|
تعبت من زوجتي الماديه
تصدقون فيه يوم من الايام كان بيني وبين زوجتي خلاف على موضوع مالي وقالت ( انا بصراحه انسانه ماديه ) يعني ان الفلوس هي من يتحكم بسلوكها ومن بعد ذاك اليوم وهي طايحه من عيني .
بصراحه انا الوالد من كبار تجار الرياض ومعروف ولله الحمد بالسمعه التجاريه الطيبه ووضعه المالي جدا ممتاز والموضوع اني انا احاول بقدر المستطاع اني ما احتاج له وهو ما يقصر ابدا معي لو اطلبه لكن انا ابي اعتمد على نفسي وبصراحه انا امر بوضع مالي صعب لكن ولله الحمد الامور جيده لكن السيوله عندي ضعيفه حيث ان معظم سيولتي في شركه اسستها مع احد الاخوان ووضع الشركه متوسط والقسم الاخر من السيوله قضت عليها الاسهم ولا اخفيكم علم بأني ملتزم على زوجتي بأعطاءها مصروف شهري ما بين 3000 ريال و2500 ريال شهريا غير بعض المبالغ الي اشتريها معها اذا رحت للسوق معها وايضا غير شنطه ماركه على الاقل مره بالسنه وبالنسبه لها هذا المبلغ ما يجيب حتى تيور واحد لها ودايم تزعجني لدرجه انها قالت دبر نفسك حتى لو تسرق المشكله انها تتهمني بالبخل لدرجه ان اصبحت احول لها الفلوس عن طريق حواله النت عشان اعرف كم اعطيها عشان ما اظلمها وتكون بينه عليها ومره من المرات اتهمتني بأني اقصر وبالاصح بالبخل معها واني ما عطيها بكفايه رجعت للنت وشفت اني محول لها في هذاك الشهر 6000 ريال . المشكله معها انها ما تشتري الا الغالي جدا من لوي فيتون ودي اند جي وغيرها من هذا المحلات واكيد ان المبلغ هذا لن يكفي مع هذه المحلات . وامس ازعجتني وتبكي ورسائل وكأني انا ظالمها وتقول دولابي فاضي ولو تجي اي عزيمه انا ما اروح. تصدقون عاد من اسلوبها صرت اذكر المسلسلات وطلبات الحريم الا ما يهمهم الا انفسهم وزجتي تشبههم في الاسلوب. سؤالي هل انا محق في تصرفي او فعلا اناظالمها ؟ لأني بجد انا اعاني من ازمه سيوله هل تصرفي بأني لم اطلب من ابوي شيء صحيح ؟ وش نصيحتكم لي وكيفية معاملتها ؟ خصوصا اني كنت اول اصرف عليه اكثر من الحين بكثير جدا وايضا كانت غير راضيه نوعا ما . ملاحظه هي تحبني موت في حالتين بس اذا سفرتها او اذا اعطيتها ودلعتها بالفلوس وقبل ما نسى ابوها يعطيها حصه لها في عقار من 15 الى 20 الف ريال يعني بأخر السنه تصرف 50 الف ريال تقريبا اذا ما جمعنا المبالغ هذي. |
الي تعود ياخذ
ما يعطي سواء انت او زوجتك اليس هو من زوجك وصرف عليك و فهمت زوجتك من خلال ذلك ان والدك هو من سيصرف عليكم ان لم تطلب الان ستطلب بعد حين ،، و انك لن تصمد امام هذه الحاله لفتره طويله لانك تسالنا راينا ان كان تصرفك صحيح ام لا وكانك تريدنا ان نقول لك ،،، ابوك موجود و اطلب منه حتى ترتاح من وجع الراس و هذا بعد ما رزقكم الله بلذريه و طلباتهما لكثيره اسفه لقسوتي ،،، لكن هذا هو حال من يصرف عليه والده |
لا حول ولا قوة إلا بالله.
زوجتك اعتادت على البذخ .... وفي نفس الوقت هي لا تفهم أن ظروف الزوج قد يصيبها التقلب وعدم الاستقرار ... وأنها (مطالبة) بالتكيف مع هذه الظروف حتى يأتي الفرج من رب العباد. لا تكلف نفسك فوق طاقتك يا أخي .. وإن كنت ترى أنك تنفق عليها بما يرضي الله وبما يتناسب مع وضعك المالي الحالي فلا تلتفت لطلباتها الزائدة ولا تسمح لكلمة (بخيل) أن تؤثر فيك. ولا تطلب من والدك حتى تصرف على زوجتك وترضيها .. لأن طلباتها تدخل ضمن الكماليات التي يمكن الاستغناء عنها .. ولأنك مهما حاولت مجاراتها فإنها لن تشبع ولن تكف عن المطالبة بالمزيد .... وصدقني من يدخل في معمعة الماركات والبضائع (اللي لازم تكون غالية) فلن يكفيه مال قارون .. لذلك هي بحاجة إلى حزم وصرامة حتى تكف عن هذا الدلع. |
أعوذ بالله من هكذا زوجات...
يا أخي هذه غلطتك فأنت منذ البداية لم تضع خطوطا حمراء... 6000 ريال في الشهر على حقائب وكماليات...أنت محاسب أمام الله على هذا الإسراف والتبذير... يا أخي هناك أناس يتمنون أن يشبعوا ولو لمرة واحدة.. أنصحك بأن تقف وقفة حازمة مع زوجتك وتعلمها بأنك لن تقبل بهذا الوضع من الآن وصاعدا...لا تأبه لبكائها وتعاستها...ولا تطلب من والدك النقود على أمور تافهة... ولا تنسى قول الله تعالى..( ثم لتسألن يومئذ عن النعيم ) [سورة التكاثر].. .. تحياتي.. [caution] يرجى تحري الدقة عند الاستشهاد من القرآن الكريم الإشراف [/caution] |
اخوي باختصار علمها ان الدنيا فانية وكل الملابس والشنط والذهب ماراح تنفعها بالقبر ,,
انا اعتقد ان 3000 ريال تكفي وتزيد بس انصحها لا بغت تشتري شي خلتشتري الشي اللي يعجبها مو يعجب الناس لانه ماركه !! وفيه حديث بس مو حافظته بس بما معناه ان اللي يلبس لبس عشان الناس الله يلبسه لبس من نار يوم القيامه وابوك ماهو ملزوم يصرف عليك وعلى زوجتك ,, جزاه الله خير وماقصر وانت لاتسمح لنفسك تاخذ منه عشان كماليات زوجتك وحاول تقنع زوجتك ان تصبر عليك لين الله يفرجها وتنتهي ازمة السيوله والسموووحه اذا قلت شي غلط |
عفوا اخي انت ليس ببخيل ولكن انت من شجعها على هذا الصرف ولكن يجب ان تتأقلم زوجتك على الوضع الحالي ولالالالا تطلب من ابوك ابددا لانه خلاص ادى مهمته معك ومش حلوة تطلبه بنفس الوقت احس بزوجتك لاني امر بنفس الظروف حاليا ولكن الحمدلله الله مصبرني واكيد راح تفرج اذا زوجتك شنطة وحدة ماركة انا اقل شي 7 بالسنة الوحدة واخذ اغلى الماركات شنط وجزم وملابس لي ولاولادي من اغلى بيوت الماركات العالمية بس الحين لالالالا لاول مرة من 8 سنوات شنطتي ما اغيرها لبستها ف العيدين وانا صابرة لاني متاكدة انه عمره مابخل علينا بشي واكيد بتفرج مع العلم اني اقدر اخذ من فلوسي بس ما ابي احسسه انه مش قادر والله اني ادفع مصاريف المدارس الخاصة وبعض الملابس لعيالي واوقات معاش الخدم بدون مايدري اقوله اووه نسيت انت كنت مش موجود او او او بس لانه يستاهل والله يفرج كربتنا وكربتكم واسفة ع الاطالة
|
أعتقد ان المشكلة في نوعية صديقاتها اللي مصاحبتهم و قريباتها و الله أعلم
لأني غالباً المرأة لما تصرف تكون بتقارن نفسها بالأخريات و تشعر انها لازم تبذخ أكتر منهم كثير من النساء تفكر بهذه الطريقة لكن يختلف الأمر حسب الصديقات و حسب المستوى المادي لهن الحل أخي حاول معها بالاقناع و الكلمة الطيبة مع الحزم طبعاً زوجي دائما بحكيلي قصص الفقراء اللي بقراها في الانترنت كي يشعرني بالنعم اللي انا فيها و ضرورة عدم رمي الأشياء و الأكل في الزبالة أكتر قصة أثرت فيني قصة امرأة موريتانية فقيرة كانت تعيش على جمع حبات الرز من بين الرمل و التراب و التي تسقط من السيارات التي تنقل الرز و تمر في الطريق أمام بيتها ابحث عن القصة في الانترنت و ارسلها لزوجتك او احكيها لها زوجتك لازم تشوف هدول الناس و تسمع قصصهم بشكل مستمر و تستشعر مراقبة الله عز و جل لنا انصحها تكثر صدقاتها تكفل يتيم او أكثر تصرف عليهم و تتابع أخبارهم طالما لديها مصروفها الخاص عرّفها بفضل الصدقة و انصحها تكثر من قراءة سورة التكاثر في صلواتها بسم الله الرحمن الرحيم : أَلْهَاكُمُ التَّكَاثُرُ حَتَّى زُرْتُمُ الْمَقَابِرَ كَلَّا سَوْفَ تَعْلَمُونَ ثُمَّ كَلَّا سَوْفَ تَعْلَمُونَ كَلَّا لَوْ تَعْلَمُونَ عِلْمَ الْيَقِينِ لَتَرَوُنَّ الْجَحِيمَ ثُمَّ لَتَرَوُنَّهَا عَيْنَ الْيَقِينِ ثُمَّ لَتُسْأَلُنَّ يَوْمَئِذٍ عَنِ النَّعِيمِ . و مع الوقت ان شاء الله ستتغير صدقني |
اقتباس:
الاخ يقول ثلاثه الاف تكفي،،، وصاحب الموضوع يقول ستة الاف ريال. يقول المثل وينشئ ناشئ الفتيان منــــــا ،، على ما كان عوده ابوه. فعلاً من شب على شيء شاب عليه والله يكون بعونك على ما اقترفته يدااااك كل الدعوات لك يا الغالي با التوفيق |
الله يعينك اخوي ... شوف اذا تبي تحل المشكلة نهائياً اجلس معها واتفقوا على مبلغ شهري معين ما يزيد مهما كانت الظروف واعتقد في حدود 2500 بالنسبة لوضعك اتوقع انه مناسب. اما وضعها الحالي بصراحة جداً مزعج.
حبيت اذكرك اخوي انه لا تتوقع انك راح ترجع العربة على القطار بسهولة المسألة تحتاج تفاهم وبعض الشدة حتى تستقيم الأمور . اخوي حاول تحل هذي المشكلة لأنها مشكلة دائمة وراح تسبب لك ازعاج دائم والله يوفقك اخوي.... |
الصراحه صعب تتغير وصعب جدا انك تاقلمها انها تتماشى مع ظروفك ... مبين انها بنت خير ومتعوده على البذخ ... يعني موانت اللي عودتها انت مااخذها كذا متعوده ...
كيف مجتمعك ؟؟؟ هل خواتك واهلك وبنات اعمامك يصرفون نفس لشي ؟؟؟ كيف مجتمعها بعد هي ؟؟؟ يعني صعبه اذا مجتمعكم كذا تصير هي اقل وحده فيهم ... تخيلوا اني اعرف وحده تقول اشتري من بربري ملابس لعيالي البدله على 4 الاف بس عشان يلبسونها اذا اجتمعوا مع اهل ابوهم ... وله انا مايهمني حتى لو يلبسوا ابو عشرة .. يعني مجتمعكم له دور في الموضوع ... |
اقتباس:
مجتمعنا كذا شغل فشخره وفلانه لبست وفلانه اشترت انا كما اسلفت ملتزم كحد ادنى بهذا المبلغ لكن قد اعطيها 5000 او 6000 ريال بس لن يقل عن المبلغ الذي ذكرته . بصراحه اليوم قررت اعطيها 15 الف بس بيجي الصيف وبرضوه بتطلب 10 او حتى 15 الف لفستان لزواج احد اقرباءنا وبصراحه ما اقدار اقول لا لأن كل اخواتي يشترون كذا وبجد نشتغل والحريم يصرفونه بيوم وبعد يعتبرونه حق ومالك منه فيه بعد ياليت كذا وبس تطلب شنطه او ثنتين وبعدها ساعه وبعدها لأزم اسافر واتسوق والخ.......وكل ما اقول كثرتي تقول خذ من ابوك وشف اخواتك وش يلبسون وش يشترون وانا مو اقل منهم شكلها مفكره اني انا الغني مو ابوي بصراحه بديت اطفش منها واسلوبها. وبصراحه انا مفهمها ان الوضع الحالي لي بينتهي ان شاء الله وبعدها خذي راحتك لأنه عندنا مصاريف كثيره بسبب احد مشاريعنا الحاليه والتي اتوقع تنتهي من سنه الى سنه ونصف بالكثير لكن هي لا تقدر تفكر باليوم وبس والمستقبل آخر اهتمماتها. |
احيانا الجدال في بعض الامور يعقدها ما يحلها .. و حالتك ما ينفع معها الجدل .. معقول ما تقدر تقول لزوجتك هذا المبلغ اللي اقدر اوفره لك عاجبك اهلا و سهلا .. مو عاجبك بكيفك كلام زايد ما ابغى اسمع .. وتتركها وتمشي عنها .. وش بتسوي يعني .. بتزعل لها كم يوم بعدين راح تقبل بالوضع خاصه اذا شافتك مو جايب لها خبر و مطنشها .... صعبه جدا اذا كان الشريك لا يقدر وضع و ظروف شريك حياته .. قوي قلبك اخوي و خليك حااازم .. و لا تنسى ان المبذرين كانوا اخوان الشياطين .. |
بصراحة الله يعينك... انا من تزوجت الى يومك ما طلبت من زوجي مصروف شهري أحيان ودي بس بصراحه استحي اخاف يقول ماديه علماً انه لو عطاني الفين نعمه ... بالعكس بصراحه افكر للمستقبل وكيف نأمنه أفضل وهذا اللي نسويه الحين وبنفس الوقت مو مقصر معي ابد بس لأن طلباتي عقلانية بعد وحتى انا مو مقصره على نفسي الحمدلله و الماركات كلن يعرفها وكلن عنده بس الظاهر زوجتك عندها هوس....
على العموم حاول تعطيها مصروفها وتقول ما فيه اي زيادات عليه الا في ظروف طارئة مثل مناسبة كبيره وذات صلة وثيقه ممكن. الله يصلح احوالكم وتذكر ان اللي يجي بسهوله يروح بسهوله.. |
اقتباس:
تبين الجد بعض النساء ما يفكرون بالمستقبل مو من قل فهم بس عشان هم فاهمين ( بعض النساء مو كلهم ) ان اذا ما صرفت الفلوس الحين زوجها بيصرفها على زوجة الثانيه في المستقبل يعني اتغدى عليه قبل لا يتعشى علي .:d |
اللي مثل نوع زوجتك لو تعطسها بالذهب ماشبعت يبدو انها مايملا عينها الا التراب ياعزيزي لا تنسي انك بيوم من الايام بتكون كبير في السن وتحتاج من يقف بجنبك ويحبك انصحك بالبحث عنها اخاف عليك ان ترميك غدا ويبدو لي انها تزوجتك اصلا على اساس مادي -- والله اعلم -- زوجتك هذي راح تظل انها بوضع المظلمومه ((يااااااأخي 6000 ريال مايكفيها ))بالله انت قلي ايش تتوقع نهايتها والة متى هذا الكلام وصدقني لو مره بترفض صدقني ماراح يبقى لك ولا حسنه ولا اي رصيد حلو وانت قلت انها تحبك اذا سفرتها او اشتريت لها شئ غالي طيب انت كشخص لك حق انك تنحب لذاتك -- انت تستاهل المحبه على طيبتك وطيب نيتك -- بالاخير يمكن كلامي مو عاجبك ولا عاجب وحده من العضوات لكن ح تتذكره بعدين بالاخير اتمنى كل كل الخير والتوفيق ياااااااارب واتمنى يارب ان يحبب زوجتك فيك او يرزقك الفتاه التي تحبك لذاتك ولطيبتك واعذرني على ازعاجك الكريم |
ياخي قولوا الحمدلله والله العظيم ربي راح يسالكم على اموالكم هذه اللي تبعثروها على اشياء تافهة ..
ياما رجال موظفين رواتبهم ماتتعدى 1500 و2000 حرام عليكم والله حراااااااااااااااااااااااااااااااااام انت صاحب شركة وادرى .. (لن تزول قدمي بن ادم حتى يسال عن ثلاث ومنها ماله من اين اكتسبه وفيما انفقه ) انا معاك ان ربي منعم عليكم وعاطيكم واما بنعمة ربك فحدث بس مو بالشكل هذا اتقوا الله .. (وكلواواشربواولاتسرفوا إنه لايحب المسرفين) [الأعراف:31] ( ولا تبذروا تبذيراً . إن المبذرين كانوا إخوان الشياطين . وكان الشيطان لربه كفوراً . ) الإسراء 26 ـ 27 ووالله العظيم اني قبل يومين لقيت ايميل في بريدي مقارنة بين صور للاغنياء وتبذيرهم للاموال بالباطل واسرافهم في الولائم والموائد اللي معباة بما لذ وطاب بكميات هاااااااائلة جدا جدا والوجودين لايتجاوزون اعشرين شخص .. وبين صور لفقراء من شتى بقاع الارض والمجاعات واثر الصور اللي اثرت فيني ان طفل لم يتجاوز الخمس سنوات تقريبا يمشي ويطيح من الجوع وبدون ملابس عاري والنسر يتتبعه منتظر متى يموت عشان ياكله لانه ياكل بس الجثث .. وصورة ثانية لشاب في 17 او 18 من العمر عاري تماما يقف خلف بقرة وياكل من برازها والله العظيم اني دمعت لما شفتها وغيرها كثير من الصور المؤثرة انت سوي بحث في قوقل عن صور لمجاعات افريقيا وغيرها ووري زوجتك يمكن يحن قلبها وتتبرع بقيمة فستان والا شنطة وحتى اخواتك كمان لا حول ولا قوة الا بالله .. [caution] يرجى تحري الدقة عند الإستشهاد من القرآن الكريم الإشراف [/caution] |
لاحول ولا قوة الا بالله
والله ما شدني ولا جذبني لموضوعك الا كمية المبالغ اللي تصرفوها اذا مصروف الزوجة الخاص 3 الاف اجل مصروفك ومصروف البيت كم ؟ والله حرام كل هذا التبذير والاسراف الحمد لله دخلنا الشهري كله ما يتجاوز 4000 رايحة في الديون والاقساط وعايشين بخير ونعمة وعندنا بنوتة والثاني في الطريق القناعة يا أخي كنز لا يفني واذا كان رب البيت بالدف ضارباً .... فشيمة أهل البيت الرقص خلي لك خطة واستراتيجية تمشي عليها بيتك وحياتك وزوجتك واولادك في المستقبل لاتكونوا امعة ، ماشين مع المجتمع وبس واذا قالت شوف اخواتك ، قلها شوفي هذولا الفقراء والمساكين ابوي الله يجزاه خير علمني حكمة قال : في امور الدنيا ، دااايما شوفي اللي اقل منك واحمدي الله على النعمة وفي امور الاخرة ، دااايما شوفي اللي احسن منك وتشجعي تصيري زيه وأحسن اخي لازم تتغيروا ، مو لازم تمشوا مع المجتمع الفاسد هذا انا عارفة كيف مجتمع اهل الرياض ، واحد اسباب رفضي العيشة هناك هو اهتمام اهلها بالمظاهر انتو في مواجهة وتحدي مع المجتمع ، فاكسبوا التحدي ولا تنهزموا |
كلام الاخوات جميل
اسأل الله تعالى ان يهديها و يعقلها |
السلام عليكم ،،
من الخطأ أن تعمم حالة زوجتك على باقي النساء ، وأخشى أن تقرأ ماكتبته العضوات في المنتدى وصرفياتهن البسيطة فتزاد غضباً على زوجتك ،، وتزداد مشكلتك تعقيداً ياأخي المجتمعات تختلف ،، تختلف تماماً ،، فكما يشتري فلان سيارة بمئة ألف ويراها فخمة للغاية الآخر يشتري بمليون ونصف ولايهتم لشأنها كثيراً لابد من مراعاة المستوى الذي تعيش فيه الزوجة أنا بذلك لا أدعو زوجتك للإسراف أو أرى معها الحق لأني لا أعرف ظروفكما تماماً وكيف يصرف المال لكن أريدك أن تعذرها وتحاول أن تحتويها وتقنعها بالأسلوب الطيب وتسترضيها بالكلام اللين وأبشر بالأجر ،، |
أنت تقول ما تحبك إلا إذا سفرتها أو صرفت عليها ..!! مشكلة والله
يعني هم مزوجينك بنتهم عشان فلوسك .. مو عشان شخصيتك وذاتك !! لا وتقول حتى لو تسرق عادي !! والله حاله صحيح مادية فوق العاده يعني صحيح القصص الي نشوفها بالمسلسلات مو كذب ولا خيال يا اخوي في بيوت تعيش على 4000 أو 5000 وناس اقل من كذا .. بس وش نقول أنتوا مجتمعكم كذا .. وانت خذتها من بيت اهلها كذا .. وخواتك نفس الشي وش تبيها تصير يعني .. ؟؟ هي بنت نعمه .. بنت تجار متعودين ما ينقصهم شي .. كل طلباتهم مجابه هي مو بنت نبي عشان تصبر على القله وما تهمها المظاهر الانسان بيئته هي الي تأثر في تفكيره وتصرفه .. إلا من رحم ربي ويمكن ما نلومها لأن الانسان صعب ينزل عن مستواه الي متعود عليه صعب وضغت اعصاب .. تبيها تكون قنوعه .. لازم تكون عاشت الحاجة في يوم من الايام عشان تعرف القناعه لازم تكون شخصيتها قوية ولا تحس بالاضمحلال أمام المال و الكماليات لكن معظم الناس هليام تعطي قيمة لنفسها من خلال ما يملكه من المال والدنيا تساعد على هالتفكير الدنيا كلها صايره مادية .. ما أدري وش اقول .. بس الشخصية الي تبيها ما تتكون غالباً في مثل هالبيئات الباذخه الشخصية القنوعه الي تبيها تتكون في البيئات الي تعطي للأنسان قيمة حسب تفكيره وتعامله وما يقدم من أعمال نافعه مو حسب الي يلبس والي ياكل والي يسكن الله يعينك .. حالول معها بالحوار أنك تعوضها بس تتحسن أحوالك .. قلها عشان خاطري وإذا تحبيني و قلبك علي صبري هالفترة .. قول لها أن مو ثيابك الي تعطيك قيمة في عيني .. أنا أحبك لشخصيتك وروحك وتعاملك وأتمنى بعد أنتي تحبيني لذاتي وشخصي .. ترى الدنيا مو كلها فلوس .. الفلوس تروح وترجع .. القلوب الصافية المحبة المخلصة هي الي تبقى والرحة النفسة مو في الي تلبسيه .. قد ماهي احساسك اني احبك ومخلص لك ولا في قلبي غيرك قول لها أنا ما ابي ابوي يصرف علي .. الانسان ماله قيمة إلا إذا كون نفسه بنفسه وانا ابي اكون نفسي عسى الله يهديها |
انا في نظرري انة الوحدة لو عاشت عند اهلها بنعمة
واتزوجت واحد على قد حالة راح تعيش معاة على الحلوة والمررة وما تهما الفلوس لأنها تكون شايفة خير واخر همها الماااديات وعينها مليااانة وهمها رضى زووجها فقط يعني لا احد يبررلها انها عاشت بمستوى وزوجها مجبر يعيشها نفس المستوى لاااااا لأنة ياما بنااات عاشو عيشة كررريمة تلاقيها عند زووجها مصروفها 100 او 200 وماااشية امورها من احسن ما يكون االقناعة كنز لا يفنى وراحت البال مو بصررف الفلوس لكن زوجتك حالنها صعبة ونظرتهااا قاصرة على جيبك فقط لاغيررررر حااول تحرمها شهر بس من المصرروف وشوف ردت فعلهااااا بسسسسسسس |
اخوي
انا زوجي مايعطيني مصروف شهري ابدااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااا شوفوا الفرق! |
معقوووووووول لا تستطيع أن تسيطر على مصاريف زوجتك .. اش فايدتك كرجل
صدق من قال .. الفرس من خيالها |
انا كل مدخولي اللي تعطيني اياه الدوله بيد زوجي
ولا يعطيني منه اي شي الا نادرا جدا ويا ويلي اذا فتحت فمي |
السلام عليكم
اخي .. الصراحة انا عندي انتقاد بسيط اتمنى ان ما يزعا احد.. الصراحة انت غلطان انك تكتب موضوع مثل هذا في اي مكان عام ما تعرف شنو اوضاع الناس الموجودة.. في بعض العوائل مدخولها الشهري لها و لعيالها ما يوصل المبالغ الي تتكلم عنها فاكيد الكل بيتهجم و حضرتك تبي الي يوقف معاك مو ضدك انت تقول ان مستواكم بالعايلة الحمدلله خير و نعمة و فوق الممتاز.. فالمفروض تستشير حد من الي مستواهم مثلكم اخوك خواتك او الوالد .. استشارة فقط هم بيساعدونك بالنصائح الي تناسب اوضاعكم و مستواكم المعيشي لما تقولي لوي فيتون و دي ان جي ولا حتى 10000 ريال راح تكفيكم بالشهر !! و السفر ما راح يكفيكم 50000 ريال اذا بتاخذ ماركات .. هذا مو اسراف بوجهة نظري لانكم اصلا عايشين جذي و اهلك بالمستوى هذا و انت لما خذيت زوجتك عارف هي بنت من و اشمستواها عند اهلها ! يعني انت المفروض مو مصدوم من هالطلبات كل الي عليك انك تكلمها بعقلانية و بهدوء و اذا قدرت تدخل حد من اهلها او اي شخص عزيز عليكم و له كلمة .. يفهمها يعني شنو المستقبل و اشمعناته انك ما تبي تعتمد على الوالد و تبي تبني نفسك .. و اوعدها ان كل الخير الي قادم لها منه نصيب افضل من الآن .. الدنيا ما تمشي على طول على هوانا يوم لك و يوم عليك ذكرها بالي اقل منها و خلها تحس بالنعمة الي هي فيها.. انا بتكلم شخصيا عن تجربتي .. كنت مثل زوجتك و اكثر لكن الآن نمر بضروف صعبة صارلنا اكثر من سنتين انا طلبت من زوجي يوقف المصروف .. و لا اذكر متى آخر مره طلبت منه غرض لنفسي لانه باختصار تناقشنا عن اوضاعنا و هذه حال الدنيا و لله الحمد ما همني الي حوالي و لم احس بيوم ان اقل مستوى من احد ! يعني باختصار النقاش بهدوء مع الكلمة الطيبة هي الحل.. اسال الله لنا و لكم و جميع المسلمين التوفيق |
مادري ليش ابدااا ما اقتنعت بالمبرر اللي يقول .. دام انه مستواكم الاجتماعي كذا .. واهلها كذا .. واهلك كذا .. اذن انتو غير مسرفين !!!
هل مقياس الاسراف .. البيئة اللي نشأ فيها الانسان ؟؟ ام ان المقياس يتعدى البيئة ليشمل المجتمع والعالم ككل ؟؟؟؟ ليش مانشوف احوال الفقراء في كل انحاء العالم ؟ ليش نظرتنا قاصرة على المجتمع المحيط والبيئة اللي نشأنا فيها ؟ انا شخصياً _والحمد لله_ نشأت في بيئة مشابهة للبيئة اللي نشأ فيها الاخ ، وزوجته لكن الحمد لله الوالد ربانا على القناعة ، والفشخرة الكذابة والمظاهر ما اتربينا عليها ابداااا ولما اخدت زوجي اخدته على قد حاله _بالنسبة لمستوى اهلي_ ومع ذلك تكيفت معاه مو معناة كلامي اني اقلب الرجال على زوجته _حاشا وكلا_ لكن ابغى اوضح انه الخلل مو في البيئة ولا في المجتمع المحيط فيهم الخلل في طريقة تفكير الزوجة ، وعدم قناعتها باللي يجيها من زوجها للاسف ، ماعندي حل لتغيير طريقة تفكيرها ونظرتها وتقييمها للامور الا انك تخليها تطلع على احوال الناس من حولنا يمكن تتغير الله يصلحها ويهديها يارب |
اقول معليش اسمحلي زوجتك ما تخاف الله..!!
والله حرام الشي هذا انت معطيها اكثر من اللازم وهي طمعت زياده وغيرها مو لاقي ياكل ولا يشرب!! حنا مانقول لا تشتري لها شنطه او لبس غالي لكن بحدود مو متى مابغت قلتلها اوكي!! وربي بيحاسبك يوم القيامه على كل ريال ووين انفقته؟؟!! (وكلواواشربواولاتسرفوا إنه لايحب المسرفين) [الأعراف:31] [caution] يرجى التأكد من الآيات قبل الاستشهاد بها الإشراف [/caution] |
والله انا لو مكانك
اقولها هذا المقسوم اذا تبين زياده اشتغلي واصرفي على كمالياتك انا شخصيا ...اعترف ..احب هالامور..لانه مجتمعنا يفرض ذلك .. ولكن ابدا لا اكلف زوجي فوق طاقته...بل الامور الكماليه اصرفها من راتبي الشخصي... وصدقني بعدها احسست بمعنى الفلوس اللي تجي بعد تعب..وعرفت معنى التوفير |
كنت باكتب نفس ماكتب الاعضاء
لو انني مارايت برنامج يتكلم عن نساء كحال زوجتك صنفن على انهن مصابات بهوس التسوق بدليل اتها تقول دولابي فاضي 00 ماعندي ماالبسه هاي من اعراضه يعني احتمال تكون زوجتك مصابة بهذا المرض وتحتاج الى علاج |
| الساعة الآن 11:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©