو مالقيتيها عند بن داوود بتلاقينها في مذركير اللي بعماره زمزم(وقف الملك عبدالعزيز) انا راجعه قريب وشفتها متوفره عندهم دعواتك لي |
وبالنسبه لمنع العربيات
اي مازال مستمر وبقوه فاضطريت اني اخذ لولدي من عربيات الحرم لانه صعب مره اشيله طول الوقت |
اقتباس:
ايووووووووا هي هاذي صح ياشيخة ربي يسعدك دنيا وآخرة ويرزقك الذرية الصالحة قولي آميـــــــن بس يجون عاقلين مو زي خطاب الله يصلحه أما الشنطة شكلها يجنن مرة والله فرحت لما شفتها هي هاذي اللي أدورها ياسلااااام الله يخليكي لي ياكيوتي ويحفظك وبدعيلك إن شاء الله شكرا جزيلا لك ياعسل تحيـــــــــــــــــــــــاتي |
اقتباس:
هلا فيكي حبيبتي أنا رحت لمذركير اللي بجدة ماحصلتها عندهم للأسف مايهم ياختي السعر أهم شي مايضيعوا الله يحفظهم لنا يااااارب الله يسعدك حبيبتي بشوف ال تويز ار اس وإن شاء الله ألقاها وعاد اذا مالقيتها بشوف اللي في مكة وربي يعين ويساعد مشكورة ياعسل والله لا يحرمني منكم كلكم |
اقتباس:
لا بالله خسااااااارة والله يتعبوا خاصة عندي ابو 8 شهور صعب أشيله وأمسك الثاني وقت الصلاة بس هل عربيات الحرم خاصة بالإطفال يعني ولا كيف؟ جزاك الله خير ياعسل وربي يسعدك ويوفقك دنيا وآخرة تحيـــــــــــــــــــــــاتي |
عزيزتي محل البيبي شوب موجود فيه النوعين انا اشتريت منه
موفقة تحياتي |
طب يا اختي ليش ما تاخذي كرسي السياره لطفلك ابو 8 شهور
خاصه لصلاه الفجر او العشاء ما اعرف النظام كيف يكون بلحرم بلنسبه للحبل ا لي ينمسك بالايد اذا ما حصلتيها اعملي وحده مثلها عند الخياط زمان من نروح للحرم كنتا شوفهم يسوها الحاجه ام الاختراع:d |
اقتباس:
واللي يركبوها كبار السن ويوزعوها بالحرم للمحتاجين وترجع لهم وفي عربيات اجار في الحرم بالكهرب لكنها ماتناسبني تناسب بس للكبار اللي بيجلسون عليها وانا احتاجها لولدي بس وانا اخذتها لان احتاجها جدااااا وقت العمره لانه مو معقول اشيل ابني طول ماانا اعتمر |
اختي الحبل العادي تلاقينه بسيتي بلازا محلات بيبي شوب انا لسه شايفته قريب
وبالنسبه للعربيات مايدخلوها انا ابني عمره 3 شهوور ورفضوا يدخلونها بس لاحضت انه لما تكون مو زحمه المسعى ممكن يسمح لك اللي عند الباب او تحطيها بالامانات او عند الحارس اللي عند الباب عشان اول ماتطلعي من الحرم ترتاحي شويه وتحطيه فيها بالساحه وطول الطريق عمره مقبوله ان شاءالله |
بشري ام غانم حصلتيها ؟؟
|
موجودة حبيبتى فى بيبى شوب انا حصلت اثنين واحده حقت اليد من سيتى بلازا اما اصدر كانت من محل مستلزمات الاطفال فى مكه فى سوق الحجاز جانب مكتبة جرير اذا حصلت اللى تكون باليد ربطيها فى مكان دخول الحزام فى بنطلون ولدك من الخلف يسمونها البعض (عروه)اللى يدخل فيها الحزام يصير ما يقدر يفكها ابددددددا اما ولدك الصغير الافضل انك تشترى شيالة اللى تلبسينها على صدرك او ظهرك مرره ممتازه وتخف عنكى
|
كريستال رحت للبيبي شوب قال خلصت مافيش شكرا لك ياقلبي الغربة مره والله صادقة اذا ماحصلتها بسوي عند الخياط حبل واربطه في البنطلون وبعدين تجوني تشترون مني .بسوي فيه حركات ..:d مشكورة ياعسل اسبريسو مشكورة ياعسل ربي يعين ويسهل إن شاء الله مشكورة ياقمر شربات ياعسل انا رحت لهم قالوا خلصت اللي في الكتف شفت اللي بالحبل بس ينفك بسرعة والله يحفظه ولدي بيسوي المستحيل عشان يتحرر :18: الله يسعدك ياعسل وشكرا لك حبيباتي الله يسعدكم ويجزيكم بكل خير إن شاء الله بدعيلكم لما أروح الحرم وماراح أنساكم ياحلوين تحيـــــــــــــــــــــــــاتي |
اقتباس:
ياحبيبتي يوم الخميس دورت السوق كله ورحت لتويز ار اس اللي في الروشان وكمان مافي :29: بس اليوم بروح للفرع الكبير اللي في شارع التحلية وإن شاء الله بحصله والله تعبت دايما أشوفها وما أشتريها لأني ماأحتاجها سبحان الله دحين عشان أبغاها ماني لاقيتها الله المستعان تسلمي ياعسل وشكرا لك ولإهتمامك ببلغك على طول إذا لقيتها ماراح أنساكي من دعواتي بإذن الله جزاك الله خيرا تحيـــــــــــــــــــــــاتي |
اقتباس:
بشوف هذا اللي في مكة اذا ماحصلتها بجدة وصح فكرتك...قلت اذا يئست بشتري الحبل واربطه بالبنطلون وعندي ياعسل الشيالة بس تبين جسمي لا حطيتها وتتعب الظهر الله يحفظهم جزاك الله خير ياعسل ومشكورة بدعيلك إن شاء الله تحيــــــــــــــــــــاتي |
حبيبتى البسى عليها شيله طويله ماتبين شئ عمره مقبوله ان شاء الله
|
و الله الفكرة حلوة اول مرة اشوفها
تلزم لابني الله يهديه كثييييييييييييير الحركة |
جبيبتى اذا ماحصلتيها والله اجيبلك حقت ولدى اقابلك واعطيكى هى ولا يهمك
|
| الساعة الآن 03:25 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©